Blog

Ubutabera bw'u Bufaransa bukeka ko abantu batandukanye bo mu muryango wa Bongo, uhereye kuri Omar Bongo ukagera ku muhungu we Ali Bongo, usigaye ari Perezida wa Gabon ubu, hamwe n'umukobwa we Pascaline baba barigwijeho umutungo ufite agaciro kabarirwa muri miliyoni 85 z'ama-euro.

Abana bane ba Omar Bongo wahoze ari Perezida wa Gabon nibo inzego z'ubutabera mu Bufaransa zakozeho iperereza. Barimo Grâce, Betty, Arthur na Hermine.

Ni dosiye imaze imyaka irenga 15 ijyanye n'imitungo bivugwa ko babonye mu buryo bunyuranyije n'amategeko mu Bufaransa.

Abo bana bakozweho iperereza hagati y'itariki 25 Werurwe na 5 Mata n'umucamanza Dominique Blanc.

Ibyaha bakurikiranyweho bifitanye isano no kunyereza umutungo wa rubanda, ruswa no gukoresha nabi umutungo ugenewe rubanda.

Source : https://umuryango.rw/amakuru/mu-mahanga/politiki/article/u-bufaransa-burakeka-ko-abana-ba-omar-bongo-basahuye-gabon-se-yategekaga

Abanyarwanda ntibiyumvishaga uburyo mu nsengero hashobora kwicirwa abantu cyangwa abayita abakozi b'Imana bakijandika mu bwicanyi ari na byo byatumaga abatutsi bahungira mu nsengero no muri za Kiliziya mu gihe cya Jenoside yakorewe Abatutsi mu 1994.

Iyi myumvire yahinyujwe n'umwaka wa 1994 ubwo benshi mu bihayimana bifatanyaga na Leta yariho mu mugambi wo kurimbura Abatutsi.

Uruhare rwabo rwagaragariye mu gushyigikira ubutegetsi bubi bwateguye bukanashyira mu bikorwa Jenoside, kubiba ivangura ndetse no kwica cyangwa gutanga Abatutsi mu maboko y'ababahigaga nyamara babahungiyeho.

Abihayimana bijanditse muri Jenoside ni benshi, barimo ababikira, abapadiri n'abapasiteri kugera no ku bakirisitu bashishikariye kwica bagenzi babo.

Umukozi muri Ibuka ushinzwe Ibikorwa, Ngabo Brave Olivier mu gikorwa cyo kwibuka Jenoside yakorewe Abatutsi cyateguwe n'itorero rya Zion Temple mu Rwanda, yasabye abanyamatorero kwibuka inshingano bafite mu rugendo rw'isanamitima.

Yagize ati 'Abanyamadini bagize uruhare mu gukwirakwiza ingengabitekerezo ya Jenoside, tutiriwe tuvuga idini runaka murabizi mwese uko abakoloni bazanye idini ariko bakazana n'ingengabitekerezo ya Jenoside ku buryo n'uyu munsi tugifite abayobozi b'amadini bakoze ibyaha bya Jenoside banabihaniwe. Ibyo bigaragaza uruhare rutaziguye mu kubiba ingengabitekerezo ya Jenoside aho kubaka umuntu.'

'Isanamitima ni urugendo ujyanamo abantu bitari amagambo meza gusa ahubwo no mu bikorwa. Hari ibikorwa byinshi birimo n'ibiterane by'isanamitima mujya mukora, mukomereze aho ariko ndagira ngo bigere hose.'

Yavuze ko uruhare rukomeye rw'amadini n'amatorero ari ukongera gukebuka bakareba kuri bagenzi babo bakoze ibidakwiriye bakiyemeza gukora ibitandukanye na byo.

Ati 'Isanamitima ivura wa wundi warozwe n'amagambo yambura abantu ubumuntu, ariko noneho ikanavura n'uwabuze ababyeyi, abirukanwe ku kazi…birumvikana niba umututsi yarageze aho yumva koko ko adakwiriye no kubaho, birumvikana ko uyu munsi isanamitima rikwiriye kugira ngo urugendo rujya mu ijuru turujyanemo turandatanye.'

Umukozi ushinzwe Ishami ry'Imiyoborere mu Karere ka Kicukiro, Muhigirwa Aaron yasabye abitabiriye uyu muhango ko bakwiye kugira uruhare rukomeye mu guhangana n'abashaka guhakana bakanapfobya Jenoside yakorewe Abatutsi ndetse no kurandura bivuye inyuma ingengabitekerezo yayo bihereye mu madini.

