Blog

Kuri uyu wa 28 Ugushyingo 2022, nibwo Perezida Paul Kagame yahinduye abayobozi ba Minisiteri y’Ubuzima, maze Dr Nsanzimana Sabin agirwa Minisitiri mushya, Dr Yvan Butera agirwa Umunyamabanga wa Leta muri iyi Minisiteri asimbuye Lt. Col Dr. Tharcisse Mpunga wahawe kuyobora Ikigo cy’Ubuvuzi no Kwigisha ku rwego rwa Kaminuza cya Kigali, CHUK.

Abinyujije kuri Twitter, Dr. Daniel Ngamije yashimiye umukuru w’igihugu ku cyizere yari yamugiriye cyo kuyobora Minisiteri y’Ubuzima kuva muri Gashyantare 2022.

Yagize ati: “Ni amahirwe adasanzwe kuba naragiriwe icyizere na Nyakubahwa Perezida wa Repubulika nkayobora Minisiteri y’Ubuzima kuva muri Gashyantare 2020. Ndashimira buri wese wamfashije kuzuza inshingano, ndashimira umuryango wanjye. Niteguye gukomeza gutanga umusanzu mu kwesa imihigo y’inzego z’ubuzima.”

Dr. Daniel Ngamije ni inzobere mu gusuzuma indwara n’ubuzima rusange, yagizwe Minisitiri w’Ubuzuma kuwa 27 Gashyantare 2020, asimbuye Dr. Diane Gashumba, aho yari asanzwe ashinzwe gahunda y’igihugu yo kurwanya malariya n’indwara zititabwaho mu Ishami ry’Umuryango w’Abibumbye ryita ku buzima OMS mu Rwanda.

Dr. Ngamije yahawe izi nshingano mu gihe kitoroshye kuko isi yari ihanganye n’icyorezo cya Covid-19, aho hirya no hino mu bihugu byari muri guma mu rugo, urujya n’uruza rwarahagaze ndetse inzobere zikomeje guhihibikana zishaka urukingo rw’iki cyorezo cyari gikomeje guhitana benshi.

Dore ko nyuma y’igihe gito agiye kuri uyu mwanya aribwo habonetse umurwayi wa mbere wa Covid-19 mu Rwanda, ubwo kuwa 13 Werurwe 2022, umuhinde wari waturutse Mumbai bamusanganye virusi ya Corona, ibi byatumye ingamba zikazwa kuko amashuri yahise afungwa ndetse hanajyaho guma mu rugo bidatinze.

Dr Ngamije yakomeje urwo rugamba rwo gukangurira abantu kwirinda icyo cyorezo cya Covid-19 bubahiriza ingamba zari zashyizweho nko kwambara agapfukamunwa, ndetse agiye kimaze kugabanya ubukana kuko abantu bagarutse mu buzima busanzwe.

Yarwanye urugamba rukomeye rwo gutanga inkingo za Covid-19 ku Banyarwanda, aho kuri ubu abarenga miliyoni 10 mu Rwanda bamaze guhabwa doze ya mbere y’urukingo, miliyoni 9.5 zahawe doze ebyiri, eshanu bahawe doze ishimangira, naho 330,448 nibo bamaze guhabwa doze ya kabiri ishimangira.

Kuri ubu gukingira bigeze ku bana bari hagati y’imyaka 5 na 11, aho hamaze gukingirwa abantu 1,127,383 ndetse abandi 619,119 bahawe dose ya kabiri y’urukingo rwa Covid-19.

Dr. Daniel Ngamije asize u Rwanda rumaze gusinya amasezerano anyuranye mu rwego rw’ubuzima, harimo ayo kubaka uruganda rukora imiti n’inkingo mu Rwanda ndetse yatangiye no gushyirwa mu bikorwa, amasezerano hagati y’u Rwanda na Kaminuza ya Fujita Health University yo mu Buyapani agamije guteze imbere urwego rw’imiti ya Nuclear mu Rwanda n’andi atandukanye.

Uyu mugabo waminuje mu by’ubuvuzi asize kandi ibitaro by’Umwami Faisal bigiye ku rwego rwo kwigisha ubuvuzi.

Umushinga wo kubaka uruganda rukora imiti n’inkingo mu Rwanda ni umwe mu mishinga asize igomba kwitabwaho na Minisititi w’Ubuzima mushya, Dr. Nsanzimana Sabin.

