Blog

Uyu mukinnyi watangaga ibirori cyane yishwe muri Jenoside yakorewe Abatutsi mu gihe Rayon Sports yiteguraga guserukira u Rwanda mu mikino Nyafurika yahuzaga amakipe yabaye aya mbere iwayo, aho yari yatomboye Al Hilal yo mu Sudan.

Icyizere uyu mukinnyi yigiriraga mu kibuga nicyo cyatumye ahabwa iri izina, dore ko nk'iyo yabaga agiye gutera penaliti, yabwiraga umuzamu bahanganye ati 'Fata Ikaramu wandike igitego kuko njyewe sinshobora guhusha.'

Bitewe n'uko yakundaga gukoresha aya magambo cyane, byaje kurangira ahimbwe izina rya 'Fatikaramu.'

Murekezi yavukaga muri Gikongoro (Nyamagabe y'ubu) akaba yarize akanakinira Groupe Scolaire Officiel de Butare. Nyuma asoje amashuri yagiye kwigisha mu cyiciro rusange muri Ecole de Sciences Christ-Roi iri i Nyanza mbere yo kwinjira muri Rayon Sports yakiniye kugeza yishwe.

Imibare iheruka gutangazwa yerekanye abanyamuryango 17 ba Rayon Sports bamaze kumenyekana ko ari bo bishwe muri Jenoside barimo abakinnyi nka Murekezi Raphael (Fatikaramu), Munyurangabo Rongin, Bosco (Mwene Ruterana), Kirangi, Misili, Abba, Rutabingwa, Kalisa, Kayombya Charles, Mazina, George na Nyirirugo Antoine.

Hari kandi abari muri komite ya Rayon Sports barimo Mujejende Benoit, Agronome Janvier, Kayombya Selesi, Munyamasheke na Viateur.

---

Kwizera Evariste umugabo wa Mukaperezida yongeye gutabwa muri yombi akekwaho gukoresha imibonano mpuzabitsina ku gahato umukobwa yakoreshaga.

Muri 2020 uyu mugabo nabwo yari yatawe muri yombi azira gusambanya umwana utarageza imyaka y’ubukure, yaje kubihamywa n’urukiko akatirwa imyaka 10 ariko aza kujurira ari nabwo yagizwe umwere.

Kuri iyi nshuro yatawe muri yombi akekwaho gukoresha ku gahato umwana w’umukobwa wamukoreraga mu kabari i Gishari.

Bivugwa ko yamusanze aho acumbika ni njoro maze akamusambanya undi na we mu gitindo cyo kuri uyu wa Gatatu tariki ya 13 Mata 2022 agahita ajya kwitabaza RIB ari nabwo yamutaga muri yombi.

Umunyamabanga Nshingwabikorwa w’agateganyo w’umurenge wa Gishari, Muhinda Augustin yemeje aya makuru aho yavuze ko uyu mugabo ari mu maboko y’abashinzwe umutekano mu gihe hagikorwa iperereza ku byo ashinjwa.

Ubukwe bwa Evariste na Mukaperezida bwabaye mu ntangiriro za 2019, bwavugisihje benshi bitewe n’imyaka Mukaperezida arusha Evariste, icyo gihe yari afite 48 n’aho umuhungu afite 21.

Uyu mugabo kuri ubu washyizwe mu 'Barinzi b'Igihango', yatanze ubuhamya kuri uyu wa 13 Mata 2022, ubwo hasozwaga Icyumweru cy'Icyunamo hibukwa ku nshuro ya 28 Jenoside yakorewe Abatutsi mu 1994.

Dufitumukiza yinjiye mu kazi k'Ubujandarume mu 1984 ubwo yari afite imyaka 21, icyo gihe yari asoje amasomo yo kwinjira mu mwuga yatangirwaga mu Ishuri ry'Igihugu ry'Abajandarume ryabaga i Musanze [École de la Gendarmerie Nationale de Ruhengeri, EGENA]

Mu masomo bigishwaga harimo isomo ryitwa 'Morale' aho bigishwaga ibijyanye n'Uburere Mboneragihugu ariko integanyanyigisho ikaba yaribandaga ku bwiza bw'Ishyaka rya Parmehutu, MRND n'andi mashyaka yari ayishamikiyeho.

Bigaga kandi ububi bw'Ingoma ya Cyami n'ibyo yakoze birimo ubuhake, ububi bw'Abatutsi, ububi bwa RUNAR, ububi bw'Inyenzi n'ibindi bigaragaza urwango rwigishwaga n'ubutegetsi bwariho icyo gihe.

Dufitumukiza avuga ko arangije kwiga ayo masomo yaje kujya kwimenyereza akazi ku Kacyiru mu Mujyi wa Kigali, aho yakomeje kubona bagenzi be bashyira mu bikorwa ibijyanye n'ayo masomo y'urwango n'ivangura bari barigishijwe.

Ati 'Ya ngengabitekerezo y'amacakubiri twigaga naje kuyibona bidatinze ubwo twari dusohotse ndi muri tagisi [….] muri iyo tagisi hari harimo abakobwa babiri na bo dusohokanye mu kigo ariko bari mu byabo nanjye ndi mu byanjye. Muri iyo tagisi hari harimo n'umukecuru, wasokoje uruhanika rwiza cyane.'

