Blog

Itsinda Hillsong London ryatanze ibyishimo mu buryo bukomeye Abanyarwanda bakunda umuziki wo kuramya no guhimbaza Imana, mu gitaramo cy’amateka cyiswe (…)

Mu rwego rwo kwimakaza isuku n’isukura mu Karere ka Nyamagabe, abasaga 2400 bafashijwe kubaka ubwiherero muri uyu mwaka, ku bufatanye n’umuryango Water Aid (…)

This was announced when Kicukiro District launched a week against gender-based violence in collaboration with Young Women’s Christian, an organization that aims to promote women and girls and fight violence against them.

The Deputy Executive Director of Kicukiro District, Rukebanuka Adalbert, said that in this campaign against gender-based violence, they will focus on providing services to combat trauma and help children who have suffered from violence, and also receive justice.

“These days we had 34 children who were subjected to gender-based violence and had unplanned pregnancies and we are helping them return to school and helping those who cannot return to find capital to help them make a living and help them reach justice so that the perpetrators are brought to courts because their files have already been submitted to RIB” he said.

He added that in the Kicukiro District there is often sexual violence against children and that is why they have set up a service called “Friends of the Family” to help them find out the information so that the perpetrators can be brought to court.

The General Secretary of the Young Women’s Christian Association, Prudentienne Uzamukunda, said that their goal is to end all gender-based violence.

“Some of the things we will focus on include making men understand about gender-based violence in order to know its consequences because we aim to fight and prevent gender-based violence” she said.

She added that they are helping more than 20 thousand girls in different areas of Rwanda, including victims of gender-based violence and others, and in this campaign they will also provide Isange One Stop Center services to the victims in order to help them.

A girl who got pregnant at the age of 16, said that it was the lust for things made her give birth prematurely due to the difficult life she was living.

“I gave birth when I was 16 years old because I was living a difficult life as an orphan, so the man cheated on me and robbed me of everything I needed' she said.

She managed to ask her fellow girls to refrain from lusting after things and enjoying the life they lived in so that they would not face the same dangers as she faced.

Al BARWANI Jamila Hamood Salim utuye mu Mudugudu wa Rurembo mu Kagari ka Rubona mu Murenge wa Nyamyumba, yatsinze urubanza yaburanagamo n’umuturanyi we, rwasomwe tariki 30 Kanama 2022.

Tariki 17 Ugushyingo 2022, Umuhesha w’Inkiko w’Umwuga yaje kurangiza urubanza, asubiza uyu muturage umutungo w’ubutaka yari yatsindiye muri uru rubanza.

Al BARWANI Jamila Hamood Salim yabwiye RADIOTV10 ko kuva iki gihe atigeze abona umutekano kuko hari abayobozi bakomeje kumuhoza ku nkeke bashaka gutesha agaciro biriya byemezo.

Ati 'Baraje barapima bampereza ibyanjye ndishima, bamaze kubinsubiza nyuma buri munsi nkajya mbona ibibazo. Nabonye abantu baje bavuga ko bavuye mu Ntara bahagarariye ubutaka, baza gupima ubutaka bwanjye ngo kuko basanze barapimye nabi.'

Muri iki kiganiro cye avuga ko ari ubutumwa ageneye Perezida wa Repubulika, Paul Kagame, yagize ati 'Nyakubahwa ndagusaba umfashe nkuko wamfashije ukurikirane aba bantu bari kumbuza amahoro, nta mahoro mfite nyakubahwa.'

Uyu muturage avuga ko abo bayobozi barimo itsinda ry’abo mu biro by’umubitsi w’impapuro mpamo mu Ntara y’Iburengerazuba, bamurembeje kuko bari gukorana n’uwo baburanaga bashaka kumusubiza umutungo yari yatsindiye.

Akomeza avuga ko aka karengane kadakwiye, ati 'Oya, ibi birakabije, Urukiko rurangije ikintu cyose, nandikira Perezida mushimira ko bampereje ibyanjye, none irindi tsinda riraje ngo baje gupima…

Nyakubahwa nubwo ntazi kuvuga ikinyarwanda neza ariko ngarutse kukuririra, ni njyewe Jamila Hamood Salim uturuka muri Oman, ndi Umunyamahanga muri iki Gihugu nkoreramo, ariko ubu nta mutekano mfite.'

