Blog

Ibi Umukuru w’Igihugu yabigarutseho mu ijambo yavugiye mu Isengesho ryo gusengera Igihugu n’abayobozi bacyo, ndetse no gushima Imana, isengesho rizwi nka 'National Prayer Breakfast’ rikaba ryabaye kuri iki Cyumweru tariki 27 Gashyantare 2022.

Iryo sengesho ryitabirwa n’abantu bari mu ngeri zitandukanye barimo abayobozi bakuru b’ibihugu, abahagarariye amadini n’amatorero, abahagarariye abikorera ku giti cyabo, abo muri sosiyete sivile ndetse n’inshuti z’u Rwanda hrimo n’iziba zaturutse mu mahanga.

Perezida Kagame avuga ko u Rwanda ari Igihugu cy’Imana, kandi na we yemera Imana ko ishobora byinshi kurusha umuntu. Icyakora ngo kugira ngo ibyo itanga bigere ku wo ibigenera na we agomba gukora cyane kandi agakorana ubunyangamugayo.

Agendeye ku rugero rw’umwami Dawudi uvugwa muri Bibiliya wahanganye n’ibikomerezwa akabihirika byashakaga kumuhitana, Perezida Kagame avuga ko ibyo yabishobojwe n’Imana ariko na we akagira byinshi akora.

Yagize ati 'U Rwanda rwanyuze muri byinshi rutakaza abantu batagira ingano, ruhura n’ibibazo byinshi ariko ni byiza ko abantu bashingira ku bibazo bikomeye banyuramo bikababera intangiriro yo kwiteza imbere, u Rwanda nk’Umwami Dawidi'.

Perezida Kagame avuga ko u Rwanda rwatereranwe n’amahanga, Isi yose ikarwanga ariko rukaza gutsinda ibyo bigeragezo rukizibukira imijugujugu n’ibindi byago barushakiraga rukaba rugeze ku ntera ishimishije.

Perezida Kagame avuga ko iterambere ry’u Rwanda n’uko rugaragara mu ruhando mpuzamahanga, hari ibyo Imana ifasha Abanyarwanda kugeraho, ariko kubigeraho bisaba gushyiramo imbaraga kugira ngo bikorwe neza.

Perezida Kagame avuga ko inzego za Leta n’iz’amadini n’inyigisho zigenda zitangwa, kandi nziza zikwiye no kujyana n’ibikorwa kuko 50% by’inyigisho zitangwa bikwiye kuba bifasha kubigeraho kuri 50% isigaye.

Agira ati 'Abantu bigisha bavuga bakitangaho ingero buri rugero rwose rwiza rukaba bo, ibyo nta kibazo mbifiteho, ariko ngutegerejeho kuba urugero ku byo wigisha, ibyo ni byo bituma habaho impinduka, mu gihe bitabaye ibyo uba uta igihe cyawe ku busa'.

Umukuru w’Igihugu avuga ko kwigirira icyizere ari kimwe mu byatuma Abanyarwanda n’Abanyafurika babasha kugira ibyo bakora ngo biteze imbere kuko bidakwiye ko Abanyafurika ari bo bahora ari urugero rubi.

Agira ati 'Habura iki ngo tureke guhora turi urugero rubi, bipfira he, abandi ko bishoboka twebe kuki? Ngira ikibazo uwampa amahirwe nkaruhuka nkajya kugira ibindi nkora. Simbona aho umuntu ava ikantarange akaza agutunga urutoki ngo ukore uko atekereza wowe uri Imana ya hehe'?

Perezida Kagame avuga ko buri wese agira uko abona ibintu n’uko aba yifuza uko bikorwa kubera icyo agamije, ibyo ngo bikaba bivuze ko ibyo yumva n’uko ashaka gukora ibintu bimufitiye akamaro ubwe aho kubihatira abandi.

Mu gutangira ijambo rye, Perezida Kagame yasabye abitabiriye iri sengesho gufata umunota wo kwibuka Abanyamerika babiri bari inshuti zikomeye z’u Rwanda, bakaba baherutse kwitaba Imana. Abo ni Dr. Paul Farmer na Joe Ritchie.

Perezida Kagame ati 'Bari barabaye Abanyarwanda, inshuti zacu. Bagize uruhare runini mu itermbere ry’iki Gihugu.'

