Blog

The experts from COMESA, SADC, EAC, IGAD and IOC have been joined by representatives from Regional ICT Associations (RICTAS) to review recommendations on the development of institutional strategies and business/membership models that would sustain their role of ensuring coordinated public and private sector policy and regulatory engagement and development.

Funded by the European Union Development Fund (EDF11), the EGEE-ICT aims at supporting the effective review and or development of various regional policy and regulatory frameworks in a harmonized manner that will contribute to enhancing competition, improved access to cost effective and secure ICT services in the East African-Southern Africa and Indian Ocean region.

To kick start the process, COMESA as the lead Regional Economic Community (REC) engaged Prof. Thomas Senaji from Kenya to carry out the consultancy services of the programme.

The specific objectives of the consultancy entailed conducting an assessment and providing an overview and analysis of the capacity, strengths and weaknesses across the ICT sector Associations and identify the main capacity gaps and demands. Develop strategies, action plans and business models for the ICT Sector Associations and facilitate capacity building programes for enhancing the operations of the associations.

Speaking when he officially opened the workshop on Wednesday 16 November 2022, Public Sector Digitization Analyst in Rwanda’s Ministry of Transformation, ICT and Innovation Mr Angelos Munezero commended the collaboration of the RECs for working together and building strong meaningful partnerships to create synergies which will positively impact the people.

'Indeed having COMESA, SADC, EAC, IGAD and IOC under the EGEE-ICT programme working together is a step in the right direction to achieve ICT regional integration,' he said.

He added that Rwanda acknowledges the EGEE-ICT programme, as a vital initiative that will ensure growth and development of ICT and Telecommunications in the region.

Mr Angelos Munezero

The workshop was informed that the Government of Rwanda has deliberately invested in digital transformation to change people’s lives. By the end of September 2022, Rwanda had mobile telephone subscription at 82.5%, internet subscription at 60.6 % and about 80% of the most impactful services are provided online through Irembo platform.

Addressing the delegates, Telecommunications Officer at COMESA Secretariat Mr Leonard Chitundu said RICTAS play a vital role in the development of the ICT sector in the region.

'Together, they provide invaluable forums for sharing knowledge and experiences on regulatory practices, supporting the implementation of ICT policies and regulations, and sharing perspectives and experiences on institutional strategies and business models for ICT operators,' he added.

Hence, a consultant was engaged to conduct the assessment and thereafter develop strategies, action plans and business models and identify training or capacity building activities required to enhance the operations of the RICTAs.

The consultant, through desk research and consultations, gathered data and information on the status each of the five RICTAs in the region, namely Association of Regulators of Information and Communications for Eastern and Southern Africa (ARICEA); Communications Regulators’ Association of Southern Africa (CRASA) East African Communications Organization (EACO) Southern Africa Postal Operators Association (SAPOA) and Southern Africa Telecommunications Association (SATA).

Nyuma y’ibihano, kapiteni wa APR FC, Manishimwe Djabel yagarutse muri bagenzi be ndetse akora imyitozo ya mbere yitegura Kiyovu Sports.

Tariki ya 14 Ukwakira 2022 ni bwo APR FC yamenyesheje Manishimwe Djabel n’umutoza mukuru Adil Erradi Mohammed ko bagagaritswe n’iyi kipe mu gihe cy’iminsi 30 kubera imyitwarire yabaranze itarashimishije ubuyobozi bw’ikipe, ni nyuma yo guterana amagambo mu itangazamakuru.

Ibihano bya Djabel byarangiye tariki ya 13 Ugushyingo 2022 agomba gutangira akazi ku wa 14 Ugushyingo ariko bihurirana n’uko ikipe yari mu kiruhuko.

Ejo hashize ni bwo yasubukuye imyitozo i Shyorongi ari na bwo na Djabel yakoraga imyitozo ye ya mbere nyuma y’ibihano.

Iyi myitozo yayobowe n’umutoza wungirije, Ben Moussa ni nyuma y’uko Adil nubwo ibihano byarangiye ariko ataragaruka mu kazi ndetse amakuru akaba avuga ko atazanagaruka ahubwo yiteguye kurega iyi kipe muri FIFA kuko yamuhagaritse binyuranyije n’amategeko.

