Blog

Abakora mu marerero yo mu cyayi mu ruganda rwa Rubaya ruherere mu Karere ka Ngororero, baravuga ko amarerero yashinzwe n’uruganda, yatumye bategura abana (…)

Umunyamabanga Nshingwabikorwa w’Umurenge wa Mugina Mandera Innocent yabwiye ikinyamakuru Umwezi.rw ko nubwo turi mu bihe byihinga abaturage bo muri uwo murenge bahuye n’izuba ryinshi ryatumye imyaka yabo Yuma; bakaba batizeye ko bazabona umusaruro uhagije nkuko byari bisanzwe muri kigice kizwiho kwera cyane.

Kuri ubu bakomeje guhangana n’icyo cyiza bashyiraho ingamba zibafasha kwirinda ko bazahura n’amapfa yaterwa n’ir’izuba nko gukoresha ibishanga neza buhira imyaka bahinze aho bishoboka.

Mandera Innocent agira ati: 'Tugenda dukangurira abaturage kugendana nibi tugezemo kuko icyiza cy’izuba kigihari.Twabwiye abaturage ko bagomba gukorasha neza ibishanga ndetse no kuhira aho bishoboka no kuba basimbuza imbuto zumye.'

Umwe mu bakora umwuga w’ubuhinzi mu murenge wa Mugina yagize ati: 'twahuye n’ikibazo cy’izuba kuri ubu imyaka twahinze imyinshi yarumye, izuba ryabaye ryinshi ku buryo tutizeye ko hari umusaruro tuzabona. Twari dusanzwe tweza ibishyimo, imyumbati n’ubunyobwa ku buryo twasaguriraga amasoko, ariko ubu ntitunazi ko tuzabona ibyo kurya. Ubuyobozi bwatugiriye inama y’uko tugomba kubigenza muri iki gihe cy’izuba ryacanye cyane, batubwiye ko tugomba gusimbuza imyaka aho yumye, kuyoboka ibishanga ndetse no guhinga imboga.'

Mugina n’umurenge uherere mu gice cy’Amayaga ,icyi gice kizwiho kwera cyane kuko uhasanga ubwo bwinshi bw’ibiribwa nk’inyumbati ,ibishyibo n’ubunyobwa.

Mu rwego rw’ubwisungane, abaturage ba Mugina bakanguriwe gutanga umusanzu w’ubwisungane mu kwivuza, kuri ubu bageze ku kigero kiza.

Abaturage bibukijwe ko umusanzu w’ubwisungane mu kwivuza utangwa kubagize umuryango bose dusaba abaturage kujya batangira kwizigama, bazigamira mitiweli umwaka wa mitiweli ugitangira; ibyo bakabikora binyuze mu matsinda cyangwa mu bimina aho bizigama make make, umwaka ukarangira baramaze kwizigama mitiweli.

Mandera ati: 'Duhora tubwira abaturage ko gutanga mitiweli ari inyungu zabo kuko uwatanze mitiweli atarembera murugo kandi n’iyo yarwaye yivuza ku mafaranga make.'

Aba baturage babifashijwemo n’ubuyobozi bw’umurenge wa Mugina bigishijwe guhinga imboga n’inimbuto cyane ko byera cyane muri iki gice , ku buryo bemeza ko imibereho yabo imaze guhinduka kubera kurya neza kandi ko basagurira amasoko

Mandera , Umunyamabanga Nshingwabikorwa w’Umurenge wa Mugina ati: “Hari byinshi abaturage bigishwa ibitagenda bigakemurwa bahereye aho batuye , mu masibo yabo no midugudu barimo , Urugero nk’akamaro k’akarima k’igikoni. Mbere hari abaturage bataryaga imboga , ariko bamenye ko kurya imboga n’imbuto ari uburyo bwo kuboneza imirire no kurandura igwingira rikigaragara Umurenge wa Mugina ugira isantere ibyiri nini z’ubucuruzi iya Cyeru n’iya Mugina uhasanga kandi inganda zitunganya kawa ndetse n’umuceri.”

