Blog

Iyo Minisiteri itangaza kandi ko hazabaho n’icyiciro gisimbura icya mbere kibarizwamo abaturage bafite imbaraga nke, barimo n’abageze mu zabukuru bo bazajya bafashwa na Leta kubaho.

Umunyamabanga wa Leta muri MINALOC, Ingabire Assoumpta asobanura ko ibyiciro bisojwe byari bifite ibyiza byo guteza imbere umuturage no kumurengera, ariko byagaragaye ko abo mu cyiciro cya mbere bari barabigize nk’indangamuntu yo kugira ubushobozi bucye bityo ntibatere imbere.

Agira ati 'Byari bimaze kuba nk’aho icyiciro ari indangamuntu kubera ko umuntu yumvaga azafashwa ubuziraherezo. Hari ukuba mu cyiciro, ariko hakazamo n’ikintu cyo kwigira, no gukoresha neza ibyo umuntu yahawe na Leta'.

Ku kijyanye no kuba hatabaho ibyiciro bibiri gusa, icy’abafashwa na Leta n’icy’abishoboye, Ingabire, asobanura ko hagikenewe kumenya uko imiryango iteye n’uko ishusho yayo yafasha mu igenamigambi ry’Igihugu mu iterambere ry’umuryango.

Ku kijyanye n’ibyiciro by’ubudehe bishya, avuga ko ikintu kigamijwe cyane, ari uguhindura imyumvire y’abaturage kugira ngo bumve ko nabo bafite uruhare mu guhindura imibereho yabo, kandi ko mu myaka ibiri bazajya bita ku muntu agaherekezwa agategurwa amezi atandatu ya mbere, akamenya icyo akeneye kugira ngo kizaze afite gahunda.

VUP nayo yavuguruwe

Minisitiri Ingabire avuga ko hakurikijwe imyanzuro y’Inama y’Abaminisitiri yo ku wa 14 Ugushyingo 2022, iteganya ko VUP (Vision Umurenge Program) ivugururwa.

Avuga ko ayo mavugurura agamije kuzamura ubushobozi n’amasaha y’akazi ku bakora muri VUP, kugira ngo barusheho kwiteza imbere, ku buryo abakozi bahawe akazi bafatwa nk’abakozi ba Leta.

Avuga ko ibikorwa bya VUP bizajya bimara imyaka ibiri uwafashwijwe agacuka, ariko bikajyana no guhindura uko umuntu yafashwaga, aho nko ku bakora imirimo y’amaboko bazongererwa iminsi bakoraga ikava kuri 75 ikagera ku minsi 100, kandi bakanongererwa umushahara ukava ku 1000frw ukagera ku 1500frw ku munsi.

Avuga ko ku bafite imbaraga nke cyangwa ababahagarariye bo bageze ku rwego rwo kuba bakora amasaha abiri gusa bagataha, cyangwa uwita ku utishoboye akajya kumufasha, hakaba kandi hazakomeza kongera ingufu mu nkingi z’inguzanyo za VUP, no gufasha abafite imbaraga ngo biteze imbere.

Agira ati 'Imyaka ibiri twaherekeje umuntu bizafasha kumuteza imbere wamuhaye inka, wamuhaye umurima, wohereje umwana we ku ishuri mu myuga, ari kumwe n’abayobozi n’abaturage, nyuma y’imyaka ibiri azaba avuyeyo akeneye kwijyana'.

Icyakora ngo hazanashyirwaho igihe kigufi cyo gusuzuma niba umuturage uvanwe muri VUP koko ashoboye kwitwara, kandi agakomeza inzira yo kwiteza imbere, igihe bigaragaye ko hari aho atarakomera harebwe icyakorwa.

Ivomo:Kigalitoday

Nyuma y’uko Umuryango w’Abayobozi bakuru (Unity Club), ufatiye imyanzuro irimo uwo kubuza abatujuje imyaka 21 kunywa inzoga, harimo kwigwa Itegeko ribigenga (…)

Bikubiye mu itangazo ryashyizwe hanze n’Ikigo cy’Igihugu gishinzwe Ubugenzuzi bw’Ubuziranenge, Ihiganwa mu Bucuruzi no Kurengera umuguzi RICA kuri uyu wa Mbere tariki 14 Ugushyingo 2022.

