Blog

Kuri iki Cyumweru nibwo hasojwe ikiciro cya 'identification' kimwe muri bitatu bizaranga urugendo rwo gutegura abakinnyi bazahagararira u Rwanda mu mikino Olempike y’abato, aho abana 22 batarengeje imyaka 14 bahurijwe muri IFAK Kimihurura, bitoza ariko baniyerekanira gutoranywa mu beza bazakomeza mu byiciro bizakurikiraho.

Mu mujyi wa Kigali hagaragaye abana 11 basanga abandi 15 babonetse I Rilima mu Bugesera hatangizwa iyi gahunda, na 11 babonetse i Rubavu mu ntara y’Uburengerazuba.

Abana bigishijwe uburyo bw'ibanze bwo gukina Tennis yo ku meza

Aba bana bose uko ari 37, bazakomeza gukurikiranwa ku bufatanye bwa federation na Komite Olempike y’u Rwanda, ku buryo 2026 hazagera bari ku rwego rwiza rwazabafasha gutwara imidali mu mikino Olempike y’abato. 

Mu gusoza iki kiciro cya mbere cya Identification, Umuyobozi wungirije wa Komite Olempike y’u Rwanda Madame Umutoni Salama yavuze ko bagowe ahanini n’umubare w’abana wabaye muto kuko abenshi bari ku mashuri hirya no hino, ariko anatangaza ko hari ikizere ko abatoranijwe bazakurikiranwa neza bakazatanga umusaruro.

Abana bo mu bice bitandukanye mu Rwanda bahawe ubumenyi ku mukino wa Tennis yo ku meza mubyo byo kuzahagararira u Rwanda mu 2026

Uyu muyobozi kandi yanasabye ubufatanye hagati y’ababyeyi, amakipe na za federasiyo ku kijyanye no gukundisha abana imikino bakiri bato no kubitaho byuzuye kuko nibyo bizafasha amafederasiyo kubona impano z’abakinnyi bakiri bato mu ngeri zose.

Nyuma yo kwiyerekana kw’abana biteguye (identification) hazakurikiraho kubategura mu buryo butandukanye, harimo no kubashyira mu mwihererero hirya no hino bizaba mu mwaka utaha 2023, hanyuma hakurikireho guhatana mu mikino mpuzamahanga ya gicuti harebwa urwego bagezeho. 

Abana bari kunyuzwa muri buri cyiciro kugira ngo bazagere muri 2026 bahagaze neza.

Engen EcoDrive ni igisobanuro cya Lisansi cyangwa Mazutu igizwe n'inyongeramusaruro igamije gusukura moteri, kurinda ikubanaho (gukubanaho) ry'ibyuma biba muri moteri, ikarinda n'umugese, ibi bigafasha mu kugabanya ibyuka byangiza ikirere. 

Ibi byose bigatuma ikinyabiziga gikoresha cyangwa se kinywa lisansi nkeya ugereranyije n'ibirometero yagenze.

Ubushakashatsi bwakozwe bwerekanye ko serivisi abakiriya bahabwa hamwe n'ubwiza bwa Lisansi na Mazutu, aribyo by'ingenzi biyobora abakiriya mu guhitamo sitasiyo ibinyabiziga byabo bifatiraho Lisansi na Mazutu mu Rwanda.

Ni muri urwo rwego ikigo cya Engen cyatangije muri 2021 gahunda yiswe 'Triple Check', kugira ngo abakiriya bagaragarizwe ko bahabwa Lisansi na Mazutu byujuje ubuziranenge, kugipimo cyuzuye, ndetse bakanakirwa neza ku masitasiyo ya Engen.

Kubera ko muri Engen kugendana n'ibigezweho bidahagarara, bamaze gushyira ku isoko Mazutu na Lisansi bivuguruye: Engen EcoDrive, ubu iraboneka ku ma sitatiyo yose ya Engen mu gihugu hose.

EcoDrive ni ibisubizo by'ubufatanye hagati ya Engen n'ikigo mpuzamahanga cyo mu Budage (BASF), kizobereye mu kongerera ubwiza ibikomoka kuri peteroli.

