Webrwanda Backend

Blog

  • Rayon Sports na APR FC ku munsi wa 14, ingengabihe ya shampiyona yasohotse #rwanda #RwOT

    Ingengabihe ya shampiyona y’u Rwanda icyiciro cya mbere umwaka w’imikino wa 2022-23 yamaze gusohoka, umukino uba utegerejwe na benshi uhuza APR FC na Rayon Sports uzaba tariki ya 17 Ukuboza 2022, azaba ari ku munsi wa 14 wa shampiyona

    Iyi shampiyona izatangira tariki ya 19 Kanama 2022, AS Kigali yakira Etincelles, APR FC yakire Musanze FC, Bugesera FC na Kiyovu Sports, Sunrise FC na Police FC, Espoir FC yakire Marines.

    Uyu munsi wa mbere uzakomeza tariki ya 20 Kanama 2022, Rwamagana City yakira Gorilla FC, Rayon Sports yakire Rutsiro ni mu gihe Gasogi United izakira Mukura VS.

    Tunyuze mu mikino 5 ya mbere ku makipe 5 ahabwa amahirwe ku gikombe ari APR FC, rayon Sports, AS Kigali, Kiyovu Sports na Police FC.

    Ku munsi wa 2, AS Kigali izaba yasuye Mukura VS, APR FC izaba iri mu Bugesera, Rayon Sports izasura Police FC imikino izaba tariki ya 8 Nzeri 2022 ni mu gihe Kiyovu Sports tariki ya 7 Nzeri izaba yakiriye Espoir FC.

    Ku munsi wa 3 wa shampiyona uzatangira tariki ya 13 Nzeri, APR FC izakina na Police FC. Tariki ya 14 Nzeri, Rayon Sports izakira Rwamagana City, AS Kigali yakire Musanze FC ni mu gihe Kiyovu Sports izasura Gorilla FC.

    Umunsi wa 4 uzatangira tariki ya 1 Ukwakira 2022, Kiyovu Sports yakira Sunrise FC, Rayon Sports izajya i Rubavu gusura Marines FC, Police FC yakire Gasogi United. Tariki ya 2 Ukwakira, AS Kigali izajya i Rubavu gusura Rutsiro FC ni mu gihe APR FC izasura Rwamagana City.

    Umunsi wa 5 uzafungurwa na AS Kigali yasuye Rayon Sports tariki ya 11 Ukwakira 2022. Tariki ya 12 Ukwakira APR FC izakira Marines. Tariki ya 13 Ukwakira Kiyovu Sports izakira Etincelles, Police FC yakire Bugesera FC.

    Umukino uhuza APR FC na Rayon Sports, umwe mu mikino iba itegerejwe na bantu benshi uzaba tariki ya 17 Ukuboza 2022, bizaba ari ku munsi wa 14 w’iyi shampiyona ya 2022-23.

    Iyi shampiyona biteganyijwe ko izatangira tariki ya tariki ya 19 Kanama 2022 ntabwo hashyizweho igihe izasorezwa kuko amatariki agarukira ku munsi wa 25 aho uzakinwa tariki ya 16 Mata 203, andi matariki azashyirwaho nyuma.

    Gahunda ya shmpiyona ya 2022-23

    Rayon Sports ni izakina na APR FC ku munsi wa 14 wa shampiyona

    Source : http://isimbi.rw/siporo/article/rayon-sports-na-apr-fc-ku-munsi-wa-14-ingengabihe-ya-shampiyona-yasohotse

  • Impera z'icyumweru zisize APR FC yerekanye abakinnyi 7 bashya, Rayon Sports itsinda AS Kigali, Ntagengwa Olivier na Gatsinzi Venuste begukanye umwanya wa 4 muri Common Wealth Games #rwanda #RwOT

    Impera z'icyumweru cya mbere cy'ukwezi kwa Kanama 2022, zisize ikipe y'ingabo z'igihugu y'u Rwanda ya APR FC yerekanye abakinnyi bashya yaguze bagomba gufatanya n'abandi bakinnyi mu rwego rwo kwitegura imikino Nyafurika ndetse na shampiyona muri rusange, ni igikorwa cyabereye i Shyorongi aho iyi kipe y'Ingabo z'Igihugu isanzwe iba.