Mu bindi byo kwitabwaho n’umusimbuye ni ikibazo cy’ubuke bw’abaganga barimo n’inzobere, icyorezo cya Covid-19 kigihari, guha imbaraga amavuriro y’ibanze 'Poste de Sante' no guhangana n’ikibazo cy’indwara z’ubuzima bwo mu mutwe zikomeje gufata indi ntera.

Umushinjacyaha mukuru wa Angola Helder Pitta Groz yemeje ko iki gihugu cyatanze impapuro mpuzamahanga zo guta muri yombi Isabel dos Santos umukobwa w'uwahoze ari perezida Jose Eduardo dos Santos, nk'uko ibiro ntaramakuru Angop bibivuga.

Groz yavuze ko abategetsi ba Angola barimo gukorana na Interpol ngo babone Isabel.

Uyu aregwa n'abategetsi ba Angola gusesagura no kwiba umutungo wa rubanda mu gihe yari akuriye kompanyi y'ingufu ya leta, Sonagol.

Leta ya Luanda yatanze ibirego byinshi bisaba Isabel kwishyura arenga miliyari $5. We yahakanye ibirego byose aregwa.

Umukinnyi mpuzamahanga wa Rayon Sports ukomoka muri Nigeria, Rafael Osalue yamaze kubagwa imvune yo mu ivi.

Uyu mukinnyi ukina mu kibuga hagati yinjiye muri Rayon Sports mbere y’uyu mwaka w’imikino wa 2022-23.

Kuva yagera muri iyi kipe yagiye agira ibibazo by’imvune bya hato na hato byatumye atagaragara mu mikino myinshi y’iyi kipe.

Iyi mvune yo mu ivi ry’ibumoso yari anayifite mu ikipe ya Bugesera FC.

Nk’uko Rayon Sports yabitangaje abinyujije ku mbuga nkoranyambaga za yo, yavuze ko Rafael Osalue yamaze kubagwa.

Ntabwo higigeze hatangazwa igihe azamara hanze y’ikibuga adakina ariko bivugwa ko atazagaruka mbere y’amezi 6, bivuze ko ashobora kuzagaruka mu kibuga mu mwaka utaha w’imikino.

Apollinaire Nshimiyimana; Umunyamabanga Nshingwabikorwa wa ASOFIRWA, yagize ati: ' Hari ibyiciro 7 byihariye bigoye kubigeraho harimo abakora uburaya…ibyo biciro icyo bihuriyeho muri rusange ni uko bikora mu masaha y’ijoro hariho imibi ikwirakwiza malaria iruma abantu ndetse ikaba yatuma barware malaria.'
Abaturage bavuga ko Malaria yibasira abantu rimwe na rimwe bitewe no kubura uburyo bwo kuyirinda.

Umwe mu bafite ubumuga bwo kutabona yagize ati: 'Umuntu ashobora kwibagirwa ntamenye ko idirishya ridakinze nuko akarara adakinze. Umuntu ashobora no kugura inzitiramibu noneho ntabashe kumanura inguni zose.'

Abamotari ni bamwe mu bakora amasaha y’ijoro. Umwe muribo yavuze ko asanga hakwiye gushyirwaho amavuta yo kwisiga ku muntu ukora ijoro, agasimbura inziramubu ikoreshwa n’ijoro mu gihe cyo kuryama.

Ati: 'Hari umuti bisiga ku mubiri ukaba wamurinda ko wamuruma[umubu]. Turifuza ko rero uwo muti washyirwa kuri za parking nyinshi zishoboka, mbese badufashe.'

Ikigo cy’igihugu cy’ubuzima (RBC) cyemeza ko hari ahari icyuho mu kurwanya Malaria no kuyirandura ariko gifite gahunda yo guhangana n’iyi malaria.

Dr. Aimable Mbituyumuremyi; umuyobozi wa Porogaramu yo kurwanya Malaria muri RBC, yagize ati: 'Mu bushakashatsi twakoze muri 2019/2020 nibwo twasanze hari ibyuho bishobora kuba byari bihari ariko tutazi neza umubare wabo bantu ndetse naho baherereye! Abo biba byoroshye kugeraho ni nko ku mahoteli, ku mashuli, abafite ibyago byo kurumwa n’imibu ariko kubageraho biba byoroshye kuko haba hazwi. Abakozi bo kwa muganga bafite ibyago byo kurumwa n’imibu ariko nabo bari ahantu hazwi tubasha kubageraho, ariko nk’abarobyi, abakora akazi k’ubuzamu…hari abo usanga byoroshye kubageraho, abo rero nabo twagize uburyo bwihariye bwo kureba uko twababona. '

Imibare itangwa na RBC igaragaza ko kuva mu mwaka wa 2016 kugeza umwaka ushize wa 2021, abantu barwaye Malaria basaga abantu miliyoni 4 800 000, mugihe abayirwaye umwaka ushize wonyine barenga miliyoni, naho muri uyu mwaka wa 2022 malaria yishe abantu 71.