APR FC iritegura umukino w’umunsi wa 10 wa shampiyona uzayihuza na Kiyovu Sports tariki ya 23 Ugushyingo 2022.

Djabel nyuma y’ibihano yasubukuye imyitozo

Yari yazize guterana amagambo n’umutoza we Adil Erradi

Djabel asanzwe ari kapiteni wa APR FC

Yatangiye gufatanya na bagenzi be kwitegura Kiyovu Sports

Casemiro mu myitozo y’ejo hashize ku wa Gatatu

Bizimana Yannick arwanira umupira na Anicet

Manchester United ikomeje gufatira imyanzuro ikakaye umukinnyi wabo Cristano Ronaldo, nyuma y'uko ashinjije abayobozi bayo kumugambanira, gushaka kumusohora mu ikipe ku ngufu ndetse akanavuga ko atakubaha umutoza wayo Erik Ten Hag kuko nawe atigeze amwubaha. 

Abahanga mu gukura amafoto ku bintu cyangwa ibishushanyo  ku bintu bagaragaye bashishura amafoto ya Cristano Ronaldo, yari ari inyuma kuri sitade ya Manchester United Old Trafford mbere y'amasaha macye ngo igice cya mbere cy'ikiganiro cya Cristiano Ronaldo yagiranye na Piers Morgan kijye hanze. 

Ibi abayobozi ba Manchester United bari gukora, bikomeje kugaragaza ko bababajwe cyane n’ibyakozwe n’uyu mukinnyi wabo.

Abakuyeho ifoto ya Cristiano Ronaldo

Nk'uko sportsmail yabitangaje, abanyamategeko ba Manchester United bakomeje kwiga ku buryo bakwirukana Cristano Ronaldo vuba, kuko amasezerano ye azagera mu mpeshyi y’umwaka utaha kandi bakaba badashaka kongera kumubona mu ikipe yabo, ndetse n’umutoza akaba yaravuze ko atamushaka mu ikipe abereye umutoza.

Ubu abayobozi ndetse n'abo banyamategeko bategereje kureba ibiganiro byose Cristano Ronaldo yagiranye na Piers Morgan, ubundi babone ibihamya neza babone gufata imyanzuro ikomeye. 

Ubundi buryo bushoboka ni uko uyu mukinnyi azasesa amasezerano yari afitanye na Manchester United ubundi akagendera ubuntu mu yindi kipe, ariko hari amakuru avuga ko ureberera inyungu za Ronaldo, Jorge Mendes yamaze guhura na Bayern Munich mu cyumweru cyashize kugira ngo baganire ku kuba uyu mukinnyi yakerekezayo mu kwa mbere.

Rètine Mfurakazi w’imyaka 20 y’amavuko ni mwene Nkurunziza, Nkurunziza wa Elia, Elia wa Ruringo, Ruringo wa Ruvubika, Ruvubika wa Sebutende, Sebutende wa Rutogogu. Ni umugunga wo mu nzu ya Rukwizangabo. Amaze imyaka itatu yinjiye mu busizi kuko yabwinjiyemo mu 2019.

Igisigo cye cya mbere kiri kuri shene ye ya Youtube ni “Humura Mulenge”. Indi mivugo amaze gukora ni: “Hora Mulenge”, “Mpore Mulenge”, “Umuco w’iwacu” na “Rya Joro”. Ubu aritegura gushyira hanze indirimbo “Amen” yakoranye na Reagan Da Promota.

Imivugo ye yose yibanda ku gutabariza ubwoko bw’Abanyamulenge nawe abarizwamo. Ni ubutumwa buhura n’intego afite mu busizi bwe dore ko yiyemeje kuba ijwi ry’abatagira kivugira n’abarengana bose muri rusange. Avuga ko atazaceceka ubwoko bwe bw’Abanyamulenge butarabona ubutabera.

Ubwoko bw’Abanyamulenge bwiganje cyane mu Ntara ya Kivu y’Amajyepfo, hafi y’inkombe z’Ikiyaga cya Tanganyika gihuza u Burundi na Tanzania hamwe n'agace k'Amajyaruguru ashyira Uburasirazuba bwa Zambia. Abandi benshi bari muri Amerika, mu bihugu byo mu Karere k’Afrika y’Uburasirazuba n’ahandi.

