Blog

Abayobozi n’abakozi ba Komisiyo y’Igihugu y’Uburenganzira bwa Muntu, ku itariki ya 26 Ugushyingo 2022 bifatanyije n’abayobozi ndetse n’abaturage b’Akarere ka (…)

Ku itariki ya 26 Ugushyingo 2022, umuganda usoza ukwezi mu Ntara y’Iburasirazuba wibanze ku bikorwa byo gusibura imirwanyasuri ndetse no gutera ibiti (…)

Musanze FC yatsinze Rayon Sports mu mukino w’umunsi wa 11 wa shampiyona ya 2022-23 yakinnye idafite abatoza.

Musanze yari imaze iminsi itangaje ko umutoza mukuru wa yo ukomoka muri Kenya, Frank Ouna adahari aho yagiye kwivuza ndetse n’umwugiriza we Mushimiyimana Maurice Maso adahari aho yagiye kwiga muri Uganda yatsinze Rayon Sports yasoje ari abakinnyi 10 ibitego 2-0.

Ku munota wa 26 Peter Agblevor yazamukanye umupira aca kuri ba myugariro ba Rayon Sports, akata umupira uca imbere y’izamu habura umuntu ukozaho akaguru, umupira urengera mu rundi ruhande.

Ku munota wa 40 Uwiringiyimana Christophe yabonye ikarita y’umuhondo ku ikosa yari akoreye Onana ikosa rihanwa na Iraguha Hadji wateye umupira mu nguni, Steven Ntaribi umupira awutereka muri koroneri.

Ku munota wa 45 Ndizeye Samuel yabonye ikarita itukura ku ikosa yari akoreye Nduwayo Valeur wahise ajyanwa kwa muganga hinjiramo Nshimiyinama Celemnet. Igice cya mbere cyarangiye 0-0.

Mu gice cya kabiri Rayon Sports yakoze impinduka, Tuyisenge Arsene ava mu kibuga Hinjiramo Kanamugire Roger. Ku munota wa 54, Musanze FC yabonye uburyo bw’igitego ku mupira wari uzamukanwe na Harerimana Obed, awuhereza Peter wasigaranye n’umunyezamu ashota umupira urenga izamu.

Ku munota wa 65 Musanze FC yakoze impinduka Ben Ocen yavuye mu kibuga Dufitumufasha Pierre. Musanze FC yagumye kuganza Rayon Sports ndetse inagenzura imikinire yayo, gusa uburyo bw’ibitego bukanga. Ku munota wa 75 Rayon Sports yabonye uburyo bw’igitego, ku mupira muremure watewe na Iraguha Hadji umupira Ntaribi Steven awushyira muri koroneri.

Ku munota wa 84 Rayon Sports yatsinzwe igitego cya mbere cyatsinzwe na Peter Agblevor ku mupira yari ahawe na Niyonshuti Gad.

Nyuma y’iminota 2 ku munota wa 86 Musanze FC yabonye igitego 2 cyatsinzwe Namanda Wafula ku mupira yari aherejwe na Mbogamizi Patrick wakinnye neza uyu mukino, wanabaye umukinnyi w’umukino. Iminota 90 y’umukino yarangiye nta kipe yongeye kureba mu izamu.

Mu yindi mikino yabaye, APR FC yanganyije na Mukura VS 0-0, Rwamagana City itsinda Espoir FC 1-0 n’aho Kiyovu Sports itsindwa na Gasogi United 3-1.

Ejo hashize Gorilla FC yatsinze Police FC, Rutsiro inganya na Etincelles 0-0 n’aho Sunrise FC itsinda Bugesera FC 1-0.

Ejo AS Kigali izaba iri i Rubavu ikina na Marines FC.

Hameedullah Motawakil, umuvugizi wa Leta y'intara ya Herat, abajijwe icyo bakora kuri iki kibazo yasubije ko: 'Ibintu byatumye umubano w'igihugu n'amahanga uhagarara ndetse n'ibihano byafatiwe igihugu no gufatira umutungo wacyo, byagize ingaruka zikomeye. Leta yacu irimo kugerageza  kubarura abakeneye gufashwa, dore ko benshi babeshya ko bamerewe nabi kugirango bafashwe.'

Uyu muyobozi yakomeje guhagarara kuri aya magambo ye kabone n'ubwo twari twamubwiye ko twiboneye uko ibintu byifashe.

Yavuze kandi ko aba-Taliban barimo kugerageza kwihaza mu bukungu. Ati 'Turimo turagerageza gutunganya ibirombe by'ubutare na Fer dufite na gahunda yo kubaka umuyoboro wa Gaz.'