Agasantire ka Mugina

Ikigo gishinzwe Ubumenyi bw’Ikirere (Meteo Rwanda) tariki 26 Kanama cyatangaje iteganyagihe ry’imvura y’Umuhindo (Nzeri-Ukuboza 2022), ryerekana ko ikirere kizashyuha cyane kandi kigatanga imvura nke, izatangira kugwa tariki 30 Kanama 2022 hamwe na hamwe.

Umuyobozi ushinzwe Iteganyagihe muri Meteo Rwanda, Anthony Twahirwa, yagaragaje uburyo iki gihembwe cya nyuma cya 2022 kuva muri Nzeri kugera mu Kuboza ndetse na nyuma yaho muri 2023 niba hatagize igihinduka hazaguma kuboneka imvura nke mu bice bigize Igihugu.

Meteo Rwanda ivuga ko iyi mvura y’Umuhindo iteganyijwe gucika hagati ya tariki 15 na 25 Ukuboza 2022, n’ubwo hazajya habaho iteganyagihe ry’iminsi mike mike rizajya ryerekana impinduka zishobora kudahuza n’ibyatangajwe.

Ku bijyanye n’uko imvura izaba nkeya, Meteo Rwanda ivuga ko yabitangaje kuva kare mu rwego rwo gufasha abaturage gufata ingamba zo kureba uko hakuhirwa imyaka bityo ntibagwe mu gihombo.

Kimwe mu byangiza umusaruro w’ibigori harimo uruhumbu rwo mu bwoko bwa “Aflatoxine”, minisiteri y’ubuhinzi n’ubworozi (MINAGRI) n’abafatanyabikorwa bayo bakaba barahagurukiye kurwanya ibirukurura mu musaruro w’ibinyampeke.

Umwe mu batunganya ibikomoka ku musaruro w’ibigori witwa Samuel Ngirimana, ufite uruganda rwa IMMC Ltd rukora ifu ikunzwe cyane y’ibigori izwi ku izina rya Iraboneye, avuga ko uruhumbu rukiri imbogamizi ku bashoramari batunganya ifu y’ibigori.

Yagize ati: 'Mu by’ukuri icyo kibazo turakizi kuko tugenda tugiraho amahugurwa, duhugurwa na Rwanda FDA na RSB, mu ngamba rero badusaba gufata biba birimo, urwo ruhumbu ruba ruri ku myaka ariko cyane cyane yafashwe nabi, mu nama rero batugira ni ukugura imyaka yabitswe neza kugira ngo turinde kalite yacu y’ibyo dukora. Kugira ngo tutagura ibifite urwo ruhumbu rwa Flatoxine bityo bikaza kujya no muri production (umusaruro) yacu.'

Ububiko bw’Uruganda rwa IMMC Ltd

Bwana Samuel Ngirimana avuga ko basabwa kugira ububiko bwujuje ubuziranenge ndetse kuriwe uruganda abereye umuyobozi rwujuje ibisabwa.

Agira ati: 'Baranadusuye bareba ko twujuje ibyangombwa, ntakibazo ububiko bwacu bwujuje ibisabwa kugira ngo umusaruro ube ari muzima utangirikira iwacu. Kandi no mu kwakira umusaruro dufite ibipimo tugenderaho. Umusaruro ushobora kuza ari muzima ukangirikira iwacu, ariko ibyo byose turabikurikirana, dufite umukozi ubikurikirana wabyigiye, ushinzwe gukurikirana ubuziranenge bw’umusaruro haba mu kuwakira, no kuwutunganya kugera ugeze ku isoko.'

Ububiko bw’Uruganda rwa IMMC Ltd

Mu mbogamizi avuga bagihura nazo harimo umusaruro udafatwa neza mu bubiko bikabaviramo kugorwa no kuwutumganya ndetse no kubura aho gukura ibyo batunganya, mu bindi harimo amashanyarazi agihenze ndetse n’amasoko akiri macye.