Muri DRC, hakunze kumvikana inkuru z’akababaro z’iyicwa ry’Abanyamulenge bazira ubusa nyamara Isi igaceceka. Ni intambara imaze imyaka irenga 20 abanyamulenge babuzwa amahwemo mu gihugu cyabo. Ibi biri mu byatumye Retine azamura ijwi rye kaboe n’ubwo ari muto mu myaka. Ubuvugizi bwe abukora binyuze mu busizi aho magingo aya amaze gukora imivugo itanu.

Retine uri gutabariza Abanyamulenge ni muntu ki?

Mu kiganiro na InyaRwanda.com, Rètine Mfurakazi, yatangiye avuga uwo ari we, ati “Rètine bisobanura imboni y’ijisho, naryiswe na Papa ambwira ko ndi “Imboni y’ijisho rye”. Ndi imfura mu bana 6. Navukiye muri Congo, agace kitwa Imulenge, mbese ndi umunyamulenge”. Amashuri abanza yayigiye i Burundi ndetse no mu Rwanda ahitwa Kacyiru. 

Mu mwaka wa 2015 ni bwo yakomereza ubuzima muri Leta Zunze Ubumwe za Amerika. Ubu, ari muri Kaminuza, akaba ari gusoza umwaka wa kabiri mu bijyanye n’ubuganga [Nursing]. Ati “Nshaka kuba umuganga one day [umunsi umwe]”. Avuga ko impamvu yahisemo ikiganga ni uko akunda gufasha abantu.

Retine avuga ko ababazwa no kubona umuntu ababaye “nshoboye kumufasha nabikora”. Ati “Nshaka kuzafasha abantu binyuze mu buganga”. Avuga kandi ko akantu yiyiziho ni uko “nshira abandi imbere yanjye mbese niba mfite gukora ikintu runaka undi muntu akaza akansaba ‘favor’, mpita ndeka ibyanjye nkanjya kumufasha”.

Uko yinjiye mu buhanzi abigiriwemo inama na Se

Asobanura urugendo rwe mu muziki muri aya magambo “Byatangiye mu 2018, nshimira Papa cyane, ni we ‘My hero’ [Intwari yanjye] w’ibihe byose. Umunsi umwe yarambajije ati ‘ese ibyo bya poem ubibona gute?’, mubwira ko ntabishobora atari ibyanjye. Arambwira ngo ‘ndabizi ko wabishobora ahubwo reka nguhe umutwe w’ikintu ubyandike hanyuma uzambwira nusoza”.

Avuga ko umubyeyi we yamuhaye umutwe w’igisigo wo “gutashya Mulenge” [kubaramutsa]. Ati “Ndibuka yamfashe amashusho ayashyira kuri Facebook. Ahantu byanteye imbagara ko nabishobora ni uko abantu bawakiriye (umuvugo). Ati “Nta ‘gitekerezo kitubaka’ nabonyemo, bose barambwiraga ngo ‘komeza’, komereza aho”.

Se yamusabye kubishyiraho umutima wose ndetse no kubikunda kuko yari yamubonyemo impano. Retine arashimira cyane umubyeyi we wasembuye inganzo ye, ati “Papa arambwira ati ‘rero uzabihe umwanya, unabikunde bizacamo’. Ni aho byatangiye. Gusa ntabwo nahise nkomeza nkimenya ko mfite iyo mpano kubera umwanya nari mu bintu by’ishuri ari byo nshira imbere cyane”. 

Uyu mukobwa avuga ko yaje gukomeza ubusizi mu 2019, ati “Ni bwo inganzo [inspiration] yakomeje kungarukamo, icyo gihe ni bwo barimo bica ubwoko bwacu bw'abanyamulenge”. Yungamo ati “Nibaza impamvu ndetse n’impamvu ntacyo bari kubikoraho. Ni bwo navuze, reka mbe ijwi ry’abatagira ijwi [voice of voiceless], basi mbafashe uko nshoboye. Mbinyuza muri poem”.

Ashimangira intego yihaye mu busizi, uyu musizi uri kuminuza mu masomo y’Ikiganga, yagize ati “Bavuga ko intwari atari ijya ija ku rugamba gusa. Kugeza uyu munsi, ntabwo nzaceceka ubwoko bwanjye butarabona ubutebera. Nzakomeza kwandika imivugo nibanda gutabariza ubwoko ndetse nandike n’izindi zitandukanye nka Gospel ndore ko nkunda Gospel cyane”.

