Blog

No mu inkono y'ibyabereye mu isi y'imyidagaduro ntabwo twakwibagirwa kubakarangira indyo izaherekeza iminsi mikuru twiyibutsa ibintu bitandukanye byagiye biba mu bisata bindukanye.

Birasanzwe ko mu myidagaduro hataburamo udushya cyangwa se ibindi bintu biba byarabaye twakibutsa abantu ababishoboye bakerekana muzitsa cyane ko umwaka aba ari munini. Byinshi byagiye bihererekanwa ku mbuga nkoranyambaga cyane ko yatumye isi iba umudugudu.

Mu rutonde rw'inkuru nyinshi zisoza umwaka kuri iyi nshuro Inyarwanda yakusanyije urutonde rw'abakobwa bakangaranyije imbuga nkoranyambaga n'abandi bagiye bavugwa cyane, mu itangazamakuru biturutse ku dushya n'ibindi bikorwa byabaranze mu 2022.

Aba bakobwa barimo abasanzwe ari ibyamamare n'abandi baje muri uyu mwaka bagahita bamenyekana mu gihe gito cyane.

1. Mugabekazi Liliane

Uyu mukobwa yavuzwe cyane nyuma y'igitaramo cyatumiwemo Umuhanzi Tayc cyabereye muri BK Arena ku wa 30 Nyakanga 2022. Yabanje kugaragara ku mbuga nkoranyambaga atavugwaho rumwe kubera ifoto yafotorewe muri iki gitaramo ndetse ayibajijweho arasubiza ngo 'Tinyuka Urashoboye'.

Nyuma yaje gutabwa muri yombi azira gukora ibiterasoni mu ruhame.

Iyi foto ni yo yatumye atabwa muri yombi ku wa 7 Kanama 2022 na Polisi yahise imushyikiriza Urwego rw'Igihugu rw'Ubugenzacyaha (RIB) kuri Sitasiyo ya Remera. Kuva icyo gihe yatangiye gukorwaho iperereza ndetse dosiye ye ishyikirizwa Ubushinjacyaha na bwo buyiregera urukiko.

Yarezwe icyaha cyo gukorera ibiterasoni mu ruhame. Mu iburanisha, Ubushinjacyaha bwabwiye urukiko ko hari impamvu zikomeye zituma uregwa akurikiranwaho icyaha, bunamusabira gufungwa iminsi 30 y'agateganyo.

Mugabekazi yireguye ko atigeze ajya mu gitaramo yambaye ubusa kuko hari aho yanyuze asakwa kandi atari kwemererwa kuhagera ameze atyo. Yavuze ko ubwo igitaramo cyari kirimbanyije, ikote rye ryafungutse kubera kwizihirwa bityo umuntu atazi akamufotora ku mpamvu atazi.

Uyu mukobwa, ifungwa rye ryaciye igikuba ku mbuga nkoranyammbaga ndetse inkuru ye yamamara mu bitangazamakuru bitandukanye mpuzamahanga. Ntabwo gusa yigeze afungwa yarafunguwe ikirego cye gisa nk'ikirangiriye aho kuko nta yandi makuru menshi ye yongeye kujya hanze.

2. Dore Imbogo!

Muri Nyakanga nibwo mu itangazamakuru haje umukobwa witwa Nyiransengiyumva Valentine wavugaga ko ari mwene wabo wa Bamporiki Edouard wahoze ari Umunyamabanga wa Leta muri Minisiteri y'Urubyiruko n'Umuco.

Yavuze ko ari umuhungu wa mubyara wa nyina, ariko akavuga ko ari n'umuhanzi. Yakangaranyije imbuga zitandukanye. Uyu mukobwa wataziriwe izina rya “Dore Imbogo”, yatangiye kugarukwaho ubwo hajyaga hanze amashusho ye ari kuririmba mu buryo butangaje.

Byari nyuma yaho uyu mukobwa uvuka mu Murenge wa Kirimbi mu Karere ka Nyamasheke yari yatangiye kugaragara mu biganiro bitandukanye, cyane cyane kuri YouTube ari naho havuye amashusho ye yatembagaje benshi.

Ni umukobwa uvuka mu muryango w'abana batatu, akaba umuhererezi. Icyo gihe yavugaga ko yari amaze iminsi mike mu Mujyi wa Kigali.

Indirimbo ye yatembagaje benshi zirimo iyo yaririmbaga ati “uhu huh uh hu huh uhuh… Dore imbogo, dore Imvubu, dore Impala…”

Ni nayo yamwitiriwe.

3. Iradukunda Elsa

Uyu mukobwa wabaye Miss Rwanda 2017 yavuzwe cyane biturutse ku ifungwa rya Prince Kid wateguraga Miss Rwanda. Nyuma yo gufungwa kwa Prince Kid, uyu mukobwa yegereye bamwe mu batangabuhamya batandukanye abashyiramo imyumvire yo kuzashinjura uyu musore.

Nyuma Urwego rw'Igihugu rw'Ubugenzacyaha rwashyikirije Ubushinjacyaha dosiye ya Miss Iradukunda Elsa na Notaire Uwitonze Nasira bakurikiranyweho ibyaha bitatu birimo icyo gutanga ubuhamya bw'ibinyoma.

Ikindi cyaha bari bakurikiranyweho ni ukoshya abitabajwe mu nzego z'ubutabera. Ikindi ni uguhimba, guhindura inyandiko cyangwa gukoresha inyandiko mpimbano. Ku bw'amahirwe aba bombi baje gufungurwa.