    Abakinnyi bashya berekanywe nyuma yo kubasinyisha barimo myugariro Niyigena Clement wari waratijwe muri Rayon Sports, myugariro Ishimwe Christian wavuye muri AS Kigali, Nkundimana wavuye muri Musanze FC, Ramadhan Niyibizi wayuye muri AS Kigali, Ishimwe Fiston wari waratijwe muri Marines FC, rutahizamu Taibu Mbonyumwami wavuye muri Espoir FC ndetse na Uwiduhaye Aboubakar wavuye muri Police FC.


    Usibye aba bakinnyi bashya berekanywe kandi, hanashimiwe abakinnyi bitwaye neza mu mwaka ushize w'imikino wa 2021-2022, Ruboneka Bosco yahembwe nk'umukinnyi mwiza w'umwaka, Mugunga Yves na Mugisha Gilbert bahembwe nk'abatsinze ibitego byinshi, bombi batsinze 6.


    Umukinnyi muto w'umwaka muri iyi kipe ya APR FC wahembwe ni Ishimwe Pierre wagize umwaka mwiza mu gice cy'izamu, ni mu gihe kandi umutoza Adil Erradi Muhamed we yahembwe nk'umutoza umaze kwitwara neza kuba ageze muri iyi kipe.

    Muri uyu muhango kandi, herekanywe Maj Jean Paul nk'ushinzwe ubuzima muri iyi kipe (Team manager), umutoza ushinzwe kongerera abakinnyi imbaraga Pablo Sebastien Morchon.


    Impera z'icyumweru kandi zisize ikipe ya Rayon Sports itsinze AS Kigali igitego kimwe ku busa, ni igitego cyatsinzwe na Ndekwe Felix wahoze muri iyi kipe ya AS Kigali ubwo bakiniraga kuri Sitade ya Kigali i Nyamirambo kuri iki cyumweru.


    Muri Uganda haberaga imikino y'intoki ya Volleyball izwi nka Kampala Amatuer Volleyball Clubs, iri rushanwa rikaba ryarekuganwe na APR Volley Ball Club mu Bagabo ndetse no mu bagore iyi kipe ya APR VC yegukana igikombe.

    I Birmingham mu mukino ya Common Wealth, ikipe y'igihugu ya Beach Volleyball yari ihagarariwe na Ntagengwa Olivier na Gatsinzi Venutse begukanye umwanya wa kane nyuma yo gutsindwa n'u Bwongereza amaseti 2-0.

    The post Impera z'icyumweru zisize APR FC yerekanye abakinnyi 7 bashya, Rayon Sports itsinda AS Kigali, Ntagengwa Olivier na Gatsinzi Venuste begukanye umwanya wa 4 muri Common Wealth Games appeared first on RUSHYASHYA.

    Source : https://rushyashya.net/impera-zicyumweru-zisize-apr-fc-yerekanye-abakinnyi-7-bashya-rayon-sports-itsinda-as-kigali-ntagengwa-olivier-na-gatsinzi-venuste-begukanye-umwanya-wa-4-muri-common-wealth-games/?utm_source=rss&utm_medium=rss&utm_campaign=impera-zicyumweru-zisize-apr-fc-yerekanye-abakinnyi-7-bashya-rayon-sports-itsinda-as-kigali-ntagengwa-olivier-na-gatsinzi-venuste-begukanye-umwanya-wa-4-muri-common-wealth-games

  • Ally Niyonzima wakiniye APR FC, Rayon Sports, Amavubi… yabonye ikipe nshya #rwanda #RwOT

    Umukinnyi w’umunyarwanda ukina mu kibuga hagati Niyonzima Ally yamaze gusinyira amasezerano y’umwaka umwe Bumamuru FC ikina mu cyiciro cya mbere mu Burundi.

    Ally Niyonzima wakinaga muri Arabie Saoudite akaba yamaze gutangazwa n’iyi kipe aho aje kuyifasha mu mwaka w’imikino wa 2022-23.

    Uyu mukinnyi usanzwe ari umukinnyi w’ikipe y’igihugu Amavubi, yakiniraga ikipe ya Jeddah FC muri Arabie Saoudite.

    Hari nyuma yo gukinira amakipe atandukanye hano mu Rwanda arimo Mukura VS, APR FC, AS Kigali na Rayon Sports ndetse na Azam FC yo muri Tanzania.

    Iyi kipe kandi ikaba yanasinyishije abandi bakinnyi babiri barimo Ahmed Ben Ouattara, umunya-Côte d’Ivoire wakiniraga Diable Noire yo muri Congo Brazaville na Haruna Moussa, umukongomani wakiniraga Simba de Katanga muri Congo Kinshasa.

