Blog

Aba bakobwa bamenyekanye mu ijoro ry'uyu wa Gatandatu tariki 27 Gashyantare 2022 kuri Expo Ground ahasanzwe habera imurikagurisha.

Ni nyuma y'uko buri umwe anyuze imbere y'Akanama Nkemurampaka, yivugaho, akavuga ku mushinga we n'impamvu abona akwiye gukomeza muri Miss Rwanda.

Bamwe mu bakobwa bagiye barangwa n'ubwoba bakananirwa kuvuga, abandi bagacurikiranya amagambo cyangwa se akava ku ndangururamajwi atumvikanishije neza ibitekerezo bye.

Hari n'abandi bagiye bavuga bakarenza igihe bari bagenewe n'Akanama Nkemurampaka cyari hagati y'amasegonda 45' n'umunota umwe.

Ibi byatumaga abagize akanama bamuca mu ijambo bakamubwira ko igihe yahawe cyarenze. Hari n'abakobwa bagiye kuvuga, abafana babo bagakaza umuriri bigasaba ko Ingabire Egidie Bibio ukuriye akanama abasaba gutuza.

Akanama Nkemurampaka kari kagizwe n'abantu batanu: Ingabire Egidie Bibio [Ni we ukuriye akanama], Marcel Ntazinda, Dr. Jean Pierre Higiro, Fiona Muthoni Ntarindwa na Irizabimbuto Fidele.

Abakobwa 20 babonye itike yo gukomeza mu mwiherero wa Miss Rwanda 2022 ni:

1.Ruzindana Kelia [Nimero 47] yakomeje kubera amajwi menshi yagize- Ahagarariye Umujyi wa Kigali

2.Nshuti Divine Muheto [Nimero 44] yakomeje kubera amajwi menshi yagize-Ahagarariye Uburengerazuba

3. Uwimanzi Vanessa [Nimero 70]- Ahagarariye Umujyi wa Kigali

4.Bahali Ruth [Nimero 3]-Ahagarariye Umujyi wa Kigali

5. Uwimana Marlène [Nimero 69]- Ahagarariye Umujyi wa Kigali

6. Ikirezi Musoni Kevine [Nimero 10]-Ahagarariye Uburasirazuba

7. Mutabazi Isingizwe Sabine [Nimero 38]- Ahagarariye Umujyi wa Kigali

8. Kalila Leila France [Nimero 23]-Ahagarariye Umujyi wa Kigali

9. Uwikuzo Marie Magnificat [Nimero 67]- Ahagarariye Umujyi wa Kigali

10. Kayumba Darina [Nimero 25]- Ahagarariye Umujyi wa Kigali

11. Umurerwa Bahenda Arlette [Nimero 55]- Ahagarariye Umujyi wa Kigali

12. Kazeneza Marie Merci [Nimero 26-Ahagarariye Uburengerazuba

13. Umuhoza Emma Pascaline [Nimero 53]-Ahagarariye Uburasirazuba

14. Keza Maolithia [Nimero 27]-Ahagarariye Uburengerazuba

15. Saro Amanda [Nimero 48]- Ahagarariye Umujyi wa Kigali

16. Keza Melissa [Nimero 28]-Ahagarariye Intara y'Amajyepfo

17. Nkusi Lynda [Nimero 43]-Ahagarariye Uburasirazuba

18. Muringa Jessica [Nimero 37]- Ahagarariye Uburengerazuba

19. Ndahiro Mugabekazi Queen [Nimero 42]- Ahagarariye Uburasirazuba

20. Uwimana Jeannette [Nimero 68]- Ahagarariye Intara y'Amajyepfo

Imibare y'ibanze mu mwiherero:

Umujyi wa Kigali uhagarariwe n'abakobwa 10

Intara y'Iburasirazuba ihagarariwe n'abakobwa 4

Intara y'Amajyepfo ihagarariwe n'abakobwa 2

Intara y'Uburengerazuba ihagarariwe n'abakobwa 4

Intara y'Amajyaruguru 0

Abakobwa 20 babonye itike yo gukomeza muri Miss Rwanda iri kuba ku nshuro ya 12

Byari ibyishimo ku bakobwa babonye itike yo gukomeza muri Miss Rwanda 2022

Muri Tour du Rwanda, iyi Banki Nyarwanda yarushijeho kwegereza abakiliya bayo serivisi zabafasha kwiteza imbere no kubona serivisi z'imari hafi yabo bakoresheje internet.