Indi nkuru ye yakangaranyije imbuga nkoranyambaga ni amashusho ye ari kumwe n’abavandimwe be n’umubyeyi wabo bari gukina umukino usekeje wo kurya ubugali, bamwe bawita umukino w’abana b’abakire.

4. Kate Bashabe

Biragoye ko mu bakobwa bakunze kugarukwaho buri mwaka waburamo Kate Bashabe umaze kumenyekana cyane mu ruhando rw'imyidagaduro mu Rwanda no hanze yarwo.

Muri uyu mwaka utangira ntabwo yakunze kuvugwa cyane keretse abari bamaze igihe, bavugiraga mu matamatama inkuru zirimo iby'urukundo rwe na Sadio Mane ukinira ikipe y'Igihugu ya Senegal ndetse na Bayern Munich yo mu Budage ariko Bashabe yaje kuruhakana.

Inkuru ye yaje ari karundura ni ubwo yuzuzaga inzu ku i Rebero maze abantu batandukanye ku mbuga nkoranyambaga bagacika ururondogoro. Ni inzu avuga ko yubatse imyaka ine yose.

5. Shaddy Boo

Iyo uvuze Kate Bashabe akenshi hafi aho hari na mugenzi we Shaddy Boo udasiba mu itangazamakuru kubera udutendo akunze gukora.

Uyu mubyeyi w'abana ukunda gukoresha cyane imbuga nkoranyambaga zirimo Instagram na Twitter, akenshi amashusho asangiza abamukurikira cyane se ibyo yandika kuri Twitter ni byo bikunze gutuma atava mu maso no mu matwi y'abantu.

Muri Werurwe ni bwo yatunguranye yerekana ko ari mu rukundo n'umusore w'Umunyarwanda ariko utuye muri Kenya witwa Manzi Jeannot; maze abantu si ukuvuga karahava.

Shaddy Boo nyuma yaho yongeye kuvugwa mu nkuru zo guhaga ka Manyinya ubwo yari we umushyitsi w'imena mu cyabereye ahitwa 'The Keza' mu Mujyi wa Kigali ubwo iyi hoteli yatangizwaga.

6. Muheto Divine

Muri Mutarama ubwo Nshuti Muheto Divine yahatanaga mu bakobwa bashakaga ikamba rya Miss Rwanda 2022 , mu majonjora yabereye mu Burengerazuba, yavugishije benshi.

Uyu mukobwa byatangiriye ku magambo yabwiwe na Mutesi Jolly ubwo yanyuraga imbere y'akanama nkemurampaka k'iri rushanwa muri iyi Ntara. Icyo gihe Jolly akibona uyu mukobwa yabanje kumubwira ko ari afite uburanga buhebuje. Yagize ati 'Uri mwiza pe!'

Yakomeje amubaza niba asanzwe azi ko ari mwiza, gusa Muheto we yasubije ko atari abizi.

Muheto yakomeje kuba Muheto na cyane ko kuva yakwinjira mu irushanwa ku mbuga nkoranyambaga atahwemaga kuza mu biganiro bya benshi ndetse bamwe bari bamaze kumuha ikamba.

Ku wa 20 Werurwe 2022 uyu mukobwa yaje kwegukana iri Kamba ahigitse bagenzi be bari bahanganye.

Inkuru ya Muheto yabaye karundura ni iy'amajwi yagiye hanze ku 28 Mata, nyuma yifungwa rya Ishimwe Dieudonné uzwi nka Prince Kid wateguraga Miss Rwanda akurikiranyweho ibyaha bifitanye isano n'ihohoterwa rishingiye ku gitsina.

Ni amajwi byavugwaga ko ari ay'uyu musore arimo gutereta Miss Rwanda 2022, Muheto Nshuti Divine. Mu majwi yafashwe mu buryo bw'ibanga, Ishimwe yumvikana nk'uwababajwe no kuba Muheto yaramwimye ibyishimo, we ibyo yitaga 'happiness' mu rurimi rw'Icyongereza, nyamara we yaramurwaniye ishyaka akabona ikamba rya Miss Rwanda 2022.

Ati “Ikintu kimbabaje ni ukuntu nakurwaniye ishyaka ngo nguhe ibyishimo, ariko wowe ukaba utandwanira ngo ubinyishyure.”

Mu iri jwi ry'iminota irenga icumi, Ishimwe yumvikana nk'uwingingira Miss Muheto kumwumva, akaba yareka kumuhakanira.

Byarinze birangira yongeye kumuhakanira kugeza n’aho uyu musore yumvikana avuga indahiro zirimo no kubura abavandimwe be 'yasigaranye bonyine'.

7. Jolly Mutesi

Mutesi Jolly uri bari bagize akanama nkemurampaka ka Miss Rwanda yaje mu nkuru zijyanye na Miss Rwanda, ariko abanza kuryumaho. Bamwe ku mbuga nkoranyambaga batangira kuzura akaboze bazana amashusho ari kuvuga akina ngo 'Prince Kid' yagize Miss Rwanda akarima ke.

Uyu mukobwa utajya acibwa intege n'amagambo y'abantu yatangiye gucicikana mu mashusho atandukanye ku mbuga nkoranyambaga, bamwe bamurwanira ishyaka abandi bakamutuka bamwita umugambanyi.

8. Bwiza

Bwiza ni umwe mu bahanzikazi bari kwitwara neza mu muziki nyarwanda ndetse ari mu bo benshi bahanze amaso ko bagiye gutanga umusanzu ukomeye mu gukomeza kuwuzamura ku rwego mpuzamahanga.

Kuva umwaka watangira kugeza uyu munsi ni umwe mu bahanzi badahwema gushyira hanze ibihangano byinshi kandi binogeye amatwi.

