Ikipe y’Igihugu y’u Rwanda (Amavubi) y’abatarengeje imyaka 17 ntabwo izitabira imikino ya CECAFA izabera mu gihugu cya Ethiopia kuva tariki 30 Nzeri 2022, (…)
Blog
-
Huye: Abagore baranenga abagabo babo batakibashimisha mu buriri #rwanda #RwOT
Bamwe mu bategarugori bo mu Karere ka Huye, bavuga ko abagabo babo batakibashimisha mu buriri kuko bihutira ko ibyabo birangira bagahita bigendera, bagasiga bo ari bwo bagitangira kwinjira mu gikorwa.
Aba bagore babwiye RADIOTV10 ko ibi bakorerwa n'abagabo babo, babiterwa n'ibiyobyabwenge banywa nk'inzoga z'inkorano.
Umwe yagize ati 'Umugabo wanjye aho atangiriye kwinjira mu biyobyabwenge, nta gahunda uretse kuza yiryamira nk'intumbi, aho abyukiye agahita akujyaho ntakuvuga ngo aragutegura, nta byishimo by'uko nzi.'
Bavuga ko bibagiraho ingaruka yaba iz'irari basigirwa n'ubushake bw'umubiri ndetse n'izo gukomereka kuko abagabo babo babikora batarajya mu mwuka wabyo.
Akomeza agira ati 'None se hari ububobere buba bwari bwaje? Reka data, njyewe yarangizaga nkibishaka kuko yangiyeho tutabyumvikanye.'
Undi mugore avuga ko kuko umugabo we aza yanyoye ibyo biyobyabwenge, anarangiza vuba mu gihe we aba ari bwo agitangira.
Ati 'Nta minota, ni pikupikupiku we yarangiza agahita yigendera. Nta bushake nta bubobere nta buryohe, umva na kwa kundi bavuga ngo abadamu bagira ububobere, ahubwo ni amakakama masa.'
Undi yagize ati 'Wenda agatangira afite imbaraga [ifite intege] noneho nawe ukumva ubushake buraje, bwamara kuza, we agahita acika intege, noneho wowe ugasigarana uburibwe.'
Uyu mubyeyi avuga ko abagore batabyihanganiye, baca inyuma abagabo babo ku buryo ari yo ntandaro y'isenyuka ry'ingo rikomeje kugaragara muri aka gace.
Umuyobozi Wungirije w'Akarere ka Huye ushinzwe imibereho myiza y'abaturage, Kankesha Annoncitha avuga ko nk'ubuyobozi bagiye kurushaho kugenzura uko ingo zibanye.
Ati 'Ni ikibazo gikomeye kuko kugira ngo ube umugabo n'umugore ni uko hari ikibahuza, iyo bitagenda neza rero bisaba ngo ayo makuru umuntu anayamenye.'
Uyu muyobozi anasaba abahura n'iki kibazo kujya batinyuka bakabigaragaza kugira ngo bafashwe hakiri kare ingo zitarasenyuka.
IVOMO: RADIOTV10
-
Gen Muhoozi agiye kuza i Kigali kongera ubumenyi mu ‘Bworozi’ #rwanda #RwOT
Lt Gen Muhoozi usanzwe ari n’Umugaba w’Ingabo zirwanira ku butaka muri Uganda, aheruka mu Rwanda muri Werurwe 2022, mu ruzinduko rw’iminsi itatu rwasojwe Perezida Paul Kagame amugabiye inka z’Inyambo. Yaje gutangaza ko inka Perezida Kagame yamugabiye ari 10.
Icyo gihe bagiranye ibiganiro ku munsi wa mbere, ku wa Kabiri Lt Gen Muhoozi asura Urwibutso rwa Jenoside rwa Kigali ruri ku Gisozi n’ibindi bice bya Kigali birimo Kigali Arena.
Mu muco Nyarwanda, kugabira umuntu inka z’inyambo ni ikimenyetso gishimangira umubano n’ubucuti biri hagati y’impande zombi.
Inyambo ni ubwoko bw’inka zabayeho kuva kera mu Rwanda rwo hambere. Uwayigabiraga undi byabaga ari ikimenyetso cy’igihango gikomeye cy’umubano utajegajega bagiranye.
