Blog

Hashize igihe kinini buri munsi Sam Karenzi yibasirwa na bamwe mu bakunzi ba Rayon Sports n'ubwo hari undi mubare munini ukunda uburyo avugisha ukuri kugamije kubaka iyi kipe igatera imbere ikongera kwegukana ibikombe nk'uko byahoze.

Mu kiganiro Urukiko rw'Ubujurire rw'Imikino cyo kuri uyu wa Kane tariki 11 Kanama 2022, umunyamakuru Sam Karenzi yavuze ko hari abakunzi ba Rayon Sports bamushimiye nyuma y'uko avuze ibitagenda ku buyobozi bigatuma bimwe bihinduka.

Yagize ati 'Hari abakunzi benshi ba Rayon Sports bampamagaye barambwira ngo kuba Rayon Sports iguze Paul Were Ooko na Boubacar Traore ni ukubera igitutu washyize ku buyobozi, kandi koko abafana ba Rayon Sports bakwiye kunshimira kuko abanyamakuru twese tuje tugashimagiza ibidahari ikipe yakomeza kugana ahabi ariko kuvuga ibitagenda bituma bikosoka'.

Source : https://yegob.rw/umunyamakuru-sam-karenzi-yavuze-amagambo-akomeye-yakoze-ku-mutima-aba-rayon/

Hashize iminsi mike umuhanzi Mugisha Benjamin uzwi nka The Ben ataramiye Abanyarwanda mu gitaramo yakoreye muri BK Arena,igitaramo cyarimo Pamella Fiance wa The Ben.

Kuri iyi nshuro yagaragaye amashusho y'aba bombi aho bivugwa ko bari kurira ubuzima ku mugabane w'i Burayi. Mu mashusho yasakaye kuri instagram agaragaza The Ben n'umukunzi we Uwicyeza Pamella bari ahantu muri hoteli ,ndetse hagaragayemo ijambo rigaragaza ko bari bafashe rutemikirere aho bagiye kuruhukira.

Source : https://yegob.rw/miss-pamella-na-the-ben-bagaragaye-barya-ubuzima-video/

Ku mugoroba wo kuri uyu wa 11 Kanama 2022 habura amasaha mbarwa iserukiramuco ritegerejwe na benshi rigatangira, habaye ikiganiro n'itangazamakuru cyayobowe n'umunyamakuru wa RBA, Luckman Nzeyimana.

Mu masaha ya saa kumi n'ebyiri iki kiganiro ubwo cyafungurwaga, uhagarariye ATHF yateguye iki gitaramo ni we wabimburiye abandi atangira agira ati: 'ATHF ikorera muri Nigeria mu myaka myinshi ishize, iki kikaba aricyo gitaramo gifunguye imikorere yacu mu Rwanda. Si igitaramo kuko ari iserukiramuco ry'iminsi ibiri.'

Yaw wari uhagarariye MTN iri mu baterankunga b'iki gikorwa, nawe yasobanuye impamvu nyamukuru yabateye kwifuza gutera inkunga iki gitaramo agira ati: 'Twishimiye gukorana nabo, kandi twabafashije kuko biri mu murongo umwe n'ibyo twasezeranije abakiriya. Rero ni mu rwego rwo kubibaha kandi tuzakomeze gufatanya, twiteguye kwishima no kubashimisha muri iri serukiramuco.'

Manzi wari uhagarariye Bralirwa yateye inkunga iki gikorwa binyuze mu kinyobwa cyayo cya Amstel, yagize ati: 'Mu busanzwe intego yacu ni ugucuruza ibyishimo tubinyujije muri yacu platform yitwa inshuti za Amstel, twateye inkunga iki gikorwa cy'agashya mu gihugu kandi twizera ko kizashimangira intego yacu ahubwo abataragura amatike bihute.'

Umushyushyarugamba Anitha Pendo uri mubazafatanya n'abandi kuyobora iri serukiramuco rizaba hagati ya tariki 12 na 13 Kanama 2022, yagize ati: 'Icyo nababwira ni uko imyiteguro ari yose, kandi bizaba ari ibyishimo byuzuye, hazashya.'