Ubu agezweho mu ndirimbo zirimo 'Exchange', 'My Day' yakoranye na Symphony Band, 'Ready' n'izindi nyinshi.

Muri Nzeri uyu mwaka yashyuhije abantu imitwe ubwo byavugwaga ko hari amashusho ye ari gusambana agiye kujya hanze, maze ku mbuga nkoranyambaga uyu mukobwa aca ibintu.

9. Ariel Wayz

Kuva mu mpera z'umwaka ushize, uyu mukobwa yatangiye kuvugwa umunsi ku wundi kubera inkuru ze na Juno Kizigenza bavugaga ko bakundana. Ibyabo ntibyatinze ariko, kuko muri Mutarama batangiye guterana amagambo bitana ba mwana.

Byari nyuma y'igihe gito batangije intambara y'amagambo ku mbuga nkoranyambaga, biturutse ku iteranamagambo ryari rikomeje hagati yabo mu gihe bari bamaze iminsi bagaragaza ibimenyetso by'uko baba bakundana.

Byatangiye muri Mutarama, Juno ajya ku rukuta rwa Instagram agatanga nimero za telefoni z'uyu mukobwa nta kuzuyaza, undi nawe biramurakaza yifashishije urubuga rwa Twitter agaragaza ko agiye kumwiyereka.

Yashyizeho amashusho ya Juno atangira kuvuga nimero z'uyu mukobwa muri 'live' yakoreye kuri Instagram arangije ati 'Yashyize hanze nimero zanjye? Ni igihe ukabona uwo ndiwe.'

Ubutumwa bwa Ariel Wayz bwavugishije benshi bakurikira Twitter bwakurikiwe n'ubundi yahise ashyiraho bugaragaza ibiganiro yagiranye na Juno Kizigenza ku rubuga rwa WhatsApp.

Aha agaragara asa n'utongana na Juno ku rubuga rwa WhatsApp amuhora kumubeshya ko ari kumwe n'umuryango we i Nyamata mu gihe undi aba abizi neza ko ari kumwe ku Gisenyi n'umukobwa w'umu-diaspora bahoze bakundana.

Ibyabo byazanye nyuma y'amezi atandatu ubumwe ari bwo bwose ahantu hose bagendana ndetse bagakunda gusakaza amafoto menshi bari gusomana n'andi menshi bajyanye ku mazi bahuje urugwiro.

Gusa bijya gushyuha,  Ariel Wayz yanditse kuri Twitter agaragaza amagambo y'uko yatengushywe mu rukundo, avuga ko yatengushywe ndetse yibeshye agaha umuntu atawukwiriye.

Juno nawe yamusubije yifashishije urubuga rwa Instagram agaragaza ko yasubiye kubaho adafite umukunzi. Ikindi cyagaragaje ko umubano wabo utifashe neza, aba bahanzi bamaze kurekera gukurikirana ku mbuga nkoranyambaga.

Muri Werurwe uyu mwaka Juno yashyize hanze indirimbo yise 'Urankunda'. Ijya gutangira agaragaza ko ari inkuru mpamo. Hari aririmba ati 'Niba imana izi urwo wankunze, Ese yakaretse umara intambwe, Uhora ushaka iyo si iruta izindi, iyeeee Urankunda… Wenda ntabwo nzi iyo bigana, Mbirora kenshi bikambabaza, Urarira kenshi ugasakabaka, Wayezu[Ariel Wayz] wanjye Bikambabaza.'

KANDA HANO UREBE

“>

Ariel nawe aheruka kumusubiza mu yo yise “Good Luck” amwifuriza ishya n'ihirwe mu rukundo rushya azajyamo.

KANDA HANO UREBE

“>“

10. Isimbi Alliance

Uyu mubyeyi uzwi nka Alliah Cool muri sinema Nyarwanda, yatangiye kuvugwa muri Gashyantare 2022 ubwo yari yashyizwe mu Ihuriro rya ba Ambasaderi ba Loni b'Amahoro, International Association of World Peace Advocates (IAWPA).

Uyu mukobwa usanzwe afashwa na 'One Percent International' yanavuzwe ubwo yajyaga gukorera filime muri Nigeria yitwa 'Accidental Vacation'.

Iyi filime nshya ya Isimbi yayikoranye n'ibyamamare nka Anita Alaire Afoke Asuoha uzwi nka Real Warri Pikin na Venita Akpofure wamenyekanye ubwo yitabiraga Big Brother ku nshuro ya kane.

Bivugwa izagaragaramo n'abandi benshi batandukanye bazwi cyane muri Nigeria barimo Roxy Antak wamenyekanye muri 'Seven and a Half Dates' ukinana na Alliah Cool ari umukunzi we ndetse ikaba yacishwa no ku rubuga rwa Netflix.

Alliah Cool aheruka kuvugwa cyane ubwo hajyaga hanze amakuru y'uko yujuje inzu y'akataraboneka mu Mujyi wa Kigali.

11. DJ Brianne

Uyu mukobwa ubusanzwe witwa Gateka Brianne, yatangiye kumenyekana cyane mu bihe bya COVID-19 biturutse ku biganiro yagiye akora kuri Youtube mu bihe bitandukanye.

Yigaruriye imitima ya benshi kubera uburyo azwiho kuvugisha ukuri kandi buri wese akamubwirira aho ntacyo aciye ku ruhande kandi akaba umunyamahoro uhora yisekera.