Abahanga mu mateka bagaragaza ko inka y’u Rwanda ishimangira igihango cyo kutazahemukirana no kurushaho gufatanya muri byose.
Lt Gen Muhoozi yanditse kuri Twitter ati “Nishimiye gutangaza ko vuba aha nzasura data wacu, Nyakubahwa @PaulKagame, kugira ngo nige biruseho ibijyanye n’ubworozi bw’inka. Nizeye guhura n’inshuto nyinshi i Kigali. Imana ihe umugisha Uganda n’u Rwanda !”
Happy to announce that I will be visiting my uncle, H.E. @PaulKagame, soon to get more tips on cattle keeping.😊
Look forward to meeting with more friends in Kigali. Godbless Uganda and Rwanda ! 🇺🇬 🇷🇼 💪 pic.twitter.com/UCxKP5QvG3â” Muhoozi Kainerugaba ‘Rubereza’ (@mkainerugaba) September 23, 2022
Gen Muhoozi yavuze ko i Kigali azabonana n’inshuti z enyinshi. Ati 'Imana ihe umugisha Uganda n’u Rwanda !'
Ubutumwa bwe buherekejwe n’amafoto y’igihe aheruka mu Rwanda, akajyana n’umuryango wa Perezida Paul Kagame mu rwuri rwabo ruri i Gako mu Bugesera.
Lt Gen Muhoozi Kainerugaba, Umugaba mukuru w’ingabo zirwanira ku butaka, akaba n’umujyanama wa Perezida Yoweri Museveni, aheruka mu Rwanda muri Weurwe 2022.
-
U Rwanda ruravugwa mu mugambi wo guhirika Tshisekedi binyuze mu ifatwa ry’Umujyi wa Goma #rwanda #RwOT
Tariki 19 Nzeri nibwo Lt Gen Yav Philemon yatawe muri yombi ashinjwa ubugambanyi bwo ku rwego rwo hejuru. Iki gihe kandi byanatangajweko uyu musirikare wayoboraga ibikorwa bya Gisrikare muri Kivu y’Amajyaruguru yakoranye n’igihugu cy’abaturanyi.
Mu kiganiro Perezida Tshisekedi yahaye France 24 na RFI , yavuze ko icyo gihugu cyafatanyaga na Gen Yav ari u Rwanda na M23, avuga ko bamukoreshaga bagamije gufata umujyi wa Goma.
Perezida Tshisekedi avuga ko amakuru ku itabwa muri yombi rya Gen Yav Irung Philemon yatanzwe n’abandi basirikare bakuru bagenzi be ngo bemeje ko ajya yibeta agahura mu ibanga na Gen Sultan Makenga.
Yagize ati :'Ubwo nari mu mahanga nibwo namenye ko Gen Yav afunzwe. Amakuru namenye ni uko bagenzi be bamushinja kugamba no kugambirira korohereza umutwe wa M23 gutambuga ujya gufata umujyi wa Goma bikingiwe ikibaba n’u Rwanda. Ibindi biracyakorwaho iperereza nzamenya byinshi ninsubira mu gihugu'
Lt Gen Yav Irung Philemon afunganwe n’abasirikare be 75 biganjemo abamurindaga bivugwa ko bamenye ko abonana na Gen Makenga ndetse bakagenda bamurinze ariko bakamuhishira.
Minisitiri w’Ububanyi n’Amahanga, Dr Vincent Biruta, yavuze ko u Rwanda nta nkunga ruha M23, ndetse ko nta ngabo zarwo zagiye muri Repubulika Iharanira Demokarasi ya Congo, bitandukanye n’ibikomeje kuvugwa.
Raporo y’Impuguke z’Umuryango w’Abibumbye iheruka kuvuga ko Ingabo z’u Rwanda zagiye muri RDC, ndetse ko zagize uruhare mu kurwanya Umutwe wa FDLR na RUD Urunana.
Minisitiri Dr Biruta yavuze ko icyakorwa cyose n’Ingabo z’u Rwanda, cyaba kigamije kubungabunga ubusugire bw’igihugu, no kurinda umutekano w’abaturage.
