Webrwanda Backend

Blog

  • Pasiteri yanze gusezeranya abageni abaziza ko basomanye. – YEGOB #rwanda #RwOT

    Mu mugi wa Lagos mu gihugu cya Nigeria haravugwa inkuru yumupasteri wo mu idini ryitwa Deeper Life Church wanze gusezeranya abageni ngo kubera ko basomanye.

    Iyi nkuru mu gihugu cya Nigeria yatanzwe numusore utarifuje ko amazina ye ajya hanze, avugako mubyarawe banze kumusezeranya mu rusengero kuberako yasomanye numugebi we.

    Bivugwako umukwe ariwe wivugiye ko yasomanye numugeni we ubwo pasiteri yari abimubajije. Pasiteri akimenya ko aba bombi basomanye yahise yivumbura yanga kubasezeranya.

    Nubwo aba bombi pasiteri yanze kubasezeranya bari baramaze gukora ubukwe mu buryo bwumuco ibizwi nko gusaba no gukwa inaha mu Rwanda. Ibi rero Pasiteri yarabyirengagije avugako basomanye mbere yigihe yanga kubasezeranya.

    Source : https://yegob.rw/pasiteri-yanze-gusezeranya-abageni-abaziza-ko-basomanye/

  • Uwahoze ari umukunzi wa Kimenyi Yves, Didy d’Or (AMAFOTO) #rwanda #RwOT

    Mujawamariya Aimé Diane wamamaye nka Didy d’Or wakanyujijeho mu rukundo na Kimenyi Yves yambitswe impeta na Rene Sebera bamaze iminsi bakundana.

    Uyu mukobwa ukoresha amazina ya Patronne Bébé kuri Instagram yagaragaje ko ku munsi w’abakundana (ejo hashize) ari bwo yambitswe impeta ya fiançailles.

    Yashyizeho ifoto y’ikiganza cye cyambaye impeta maze iherekezwa n’amagambo agira ati “umunsi w’abakundana wagenze neza kuri njye.”

    Rene na we abinyujije kuri Instagram ye yashyizeho ikiganza cya Didy d’Or cyambaye impeta maze agira ati “bwa nyuma yavuze ngo yego”.

    Didy d’Or yamenyekanye cyane mu mpera za 2018 ubwo yari mu rukundo na Kimenyi Yves icyo gihe wari umunyezamu wa APR FC.

    Muri 2019 uyu mukobwa ufite umwana umwe, yaje gutandukana na Kimenyi Yves ndetse asa nucecetse ntiyongera kuvugwa cyane, yongeye kugaruka yerekana ko yamaze kwambikwa impeta ya fiançailles.

    Yambitswe impeta ya Fiançailles nyuma y’uko tariki ya 28 Gashyantare 2021 na Kimenyi Yves yambitse impeta ya fiançailles Uwase Muyango Claudine amusaba ko bazabana, nyuma baje kubyarana ubukwe butarataha.

    Didy d’Or yagaragaje ko yambitswe impeta ya fiançailles

    Rene yambitse impeta Didy d’Or

    Umusore Didy d’Or yasimbuje Kimenyi Yves

    Bamaze igihe baryohewe mu rukundo

    Source : http://isimbi.rw/imyidagaduro/article/uwahoze-ari-umukunzi-wa-kimenyi-yves-didy-d-or-amafoto

  • #rwanda #RwOT

    Source : http://igihe.com/amakuru/u-rwanda/article/imbamutima-z-abaturage-babonye-abakozi-ba-rib-mu-mpuzankano-nshya-mu-kazi

  • Techno Market yinjiye mu baterankunga ba Tour du Rwanda 2022 – #rwanda #RwOT

    Byabaye kuri uyu wa Kabiri, tariki ya 15 Gashyantare 2022, ku cyicaro cya Techno Market mu Karere ka Nyarugenge.

    Umuyobozi Mukuru wa Techno Market, Mukeshimana Japhet, yatangaje ko bishimiye kugira uruhare muri Tour du Rwanda 2022.

    Yavuze ko ari ishema kuri Techno Market mu gutanga umusanzu wayo mu iterambere ry'igihugu binyuze mu mikino.