Umuhanzikazi Momolava we yagize ati: 'Twiteguye neza kandi twizeye ko ibintu bizagenda neza.' Abandi bahanzi nabo bagiye bashimangira ko biteguye, kandi abantu bafite kugura amatike kuko bazabona ubudasa. Muri abo harimo Kivumbi, Ariel Wayz, K Shot, Soja Kid na Major Fabla ugiye guseruka bwa mbere ku rubyiniro rukomeye ariko wahamije ko abantu bazahora bifuza kumubona kuko yiteguye birenze.

Sheebah uri mu bahanzi b'abanyamahanga bazagaragara muri iri serukiramuco hamwe na Kizz Daniel, nawe yongeye gushimangira ko yishimiye kuba mu rugo. Uyu muhanzikazi mu magambo ye ati: 'Buri gihe mpora nishimira kuba mu rugo, ndishimye cyane ndabashimira abanyarwanda gushyigikira umuziki wanjye dore ko ari naho watangiriye mbyina, kandi icyo nababwira ni uko igihe kizaba gito.'

Agaruka ku kibazo cya Weasel uvugwa guhohotera umugore we Sandra Teta, Sheebah Karungi ati: 'Si ubwa mbere Weasel akubita Teta, yasebeje abagabo b'abagande rero ibyo yakoze bikojeje isoni kandi biteye agahinda. Mu busanzwe sinkunda abagabo bahohotera abagore ntitaye kuwo uriwe. Niba mudashobokanye wamureka akigendera mu mahoro, kandi abari namwe bategarugori niba ukubiswe rimwe hita wigendera.'

Mu bindi uyu muhanzikazi yavuzeho ni ibijyanye niba koko yaba akundana n'abandi bakobwa cyangwa niba afite umukunzi, ati: 'Kuva mu bwana bwanjye ubuzima bwanjye bwite mbugira ibanga. Kuba naba mfite umukunzi cyangwa nkundana n'abandi bakobwa ni ibindeba sibyo?'

Hagarutswe ku kibazo kimaze iminsi cy'abahanzi nyarwanda bakora ariko ntibishyurwe, babaza niba koko abahanzi bo mu Rwanda bagiye kuririmba muri iki gitaramo bo baba bishyuwe ngo abafana bazaze bazi ko byarangiye dore ko iyo batishyuwe bataririmba abafana akaba aribo babigenderamo kandi bo (abafana) baba babishyuye ayabo. Umuyobozi wa ATHF yavuze ko icyo cyacyemutse.Ubwo Sheebah Karungi yageraga ahabereye ikiganiro n’itangazamakuru yakiriwe n’abakobwa babarizwa muri Kigali ProtocalYaw Ankoma Agyapong ni we wari uhagarariye MTN yateye inkunga iri serukiramuco Abahanzi, abaterankunga n’ubuyobozi bwa ATHF bari babucyereyeHaganiwe kuri byinshi ariko byose byahurije ku kuba iri serukiramuco rizasiga ibyishimo mubazaryitabiraBamwe mu bazasusurutsa abazitabira iri serukiramuco ry’umuziki bari kumwe na Nzeyimana umunyamakuru wa RBA

Source : https://inyarwanda.com/inkuru/119940/sheebah-karungi-udakunda-abamwinjirira-mu-buzima-bwite-bibaza-niba-akundana-nabakobwa-yeme-119940.html

Miss Kayumba Darina wegukanye ikamba ry'Igisonga cya mbere mu irushanwa rya Miss Rwanda 2022 yagaragaye arimo kugirana ibihe byiza n'imbwa. Ni nyuma yuko Miss Darina yari amaze gushyira hanze videwo igaragaza aho yari kumwe n'imbwa mu bihe bitandukanye harimo aho bari kumwe mu modoka ndetse no hanze aho bari bishimanye.

View this post on Instagram

A post shared by 2ND RUNNER-UP MISS 🇷🇼 2022 (@kayumbadarina_)

Nyuma yuko iyi videwo igiye hanze, bamwe mu bafana ba Miss Kayumba Darina babonye iyi videwo ye bavuze ibi bikurikira:

Source : https://yegob.rw/ibyavuzwe-nabafana-ba-miss-kayumba-darina-ubwo-bamubonaga-arimo-kugirana-ibihe-byiza-nimbwa/

Mu gihe hashize iminsi havugwa urukundo hagati y'umunyarwenya Zaba Missedcall na Miss Lynda Nkusi ndetse aba bombi bakaba baramaze kwemera ko bakundana kuri ubu harimo kwibazwa niba Zaba Missedcall yaba yabonye umukobwa asimbuza Miss Lynda mu mutima we. Ni nyuma yuko Zaba Missedcall abinyujije ku rukuta rwe rwa instagram yashyize hanze amafoto y'umukobwa mwiza maze akayaherekesha amagambo agira ati ” Mpba❤️ Lynda arica imbwa 😂 @grace_gaelle_ “.