Abaturage bavuga ko bumva baratereranwe na  Leta y'aba-Taliban hamwe n'amahanga.

Inzara ni rwica ruhoze, bishobora no kutazoroha kumenya umubare nyawo w'abantu bishwe n'inzara muri kiriya gihugu. Kure y'amaso y'amahanga, urugero rw'akaga karimo kuba muri Afghanistan rushobora kutamenyekana, kuko nta n'umwe arimo gukora ibarura ry'abapfa.

[email protected]

Ikigo cy’Igihugu cy’Itangazamakuru mu Rwanda (RBA) kirafasha umubare munini w’abaturarwanda gukurikira iyi mikino neza mu mashusho ya HD kandi ku buntu. Ibi (…)

Ni igitaramo kinogeye ijisho cyabereye kuri kuri Romantic Garden ku Gisozi mu ijoro ryo ku wa 26 rishyira ku wa 27 Ugushyingo 2022. Cyateguwe n'Ikigo Romantic Garden Ltd ku bufatanye n'abafatanyabikorwa barimo Uruganda NBG Ltd rwenga inzoga zirimo United Gin na Whisky kandi rukoresha imashini zigezweho ku buryo bidahumanya ikirere.

Umuziki gakondo w'umwimerere ndetse ucuranzwe n'abahanga, ubwitabire buhambaye, kubyina kuva ku munota wa mbere kugeza ku wa nyuma, ni bimwe mu byaranze iki gitaramo. Orchestre Les Fellows ni bo bafunguye iki gitaramo baririmba indirimbo zabo zitandukanye zirimo 'Mwana nakunze, Urukundo rukuze, Yewe Mukobwa, Sinigeze nkureba nabi n'izindi.

Makanyaga umuziki umuri mu maraso

Umuhanzi Cyusa yaririmbye indirimbo zirimo Muhoza Wanjye, Marebe, Imparamba n'izindi.

Makanyaga washyize akadomo kuri iki gitaramo yaririmbye indirimbo ze zakunzwe na benshi zirimo 'Mporeza umutima, Mukamurenzi, Nshatse inshuti, Rubanda ntibakakoshye, urukundo rurambuye, Suzana n'izindi.

Munyanshoza yeretswe urukundo

Makanyaga imbere y'imbaga y'abantu

Cyusa yerekanye ko Gakondo imuri mu maraso

M Irene na Rocky banyuzwe n'umuziki wa Cyusa

Orchestre Impala zerekange ko zigicuranga 

Young Grace yaciye akadiho

Bamenya yanyuzwe

Abantu bari bakubise buzuye

Igisope na Gakondo cyabyinwe karahava

Cyusa na Makanyaga ubwo bageraga ahabereye igitaramo 

Rocky Kirabiranya ni umwe mu bari bahari

Byari uburyohe

AMAFOTO: Sangwa Julien inyarwanda.com

Iki gitaramo cyabaye kuri uyu wa Gatanu tariki 25 Ugushyingo 2022. Cyayobowe na Tracy Agasaro usanzwe akora kuri KC2 y’Ikigo cy’Igihugu cy’Itangazamakuru (RBA). Iki gitaramo Hillsong London yaririmbyemo cyateguwe na Rwanda Events Group ifatanyije na Aflewo Rwanda. Cyaje gikurikira icyabaye mu 2019 nacyo cyari cyiswe 'Hillsong London Live in Kigali'.

Kwinjira byari 5,000 Frw mu myanya isanzwe, 20,000 Frw muri VIP na 50,000 Frw muri VVIP. Cyaranzwe n’ubwitabire bwo ku rwego rwo hejuru dore ko BK Arena yari yakubise yuzuye, kabone n’ubwo kwinjira byari ukwishyura. Abahanzi bose baririmbye mu buryo bwa 'Live', ibintu byaryoheye cyane abitabiriye.

Hillsong London yakoreye igitaramo gikomeye i Kigali ku nshuro ya kabiri

Iki gitaramo cyitabiriwe n’abarimo ab’amazina azwi mu muziki wo kuramya no guhimbaza Imana, nka Gaby Irene Kamanzi, Israel Mbonyi, James & Daniella, Aline Gahongayire, Prophet Brown washinze Itorero Spirit Republic, Theophile Ndizihiwe washize ikinyamakuru cya Gikristo cyitwa Ubugingo, The Pink, Danny Mutabazi n’abandi.