Ibi byabaye kuri uyu wa Gatandatu tariki ya 26 Gashyantare 2022 mu Mudugudu wa Gikumba mu Kagari ka Rugendabari mu Murenge wa Mukarange, mu Karere ka Kayonza.

Umunyamabanga Nshingwabikorwa w'Umurenge wa Mukarange, Gatanazi Longin, yemereye IGIHE ko uyu mugabo yatawe muri yombi.

Yagize ati ” Byabaye ejo, amakuru yatanzwe n'umugore w'uyu mugabo. Ntabwo yari yiriwe mu rugo atashye ageze mu rugo umwana we w'umukobwa w'imyaka 12 aramusanganira amubwira ko se yamusambanyije, umwana niwe watanze amakuru.”

Gitifu Gatanazi yavuze ko ngo umugabo akimara kumenya ko amakuru yamenyekanye, yahise atoroka ariko ku bufatanye n'abaturage aza gufatwa kumugoroba ashyikirizwa RIB sitasiyo ya Mukarange.

Yavuze ko ari ibintu bigayitse kubona umugabo asambanya umwana we yibyariye, asaba ababyeyi kudateshuka ku nshingano zo kurera abana babo neza, abasambanya abana yavuze ko hari amategeko kandi azajya abakanira urubakwiriye.

Byabereye mu murenge wa Mukarange mu karere ka Kayonza

Ku musozi wa Rebero ahazwi nka Canal Olympia, ni bwo hakinwaga agace ka munani ari nako ka nyuma ka Tour du Rwanda 2022.

Saa yine n’igice nibwo abakinnyi batangiye isiganwa ry’aka gace ka nyuma, rikaba ryatangijwe na Perezida wa Republika y’u Rwanda Paul Kagame.

Isiganwa ryo kuri iki Cyumweru rigizwe n’ibirometero 75.3, rikaba ryatangiriye ku i Rebero aho abasiganwa bazengurutse ibice by’umujyi wa Kigali bakongera bagasoreza ku i Rebero.

Mu bibazo bigaragara muri serivise z'ubutaka harimo ikibazo cy'ubutaka bw'abaturage bwanditse kuri Leta, ikibazo cy'ubutaka bwa Leta bwanditse ku baturage n'ikibazo cyo kuba abaturage batinda guhabwa serivise z'ubutaka.

Mu mwaka wa 2009, ubwo hatangiraga gahunda yo kubaruza ubutaka hari abaturage batabaruje ubutaka bwabo. Ubu butaka butabarujwe Leta yabwibarujeho by'agateganyo kugira ngo ba nyirabwo nibahuguka izabubandikeho

Imibare itangwa n'Intara y'Iburengerazuba igaragaza ko muri iyi ntara kuva tariki 31 Ukuboza 2020, amasambu 10182, ariyo amaze kwandikwa kuri ba nyirayo mu gihe andi masambu 396 450 y'abaturage acyanditse kuri Leta.

Abaturage bibarujeho ubutaka bwa Leta, uturere turabegera tukabasaba gusubiza Leta ubwo butaka. Ubutaka 2082 nibwo abaturage bamaze gusubiza Leta, hasigaye 2278 abaturage batarasubiza Leta.

Umuyobozi Mukuru w'Ikigo cy'igihugu cy'imicungire y'imikoresheze y'ubutaka Mukamana Espérance, yavuze ko kugira ngo bamenye ahari ubutaka bwa Leta abaturage bibarujeho bifashisha komite z'ubutaka.

Ati “Umuturage hari igihe yandikishaga ubutaka, yaba yadikanyije na Leta akiyongereraho n'aha Leta hamwegereye, ibyo iyo bigaragaye bisaba ko abantu bakora isesengura rihagije bakifashisha komite z'ubutaka ziri ku kagari kuko zifite mu nshingano kwemeza ba nyiri ubutaka kugira ngo hagaragare amakuru nyayo bikosorwe”

Guverineri w'Intara y'Iburengerazuba Habitegeko François yavuze ko ari ikibazo gikomeye kuba serivise z'ubutaka zitinda, agasaba uturere tudafite abakozi bashinzwe serivise z'ubutaka kubashaka byihuse izi serivise zitakajya zitangirwa ku gihe.