Mu kiganiro YEGOB yagiranye na Zaba Missedcall yatubwiye ko umukobwa amaze iminsi apostinga kuri instagram ye yitwa Grace Gaëlle akaba ari umukobwa yongeye mu bakobwa be. Yagize ati ” Uriya mukobwa yitwa Grace Gaëlle, ni umukobwa nongeye mu bakobwa banjye ntabwo namusimbuje Lynda “.

Tubibutse ko kuri ubu abakobwa ba Zaba Missedcall bamaze kuba 3 aribo Miss Lynda, Miss Cadette ndetse na Grace Gaëlle wiyongereyemo nkuko Zaba Missedcall yabitubwiye.

Twifuje kubakusanyiriza amwe mu mafoto ya Gaëlle, ayo twabahitiyemo ni aya akurikira:

 

Source : https://yegob.rw/zaba-missedcall-yaba-yabonye-umukobwa-wikizungerezi-yasimbuje-miss-lynda-amafoto/

Rayon Sports yatangaje ko ubu abafana bayo batangira kugura amatike y'umwaka w'imikino ari mu byiciro bitandukanye kugeza ku mafaranga angana na Miliyoni.

Ibi yabitangarije mu kiganiro n'itangazamakuru cyo kuri uyu wa Kane tariki ya 11 Kanama 2022 cyagarukaga kuri gahunda yayo y'umwaka w'imikino wa 2022-23.

Amakarita yamuritswe ari mu byiciro bibiri birimo 'Ikarita y'Umwaka w'Imikino ndetse n'Ikarita y'Umunyamuryango'. Zose zamuritswe kuri uyu wa 11 Kanama 2022.

Ikarita y'Umunyamuryango yashyizweho izajya imara umwaka, aho uyigura azajya yishyura ibihumbi 10 Frw agashyirwa mu Cyiciro cy'Imena mu gihe uwishyuye ibihumbi 5 Frw azashyirwa mu cy'Inyamibwa n'aho uwishyuye 2000 Frw akazaba mu Cyiciro cy'Imanzi.

Ni mu gihe Ikarita y'Umwaka w'Imikino yo ifite ibyiciro bitatu birimo icya 'Gold' ku muntu wishyuye miliyoni 1 Frw.

Iyi izajya ituma umuntu wayiguze yicara muri VVIP,kugira icyo afata (kunywa no kurya) igihe amakipe agiye mu karuhuko, azajya atumirwa mu nama za Rayon Sports, ahabwe umupira wo kwambara wa Rayon Sports ndetse yemererwe gukurikirana imyitozo y'iyi kipe ku buntu.Uzayigura azahita ashyirwa mu bagize Akanama Ngishwanama k'iyi kipe.

Itike ya 2 yiswe 'Silver' n'ibihumbi 400 Frw.Uwayiguze azajya yicara muri VIP ndetse anemerwe kwiyakira mu gihe amakipe asoje akaruhuko, iyi tike izaba imwemerera kureba imikino yose Rayon Sports yakiriye mu mwaka wose yaba shampiyona, igikombe cy'Amahoro cyangwa se iya gicuti, azaba anemerewe kwitabira inama zose za Rayon Sports.

Itike ya 3 yiswe 'Bronze' yishyurwa ibihumbi 100 Frw.uyifite azajya aba yemerewe kureba imikino yose ya Rayon Sports yakiriye yicaye ahatwikiriye. Abicara ahasigaye hose nta tike y'umwaka bashyiriweho.

Perezida wa Rayon Sports, Uwayezu Jean Fidèle, yavuze ko gushyiraho iyi tike y'umwaka w'imikino n'ikarita y'Umunyamuryango, bigamije kugira ngo abakunzi b'iyi kipe babashe kuyishyigikira uko bikwiye.