    Ati 'Tunejejwe no kuba twongeye kugira amahirwe yo kwitabira Tour du Rwanda ku nshuro ya gatatu nk'abafatanyabikorwa bayo.'

    'Tuzagira uruhare muri yo binyuze muri serivisi n'ibikorwa dukora ndetse bizadufasha kumenyekanisha ibikorwa byacu nk'inyungu ikomeye dufite mu gushyigikira iki gikorwa.'

    Visi Perezida wa kabiri wa FERWACY, Nkuranga Alphonse, yavuze ko igihe bamaze bakorana na Techno Market, byatanze umusaruro.

    Nkuranga yatangaje ko amasezerano bari basanzwe bagirana yakuze, bikaba byerekana ubufatanyabikorwa bwiza.

    Techno Market imenyereweho gukora bimwe mu byapa, imitaka, udupapuro (etiquettes) tw'amacupa, ingofero n'ibindi bitandukanye byifashishwa muri Tour du Rwanda.

    Tour du Rwanda iteganijwe kuba ku nshuro yayo ya 14 ku wa 20-27 Gashyantare 2022. Izitabirwa n'amakipe 19 harimo amakipe atatu y'ibihugu.

    Bimwe mu bikoresho byifashishwa na Techno Market muri serivisi itanga

    Inzu ikorerwamo ibikorwa by’icapiro Techno Market

    Ku cyicaro cya Techno Market ahabereye igikorwa cyo gusinya amasezerano y’umwaka umwe na FERWACY

    Mukeshimana Japhet na Nkuranga Alphonse bari guhererekanya amasezerano yasinywe

    Umuyobozi Mukuru wa Techno Market, Mukeshimana Japhet na Visi Perezida wa FERWACY, Nkuranga Alphonse, ubwo bashyiraga umukono ku masezerano

    Bamwe mu bakozi ba Techno Market banejejwe no kongera gukorana na FERWACY

    Umuyobozi Mukuru wa Techno Market, Mukeshimana Japhet yavuze ko bagiriwe amahirwe kongera gukorana na FERWACY

    Umuyobozi wa Techno Market, Mukeshimana Japhet na Visi Perezida wa FERWACY, Nkuranga Alphonse, mu gikorwa cyo gusinya amasezerano y’imikoranire y’umwaka umwe

    Visi Perezida wa kabiri wa FERWACY, Nkuranga Alphonse yitabiriye iki gikorwa cyo gusinya amasezerano

    Amafoto: Shumbusho Djasiri

    Source : http://igihe.com/amakuru/u-rwanda/article/techno-market-yinjiye-mu-baterankunga-ba-tour-du-rwanda-2022

  • DR Congo: Leta yakuyeho amasaha yo guhagarika ingendo #Rwanda #RwOT via @kigalitoday #rwanda #RwOT

    Icyo cyemezo cyafashwe ku wa Mbere tariki 14 Gashyanatere 2022, kizubahirizwa mu Ntara zose z’igihugu usibye Nord Kivu na Ituri.

    Ikindi ni uko ubu abagenzi binjira muri RDC barakingiwe byuzuye, badasabwa kubanza kwipimisha Covid-19.

    Ni icyemezo cyatangajwe n’ibiro bya Perezida Félix Tshisekedi, nyuma y’inama yagiranye n’itsinda ry’abayobozi bashinzwe kurwanya icyo cyorezo yabaye ejo ku wa Mbere.

    Gukuraho kwipimisha ku bantu bakingiwe byuzuye mu kwinjira muri DR Congo, ni icyemezo gishobora gushimisha abakora ubucuruzi bwambukiranya imipaka, bava mu Rwanda cyangwa mu Burundi binjira muri icyo gihugu.

    Kuva iki cyorezo cyagera muri DR Congo ituwe n’abaturage bakabakaba miliyoni 90, abantu 224.958 gusa nibo bamaze gukingirwa byuzuye, abasaga 1,350 bahitanywe nacyo mu gihe abakirwaye basaga 85.000 nk’uko inzego z’ubuzima zibitangaza.

