Blog

Abatangabuhamya babwiye IGIHE ko uyu mugore yari amaze iminsi atabanye neza n'umugabo we nyuma yo kumenya ko ajya afata umwanya akajya muri 'Sauna massage' ari kumwe n'abandi bagabo.

Ngo akimenya aya makuru yaje kubibaza umugabo we ndetse baranabipfa ariko amwizeza ko atazongera kujya muri Sauna massage ndetse ko nashaka kujya ajyayo azajya amubwira bakajyana cyane ko yavugaga ko nta kintu kibi ahakorera.

Bavuga ko ibintu byaje kuzamba nyuma y'aho undi mugabo w'inshuti y'umugabo w'uwo mugore abwiriye uwo mugore ko umugabo we adashobora kumara icyumweru atagiye muri sauna massage ndetse n'iyo yayigiyemo akorerwa iyitwa 'body to body'.

Muhizi Djuma utuye i Nyamirambwo yabwiye IGIHE ko iyo nshuti y'uwo mugabo ariyo yatumye uwo mugore afatira umugabo we muri sauna massage.

Yagize ati 'Kubera ko umugore yahakanaga ko umugabo we atakijya muri Sauna massage yayicitseho, uwo mugabo w'inshuti yabo baje kumvikana amubwira ko umunsi azamubonamo azahita abimubwira.'

Yakomeje avuga ko uwo mugabo yaje guhamagara uwo mugore umugabo we ari muri sauna massage i Nyamirambo hafi ya stade amutegerereza inyuma y'urugi kuko nta wundi muntu uba wemerewe kwinjira.

Ntwari Jean Pierre na we wari uri ahabereye ibi, yavuze ko yatunguwe n'uburyo uyu mugore yateje akavuyo mu bindi byumba biberamo sauna massage.

Yagize ati 'Twe twagiye kubona tubona adusanze muri sauna ari kubaza ngo ni hehe ari, asakuza cyane ngo aramwifatiye baramusohora nibwo yaje kumenya icyumba umugabo we arimo agisohoka ahita amusingira abagabo bari aha baritambika barabakiza.'

Amakuru agera ku IGIHE avuga ko ngo uyu mugore yahise ajya iwe apakira ibintu bye birimo imyenda anatwara abana batatu yabyaranye n'uwo mugabo ahita ajya iwabo mu Murenge wa Gatenga mu Karere ka Kicukiro.

---

Source : http://igihe.com/amakuru/u-rwanda/article/kigali-yaguye-ku-mugabo-we-ari-gukorerwa-massage-ya-body-to-body

Umukino w’igikombe kiruta ibindi mu gihugu (Super Cup) ugomba guhuza APR FC na AS Kigali, wamaze gukurwa i Huye ushyirwa kuri Stade ya Kigali.

Tariki ya 14 Kanama 2022 ni bwo hateganyijwe uyu mukino uhuza ikipe yatwaye shampiyona ndetse n’iyatwaye igikombe cy’Amahoro.

Kuri iyi inshuro uzahuza APR FC yegukanye shampiyona ya 2021-22 na AS Kigali yegukanye igikombe cy’Amahoro cya 2022.

Ni umukino wari uteganyijwe kuzabera kuri Stade Mpuzamahanga ya Huye saa 18h ariko ukaba wamaze kwimurirwa kuri Stade ya Kigali saa 15h nk’uko bigaragara mu ibaruwa umunyamabanga wa FERWAFA w’umusigire, Iraguha David yandikiye amakipe ya AS Kigali na APR FC.

Uyu kandi ukazaba ari umukino ubanziriza shampiyona ya 2022-23 kuko tariki ya 19 Kanama izahita na yo itangira.

Umukino wa AS Kigali na APR FC uzabera kuri Stade Regional ya Kigali

Source : http://isimbi.rw/siporo/article/impinduka-ku-mukino-wa-super-cup-uzahuza-apr-fc-na-as-kigali

Guverinoma ya Uganda yafunze ibikorwa by'umuryango utegamiye kuri Leta wari usanzwe uvugira abaryamana bahuje ibitsina (LGBT).

Uyu muryango uzwi nka Sexual Minorities Uganda's (SMUG) washinjwe gukora mu buryo bunyuranyije n'amategeko nk'uko byatangajwe mu itangazo ryashyizwe hanze ku wa Gatandatu, na Stephen Okello ushinzwe ikigo kigenzura imiryango itari iya Leta.

Bavuze ko kuryamana hagati b'abahuje ibitsina bitemewe muri Uganda ko kuba bavuganira ababikora ari mu buryo bwo kugira ngo bikorwe.