Umuhesha w’inkiko w’umwuga Me Nsengiyumva Jean Damascene warangije uru rubanza, avuga ko ibyakozwe n’iri tsinda ry’umubitsi w’impapuro mpamo mu Ntara y’uburengerazuba ryaje riherekejwe n’ubuyobozi bw’Akarere ka Rubavu, bidakurikije amategeko ndetse ko bisa nk’iterabwoba bashyira kuri uyu muturage.

Ati 'Njye mbibonamo gukoresha ububasha bafite mu gushaka gutesha agaciro icyemezo cy’Urukiko kuko bose barabizi ko iyo Umuhesha w’Inkiko yarangije nabi urubanza, hari izindi nzira zateganyijwe ariko ntabwo hazamo izindi nzego nka Gitifu w’akagari cyangwa w’Akarere cyangwa mayor w’Akarere.'

Uyu muhesha w’Inkiko uvuga ko yakoze ibiri mu bubasha bwe, yavuze ko atazi ikihishe inyuma y’ibiri gukorwa n’ubuyobozi ariko ko gishobora kuba gihari.

Umubitsi w’Inyandiko mpamo mu Ntara y’Iburengerazuba, Jean Claude Tuyisenge waje mu gikorwa cyo kongera gupima ubu butaka, yavuze ko iki gikorwa bagitegetswe n’Umucamanza, ariko ko bahuye n’imbogamizi ubwo umwe muri aba bafitanye ikibazo, yitambikaga iki gikorwa.

Ati'Icyo twakoze ni ukubifatira inyandiko kuko ntabwo twari kujya mu butaka bw’umuntu atabyemeye.'

Umuyobozi w’Akarere ka Rubavu, Idephonse Kambogo aherutse kubwira RADIOTV10 ko iyo havutse ikibazo mu myanzuro yaturutse mu nkiko, nubundi bikemurwa n’Inkiko ariko ko Akarere kadashobora kubyinjiramo.

Mu mikino yo mu itsinda E mu gikombe cy’isi cy’uyu mwaka gikomeje kubera muri Qatar, ikipe y’igihugu ya Espagne yanganyije n’ikipe y’igihugu y’u Budage, uyu mukino watangiye gukinwa saa tatu z’ijoro ubera kuri Al Bayt Stadium.

Ikipe y’igihugu ya Espagne niyo yatangije umukino, gusa yamaranye umupira umunota 1. Iminota 5 ya mbere yaranzwe no kwiharira umupira ku ruhande rw’ikipe y’igihugu ya Espagne, ku munota wa 6 Dani Olmo yarekuye umuzinga w’ishoti maze Nuer ufatira ikipe y’igihugu y’u Budage awukoraho uragenda ukubita igiti cy’izamu.

Abakinnyi ba Espagne 11 babanje mu kibuga : Unai Simón; Carvajal, Rodri, Laporte, Jordi Alba; Pedri, Busquets, Gavi; Ferrán Torres, Asensio, Dani Olmo

Espagne wabonaga yatangiranye inyota y’igitego yakomeje kwataka, ariko ubuhanga bw’umuzamu w’u Budage ntibwatuma babona igitego.

Abakinnyi 11 babanje mu kibuga ku ruhande rw’u Budage: Neuer; Kehrer, Süle, Rüdiger, Raum: Kimmich, Goretzka; Gündogan, Musiala, Gnabry; Müller

Mu minota 15 u Budage nabwo bwatangiye kwinjira mu mukino buhererekanya umupira neza, ariko nta buryo bw’igitego bakora. Ku munota wa 20 Espagne yari yakije umuriro imbere y’izamu ry’u Budage, maze Jordi Alba arekura umwakira w’ishoti ariko rinyura impande y’izamu gato. 

Ku munota wa 23 u Budage nabwo bwabonye uburyo bw’igitego buturutse ku makosa ya ba myugariro ba Espagne bari biherereye umupira Gnabry ariko uwutera hanze y’izamu.