Habitegeko avuga ko kugeza ubu muri serivise z'ubutaka ariho hagaragara ibibazo byinshi by'abaturage kuko 95% by'ibibazo abaturage bageza ku bayobozi ari ibibazo by'ubutaka.

Mu rwego rwo kwihutisha serivise z'ubutaka Ikigo cy'Igihugu gishinzwe imicungire n'imikoreshereze y'ubutaka giherutse guha ba noteri bigenga uburenganzira bwo gutanga serivise z'ubutaka.

Iki kigo kandi giteganya gushyira serivise z'ubutaka mu ikoranabuhanga, ku buryo muri 2024 umuturage azajya asaba serivise y'ubutaka akayibona bitabaye ngombwa ko hakoreshwa impapuro.

Amasambu asaga ibihumbi 390 mu Burengerazuba yanditswe ku baturage kandi ari aya Leta

Muri Tour du Rwanda, iyi Banki Nyarwanda yarushijeho kwegereza abakiliya bayo serivisi zabafasha kwiteza imbere no kubona serivisi z'imari hafi yabo bakoresheje internet.

Ni uburyo bwiswe Internet Banking bwatangijwe mu 2017 hagamijwe gufasha abakiliya kugera kuri serivisi za banki aho baba bari hose kandi batavunitse.

Hari hanagamijwe kugendana na gahunda u Rwanda rwihaye yo kubaka ubukungu bushingiye ku ikoranabuhanga, aho ryifashishwa mu ihererekanywa ry'amafaranga nk'uburyo bwizewe, bwihuta kandi bunogeye ababukoresha.

Ubu butumwa buri mu bwahawe abatuye mu bice bitandukanye by'Umujyi wa Kigali i Nyamirambo, ahahagurukiye Agace ka Karindwi ka Tour du Rwanda 2022, gasorezwa muri Mont Kigali nyuma yo kunyura i Gicumbi.

Antoine Iyamuremye Ushinzwe Iyamamazabikorwa muri Cogebanque, yavuze ko Internet Banking yorohereje abakiliya bayo.

Yagize ati 'Ushobora kubona serivisi zacu ukoresheje uburyo bwa Internet Banking, aho ubasha gukoresha konti yawe hifashishijwe murandasi. Ubu buryo bufasha kuba wakwishyura umuntu umwe cyangwa itsinda ry'abantu ako kanya amafaranga akabageraho kandi ushobora kuyikoresha aho waba uri hose ku Isi.'

Yanavuze ko Internet Banking ifite umutekano wizewe ku muntu uyikoresha kuko idatuma ahura n'ibibazo byo kuba yakwibwa.

Ati 'Umuntu ushaka koherereza abantu amafaranga, ibyo na byo birakorwa. Ubu buryo burizewe kandi bufite umutekano kuko tuguha umubare w'ibanga ['one-time password'], aho buri uko winjiyemo ubasha kwinjira muri konti yawe ukaba wakora ibintu bitandukanye. Ikindi cyiza cyayo ni uko ibika ibyakozwe, ubutaha ukabibona mu buryo bworoshye.'

Cogebanque kandi yatangije uburyo bwa SchoolGEAR bufasha ibigo by'amashuri kumenya ko amafaranga y'ishuri yishyuwe mu buryo bwihuse.

Iyamuremye yakomeje ati 'SchoolGEAR ni uburyo bwo kwishyura amafaranga y'ishuri, aho ibigo byose bikorana na Cogebanque tubishyira muri ubwo buryo aho umwana ahabwa kode, akajya ku ishami rya Cogebanque akishyura amafaranga y'ishuri, yagera kuri konti y'ikigo, kigahita kibona amakuru.'

Ibyo kandi bishobora gukorerwa ku mu-agent cyangwa hakifashishwa uburyo bwa internet.

Cogebanque iri mu baterankunga b'imena ba Tour du Rwanda 2022. Ni yo ihemba umukinnyi mwiza mu kuzamuka imisozi; mu gihe irushanwa rigana ku musozo, Nsengimana Jean Bosco wa Benediction Ignite ni we wambaye uyu mwambaro nk'umukinnyi uzamuka cyane.

