Blog

Uzi Yitzhak n’abamuherekeje bashyikiriza inka Niyonsaba

Niyonsaba yari mu gahinda gakomeye kubera inka ye yahawe muri Girinka muri 2012, ariko muri 2015 iza kwibwa n’umushumba wayiragiraga.

Uwo mukecuru avuga ko n’ubwo umushumba yayibye yaje kuboneka ndetse uwayibye akurikiranwa n’ubutabera, gusa yongeye kwibwa muri uwo mwaka noneho ayiburira irengero, ariko muri 2020 ayisanga mu rwuri rw’umusirikare.

Niyonsaba avuga ko yaburanye mu kagari aratsinda, ariko bigiye mu rukiko aratsindwa kubera amakuru yatanzwe n’Umunyamabanga Nshingwabikorwa w’Umurenge wa Rugerero, waje no guhabwa igihano cyo guhagarikwa ku kazi amezi atatu, azira gutanga amakuru yatumye umuturage atsindwa.

N’ubwo Niyonsaba yatsinzwe, Akarere ka Rubavu kamusabye kujurira ndetse gatanga ibimenyetso bigaragaza ko inka ari iye ariko birangira atsinzwe.

Niyonsaba yaje gushumbushwa n’abakerarugendo ba Isiraheli

Umuryango wa Uzi Yitzhak waje mu Rwanda mu bukerarugendo, utemberezwa na Beautful Rwanda Tours, ikigo gishinzwe gutembereza abanyamahanga basura u Rwanda, aho basura ahantu nyaburanga hamwe n’abantu bakora ibikorwa bigaragaza umuco w’Abanyarwanda.

Umukozi wa Beautful Rwanda Tours yabwiye Kigali Today ko abanyamahanga basura u Rwanda, bamenyeshwa ahantu nyaburanga hasurwa n’ibikorwa bisurwa bagahitamo ibyo bashaka.

Yagize ati 'Iyo baje tubaratira ibyiza by’u Rwanda harimo n’ibikorwa by’Abanyarwanda, batubajije ibyo bagiramo uruhare, tubabwira ko hari byinshi harimo na gahunda ya Girinka yatangijwe na Perezida kagame, barishima ndetse bifuza na bo kugira uruhare muri iyi gahunda.'

Abo mu muryango wa Uzi Yitzhak bishimiye umuco nyarwanda basangirira ikigage

Uyu mukozi yabwiye Kigali Today ko inka yatanzwe ari iya gatatu nyuma y’inka yatanzwe mu Karere ka Nyamasheke, Musanze n’iyatanzwe mu Karere ka Rubavu.

Umuryango wa Uzi Yitzhak wishimiye guha inka Umunyarwanda, uvuga ko bishimiye gukora igikorwa kizagirira akamaro Umunyarwanda.

Bati 'Twasanze Abanyarwanda ari beza, bakunda gukora kandi bafite igihugu cyiza. Twishimiye kugira umuntu dufasha kuko tubakunda.'

Umuyobozi wungirije w’Akarere ka Rubavu, Ishimwe Pacifique, yabwiye Kigali Today ko uwahawe inka yari ku rutonde rw’abagomba kuyihabwa.

Ati 'Twarimo gushaka inka yo gushumbusha uyu mubyeyi nyuma yo gutsindwa, gusa ubwo twarimo dushaka inka tugomba kumushumbusha, twamenye aya makuru meza.'

Ishimwe avuga ko uretse Niyonsaba, umuco utemera ko Umunyarwanda worojwe igicaniro kitazima, ahubwo bagomba kumushumbusha bamushakira indi nka.

Niyonsaba wahawe inka avuga ko yari afite agahinda ko kubura inka yakunze kandi yabanye nayo, ariko Imana ikaba imushumbushije.

Yagize ati 'Inka yanjye abaturage bari bayizi, gusa ntibyakunze ko nyigumana. Ndishimye ko mpawe indi kandi n’abanyamahanga.'