    Ally Niyonzima ubwo yasinyaga amasezerano yo gukinira Bumamuru FC

    Ally Niyonzima yasubiye gukina iwabo mu Burundi

    Source : http://isimbi.rw/siporo/article/ally-niyonzima-wakiniye-apr-fc-rayon-sports-amavubi-yabonye-ikipe-nshya

  • Igisasu cya bombe gipima ibiro 450 cyo mu ntambara ya 2 y'Isi cyabonywe mu ruzi rwitwa' Po' #rwanda #RwOT

    Igisasu kitaturitse cyo mu ntambara ya kabiri y'isi cyabonetse mu ruzi rwo mu Butaliyani nyuma y'uko rukamye kubera amapfa akabije. Iyi bombe ipima ibiro 450 yabonywe n'abarobyi ahegereye inkombe z'uru ruzi rurimo gukama rwitwa Po. 

    Ibice binini by'uyu mugezi wa 650km byarakamye muri aya mapfa akomeye yugarije Ubutaliyani kuva mu myaka 70 ishize.  Colonel Marco Nasi wo mu ngabo z'Ubutaliyani yabwiye ibiro ntaramakuru Reuters ati:' Iyo bombe yabonywe n'abarobyi ku nkombe z'umugezi wa Po.'

    Iki gisasu cyari kitaraturika, abasirikare bavuze ko cyari kirimo 240kg z'ubumara buturika, kikaba cyarabonywe mu gace ka Lombardie mu kwezi gushize.

    Abantu bagera ku 3,000 batuye hafi aho byabaye ngombwa ko bahakurwa kugira ngo abategura ibisasu bakihavane ndetse bagituritse neza kuri iki cyumweru.

    Francesco Apori, ukuriye ako gace, yagize ati: 'Mbere, bamwe mu bahaturiye bari bavuze ko ntaho bajya, ariko mu minsi ishize twabashije kubyumvisha buri wese.' Ikirere cy'aka gace nacyo cyarafunzwe by'igihe gito, ndetse n'inzira zo mu mazi. Kugira ngo bagituritse.

    'Po', nkuko BBC dukesha iyi nkuru ibitangaza, nirwo ruzi rurerure mu Butaliyani, ruva mu majyepfo ashyira uburengerazuba bw'imisozi ya Alpes rukagera ku nyanja ya Adriatic.

    Kuri iki cyumweru nibwo iki gisasu cyaturikijwe.

    Ku mashusho ngarukamwaka y'icyogajuru, ay'uyu mwaka yerekana imikoki yumagaye mu ngobyi y'uru ruzi kubera amapfa akabije yateye Ubutaliyani.

    Mu kwezi gushize, abategetsi b'iki gihugu batangaje ibihe bidasanzwe mu duce dukikije uruzi Po, rusanzwe rwifashishwa mu kuhira 1/3 cy'umusaruro w'ubuhinzi bw'Ubutaliyani.

    Abahinzi bo mu kibaya cy'uru ruzi bavuze ko kuva mu mezi ashize rurimo gutembamo amazi y'icyunyunyu nk'ay'inyanja, arimo kwangiza ibihingwa.

    intyoza

    Source : https://www.intyoza.com/igisasu-cya-bombe-gipima-ibiro-450-cyo-mu-ntambara-ya-2-yisi-cyabonywe-mu-ruzi-rwitwa-po/

  • Vava yahaye gasopo Super manager wavuze ko yamuraranye – YEGOB #rwanda #RwOT

    Mu minsi yashize humvikanye amakuru ko aho Vava vamwirukanye hanyuma super manager agacumbikira vava bakararana ndetse akanamuha itike yo kugira ngo atahe ajye iwabo nyamasheke.

    Ku kiganiro cye cya mbere akoreye kuri television,mu marira menshi vava uzwi nka dore imboga yabwije ukuri super manager wari urimo amwihakana avuga ko atamuzi amubwira ko ibyo avuga atazi ibyo akina nabyo.

    Vava yavuze ko super manager yamuhamagaye akamwemerera amafaranga 20,000 ndetse akamubwira ko yari kujya mu ifamu ya bruce melody agakuramo ingurube ariko nabyo ntiyabikora.

    Super manager n'ikimwaro kinshi yakomeje kumwihakana hanyuma vava amusaba imbabazi kuba amwubahutse gusa ariko bikaba byatewe n'uko atigeze amuhereza icyubahiro vava akwiye.