Manirakiza Divin warokotse Jenoside yakorewe Abatutsi, abavandimwe be bakaba bariciwe mu Kiliziya ya Kibeho mu Karere ka Nyaruguru, yagaragaje ko gusubira mu rusengero ari byo byongeye kumufasha mu rugendo rwo kwiyubaka, asaba abakiri muri ubwo buribwe guhinduka.

Ati 'Umutima wari urushye mu buryo ntashobora kukubwira kuko hari n'igihe nibwiraga ngo ninicara mu kabari nibwo numva ntuje. Hano mu itorero nahuye n'Imana ikora ku mutima wanjye, itorero ryagize umumaro ukomeye kugira ngo nkire ibikomere kuko nabonye umuryango, mbona n'abanyitaho. Kumenya Imana ku warokotse Jenoside yakorewe Abatutsi ni impano ikomeye kuko bituma ubasha gukira vuba ukanababarira vuba'.

Umuvugizi w'Itorero rya Zion Temple mu Rwanda, Tuyizere Jean Baptiste, yavuze ko mu rugendo rw'isanamitima amadini n'amatorero asabwa kuzuza inshingano zirimo kwigisha abayoboke babo amateka ya Jenoside yakorewe Abatutsi, komora imitima, guhangana n'ingengabitekerezo ya Jenoside ndetse no kwigisha abayigizemo uruhare bahereye mu magereza.

Abanyamadini basabwe gukomeza kunga ubumwe

Abazinutswe insengero bagiriwe inama zo kuzigana kuko bashobora kongera guhembuka

Abitabiriye uyu muhango wo kwibuka bacanye urumuri rw’icyizere

Ngabo Brave Olivier yasabye abanyamadini gukomeza umurongo wo gusana imitima

Umukozi ushinzwe Imiyoborere myiza mu Karere ka Kicukiro, Muhigirwa Aaron yasabye abanyamadini kugira uruhare mu kurwanya ingengabitekerezo ya Jenoside

---

Source : http://igihe.com/amakuru/u-rwanda/article/abanyamadini-bibukijwe-inshingano-zabo-mu-rugendo-rw-isanamitima

Mu minsi isigaye ya Mata hazagwa imvura iruta iyabonetse mu byumweru bibiri bishize

Ikigo gishinzwe Ubumenyi bw'Ikirere, Meteo Rwanda, kivuga ko mu gice cya gatatu cy'uku kwezi kwa Mata 2022 (kuva tariki 21 kugeza tariki ya 30), mu Rwanda hateganyijwe imvura iruta iyabonetse mu gice cy'amatariki y'uku kwezi yabanje.

Iki kigo kivuga ko hazaboneka imvura iri hagati ya milimetero 50 na 150, ariko inyinshi iri hagati ya milimetero 130 na 150 ikaba iteganyijwe mu turere twa Rubavu na Rutsiro, henshi mu turere twa Nyamasheke, Nyabihu, Burera, Musanze, Gakenke na Rulindo, mu burengerazuba bw'uturere twa Ngororero, Gicumbi na Karongi.

Ibice bisigaye by'Intara y'Amajyaruguru, Iburengerazuba, hamwe no mu burengerazuba bw'uturere twa Nyagatare, Nyaruguru, Nyamagabe, amajyaruguru y'uturere twa Muhanga, Kamonyi, Huye na Gasabo, mu
majyepfo y'Akarere ka Nyanza n'igice gito cy'Akarere ka Gisagara, ho hateganyijwe imvura iringaniye iri hagati ya milimetero 110 na 130.
Meteo Rwanda ivuga ko imvura iteganyijwe izaba iri hejuru y'ikigero cy'impuzandengo y'imvura isanzwe igwa, mu gihugu muri iki gihe (ubusanzwe ikaba ijya iba hagati ya milimetero 30 na 100).

Iminsi iyi mvura izagwamo izaba iri hagati y'itandatu (6) n'umunani (8). Imvura iteganyijwe izaba irimo inkuba n'umuyaga ikazaterwa n'isangano ry'imiyaga riherereye mu karere u Rwanda rururimo, ryongereraimbaraga imvura ituruka ku miterere ya buri hantu.