Yagize ati 'UN iravuga ko ifite ibimenyetso bigaragaza ko Ingabo z’u Rwanda zagiye muri Congo, icyo navuze aha ngaha cyasubizaga ikibazo cy’uko u Rwanda rwaba rushyigikira M23, navuze ko atari byo.'
'Navuze ko icyakorwa cyose n’Ingabo z’u Rwanda cyaba kijyanye no kubungabunga ubusugire bw’igihugu ndetse no kurinda umutekano w’abaturage bacu.'
Yavuze ko nubwo M23 ikomeje gutindwaho ihuzwa n’u Rwanda, yaturutse ku mutekano muke wakomeje kuranga Uburasirazuba bwa RDC, nyuma ya Jenoside yakorewe Abatutsi mu 1994.
Ibyo ngo byari bifitanye isano n’Ingengabitekerezo ya Jenoside yimukiye muri RDC, ijyanywe na FDLR.
Muri ibyo bibazo, ngo hari imitwe yagiye ishingwa mu buryo bwo kwirwanaho irimo na M23, ngo bahangane n’iyo yindi irimo FDLR.
Minisitiri Dr Biruta yavuze ko umuntu ushaka ko Akarere kabona amahoro, agomba kureba ikibazo cya FDLR.
Yakomeje ati 'Ni cyo kibazo gishamikiyeho n’ibindi byose. Imikoranire ya FDLR n’Ingabo za Congo na yo irazwi, n’izo raporo zivugwa nabyo birimo. Iyo bagiye bagashinguzamo M23 na Guverinoma y’u Rwanda, icyo biba bigamije ni ukwerekana ngo dore ikibazo ni kiriya, ariko hari n’ibindi bibazo byinshi.'
Ni ibibazo ngo birimo amagambo akoreshwa muri Congo bivugwa n’abayobozi batandukanye bigamije gukurura urwango rureba cyane cyane abavuga Ikinyarwanda, by’umwihariko abatutsi, ari nabo bashinze M23.
Minisitiri Dr Biruta yavuze ko gufata akabazo k’ejobundi ugasiga icyabiteye, bitazana umutekano urambye.
Yavuze ko u Rwanda rukeneye umutekano kandi hari uburyo bwashyizweho n'akarere n’Umuryango w’Ubumwe bwa Afurika, u Rwanda rurimo kandi rwiteguye gutanga umusanzu kugira ngo umutekano ugaruke muri aka karere.
Umutwe wa M23 umaze amezi arenga 3 ufashe umujyi wa Bunagana. -
#COVID19: Abantu babiri banduye babonetse mu bipimo 1,870 #Rwanda #RwOT via @kigalitoday #rwanda #RwOT
Minisiteri y’Ubuzima (MINISANTE) yatangaje ko ku wa Gatanu tariki 23 Nzeri 2022 mu Rwanda habonetse abantu babiri banduye Covid-19, mu bipimo 1,870 (…)
-
Perezida Kagame na Antonio Guterres baganiriye ku kubungabunga amahoro #Rwanda #RwOT via @kigalitoday #rwanda #RwOT
Perezida Paul Kagame yagiranye ibiganiro n’Umunyamabanga mukuru w’Umuryango w’Abibumbye, Antonio Guterres, byibanze ku musanzu w’u Rwanda mu kubungabunga (…)
-
Jose Mourinho yagaragaye mu mashusho y'indirimbo y'Umuraperi ukomeye #rwanda #RwOT
Uwahoze ari umutoza wa Chelsea na Manchester United, Jose Mourinho, ubu uri gutoza AS Roma,yagaragara mu buryo butangaje mu mashusho y'indirimbo y'Umuraperi Stormzy.
Uyu munya Portugal w'imyaka 59 y'amavuko yagaragaye mu mashusho y'umufana wa Red Devils [United], Stormzy mu ndirimbo aheruka gukora yise 'Mel Made Me Do It'.