Ikipe ya Espagne yagumye mu mujyo wo kwataka maze ku munota wa 33 Ferran Torres arata igitego kidahushwa, ku mupira mwiza yari ahawe na Pedri. Mu minota 35 Espagne yagumye kwatsa umuriro mu izamu ry’u Budage, ariko kuba hagira igitego kivamo biranga.  

Antonio Rudiger ku munota wa 39  yatsinze igitego ariko umusifuzi aracyanga, bitewe n'uko yari yaraririye. Igice cya mbere cyarangijwe no kwataka cyane kwa Espagne inabona koroneri, ariko ntihagira ikivamo bituma bajya kuruhuka ari 0-0.

Igitego Rudiger yatsinze bakacyanga

Igice cya kabiri cyatangiranye no kwatakana ku mpande zombi, buri kipe ishaka igitego. Ikipe y’igihugu y’u Budage ku munota wa 50 yabonye umupira w’umuterekano, ariko iwupfusha ubusa ntihagira ikivamo. 

Ku munota wa 53 umutoza wa Espagne yakuyemo Ferran Torres ashyiramo Alvaro Morata, kugira ngo ashake igitego ku bubi no kubwiza. Espagne yakomeje gushaka igitego maze ku munota wa 62 birayihira, Alvaro Morata winjiye mu kibuga asimbuye atsinda igitego cya 1 ku mupira yari ahawe na Jordi Alba. 

Igitego cya Alvaro Morata

Nyuma y'uko Espagne ibonye igitego cya 1 yagumye kwataka ishaka 2 binyuze kuri Alvaro Morata, ariko Nuer imipira akayifata. Mu minota 70 ikipe y’igihugu y’u Budage yaciriye umurongo ntarengwa ikipe y’igihugu ya Espagne ishaka igitego, bituma ku munota wa 72 Jamali Musiala arata igitego asigaranye n’umuzamu wenyine. 

U Budage ntibwacitse intege bwakomeje burataka, ku munota wa 83 butsinda igitego cyo kwishyura gitsinzwe na Niclas Fuelkrug,  ku kazi keza kari gakozwe na Jamali Musiala. Umukino warangiye amakipe yombi anganyije 1-1.

Ikipe y’igihugu y’u Budage niyo kipe ya nyuma mu itsinda, kuko ifite inota 1. Kugira ngo izakomeze, birasaba ko izatsinda umukino umwe wa Costa Rica isigaje.

Iminsi ibaye 433 umuhanzi Meddy nta ndirimbo nshya ashyira hanze kuko iyo aheruka ari iyitwa 'Queen of Sheba'.

Byaje bite ibyo kuvugwa ko Meddy agiye kwinjira mu muziki wo kuramya no guhimbaza Imana?

Kuva kuwa 20 Nzeri 2022 ubwo yashyiraga hanze indirimbo aheruka na mbere yaho gato hatangiye gukwirakwira amakuru y’uko uyu muhanzi agiye gutangira gukora umuziki w'indirimbo zo kuramya no guhimbaza Imana.

Amahirwe yo guhindura uburyo bw'imikorere y'umuziki we akava muri Secular akiyegurira burundu Gospel yabibangikanyaga, yagiye arushaho kwiyongera bitewe n'ubutumwa yakomezaga gusangiza abamukurikira.

Muri icyo gihe imbuga nkoranyambaga z'uyu mugabo zirimo na Youtube zahinduriwe inyito yo kuba umuhanzi biba umuhanzi w'indirimbo za 'Gospel Singer' zifatwa nk’izo kuramya no guhimbaza Imana.

Nyuma y'amezi ari mu rugero rwayo yari asanzwe ashyirira hanze indirimbo hari kuwa 03 Gicurasi 2022 aho binyuze ku rubuga runyuzwaho amakuru ye yihariye n'abafana be, ruzwi nka Inkoramutima, hatangajwe ko bisaba ko yuzuza miliyoni 1 y'abamukurikira kuri Youtube agashyira hanze indirimbo.

Icyo gihe uyu muhanzi yari afite ibihumbi bisaga magana cyenda by’abamukurira [Subscribers] kuri uru rubuga. Abantu bakunda umuziki we yaba mu Rwanda no hanze yarwo batangiye gushyiramo akabaraga.

Muri Gicurasi 2022 hatangajwe izina ry'indirimbo izajya hanze mu gihe Miliyoni 1 [Subscribers] kuri Youtube izaba yuzuye. 