EcoDrive yasimbuye Lisansi na Mazutu bisanzwe, kandi itangwa ku biciro bisanzwe (nta giciro cy'inyongera ku bakiriya).

Vivo Engen isobanura ko izaniye Abakiriya mu Rwanda ibyiza by'imyaka myinshi y’ubushakashatsi n'iterambere, muri Laboratoire zubahwa cyane mu Budage.

Umuyobozi Mukuru wa Vivo Energy Rwanda, Saibou Coulibaly avuga ko guhugura abanyamakuru n'abandi bavuga rikijyana, ari inzira nziza yo kumenyekanisha ku baturarwanda 'Engen EcoDrive' kuko yaje ari igisubizo ku batunze ibinyabiziga.

Uyu mugabo wakoreye mu bihugu birimo Cote d'Ivoire, avuga ko 'Engen Ecodrive' babanje kuyigerageza mu bantu batandukanye bo mu Rwanda bafite ibinyabiziga, bayishyira ku isoko bafite ibitekerezo n'ishimwe rya benshi bamaze kuyiyoboka.

Yavuze ko abahuguwe babitezeho kubabera ba Ambasaderi. Ati 'Dufite ubuhamya bwiza bw'abantu bamaze gukoresha Engen EcoDrive. Ibi ntabwo ari ukwamamaza, ahubwo ni mu nyungu z'ubuziranenge bw'ibinyabiziga. Abakiriya barishimye, kubera ko bategereje Lisansi na Mazutu byujuje ubuziranenge, kandi nabo bashobora kubona itandukaniro ryabyo.'

Umuhanzi Uncle Austin usanzwe ukoresha Engen EcoDrive, avuga ko yishimira kuba ikinyabiziga cye ubu gifite ubuziranenge nk'uko yakiguze.

Ibyiza bya ENGEN EcoDrive ivanze na Lisansi

Lisanse na Mazutu bisanzwe bikoreshwa, bifite uburyo birema umwanda mu gushya (gushya cyangwa se kwaka) kwabyo bigatuma ikinyabiziga kibikoresha kinywa cyane.

Engen EcoDrive yo igenzura neza kandi igasukura Lisansi na Mazutu, bigatuma ikinyabiziga kinywa neza kandi moteri ikarindwa umugese n'umwanda.

Engen EcoDrive ya lisansi igabanya kwikubanaho (kwikuba) kw'ibyuma bya moteri, bityo ikaramba.

Ibyiza bya Engen EcoDrive kuri moteri y’ikinyabiziga:

1. Inzira za moteri: Zirindwa umugese.

2. Utwuma twinjiza Lisansi muri moteri: Kurindwa umwanda.

3. Ibyuma by’imbere muri moteri: Birindwa umwanda.

4. Inziga za pisito: Zigabanya kwikubanaho.

5. Amavuta ya moteri: Akora neza kurushaho.

Engen EcoDrive yagenewe gusukura moteri ikagumana imbaraga, kandi ntikoreshe Lisansi na Mazutu byinshi.

Engen EcoDrive kandi ifasha mu kurinda umugese ibyuma bya moteri z’ibinyabiziga.

Ibyiza bya Mazutu igizwe na Engen EcoDrive

1. Ibice by’imbere muri moteri: Nta myanda igaragaramo kandi hirindwa ko byafatwa n’umugese.

2. Imyanda igaragara mu bice bya moteri iyigabanyiriza imbaraga

3. Engen EcoDrive ituma ibice by’imbere muri moteri bihora bisukuye.

4. Iyo nta myanda iri mu bice bya moteri bituma ikora neza, ikinyabiziga kikanywa neza.

5. Engen EcoDrive ituma ibice by’imbere muri moteri bitaribwa n’umugese.

Ubwo yari mu biganiro ku mahoro, umutekano n’ubutabera bibera mu ishuri rikuru rya Polisi y'u Rwanda i Musanze, Minisitiri w’Ibidukikije Dr. Mujawamariya Jeanne d’Arc yavuze ko u Rwanda rwamaze gushyiraho ingamba zigamije gukumira imyuka ihumanya ikirere, ugereranyije n'ibindi bihugu by'Akarere u Rwanda ruherereyemo.