Akomeza agira bagenzi be inama yo kutitwaza itumbagira ry’ibiciro ngo bakore amakosa arimo gukoresha umunzani nabi, akabasaba gucuruza neza bigendana n’uko baranguye ndetse n 'uko ibiciro byagenwe n’inzego zibifite mu nshingano.

Kugera ubu 10% ry’umusaruro w’ibigori mu Rwanda urangirika. Kuva muri 2011, Leta yashyizeho gahunda yo gufata neza umusaruro (Post-Harvest Strategy) y’imyaka 7 yerekanaga uburyo umusaruro cyane cyane uw’ibinyampeke n’ibinyamisogwe utunganywa uhereye mu gusarura kugeza kuwukoresha bwa nyuma.

NK’uko bigaragazwa n’Ikigo cy’Igihugu gishinzwe Ubuhinzi N’Ubworozi (RAB), AFLATOXIN ni ikinyabutabire giterwa n’uruhumbu rw’ubumara bwangiza ubuzima bw’abantu bariye ku musaruro wasaruwe mu murima wafashwe n’icyo kinyabutabire. Umuntu uriye kuri wa musaruro, uretse no ku muntu itungo ririye ku biribwa byafashwe n’iyo AFLATOXIN na ryo rirafatwa.

Abayobozi b’ibigo by’amashuri abanza bitandukanye byo mu mujyi wa Kigali bakomeje kugaragaza ko hari imbogamizi bagenda bahura nazo zo kuba hari ababyeyi babasaba kongera uruhare rwabo mu burezi buhabwa abana babo, ndetse hakaba hari n’abasaba ko amafaranga bishyura y’amafunguro ahabwa abana babo yazamurwa kugira ngo abana babo bajye bahabwa ifunguro rihagije, gusa bakazitirwa n’uko amabwiriza ya Leta atabibemerera na gato.

Mu byo bagaragaza harimo kuba ababyeyi basaba ubuyobozi bw’ibigo by’amashuri abana babo bigamo kuba bakongera ingano y’umusanzu w’amafaranga y’amafunguro y’abana bafata ku ishuri, aho baba bifuza ko yava kuri 975 akaba yakwiyongera.

Mu kiganiro umuyobozi w’ishuri ribanza rya Biryogo, Ntakavuro Pelagie, kimwe na bagenzi be bavuga ko gahunda yo kugaburira abana ku mashuri yafashije muri byinshi nko kuba abana batagita ishuri ndetse no gucyererwa amasomo byahato na hato.

Akomeza avuga ko kurubu bagorwa nibiciro by’ibiribwa ku masoko ,agasaba ko leta ya tecyereza ku biciro ndetse no konera uruhare rwa babyeyi mu rwego rwokurushaho kunoza iyi gahunda.

Umuyobozi wa E.P Biryogo, Mme. Ntakavuro Pelagie

Perezida Paul Kagame kuri uyu wa Mbere tariki 14 Ugushyingo 2022, yageze mu mujyi wa Bali muri Indonesia, aho yitabiriye inama ihuza ibihugu bifite (…)

Ku wa Gatanu tariki 11 Ugushyingo 2022 nibwo Depite Mbonimana yafashwe atwaye imodoka yasinze. Bukeye bwaho, Perezida Kagame yatangarije abari bitabiriye ihuriro rya Unity Club Intwararumiri, ko uwo mudepite yafashwe inshuro nyinshi yasinze, ariko kubera ubudahangarwa ahabwa n’amategeko, atigeze akurikiranwa.

Visi Perezida w’Umutwe w’Abadepite, Sheikh Musa Fazil Harerimana, yemeje ko uyu mudepite yeguye.