Icyakora iki kigo kivuga ko imibare y’abahitanwa ndetse n’abarwara Malaria yagiye igabanuka ugeranije no myaka itanu ishize.

Denise Tshisekedi sait this in Preventing Sexual Violence Conflict Initiative Conference (PSVI) held in England. The conference organized by the British government, which started on November 28, 2022, with the participation of various officials.
When she was addressing the conference participants from around the world, Denise Nyakeru Tshisekedi, said that her country was attacked by an armed group, supported by Rwanda and behind the millions of deaths in Congo.
The First Lady of Congo said that there is gender-based violence in her country, but she also expressed her country’s position in preventing it.

Denise Nyakeru Tshisekedi said that women and girls continue to be subjected to violence in her country by those who want the country’s wealth.

'My country is counting millions of deaths, including girls, due to acts of violence. That goes hand in hand with looting the country’s economy. An unjust war was waged on my country by a terrorist group supported by Rwanda' Denise Nyakeru said.

The Congolese first lady requested that international organizations pay attention to this issue, so that a solution can be found

It is not the first time that Congo accuses Rwanda of causing it. In September this year, the President of the Democratic Republic of the Congo, Félix Tshisekedi, accused Rwanda of hidden provocation in the M23, in a speech he delivered to the 77th General Assembly of the United Nations (UN) in New York.

Tshisekedi said that although his country has a good will to live in peace with its neighbors, some of them have nothing better to thank us for than provocations and helping armed groups that are doing terrorism in the east of DR Congo.

He accused Rwanda that since the third month of this year, it has again provoked his country by helping the rebel group M23 in the form of equipment and soldiers, which violates international law, the basic principles of the UN and of the Community. African Union (AU).

Rwanda and the M23 group have always denied Congo’s accusations.

Until now, although the relationship between the two countries is not good, the process of dialogue between the two sides has started with the participation of the President of Angola, Manuel Gonçalves Lourenço.

Aka Kagari gaherereye hafi ya Pariki y’Akagera, hafi y’umupaka uhuza u Rwanda na Tanzania.

Abavuganye na Radiyo Falsh/TV bavuze ko mu myaka irenga itanu ishize gashinzwe, batagashyize amakenga kubera ko hari ibyangombwa kugeza ubu kadafite birimo na kashe, bakajya mu tundi tugari twemerewe gutanga serivisi.

Umwe yagize ati 'Akagari kacu nta byangombwa kagira.Ibyangomwa bya leta tujya kubishakira mu Kirebe,iyo wagize ikibazo,barakwandikira,nibo bagutereraho kashi(cachet).Ubwo ni ukuvuga ngo akagari kacu nta byangombwa byuzuye gafite.'

Undi nawe yagize ati 'Akagari katagira kashe se kabaho, birashoboka ?Ariko ntabwo ariko, ni nk’uko wajya wagenda uvuga ngo runaka agusinyire.Ariko ako twita ko ari akagari kacu ni aka Kirebe, tujya mu Kirebe.'

Undi nawe yakomeje gira ati 'Akagari kacu ni ak’akaryogo.Impamvu ari akaryogo,iyo tugashakaho serivisi ntabwo tuzibona'

Aba baturage bavuze ko ubuyobozi bwakwemeza niba ari akagari, bityo kagahabwa uburenganzira bwo gutanga servisi gafite n’ibikoresho bihagije.

Amakuru yandi avuga ko akagari ka Karushuga ntaho kanditse mu tugari tugize akarere ka Nyagatare.Ibintu abaturage baheraho bavuga ko byakozwe mu nyungu z’abantu ku giti cyabo.

Umuyobozi w’Akarere ka Nyagatare,Gasana Stephen,yemera ko koko kataba ku ikarita ariko ko kashinzwe mu rwego rwo kwegereza abaturage serivisi

Yagize ati 'Ntabwo kari kwikarita koko.Kari ahantu ari kure cyane.Kari akagari kanini ku buryo byagora umuturage kujya gusaba serivisi ariko n’umuyobozi uhakorera kugira ngo ashobore kuzuza inshingano ugansanga biramuvuna.'

