Leta y’u Rwanda yatangaje ko izafasha u Bwongereza kwakira impunzi n’abimukira bagenda bahungirayo buri mwaka, kuko ngo bamaze kuba benshi. U Bwongereza (…)
Blog
-
Umuyobozi wa OSMS yamaganiye kure ivangura riri kugaragara mu Isi #rwanda #RwOT
Ibi Ghebreyesus yabyamaganiye kure kuri uyu wa Gatatu tariki ya 13 Mata 2022, avuga ko Isi yose iri kwita kuri Ukraine kuruta ibindi bihugu byo muri Afurika nabyo bimaze iminsi mu kibazo ki Ntambara ,byerekana ubusumbane ku birabura n'abazungu.
Tedros Adhanom Ghebreyesus yatangaje ko igice gito gusa cy'imfashanyo ihabwa Ukraine ari cyo cyahawe andi makuba ajyanye n'imibereho ari ku Isi.
Yavuze ko gufasha Ukraine ari “ingenzi cyane” kuko ibibazo bihari “bigira ingaruka ku isi yose”.Ariko yavuze ko akarere ka Tigray mu majyaruguru ya Ethiopia, Yemen, Afghanistan cyangwa Syria bitarimo kwitabwaho mu buryo bumwe na Ukraine.
Ibi yabigarutseho mu kiganiro yagiranye n'abanyamakuru aho yavuze ko ibibazo by'abirabura bititabwaho kimwe n'ibyabazungu yagize ati ” Sinzi niba rwose isi yita ku buzima bw'abirabura n'ubuzima bw'abazungu ku rwego rumwe “.
Akomeza agira ati “Nkeneye kuvugisha ukuri nta guca ku ruhande ko isi itarimo gufata inyoko-muntu mu buryo bumwe.
“Bamwe mu by'ukuri baruta abandi. Kandi iyo mvuze ibi, birambabaza. Kuko ndabibona. Biragoye cyane kubyakira ariko birimo kuba”.
Tedros, ukomoka muri Tigray, yavuze umuryango w'abibumbye (ONU/UN) wasanze hacyenewe imfashanyo y'amakamyo 100 y'ibiribwa buri munsi mu kuramira (kurengera) imibereho y'abatuye muri ako karere.
Isi iri kwita kuri Ukraine cyane kurusha ibindi bihugu byo muri Africa biri muntambara-Umukuru wa OMS.
Ibi yabigarutseho mu kiganiro yagiranye n'abanyamakuru aho yavuze ko ibibazo by'abirabura bititabwaho kimwe n'ibyabazungu yagize ati ” Sinzi niba rwose isi yita ku buzima bw'abirabura n'ubuzima bw'abazungu ku rwego rumwe “.
Akomeza agira ati “Nkeneye kuvugisha ukuri nta guca ku ruhande ko isi itarimo gufata inyoko-muntu mu buryo bumwe.“Bamwe mu by'ukuri baruta abandi. Kandi iyo mvuze ibi, birambabaza. Kuko ndabibona. Biragoye cyane kubyakira ariko birimo kuba”.
Tedros, ukomoka muri Tigray, yavuze umuryango w'abibumbye (ONU/UN) wasanze hacyenewe imfashanyo y'amakamyo 200 y'ibiribwa buri munsi mu kuramira (kurengera) imibereho y'abatuye muri ako karere.
Mu kwezi ku Ugushyingo mu mwaka wa 2020, niho hatutumbye ubushyamirane, bw'intambara yadutse muri Tigray hagati y'umutwe wa TPLF – w'ishyaka rya TPLF ryamaze hafi imyaka 30 ari ryo ryiganje muri politiki ya Ethiopia – n'ingabo za leta ya Ethiopia.