Hatangajwe ko iyo ndirimbo izaba yitwa 'Blessed'. Ibi bikaba byaragiye bihabwa amahirwe ko ariyo Meddy azagaragarizamo ishusho y'umwana w'umukobwa witwa Myla Ngabo,  yabyaranye na Mimi.

Iminsi ni ko yakomeza kugenda yicuma. Kuwa 29 Kanama 2022, Miliyoni 1 y'abamukurikira yaje kuyuzuza, gusa bihurirana n'ibihe bikomeye yarimo byo kubura umubyeyi [Nyina], Cyabukombe Alphonsine witabye Imana kuwa 14 Kanama 2022.

Birumvikana ko bitari bigikunze gushyira hanze indirimbo kuri uyu mugabo wakundaga by’akaraboneka “Mama we” wamutoje byose.

Kuri ubu hangewe umuriri wo kwamamaza indirimbo 'Blessed' byemezwa na bamwe ko ariyo izamwinjiza mu buryo bushya bw'imikorerwe y'umuziki we.

Amahirwe menshi akaba ari uko iyi ndirimbo izajya hanze mu bihe bya Noheli.

Babivugaho iki ku kuba yareka Secular akiyegurira Gospel?

InyaRwanda.com yaganirije kandi inagerageza kwegeranya bimwe mu bitekerezo kuri iyi ngingo y’ibikomeje kuvugwa umunsi ku wundi.

Umunyamakuru wa Isango Star, Khamis Sango yagize icyo atangaza nk'inararibonye mu myidagaduro n'umuziki muri rusange ati: 'Umwuga wo kuririmba uwinjiramo uri ku giti cyawe kuko uba wiyumvamo iyo mpano.'
Agaragaza ko ariko iyo umaze gutangira gukora ibihangano uba uw'abandi, ati: 'Ibi ariko bitangira guhinduka iyo utangiye kubaka ibigwi bivuze ko uhita uba uw'abandi bisanga babijemo bakanagukunda.'

Akomoza ku buryo iyo umuhanzi atinze gushyira hanze indirimbo bifatwa, ati: 'Urugero iyo umuhanzi atinze gushyira hanze indirimbo atangira kubazwa impamvu.

Agaruka kuri Meddy yagize ati: 'Twamukunze mu nzira zose zishoboka zinaguhamiriza ko abantu, abanyarwanda batababazwa n’uwo mwanzuro. Hari abantu bakunze Meddy kubera ubutumwa bw'urukundo yatangaga urumva bazababazwa no kuba bakibubona.'  

Avuga ariko ko ibi bitazateza ikibazo gihambaye kuko n’ubundi Meddy yari asanzwe ari mu murongo nk’uwo n’ubundi yaba agiyemo ati:'Nubundi yari asanzwe ubutumwa bwiza abutanga.'

Khamis Sango yavuze ko burya iyo umuntu amaze gushaka, hari ibintu byinshi aba agomba guhindura cyane kugira ngo atabangamira uwo bashakanye kuko baba bagomba kuzuzanya atari uguhangana.

Gusa na none asanga nta mpungenge abona mu byo Meddy agiye gukora kuko ari kunoza ibyo yakoraga.

Asobanura ko nubwo Gospel ifatwa nk'umuziki wo kuramya no guhimbaza Imana gusa, atari byo ahubwo ari ugukora ibintu bifite ubutumwa bunoze butari ukwishimisha birenze.

Undi nawe utifuje ko izina rye rijya hanze yagize ati: 'Kuba yafata icyo cyemezo nubwo kugeza nubu ntabyo yavuze, ntacyo bintwaye kuko n’ubundi ibintu bye byose abikorana ubuhanga.'
Agaragaza ko ku ruhande rwe,  yakomeza kumushyigikira kuko yizerera mu byo akora kandi azi ko hari benshi bameze nkawe.

Ati:'Njye rero mwizereramo ubwo nawo awuhisemo twaba twizeye ko agiye kuwukora neza kandi hari izindi mpinduka yaba agiye kuzana mu muziki nyarwanda.'