Yakomeje agira ati 'Twigiriye inama, aho twabonaga ari hanini cyane, dushyiraho ibindi biro bigamije gufasha abaturage .Ni mu rwego rwo gufasha abaturage ntabwo ari ukuvuga ngo ni akagari kashyizweho.Twombi ni utugari tubiri, twombi dufasha abaturage mu kubona serivisi ariko ntabwo kari ku ikarita.'

Amakuru avuga ko aka Kagari gafite abayobozi kimwe n’utundi twashyizeho na leta. Ndetse bahembwa n’umushahara kimwe n’abandi.

Aba bakozi ba RBC batawe muri yombi n’Urwego rw’Igihugu rw’Ubugenzacyaha (RIB), nyuma y’ukwezi kumwe uru rwego runakurikiranye ibibazo byavugwaga mu Ishuri Rikuru ry’Imyuga y’Ubumenyi-ngiro ishami rya Kigali, aho rwari rwanataye muri yombi bamwe mu bakozi baryo barimo n’Umuyobozi Mukuru, ariko ubu akaba yararekuwe n’Urukiko.

Abakozi ba RBC, bo batawe muri yombi mu mpera z’icyumweru gishize tariki 26 Ugushyingo 2022, barimo uwigeze kuba Umuyobozi Mukuru wungirije w’iki kigo, Kamanzi James.

Abandi bari mu maboko ya RIB, barimo batatu basanzwe ari abakozi ba RBC basanzwe bari no mu kanama gashinzwe gutanga amasoko ari bo ; Kayiranga Leoncie, Ndayambaje Jean Pierre na Ndayisenga Fidele.

Undi watawe muri yombi, ni uwari umukozi w’iki Kigo cy’Igihugu gishinzwe Ubuzima (RBC) mu Karere ka Karongi, Rwema Fidele.

Umuvugizi w’Urwego rw’Igihugu rw’Ubugenzacyaha (RIB), Dr Murangira B. Thierry, yatangaje ko uko ari batanu bafungiye muri za station z’uru rwego zitandukanye zirimo iya Rwezamenyo, iya Kicukiro ndetse n’iya Kimironko mu Mujyi wa Kigali.

Bose uko ari batanu kandi bakurikiranyweho icyaha cyo gutanga amasoko mu buryo bunyuranyije n’amategeko giteganywa n’Itegeko no 62 ryo ku wa 25/08/2018 rigenga amasoko ya Leta.

Iki cyaha giteganywa kandi kigahanwa n’ingingo y’ 188 iteganya ko ugihamijwe ahanishwa igihano cy’igifungo kitari munsi y’imyaka itanu ariko kitarenze imyaka irindwi n’ihazabu ya miliyoni 2 Frw ariko itarenze miliyoni 5 Frw.

Umusifuzi w’umunyarwandakazi wanditse amateka yo gusifura igikombe cy’Isi cy’abagabo ari umugore, Mukansanga Salima yamaze guhabwa umukino we wa kabiri muri iki gikombe kirimo kubera muri Qatar.

Nyuma yo kuba umusifuzi wa 4 ku mukino w’umunsi wa mbere mu itsinda D wo u Bufaransa bwatsinzemo Australia 4-1, Salima yongeye kugirwa umusifuzi wa 4 ku mukino wo muri iri tsinda.

Ni umukino usoza itsinda D wo u Bufaransa bwamaze kubona itike ya 1/8 buzakinamo na Tunisia ejo ku wa Gatatu tariki ya 30 Ugushyingo 2022 saa 17h.

Salima azaba ari umusifuzi wa kane mu gihe umusifuzi wa mbere azaba ari umunya-New Zealand, Matt Conger kimwe n’umusifuzi wa mbere w’igitambaro Mark Rule, umusifuzi wa 2 w’igitambaro azaba ari umunya-Tonga, Tevita Makasini.

Mukansanga Salima arimo gusifura igikombe cy’Isi nyuma yo gusifura igikombe cy’Afurika cy’abagabo giheruka kubera muri Cameroun cyegukanywe na Senegal.

Match officials designations @FIFAWorldCup – Group D – 30 November – Education City Stadium

TUN🇹🇳🆚FRA🇫🇷

Referee: Matt CONGER 🇳🇿
AR 1: Mark RULE 🇳🇿
AR 2: Tevita MAKASINI 🇹🇴
4th: Salima MUKANSANGA 🇷🇼

1/2 pic.twitter.com/KaMxYycfUc

— FIFA Media (@fifamedia) November 28, 2022

Mahoro Isaac, umuhanzi w’indirimbo zihimbaza Imana, uririmba ku giti cye, akomeje kugaragaza ko ari mu bahanzi bakunzwe bitewe n’ubuhanga mu miririmbire no (…)