    Super manager kandi yabajije vava icyo akora hanyuma amubwira ko ari umukozi wo mu rugo super manager amuha akazi k'ubunamba mu modoka z'aho yamamariza.

    Source : https://yegob.rw/vava-yahaye-gasopo-super-manager-wavuze-ko-yamuraranye/

  • Telephone ya Super manager yamuraburije mu kiganiro ku Isibo Tv – YEGOB #rwanda #RwOT

    Super Manager ubwo yari mu kiganiro ku Isibo Tv, bamubajije mu kuba yarasinye amasezerano y'ibifefeko hanyuma nawe ashaka guca impaka kugira ngo abereke aho bamwishyuriye.

    Umunyamakuru Clement wari wakoze mu kiganiro The choice live akimara gufata Telephone agiye gusoma ubutumwa yohererejwe bw'amafaranga na company hahise hiyandikamo ngo insufficient storage (umwanya ntago uhagije).

    Icyatunguye abantu ni ukuntu we yari amaze kwiyemera ko ariwe ufite telephone irenze hano mu Rwanda ko ariyo Joe Biden atunze akaba ari mu kiciro kimwe nawe.

    Source : https://yegob.rw/telephone-ya-super-manager-yamuraburije-mu-kiganiro-ku-isibo-tv/

  • Abanyamakuru ba Isibo Tv bavuze uko The Ben yasuzuguye abanyarwanda bose – YEGOB #rwanda #RwOT

    Mu kiganiro Thechoice live kinyura kuri Television ya Isibo, abanyamakuru Clement na Babu bakora muri iki kiganiro bongeye kugaruka kubyo babonye mu gitaramo cya The Ben bikaba bitari bikwiye ndetse bakavuga ko byagakwiye guhinduka.

    Aba banyamakuru banenze The Ben ko kuba yaranze kuganira n'itangazamakuru ahubwo akaza asaba abantu kumucanira amatoroshi arimo aririmba mu gihe yimanye amakuru.

    The Ben muri Uganda yaganiriye n'ibitangazamakuru byaho, muri Suede yaganiriye n'ibitangazamakuru kandi aho hose ntago hari mu rugo iwabo ariko yageze mu Rwanda iwabo aho hari abafana be benshi kandi bamukeneye yanga gutanga amakuru.

    Bivugwa ko The Ben yavuze ko nta gitangazamakuru cyo mu Rwanda yavugasha kuko bitari ku rwego rwe byose biciriritse kuri we.

    Bamunenze ko kandi amatike yajemo zagazagara bigatuma hinjira abantu batishyuye ndetse n'abishyuye bakaza kwinjira bakicazwa aho batishyuye.

    Source : https://yegob.rw/abanyamakuru-ba-isibo-tv-bavuze-uko-the-ben-yasuzuguye-abanyarwanda-bose/

  • Video y’umunsi: Nel Ngabo yagaragaye yagiranye ibihe byiza n'umwana muto – YEGOB #rwanda #RwOT

    Kuri uyu wa 07 Kanama 2022 twabazengurukiye imbuga nkoranyambaga zitandukanye kugirango tubategurire videwo y'umunsi. Videwo twabahitiyemo ni iya Nel Ngabo aho yari ateruye umwana muto bigaragara ko amufitiye urukundo rwinshi. Iyi videwo yashyizwe hanze binyujijwe ku rukuta rwa instagram rwa Igor Mabano. Igor yifuje no kuyisangiza abakunzi ba Nel Ngabo kuri uyu munsi Nel Ngabo kandi akaba yizihije isabukuru ye y'amavuko.

     

    Source : https://yegob.rw/video-yumunsi-nel-ngabo-yagaragaye-yagiranye-ibihe-byiza-numwana-muto/

  • Kenny Sol amennye umuceri hasi avuga agasuzuguro yakorewe||intandaro yo kutaririmba mu gitaramo cya The Ben – YEGOB #rwanda #RwOT

    Umuhanzi Kenny Sol yatangaje ko agasuzuguro no kutishyurwa aribyo byatumye ataririmba mu gitaramo cya The Ben cyabaye mu ijoro ryatambutse.

    Mu itangazo uyu muhanzi yashyize hanze yatangaje ko ashengurwa no kuba amezi agiye kuba abiri Bruce Intore wateguye ibitaramo Chop Life ataramwishyura ndetse no kuba David Bayingana n'abandi bateguye igitaramo cya The Ben banze kumwishyura nkuko amasezerano yabiteganyaga.