Retine avuga ko iyo afite umwanya areba indirimbo kuko azikunda cyane. Yatubwiye ko mu muziki wa Gospel akunda cyane Benjamin Dube, Israel Mbonyi na Chance uririmbana n’umugabo we muri Ben & Chance banitegura gukora igitarama Yesu Arakora Live Concert kuwa 11/12/2022. Mu bahanzi bakora umuziki usanzwe, akunda nyakwigendera Yvan Burabyo, Social Mula na Butera Knowless. 

Ni iki gishimisha cyane Retine ndetse n’ikimubabaza? 

Asubiza iki kibazo agira ati “Ikintu kinshimisha kurusha ibindi ni ukubona umuryango wanjye wishimye. Ikimbabaza, nkunda ukuri rero iyo umuntu umfashe uko ntari birambabaza. Nicuza kuba ntari naramenye Yesu cyera kuko nasanze ubutunzi bwa mbere cyangwa agaciro kanjye ari uko mfite Yesu niyo nshuti nyanshuti yanjye. Turaganira akansubiza”.

Retine amaze gukora imivugo itanu

Avuga ko yicuza ataramenye Yesu cyera

Aheruse guteguza indirimbo “Amen”

Retine avuga ko atazaceceka Abanyamulenge batarabona ubutabera

UMVA UMUVUGO “UMUCO W’IWACU” WA RETINE

UMVA UMUVUGO RETINE YISE “RYA JORO”

Kuri uyu wa Gatatu nibwo ubuyobozi bwa Musanze FC bwasohoye inyandiko zihagarika abakinnyi bayo 3 barimo Lulihoshi François Hertier ukina nka myugariro, Nshimiyimana Imran ukina mu kibuga hagati, na Habineza Isiaka.

Aba bakinnyi bivugwa ko bari bafite imico ihabanye n’amahame y’ikipe, aho Nshimiyimana Imran na Habineza Isiaka bivugwa ko bari bamaze iminsi bagumura abakinnyi bagenzi babo, naho Lulihoshi François Hertier akaba yazize kutitabira imyitozo.

Iyi myitwarire y’abakinnyi iri mu byatumye ikipe igira umusaruro mubi mu mikino iheruka, harimo uwo batsinzwemo na Kiyovu Sports ndetse banganya na As Kigali, batsindwa na Mukura ku kibuga cyabo ndetse banatsindwa na Etincelles FC mu mukino uheruka wabereye i Gisenyi. Musanze FC imaze imikino 4 idatsinda, ubu iri ku mwanya wa 8 n’amanota 13. 

Musanze FC imaze imikino 4 itabona amanota 3 ndetse umunyezamu wayo, Muhawenayo Gad amaze gutsindwa ibitego 6 mu mikino 2

Nshimiyimana Imran uri hagati, ari mu bakinnyi bahagaritswe.

Yusuf Shah w’imyaka 11 utuye i Leeds mu Bwongereza yatsinze ku manota menshi ikizamini cya Mensa IQ (gipima ubwenge rusanjye bwa muntu), ahigika abanyabwenge bagitsinze kurusha abandi mu bihe byatambutse, barimo Albert Einstein na Stephen Hawking.

Uyu mwana yatsindiye ku kigero cya 162, akaba ariwo mubare wo hejuru ku bantu b'ingeri zose, ndetse akaba amanota menshi ashoboka ku muntu utarengeje imyaka 18. 

N'ubwo Einstein atigeze akora ikizamini ku mugaragaro, bemeza ko yatsinze kimwe na Hawking bivugwa ko yatsindiye ku 160.

Nyuma y’uko inshuti ze mu ishuri zimusabye gukora iki kizamini kuko bizeraga ubushobozi n’ubwenge bwe, Yusuf yafashe umwanzuro wo gukora ikizamini cya IQ.

Yusuf Shah yatsinze ikizamini cya Mensa IQ, ahigika Albert Einstein na Stephan Hawking 

Amakuru dukesha Greekreporter ni uko uyu mwana asoje yagiye kwishimira ibyo yagezeho bidasanzwe hamwe n’umuryango we, bafata amafunguro muri resitora.