Yagize ati 'Hari ibaruwa twakiriye y’umudepite wegura ku budepite ku mpamvu ze bwite, ni ko yanditse. Ni Mbonimana Gamariel. Ibaruwa twayibonye uyu munsi.'

Amakuru yizewe avuga ko iyo baruwa yanditswe ku wa Gatanu, ariko ko yashyikirijwe Inteko Ishinga Amategeko mu gitondo cyo kuri uyu wa Mbere.

Itegeko Ngenga rigena imikorere y’Umutwe w’Abadepite, riteganya ko Umudepite ahabwa ikarita y’ubudahangarwa yerekwa inzego zitandukanye igihe bibaye ngombwa.

Mu itegeko hateganywa ko uyu mutwe ugira Komite ishinzwe imikorere y’Umutwe w’Abadepite, imyitwarire, imyifatire n’ubudahangarwa bw’Abadepite.

Iyi Komite yiga ibibazo byerekeye imyitwarire, imyifatire n’imikoranire y’Abadepite, ibisabwe na Perezida w’Umutwe w’Abadepite mu nyandiko.

Depite Karinijabo Barthélemy ukuriye Komisiyo ishinzwe Imikorere y’Abadepite, imyifatire n’Ubudahangarwa mu Nteko Ishinga Amategeko, yabwiye IGIHE ko ikibazo cy’uyu mudepite batari bakakizeho kuko ubusanzwe ibyo bigaho babimenyeshwa na Inteko Rusange y’Inteko Ishinga Amategeko.

Ati ' Ibibazo komite isuzuma ibigezwaho na Biro y’Umutwe w’Abadepite. Biriya bintu byabaye mu mpera z’icyumweru, nta makuru yandi tubifiteho, dutegereje natwe ko hari icyo ubuyobozi bwacu nka Biro y’Umutwe w’Abadepite ibikoraho. Kugeza ubu ntacyo turabikoraho.'

Mu nshingano z’iyi Komite harimo gukurikirana no kugira inama Abadepite ku byerekeye imyitwarire n’imyifatire yabo haba mu Ngoro y’Inteko Ishinga Amategeko cyangwa hanze yayo.

Harimo kandi kwiga ibibazo byerekeye imyitwarire n’imyifatire by’Abadepite ; kureba no gukurikirana uko ubudahangarwa bw’Abadepite bwubahirizwa.

Ifite kandi ububasha bwo kubaza uwo ari we wese ushobora kuyiha amakuru ku kibazo yiga hubahirizwa amategeko.

Biro ya Komite ishobora gutumira Umudepite ikamugira inama mu magambo ku byo yakwikosoraho birebana n’imyitwarire cyangwa imyifatire bye.

Ni komite ikomeye mu Nteko, kuko ibisabye, bikemezwa na bitatu bya gatanu by’abagize Umutwe w’Abadepite, Inteko Rusange ishobora kwemeza ko Umudepite ugaragaweho rimwe cyangwa menshi mu makosa akurwa ku mirimo ye y’ubudepite.

Muri ibyo biteganywa harimo nko kwinjira mu Ngoro y’Inteko Ishinga Amategeko yasinze ; kwinjiza ibisindisha mu cyumba cy’inama ; kwiyandarika no kwitesha agaciro cyangwa kugatesha urwego arimo ; cyangwa indi myitwarire n’imyifatire binyuranyije n’amategeko agenga imyitwarire n’imyifatire y’abayobozi.

Depite Mbonimana yavutse ku wa 15 Ukwakira 1980. Afite Impamyabumenyi y’Ikirega (PhD) mu bijyanye n’imicungire y’uburezi. Abarizwa mu Ishyaka rya PL.

Yabaye Umudepite muri Nzeri 2018, mbere yaho yabaye Umwarimu Mukuru n’Umushakashatsi muri Kaminuza ya Kigali.