Mujawamariya yavuze ko u Rwanda rwashyizeho amategeko arengera ibidukikije, agashyirwa mu bikorwa ku bufatanye na Polisi y’u Rwanda.

Yavuze ko hagendewe ku cyerekezo cya 2050, hakenewe kongera imbaraga mu kubungabunga ibidukikije ku mugabane wa Afurika.

Igihe watangiye gukoresha Engen EcoDrive bisaba ko utayivangira ngo utangire gukoresha andi mavuta, kuko ikinyabiziga cyawe cyongera kuba uko byari bimeze mbere ugikoresha andi mavuta atari aya Engen.

 

Umuyobozi Mukuru wa Vivo Energy Rwanda, Saibou Coulibaly yavuze ko Engen EcoDrive ifasha moteri kugira isuku, gukoresha mazutu na Lisansi bicye kandi ayirinda kwangirika 

Bwana Saibou Coulibaly avuga ko buri munsi bakira abantu bashima uburyo Engen EcoDrive yahaye ubuzima ibinyabiziga byabo 

Nsegiyumva Costant 'Road transport Manager' yagaragaje itandukaniro rya Mazutu isanzwe na Mazutu ivanze na Engen EcoDrive 

Umuyobozi Ushinzwe iyamamazabikorwa n'Itumanaho, Ghislain Kambali Cyubahiro yagarutse ku byiza byo gukoresha Engen EcoDrive

Umunyamakuru akaba n'umuhanzi, Uncle Austin yavuze ko kuva yatangira gukoresha Engen EcoDrive imodoka ye yagumanye ubuziranenge 

Umuhanzi akaba n'umunyamakuru kuri Kiss Fm, Andy Bumuntu ni umwe mu bitabiriye amahugurwa mu mikorere ya Engen EcoDrive 

Abdallah Munyeshala 'Retail Manager' yavuze ko Lisansi na Mazutu bya Engen Eco Drive biboneka kuri sitasiyo zose ziri mu Rwanda 

Kompanyi ya Vivo Energy ifite icyicaro gikuru i London mu Bwongereza, ariko ifite Ishami mu Rwanda rikorera mu nyubako ya M&M Plaza 

Ifoto igaragaza imashini zitunganya Engen EcoDrive mbere y’uko igezwe ku isoko 

Engen EcoDrive ifasha ibinyabiziga by'abakiriya gutanga umusaruro mwiza    

Nkusi Arthur wari umusangiza w'amagambo ubwo abavuga rikijyana ku mbuga nkoranyambaga n’itangazamakuru, basobanurirwaga ibijyanye na Engen EcoDrive 

Umuhanzi Chriss Eazy ubu ni we 'Brand Ambassador' wa Engen EcoDrive. Ni nyuma y'uko yegukanye ibihembo bibiri muri Kiss Summer Awards

Kanda hano urebe amafoto menshi

AMAFOTO: Serge Ngabo-INYARWANDA.COM

Kuva tariki 19 kugera tariki 20 Ugushyingo, ishyirahamwe ry’umukino w’intoki wa Volleyball Club FRVB rifatanyije n’ikigo cy’igihugu Gishinzwe Imisoron'Amahoro (RRA), bazategura irushanwa ryo gushimira abasoreshwa bitwaye neza mu mwaka w’umusoro uba urangiye. Iri rushanwa ngarukamwaka rigiye kuba ku nshuro yaryo ya kabiri, aho ryaherukaga kuba mu Gushyingo umwaka ushize.

Umunyamabanga w’ishyirahamwe ry’umukino w’intoki mu Rwanda, Mucyo Philbert yatangaje ko amakipe hafi ya yose yari yitabiriye umwaka ushize azanagaruka kuri iyi nshuro. Yagize ati”  iri rushanwa nk’ibisanzwe, rizakinwa mu byiciro byombi mu bagabo n’abagore. 