Iyo mirwano imaze kwicirwamo abantu babarirwa mu bihumbi – barimo n'abaturage b'abasivile – naho abandi babarirwa muri za miliyoni bacyeneye imfashanyo yihutirwa y'ibiribwa, mu gihe leta ya Ethiopia ishinjwa kubangamira ibikorwa byo gutanga imfashanyo.
Iyo mirwano imaze kwicirwamo abantu babarirwa mu bihumbi – barimo n'abaturage b'abasivile – naho abandi babarirwa muri za miliyoni bacyeneye imfashanyo yihutirwa y'ibiribwa, mu gihe leta ya Ethiopia ishinjwa kubangamira ibikorwa byo gutanga imfashanyo.
Kuri uyu munsi tariki ya 14 Mata 2020 ,iminsi 50 iruzuye Uburusiya buteye Ukraine.
Abashinjacyaha ku byaha byo mu ntambara barimo gusura ahantu hiciwe abasivile mu mujyi wa Bucha, bavuze ko Ukraine ari ahantu habereye ibyaha, mu gihe Perezida w'Amerika Joe Biden ari gushinja ingabo z'Uburusiya gukora ibikorwa bya jenoside muri icyo gihugu.
Sorce:mariettatimes.com
-
Myugariro wa Rayon Sports muri 6 batemerewe gukina umunsi wa 23 wa shampiyona #rwanda #RwOT
Abakinnyi 6 barimo myugariro wa Rayon Sports, Ndizeye Samuel nibo batemerewe gukina umunsi wa 23 wa shampiyona y’icyiciro cya mbere uzakinwa guhera ku munsi w’ejo ku wa Gatanu.
Imikino y’uyu munsi izabimburirwa n’umukino Police FC izakiramo Musanze FC saa 12:30′ uzakurikirwa n’uwo Gasogi United izakiramo Kiyovu Sports saa 15:30′, ni imikino izabera kuri Stade Regional i Nyamirambo.
Ku wa Gatandatu, Rayon Sports izakina na Gorilla ni mu gihe ku Cyumweru tariki ya 17 Mata, APR FC izaba iri mu Bugesera yagiye gukina na Bugesera FC.
Uyu munsi wa 23 abakinnyi 6 barimo Kalisa Rashid wa AS Kigali, Sibomana Abouba wa Police FC na Ndizeye Samuel wa Rayon Sports nibo batemerewe gukina uyu munsi.
Gahunda y’umunsi wa 23
Ku wa Gatanu tariki ya 15 Mata 2022
Police FC vs Musanze FC
Gasogi United vs Kiyovu Sports
Rutsiro FC vs Etoile del’EstKu wa Gatandatu tariki ya 16 Mata 2022
Gorilla FC vs Rayon Sports
Marines FC vs Gicumbi FC
Mukura VS vs Espoir FCKu Cyumweru tariki ya 17 Mata 2022
AS Kigali vs Etincelles
Bugesera FC vs Rayon Sports1. Kalisa Rashid (AS KIGALI)
2. Ahishakiye Jacques (ESPOIR FC)
3. Mushimiyimana Telesphore (GICUMBI FC)
4. Sibomana Abouba (POLICE FC)
5. Ndizeye Samuel (RAYON SPORTS FC)
6. Kwizera Bahati Emilien (RUTSIRO FC)
Ndizeye Samuel ni umwe mu bakinnyi 6 batemerewe gukina umunsi wa 26 -
Amafoto: Rayon Sports yunamiye imibiri y'abazize Jenoside yakorewe Abatutsi muri Mata 1994 ishyinguwe mu rwibutso rwa Ntarama #rwanda #RwOT
Mu gihe u Rwanda ndetse n'abatuye isi yose muri rusange, bibuka ku ncuro ya 28 Jenoside yakorewe abatutsi mu Rwanda muri Mata 1994, mu gitondo cyo kuri uyu wa gatatu, abakinnyi, abatoza ndetse n'abayobozi b'ikipe ya Rayon Sports, basuye u rwibutso rwa Ntarama muri Bugesera.