Abakozi b’ikigo cya Beautful Rwanda Tours, babwiye Kigali Today ko Akarere ka Rubavu tariki 19 Gashyantare 2022, kazakira indi nka izatangwa n’umukerarugendo.

Ibyo gushyira hanze iyi filime byatangajwe na Zari yifashishije imbuga nkoranyambaga. hari aho yagize ati”Africa ntigeze mbona mbere. Birahambaye, biteye ubwuzu kandi nanjye byankozeho. Ntukwiye gucikwa 'Young, Famous & African' izasohoka muri Werurwe tariki 18 izahsyirwa kuri Netflix gusa”.

Iyi filime izaba azaba igizwe na epizode 7 yavuzweho n’ibi byamamare mu 2021. Aba bombi bavuze ko bazagaragaza ubuzima bwabo bwite muri iyi filime. Cyakora nyuma yo kuvuga ibi ibitangazamakuru byinshi byavuze ko iyi filime igiye kubahuza ishobora kongera kubyutsa umubano wabo mu buryo budasanzwe!  Diamond nawe yagaragaje ko iyi filime izaba irimo umuco abisangiza abakunzi be kumbuga nkoranyambaga. Ukurikije agace gato kashyizwe hanze umuntu yakwita imbanziriza mushinga mu buryo bwo kwamamaza iyi filime, isa n’iyatwaye ubushobozi buhambaye.

Izagaragaramo ibyamamare mu ngeri zitandukanye byo muri Nigeria, Africa y’Epfo ndetse no muri Africa y’uburasirazuba. Muri ibi byamamare harimo nka Khanyi Mbau, Diamond Platnumz, Annie Macaulay-Idibia, 2Baba, Zari, Andile Ncube n’abandi.

Ba Senateri Mukakarangwa ubanza na Kanyarukiga ku ruhande rwo hirya, basuye isoko rya Goico

Abo Kigali Today yasanze bacururiza mu isoko rinini rizwi nka Goico Plaza, barimo n’abacururiza ku ma seta yegereye ahashyizwe ibikoresho bigenewe kuzimya inkongi z’umuriro, ariko bakaba batazi uko bikoreshwa.

Barimo uwagize ati 'Nkanjye urabona ko aha ndodera imyenda nkora negamiye urukuta bometseho kizimyamoto, ariko nkurahiye ukuri kose ko ntazi n’aho nakanda mu buryo bwihuse ngo nzimye inkongi y’umuriro mu gihe yaramuka ibayeho. Nawe urareba ukuntu muri iri soko, hagaragara uruvunganzoka rw’abantu bagurisha n’abahaha, ubwo se icyo cyago cy’inkongi kituziye uretse kuba abantu bose bakizwa n’amaguru, urabona ikindi twakora ari ikihe? Twe nk’abacuruzi bari ahangaha, hafi ya twese uretse kurebesha amaso ibi bikoresha, simpamya ko hari benshi babihugukiwe'.

Gahunda ya Guverinoma y’imyaka irindwi, kimwe n’amabwiriza ya Minisitiri w’Intebe No 001/2 yo kuwa 11/07/2014, biteganya ingamba zihamye mu kurinda umutekano w’abantu, n’uburyo bwo gukumira inkongi z’umuriro ku baturage.

Ni muri urwo rwego itsinda ry’Abasenateri ari bo Mukakarangwa Clothilde na Kanyarukiga Ephrem, bo muri Komisiyo y’Ububanyi n’Amahanga, Ubutwererane n’Umutekano, ku wa Mbere tariki 14 Gashyantare 2022, ryasuye Akarere ka Musanze, bagamije kureba uko ingamba z’ubwirinzi bw’inkongi z’umuriro zishyirwa mu bikorwa.