Hateganyijwe kandi Umuyaga mwinshi ufite umuvuduko uri hagati ya metero 6 na 9 ku isegonda mu turere twa Nyagatare na Kirehe, henshi mu turere twa Gatsibo, Nyanza, Karongi, Nyamagabe, Rusizi, Gicumbi, no mu bice bimwe by'uturere twa Rulindo, Kamonyi, Muhanga, Ngororero, Rutsiro, Nyabihu, Gakenke na Rubavu.

Umuyaga uringaniye ufite umuvuduko uri hagati ya metero 4 na 6 ku isegonda uteganyijwe mu bice bisigaye by'Igihugu.

Meteo ivuga kandi ko hateganyijwe ubushyuhe bwinshi buri hagati ya dogere
Selisiyusi 17 na 29 mu Rwanda, cyane cyane mu bice bimwe by'Umujyi wa Kigali, mu Kibaya cya Bugarama n'igice cy'Amayaga, hazumvikana uburi hagati ya dogere Selisiyusi 26 na 29.

Igipimo cy'ubushyuhe kiri hagati ya dogere selisiyusi 23 na 26 giteganyijwe mu bice bisigaye by'Intara y'Iburasirazuba, Umujyi wa Kigali, Akarere ka Rusizi no mu Ntara y'Amajyepfo, uretse mu burengerazuba bw'uturere twa Nyamagabe na Nyaruguru.

Mu majyaruguru y'Akarere ka Muhanga hateganyijwe ubushyuhe buri hagati ya degere Selisiyusi 20 na 23, na ho mu majyaruguru y'Intara y'Amajyaruguru muri Parike y'Igihugu y'Iburunga, mu burengerazuba bw'uturere twa Nyabihu na Ngororero, mu burasirazuba bw'uturere twa Rubavu na Rutsiro, no muri Parike y'Iguhugu ya Nyungwe ni ho hateganyijwe ubushyuhe buke buri ku gipimo kiri hagati ya dogere Selisiyusi 17 na 20.

Ubushyuhe buteganyijwe buri munsi gato y'ikigero cy'impuzandengo y'ubushyuhe busanzwe bubaho mu kwezi kwa Mata muri iki gice cya gatatu cyako.

Mu ngaruka ziteganyijwe zizaterwa n'imvura, inkuba n'umuyaga harimo imyuzure mu
mihanda iherereye hafi y'imigezi no mu bishanga cyangwa hafi y'imigezi ahakorerwa ubuhinzi n'ubworozi, kunyerera kw'imihanda y'ibitaka bibangamira imodoka, inkangu ahantu hahanamye hatarwanyijwe isuri no gutwarwa kw'ibisenge by'inzu bitaziritse neza.

Hari n'ibiza/impanuka byaterwa no kugwa kw'ibiti biri ahantu hatameze neza cyangwa
amashami y'ibiti, impanuka ziterwa n'imirabyo n'inkuba ahantu hatandukanye
mu gihugu.

Meteo Rwanda ikaba igira inama Abanyarwanda n'inzego bireba gukomeza ingamba zo gukumira ibiza.

Source : https://umuryango.rw/amakuru/mu-rwanda/ubukungu/article/meteo-rwanda-iraburira-kwitega-imvura-nyinshi-muri-iyi-minsi-yanyuma-y-ukwezi

Source : https://www.kigalitoday.com/kwibuka/article/kwibuka-i-murambi-dr-bizimana-yagarutse-ku-banyapolitiki-beza-n-ababi

Umukinnyi wa filime ukomeye muri Tanzania wakanyujijeho mu rukundo na Diamond Platnumz, Wema Sepetu avuga ko kimwe mu bintu yicuza ari ukuba yarabaye icyamamare.

Mu kiganiro uyu mukobwa wabaye Nyampinga wa Tanzania wa 2006 yagiranye na Digital, yavuze ko yumva igihe kigeze ngo arongorwe kuko atakiri umwana ndetse yiteguye ko abantu bazamutwerera.

Ati “ndimo gutekereza uburyo abantu bazantwerera. Natwerereye mu bukwe bwinshi kuki njye batantwerera? Nzaba umwizerwa ku mugabo wanjye. Ndabyifuza. Nk’umugore uba ubitekereza kuko sindimo nsubira ibwana.”

Mu buzima bwe bw’ubwamamare, Sepetu yifuza kuba ataramenyekanye.

Ati “hari igihe niyanze nka Wema Sepetu. Ndikunda. Byari bigoye, ntabwo waba mu nzira buri gihe, rimwe na rimwe uricuza. Iyo nzira nayinyuzemo.”