Asoza agira ati:'Abiteguye kwakira umwanzuro Meddy yafata uwo ariwo wose mu mikorerwe y'umuziki ni benshi cyane, afite abamukunda baba biteguye kumushyigikira muri byose.'

Umuhanzi, Regno Marz ukizamuka uri no mu bafatire ikitegererezo kuri uyu muhanzi, we abibona mu yindi shusho, ati: 'Ntabwo nabyakira neza ku giti cyanjye wenda we yaba yumva ko bimunyuze ariko twaba duhombye.'

Asobanura iby'igihombo umuziki nyarwanda waba ugize ati:'Niba uyu munsi ariwe muhanzi uri ku gasongero ashobora guhatanira ibihembo bikomeye birimo na AFRIMA byazafata igihe kitari gito kongera kwisuganya ku muziki.'

Undi na we utifuje ko izina rye rijya hanze yagize ati: 'Umuziki we n'ubundi ntusanzwe kuba yavuga ko ari byo agiye gukora ntibinyuranye n’uko asanzwe akora.'

Avuga ko kuri we asanga nta kinyuranyo kuko n’ubundi indirimbo zakunzwe za Meddy ari Gospel. Ati:'Nsanga uko abantu batekereza umuziki Meddy yaba agiye gukora atari ko biri ntabwo azajya kure y’ibyo akora ahubwo agiye kubinonosora.'

Agaragaza zimwe mu ndirimbo z'uyu muhanzi zakunzwe ko n’ubundi ari Gospel kuri we ati:'Nubwo wenda yakoze indirimbo nka 'All Night' ariko ntiyakunzwe nka Slowly, My Vow, Holy Spirit n’izindi ziri Gospel.'

Asanga kandi ntacyahinduka ku bamukunda ati:' Ikibazo cyuko abantu bamureka nta gihari kuko n'ubundi abamukunda bamukundira uko ari kandi bizakomeza ndetse nzi ko ahubwo ubu ari bwo umuziki wa Meddy ugiye gutigisa isi.'

Uretse kandi abaganiye na inyaRwanda.com, hari n'abandi bagenda batanga ibitekerezo bitandukanye binyuze ku mbuga nkoranyambaga z'uyu muhanzi.

Bamwe bagaragaza ko bashyigikiye ibyo kuba yajya mu muziki wa “Total Gospel” akareka burundu Secular.

Uwitwa Akikii Moreen yagize ati:'Icyaba cyose turagukunda komeza watse umuriro.' Asa n’uvuga ko mu bihe byose azaba ari inyuma y'uyu muhanzi mu muziki we no mu bindi.

Rada Boy Rwanda ati:'Gukorera Imana ubabaza abayo ntacyo bimaze.' Uyu we yagaragaje ko rwose atanyuzwe habe na gato no kuba uyu muhanzi atakomeza kugendera mu mujyo yahozemo.

Dushimiye Khamis Sango umunyamakuru wa Radio na TV 10 n'abandi bose bagize uruhare mu itegurwa ry'iyi nkuru.

Meddy ari mu bahanzi bahagaze neza kandi bacisha macyeMeddy n’umugore we Mimi bafitanye umwana umweKhamis Sango uri mu batanze ibitekerezo akanasobanura icyo Gospel nyayo ari cyo

Umukino uko wagenze

Umukino watangiye ku isaha ya saa 15:02 Pm, utangizwa na Rayon Sports ibifashijwemo ba Musa Esenu. Ku munota wa 3 gusa Onana yahushije igitego cyari cyahazwe ku mupira yari ahawe na Musa Esenu awuteye awurenza izamu. Ku munota wa 5, Rayon Sports yabonye koroneri ya mbere yatewe na Iraguha Hadji umupira awuteye wamurura izamu.

Ku munota wa 11 Isaac Nsengiyumva yabonye ikarita y’umuhondo, ku ikosa yari akoreye Musa Esenu, ikosa rihanwa na Mitima Isaac umupira awamurura izamu.
Abakinnyi 11 Musanze FC yabanje mu kibuga

Ntaribi Steven
niyonshuti Gad
Harerimana Obed
Nsengiyumva Isaac
Nduwayo Valerir
Namanda Wafula
Ntijyinama Patrick
Peter Agbrevoir
Eric Kanza Angua
Ben Ocaen
Uwiringiyimana Christophe

Ku munota wa 26 Peter Agbrevoir yazamukanye umupira aca kuri ba myugariro ba Rayon Sports, akata umupira uca imbere y’izamu habura umuntu ukozaho akaguru, umupira urengera mu rundi ruhande. 