Ni igikorwa cyabaye mu masaha y'amanywa, ababarizwa mu buyobozi ndetse n'abakozi b'iyi kipe ya Rayon Sports izwi nka Gikundiro bunamiye imibiri y'abazize Jenoside yakorewe Abatutsi muri Mata 1994 bashyinguye muri urwo Rwibutso.
Abakinnyi, abatoza ndetse n'abayobozi basobanuriwe uko abatutsi bari bahahungiye Ntarama bari muri kiliziya bizeye ko ubwo ari mu nzu y'Imana batari kugira icyo baba , ariko siko byaje kugenda kuko baje kwicwa urw'agashinyaguro.
Usibye kuba basobanuriwe amateka yaranze Ntarama, aba bazengurutse urwibutso, basoza bashyira indabo ku mva rusange ishyinguyemo imibiri y'abazize Jenoside yakorewe Abatutsi muri Mata 1994 baguye i Ntarama n'abandi baguye mu Bugesera hafi ya Ntarama.
Uru rugendo rwo kwerekeza i Ntarama ku ikipe ya Rayon Sports, rwayobowe na Perezida wayo Uwayezu Jean Fidele, hari kandi na Sadate Munyakazi wigeze kuyobora Gikundiro.
The post Amafoto: Rayon Sports yunamiye imibiri y'abazize Jenoside yakorewe Abatutsi muri Mata 1994 ishyinguwe mu rwibutso rwa Ntarama appeared first on RUSHYASHYA.
-
Baramagana umugambi wo kohereza abimukira mu Rwanda #rwanda #RwOT
Abo bimukira n’impunzi baturutse mu bihugu bitandukanye birimo n’ibyo hanze ya Afurika nibagera mu gihugu bazabaho nk’abandi banyarwanda. Ntibazashyirirwaho ikigo cyihariye bazabamo nk’uko bimeze ku baturuka muri Libya batuzwa by’agateganyo i Gashora.
U Bwongereza nibwo buzatanga amafaranga y’ibizajya bikenerwa n’abo bimukira n’impunzi. Ntibazaba bemerewe gusubira muri icyo gihugu, amahitamo yabo azaba ari ukuba mu Rwanda nk’impunzi cyangwa abimukira, cyangwa gusubira aho bakomoka.
Amasezerano hagati y’impande zombi arasinywa ku manywa yo kuri uyu wa Kane muri Kigali Convention Centre. Arashyirwaho umukono na Minisitiri w’Ububanyi n’Amahanga w’u Rwanda, Vincent Biruta na mugenzi we ushinzwe umutekano mu Bwongereza, Priti Patel, waraye ugeze i Kigali.
Biteganyijwe ko minisitiri w’intebe w’Ubwongereza none kuwa kane atangaza amakuru arambuye ku mugambi wo kujya bohereza abimukira mu Rwanda bakaba ari ho bategerereza mu gihe ubusabe bwabo bwigwa n’Ubwongereza.
Bamwe mu bategetsi, n’imiryango itegamiye kuri leta mu Bwongereza, barimo kwamagana uwo mugambi w’ubutegetsi bwa London.
Minisitiri w’ubutegetsi bw’igihugu w’Ubwongereza Madamu Priti Patel kuwa gatatu yageze i Kigali ajyanywe “n’umugambi mushya ku bimukira”, nk’uko yabitangaje kuri Twitter.
Mu 2021 bwakiriye abagera ku 48,540, umubare wari hejuru mu yindi myaka yose kuva mu 2003.
Muri abo bahinjiye mu mwaka ushize 28,526 baje mu twato dutoya bambutse umuhora uzwi nka English Channel.
Mu ijambo aza gushyikiriza uyu munsi, byitezweko Boris Johnson aza kuvuga ko iki ari igikorwa gikenewe mu guhagarika “abantu babi batwara abantu” bagahindura inyanja “imva y’amazi”.