Yashimiye umuryango we wamubaye hafi mu bihe bigoye byose yagiye anyuramo, kuko ngo baramufashije cyane iyo atabagira ntazi aho yari kuba ari.

Yemeje ko hari igihe yagiye ku mupfumu, nyuma yo kugirwa inama y’uko ibyo yifuza azahita abigireho, gusa ngo yasanze Imana ari yo nkuru.

Ati “yego nibyo nagiye kureba umupfumu. Ndi umwirabura sinabeshya. Hari ibihe mu buzima utekereza ko nubikora hari ikintu uzageraho, mu bitekerezo uba wumva nta kindi cyagufasha.”

“Iyo umuntu aguhaye icyo gitekerezo uhita wumva wagishyira mu bikorwa. Nahawe amategeko agoranye. Nizeye Imana mu masengesho. Abantu bavuga ko amasengesho atwara igihe kirekire uba ugomba kuyakangura.”

Wema Sepetu yamamaye cyane ubwo yari mu rukundo na Diamond Platnumz ariko bakaza gutandukana, yanakundanyeho kandi na Steven Kanumba na we wari umukinnyi wa filime muri Tanzania akaba yaritabye Imana.

Sepetu Wema yemeje ko yagiye mu bapfumu

Source : http://isimbi.rw/imyidagaduro/article/wema-sepetu-yemeje-ko-yagiye-mu-bapfumu-yicuza-ikintu-gikomeye-iby-ubukwe-bwe

Source : https://www.kigalitoday.com/amakuru/amakuru-mu-rwanda/article/digp-namuhoranye-yahaye-impanuro-abapolisi-bitegura-kujya-mu-butumwa-bwa-loni-muri-santrafurika

Source : https://www.kigalitoday.com/imikino-11/volleyball/article/volleyball-mukandayisenga-benitha-yerekeje-muri-kcb-yo-muri-kenya

Tariki ya 21 Mata buri mwaka ni bwo i Cyarwa bagira umunsi wihariye wo kwibuka ubwicanyi bwakorewe Abatutsi bari batuye muri icyo gice bitewe n'amateka yaho ya Jenoside yakorewe Abatutsi.

Kuri uyu wa Kane, tariki ya 21 Mata 2022, ubwo bibukaga ku nshuro ya 28 Jenoside yakorewe Abatutsi, hagarutswe ku bugwari bwaranze Sindikubwabo Théodore dore ko yari umuturanyi wabo.

Minisitiri w'Ubuzima, Dr Ngamije Daniel, wari umushyitsi mukuru muri icyo gikorwa cyo kwibuka, yavuze ko Sindikubwabo yari umuganga ariko ahitamo kuba umwicanyi.

Yagize ati 'Jenoside yakorewe Abatutsi yateguwe n'ubuyobozi bubi kandi bunayishyira mu bikorwa. Tumba yagize umwihariko kuko abakoraga Jenoside batijwe umurindi n'uwari Perezida wa Leta yiyise iy'Abatabazi, umuganga wahisemo kuba umwicanyi, Sindikubwabo Théodore, agashishikariza kwica abana yavuraga n'ababyeyi babamuzaniraga, igihe yakoraga inama tariki ya 19 Mata 1994 hano mu Mujyi wa Butare.'

Dr Ngamije yavuze ko icyo gihe Sindikubwabo yavuze ijambo aburira Abanya-Butare n'urwango rwinshi n'iterabwoba ko 'udashaka kwica yigira ntibindeba na we yicwa'.

Ati 'By'umwihariko Sindikubwabo akaba yari atuye muri uyu murenge turimo [Tumba] hari n'ikigo ndetse cy'abajandarume n'abanyeshuri ba kaminuza bagize uruhare mu kwica Abatutsi bari batuye hano i Tumba.'

Yakomeje avuga ko guhura uyu munsi bigamije kwibuka urupfu rubi Abatutsi bishwe hagarukwa no ku ruhare ubuyobozi bubi bwabigizemo kandi bamagana abajenosideri bose aho bari n'abahembera ingengabitekerezo ya Jenoside.

Ati 'Guhurira hano ni umwanya twongera kwiyemeza no gufata ingamba ko Jenoside itazongera kubaho ukundi.'

Yahumurije abarokotse Jenoside yakorewe Abatutsi babuze ababyeyi, abana, abavandimwe n'inshuti.