Mourinho yaciye ibintu mu kiganiro n'abanyamakuru nyuma y'umukino wa shampiyona wo muri 2014, ubwo yanengaga imisifurire mu mukino wa shampiyona wahuje Chelsea yatozaga na Aston Villa.Icyo gihe yagize ati 'Nahisemo kutavuga. Ndamutse mvuze naba ndi mu bibazo bikomeye. '
Ayo magambo ya Mourinho,Umuraperi Stormzy yayashyize mu ndirimbo agira ati “Nahisemo kutavuga nkaho Ndi Jose”.
Ubwo aya mashusho yajyaga hanze,Mourinho yagize ati “Byari byiza gufata aya mashusho ndi mu ndirimbo ya Stormzy yasohotse uyu munsi.Nagize ibihe byiza.”
Muri aya mashusho,Mourinho agaragara ashyize urutoki ku munwa nk'uri gucecekesha umuntu aho yagaragazaga ko atagomba kuvuga nkuko amagambo y'iyi ndirimbo yavugaga.
-
FA imereye nabi Cristiano Ronaldo kubera urugomo yakoze #rwanda #RwOT
Umukinnyi ukinira ikipe ya Manchester United, Cristiano Ronaldo,ari gukurikiranwa n'ishyirahamwe ry'umupira w'amaguru mu Bwongereza kubera amashusho yagaragaye amena telefone y'umufana washakaga kumufotora.
Video yasangiwe ku mbuga nkoranyambaga ivuga ko Ronaldo yamennye iki gikoresho cy'uyu mwana ubwo yavaga mu kibuga nyuma yo gutsindwa igitego 1-0 na Everton muri Mata.
Ronaldo w'imyaka 37, yaje gusaba imbabazi ku mbuga nkoranyambaga.
Yaburiwe n'abapolisi kubera iyi myitwarire ye yo muri Kanama.
FA yagize ati: “Byagaragaye ko imyitwarire y'uyu rutahizamu nyuma y'ifirimbi ya nyuma itari yo kandi yarimo urugomo.”
Manchester United yavuze ko bazashyigikira Ronaldo ku gisubizo azatanga kuri iki kirego.
Gutsindwa na Everton uwo munsi byagize ingaruka ku cyizere cya United cyo kujya mu gikombe cya Champions League.Yarangije ku mwanya wa gatandatu.
Abinyujije ku rubuga rwa Instagram nyuma y'ibyabaye, Ronaldo yavuze ko “nibytoroshye guhangana n'amarangamutima mu bihe bigoye nkibyo twahuye nabyo”.
Yongeyeho ati: “Nubwo bimeze bityo ariko, buri gihe tugomba kubahana, kwihangana no gutanga urugero ku bakiri bato bose bakunda umukino mwiza.
“Ndashaka gusaba imbabazi kubera uburakari bwanjye, kandi niba bishoboka, ndashaka gutumira uyu mufana kureba umukino kuri Old Trafford nk'ikimenyetso cyo kwiyunga n'ubunyamwunga.”
Uru ni urubanza rutigeze rubaho mbere kandi rufatwa nk'urudasanzwe, bityo hazaba iburanisha kugira ngo bimenyekane niba Ronaldo yemera icyo kirego cyangwa atacyemera.
Bishobora kurangira ahawe ibihano birimo guhagarikwa imikino cyangwa kuburirwa.
Eric Dier wa Tottenham yahagaritswe imikino ine mu myaka ibiri ishize ubwo yinjiraga mu bafana kugira ngo ahangane n'umufana wari ugiye gukubita umuvandimwe we.
-
Lt Gen.Muhoozi agiye gusura u Rwanda azanwe n'impamvu itangaje #rwanda #RwOT
Lt Gen Muhoozi Kainerugaba, umuhungu wa Perezida wa Uganda Yoweri Kaguta Museveni, yatangaje ko mu minsi mike azagirira uruzinduko mu Rwanda kugira ngo yige byinshi ku bworozi bw'inka.
Muhoozi, ibi yabinyujije mu butumwa yashyize kuri Twitter ye, kuri uyu wa gatanu tariki 23 Nzeri. Avuga ko uru rugendo azarwungukiramo izindi nama zijyanye n'ubworozi.
Lt Gen Muhoozi yagize ati 'Nishimiye gutangaza ko vuba aha nzasura data wacu, Nyakubahwa Paul Kagame, kugira ngo nunguke izindi nama zijyanye n'ubworozi bw'inka.'