    Ishami ry’Umuryango w’Abibumbye ryita ku Buzima (OMS), rivuga ko kugeza ubu abantu barenga miliyoni 410 ku isi banduye Covid-19, mu gihe abarenga miliyoni 5.8 yabishe kuva yaza mu 2020.

    Kubera kugabanuka kw’abandura no kwiyongera kw’abikingiza, ibihugu byinshi, cyane cyane ibyateye imbere, birimo kuvanaho amabwiriza yose byashyizeho yo kwirinda Covid-19.

    Leta ya DR Congo yatangaje ko kuba yavanyeho izo ngamba bitavuze ko icyorezo kirangiye, ko izindi ngamba zizakomeza kubahirizwa.

    Source : https://www.kigalitoday.com/amakuru/mu-mahanga/article/dr-congo-leta-yakuyeho-amasaha-yo-guhagarika-ingendo

  • Tanzania: Yiyubakiye imva hakiri kare kugira ngo umurambo we utazabera umuzigo umuryango we #rwanda #RwOT

    Umugabo wo muri Tanzania yatangaje abantu bo mu gace abamo nyuma yo kwiyubakira imva mu kwitegura urupfu rwe.

    Patrick Kimaro w'imyaka 59 avuga ko umuryango we wamaze kwemera gake uyu mwanzuro we ubonwa n'abaturanyi nk'amahano.

    Inararibonye zo mu bwoko bwa Kimaro mu ntara ya Kilimanjaro bavuga ko kizira gucukurira imva umuntu atarapfa kandi ko kizira ko imara igihe kirekire ifunguye.

    Kimaro, usanzwe ari umupolisi yabwiye BBC Swahili ko yatangiye kwicukurira iyi mva mu kwezi kwa mbere kugira ngo umuryango we ntuzakoreshe amafaranga menshi yo kumushyingura napfa.

    Ati: “Nk'umwana w'imfura mu muryango, nagize ibibazo mu gushyingura ababyeyi banjye ubwo bapfaga mu mezi atandatu bakurikiranye…rero nafashe ingamba ko ntashaka gushyira abana banjye mu ngorane nk'izo nagize”.

    Kimaro ateganya kuzigama amafaranga make yo kuzagura isanduku ye yo kumuhambamo kandi yizeye ko umuryango we uzashobora kwegeranya imfashanyo y'ibindi nkenerwa napfa.

    Ateganya kandi gushaka ikigo cy'ubwishingizi bw'imva ye,kizayitaho mu gihe haba habaye ibiza, nk'imyuzure, bishobora kuyisenya.

    Iyi mva ye, harimo n'ibyo kuyisiga, yamutwaye amafaranga yose hamwe angana n'ibihumbi bitatu ($3,000) by'amadolari y'abanyamerika.

    Abacunga umutekano w'urugo rwa Kimaro bavuga ko bamwe mu baturanyi be batinya no kumugenderera kuko iyi mva yayubatsemu rugo iwe.

    Source : https://umuryango.rw/amakuru/mu-mahanga/ubuzima/article/tanzania-yiyubakiye-imva-hakiri-kare-kugira-ngo-umurambo-we-utazabera-umuzigo

  • Gusura Imfungwa n'Abagororwa bigiye gusubukurwa-RCS #rwanda #RwOT

    Urwego rw'Igihugu rushinzwe Imfungwa n'Abagororwa (RCS) rwatangaje ko gusura Imfungwa n'Abagororwa bigiye gusubukurwa hashyirwaho n'amabwiriza azagenderwaho.

    Kuwa Mbere Tariki 14 Gashyantare 2022, RCS yasohoye itangazo rivuga ko igikorwa cyo gusura imfungwa n'abagororwa kigiye gusubukurwa hashyirwa ku mugaragaro n'amabwiriza azagenga iki gikorwa.

    Iki cyemezo gifashwe nyuma y'imyaka isaga ibiri iki gikorwa gisubitswe kubera icyorezo cya Covid-19 kuko cyasubitswe muri Werurwe 2020.