Ati “Twari turi aho twitwa abakunzi, abandi twitwa abafana ariko icya ngombwa ni uko bose Rayon ibaba ku mutima. Igihe kirageze ngo ikipe tuyibe inyuma, nzayiguma inyuma, nzayifasha gutera imbere.”

Yakomeje agira ati “Muzi ko tugira abakunzi benshi, tujye tunamenya binadufashe kubicaza kuko twifuza ko Rayon Sports iba icyitegererezo mu mikorere, igatera imbere ireba abadusize uko bakora.”

Rayon Sports iri kwitegura kwizihiza umunsi wayihariwe uzwi nka 'Rayon Day' mu birori by'akataraboneka biteganyijwe kuba kuba ku wa 15 Kanama 2022.

Ibizagenerwa uwaguze itike y'umwaka ya Miliyoni

Source : https://umuryango.rw/imyidagaduro/imikino/article/rayon-sports-yashyize-hanze-amatike-y-umwaka-w-imikino-arimo-ifite-agaciro-ka

Ni mu rwego rwo kunganira imodoka nke zitwara abagenzi mu buryo bwa rusange muri Kigali.

Ubusanzwe mu Mujyi wa Kigali hakoraga ibigo bitatu byahawe isoko muri 2013, birimo icya KBS, Jari Transport, Royal Express na Volcano iherutse kongerwamo mu cyumweru gishize.

RURA yatangaje ko guhera ejo kuwa Gatanu tariki 12Kanama 2022, Yahoo Car Ltd, izatangira gutwara abagenzi mu mihanda Gikondo (Bwerankori)-Nyabugogo ufite nimero 206 na Gikondo (Bwerankori)-Kimironko gare ufite nimero 215.

RURA yatangaje ko 'ibi bikozwe mu rwego rwo kunganira imodoka zitwara abagenzi zidahagije mu Mujyi wa Kigali kandi bizakomeza no ku yindi mihanda ifite imodoka nke uko hazagenda haboneka izo kuhakorera'.

Yahoo Car Ltd yari isanzwe ikorera ingendo zijya n'iziva mu ntara y'Iburasirazuba.

RURA ifashe iki cyemezo mu gihe abatuye Umujyi wa Kigali bamaze igihe kinini bagaragaza ko batanyurwa na gahunda yo gutwara abantu muri uyu mujyi, aho benshi bamara igihe kinini ku mirongo bikabaviramo gukererwa muri gahunda baba bagiyemo.

Ni ikibazo Umujyi wa Kigali wagaragaje ko giterwa n'uko imodoka zitwara abantu zisigaye ari nke cyane ugereranyije n'uko iyi gahunda yatangiye zingana.

---

Source : http://igihe.com/amakuru/u-rwanda/article/yahoo-car-ltd-yongerewe-mu-bigo-bizajya-bitwara-abagenzi-muri-kigali

Kuva ku wa 8 Kanama 2022, nibwo Tasha Mwiza yatangiye kunyuza kuri shene ye ya Youtube iyi filime nyuma y'igihe yari amaze ayandika anayitunganya.

Ni filime yakiniwe mu bice bitandukanye by'umujyi wa Kigali. Igaragaramo abakinnyi b'imena bane barimo Gasasira Jean Pierre (Thadeo), Dancilla (Honorine), Nyirandegeya Zubeda (zubeda) ndetse na Umutesi Ange Laurence (Maliyana).

Tasha Mwiza yabwiye InyaRwanda ko yanditse iyi filime ashingiye ku buzima bwa buri munsi n'ibyo yagiye abona mu buzima bwe, ku bagabo bahura n'ihohoterwa ariko ntibarivuge kenshi kuko sosiyete itapfa kubyemera.

Yagize ati 'Iyi filime ‘Abagore baragwira’, ivuga ku ihohoterwa muri rusange rikorerwa abagabo. Abagabo umugore amukubise ntabwo ashobora kuvuga ngo umugore yankubise. Akenshi n'abagerageza kubivuga tubafataho nk’aho babeshya muri rubanda.

Akomeza ati “Rero ivuga kuri iryo hohoterwa abagabo bakorerwa, n’uburyo abagore babonye uburenganzira ariko bakishyira hejuru.”