Ku munota wa 40 Uwiringiyimana Christophe yabonye ikarita y’umuhondo ku ikosa yari akoreye Onana ikosa rihanwa na Iraguha Hadji wateye umupira mu nguni, Steven Ntaribi umupira awutereka muri koroneri. 

Ku munota wa 45 Niyigena Clement yabonye ikarita itukura ku ikosa yari akoreye Nduwayo Valerir wahise ajyanwa kwa Muganga hinjiramo Nshimiyinama Celemnet. Igice cya mbere cyarangiye amakipe yombi nta n’imwe irebye mu iza amakipe ajya kuruhuka anganya ubusa ku mbusa.

Abakinnyi Rayon Sports yabanje mu kibuga

Kabwili Ramadhan
Ndizeye Samuel
Mitima Isaac
Ganijuru Elie
Mucyo Didier
Ngendahimana Eric
Mugisha Francais
Tuyisenge Arsene
Musa Esenu
Esomba Onana
Iraguha Hadji 

Mu gice cya kabiri Rayon Sports yakoze impinduka, Tuyisenge Arsene ava mu kibuga Hinjiramo Kanamugire Roger. Ku munota wa 54, Musanze FC yabonye uburyo bw’igitego ku mupira wari uzamukanwe na Harerimana Obed, awuhereza Peter wasigaranye n’umunyezamu ashota umupira urenga izamu.

Ku munota wa 65 Musanze FC yakoze impinduka Ben Ocen yavuye mu kibuga Dufitumufasha Pierre. Musanze FC yagumye kuganza Rayon Sports ndetse inagenzura imikinire yayo, gusa uburyo bw’ibitego bukanga. Ku munota wa 75 Rayon Sports yabonye uburyo bw’igitego, ku mupira muremure watewe na Iraguha Hadji umupira Ntaribi Steven awushyira muri koroneri.

Iminota y’umusaraba kuri Rayon Sports
Ku munota wa 84 Rayon sport yatsinzwe igitego cya mbere cyatsinzwe na Peter Agbrevor ku mupira yari ahawe na Niyonshuti

 Gad ku mupira yazamukanye mu mpande Peter aterekaho umutwe umupira uruhukira mu izamu. 

Nduwayo byabaye ngombwa ko ajyanwa mu bitaro nyuma yo gukorerwa ikosa na Samuel

Nyuma y’iminota 2 ku munota wa 86 Musanze FC yabonye igitego 2 cyatsinzwe Namanda Wafula ku mupira yari aherejwe na Mbogamizi Patrick wakinnye neza uyu mukino, wanabaye umukinnyi w’umukino.

Iminota 90 y’umukino yarangiye nta kipe yongeye kureba mu izamu, agahinda n’akababaro gasaga abafana ba Rayon Sports baranyonyomba baritahira, mu gihe abafana ba Musanze FC ibyishimo byabasaze banga no gutaha.

Indi mikino uko yageze

Mukura 0-0 APR FC
Rwamagana 1-0 Espor FC
Kiyovu 3-1 Gasogi United 

Peter Agblevor wambaye 2, yujeje ibitego 5

Mu ijoro ryakeye, mu kabyiniro ka Mundi Center gaherereye Rwandex mu Mujyi wa Kigali, niho hasorejwe irushanwa rya ‘Mutzig AMABEATS’ ryegukanywe na Selecta Danny agakurikirwa na DJ Khizzbeats ndetse na DJ Rugamba.

Iri rushanwa ryateguwe n’uruganda rwa BRALIRWA ryari rimaze amezi ane, aho abaryitabiriye basaga 80 bahatanye mu byiciro bitatu, uhereye mu mpera za Nyakanga 2022 kugeza mu ijoro ryakeye ryo kuwa 26 Ugushyingo.