Yagiye mu bikorwa bitandukanye bijyanye n'akazi akora yaba kujya gucuranga hanze y'u Rwanda no mu gihe imbere. N'ubu ari kubarizwa ku mugabane w’u Burayi aho yagiye mu gitaramo na Social Mula.

12. Jeanine Noach

Ntabwo yari asanzwe azwi mu ruhando rw'imyidagaduro, yatangiye kumenyekana mu mwaka ushize ubwo hatangiraga kuvugwa inkuru z'uko akundana n'umuhanzi Cyusa.

Mu bihe bitandukanye bagaragaraga bafatanye agatoki ku kandi basohokanye ndetse bakanyuzamo bagasangiza ababakurikira amashusho bari mu gitanda basomana byacitse.

Inkuru yavugishije abatari bake mu minsi ishize, ubwo yatandukanaga na Jeanine, Cyusa w'imyaka 33 yabwiye Isimbi Tv ko uyu mugore w'imyaka 48 batandukanijwe n'urubanza yari afite kuburana, biturutse ku ndirimbo uyu muhanzi yamuhimbiye rutararangira.

Yavuze ko akundana na Jeanine yari asanganywe umugabo w'imyaka 80. Ati “Yambwiye ko afite umugabo ariko mukuru, ndetse yifuza gukundana nanjye kuko yankunze nk'umusore yikundiye mu buzima bwe, ansaba umwaka umwe wo kuba yakemuye ibibazo.”

Cyusa yavuze ko yari yihanganiye Jeanine kugira ngo akemure ikibazo cy'uyu mugabo bagombaga gutandukana, bakagabana imitungo, ariko birangira wa musaza apfuye muri Mata uyu mwaka ntacyo bemeranyijeho, hitabazwa inkiko.

Uyu muhanzi yavuze ko Jeanine yatangiye imanza zo kureba iby'imitungo bari bafite n'uzayisigarana. Uru rubanza rwabaye intandaro yo gutandukana no kwica imishinga yose bari bafitanye.

Kuva uyu musaza yapfa, Jeanine yasibye amafoto yose yari afitanye na Cyusa ku mbuga nkoranyambaga, amusaba kuruhuka akabanza kurangiza imanza, bakabona gusubukura umubano.

Cyusa yari yarakoreye indirimbo Jeanine, gusa yaje kubwirwa ko ibyo kujya mu mashusho yayo bitagikunze, ndetse amusaba gushaka undi mukobwa yazifashisha ari nabwo yahise yitabaza Nkusi Lynda witabiriye Miss Rwanda 2022.

Muri iki kiganiro Cyusa yumvikanishije amajwi ya Jeanine, aya akaba ayo yamwoherereje ubwo indirimbo 'Uwanjye' yajyaga hanze. Aya majwi yumvikanisha Jeanine arira cyane ahamya ko indirimbo 'Uwanjye' yamwiciye urubanza ku buryo aho kurusoma byahise biba bibi cyane.

Jeanine muri aya majwi aba asaba Cyusa guhagarika umubano wabo ndetse amwifuriza ishya n'ihirwe mu rundi rukundo ashobora kugira. Cyusa yahishuye ko yababajwe no gutandukana na Jeanine batabanye nk'uko bateguraga ubukwe no kubyarana.

Uyu musore yumvikana agaragaza ko atiyumvisha ukuntu indirimbo atigeze avugamo izina ry'uyu mugore cyangwa ngo amushyire mu mashusho ariyo yatuma iby'urubanza rwe mu Bubiligi aho aba ruzamo ibibazo.

13. Miss Nishimwe Naomie

Nishimwe Naomie nawe ni umwe mu bakobwa batajya babura mu itangazamakuru cyane kubera uburanga bwe ndetse na bagenzi be bazwi nka Mackenzies.

Muri Werurwe uyu mwaka uyu mukobwa wabaye Nyampinga w'u Rwanda 2020, we n'umuryango we babatijwe mu mazi menshi mu itorero rya Noble Family Church, riyobowe na Apôtre Mignonne Kabera.

Miss Nishimwe Naomie muri Mata yerekanye umukunzi we yise Michael Tesfay ukomoka muri Ethiopia. Ni bwo bwa mbere kuva yakwambikwa ikamba yari yerekanye umukunzi we. 

Aba bombi bamaze iminsi babica ku mbuga nkoranyambaga kubera ingendo bahoramo hanze y'u Rwanda cyangwa se basohokanye mu bitaramo bitandukanye.

14. Bijoux

Munezero Aline uzwi nka Bijoux muri filime ya 'Bamenya', yatangiye kuvugwa muri Mutarama ubwo yarushingaga n'umuhanzi Sentore Lionel usanzwe utuye ku Mugabane w'u Burayi.

Ni mu birori byabaye kuri uyu wa Gatandatu tariki 8 Mutarama 2022, byabanjirijwe no gusaba no gukwa mu muhango wabereye kuri Golden Garden ku i Rebero.

Hakurikiyeho ibirori byo gusezerana imbere y'Imana byabereye mu Itorero Anglican Paruwasi ya Remera.

Nyuma hatangiye gukwirakwira inkuru z'uko Bijoux yaba yaratandukanye n'umugabo ariko ntabwo byigeze bisobanuka niba ari ukuri cyangwa ibinyoma kuko bose nta n'umwe wigeze ashaka kubivugaho.

Inguma za Sandra Teta zakuye abantu imitima 

Kuva mu 2018 Sandra Teta yavuye mu Rwanda ajya  muri Uganda gukomerezayo akazi ko gutegura ibitaramo yari asanzwe akorera i Kigali. Nyuma yaje gutangira gukururana na Weasel birangira banabanye ndetse bafitanye abana babiri.