Mu bagabo hazitabira amakipe yose 8 akina icyiciro cya mbere muri shampiyona, ndetse mu bagore hitabire 7 nayo akina icyiciro cya mbere muri shampiyona y’abagore. Kubijyanye n’ibihembo, ikipe ya mbere izegukana miliyoni 2, iya kabiri yegukane miliyoni imwe n’igice, naho ikipe ya gatatu yegukane miliyoni imwe. 

Iri rushanwa rizaba rifunguye kuko ikipe ifite uburenganzira bwo gukinisha umukinnyi ikuye ahandi, ariko nta mukinnyi wemerewe gukinira amakipe 2 atandukanye

Imikino izabera ku bibuga bigera kuri bitatu harimo ikibuga cya Kimisagara kizakinirwaho n’abagore mu mikino y’amatsinda, Wellspring Academy Nyarutarama kizakinirwaho n’abagabo mu majonjora, naho imikino ya kimwe cya kabiri n’imikino ya nyuma ibere muri BK Arena ku Cyumweru. 

Uwitonze Paulin, Komiseri wungirije ushinzwe abasora mu kigo cy’igihugu gishinzwe imisoro n’amahoro (RRA) yatangaje ko iri rushanwa rigamije gushimira abasoreshwa beza.

Yagize ati” Tuba tumaze umwaka mu gihe cyo gutanga umusoro, aho tuba twarazengurutse mu bice byose by’igihugu dukusanya imisoro. Iki rero kiba aricyo gihe kugira ngo tumurikire abanyarwanda, umusoro watanzwe n’uburyo watanzwemo.”

Uwitonze Paulin yatangaje ko abakunzi ba Siporo nabo bakwiye kumenya agaciro ko gusora, ndetse banabishishikariza abandi ariyo mpamvu banategura iri rushanwa 

Yakomeje agaruka ku ruhare rw’umusoro mu kubaka u Rwanda by’umwihariko muri Siporo, aho yavuze ko umusoro ugira uruhare mu kubaka ibibuga byo gukiniraho, Ibitaro (byo kuvura abakinnyi), Imihanda n’ibindi.

Ubwo iri rushanwa ryaherukaga kuba, mu bagabo Gisagara VC niyo yaryegukanye itsinze APR VC, naho mu bagore RRA iba iya mbere itsinze UVC. 

Ngarambe Raphael uyobora umukino wa Volleyball yavuze ko imikino yose aho izabera, abafana bahawe ikaze kuko kwinjira bizaba ari ubuntu

Yabitangarije mu karere ka Nyamasheke tariki 10 Ugushyingo 2022, ubwo yari yitabiriye umuhango wo gutaha Ikigo cy'urubyiruko cya Nyamasheke cyavuguruwe ku bufatanye bwa Leta n'abafatanyabikorwa ari naho yabonye umusore witwa Theoneste Kubwayo ufite impano idasanzwe yo gushyushanyisha amarangi.

Uyu musore wo mu kagari ka Rwesero, umurenge wa Kagano yashushanyije impano zahawe abashyitsi bitabiriye uyu muhango barimo Minisitiri Mbabazi, Minisitiri w'ubuzima Dr Ngamije Daniel wari uhagarariwe, Ambasaderi w'Ububiligi mu Rwanda wari uhagarariwe, n'Umuyobozi w'umuryango SFH, n'umuyobozi wa enabel.

Urubyiruko n'ikiciro gikwiye kwitabwaho by'umwihariko kuko kigize umubare munini w'abaturage. Minisitiri Mbabazi yavuze ko gahunda ya guverinoma y'u Rwanda ari uguha urubyiruko icyerekezo rugomba kugenderamo.

Arusaba kwirinda inda zitateganyijwe kuko abenshi mu bana bavuga muri ubu buryo aribo bahura n'ibibazo by'imibereho mibi birimo n'ikibazo cy'igwingira.