Aba-DJ bahatanye kuri ‘Final’ ni abarenze ibyiciro bitatu byabanje byo gutoranya ‘Mix’ nziza, gutorwa ku mbuga nkoranyambaga ndetse mu cyiciro kibanziririza icya nyuma, aho bahataniye na bagenzi babo mu ntara.

Ababyinnyi gakondo basusurukije abataramyi muri Mundi Center

Abavangamikizi baraye bahataniye imbere y’abakunzi ba Mutzig bari bitabiriye ari benshi ni; DJ Rugamba, DJ Khizzbeats, DJ FTrucker, DJ Buster ndetse na Selecta Danny ari na we wegukanye igihembo nyamukuru.

Ibirori nyir’izina byatangiye i Saa 18:00, MC Platy na MC Kevo baha ikaze abari baje kuryoherwa n’ibirori, hacuranga abarimo Dj Ira, ari nako ababyinnyi b’injyana zitandukanye bashyushyaga abafana.

MC DJ Platy na MC Kevo batangiranye na AMABEATS bari bahari kuri Final

Ahashyira i Saa 20:00, MC Keza na Arthur Nkusi bahariwe indangururamajwi, bayobora Ibirori bahereye ku kwerekana abavangamiziki bageze kuri Final umwe kuri umwe, mbere y’irushanwa nyir’izina.

Aba-DJ bahatanye mu kuvanga umuziki mu buryo butatu, bahereye kuri Mash Up Challenge, aho amajwi y’indirimbo runaka ahuzwa n’umuziki utari uwayo ariko bikaryohera abantu.

DJ Buster yiyerekanye muri Mash Up Challenge

Hakurikiyeho uburyo bwo gucurangisha ibikoresho byinshi buzwi nka Scratch, nyuma haherukaha uburyo bwa Free Style, aho umuvangamuziki yacurangaga  indirimbo yihitemo.

Nyuma yo guca ku rubyiniro inshuro eshatu kuri buri umwe, itsinda ry’abakemurampaka rigizwe na DJ Bisoso, MC Anita Pendo na DJ Shariff ryahawe umwanya ngo ritange amanota hakurikijwe uko buri umwe yitwaye.

Akanama nkemurampaka kemeje ko Selecta Danny yahize ahandi, ahita ashyikirizwa igihembo nyamukuru cya Sheki ya Miliyoni 18FRW, aho yanagizwe ‘Brand Ambassador’ w’ikinyobwa cya Mutzig mu gihe cy’umwaka wose.

Selecta Danny wacuranze n’ubuhanga akemeza Bose yahembwe nta gushidikanya

Ku mwanya wa kabiri hahembwe DJ Khizzbeats wahawe Miliyoni 12FRW naho ku mwanya wa gatatu hahembwa DJ Rugamba, ari na we mukobwa rukumbi wabashije kugera mu byiciro bibiri bya nyuma.

Ibirori ny’irizina bya ‘Grand Final’ ya ‘Mutzig AMABEATS DJ Competition’ byashyizweho akadomo ahashyira i Saa Cyenda z’ijoro, Selecta Danny n’abafana be bataha bivuga imyato.

Iri rushanwa ni irya kabiri ryo kuvanga imiziki ryegukanwe na Selecta Danny muri uyu mwaka wa 2022, kuko muri Kanama nabwo yahigitse abandi muri ‘DJ Battle Competition’ akabihemberwa imodoka ifite agaciro ka Miliyoni 25FRW.

Iri rushanwa ‘Mutzig AMABEATS’ ryasojwe ku nshuro ya mbere, ryateguwe muri gahunda ya BRALIRWA ‘Never Stop Starting’ igamije guteza imbere urubyiruko rw’abanyempano, ryahereye ku biyumvamo impano yo kuvanga umuziki mu Rwanda hose.

Keza n’umunyarwenya Arthur Nkusi nibo bayoboye umuhango wo guhemba abahize abandi

DJ Ftrucker yacuranze

Abakunzi ba MUTZIG bari banshi kandi bizihiwe

DJ Rugamba wabaye uwa Gatatu yahembwe Miliyoni 2,5FRW

DJ Khizzbeats wabaye uwa kabiri yahembwe Miliyoni 12FRW n’ibyuma by’umuziki
Abaryohewe na Mutzig bari benshi

AMAFOTO: Ndayishimiye Nathaniel