Yusuf yabwiye ikinyamakuru Metro ati 'Abantu bose ku ishuri batekereza ko ndi umunyabwenge cyane, kandi buri gihe nashakaga kumenya niba ndi mu bice bibiri bya mbere by’abantu bakora iki kizamini. Ndumva bidasanzwe guhabwa impamyabumenyi kuri njye'.

Uyu mwana ufite ubwenge buri hejuru cyane yiga mu mwaka wa 6 mu ishuri ribanza rya Wigton Moor, ndetse afite inzozi zo kuziga imibare muri Oxford cyangwa Cambridge kuko afite ishyaka ry’imibare. Abana mu rugo na barumuna be Zaki na Khalid na Nyina, Sana na Se, Irfan. 

Sana, umubyeyi wa Yusuf yishimiye umuhungu we ati: 'Nshimishijwe cyane nawe. Niwe muntu wa mbere wakoze ikizamini cya Mensa mu muryango. Nanjye nari mpangayitse cyane, yahoraga ajya mu cyumba cyuzuye abana gukora ibizamini.'

Yakomeje ati “Twatekereje ko ashobora guterwa ubwoba n’abantu bakuru muri iki kigo, ariko yakoze neza. Ndacyamubwira ko ‘So aracyafite ubwenge kukurusha’. Twese tubizirikane'.

Mu butumwa  bwatangajwe na Minisiteri ishinzwe Umuryango w’Afurika y’Iburasirazuba n’umuco mu gihugu cy’u Burundi yavuze ko Miss Laurie Claudia Nishimwe  Nzirumbanje yagiye mu gihugu cya Philippines mu marushanwa ya miss Earth 2022 ku giti cye, kandi ihakana ko ahagarariye igihugu cy’u Burundi.

Iyi minisiteri yamenyesheje abarundi ko yamaganye imyitwarire uyu mukobwa yagaragaje, kubera uburyo yaserutse mu myambaro yerekana ubwambure bwe.

Iyi minisiteri ikomeza ivuga ko uburyo Nishimwe Nzirumbanje Laurie Claudia yitabiriye amarushanwa Leta y’u Burundi nta ruhare yabigizemo, bityo Ibyo yakoze bidakwiye kwitirirwa abarundi ahubwo byose bikwiye kubazwa uyu mukobwa, banasabira kumukebura kubera imyambarire bavuga ko ihabanye n’umuco n’imyifatire y’Abarundi.

Miss Laurie Claudia Nishimwe Nzirumbanje  w’imyaka 21 yahagurutse i Bujumbura tariki 11 Ugushyingo 2022 yerekeza muri Manilla mu gihugu cya Philippines, mu marushanwa ya Miss Earth 2022 azasozwa tariki 29 Ugushyingo 2022. 

Mu mafoto yakomeje gukwirakwizwa ku mbuga nkoranyambaga kuri uyu wa gatatu tariki ya 16 Ugushyingo 2022, yagaragazaga ko yaserutse ari kumwe na bagenzi be bambaye bikini.

Nyuma y’uko mu minsi ishize ishami rya Polisi y’u Rwanda rishinzwe umutekano wo mu mazi rifashe imitego yo mu bwoko bwa Kaningini ndetse n’amato byifashishwaga n’abaroba amafi binyuranyijwe n’amategeko mu kiyaga cya Kivu. Igikorwa cyabereye mu kirwa cya Nkombo mu murenge wa Nkombo mu karere ka Rusizi, hakaba hanafashwe abarobyi 4 barobaga binyuranyijwe n’amategeko, mu rwego rwo kugira ngo ibi bicike REMA, Polisi n’Akarere ka Rubavu baganirije itsinda ry’abayobozi b’amakoperative 7 y’abarobyi akorera mu Kiyaga cya Kivu.

Iri tsinda ry’abayobozi b’amakoperative 7 y’abarobyi akorera mu Kiyaga cya Kivu ryaganirijwe ku ngingo zikurikira: Ibikubiye mu itegeko ry’ibidukikije; Kwirinda ihumana ry’ikiyaga cya Kivu rituruka kuri purasitike zikoreshwa inshuro 1n’indi myanda; Imiterere y’ikiyaga n’ibikorwa byo kukibungabunga no Kwita kurusobe rw’ibinyabuzima.
Aba kandi baganirijwe ku itegeko rigena imitunganyirize n’imicungire y’ubworozi bwo mu mazi n’uburobyi mu Rwanda, by’umwihariko bibutswa ingingo yaryo ya 11, iya 29 n’iya 30.