Urukundo rwabo rwarasagambye bakajya baterana imitoma umunsi ku wundi.

Icyatunguye benshi ni ukuntu muri Nyakanga uyu mwaka, ku mbuga nkoranyambaga muri Uganda hacicikanye amafoto ya Sandra Teta asa n’uwakubiswe afite ibikomere umubiri wose ndetse mu maso ameze nk’uwariwe n’inzuki.

Ibinyamakuru byo muri Uganda byavugaga ko uyu mugore yakubiswe na Weasel, ariko Sandra we nyuma yaje gusohora itangazo avuga ko yatezwe n’abajura bakamwambura utwe bakanamugirira nabi. 

Abanyarwanda ntibanyuzwe! Bifashishije imbuga nkoranyambaga, bokeje igitutu abanya-Uganda ndetse banasaba ko Sandra ataha, uyu mugore binyuze mu muryango yaje gutaha mu ntangiro za Kanama.

Gusa, n’ubwo ibi byose byabayeho, Sandra iyo abajijwe kuri izi nkuru avuga ko ari izijyanye n’umuryango bityo zidakwiriye kujya mu itangazamakuru.

Umukuru w’igihugu yabigarutseho kuri uyu wa Gatatu, tariki 30 Ugushyingo 2022, ubwo yakiraga indahiro z’Abaminisitiri bashya b’ubuzima mu Ngoro y’Inteko Ishinga Amategeko ku Kimihurura.

Yashimangiye ko nubwo igihugu kidakize ku butunzi ariko gikize ku kugira umutima n’ubushake, ariyo mpamvu bakorana n’ibihugu nka Mozambique, Sudani y’Epfo na Centrafrika mugushakira umuti ibibazo by’umutekano muke.

Ati 'Dukorana n’igihugu cya Mozambique, Central Africa dufite uburyo bubiri, gukorana na LONI nicyo gihugu, muri Sudani dukorana na UN. Ibi byose ntabwo turi igihugu gikize, dukize ku bindi ntabwo dukize mu buryo bw’ubukungu, ariko ku mutima n’ubushake turakize pe!'

'Niyo mpamvu dushobora gukemura ibibazo byacu dukomeza gushakira umuti kuko ntibijya bishira, ariko tukagira n’ uruhare mu gufatanya n’abandi, kugirango dukemure ibibazo byabo, ndetse akenshi bishobora kuba bifitanye isano n’igihugu cyacu.'

Perezida Kagame yashimangiye ko ingabo z’u Rwanda muri Mozambique, ibihugu byemeranyije ko bongerwa, mu rwego rwo gukomeza guhashya ibyihebe cyane cyane aho byagiye mu buhungiro nyuma yo kwirukanwa mu Ntara ya Cabo Delgado.

Yagize ati 'Muri Mozambique dufiteyo ingabo n’abapolisi barenga ibihumbi bibiri, ndetse hafi 2,500, ejo hashize twongereyeyo izindi ngabo. Twazongereyeyo kubera ko kuva twahagera hari ibibazo byinshi byakemutse, dufatanyije n’abenegihugu, hari n’ibindi bibazo bigikomeza kubera ko ntabwo twashoboraga gukora ahantu hose.'

Yakomeje agira ati 'Abo twari duhanganye kubera ko bagiye bimuka bakajya mu bindi bice bya Mozambique, ntabwo twari kugera aho hose ariyo mpamvu twafatanyije n’abandi… Byagaragayeko abakoraga iterabwoba bagiye bimuka bakava aho twakoreraga bakajya ahandi, twumvikanye na Mozambique ko tugiye kubakurikirana aho bari.'

Perezida Kagame yongeye kwibutsa ko nta muryango cyangwa igihugu cyari cyaha ifaranga na rimwe u Rwanda yo gukoresha muri ibyo bikorwa, uretse amikoro y’igihugu basangira n’abandi.

Ati 'Bisobanuke neza, nta gihugu na kimwe, nta muryango n’umwe uraduha n’urumiya rwo gukoresha muri ako kazi, ni amafaranga y’igihugu turi gukoresha, muri bya bike dufite Turasangira tukabikoresha. Hari abatubwira ko bazadufasha turategereje, nibadufasha tuzabibashimira kandi birakwiye…'

'Hari abibwira ko hari abanyujije amafaranga hasi bakatwishyura, hari abagize bate, ndabivuga niba ataribyo ndaza kwifuza kubona uwampakanya, ariko nagirango ibyo bibanze bive mu nzira… Twatanze ubuzima bw’abana bacu gufatanya n’aba Mozambique, tunatanga n’amikoro yacu make dufite.'

Agaruka ku bufatanye bw’u Rwanda na Centrafrika, Perezida Kagame yavuze ko ntaho bitaniye na Mozambique kuko naho ntawufasha u Rwanda gutanga ubufasha, ashima ko ingabo z’u Rwanda zatanze umutekano muri iki gihugu nk’uko byemeranyijwe n’ibihugu byombi.

Ku ngabo na polisi bari mu butumwa bw’amahoro bw’Umuryango w’Abibumbye yavuze ko nubwo atagaya uko bakora, kuko bakorera ku mategeko ya LONI, batatanze umusaruro nk’uko watanzwe n’ingabo zagiye ku masezerano y’u Rwanda na Centrafrika.

Gusa avuga ko bose buzuzanya, kugeza naho abakorera mu butumwa bwa LONI amafaranga bahabwa bayasaranganya n’abakora ku masezerano y’u Rwanda na Centrafrika.