'Ni uko umwe abwira mugenzi we ati 'urabona ukuntu uyu mukecuru ari mwiza?' Undi aramusubiza ati 'yari mwiza, ikibazo ni uko ari Umututsi.' Icyo kintu cyarankomerekeje cyane na n'ubu.'

Dufitumukiza avuga ko arangije kwimenyereza umwuga Kacyiru bahise bamujyana gukorera ku Gisenyi ari na ho yaje kubona umusaruro mubi wa ya ngengabitekerezo y'amacakubiri.

Ati 'Nageze ku Gisenyi icyo gihe twakoraga amarondo, aho na ho naje kubona umusaruro mubi wa ya ngengabitekerezo y'amacakubiri. Bamwe muri twe iyo twabaga twagiye ku burinzi [irondo] twafataga abantu bakoze amakosa atandukanye… mbere ya byose twabakaga ibyangombwa.'

Avuga ko bagenzi be bakoranaga iyo babonaga mu byangombwa byawe uri Umututsi barakubabazaga, bakagukubita ibibuno by'imbunda, imigeri y'inkweto za butini n'ibindi bikorwa bibi byo kubabaza umubiri.

Ibyo byose ngo ni byo byatumye yitandukanya no kurenganya Abatutsi n'abandi bantu bose yabonaga bashobora kurengana, gusa ngo yarabifungiwe.

Ati 'Uwo mubano wanjye [n'Abatutsi] komanda wanjye, wategekaga i Gisenyi, witwaga Major Bizimana André, yaramfashe aramfunga, arambwira ati 'uzi ikintu ngufungiye?' Wowe ubanira Abatutsi neza.'

Dufitumukiza avuga ko nyuma yaje kugira amahirwe yoherezwa kwiga imodoka i Kigali, afungurwa atyo nyuma ahita ajya mu byo gukora akazi k'ubushoferi akorera i Butare.

Mu bihe bya Jenoside yakorewe Abatutsi, Dufitumukiza Anaclet ngo yakoreshaga imodoka y'akazi mu guhungisha Abatutsi bahigwaga abajyana ku Kanyaru bakambuka bakajya mu Burundi.

Hari abandi yafashirizaga aho babaga bihishe mu gihe abana bo yabajyanaga mu kigo cya Croix Rouge cyabaga ku Itaba mu Murenge wa Ngoma.

Ibi bikorwa yakoraga ngo yari abizi neza ko yashoboraga kubizira.

Nyuma gato y'uko Ingabo zahoze ari iza RPA zihagarikiye Jenoside, Dufitumukiza Anaclet yaje kwinjira mu gisirikare ariko nyuma ahagana mu 2000 aza kukivamo ajya mu kandi kazi.

Kuri ubu Dufitumukiza Anaclet yagizwe Umurinzi w'Igihango wo ku rwego rw'Igihugu, ndetse bamwe mu bo yafashije kurokoka no kurokora imiryango yabo barimo Mukarushema Annonciata na Mukamazimpaka Adela bavuga ko ari umuntu udasanzwe mu buzima bwabo.

Ubwo yagirwaga Umurinzi w'Igihango wo ku rwego rw'Igihugu umwaka ushize, Umuryango Unity Club Intwararumuri wagize uti 'Dufitumukiza Anaclet mu gihe cya Jenoside yakorewe Abatutsi yaranzwe n'urukundo, ubunyangamugayo n'ubudahemuka, yitandukanya n'ibikorwa byo kwica Abatutsi ahubwo arabatabara abafasha guhunga, abandi arabahungisha.'

Icyo gihe Perezida wa Repubulika wari witabiriye uyu muhango, yavuze ko nta muntu wibereyeho ahubwo buri wese ariho ngo abereho undi.

Dufitumukiza Anaclet kuri ubu atuye mu Murenge wa Tumba mu Mudugudu wa Kigarama, ni umugabo w'imyaka 59 wubakanye na Mukankusi Liliane akaba afite abana barindwi.

Ni umushoferi mu muryango ushamikiye kuri Diyosezi Gatolika ya Butare witwa Igiti cy'Ubugingo.

Inkuru bifitanye isano

---

Abarokotse Jenoside yakorewe Abatutsi mu Murenge wa Rugarika mu Karere ka Kamonyi, barifuza ko bafashwa gushyiraho ibimenyetso by’amateka bafite yihariye, (…)

Komisiyo y’Igihugu y’uburenganzira bwa muntu ivuga ko ihame ry’ingenzi ryo kubahiriza agaciro ka muntu riteganywa n’itegeko Nshinga rya Repubulika y’u Rwanda, (…)

Madamu Jeannette Kagame ku mugoroba wo kuri uyu wa Gatatu tariki 13 Mata 2022, yitabiriye ikiganiro #KuGicaniro cyateguwe mu rwego rwo gukomeza kwibuka (…)

Ku wa Kabiri tariki 12 Mata 2022, Polisi yafashe abagabo bane bakurikiranyweho kwiba ibikoresho byifashishwa mu kubaka iminara y’itumanaho bifite agaciro ka (…)