Itegeko n° 58/2008 ryo kuwa 10/09/2008 rigena imitunganyirize n’imicungire y’ubworozi bwo mu mazi n’uburobyi mu Rwanda, ingingo ya 30 ivuga ko umuntu wese ukora ibikorwa by’uburobyi atabifitiye uruhushya ruvugwa mu ngingo ya 16 y’iri tegeko, ahanishwa ihazabu y’amafaranga y’u Rwanda kuva ku bihumbi mirongo itanu (50.000) kugeza ku bihumbi magana abiri (200.000) n’igifungo kuva ku mezi atatu (3) kugeza ku mezi atandatu (6) cyangwa se kimwe muri ibyo bihano no kwamburwa ibikoresho byakoreshejwe.

Ingingo ya 11 muri iri tegeko igaragaza ibibujijwe mu burobyi aribyo gukoresha ibintu bihumanya bigamije kuyobya ubwenge amafi, kuyananiza cyangwa kuyica, gukoresha ibintu biturika, gukoresha uburyo bwa rukuruzi cyangwa amashanyarazi, gukubita amazi ugamije guhinda amafi, kuroba aho ibinyabuzima byo mu mazi byororokera.

Ingingo ya 29 ivuga ko Ku bw’iri tegeko, aba akoze icyaha umuntu wese, ukoresha uburyo, imiti cyangwa ibikoresho by’uburobyi bibujijwe, urobera ahantu habujijwe cyangwa mu bihe bibujijwe, udahita asubiza mu mazi ubwoko bw’ibinyabuzima byo mu mazi bitemewe kurobwa, ibifite uburemere cyangwa ingero biri munsi y’ibiteganyijwe muri iri tegeko, ubuza mu buryo ubwo ari bwo bwose abakozi bashinzwe kugenza ibyaha gukora imirimo basabwa n’iri tegeko, ukora igikorwa cyose cyatuma igice ibinyabuzima byo mu mazi byororokeramo gisenyuka cyangwa cyakwangiza ahantu cyimeza ho gutuburira no kongerera umutungo w’ibinyabuzima byo mu mazi, usenya cyangwa uhisha ibimenyetso by’icyaha bivugwa muri iyi ngingo.

Umutoza w’ikipe y’igihugu Amavubi, Carlos Alós Ferrer yavuze ko impamvu yahamagaye Manzi Thierry udafite ikipe ari uko iyo yahamagawe yitwara neza kurusha abakina mu makipe ya bo.

Uyu mutoza aheruka guhamagara abakinnyi 25 azifashisha mu mikino 2 ya gicuti na Sudani izaba ejo no ku wa Gatandatu, ikazabera mu Rwanda.

Abakinnyi yahamagaye hari benshi bagiye babagarukaho ko hari bamwe badahagaze neza barimo na Manzi Thierry udafite ikipe.

Agaruka ku mpamvu yahagamaye Manzi Thierry umaze amezi arenga 3 adakina nyuma yo gutandukana na FAR Rabat, yavuze ko ari umukinnyi umuha byose iyo aje kuruta ababa bakina mu makipe ya bo baza ugasanga ntacyo bamufasha.

Ati “Ndabizi ariko wenda azagaruka ameze neza, ni ko bimeze. Ndatekereza nita ku byo abakinnyi bakorera amakipe ya bo ariko na none ngomba no kwita ku byo abakinnyi bakora iyo bansanze. Kuri njye ni umukinnyi w’ingenzi iyo aje mu ikipe y’igihugu atanga 100%, ndishimye cyane.”

“Ndabizi ko ubu afite ikibazo cyo kuba adafite ikipe ariko kuri njye gufasha umukinnyi w’ikipe y’igihugu udafite ikipe kuba ari hano, nkamuha amahirwe ni ingenzi.,”

Yavuze kandi ko abizi ko hari benshi batabyumva ariko na none we icy’ingenzi ni ibyo atanga kuko hari igihe ahamagara abakina mu makipe ya bo bagera mu ikipe y’igihugu bakamutenguha.

Ihamagarwa rya Manzi Thierry ryavuhishije benshi

Avuga ko guhamagara Manzi Thierry atamwibeshyeho