    Amwe mu mabwiriza yo gusura

    Ingingo ya gatatu igenga amabwiriza yo gusura ivuga 'Ushaka gusura abisaba anyuze kuri e mail, Telephone cyangwa akanyura ku murongo utishyurwa wa Gereza ifungiyemo umuntu ashaka gusura, buri wa gatatu mu masaha y'akazi.'

    Mu gusaba gusura bigomba kubahiriza ingingo zingenzi zikurikira:

    —Bigomba gukorwa nibura mbere y'iminsi ibiri,

    -Uruhusa rwo gusura rutangwa haherewe ku basabye mbere,

    -Guhagarika cyangwa guhinduza gusura bimenyeshwa ubuyobozi bwa Gereza nibura mbere y'iminsi ibiri.

    Ingingo ya kane ivuga ko umunsi wo gusurwa ku buryo bw'imbonankubone ni buri wa gatanu wa buri cyumweru,

    Isura riteganyijwe guhera saa mbiri kugeza saa kumi za nimugoroba.

    Ingingo ya gatanu ivuga ko umuntu ufunzwe yemererwa gusurwa n'umuntu umwe ku munsi wo gusura.

    Ibisabwa usura

    'Usura agomba kuba yarikingijeCovid-19 nibura urukingo(Dose) rumwe , uje gusura umuntu ufunze agaragaza irangamuntu cyangwa Passport kugirango yemererwe kwinjira, uje gusura agaragaza ibyangombwa by'uko yikingiwe Covid-19 nibura yarabonye doses ebyiri (niba hejuru y'imyaka 18), uje gusura agomba kugaragaza ko yipimishije covid-19 mu masaha atarenze 72,usura n'usurwa bagomba kuba bambaye udupfukamunwa, nta byo kurya cyangwa kunywa bivuye hanze ya gereza byemewe.'

    Umuvugizi wa RCS, SSP Pelly Uwera Gakwaya yavuze ko iyi gahunda izatangira kuri uyu wa Gatanu.

    Ibindi kuri iyi nkuru : https://rcs.gov.rw/index.php?id=8

    [email protected]

    The post Gusura Imfungwa n'Abagororwa bigiye gusubukurwa-RCS appeared first on IRIBA NEWS.

    Source : https://iribanews.rw/2022/02/15/gusura-imfungwa-nabagororwa-bigiye-gusubukurwa-rcs/

  • U Bufaransa: Dosiye y'ihanurwa ry'indege yari itwaye Habyarimana na Ntaryamira yapfundikiwe #rwanda #RwOT

    Kuri uyu wa Kabiri Tariki 15 Gashyantare, Urukiko Rusesa imanza mu Bufaransa rwapfundikiye burundu dosiye ku ihanurwa ry'indege ya Habyarimana nyuma yo gutesha agaciro ubujurire bw'imiryango y'abayiguyemo.

    Urukiko rusesa imanza mu Bufaransa rwapfundikiye iyi dosiye yari imaze imyaka isaga 27 ikaba yaranatumye umubano w'u Rwanda n'u Bufaransa uzamo agatotsi mu myaka yashize, rushimangira ibyari byemejwe n'Urukiko Rukuru rw'i Paris mu 2020.

    Iperereza ryari ryakozwe n'umucamanza Jean-Louis Bruguière wari wasabye ko bamwe mu bayobozi bakuru b'u Rwanda batabwa muri yombi bashinjwa ihanurwa ry'indege yari itwaye Habyarimana Juvenal na Perezida Ntaryamira Cyprien w'u Burundi ryateshejwe agaciro burundu.

    Urukiko rwashimangiye ko ibyatangajwe n'umucamanza Marc Trévidic, wagaragaje ko iperereza yakoze ryerekanye ko 'missile' zarashe iyo ndege zari ziturutse muri Camp Kanombe ahari hari  agatsiko k'abasirikare ba Leta ya Habyarimana b'abahezanguni.

    Ku mugoroba wo ku ya 06 Mata 1994, indege yari itwaye Perezida Juvenal Habyarimana na mugenzi we w'u Burundi Cyprien Ntaryamira, yarahanutse bombi barapfa, ubwo bavaga Arusha muri Tanzaniya mu nama ireba uko hashyirwa mu bikorwa amasezerano yo gusangira ubutegetsi na RPF- Inkotanyi.