Barebye uko ingamba zo gukumira inkongi z’umuriro zishyirwa mu bikorwa

Senateri Mukakarangwa Clothilde wari uriyoboye, asanga n’ubwo hari intambwe igenda iterwa mu kunoza ingamba zo kwirinda inkongi z’umuriro, hakwiye no gushyirwa imbaraga mu gufasha abaturage kuzamura imyumvire mu kuzikumira.

Yagize ati 'Hari ibintu byinshi bigaragara nka nyirabayazana w’impanuka zishingiye ku nkongi z’umuriro, zishobora guturuka ku bumenyi budahagije ku ikoreshwa ry’amashanyarazi, ikoreshwa rya gaz, n’ibindi bitandukanye. Usanga bigikeneye ko abaturage bahabwa amakuru ahagije y’uburyo bitwararika ku ikoreshwa ryabyo, ariko no kumenya uko bakwikorera ubutabazi bw’ibanze, igihe bibaye ngombwa. Twasabye ubuyobozi bw’Akarere gushyiraho izo ngamba zihamye, kugira ngo birusheho gutanga umusaruro, inkongi zikigaragara hamwe na hamwe zigabanuke ku rugero rufatika'.

Uturere 18 twatoranyijwe mu gihugu hose, nitwo Abasenateri bagize iyi Komisiyo barimo gusura, ahahurira abantu benshi nko mu masoko, insengero, inyubako za Leta n’iz’abikorera, bagamije kureba uburyo ishyirwa mu bikorwa ry’amabwiriza yo gukumira inkongi z’umuriro ryubahirizwa, no kumenya urwego rw’ubumenyi abaturage bariho mu gushyira mu bikorwa ayo mabwiriza.

Zimwe mu mbogamizi zikibangamiye Politiki yo gukumira inkongi z’umuriro, nk’uko byagaragaje na Polisi y’u Rwanda ikorera mu Ntara y’Amajyaruguru, harimo ibikoresho bigenewe kwifashishwa mu kuzimya inkongi bidahagije, urugero itanga ni nk’aho imodoka igenewe kuzimya inkongi y’umuriro ikoreshwa mu turere twose tugize iyi Ntara ari imwe, ibituma habaho inzitizi mu gutanga ubutabazi bwihuse.

Hari abahamya ko bakeneye ubumenyi bwo gukoresha ibyabugenewe mu kuzimya inkongi z’umuriro

Mu zindi zigaragazwa ni imyumvire y’abaturage ikiri hasi, ituma bo ubwabo badafata ingamba zo gukumira inkongi z’umuriro nk’ikibazo kibareba.

Umuyobozi w’Akarere ka Musanze, Ramuli Janvier, ahamya ko bagiye kongera ubufatanye hagati y’inzego, harimo abikorera ndetse na Polisi, yaba mu gukora ubugenzuzi bw’inyubako zaba iza Leta n’iz’abikorera mu buryo buhoraho, no gufasha abaturage kongera ubumenyi bw’ingamba zo gukumira inkongi.

Yagize ati 'Urebye ingamba zo kwigisha abaturage kurwanya inkongi z’umuriro, wasangaga tutaziha umwihariko wazo, ugasanga n’ubwo bukangurambaga bwigisha gukumira inkongi, tubukora mu gihe hari nk’ahantu yagaragaye. Ubu isomo tuvanye muri uru ruzinduko rw’abasenateri, ni uko tugiye kujya dushyira umwihariko w’ubukangurambaga mu igenamigambi ry’ibikorwa by’akarere rihoraho, tutarindiriye kwigisha abaturage ari uko hari ikibazo cyagaragaye'.

Ati 'Ikindi ni no kujya tugenzura mu buryo buhoraho ko amabwiriza agenewe mu gukumira inkongi z’umuriro yubahirizwa, cyane cyane dufatanyije n’abikorera, kuko iyo izo nkongi z’umuriro zibayeho, usanga ari bo zigiraho ingaruka z’umwihariko'.