Yakomeje avuga ko yiteguye guhurira I Kigali n'inshuti nyinshi. Ati 'Imana ihe umugisha Uganda n'u Rwanda!'
Uruzinduko rwa mbere rwabaye ku ya 22 Mutarama 2022, yakirwa na Perezida Kagame bagirana byari bigamije gusubiza mu buryo umubano w'u Rwanda na Uganda.
Uru ruzinduko rwatanze umusaruro kuko, ku ya 4 Werurwe 2022, inama y'abaminisitiri yateraniye muri Village Urugwiro, iyobowe na Perezida Paul Kagame, yemeje ko imipaka yo k'ubutaka yongeye gufungura. Icyemezo bivuze ko cyarebaga n'imipaka ya Kagitumba na Gatuna, iri hagati yu Rwanda na Uganda.
Lt Gen Muhoozi usanzwe ari n'Umugaba w'Ingabo zirwanira ku butaka muri Uganda, yaherukaga mu Rwanda muri Werurwe 2022, mu ruzinduko rwe bwite nk'uko icyo gihe byatangajwe na Ambasade ya Uganda.
Uru ruzinduko rwasojwe Perezida Paul Kagame amugabiye inka z'Inyambo, ndetse aza gutangaza ko inka Perezida Kagame yamugabiye ari 10.
-
Amavubi yaguye miswi na Equatorial Guinea, rutahizamu Gerard ariyerekana(AMAFOTO) #rwanda #RwOT
Ikipe y’igihugu Amavubi yanganyije na Equatorial Guinea ubusa ku busa mu mukino wa gicuti wabereye muri Maroc.
Ni umukino wa gicuti wateguwe mu rwego rwo gufasha ibihugu byombi kwitegura imikino yo gushaka itike y’igikombe cy’Afurika cy’iri mu minsi iri imbere.
Nko ku ruhande rw’u Rwanda wari umwanya mwiza wo kureba abakinnyi bashya bahamagawe bwa mbere uko bitwara.
Amakipe yombi yatangiye akinira mu kibuga hagati aho ku ruhande rw’u Rwanda, Rafael York ari mu bakinnyi bagaragazaga kwihutisha umukino.
Iminota 45 y’umukino yarangiye nta kipe n’imwe ibonye uburyo bukomeye bwabyara igitego, amakipe ajya kuruhuka.
Mu gice cya kabiri umutoza w’ikipe y’igihugu Amavubi, Carlos Alós Ferrer yagaruye ikipe yari yatangiranye umukino. Ku munota wa 58 Amavubi yakoze impinduka, Mugunga Yves ava mu kibuga asimburwa na Gerard, Djihad Bizimana na we asimburwa na Ally Niyonzima utaherukaga gukinira Amavubi.
Nyuma y’izi mpinduka, Amavubi yatangiye gukina ndetse Ally Niyonzima akanyuzamo agatera imipira miremire igana imbere y’izamu.
Ku munota wa 65 nabwo Amavubi yakoze impinduka, Nishimye Blaise na Habimana binjiye mu kibuga basimbura Rubanguka Steve na Kagere Meddie.
Habimana na we wari wiyeretse abanyarwanda bwa mbere, ntabwo yagaragaje itandukaniro rikomeye nk’uko Mugenzi we Gerard yerekanye ko hari byinshi yafasha mu busatirizi bw’u Rwanda. Iminota 90 y’umukino yarangiye nta kipe irebye mu izamu, amakipe yombi atandukana anganya ubusa ku busa.
Rubanguka Steve ntiyari aherutse mu Mavubi
Mutsinzi Ange Jimmy wa CD Trofense muri Portugal
Omborenga Fitina yari yagiriwe icyizere cyo kubanza mu kibuga
Kapiteni Meddie Kagere yagerageje biranga
Djihad Bizimana yarwanye intambara itoroshye mu kibuga hagati
Mugunga Yves mu bakinnyi ba Equatorial Guinea
Rafael York umwe mu bakinnyi b’u Rwanda bitwaye neza
Rutahizamu mushya wa Mavubi, Gerard Bi Goua Gohou yatanze akazi kuri Guinea