    Kuva muri uwo mugoroba Interahamwe n'abasirikare barindaga umukuru w'igihugu, batangiye kwica Abatutsi no guhiga bukware abayobozi batavuga rumwe na bo n'abasirikare 10 b'Ababiligi bari mu butumwa bw'amahoro bahasiga ubuzima.

    Ikinyamakuru gikomeye cyo muri Amerika 'The New York Times' kigeze gutangaza inkuru icukumbuye kuri iryo hanuka ry'indege tariki 12 Ugushyingo 1994, gishimangira ko indege yahanuwe n'agatsiko k'abasirikare ba Leta ya Habyarimana b'abahezanguni gafatanyije n'Abafaransa.

    Abacamanza babiri Nathalie Poux na Marc Trevedic bakoze iryo perereza banzura ko indege yahanuwe n'agatsiko k'intagondwa za Leta ya Habyarimana zitakozwaga iby'isaraganya ry'ubutegetsi.

    [email protected]

     

     

    The post U Bufaransa: Dosiye y'ihanurwa ry'indege yari itwaye Habyarimana na Ntaryamira yapfundikiwe appeared first on IRIBA NEWS.

    Source : https://iribanews.rw/2022/02/15/u-bufaransa-dosiye-yihanurwa-ryindege-yari-itwaye-habyarimana-na-ntaryamira-yapfundikiwe/

  • Iperereza ku ihanurwa ry'indege ya Habyarimana ryashyizweho akadomo #rwanda #RwOT

    Urukiko rusesa imanza mu Bufaransa rwateye utwatsi ubujurire bw'imiryango y'abaguye mu ndege ya Habyarimana Juvenal, runafunga burundu iyi dosiye, Kuri uyu wa Kabiri Tariki 15 Gashyantare 2022.

    Umwanzuro w'Urukiko rusesa imanza mu Bufaransa watangajwe ushimangira ibyari byemejwe n'Urukiko Rukuru rw'i Paris mu 2020.

    Tariki 18 Mutarama 2022 nibwo Urukiko rusesa imanza rwasuzumye ubujurire bw'imiryango y'abaguye mu ndege Falcon 50 ya Habyarimana, nyuma y'uko Urukiko rw'Ubujurire mu 2020 rwemeje ko ririya perereza risozwa kubera ko mu maperereza yose yakozwe hatabonetse 'ibimenyetso simusiga'.

    Ku wa 21 Ukuboza 2018, abacamanza bakurikiranaga iryo perereza bemeje ko barihagaritse, bahagarika no gukurikirana abayobozi icyenda bari baratunzwe agatoki kubera 'ibura ry'ibimenyetso bidashidikanywaho', bitewe n'uko hagendaga haboneka ubuhamya buvuguruzanya.

    Ni icyemezo cyashimangiwe n'Urukiko rw'Ubujurire rwa Paris muri Nyakanga 2020, igihe kikaba cyari kigeze ngo icyemezo cya nyuma gifatwe n'urukiko rusesa imanza, Court de Cassation.

    Falcon 50 ya Habyarimana yahanuwe ubwo yari iri hafi kugwa i Kanombe, ibice bimwe byayo byaguye mu rugo rwe.

    The post Iperereza ku ihanurwa ry'indege ya Habyarimana ryashyizweho akadomo appeared first on FLASH RADIO&TV.

    Source : https://flash.rw/2022/02/15/iperereza-ku-ihanurwa-ryindege-ya-habyarimana-ryashyizweho-akadomo/?utm_source=rss&utm_medium=rss&utm_campaign=iperereza-ku-ihanurwa-ryindege-ya-habyarimana-ryashyizweho-akadomo

  • Iherezo kuri Dosiye y’ihanurwa ry’indege ya Habyarimana, indi ntambwe ku mubano wa Kigali na Paris #rwanda #RwOT

    Umwanzuro w’Urukiko rusesa imanza mu Bufaransa watangajwe ushimangira ibyari byemejwe n’Urukiko Rukuru rw’i Paris mu 2020.