Kuwa gatatu gusa abantu 600 bageze mu Bwongereza mu twato dutoya, byitezwe ko Johnson aza kuvuga ko uwo mubare ushobora kugera ku 1,000 ku munsi mu byumweru bicye.
Enver Solomon, wo mu kigo Refugee Council mu Bwongereza, avuga ko uyu ari umugambi “mubi kandi w’ubugome” kandi ko nta musaruro uzatanga mu kubuza abimukira kugana Ubwongereza, ahubwo uzaganisha ku “mubabaro w’abantu n’ibibazo kurushaho”.
Ikigo Médecins Sans Frontières (MSF), ishami ryo mu Bwongereza, cyasohoye itangazo ryamagana uwo mugambi, rivuga ko ahandi ku isi byakozwe ryahabonye “ingaruka mbi cyane” zirimo no gushaka kwiyahura ku bajyanywe gutegerereza ahandi.
Sophie McCann w’iri shami agira ati : “Tubizi mu bindi bihugu byakozwemo, icyo byatanze gusa ni ukwibabaza gukomeye n’ibibazo byo mu mutwe, kandi bishobora kuganisha ku kuba abantu bongera gusubira mu ntoki z’ababatwara mu buryo butemewe.”
MSF ivuga ko ihohoterwa rikabije no kwiyahura byabaye ku bimukira bashakaga kujya muri Australia ikabohereza gutegerereza ku kirwa cya Nauru, ivuga ko ari isomo Ubwongereza bwagakwiye gufata ntibwohereze abimukira mu Rwanda.
Leta y’u Rwanda, mu masezerano yagiranye n’imiryango mpuzamahanga itandukanye, imaze kwakira abimukira hafi 1,000 bavuye muri Libya bari barahaheze bashaka kujya i Burayi.
Aba bimukira bacumbikirwa mu kigo kiri mu Bugesera, nyuma bagenda bakirwa n’ibihugu by’i Burayi na Canada, igikorwa ishami rya ONU rishinzwe impunzi rivuga ko kigenda neza kugeza ubu.
Ikinyamakuru The Independent kivuga ko cyumva ko leta y’u Rwanda izishyurwa n’Ubwongereza ikiguzi cy’ibanze cya miliyoni 120 z’amapawundi (miliyari 159 mu mafaranga y’u Rwanda).
-
Amayobera Ku Rupfu Rw’Abasirikare Barinda Perezida Wa Kenya #rwanda #RwOT
Bari mu bagize umutwe udasanzwe witwa Presidential Escort Unit.
Amakuru dufite avuga ko hakekwa ibintu bibiri :
Kwiyahura cyangwa kuraswa.
Icyagaragaye kugeza ubu ni uko hari umwe muri bariya basirikare byagaragaye umutwe we wamennye n’amasasu.
Icyo abashinzwe iperereza bari gukurikirana ni ukumenya 'niba yarashwe’ cyangwa 'yirashe.’
Gusa hari amakuru avuga ko umwe muri bariya basirikare witwa Samuel Ngatia w’imyaka 35 y’amavuko ashobora kuba yirasiye iwe.
Yabaga ahitwa GSU Recce Squad Kenyatta Road Camp.
Umuyobozi w’Ishami rishinzwe ubugenzacyaha muri Polisi ya Kenya witwa Director of Criminal Investigations Officer (DCIO) Bwana Richard Mwaura avuga ko ibyabaye ari ikintu gikomeye kandi kireba umutekano w’igihugu kuko cyabaye ku bashinzwe kurinda Umukuru wacyo.
Umurambo w’umwe muri bariya basirikare wabonetse bwa mbere taliki 11, Mata, 2022, hari ku wa Mbere.
Mwaura ati : ' Iki ni ikintu kireba umutekano w’igihugu. Icyo navuga ni uko koko abo basirikare bapfuye ariko ibindi biracyari mu iperereza.'