Hagati ya 2015 na 2018 yabaye Umwarimu Mukuru n’Umushakashatsi mu Ishami ry’Uburezi muri Kaminuza ya Mount Kenya. Yigeze kuba Umukuru w’Ishami ry’Uburezi muri Kaminuza ya Mahatma Gandhi mu Rwanda.

Ibyo Perezida Kagame yari yavuze kuri uyu Mudepite

Perezida Kagame yagaragaje ko ikibazo cyo kunywa inzoga n’ubusinzi kitari mu rubyiruko gusa ko ahubwo hari n’abantu bakuru barimo n’abayobozi bagaragaza izi ngeso.

Yavuze ko mu minsi ishize ubwo yasomaga raporo zitandukanye za Polisi y’u Rwanda, yaje gutungurwa no kubona ko hari umwe mu bagize Inteko Ishinga Amategeko y’u Rwanda wasaritswe n’ingeso yo gutwara imodoka yanyoye inzoga.

Ati 'Hari raporo naraye nsomye ariko abapolisi nabo nari mbamereye nabi. Bakoze raporo y’umuntu bafashe, ni umwe mu bagize Inteko Ishinga Amategeko yacu. Bamufashe yanyoye, bamupimye igipimo cyari kigiye guturika kubera inzoga yanyoye hanyuma baza no gusanga mu makuru bafite bamufashe nk’inshuro eshanu, ubwo bwari ubwa gatandatu, babona imodoka igenda mu nzira ikubita hirya no hino, amahirwe agira ngira ngo nta muntu arica ariko ni yo maherezo, aziyica cyangwa yice undi muntu.'

Perezida Kagame yakomeje avuga ko akimara kubona ayo makuru yahamagaye Umuyobozi wa Polisi kugira ngo arusheho kugira ishusho yagutse y’iki kibazo.

Kimwe mu bintu byatunguye Perezida Kagame ngo ni uko uwo muntu nta bihano yigeze afatirwa kuko afite ubudahangarwa.

Ati 'Ikibazo nagize ubwo Abapolisi izo raporo barazitanga, bakavuga ko bamufashe ibipimo biri hejuru y’ibisanzwe, ubanza atari yazinyoye gusa ahubwo yari yaguyemo. Baravuga ngo ariko abagize Inteko Ishinga Amategeko bafite ubudahangarwa, ngo ubwo bamuretse aragenda.'

Perezida Kagame yavuze ko uko yumva ibintu nubwo umuntu yaba afite ubudahangarwa bitavuze ko ashobora gukora ikosa nk’iryo inshuro nyinshi nta byemezo bimufatirwa.

Yavuze ko yabwiye Umuyobozi wa Polisi ko bimwe mu bihano uyu muntu ashobora gufatirwa harimo kumwambura uruhushya rwo gutwara ibinyabiziga kandi imyitwarire ikamenyeshwa Inteko Ishinga Amategeko byaba ngombwa akamburwa ubudahangarwa kugira ngo aryozwe ayo makosa.

Gamariel Mbonimana, umudepite uherutse kuvugwaho gutwara imodoka yasinze, yashyikirije Inteko Ishinga Amategeko ibaruwa y’ubwegure bwe

Charlene Ruto umukobwa wa Perezida William Ruto wa Kenya akomeje guteza impaka mu banyakenya mu gihe yigaragaza nk'umwe mu bafite inshingano mu butegetsi mu gihe nta mwanya uzwi yahawe muri leta. 

Ubwe yiyita 'First Daughter', abanyakenya ku mbuga nkoranyambaga barimo kwibaza impamvu agenda ahura n'abaminisitiri ndetse akajya mu ngendo mu mahanga.

Perezida Ruto afite abana barindwi, Charlene niwe urimo kugaragara cyane ku ruhando rwa politiki.

Mu mezi macye nyuma y'uko se ageze ku butegetsi, ibinyamakuru byaho bivuga ko Charlene amaze kubonana n'abakuriye intara benshi muri Kenya, ndetse n'abaminisitiri bo mu mahanga.