Ni uburyo bwiswe Internet Banking bwatangijwe mu 2017 hagamijwe gufasha abakiliya kugera kuri serivisi za banki aho baba bari hose kandi batavunitse.

Hari hanagamijwe kugendana na gahunda u Rwanda rwihaye yo kubaka ubukungu bushingiye ku ikoranabuhanga, aho ryifashishwa mu ihererekanywa ry'amafaranga nk'uburyo bwizewe, bwihuta kandi bunogeye ababukoresha.

Antoine Iyamuremye Ushinzwe Iyamamazabikorwa muri Cogebanque, yavuze ko Internet Banking yorohereje abakiliya bayo.

Yagize ati 'Ushobora kubona serivisi zacu ukoresheje uburyo bwa Internet Banking, aho ubasha gukoresha konti yawe hifashishijwe murandasi. Ubu buryo bufasha kuba wakwishyura umuntu umwe cyangwa itsinda ry'abantu ako kanya amafaranga akabageraho kandi ushobora kuyikoresha aho waba uri hose ku Isi.'

Iyamuremye kandi yavuze ko Internet Banking ifite umutekano wizewe, ati 'Umuntu ushaka koherereza abantu amafaranga, ibyo na byo birakorwa. Ubu buryo burizewe kandi bufite umutekano kuko tuguha 'one-time password', aho buri uko winjiyemo ubasha kwinjira muri konti yawe ukaba wakora ibintu bitandukanye. Ikindi cyiza cyayo ni uko ibika ibyakozwe, ubutaha ukabibona mu buryo bworoshye.'

Cogebanque kandi yazanye uburyo bwa SchoolGEAR bufasha ibigo by'amashuri kumenya ko amafaranga y'ishuri yishyuwe mu buryo bwihuse.

Ati 'SchoolGEAR ni uburyo bwo kwishyura amafaranga y'ishuri, aho ibigo byose bikorana na Cogebanque tubishyira muri ubwo buryo aho umwana ahabwa kode, akajya ku ishami rya Cogebanque akishyura amafaranga y'ishuri, yagera kuri konti y'ikigo, kigahita kibona amakuru.'

Ibyo kandi bishobora gukorerwa ku mu-agent cyangwa hakifashishwa uburyo bwa internet.

Cogebanque iri mu baterankunga b'imena ba Tour du Rwanda 2022. Ni yo ihemba umukinnyi mwiza mu kuzamuka imisozi.

Uburyo bwa Internet Banking butuma umukiliya ashobora kubona serivisi za Cogebanque mu buryo bworoshye

Iki kigo cy'ubwishingizi gihemba umukinnyi muto witwaye neza muri buri gace ka Tour du Rwanda 2022, aho yazanye ubwishingizi bw'ubuzima bufite umwihariko.

Byavuzwe na Rene Mwizere Ushinzwe Ubwishingizi bw'Ubuvuzi muri Prime Insurance Ltd, yavuze ko bitabiriye Irushanwa rya Tour du Rwanda mu rwego rwo kumenyekanisha ubwishingizi bw'ubuzima iki kigo cyazanye.

Ati 'Twitabiriye irushanwa aho tugenda duhemba umukinnyi ukiri muto, bigendanye na gahunda dufite y'ubwishingizi bwo kwivuza.”

Yavuze ko ubu bwishingizi butari busanzwe ku isoko ry'u Rwanda bukagira umwihariko w'uko bureba ibyiciro byose by'abantu.

Ati 'Ubu twe twazanye ubwishingizi ushobora gufata nk'umuntu umwe ndetse umuryango ndetse n'ibigo ntabwo twabyibagiwe. Umuntu ku giti cye urengeje imyaka 18 araza tugasinyana amasezerano. Akarusho ni uko tutagarukira mu Rwanda kuko tukuvuza mu bihugu birimo ibyo muri Afurika y'Iburasirazuba ndetse no hanze yayo nko mu Buhinde no mu Burayi.'

Mwizere yavuze ko Abanyarwanda bishimiye ubu bwishingizi urebye uko babwitabiriye mu mezi abiri ashize. Ubushaka ashobora guhamagara kuri nimero 1320.

Mu zindi serivisi Prime Insurance Ltd yegereje abakiliya bayo harimo no gukoresha ikoranabuhanga mu kumenyekanisha impanuka.

Prime Insurance Ltd ifite serivisi z'ikoranabuhanga rikemura rya rikemura ibibazo bitandukanye kuko ubu ukoze impanuka aho yaba ari hose abimenyekanisha bitamusabye kuhava anyuze kuri www.prime.rw ndetse akaba yanakohereza amafoto agaragaza imiterere y'impanuka yakoze.