Abashinzwe iperereza basanze aho Ngatia yapfiriye hari imbunda nto ya pistol yo mu bwoko bita Jericho Pistol KP irimo amasasu 13.
Bikekwa ko ari yo yirasishije ariko nta raporo idasubirwaho irabitangwaho.
Umurambo we n’indi ya bagenzi be yajyanywe mu bitaro bya Kaminuza ya Kenyatta University ngo usuzumwe.
Hari indi mbunda kandi yo mu bwoko bwa SMG irimo amasasu 30 basanze mu nzu ye.
Samuel Ngatia yari asanzwe ari mu itsinda ry’abarinda Visi Perezida wa Kenya witwa William Ruto.
-
#COVID19: Abantu bane bashya banduye babonetse mu bipimo 4,235 #Rwanda #RwOT via @kigalitoday #rwanda #RwOT
Minisiteri y’Ubuzima (MINISANTE) yatangaje ko ku wa Gatatu tariki 13 Mata 2022 mu Rwanda habonetse abanduye Covid-19 bashya bane, bakaba babonetse mu bipimo (…)
-
Ibigwi by'abanyapolitiki bashyinguye i Rebero bishwe muri Jenoside – #rwanda #RwOT
Aba banyapolitiki bashyinguye mu rwibutso rwa Jenoside i Rebero mu Mujyi wa Kigali, babarizwaga mu mashyaka ataravugaga rumwe n'uwari Perezida Habyarimana n'ishyaka rye MRND, bakaba baraharaniye politiki y'ubumwe nta mususu kugeza ubwo bishwe kuwa 7 Mata 1994 ubwo Jenoside yatangiraga.
Barimo; Joseph Kavaruganda, Landouard Ndasingwa, Kabageni Venantie, Charles Kayiranga, Jean de la Croix Rutaremara, Augustin Rwayitare, Aloys Niyoyita n'abandi.
Bimwe mu bigwi by'abo banyapolitiki
Joseph Kavaruganda yari Perezida w'Urukiko rurinda Ubusugire bw'Itegeko Nshinga.Yarwanyije ingengabitekerezo ya Jenoside kugeza yicwa.
Kavaruganda wakomokaga niwe wari ushinzwe kwakira indahiro z'Umukuru w'Igihugu, yishwe kuwa 7 Mata kugira ngo atabangamira irahira rya Guverinoma nshya y'abatabazi yashyizweho bucyeye bwaho.
Landouard Ndasingwa yari umuyobozi w'ishyaka rya PL. Uyu mugabo wari uzwi ku izina rya Lando, umugore we n'abana babiri bishwe tariki 7 Mata 1994, i Remera n'ingabo zarindaga Umukuru w'Igihugu.
André Kameya yari umunyamuryango wa PL akaba n'umunyamakuru. Yishwe muri Kamena 1994. Umugore we n'umwana bishwe muri Mata 1994. Yakoze muri Kinyamateka, ORINFOR, aba n'umwanditsi mukuru w'ikinyamakuru cya Minisiteri y'ubutabera. Yishwe amaze gutangiza ikinyamakuru kitwaga Rwanda Rushya.
Frédéric Nzamurambaho yari Perezida w'Ishyaka rya PSD akaba na Minisitiri w'ubuhinzi. Ku italiki ya 7 Mata 94, yarasiwe imbere y'umuryango we n'ingabo zarindaga Umukuru w'Igihugu.
Felicien Ngango yari Visi Perezida w'Ishyaka PSD. Yishwe azira gushyigikira ubumwe bw'Abanyarwanda buzira urwango rushingiye ku moko. Yari ku rutonde rw'abanyapolitiki bagombaga gushyirwa muri Guverinoma hakurikijwe amasezerano ya Arusha.