Perezida Kagame akaba yashimiye abayobozi bakuru b’igihugu no mu nzego zose ku buryo badahwema gufatanya mu kubaka igihugu, ibintu bituma u Rwanda rubasha gufatanya n’abandi uhereye mu Karere ka Afurika y’Iburasirazuba u Rwanda ruherereyemo n’ahandi.

Perezida w’ikipe ya Kiyovu Sports Juvenal Mvukiyehe yavuze umujinya ariwo watumye atangaza ko bahagiritse umutoza Alain Andre nyuma yo gutsindwa na Gasogi (…)

Avuga ibi kuko imyaka 12 ishize ahaganye n'ububabare bwakomotse kuri iyi ndwara yo mu bwoko bwa mbere (Diyabete bita Type I)' iterwa n'uko utanyabuzima-remezo ibizwi nka 'Cellules' cyangwa se 'Cells' twitwa Islet B twangiritse.

Ubu bwoko bwa mbere bw'iyi ndwara bukunze gufata cyane abana n'ingimbi. Hari na Diyabete bita Type II ikunze kwibasira cyane abantu bageze mu myaka 40, ariko ntibivuze ko n'abandi batayirwara.

Iyi ndwara iratangaje kuko yongera ibyago yo kurwara izindi ndwara nk'umutima n’imiyoboro y’amaraso (cardiovascular diseases).

Hari abavuga ko iva mu muryango nk'aho ushobora gusanga ufite umubyeyi cyangwa se umuvandimwe wayirwaye. Ariko si ko bimeze buri gihe!

Hari abavuga ko iterwa n'umubyibuho ukabije, imirire yiganjemo ibinyamavuta, kuba urwaye indwara y'umuduko w'amaraso ukabije (Hypertension) n'ibindi.

Mu gitabo 'La Santé Par la Nature' cya paji 650 cya Dr Ernest Shneider avuga ko ibyo abantu barya buri munsi bifite uruhare runini ku ndwara ya Diabete.

Uzabakiriho Jean-Damascène- Ubuzima ntibwamubaniye:

Uyu mugabo w'imyaka 48 y'amavuko, abarizwa mu Mudugudu wa Nyamiryango mu Kagari ka Nkigo mu Karere ka Kamonyi ho mu Ntara y'Amajyepfo.

Arubatse afite abana babiri. Kandi ni umwe mu bafashwa n'Umuryango Geraldine Trada Foundation mu bijyanye no kubona imiti y'umurwayi wa Diabete, ibyo kurya no kunywa byagenewe abarwayi n'ibindi bitandukanye.

Iyo abara inkuru y'ukuntu iyi ndwara yamufashe, agaragaza gukomera, kuko yamaze kwiyakira.

Mu kiganiro na InyaRwanda, Uzabakiriho Jean-Damascène yavuze ko muri Nyakanga 2000 ari bwo umutima we wakiriye inkuru mbi y'uko yafashwe na Diabete.

Uyu mugabo ugendera ku mbago, avuga ko yagiye Ku kigo Nderabuzima nyuma bamwohereza ku bitaro bya Remera- Rukoma, ibizamini byemeza ko yafashwe na Diabete.

Uzabakiriho avuga ko ajya gufata icyemezo cyo kujya ku bitaro yari amaze iminsi yihagarika (kunyara) cyane, ku buryo ku munsi yanywaga nk'injerekani eshatu z'amazi.

Icyo gihe bahise bamutangiza imiti. Ati 'Nta muntu wabimbwiraga. Njyewe nari ndwaye, umubyeyi anjyana kwa muganga, urumva nari mfite imyaka micye narigaga, nari mfite nka 14 cyangwa 13 […] Tubaza muganga aratubwira ati rero bapima isukari mu maraso basanga ni nyinshi…'

Kuva mu 2000 kugeza mu 2004 yivurizaga i Rukoma no kuri CHUK kugeza mu 2006 ubwo mu Rwanda hatangizwaga ubwisungane mu kwivuza (Mutuelle de Santé).

Ariko mu mwaka w'2005, diabete yamuteje igisebe ku kuguru ahura n'abaganga batandukanye, bamuha imiti ariko nako yipfukisha mu bihe bitandukanye.

Uyu mugabo avuga ko yakoze uko ashoboye kugira ngo yivuze gikire (igisebe) ariko biranga.

Ibitaro bya Remera-Rukoma bamwohereje kujya kwivuriza mu bitaro bya Kanombe, barebye imitsi yo ku kirenge basanga yarazibye-Aho hari mu 2016.

Avuga ko indwara itera ubukene 'nta n'umuterankunga igira'. Ngo iyo atagira umubyeyi ukunda umwana we, aba yarapfuye cyera. Kuko yagurishije byinshi birimo amasambu n'ibindi kugira ngo amuvuze abashe gukira ariko biranga.

Azi neza ko iyi ndwara itandura. Biri no mu mpamvu zatumye uwari umukunzi we babana, ubu bafitanye abana babiri.

Ati 'Ntabwo ubundi yandura yari abizi. Uzi ubukene yatekeje iwacu, umva uretse kugira umutima ukomeye n'aho ubundi ari umubyeyi urakara yakureka ugapfa…. Inka baragurishije, amasambu baragurishije…'

Yamaze imyaka ibiri afite ubwoba nyuma yo kubwirwa ko bazamuca akaguru:

Uzabakiriho avuga ko mu 2016 ari bwo yamenyeshejwe ku nshuro ya kabiri n'ibitaro bya Kanombe ko bagomba kumuca akaguru kugira ngo bitagera ku mpyiko.