    Umwanzuro w’Urukiko utesha agaciro iperereza ryari ryakozwe n’Umucamanza Jean-Louis Bruguière ryanavuyemo ishyirwaho ry’impapuro zisaba itabwa muri yombi ry’abayobozi bakuru b’u Rwanda bari muri FPR Inkotanyi yahagaritse Jenoside, bashinjwa ko aribo bahanuye iyo ndege.

    Rwashimangiye ahubwo ko ibyatangajwe n’umucamanza Marc Trévidic, wagaragaje ko iperereza yakoze ryerekanye ko missile zarashe iyo ndege zari ziturutse muri Camp Kanombe yagenzurwaga n’Intagondwa z’Abahutu zateguye umugambi wa Jenoside zikanawushyira mu bikorwa.

    Uyu mwanzuro w’urukiko washyize iherezo kuri dosiye yari imaze imyaka irenga 27 izonga umubano w’u Rwanda n’u Bufaransa.

    Agathe Kanziga, umugore wa Habyarimana, ni umwe mu batanze ubujurire hamwe n’imiryango y’abandi baguye muri iyi ndege.

    Abarebereraga inyungu z’u Rwanda muri uru rubanza, Me Léon lef Forster na Bernard Maingain batangaje ko bafite icyizere ko uyu mwanzuro uza kuba imbarutso yo gutanga ubutabera buboneye ku basaga miliyoni bishwe muri Jenoside yakorewe Abatutsi.

    Jean Louis Bruguière ni we watangije iperereza yakoze adakandagiye ku butuka bw’u Rwanda, ariherekeresha impapuro zita muri yombi bamwe mu basirikare bakuru b’u Rwanda bagize uruhare mu rugamba rwo guhagarika Jenoside.

    Me Léon lef Forster na Bernard Maingain bavuze ko bihanganishije abo bantu bakurikiranywe hashingiwe ku bimenyetso byo kubasebya.

    Muri Nzeri 2010, abacamanza babiri Nathalie Poux na Marc Trévidic baje mu Rwanda mu iperereza ku ihanurwa ry’iyi ndege, bagira n’umwanya wo kumva ubuhamya bw’abantu batandukanye yaba abari mu Rwanda no mu Burundi, nyuma banzura ko iyi ndege yahanuwe n’agatsiko k’intagondwa z’Abahutu zitakozwaga iby’isaranganya ry’ubutegetsi.

    Falcon 50 ya Habyarimana yahanuwe ubwo yari iri hafi kugwa i Kanombe, ibice bimwe byayo byaguye mu rugo rwe.

    Yahitanye Perezida Juvénal Habyarimana ; Umugaba Mukuru w’Ingabo, General Déogratias Nsabimana ; Major Thaddée Bagaragaza wari ushinzwe Abarinda Perezida ; Colonel Elie Sagatwa wari Umunyamabanga wihariye wa Perezida ; Ambasaderi Juvénal Renzaho wari Umujyanama wa Perezida mu bya Politiki.

    Harimo kandi Dr Emmanuel Akingeneye wari Umuganga wihariye wa Perezida Habyarimana ; Cyprien Ntaryamira wari Perezida w’u Burundi ; Bernard Ciza wari Minisitiri w’Itumanaho w’u Burundi ; Cyriaque Simbizi wari Minisitiri w’Igenamigambi mu Burundi ; Jacky Héraud, Jean-Pierre Minaberry na Jean-Michel Perrine bari batwaye indege.

    Rushobora kuvuga se ko dosiye ikomeza ifunguye. . Ibiro ntaramakuru by’u Bufaransa AFP byari byatangaje ko urukiko ruramutse rwqanzuye ko Dosiye ifungurwa ubwo d yasubira mu bugenzacyaha.Bishimnagira ko iki cyemezo iyo kiba ntakabuza cyashoboraga gusubiza i rudubi na none umubano wa Kigali na Paris.

    Source : http://www.ukwezi.rw/1-1/Amakuru-anyuranye/article/Iherezo-kuri-Dosiye-y-ihanurwa-ry-indege-ya-Habyarimana-indi-ntambwe-ku-mubano-wa-Kigali-na-Paris