Ati 'Mu by'ukuri ni ubuzima bubabaje mwanyuzemo, uyu munsi turabakomeza tubabwira tuti 'mufite igihugu cyiza kibakunda kandi giharanira iterambere rya buri wese', gifite ubuyobozi bwiza bwahisemo kubakira iterambere ryacyo ku nkingi y'ubumwe n'ubwiyunge.'

Mukama Eugène uvuka mu Kagari ka Cyarwa mu Murenge wa Tumba yatanze ubuhamya avuga uko Jenoside yakorewe Abatutsi yamutwaye abo mu muryango we n'uko yaje kurokorwa n'Inkotanyi tariki ya 3 Nyakanga 1994.

Yavuze ko Jenoside yakorewe Abatutsi yatangiye i Tumba nyuma y'ijambo rya Perezida Sindikubwabo ryo ku wa 19 Mata 1994.

Yagize ati 'Jenoside yakorewe Abatutsi itangira nari kumwe n'ababyeyi banjye hano mu Isumo [mu Murenge wa Tumba] hari tariki 20 nyuma y'umunsi umwe Perezida Sindikubwabo avugiye ijambo hano i Butare rishishikariza Abahutu kwica Abatutsi.'

Abafashe ijambo bose basabye Abanyarwanda kunga ubumwe birinda amacakubiri kandi bagafatanya kurwanya abahakana n'abapfobya Jenoside yakorewe Abatutsi.

Urwibutso rwa Jenoside rwa Cyarwa ruruhukiyemo imibiri y'abishwe muri Jenoside yakorewe Abatutsi isaga ibihumbi 11.

Minisitiri w'Ubuzima, Dr Ngamije Daniel, wari umushyitsi mukuru muri icyo gikorwa cyo kwibuka, yavuze ko Sindikubwabo yari umuganga ariko ahitamo kuba umwicanyi

Umuhanzi Bonhomme yifatanyije n’ab’i Tumba kwibuka ku nshuro ya 28 Jenoside yakorewe Abatutsi

Perezida w'Umuryango IBUKA, Egide Nkuranga, yasabye ababyeyi kujya baganiriza abana babo amateka nyakuri y’u Rwanda

Mukama yavuze ko Jenoside yakorewe Abatutsi yatangiye mu Murenge wa Tumba nyuma y'ijambo rya Perezida Sindikubwabo ryo ku wa 19 Mata 1994

Minisitiri w’Ubutegetsi bw’Igihugu, Gatabazi Jean Marie Vianney, yasabye Abanyarwanda bose kunga ubumwe

Hasobanuwe ko Jenoside yakorewe Abatutsi yateguwe ikanashyirwa mu bikorwa n’ubuyobozi bubi

Minisitiri w'Ubuzima, Dr Ngamije Daniel, yunamiye Abatutsi bashyinguye mu Rwibutso rwa Jenoside rwa Cyarwa

Kwibuka Jenoside yakorewe Abatutsi mu Murenge wa Tumba byitabiriwe n’abayobozi mu nzego zitandukanye

Abanyarwanda basabwe kunga ubumwe baharanira kubaka igihugu kizira amacakubiri

Abiciwe ababo muri Jenoside yakorewe Abatutsi bahumurijwe

[email protected]

---

Source : http://igihe.com/amakuru/u-rwanda/article/umuganga-wahisemo-kuba-umwicanyi-hanenzwe-ubugwari-bwaranze-sindikubwaho-wari

Mu gihugu cya Uganda haravugwa inkuru y'umusaza witwa Yosia Mwesigye w'imyaka 83 y'amavuko uri mu byishimo nyuma yo kunguka umwana w'imfura ageze mu zabukuru. Uyu musaza akibana n'umugore we wa mbere witabye Imana yamaze imyaka 57 ategereje urubyaro ariko ntibyakunda. Uyu mwana w'imfura yamubyaranye n'umugore we wa kabiri.

Uyu musaza Yosia Mwesigye ari mu byishimo byinshi byo kwitwa umubyeyi ageze mu zabukuru nyuma yo kugerageza gushaka urubyaro akibana n'umugore we wa mbere witabye Imana ariko bikanga.

Yosia yamaze imyaka 57 yose ategereje ko yakunguka umwana ariko biranga kuko umugore we wa mbere witabye Imana afite imyaka 79, yari afite ibibazo bituma atabasha kubyara.