Yavuze ko atari ubwa mbere yari abwiwe n'abaganga kumuca akaguru, kuko babanje kubimubwira mu 2014 arabyanga atekereza uko azabaho.

Yagishije inama ababana n'ubumuga 'bamuha icyizere cy'uko azabaho'. Nyuma, yakomeje umutima ajya kureba muganga amubwira ko yemeye ko ukugura kuvanwaho.

Ati 'Nagiye kureba muganga. Ndaza ndamubwira nti nabyemeye noneho, nahuye n'ababana n'ubumuga bantekerereza ubuzima babayemo numva nzabubamo buzashoboka.'

Muganga yamubwiye gutaha arategereza, hanyuma akaguru bagaca tariki 10 Ugushyingo 2016. Ati 'Urihangana. Ntabwo byoroshye. Hari byinshi uba utazabasha gukora.'

Yavuze ko nyuma yo gucibwa akaguru, bamuhaye insimburangingo ariko n'ayo yamuteje igisebe.

Arifuza kwiga imyuga……….

Uzabakiriho avuga ko yavuye mu ishuri ari mu mwaka wa Gatanu w'amashuri abanza. Kandi yari umwana w'umuhanga ku buryo yabonaga ejo hazaza ari heza.

Avuga ko kuva ukuguru kwe kwavanwaho, abayeho ubuzima bubi kuko agomba gutekereza buri kimwe bakakimuzanira.

Yavuze ko abonye umuterankunga ya kwiga imyuga 'byibuza nkajya nkora akazi nicaye'. Ati 'Uwangirira neza wese yamfasha ishuri ryo kwiga imyuga. Nicyo nifuza.'

Asobanura ko iyi miti ikaze ku buryo bitakorohera uwayifashe gukomeza kwiga. Kuko mu nshuro za mbere atangiye kuyinywa yagiye arwa muri koma bituma ahitamo kuva mu ishuri.

Uyu mugabo avuga ko yiyakiriye yumva ko indwara ari iye, aritwararika amenya imiti afata, anabibwira bagenzi be bamuhora hafi.

Nta makimbirane mu rugo rwe kubera iyi ndwara

Mu gihe hari imiryango imwe n'imwe, umwe mu bashakanye ahura n'ikibazo undi akamuta, umugore we ntiyigeze amusiga yamubaye hafi kugeza n'uyu munsi.

Avuga ko ajya kurushinga n'uyu mugore yari abizi neza ko arwaye iyi ndwara. Anavuga ko ari we wenyine wo mu muryango urwaye iyi ndwara.

Uyu mugabo avuga ko abo barwariye rimwe bose 'hafi ya bose bitabye Imana'. Ati 'Ahubwo njye ndibaza kuki ntapfa. Ariko icya mbere ni ukwikurikirana. Ukanywa umuti ku rugero, ukarya ibiryo ku rugero. Ni kumunzani.'

Avuga ko kimwe mu bibazo bafite ari imiti itaboneka nk'uko bikwiye. Umuntu udafite Mutuelle de Santé agura imiti hafi ibihumbi 16 Frw buri kwezi.

Uyu mugabo agira inama abantu gukora siporo, kandi buri mwaka bakajya kwipimisha kwa mugunga kugira ngo barebe uko ubuzima buhagaze.

Iby'umurwayi wa Diabete akwiye kwitwararika:

Ndagijimana Innocent uhagarariye Umuryango Geraldine Trada Foundation, yabwiye InyaRwanda ko umurwayi wa Diabete akwiye kubahiriza inama agirwa na muganga, harimo gufata imiti meza, kumenya igihe cyo kuyikoreshereza n'ibindi.

Umurwayi akwiye gusobanukirwa itandukaniro riri hagati yo kuba umuntu afite isukari nyinshi mu mubiri n'igihe bavuga ko afite isukari nkeya mu maraso. Ati 'Tugerageza kumuha ubumenyi bw'ibanze kuri diabete.'

Ikindi ni uko umurwayi akwiye kubahiriza amabwiriza yo gufata imiti, kumenya ibyo kurya agomba kurya. Avuga ko benshi bari bafite imyumvire yo kutarya, batekereza ko umuntu urwaye diabete atarya cyangwa se ngo anywe ibintu birimo isukari.

Yavuze ko hari indyo zagenwe ku muntu ufite diabete. Kandi buri wese ashishikarizwa kugabanya ibintu birimo amavuta menshi n'isukari nyinshi.

Ndagijimana avuga ko kuva uyu muryango GT Foundation washingwa, wahinduye ubuzima bw'abarwayi ba Diabete birimo no kubafasha kubona imiti, ibikoresho, ibiribwa n'ibindi bitandukanye.

Kuri uyu wa Mbere, uyu muryango wahurije hamwe abarwayi ba Diabete ku bitaro bya Muhima, ubaganiriza ku mibereho ubaha n'ibiribwa.       