Iyo amaze gukora ibyo, Prime Insurance imuha urupapuro ajyana kuri polisi rufite ikoranabuhanga rya 'QR Code' rifasha mu kugenzura koko niba icyangombwa atari icyiganano.

Ubwishingizi bw'Ubuvuzi bwa Prime Insurance bureba abantu bose, buri mu byiciro bibiri by'ingenzi ari byo Imena na Isonga.

Abantu ku giti cyabo, imiryango ndetse n'amakoperative biri mu yitwa Isonga mu gihe ibigo binini birimo ibya leta n'iby'abikorera bibarizwa mu cyiciro cy'Imena.

Prime Insurance Ltd iri mu bigo biri kujyana na Tour du Rwanda 2022, ikaba ifite serivisi z’ubwishingizi bw’ubuzima bushobora kuvuza umurwayi hanze y’u Rwanda

Ku mugoroba wo kuri uyu wa Gatandatu tariki ya 26 Gashyantare 2022 nibwo habaye igikorwa cyo gutoranya abakobwa 20 bagomba kujya mu mwiherero wa Miss Rwanda 2022.

Muri rusange abakobwa 70 bavuye mu Ntara zose n’umujyi wa Kigali nibo bari barenze ijonjora rya mbere, bakaba bagombaga gutoranywamo 20 bagomba guhita batangira umwiherero ku munsi w’ejo tariki ya 27 Gashyantare.

Umuhango wo kubatoranya ukaba wabereye i Gikondo ahasanzwe hanera Expo.

Abakobwa uko ari 70 bakaba banyuze imbere y’akanama nkemurampaka kari kagizwe na Dr Higiro Jean Pierre, Fiona Muthoni, Ntazinda Marcel, Ingabire Egidie Bibio na Irizabimbuto Fidèle.

Gusa uko ari 70 hagombaga gutoranywamo 18 kuko 2 bakomeje kubera ko bagize amajwi menshi mu gutorwa.

Abo ni Ruzindana Kelia wagize amajwi 90,111 na Nshuti Muheto Divine wagize amajwi 82,740.

Uyu muhango wasojwe mu saa 23h z’ijoro wasize abakobwa 20 bagomba kujya mu mwiherero bazavamo umukobwa usimbura Ingabire Grâce ufite ikamba rya 2021 bamenyekanye.

Nyampinga w’u Rwanda wa 2022 uhiga abandi mu bwenge, ubwiza n’umuco azamenyekana tariki ya 19 Werurwe 2022.

Abakobwa 20 babonye itike yo kujya mu mwiherero

Ruzindana Kelia [No 47]

Nshuti Muheto Divine [No 44]

Uwimana Vanessa [No 70]

Bahari Ruth [No 3]

Uwimana Marlene [No 69]

Ikirezi Musoni Kevine [No 10]

Mutabazi Isingizwe Sabine [No 38]

Kalila Leila Franca [No 23]

Uwikuzo Marie Magnificat [No 67]

Kayumba Darina [No 25]

Umurerwa Bahenda Arlette Amanda [No 55]

Kazeneza Marie Merci [No 26]

Umuhoza Emma Pascaline [No 53]

Keza Maolithia [No 27]

Saro Amanda [No 48]

Keza Melissa [No 28]

Nkusi Lynda [No 43]

Muringa Jessica [No 37]

Ndahiro Mugabekazi Queen [No 42]

Uwimana Jeannette [No 68]

Ibiro by’Umukuru w’Igihugu byatangaje ko Ambasaderi Téte wari uherekejwe na mugenzi we w’u Rwanda Vincent Biruta yari azaniye Perezida Kagame ubutumwa burebana n’umubano hagati y’ibihugu byombi n’akarere bwoherejwe na Perezida João Lourenço.

Imibanire y’ibihugu byombi ikomeje kugenda itera imbere mu ngeri zitandukanye z’imikoranire cyane ko muri 2020 byasinyanye amasezerano y’ubufatanye mu rwego rw’ubwikorezi bwo mu kirere, umutekano, ikoranabuhanga n’ishoramari.

Ubwo hizihizwaga isabukuru y’imyaka 46 Angola imaze ibonye ubwigenge, tariki ya 11 Ugushyingo 2021, Ambasaderi wa Angola mu Rwanda, Eduardo Filomeno Barber Leiro Octavio, yatangaje ko ibihugu byombi biteganya gusinyana amasezerano y’ubufatanye asaga 13 mu nzego zirimo ubutabera, guharanira uburenganzira bwa muntu, ubucukuzi bw’amabuye y’agaciro n’umutungo kamere ndetse n’ibindi.