Faustin Rucogoza yari Minisitiri w'Itangazamakuru wakomokaga mu ishyaka rya MDR. We n'umugore we bishwe ku italiki ya 7 Mata 1994. Mu 1993 yabashije gutinyuka agaragaza ko RTLM irimo kubiba urwango ndetse aranayihanangiriza atitaye ko yari iy'ibikomerezwa mu butegetsi bw'icyo gihe.
Venantie Kabageni yari mu ishyaka PL. Yishwe ku ikubitiro rya Jenoside kuko yari azwiho kurwanya imikorere y'ubutegetsi bwa Habyarimana.
Augustin Rwayitare yari umurwanashyaka w'Ishyaka rya PL. Yishwe muri Jenoside azira kutihanganira leta yabibaga urwango.
Jean de La Croix Rutaremara yari umunyapolitiki warwanyaga ibitekerezo bya leta ya Habyarimana byo kwimika urwango n'amacakubiri.
Jean Baptiste Mushimiyimana yari umunyamuryango wa PSD. Yishwe azira kutavuga rumwe na Leta ya Habyarimana.
Charles Kayiranga yari Umunyapolitiki wabarizwaga mu ishyaka rya PL, yishwe muri Jenoside azira guteza imbere ubuyobozi bushingiye kuri demokarasi.
Aloys Niyoyita yari umunyapolitiki wo mu Ishyaka rya PL. Nk'abandi barwanyaga ubutegetsi bwa Habyarimana, byamuviriyemo kwicwa.
Abanyapolitiki benshi bishwe bakomokaga mu ishyaka PL, byavugwaga ko ari iry'Abatutsi. Ikindi ni uko barwanyije uwariyoboraga, Mugenzi Justin, wari waramaze gucengerwa n'ibitekerezo bya MRND, agahitamo gukora igice cya PL- POWER.
Aba banyapolitiki biyongeraho, Agathe Uwilingiyimana wahoze ari Minisitiri w'Intebe, akaba ashyinguye mu gicumbi cy'Intwari i Remera. Uyu nawe yibukwa kuri iyi tariki.
-
Kwibuka 28: Umuryango mugari wa Rayon Sport wunamiye Abatutsi bashyinguye mu rwibutso rwa Ntarama #rwanda #RwOT
Ubuyobozi bw'ikipe ya Rayon sport n'abakinnyi bayo basoge iminsi 7 yokwibuka ku ncuro ya 28 Genocide yakorewe abatutsi mu 1994 bunamira abatutsi bashyinguye mu rwibutso rwa Ntarama ruherereye mu karere ka Bugesera .
Amakuru agaragara ku rubuga rwa tweeter rw'iyi kipe, avuga ko umuryango mugari wa Rayon sport ugizwe n'ubuyobozi,abakinnyi,abayobozi baza fun clubs n'abatoza basuye urwibutso rwa Ntarama baha icyubahiro kandi bunamira inzirakarengane z'abatutsi zazize Genocide yakorewe abatutsi mu 1994 zihashyinguye.
Today, our management together with players, coaching staff and members of fan clubs visited Ntarama Genocide Memorial in Bugesera District where we paid our respect to victims of the 1994 Genocide against the Tutsi who are laid to rest at this memorial site. #Kwibuka28 pic.twitter.com/M1mKomOQM1
â” Rayon Sports Official (@rayon_sports) April 13, 2022
Munyakazi sadate nawe wigeze kuyobora iyi kipe ya Rayon sport ndetse n'ubu akaba akomeje kuyiba hafi mu bikorwa bitandukanye binyuze muri Fun club no kugiti cye, nawe yanditse kuri Tweeter ko Uno munsi Abanyarwanda n'inshuti za Rayon sport bunamiye Abatutsi bishwe muri Jenoside. basoza icyumweru cy'icyunamo ariko duhora twibuka abacu.