Umwanditsi w'iyi filime yubakiye inkuru ye ku mugore ujujubya umugabo we Thadeo. Izerekana uburyo uyu mugore ahohotera umugabo we, ariko umugabo akagira ipfunwe ryo kubivuga ku mugaragaro n'ibindi.

Tasha Mwiza avuga ko iyi filime ayitezeho guhindura imyumvire y’abagore bahohotera abagabo. 

Tasha ni umugore wubatse w’umwana umwe, akaba n’umunyamideli. Yagaragaye muri filime zirimo nka ‘Wrong turn in Africa’ igice cya kabiri igaruka ku mbaraga z’ikuzimu, Miss Mulenge n'izindi zitandukanye. 

Umukinnyi wa filime Tasha Mwiza yasohoye filime ya ye mbere yise 'Abagore baragwira'    

Tasha avuga ko nta mugabo ukwiye guterwa ipfunwe no kuvuga ihohoterwa akorerwa n'umugore we cyangwa se undi 

Tasha yavuze ko nyuma yo gukina muri filime z'abandi ubu yatangiye urugendo rwo gukora filime ze bwite

KANDA HANO UREBE AGACE KA MBERE KA FILIME 'ABAGORE BARAGWIRA'

“> 

Source : https://inyarwanda.com/inkuru/119934/tasha-mwiza-yasohoye-filime-abagore-baragwira-ivuga-ku-ihohoterwa-rikorerwa-abagabo-video-119934.html

Leta y'u Rwanda yongeye gukurira inzira ku murima, abatekereza ko ishobora kurekura umunyabyaha uwo ari we wese kubera igitutu cy'amahanga.

Ni mu gihe Leta Zunze Ubumwe za Amerika zikomeje guhanyanyaza ngo zirebe ko uwitwa Paul Rusesabagina wakatiwe n'inkiko z'u Rwanda kubera ibyaha zamuhamije, yarekurwa atarangije igihano yakatiwe.

Rusesabagina yakatiwe n'ubutabera bw'u Rwanda igifungo cy'imyaka 25, nyuma yo guhamwa n'ibyaha by'iterabwoba bishingiye ku bitero byagabwe n'umutwe w'iterabwoba wa MCD/FLN bigahitana bamwe mu Burengerazuba no mu Majyepfo y'u Rwanda abandi bagakomereka ndetse n'imitungo yabo ikahatikirira.

Abagizweho ingaruka n'ibyo bitero bari bifuje kuganira n'umunyamabanga wa Leta Zumwe za Amerika, Anthony Blinken ariko ntibyashobotse.

Mu kiganiro n'abanyamakuru, Blinken yavuze ko nubwo atabonanye nabo ariko yumva neza akababaro kabo, ngo kuko amenyereye guhura n'amatsinda y'abagizweho ingaruka n'intambara n'amakimbirane.

Ikibazo cya Paul Rusesabagina ni kimwe mu byagarutsweho mu ruzinduko rw'iminsi ibiri umunyamabanga wa Leta Zunze Ubumwe za Amerika ushinzwe ububanyi n'amahanga, Anthony Blinken yagiriye mu Rwanda.

Blinken wakiriwe muri Village Urugwiro na Perezida Kagame bakagirana ibiganiro, yavuze ko nubwo ikibazo cya Rusesabagina cyaganiriweho kitigeze gifatwaho umwanzuro.

Yagize ati 'Ku kibazo cya Paul Rusesabagina, icyo navuga ni uko uyu munsi nakigejeje kuri Perezida Kagame tukiganiraho ariko kubera imiterere yacyo tuzakomeza kukiganiraho no gufatanya n'umuryango we kugikurikirana.'

Mu kiganiro n'abanyamakuru Blinken yavuze ko igihugu cye gisanga Rusesabagina atarabonye ubutabera bwuzuye, ariko Minisitiri w'Ububanyi n'Amahanga n'Ubutwererane, Dr. Vincent Biruta yongera kubitera utwatsi.