Amakuru avuga ko uyu musaza yashyingiranwe n'umugore we wa mbere witwaga Jane Tukamuhabwa mu mwaka 1962 ubwo Yosia yari afite imyaka 23 y'amavuko.

Aba bombi bakibana baje kujya mu mavuriro atandukanye abaganga bababwira ko ntakibazo bafite bashobora kubyara ariko bategereza ko nabo babona umwana baraheba. Nubwo bahuye n'ibi bibazo Yosia yakomeje kuba umwizerwa ku mugore we.

Mu mwaka 2008, umugore w'uyu musaza yaje gufatwa n'uburwayi bwa kanseri y'inkondo y'umura aza kwitaba Imana mu mwaka 2018.

Nyuma y'uko umugore we yitabye Imana nta mwana babyaranye, Yosia yasigaye abana n'abakozi be ndetse n'abana yareraga.

Ku myaka 79 y'amavuko, uyu musaza yaje gutekereza kongera gushaka undi mugore nyuma y'uko mushiki we witwa Feredansi Tumushabe amweretse umukobwa yamuhitiyemo ko yamubera umugore. Ntibyatinze nawe afata icyemezo ashyingiranwa n'uyu mukobwa w'inkumi witwa Sharon Arinaitwe.

Nyuma y'imyaka ibiri aba bombi bashyingiranwe, Sharon w'imyaka 29 y'amavuko yaje gutwita maze kuwa 23 Werurwe abyara umwana w'umuhungu.

Umusaza Yosia Mwesigye ateruye imfura ye hamwe n'umugore we Sharon Arinaitwe (iburyo) na mushiki we Feredansi Tumushabe
Yosia nyuma yo kunguka imfura ye ageze mu zabukuru yagize ati: 'Ndanezerewe cyane kuba Imana yampaye umugisha wo kunguka umwana ngeze mu zabukuru. Ntabwo nigeze ntekereza ko nzigera nunguka umwana, nakomeje gusenga none bwa nyuma, Imana isubije amasengesho yanjye ubu ndi umubyeyi.'

Sharon yatangaje ko Yosia ari umugabo mwiza ukunda umuryango we ndetse ko azakomeza kumwitaho igihe cyose azaba akiriho.

Source : https://umuryango.rw/ubuzima-115/udushya/article/umusaza-w-imyaka-83-ari-mu-byishimo-byo-kwibaruka-imfura-ye-nyuma-nyuma-y-igihe

Umwamikaza Elisabeth II ni we wa mbere mu mateka y'u Bwongereza ubashije kumara imyaka mirongo irindwi (70) ari ku ngoma.

Ikinyamakuru US Today kivuga ko ibi birori byabereye ahitwa Sandringham, ndetse ko ibirori byo kwizihiza umunsi yaboneyeho izuba byitabiriwe n'abantu bake, bagizwe n'abo mu muryango we, abavandimwe n'inshuti.

Hashyizwe ahagaragara ifoto yo kwizihiza isabukuru y'amavuko ye, yerekana Umwamikazi ari hagati y'amafarasi ye abiri.

Izo Farasi imwe yitwa Bybeck Nightingale indi yitwa Bybeck Katie.

Biravugwa ko Umwamikazi kuri iyi nshuro atigeze yishimira kwizihiza isabukuru ye nk'uko mbere byari bisanzwe, kuko ngo ababajwe no kuba umwuzukuru we muto Harry atakimwubaha ndetse akaba yaranavuye Ibwami agasezera no mu nshingano zaho zose dore ko ubu asigaye atuye muri Amerika.

Ibindi biri mu bibabaza umwamikazi kuri Harry ni imbwirwaruhame asigaye agaragaramo avuga amagambo y'Ubuzima bw'Ibwami, ibisa nko gusebya cyangwa gutesha agaciro gakwiye guhabwa ibwami.

Ikindi kandi ni ukuba umwaka ushize mu kwezi agiriramo isabukuru ye yarapfushije umugabo yafataga nk'agakoni k'iminsi yicumba.

Tariki 09 Mata 2021 nibwo Igikomangoma Philip wari umugabo w'Umwamikazi Elisabeth II yitabye Imana afite imyaka 99, akaba yari amaze imyaka 66 abana na Elisabeth II.

Source : https://umuryango.rw/amakuru/mu-mahanga/politiki/article/ku-isabukuru-y-imyaka-96-umwamikazi-elisabeth-ii-hayishuye-ikintu-kibabaje-ari