Source : https://yegob.rw/abikorera-bazize-kuvuganira-abaryamana-bahuje-ibitsina/

Kapiteni wa APR FC yavuze amagambo menshi ku munsi APR FC yerekanye abakinnyi bayo bashya uko ari batandatu ndetse ahabwa umwanya kugira ngo agire icyo avuga imbere y'abayobozi be.

Manishimwe Djabel yikomye itangazamakuru ko banenga abanyarwanda kandi bashoboye ndetse yongeraho ko kuba umunyamahanga bidasobanuye ko uzi gukina ahubwo n'abanyarwanda bazi gukina dore ko aribo baheruka igikombe.

Itangazamakuru naryo rinenga APR FC ko ritajya ritanga amakuru nkuko andi makipe yose atanga amakuru bigatuma abanyamakuru bitangariza amakuru bashatse.

Source : https://yegob.rw/manishimwe-djabel-yikomye-itangazamakuru-mu-gihe-naryo-rimwikoma/

Nyuma y'uko kenny sol atagaragaye mu gitaramo cya The ben yagombaga kuririmba mo kubera ko abategura ibitaramo batubahirije ibyo bumvikane n'uyu muhanzi.

Kenny Sol yavuze ko abahanzi nyarwanda basuzugurwa cyane n'abategura ibitaramo ndetse n'abamenyekanisha ibihangano bya bo (promoters) aho yavuze ko bo baba bumva banarenze umuhanzi.

Yavuze ko mu Rwanda abategura ibitaramo bahamagara umuhanzi nk'aho ari impuhwe bamugiriye ndetse bakaba bumva yakwemera kubakorera ni yo we yaba yumva atanyuzwe n'ibyo yahawe cyangwa uburyo bamubwira gukoreramo.

Juno Kizigenza nawe yunze murya mugenzi kenny sol maze yandika ibaruwa ndende avuga ku mitegurire mibi y'ibitaramo mu Rwanda.

Source : https://yegob.rw/turambiwe-agasuzuguro-juno-kizigenza-yunze-murya-kennysol-wamennye-umuceri-hasi/

Video yagiye ahagaragara yerekana igihe umuhungu muto cyane yahisemo guhura na se wumukunzi we bwa mbere ngo amusabe uruhushya basohokane.

Uyu mwana muto yinjiye mu rugo rw'umukobwa maze atungura papa we asaba gusohora umukobwa muto bangana ngo batemberane.

Muri videwo yashyizwe ku rubuga rwa interineti, ubwo yakomanze ku rugi rw'umugabo arakingura, umuhungu yasabye kubona umukobwa muto witwa Zizi.

Igihe se yabazaga umwana impamvu atekereza ko akwiriye gusohora umukobwa we, umusore wintwari yavuze ko yishimye kandi yizeye ko ari umuhungu mwiza.

View this post on Instagram

A post shared by Your No.1 bridal gallery ❤ (@brightbeautifulandbridal)

Source : https://yegob.rw/umwana-muto-cyane-yatunguranye-ajya-gusaba-umukobwa-bangana-ngo-basohokanevideo/

Umuhanzikazi Butera Knowless ukunzwe n'abatari bake kubera indirimbo ze zitandukanye agenda akora yishimiwe n'abafana be ndetse bamwita umwamikazi nyuma yo gushyira hanze ifoto ye yambaye imyambaro y'icyatsi kibisi.

Ni ifoto uyu muhanzikazi yashyize hanze yifashishije instagram ye yerekanye ko yaberewe no kwambara imyenda y'ibara ryicyatsi.Abamukurikira bahise bamwereka ko bamukunda ndetse hari umufana we wamwise umwamikazi.

View this post on Instagram

A post shared by Butera Knowless (@buteraknowless)

Source : https://yegob.rw/uri-umwamikazi-ibyavuzwe-kuri-knowless-nyuma-yimyambarire-yeifoto/

Ku munsi w'amavuko w'umuhanzi Ngabo Medard Jobert wamamaye mu muziki nka Meddy, abafana be basuye Ingoro Ndangamateka y'Urugamba rwo Guhagarika Jenoside.

Mbere yo kwereeza kuri iyi ngoro bahuriye ku nzu y'imikino n'imyidagaduro BK Arena aho bafatiye imodoka yabatwaye, bahaguruka ku isaha ya saa kumi z'umugoroba zo ku cyumweru tariki 07 Kanama 2022.

Mu rugendo rwabo bagendaga bumva banaririmba indirimbo z'uyu muhanzi. Ubwo bari bageze ku Ngoro bazengurukijwe ibice binyuranye biyigize ari na ko basobanurirwa uko byari byifashe.