Uno munsi Abanyarwanda n’inshuti zacu twashoje icyumweru CY’ICYUNAMO twunamira Abatutsi bishwe muri Jenoside. Twashoje icyumweru CY’ICYUNAMO ariko duhora twibuka abacu. Umuryango mugari wa @rayon_sports twagishoje dusura aho Imfura zacu ziruhukiye mu Rwibutso Ntarama. pic.twitter.com/oSue7bjiwc
â” Munyakazi Sadate (@SadateMunyakazi) April 13, 2022
-
U Rwanda rwahawe ubutaka bungana hegitari 12.000 na Congo #rwanda #RwOT
Mu ruzinduko arimo muri Repubulika ya Congo, Perezida Paul Kagame na mugenzi we Denis Sassou Nguesso, bayoboye umuhango wo gusinya amasezerano y'ubufatanye mu nzego zitandukanye mu bukungu harimo ubucukuzi bw'amabuye y'agaciro, ubukorikori, umuco n'ubuhanzi.
Ni mu ruzinduko rwatagiye ku wa Mbere, rusozwa kuri uyu wa Gatatu.RFI yatangaje ko muri ayo masezerano harimo n'ajyanye no gutiza u Rwanda by'igihe kirekire ubutaka bushobora guhingwa mu buryo bugambiriye amasoko.
Yatangaje ko amakuru ava mu bantu ba hafi b'aya masezerano, avuga ko Congo izatiza u Rwanda by'igihe kirekire “hegitari 12 000 z'ubutaka bushobora kubyazwa umusaruro, nibura mu turere dutatu two two mu majyepfo y'igihugu.”
Gusa ngo ntabwo igihe u Rwanda ruzamarana ubwo butaka cyatangajwe.
Bibarwa ko Congo ifite nibura hagati ya hegitari miliyoni 10 na 12 z'ubutaka bushobora guhingwa, nibura 5% bukoreshwa mu buhinzi butanga ibyo abaturage bahita barya.
Abaperezida bombi basabye ubuyobozi bwabo gushyira imbaraga mu kubyaza umusaruro amasezerano yashyizweho umukono.
Amasezerano umunani yasinywe harimo atanu ku ruhande rw'u Rwanda yasinywe na Minisitiri Dr Vincent Biruta, abiri asinywa na Jack Kayonga uyobora Crystal Ventures Ltd naho andi asinywa na Yvonne Mubiligi wa Macefield Ventures – Congo Brazzaville.
Hamejwe ko hashyirwaho Komite ihuriweho ishinzwe gukurikirana ishyirwa mu bikorwa ry'aya masezerano kugira ngo atange umusaruro yitezweho.Ibihugu byombi bisanzwe bifitanye umubano n'ubufatanye mu bya dipolomasi na politiki kuko muri Kanama 2016, u Rwanda rwafunguye Ambasade muri Congo ari nayo ikurikirana ikanareberera inyungu z'u Rwanda mu Muryango wa Afurika yo Hagati (CEEAC).
Mu 2011, u Rwanda na Congo-Brazzaville byagiranye amasezerano y'ubuhahiharane n'ubufatanye mu bijyanye n'ingendo zo mu kirere, guteza imbere ubukerarugendo, ingufu, umutekano, ubutabera ibidukikije n'uburobyi.
Ni mu gihe kompanyi y'indege y'u Rwanda, RwandAir yo isanzwe ikorera ingendo hagati ya Kigali na Brazzaville guhera mu 2011. Kuri ubu RwandAir ikorera ingendo i Brazzaville gatatu mu cyumweru.
Mu Ugushyingo 2021, ibihugu byombi byagiranye amasezerano y'ubutwererane mu bya gisirikare, ubufatanye mu kuzamura imyigire n'imyishirize muri za Kaminuza, ubutaka n'ubufatanye mu iterambere rirambye.Ayo masezerano kandi agera mu kubungabunga ibidukikije, guteza imbere ubucuruzi hagati y'ibihugu byombi no gukomeza kwagura ubufatanye mu guteza imbere ingendo zo mu kirere.