Uburyo bwa Internet Banking butuma umukiliya ashobora kubona serivisi za Cogebanque mu buryo bworoshye

Abayobozi bafatanyije n’abaturage gutunganya imirwanyasuri barimo Umunyamabanga wa Leta muri MINEDUC Twagirayezu Gaspard(ubanza) na Depite Bitunguramye Diogene (wa gatatu ku ruhande rwo hirya)

Ni amaterasi, abaturage cyane cyane bahinga ku musozi uhanamye wo muri ako gace bitezeho ko azabafasha gukumira isuri yaterwaga n’amazi y’imvura yajyaga igwa muri ako gace kagizwe n’imisozi ihanamye, akangiza imyaka y’abaturage ihinze mu mirima, ndetse akangiza n’urugomero rw’amashanyarazi rwa Gaseke.

Musabyimana Jean Jules, umuturage Kigali Today yaganiriye na we yitabiriye umuganda, yagize ati: 'Imvura yajyaga igwa, isuri igatembana imyaka yacu, yiganjemo ibishyimbo, ibigori byabaga biri mu murima, byose ikabikukumbira epfo mu kabande, yanagerayo akangiza urugomero rw’amashanyarazi rwa Gaseke, n’amashanyarazi akabura. Kuba aka gace kagizwe n’imisozi ihanamye gutya, aya materasi yikora turi gufatanya gutunganya, twari tuyakeneye cyane, kugira ngo bidufashe gukumira ayo mazi, bityo tubashe guhinga, kandi tweze umusaruro ufatika. Ubu turabyishimiye cyane kuko twatangiye gusubiranya ibyari byarazambye'.

Abaturage barishimira ko amaterasi bafashijwe gutunganya azagabanya ingaruka ziterwa n’isuri yangizaga imyaka n’ibikorwa remezo

Mugenzi we Nyinawajambo Anathalie, agira ati: 'Twahingaga bigasa n’aho dukora ubusa, tugahorana inzara yo kuteza imyaka kubera ko yabaga yaratwawe n’isuri. Utu tudumburi(amatarasi yikora) turimo gutunganya, tuzakomerezaho no kuyiteraho ubwatsi bw’amatungo ndetse n’ubundi bufata ubutaka, kugira ngo bukomere, hato butazongera gutwarwa n’isuri. Urumva ko tuzaba turwanyije ibiza byibasiraga imyaka yacu, byiyongereyeho ko n’amatungo yacu atazongera gusonza, bityo dusezerere inzara twihaza mu biribwa tunasagurire amasoko'.

Umunyamabanga wa Leta muri Minisiteri y’Uburezi Ushinzwe amashuri abanza n’Ayisumbuye Twagirayezu Gaspard, yahereye kuri iki gikorwa cy’umuganda, asaba abaturage ko gukumira ibiza babigira umuco.

Yagize ati: 'Icya mbere ni ukwishimira amahirwe abanyarwanda twongeye kubona yo gukora umuganda, nyuma y’igihe cyari gishize udakorwa kubera icyorezo Covid-19. Iki ni ikimenyetso cy’umusaruro uturuka mu kuba abaturage bitwaye, mu kubahiriza ingamba zo kwirinda ikwirakwizwa ry’iki cyorezo. Ari na yo mpamvu tubasaba gukomeza gukora ibikorwa bihoraho na nyuma y’ibingibi bikozwe uyu munsi, kugira ngo amazi atazongera kwangiza imyaka yabo cyangwa n’ibindi bikorwaremezo'.

Yanagarutse ku zindi gahunda zinyuranye harimo n’izijyanye no kwita ku myigire y’abana mu mashuri, aho yasabye ababyeyi kwirinda icyo aricyo cyose cyahungabanya cyangwa ngo kivutse umwana uburenganzira bwe bwo kwiga.

Muri uyu muganda Umunyamabanga wa Leta muri Minisiteri y’Uburezi Ushinzwe amashuri abanza n’Ayisumbuye Twagirayezu Gaspard, yari kumwe na Depite Bitunguramye Diogène, Umuyobozi w’Akarere ga Gakenke Nizeyimana Jean Marie Vianney, ndetse n’inzego zishinzwe umutekano.

Mu Mirenge itandukanye y’Aka Karere hibanzwe ku bikorwa byo kurwanya isuri hakorwa utudumburi(amatarasi yikora), gusibura imihanda yari yaraguyemo ibitengu biturutse ku biza ndetse no gusana amazu y’abaturage bagezweho n’ingaruka z’ibiza.