Aime Uwimana ni we wabimburiye abandi bahanzi ku rubyiniro. Uyu muramyi umaze igihe kinini akora umuziki wo kuramya no guhimbaza Imana, yakirijwe urufaya rw'amashyi. Yaririmbye indirimbo zirimo 'Yanyishyuriye imyenda Yose', 'N'ubwo bamboha', 'Shimwa', 'Urwibutso' n'izindi.

Uyu muhanzi yagaragarijwe urukundo rwo ku rwego hejuru. Kuva atangiye kugeza asoza, abantu bagaragazaga ko bakinyotewe no gutaramirwa na we. Aime Uwimana asoza kuririmba, yasoreje ku ndirimbo yo mu mudiho wa Kinyarwanda yise 'Nimwiza'. Iyi yanayiririmbye ari kumwe n'ababyinnyi bacinyaga akadiho bya Kinyarwanda.

Aime Uwimana yakurikiwe na Bishop Benjamin Dube wo muri Afurika y'Epfo. Uyu muhanzi w'umunyabigwi yakirijwe urufaya rw'amashyi n'abari bitabiriye. Maze nawe agaragaza ko yishimiye gutaramira mu Rwanda cyane ko akanyamuneza kari kose ku maso ye.

Benjamin Dube, umuramyi w’umuhanga Afurika ifite, yaririmbye indirimbo ze zitandukanye zamamaye nka 'Yiwo Lawa Amandla', 'He Keeps on Doing', 'Bless the Lord' , 'Jehovah Is Your Name' , 'When I Think About Jesus' , 'Uvumile' n'izindi nyinshi zatumye benshi bajya mu mwuka wo kuramya Imana.

Benjamin Dube yahesheje umugisha abanya-Kigali

Uyu mugabo w'imyaka 60, yanyuzagamo akaganiriza abari bitabiriye iki gitaramo. Hari aho yagize ati 'Iyo Imana iri mu ruhande rwawe, nta muntu wakurwanya ngo bimukundire.'

Benjamin Dube yaherukaga mu Rwanda mu 2019 mu gitaramo yari yatumiwemo n'itsinda rya True Promises rimaze kugwiza abakunzi bitewe n'indirimbo zaryo zirimo nka 'Wadushyize Ahakwiye.' Iki gitaramo cyari cyiswe 'True Worship' cyabereye i Rusororo mu nyubako ya Intare Conference Arena.

Ubusanzwe, Benjamin Dube ni umushumba w'itorero High Praise Centre Church, umwanditsi w'indirimbo akanizitunganya, umuramyi, umwigisha akaba amaze imyaka irenga 30 akora umurimo wo kuririmba. Indirimbo ze zaramamaye cyane ndetse zashyizwe mu Kinyarwanda, nka 'Ketshepile Wena' yahimbwemo 'Hariho Impamvu' na 'Thel'umoya' ihinduka 'Nimurebe Urukundo.'

Hillsong London ni yo yashyize akadomo kuri iki gitaramo. Yakiriwe ku ruhimbi ahagana saa yine zuzuye z’ijoro, ihamara isaha n’indi minota kandi nta guhagarara [Non Stop]. Mbere yo kuririmba, aba baramyi bavuze ko bakunze cyane abanyarwanda, akaba ari nayo mpamvu bagarutse gutaramana nabo mu gitaramo gifite umwihariko wo gushima Imana.

Ubwo iri tsinda ryari rigeze kuri stage, uwari uyoboye igitaramo yasabye buri umwe gucana urumuri rwa telefone ye. Byabaye nko korosora uwabyukana na cyane ko buri umwe yari anyotewe no gutaramana n’aba baramyi mpuzamahanga baba mu itsinda rifatwa nka nimero ya mbere ku Isi.

Iri tsinda ryari rigarutse mu Rwanda ku nshuro ya kabiri kuko naryo rihaheruka mu 2019, ryaririmbye ibihangano byaryo byakunzwe ndetse na n’ubu bigifasha benshi. Indirimbo 'Hosanna' bayigezeho abantu hafi ya bose bagira mu bicu icyarimwe.

Hillsong London bizihiye abakunzi b’umuziki wa Gospel mu Rwanda

Hillsong London baririmbye indirimbo zirimo 'Oceans', 'This is Living', 'Real Love', 'Jesus Is', 'That's The Power', 'Lord you're all I Need', 'What a beautiful name', 'Surrender', 'Behold' n'izindi nyinshi. Ubwo bari bageze kuri ‘What a beautiful name’, ibintu byahinduye isura muri BK Arena.