Mu Karere ka Musanze guhera mu mwaka wa 2018 kugeza ubu, habarurwa impanuka zishingiye ku nkongi z’umuriro zigera kuri 20, muri uwo mwaka ndetse n’uwakurikiyeho wa 2019, hihariye impanuka z’inkongi zigera kuri 14 zabayeho, ibigaragaza ko mu myaka yakurikiyeho, zagiye zigabanuka.

Gusa ibi ngo ntibikwiye gutuma abaturage birara, ari nabyo ubuyobozi buheraho bwemeza ko bugiye kurushaho kongera ubukanguramba.

Shampiyona y’icyiciro cya mbere mu mpira w’amaguru irakomeza kuri uyu wa Gatatu tariki 16/02 ndetse no ku wa Kane bukeye bwaho, aho umukino utegerejwe na benshi ari umukino uzahuza AS Kigali na Kiyovu Sports.

Mu mukino ubanza wahuje aya makipe, ikipe ya AS Kigali yari yanyagiye Kiyovu Sports ibitego 4-0, ubu ikipe ya Kiyovu Sports yahize kwihimura kuri iyi kipe basangiye umuterankunga ari wo mujyi wa Kigali.

Uyu mukino ntabwo Ahoyikuye Jean Paul wa AS Kigali azabasha gukina na Kiyovu Sports yahoze akinira kubera amakarita.

Ruboneka Jean Bosco utari wemerewe gukina imikino y’umunsi wa 16 wa shampiyona ubu azaba yagarutse

Ku wa Gatatu tariki 16/02/2022

Marines FC vs Gorilla FC, Umuganda Stadium (15h00)
Gasogi United FC vs Mukura VS&L, Kigali Stadium (12h30)
Etoile de L’Est FC vs Gicumbi FC, Ngoma Stadium (15h00)
Musanze FC vs APR FC. Ubworoherane Stadium (15h00)
Kiyovu SC vs AS Kigali, Kigali Stadium (15h00)

Ku wa Kane tariki 17/02/2022

Espoir FC Police FC, Rusizi Stadium (15h00)
Etincelles FC vs Bugesera FC, Umuganda Stadium (15h00)
Rayon Sports FC vs Rutsiro FC, Kigali Stadium (15h00)

Abakinnyi batemerewe gukina imikino y’umunsi wa 17 kubera amakarita

1. AHOYIKUYE JEAN PAUL (AS KIGALI)
2. BIZIMANA IBUTIHADJI (ETINCELLES FC)
3. NSENGIMANA DOMINIQUE (ETINCELLES FC)
4. RUSHEMA CHRIS (MARINE FC)
5. KAYUMBA SOTHER (MUKURA VS&L)

Ni ikibazo cyakomeje kugenda gifata indi ntera uko iminsi yagiye ishira ndetse imibare iheruka gutangazwa n'ubuyobozi igaragaza ko hari imitavu irenga 80 imaze kuribwa n'izo nyamaswa.

Kuri ubu ariko, iki kibazo mu gihe gikomeje kuvugutirwa umuti, ku gice gikora mu karere ka Ngororero, aborozi batangiye gushishikarizwa kubaka ingombe cyangwa se 'ibiraro' birazwamo izo nyana.

Umuyobozi w'Akarere ka Ngororero, Nkusi Christophe yabwiye RBA dukesha iyi nkuru ko kubakira inyana ingombe ari kimwe mu bisubizo by'igihe gito.

Meya Nkusi yavuze kandi ko biri gushyirwa mu bikorwa mu gihe hataraboneka igisubizo kirambye cyo gutandukanya Inzuri na Pariki ya Gishwati – Mukura.

Inzuri zikora kuri Gishwati-Mukura muri aka karere ziri mu mirenge ya Kavumu, Muhanda na Sovu. Kugeza ubu muri iyi mirenge habarurwa inyana 17 zariwe n'inyamaswa, 7 ziravurwa zirakira mu gihe 10 zo zapfuye.