Iyi ngoro yafunguwe ku mugaragaro na Perezida Paul Kagame kuwa 13 Ukuboza 2017 ikaba ibumbatiye amateka akomeye y'u Rwanda rwa none n’uko Urugamba rwo guhagarika Jenoside rwagenze.

Umwe mu bagize Inkoramutima yabwiye inyaRwanda.com ubutumwa bahakuye agira ati: 'Buriya ibintu byinshi turabyiga cyangwa tukabyumva ku mateka y'igihugu cyacu ariko twe twiyemeje kuzajya twigerera aho byabereye.'

Akomeza agira ati: 'Ibi ntitubikora kubera indi mpamvu dushaka gusobanukirwa kurushaho ngo natwe tuzajye tubona uko dusobanurira abandi, hari byinshi kandi twungukiye hano bizatuma turushaho gukomeza kuba abanyarwanda beza kandi n'abambasaderi b'Igihugu cyacu.'

Mu bihe by'iminsi ijana yo Kwibuka ku nshuro ya 28 Jenoside yakorewe Abatutsi, Inkoramutima za Meddy basuye Urwibutso rwa Jenoside rwa Kigali ruherereye ku Gisozi hari kuwa 17 Mata 2022.

Nyuma yo gusura Ingoro bahise bakomereza mu birori byo kwizihiza isabukuru ya Meddy ahantu heza bari bateguye. Uyu muhanzi yujuje imyaka 33 afite umugore n'umwana w'umukobwa witwa Myla Ngabo wabonye izuba muri Werurwe uyu mwaka.

Bahagurukiye kuri BK Arena

Abasore n’abagabo bagize Inkoramutima

Abagore n’abakobwa bagize Inkoramutima 

Abagize Inkoramutima bari bishimye 

Ku Ingoro Ndangamateka y’Urugamba rwo Guhagarika Jenoside

Bafashe umwanya wo gusangira 

 Basuye Ingoro Ndangamateka y’Urugamba rwo guhagarika Jenoside

Source : https://inyarwanda.com/inkuru/119820/inkoramutima-zasuye-ingoro-ndangamateka-yurugamba-rwo-guhagarika-jenoside-mu-kwizihiza-isa-119820.html

Ku wa gatandatu nibwo hari hateguwe igutaramo cyiswe Rwanda rebirth celebration cyarimo umuhanzi mukuru w'Imena ariwe The Ben.

Kenny Sol yanze kuririmba muri iki gitaramo hanyuma Phil Peter akinga ibikarito mu maso abantu ariko Kenny Sol aza kuvuga impamvu yatengushye abafana be.

Yagize ati 'Akenshi abantu bategura ibi bitaramo ni bo kibazo. Muvandimwe wanjye David Bayingana, ndagira ngo mvuge uburyo natengushywe cyane n'uburyo butari ubwa kinyamwuga wanyitwayeho mu ijoro ryahise hamwe n'itsinda dukorana. Mu magambo yawe bwite wavuze ngo 'turirimbe cyangwa tubireke'.'

'Wageze n'aho ugerageza kumvisha umuntu ucunga ibikorwa byanjye kugumana telefoni yawe nk'ingwate. Koko? Kubera gusa ko twagusabaga wowe na bagezi bawe kubahiriza amasezerano twagiranye?'

Umwebmu bategura ibitaramo yavuze ko abasangiye ubusa bitana ibisambo, ko niba abantu batabonye amafaranga muri ibyo bitaramo bityo bakaba ari ntaho bayakura ndetse yemeza ko iyo yanze ibiganiro yagana inkiko agahabwa ubutabera.

Source : https://yegob.rw/abategura-ibitaramo-bifatiye-ku-gahanga-kenny-sol-wabavuyemo/

Burna Boy umuhanzi ukomeye muri Nigeria ndetse no ku isi hose, yibasiwe n'umugore we avuga uburyo uyu mugabo atazi gutera akabariro ndetse akaba yihgararaho yirengagije inenge afite.

Uretse kudashobora kumuhaza ngo yumve anyuzwe, na gake yakoze ntago yashoboye kumuha akana ahubwo akajya amuzanaho amatiku gusa.

Nyuma y'iminsi mike ubutumwa bwa Stefflon bugiye hanze, Burna Boy yamusubije.Ati: 'Nibyo yego ndi ingagi idafite imbaraga mu gutera akabariro ariko mfite amafaranga abita ikuzimu!'

Umubano hagati y'aba baririmbyi bombi wari ushyigikiwe cyane n'abakunzi babo bahoraga babashima ariko Burna yatangaje gutandukana kwabo kuri Instagram.

Source : https://yegob.rw/burna-boy-yasubije-uwari-umukunzi-we-wavuze-ko-atazi-gutera-akabariro/