Abantu bose bahise bahaguruka baramburira Imana amaboko, baririmbana n’iri tsnda ko “Izina rya Yesu nta rindi ryagereranywa naryo ku Isi”. Bayiririmbanye n’iri tsinda ijambo ku rindi. Iyi ndirimbo irakunzwe cyane ku Isi hose dore ko kuri Youtube honyine imaze kurebwa n’abarenga Miliyoni 464.

Hillsong London ni itsinda rishamikiye kuri Hillsong United Worship Band yakomotse ku rusengero rwa Hillsong Church ruherereye mu mujyi wa Sydney muri Australia. Urusengero rwa Hillsong ni rumwe mu zikomeye z'ivugabutumwa ku Isi yose, rwashinzwe mu 1993.

Uretse kuba rwaratangiriye muri Australia, ubu rumaze gushinga imizi ku Isi yose ndetse rwagabye amashami mu bihugu 21 no mu migabane itandatu. Rukorera i Londres mu Bwongereza, Paris mu Bufaransa, Sao Paulo na Rio de Janeiro muri Brésil, Cape Town, muri Afurika y'Epfo, Tel Aviv muri Israel ndetse no mu mijyi itatu muri Leta Zunze Ubumwe za Amerika.

Igitaramo Hillsong London yakoreye i Kigali cyatangiye saa mbili z'umugoroba kirangira saa tanu zirenga. Ni igitaramo kitazibagirana mu mitima y’abacyitabiiye bitewe n’icyanga cyacyo. Cyaranzwe no kuramya Imana bitagira umupaka mu muziki mwiza cyane uryoheye amatwi n’amaso.

Rwanda Events yateguye iki gitaramo iherutse kubwira inyaRwanda ko batumiye Hillsong London ku nshuro ya kabiri kuko ubwo baheruka mu Rwanda 2019 bakoze igitaramo cyiza cyishimirwa na benshi ariko “duhita tugira ikibazo mu Rwanda ndetse no ku isi yose cya COVID-19”.

Bati “Uyu mwaka rero twatekereje ko aho ibitaramo byongeye kwemerwa kandi n'ibyiza nk'igihugu twashoboye kugeraho nyuma y'icyorezo byaba byiza ko habaho igitaramo cyo kuramya no gushima Imana. Hillsong London yakunze u Rwanda nabo bishimira kugaruka kwifatanya natwe muri iki gikorwa”. Ni ko byagenze koko, igitaramo cyaranzwe n’amashimwe akomeye.

REBA AMAFOTO YARANZE IGITARAMO CYA HILLSONG LONDON, BENJAMIN DUBE NA AIME UWIMANA

BK Arena yari yakubise yuzuye! Abanyarwanda bakunda Gospel pe!

Ni igitaramo cy’amateka azandikwa mu bitabo bya Afrika!

Dj Spin yavangavanze imiziki mbere y’uko umuhanzi wa mbere agera kuri stage

Aime Uwimana yanyuze abitabiriye iki gitaramo

Banahimbaje Imana mu mbyino nyarwanda

Abaririmbyi bafashije Aime Uwimana kuri stage

Aime Uwimana, ikirango cy’umuziki wa Gospel mu Rwanda

Kuramya Imana ni ibintu abanyarwanda baha agaciro

Ni ku nshuro ya kabiri Aime Uwimana ahurira na Hillsong London ku ruhimbi

Aime Uwimana yegereje benshi intebe y’Imana

Dube yaherukaga i Kigali mu 2019

Dube arakunzwe cyane muri Afrika no mu Rwanda by’umwihariko kuko indirimbo zashyizwe mu Kinyrwanda

Utayishima ni nde?

Tracy Agasaro wayoboye iki gitaramo yanyuzagamo agasetsa abantu

Nta rungu mu gitaramo cyayobowe na Tracy Agasaro

Tracy yahinduye imyenda agaruka ari mushya

Iki gitaramo cyari kigamije gushima Imana yarinze abanyarwanda

Hillsong London yageze kuri stage saa yine zuzuye

Hillsong London niyo yasoje iki gitaramo

Israel Mbonyi na James banze kuguma iwabo kandi Hillsong bakuze bumva iri i Kigali

Baririmbye indirimbo zabo zitandukanye zamamaye

Bateye barikirizwa!

Bacuranze umuziki wa Live

Ibi bihe bidasanzwe bazahora babikumbura!

“Ndetse n’umwana muto uzi gusenga Imana, ntabwo azagira ubwoba azafashwa no gusenga”

Hillsong irakunzwe ku rwego rwo hejuru

Abakunzi ba Gospel bahawe Noheli n’Ubunani na Hillsong London, Benjamin Dube na Aime Uwimana

AMAFOTO: Rwanda Events Group