Aborozi bo muri izi nzuri bavuga ko bishimiye ko inzego zitandukanye ziri kubafasha gukemura icyo kibazo cyatangiye kugaragara mu mwaka wa 2019.

Mu karere ka Ngororero habarurwa Inzuri 397 zikora kuri Gishwati, zikaba zororewemo inka zisaga ibihumbi 13.

Aba borozi batangiye kubakira izi nyana kugira ngo zitaribwa n’inyamaswa

Inzuri zegereye Pariki ya Mukura Gishwati zugarijwe n’ikibazo cy’inyamaswa zirya inka

Ku cyicaro gikuru cya Polisi y'u Rwanda ku Kacyiru, uyu muyobozi yakiriwe na mugenzi we uyobora Polisi y'u Rwanda, IGP Dan Munyuza.

IGP Munyuza yari kumwe n'umuyobozi wa Polisi wungirije ushinzwe ibikorwa bya Polisi, DIGP/OPs Felix Namuhoranye, Umuyobozi wungirije ushinzwe abakozi n'imiyoborere, DIGP/AP Jeanne Chantal Uwajeneza. Hari kandi n'abandi bayobozi bakuru muri Polisi y'u Rwanda bayobora amashami atandukanye.

Ibiganiro bagiranye byibanze ku mikoranire myiza iri hagati ya Polisi z'ibihugu byombi, iyo mibanire ikaba igiye gushimangirwa n'amasezerano y'ubufatanye yashyizweho umukono n'abayobozi bakuru ba Polisi z'ibihugu byombi.

IGP Munyuza yagaragaje ko yishimira kuba inzego z'umutekano z'u Rwanda ziri mu gihugu cya Centrafrique zikorana neza n'inzego z'umutekano zo muri iki gihugu.

Yagize ati” Nezezwa n'uko inzego z'umutekano ziri mu gihugu cya Centrafrique zikorana neza n'izo muri iki gihugu. Iyo mikoranire igomba gukomeza kandi igakomezwa birushijeho.”

Umuyobozi mukuru wa Polisi y'u Rwanda yakomeje avuga ko ibyaha byambukiranya imipaka bikunze kugaragara nk'iterabwoba, ikwirakwira ry'ibiyobyabwenge, ibyaha by'ikoranabuhanga n'ibimunga ubukungu n'ibindi. Byose kubirwanya bisaba ko inzego z'umutekano zikorana bya hafi binyuze mu mahugurwa no gushaka ibikoresho bigezweho mu kurwanya ibyo byaha.

Ku ruhande rwa General Zokoue, yavuze ko Igihugu cya Centrafrique cyanyuze mu bibazo bikomeye. Habayeho kwitabaza ibihugu by'amahanga ngo bize bibafashe kugarura amahoro ariko ku mugabane wa Afurika wose u Rwanda nirwo rwafashe iya mbere ruratabara.

Yagize ati ' Twishimiye uko twakiriwe, u Rwanda ni Igihugu cy'abavandimwe. Murabizi twagize ikibazo cy'umutwe washatse guhirika ubutegetsi ndetse wari ugiye kugera mu murwa mukuru wa Bangui. Icyo gihe Nyakubahwa Perezida w'Igihugu cyacu yatabaje amahanga yose ariko ku mugabane wa Afurika wose Perezida w'u Rwanda ni we wamwumvise vuba aradutabara.'

Yakomeje ashimira abapolisi n'ingabo z'u Rwanda ku ruhare bakomeje kugaragaza mu kugarura amahoro muri iki gihugu cya Repubulika ya Centrafrique. Yavuze ko ubu amahoro arimo kugenda agaruka ndetse ingabo na Polisi za Centrafrique zibasha kwigenzurira igice kinini cy'Igihugu aharenga 80%.