Iri tangazo rivuga ko iki cyemezo cyo guhagarika ibi byuma bifite ubukomere buri munsi ya 500 MPa (500N/ mm2) gitangira kubahirizwa ku wa Mbere tariki 14 Ugushyingo nyuma yuko iri tangazo rigiriye hanze, icyakora abagifite ibi byuma bakaba bahawe amahirwe.

Rikomeza rivuga ko abantu barebwa n’iki cyemezo barimo abatumiza ibi byuma mu mahanda, ababikora n’ababikoresha ko 'bahawe amezi atandatu kugira ngo babe bamaze gukoresha ibyo byuma basanganywe mu bubiko bwabo.'

Rikongera riti 'Uretse abamaze kwishyura ibyo batumije kandi babifitiye gihamya cya banki bakoresha, nya muntu wemerewe gutumiza mu mahanga/kwishyura ibindi byuma bifite ubukomere bwavuzwe adafite uruhushya nyumo y’aho iri tangazo rishyiriweho umukono.'

U Rwanda rwatangije icyumweru cyo kwita ku buzima bw’umwana n’umubyi, mu rwego rwo kurwanya gupfa k’umubyeyi abyara cyangwa umwana wapfa avuka, abatwite (…)

Uyu wari umwe mu bagize Inteko Ishinga Amategeko, yagarutsweho na Perezida Paul Kagame ubwo yasozaga ihuriro ry’Umuryango Unity Club Intwararumuri mu ijoro ryo ku ya 12 Ugushyingo 2022.

Umukuru w’u Rwanda yavuze ko hari umwe mu Badepite wari waraye afashwe na Polisi atwaye imodoka yasinze bikabije ariko abapolisi bakumureka agakomeza urugendo.

Anenga uyu wari umudepite, Perezida Kagame yagize ati 'Bamupimye igipimo cyari kigiye guturika kubera alcohol yanyoye, baza no gusanga bamufashe nk’inshuro eshanu, ubwo bwari ubwa gatandatu […] ubanza atari yazinyoye gusa yari yaziguyemo.'

Umukuru w’u Rwanda yagaye Abapolisi bakoze ikosa ryo kurekura uyu wari Umudepite bagendeye ku budahangarwa agenerwa n’itegeko, avuga ko yashoboraga kugonga abantu akabahitana cyangwa na we ubwe akaba yakora impanuka ikamuhitana.

Yavuze ko akimara kubona raporo ivuga kuri uyu wari umudepite, yahise ahagamara Umuyobozi Mukuru wa Polisi 'ndamubaza nti 'umuntu ufite ubudahangarwa ufatwa inshuro eshanu esheshatu, umunsi se yishe umuntu ? Nabyo ni ubudahangarwa ?’.'

Nyuma yuko uyu wari Umudepite yeguye avuga ko yafashe iki cyemezo ku mpamvu ze bwite, yasabye imbabazi zo kuba yaratwaye ikinyabiziga yanyoye inzoga.

Mu butumwa yanyujije kuri Twitter, Dr Mbonimana Gamariel yagize ati 'Mbikuye ku mutima mbasabye imbabazi Nyakubahwa Perezida n’Abanyarwanda muri rusange mwese. Nakoze icyaha cyo gutwara imodoka nanyweye inzoga. Nafashe umwanzuro wo kutazongera kunywa inzoga. Mwumve gutakamba kwanjye. Niteguye kuzuza neza izindi nshingano zose mungiriye icyizere.'

Perezida Kagame ubwo yagayaga uyu wari intumwa ya rubanda, yavuze ko muri kiriya kiganiro yagiranye n’umuyobozi wa Polisi, yamubwiye ko iyo aza kuba ari Umupolisi, yari kubanza akamenyesha abayobora Inteko Ishinga Amategeko amakosa y’uyu wari Umushingamategeko, ubundi akamburwa uruhushya rwo gutwara ikinyabiziga.

Minisitiri w’Intebe, Dr Edouard Ngirente, ku wa Mbere tariki 14 Ugushyingo 2022, yakiriye indahiro z’Abashinjacyaha 25 bo ku rwego rwisumbuye, urw’ibanze (…)

Irushanwa ngarukamwaka ryitiriwe gushimira abasora neza, Taxpayers Appreciation Volleyball Tournament, riratangira kuri uyu wa Gatandatu wa taliki 19 (…)

Perezida wa Repubulika Paul Kagame witabiriye Inama ya G20 muri Indonesia, yahuye na Minisitiri w’Intebe w’u Buyapani Fumio Kishida baganira uko ibihugu (…)