Yagize ati 'Paul Rusesabagina ni Umunyarwanda, yarafashwe araburanishwa ibyaha biramuhama kimwe n'abandi 20 baregwa hamwe nawe kubera ibyaha bikomeye bakoreye Abanyarwanda, ibyaha Rusesabaganina yakoze aba muri Leta Zunze Ubumwe za Amerika. Ibyakozwe byose rero byakozwe mu buryo bukurikije amategeko yaba ay'u Rwanda cyangwa mpuzamahanga, undi uwo ari we wese ashobora kubyita uko ashaka ariko iyo dukemura ikibazo cy'abakorera ibyaha igihugu cyacu n'abaturage bacu dukurikiza amategeko yaba ay'igihugu ndetse na mpuzamahanga, niyo mpamvu rero u Rwanda ruzakomeza kugendera ku mategeko no kubahiriza ibyemezo by'ubutabera bwacu, turasaba rero Abafatanyabikorwa bacu kubaha ubusugire bw'u Rwanda, amategeko yarwo n'inzego z'igihugu.'

Aha ni naho Minisitiri Biruta yahereye maze mu buryo busesuye, akurira inzira ku murima abatekereza ko u Rwanda rushobora kugamburuzwa n'amahanga rukarekura Rusesabagina.

Dr Biruta yagize ati 'Kugamburuzwa kwa guverinoma y'u Rwanda ngirango ni ubwa mbere byaba bibayeho mu mateka y'iki gihugu, ariko ntabwo biteganyijwe, yarakatiwe, afite igihano yahawe arafunze, azarangiza igihano cye, ibindi bijyanye no kuba yarekurwa cyangwa yagira ate ibyo byose bifite amategeko abigenga kandi hari ibiba bikeneye kuzuzwa kugira ngo n'ayo mategeko abashe gukurikizwa. Rero gutekereza ko hari igitutu kizatuma abanyarwanda bazabyuka mu gitondo bakumva ngo hari umuntu wafunguwe kubera igitutu cy'amahanga ntabiriho, ntabyo. N'aba bose nibyo baba batekereza ngo igitutu, ngo biracika.. ntabwo bizabaho.!'

Blinken yasuye urwibutso rwa Jenoside yakorewe Abatutsi rwa Kigali ku Gisozi, ashyira indabo ku mva rusange y'abaruhukiye muri uru rwibutso arabunamira.

Nyuma yo gusura igice ndangamateka, Blinken yanditse mu gitabo cy'abashyitsi ko nk'umuntu uva mu muryango warokotse Jenoside yakorewe Abayahudi, ashima ubudatsimburwa bw'abarokotse ndetse n'iterambere ry'u Rwanda bityo ngo Leta Zumwe za Amerika zizakomeza gushyigikira u Rwanda mu rugendo rw'ubumwe n'ubwiyunge no kwiyubaka.

Ati 'Ibi biratwibutsa mu buryo bukomeye nk'ikiremwamuntu kandi bikaba n'intabaza y'uko dukwiye gukora ibishoboka byose mu bubasha dufite kugira ngo ibintu nk'ibi bitazagira ahandi byongera kuba. Ni ingenzi kubyibuka mu buryo buhoraho kubera ko dukomeje kubona amakimbirane n'urwango hirya no hino ku Isi kuburyo bishobora gutuma amateka yisubiramo. Ariko nanone icyo nabonye gikomeye kuri uru rwibutso ni uko ibyabaye ari ibintu bigoye kwakira aho abantu miliyoni mu gihe gito nk'iki abagabo, abana, abagore bambuwe ubuzima amateka yabo akarangirira aho kubera urwango na jenoside.'

Mu Rwanda niho umunyamabanga wa Leta Zunze Ubumwe za Amerika ushinzwe ububanyi n'amahanga, Anthony Blinken yasoroje uruzinduko yagiriraga ku mugabane wa Afurika nyuma yo gusura Afurika y'Epfo na DRC.

@RBA

The post Rusesabagina azarangiza igihano cye-Min. Biruta appeared first on IRIBA NEWS.

Source : https://iribanews.rw/2022/08/11/rusesabagina-azarangiza-igihano-cye-min-biruta/

Uwitwa NIZEYIMANA Theogene yasabye guhindura amazina mu buryo bwemewe n'amategeko akitwa KAZINDU Theogene mu bitabo by'irangamimerere.

Impamvu atanga zituma asaba guhindura amazina akaba ari uko ari amazina y'umuryango.

Ingingo z'ingenzi yashingiyeho asaba inzego zibishinzwe guhindura amazina zikaba ziri hano hasi:

Source : https://umuryango.rw/amatangazo/article/itangazo-nizeyimana-theogene-yasabye-guhindura-amazina-akitwa-kazindu-theogene