Yashimye Kubwayo Theoneste ufite impano yo gushushanyisha amarangi, bituma agura igishushanyo cye kigaragaza ishusho y'akarere ka Nyamasheke mu rwego rwo gushyigikira impano ye.

Yagize ati 'Iyi shusho nziza igaragaza Nyamasheke iri ku Kivu turayitahana natwe tuguteze imbere. Kiriya gihangano turagenda tugishyire kuri Minisiteri abahaciye bose bage bagenda bavuga ngo dore umuhanzi w'i Nyamasheke'.

Yakomeje agira ati 'Ntitwabona amikoro ahagije ariko rwose tuzumvikana, ndabizi ko bitoroshye birahenze, ariko tuzareba aho duhurira kubera igihango cyiza yakoze. Uru ni urugero rw'ibishoboka rubyiruko. Dufite impano, dufite ibitekerezo, ibyo dushoboye byose twabikora kugira ngo twiteze imbere'.

Kubwayo Theonetse uri mu bahataniye ibihembo mu irushanwa rya Art Rwanda Ubuhanzi yabwiye Iriba News ko impano yo gushushanya ayikomora ku muryango we by'umwihariko mukuru.

Uyu musore afite mukuru witwa Joshua Biseruka nawe ufite impano yo gushushanya. Ubwo yigaga mu mwaka wa kane w'amashuri abanza nibwo yabonye ko afite iyi mpano.

Akirangiza ikiciro rusange cy'amashuri yisumbuye yasabye kujya mu ishuri ry'abanyempano Ecole d'Art de Nyundo arabyemererwa arangije muri iri shuri muri 2016 nibwo yatangiye gukora ubugeni nk'umwuga.

Ati 'Mfite intego yo kuba umushushanyi kabuhariwe ku buryo nzajya ntwara ibihembo ku rwego mpuzamahanga. Ibihembo nagiye ntwara n'ibyo ku rwego rw'akarere, inkuru zishushanyije, kandi kuri njye ibyo ntabwo bihagije'.

Magingo aya Kubwayo ni umwarimu mu bijyanye n'ubugeni ndetse iyo hari ikigo gikeneye guhugura abana ku bijyanye n'ubugeni kiramwitabaza.

Ati 'Mfite intego yo kuzamura ubugeni mu rubyiruko abafite iyo mpano nkabafasha kuziteza imbere'.

Kubwayo mu mwuga we icyo ashyira imbere si amafaranga ahubwo ni ugukora ibihangano byiza.

Afatira urugero ku munyabugeni Vincent Van Gogh wo mu Buholandi washushanyije ibihangano byinshi abantu bakabikunda ndetse bakajya bamubwira ko ari byiza ariko ntihagire ubigura, bigatuma apfa amaze kugurisha igihangano kimwe gusa.

Uyu munyabugeni wabayeho kuva mu 1853 kugera mu 1890 amaze gupfa ibihangano bye babiguze nk'abagura amasuka ku muhindo.

Kubwayo asaba bagenzi bagenzi bafite impano zitandukanye gukora cyane kabone n'iyo baba babona ko uwo munsi iyo mpano ntacyo irabagezaho.

Ati 'Kuba Minisitiri yanshimiye byanshimishije cyane ntabwo natekerezaga ko yankora mu ntoki, nabyakiriye neza kandi byanteye imbaraga zo gukomeza gukora cyane'

Mu Karere habarurwa urubyiruko 147,879 (Abakobwa 79,754 n'Abahungu 68,125. Kuva Ikigo cy' Urubyiruko cyatangira mu 2012, hamaze kunyura urubyiruko rugera kuri 4000 rwahahuguriwe imyuga itandukanye irimo ubudozi no gutunganya imisatsi.

Abakobwa 6 n’umusore umwe bari bafungiye icyaha cyo kwangiza imyanya y’ibanga ya mugenzi wabo, ku Cyumweru tariki ya 13 Ugushyingo 2022, bahawe imbabazi na (…)