General Zokoue yashimangiye ko yizeye umusaruro uzava muri uru ruzinduko.

Ati” Uru ruzinduko ruzatugirira akamaro kuko twiteguye kurubyaza umusaruro cyane cyane twungukira ku bunararibonye bwa Polisi y'u Rwanda muri gucunga umutekano. Ishyirwa mu bikorwa ibikubiye muri aya masezerano bizadufasha gukomeza ubufatanye hagati y'inzego zacu zombi.”

Biteganyijwe ko uruzinduko rw'umuyobozi wa Polisi ya Repubulika ya Centrafrique n'intumwa ayoboye ruzamara icyumweru aho bazasura ibikorwa bya Polisi bitandukanye harimo n'ibigo by'amashuri.

General Zokoue ubwo yakirwaga ku cyicaro gikuru cya Polisi y’u Rwanda

General Zokoue yashimangiye ko yizeye umusaruro uzava muri uru ruzinduko

IGP Munyuza yagaragaje ko yishimira kuba inzego z'umutekano z'u Rwanda ziri mu gihugu cya Centrafrique zikorana neza n'inzego z'umutekano zo muri iki gihugu

Impande zombi ziyemeje gukomeza ubufatanye zisanganywe

Nyuma y’uruzinduko rw’iminsi 9 mu Rwanda, Jose Maria Bakero wakiniye ikipe ya FC Barcelona yiyemeje kuba umujyanama wihariye mu bikorwa binyuranye by’iterambere ry’umupira w’amaguru.

Uyu munyabigwi wabaye umukinnyi wa Real Sociedad na Barcelona umaze iminsi mu Rwanda yasoje uruzinduko rwe rw’iminsi 9 kuri uyu wa Mbere, tariki ya 14 Gashyantare 2022 yagiriye mu mu Rwanda mu rwego rw’ubufatanye mu iterambere ry’umupira w’amaguru hamwe n’Ishyirahamwe ry’Umupira w’Amaguru mu Rwanda (FERWAFA) nk’umwe mu bashinzwe gushakira abakinnyi ikipe ya Barcelona (Scouting director).

Mu gihe yari mu Rwanda, yagiranye umwiherero hamwe n’abatoza b’amakipe y’icyiciro cya mbere mu bagabo no mu bagore ndetse n’abagize staff technique y’Amavubi, yasuye amarerero y’umupira w’amaguru atandukanye mu Rwanda ndetse anitabira imikino ya shampiyona y’ikiciro cya mbere mu bagabo mu rwego rwo kumugaragariza urwego rw’umupira w’amaguru mu Rwanda kugira ngo awubere umuvugizi mu bikorwa binyuranye by’iterambere hirya no hino ku isi.

Nyuma y’uruzinduko rwe mu Rwanda Jose Maria Bakero yiyemeje kuba umujyanama wihariye wa FERWAFA mu bikorwa binyuranye by’iterambere ry’umupira w’amaguru ku bushake ndetse aniyemeza gufasha FERWAFA mu bikorwa bitandukanye birimo iterambere ry’umupira w’amaguru mu bakiri bato, kongerera ubushobozi abatoza n’abasifuzi, iterambere ry’ibikorwa remezo, ubufatanye hagati y’amarerero y’umupira w’amaguru mu Rwanda n’amakipe yo muri Espagne n’ibindi.

Uyu munyabigwi kandi yasuye Urwibutso rwa Jenoside rwa Gisozi mu rwego rwo gusobanukirwa amateka ya Jenoside yakorewe Abatutsi ndetse anasura Pariki y’Ibirunga na Pariki y’Akagera ku bufatanye n’Ikigo cy’Igihugu Gishinzwe Iterambere (RDB) muri gahunda yo guteza imbere ubukerarugendo hifashishijwe abantu bazwi ku rwego rw’isi.

Jose Maria Bakero yasoje uruzinduko yakoreraga mu Rwanda