    Iri tangazo rikomeza rivuga ko agasuzuguro abahanzi nyarwanda basuzugurwa n'abategura ibitaramo gakwiye guhagarara ndetse asaba abahanzi bagenzi be gutinyuka bagashyira hanze ukuri kose.

    Source : https://yegob.rw/kenny-sol-amennye-umuceri-hasi-avuga-agasuzuguro-yakoreweintandaro-yo-kutaririmba-mu-gitaramo-cya-the-ben/

  • Mu mvugo ikakaye Kenny Sol yikomye umunyamakuru David Bayingana #rwanda #RwOT

    Umuhanzi Nyarwanda Kenny Sol yavuze ko yatengushywe bikomeye n’umunyamakuru David Bayingana wavuze ngo ajye ku rubyiniro aririmbe cyangwa abireke, ni mu gitaramo cya ‘Rwanda Rebirth’.

    Mu mpera z’icyumweru gishize tariki ya 6 Kanama 2022, mu Rwanda hari igitaramo cy’imbaturamugabo cyari cyatumiwemo umuhanzi Nyarwanda The Ben usanzwe ukorera umuziki we muri Leta Zunze Ubumwe za Amerika.

    Ku rutonde rw’abahanzi bagombaga kuririmba hariho n’umuhanzi Kenny Sol, gusa yarategerejwe ntiyakandagira ku rubyiniro ni mu gihe kandi yari muri Kigali Arena ahabereye iki gitaramo.

    Havuzwe byinshi birimo kuba ngo yaba yimwe inzoga ya Hennessy ngo abone kujya ku rubyiniro.

    Mu ibaruwa ndende uyu musore yaraye asohoye, yagarutse ku mpamvu yatumye ataririmba kandi yari yageze ahagomba kubera igitaramo.

    Yavuze ko hashize imyaka myinshi abahanzi barabaye ikibazo, ngo ntibagerera ahagomba kubera igitaramo igihe n’ibindi, gusa ngo bigomba guhinduka.

    Ngo abategura ibitaramo rimwe na rimwe na bo ubwabo baba ari ibibazo kuko banze kubahiriza ibyo bumvikanye, aha ni ho yatanze urugero kuri David Bayingana wavuze ngo baririmbe cyangwa babireke, ngo yanatanze ingwate ya telefoni ye ngo azayisubize amaze kwishyurwa.

    Ati “rimwe na rimwe abantu batumira abahanzi ni bo baba ari ibibazo. Muvandimwe Bayingana ngomba kuvuga ukuntu wantengushye mu ijoro ryakeye, amagambo wambwiye n’ikipe yanjye ngo “Turirimbe cyangwa tubireke”, wageregeje no kujya kumvisha umujyanama wanjye ngo afate telefoni ya we nk’ingwate, kubera ko gusa twagusabaga n’abantu ba we kuzuza ibikubiye mu masezerano twagiranye.”

    Kenny Sol bivugwa ko yari yemerewe miliyoni 2, mbere yo kujya ku rubyiniro yabwiwe ko ahabwa sheki azabikuza tariki ya 10 Kanama ariko nayo arayitegereza ntiyayihabwa ari nabwo yafataga umwanzuro wo kutajya ku rubyiniro.

    Muri iyi baruwa ndende kandi yasobanuye ibibazo abahanzi bahura nabyo, aho barara amajoro bakora ariko benshi mu bategura ibitaramo ntibahe agaciro ibyo bakora.

    Ngo mu Rwanda ni ho honyine abamenyekanisha ibihangano (promoters) bumva bari hejuru y’umuhanzi ndetse n’abategura ibitaramo bakumva ko gutumira umuhanzi ari impuhwe bamugiriye.

    Yibajije kandi niba Ikigo cy’igihugu cy’iterambere (RDB) cyaba cyizi ko igitaramo cya ‘Chop Life’ yaririmbyemo tariki ya 25 Kamena 2022 cyateguwe n’Intore Entertainment yaba atarishyurwa amafaranga yose.

    Ibaruwa ya Kenny Sol

    Kenny Sol yavuze impamvu ataririmbye muri Rwanda Rebirth Concert

    Bayingana David yatunzwe agatoki bitewe n’amagambo yabwiye Kenny Sol

    Source : http://isimbi.rw/imyidagaduro/article/mu-mvugo-ikakaye-kenny-sol-yikomye-umunyamakuru-david-bayingana