U Rwanda na Angola bisanzwe kandi bihuriye mu muryango w’ibihugu byo mu Karere k’ibiyaga bigari ICGLR, uhuriweho n’ibihugu bigera kuri 12 ari byo Angola, Burundi, Santarafurika, Congo Brazaville, Repubulika Iharanira Demokarasi ya Congo, Kenya, Uganda, Rwanda, Sudani y’Epfo, Sudani, Tanzania na Zambia.

Today, President Kagame received Angola’s Minister of Foreign Affairs Ambassador Téte António @amb_tete who brought a message on bilateral and regional affairs from President João Lourenço. pic.twitter.com/5oQduGBlqa

— Presidency | Rwanda (@UrugwiroVillage) February 26, 2022

Bamporiki Edouard

Ibi yabivugiye mu kiganiro yagiranye n’urubyiruko rwiga mu ishuri rya NU-VISION HIGH SCHOOL riri i Kabuga mu Mujyi wa Kigali, ubwo yabasuraga tariki ya 24/02/2022 muri gahunda y’ukwezi k’Umuco mu mashuri yateguwe hagamijwe kwigisha no gutoza umuco nyarwanda abanyeshuri bo mu mashuri y’incuke, abanza n’ayisumbuye kugira ngo bakure barangwa n’indangagaciro z’umuco nyarwanda.

Muri iki kiganiro, umwe mu banyeshuri witwa MUTESI Phionah wiga mu ishami ry’imibare, ubugenge n’ubutabire (MPC), ahereye ku mateka y’u Rwanda yari amaze kubasobanurira, yabajije Umunyamabanga wa Leta niba ubukoloni bugarukira ku kuba abazungu baraje bagacamo Abanyarwanda ibice bagamije kubategeka gusa, cyangwa se niba no gushyira imbere intekerezo n’umuco byabo na byo ari ubukoloni.

Yabajije ati : “Ese ubukoloni ni kuriya abazungu baje bakayobora u Rwanda bakaducamo ibice cyangwa no kuba dushyira imbere ururimi rwabo cyangwa tugakopera n’imico yabo na byo turacyari mu bukoloni?”

Bamporiki yavuze ko gushyira imbere intekerezo n’umuco by’Abanyamahanga na byo ari igice cy’ubukoloni, aboneraho gusaba uru rubyiruko guharanira gushyira imbere iby’u Rwanda kuko ari yo gakondo yabo.

Yagize ati: “Ibi rero byo gushyira intekerezo z’abanyamahanga imbere, indimi zabo tukazishyira imbere, wavuga ururimi rwabo akaba ari bwo twumva ko uri igihangange, wavuga ko utazi ikinyarwanda tukumva ko ufite ubwenge nk’ubw’abazungu, na byo ni igice cy’ubukoloni”.

Yakomeje agira ati : “Abana b’Abanyarwanda mugomba kumenya Ikinyarwanda kandi neza, noneho mukongeraho izindi ndimi zose zishoboka kugira ngo tuzazihahishe mu nyungu z’u Rwanda. Abana b’Abanyarwanda mugomba kumenya intekerezo z’u Rwanda kugira ngo tuzabishingireho ubuhanga buzagira icyo bumarira u Rwanda. Abana b’Abanyarwanda mugomba guhora mushyize u Rwanda imbere kugira ngo ibyo muzageraho byose muzajye muvuga ngo biragira icyo bimarira u Rwanda”.

Yakomeje ababwira ko igihe batazashyira imbere indangagaciro z’u Rwanda bakimakaza iby’ahandi ubukoloni buzaba bukomeje.

Gahunda y’Ukwezi k’Umuco mu mashuri yatangiye tariki ya 02 Gashyantare ikazasozwa tariki ya 02 Werurwe 2022. Yateguwe ku bufatanye na Minisiteri y’Urubyiruko n’Umuco, Minisiteri y’Uburezi n’abandi bafatanyabikorwa.

Abanyeshuri n’abarezi ba NU-VISION High School bemeza ko iyi gahunda irimo gutanga umusaruro kuko wasangaga akenshi bibanda ku masomo y’ubumenyi (science) kandi bakwiriye no kumenya indangagaciro z’umuco nyarwanda n’icyo ibyo biga bizamararira Igihugu cyabo.