Abarwayi ba Diabete bitabwaho n'Umuryango Geraldine Trada Foundation bagaragaje ko bahangayikishijwe n'imiti itabonekera igihe, kandi ikaba ihenze 

Uzabakiriho Jean-Damascène yagiranye ikiganiro na InyaRwanda agaruka ku rugendo rw'imyaka 12 abana n'ibikomere yatewe na Diabete bidateze gukira-Agira inama abantu yo kwisuzumisha no kwiyakira 

Nathanie Bille wo muri World Diabetes Foundation ni we wari umushyitsi Mukuru mu Kwizihiza Umunsi Mpuzamahanga wahariwe indwara ya Diabete. Wizihizwa buri mwaka tariki 14 Ugushyingo 2022 

Ndagijimana Innocent yavuze ko kuva Umuryango Geraldine Trada Foundation washingwa wahinduye imibereho y'abarwayi ba Diabete binyuze mu kubafasha kubona imiti, kubahugura n'ibindi 

Muhire Desange Bora, umuganga wita ku barwayi ba Diabete ku bitaro bya Muhima

 

Abarwayi ba Diabete bapimwe kugira ngo harebwe uko ubuzima bw'abo buhageze 

Umuryango GT Foundation watanze inkunga y'imiti n'ibiribwa ku barwayi ba Diabete

Kanda hano urebe amafoto menshi:

AMAFOTO: Sangwa Julien-INYARWANDA.COM

Ibi Umukuru w’Igihugu yabivuze kuri uyu wa gatatu, tariki 30 Ugushyingo 2022, nyuma yo kwakira indahiro z’abayobozi bashya muri Minisiteri y’Ubuzima, aribo (…)

Umukuru w’igihugu yabigarutseho kuri uyu wa Gatatu, tariki 30 Ugushyingo 2022, ubwo yakiraga indahiro z’Abaminisitiri bashya b’ubuzima mu Ngoro y’Inteko Ishinga Amategeko ku Kimihurura.

Yashimangiye ko nubwo igihugu kidakize ku butunzi ariko gikize ku kugira umutima n’ubushake, ariyo mpamvu bakorana n’ibihugu nka Mozambique, Sudani y’Epfo na Centrafrika mugushakira umuti ibibazo by’umutekano muke.

Ati 'Dukorana n’igihugu cya Mozambique, Central Africa dufite uburyo bubiri, gukorana na LONI nicyo gihugu, muri Sudani dukorana na UN. Ibi byose ntabwo turi igihugu gikize, dukize ku bindi ntabwo dukize mu buryo bw’ubukungu, ariko ku mutima n’ubushake turakize pe !'

'Niyo mpamvu dushobora gukemura ibibazo byacu dukomeza gushakira umuti kuko ntibijya bishira, ariko tukagira n’ uruhare mu gufatanya n’abandi, kugirango dukemure ibibazo byabo, ndetse akenshi bishobora kuba bifitanye isano n’igihugu cyacu.'

Perezida Kagame yashimangiye ko ingabo z’u Rwanda muri Mozambique, ibihugu byemeranyije ko bongerwa, mu rwego rwo gukomeza guhashya ibyihebe cyane cyane aho byagiye mu buhungiro nyuma yo kwirukanwa mu Ntara ya Cabo Delgado.

Yagize ati 'Muri Mozambique dufiteyo ingabo n’abapolisi barenga ibihumbi bibiri, ndetse hafi 2,500, ejo hashize twongereyeyo izindi ngabo. Twazongereyeyo kubera ko kuva twahagera hari ibibazo byinshi byakemutse, dufatanyije n’abenegihugu, hari n’ibindi bibazo bigikomeza kubera ko ntabwo twashoboraga gukora ahantu hose.'

Yakomeje agira ati 'Abo twari duhanganye kubera ko bagiye bimuka bakajya mu bindi bice bya Mozambique, ntabwo twari kugera aho hose ariyo mpamvu twafatanyije n’abandi… Byagaragayeko abakoraga iterabwoba bagiye bimuka bakava aho twakoreraga bakajya ahandi, twumvikanye na Mozambique ko tugiye kubakurikirana aho bari.'

Perezida Kagame yongeye kwibutsa ko nta muryango cyangwa igihugu cyari cyaha ifaranga na rimwe u Rwanda yo gukoresha muri ibyo bikorwa, uretse amikoro y’igihugu basangira n’abandi.

Ati 'Bisobanuke neza, nta gihugu na kimwe, nta muryango n’umwe uraduha n’urumiya rwo gukoresha muri ako kazi, ni amafaranga y’igihugu turi gukoresha, muri bya bike dufite Turasangira tukabikoresha. hari abatubwira ko bazadufasha turategereje, nibadufasha tuzabibashimira kandi birakwiye…'

'Hari abibwira ko hari abanyujije amafaranga hasi bakatwishyura, hari abagize bate, ndabivuga niba ataribyo ndaza kwifuza kubona uwampakanya, ariko nagirango ibyo bibanze bive mu nzira… Twatanze ubuzima bw’abana bacu gufatanya n’aba Mozambique, tunatanga n’amikoro yacu make dufite.'

Agaruka ku bufatanye bw’u Rwanda na Centrafrika, Perezida Kagame yavuze ko ntaho bitaniye na Mozambique kuko naho ntawufasha u Rwanda gutanga ubufasha, ashima ko ingabo z’u Rwanda zatanze umutekano muri iki gihugu nk’uko byemeranyijwe n’ibihugu byombi.

Ku ngabo na polisi bari mu butumwa bw’amahoro bw’Umuryango w’Abibumbye yavuze ko nubwo atagaya uko bakora, kuko bakorera ku mategeko ya LONI, batatanze umusaruro nk’uko watanzwe n’ingabo zagiye ku masezerano y’u Rwanda na Centrafrika.

Gusa avuga ko bose buzuzanya, kugeza naho abakorera mu butumwa bwa LONI amafaranga bahabwa bayasaranganya n’abakora ku masezerano y’u Rwanda na Centrafrika.

Perezida Kagame akaba yashimiye abayobozi bakuru b’igihugu no mu nzego zose ku buryo badahwema gufatanya mu kubaka igihugu, ibintu bituma u Rwanda rubasha gufatanya n’abandi uhereye mu Karere ka Afurika y’Iburasirazuba u Rwanda ruherereyemo n’ahandi.