Blog

Uyu munsi umukino wa mbere wa 1/2 mu gikombe cy’isi cy’uyu mwaka wakinwe ikipe y’igihugu ya Argentine iheruka ku mukino wa nyuma mu 2014, mu gihe Croatia yo yaherukagayo mu 2018.

Mu 2014 Argentine yageze muri 1/2 itsinze u Buhorandi kuri penariti muri 1/4, naho Croatia yo yari yatsinze Brazil ya Neymar nayo kuri penariti.

Mu mukino wa 1/2 w’igikombe cy’isi wy’uyu mwaka wahuje Argentine na Croatia, warangiye ari ibitego bitatu bya Argentine ku busa bwa Croatia.

Ni imikino mukurikirana binyuze kuri Televiziyo y'u Rwanda shene ya RTV CH 101 & CH 725 (Dish) kuri Decoderi ya StarTimes.

Abakinnyi 11 ba Argentina babanje mu kibuga: Martínez; Molina, Romero, Otamendi, Tagliafico; De Paul, Paredes, Enzo Fernández, Mac Allister; Messi na Julián Álvarez.

Uyu mukino watangiye gukinwa saa tatu z’ijoro ubera kuri Lusail Stadium, amakipe yombi yatangiye akina umukino uryoheye ijisho kuko nibura mu minota 5 ya mbere buri kipe yari imaze kugera imbere y’izamu ry’indi.

Abakinnyi ba Croatia 11 babanje mu kibuga:Livakovic; Juranovic, Lovren, Gvardiol, Sosa; Modric, Brozovic, Kovacic; Pasalic, Kramaric na Perisic.

Ikipe y’igihugu ya Argentine yakomeje gukina yirinda kwinjizwa igitego bigatuma abakinnyi bayo bose bakinira inyuma ariko Croatia igumya kurangwa no kwiharira umupira cyane.

Croatia yara kandi no kugerageza kugera imbere y’izamu ibifashijwemo na Modric ndetse na Kovacic bakina mu kibuga hagati.

Ku munota wa 12 Croatia yari ifite 65% mu kwiharira umupira naho Argentine ifite 35%.

Messi ari kumwe na Kapiteni wa Croatia, Modric

Ikipe y’igihugu ya Argentine yageze aho ihindura imikinire itangira kwataka cyane. Ku munota wa 25 Enzo Fernández yarekuye umuzinga w’ishoti ariko Livakovic ufatira Croatia arikuramo. 

Ku munota wa 33 Argentine yabonye penariti ku ikosa ryari rikozwe n’umunyezamu arikoreye Julián Álvarez. 

Ku munota wa 34 Lionel Messi yayiteye neza muri metero 90 z’izamu maze Livakovic wari asanzwe akuramo penariti ayoberwa uko byagenze, Argentine ihita ibona igitego cya 1.

Messi amaze gutera penariti nziza ndetse anuzuza ibitego 5 muri iki gikombe cy’isi harimo 3 bya penariti

Nyuma y’uko Argentine itsinze igitego cya 1, yabaye nk’iriye amavubi maze ku munota wa 39 Julian Alvarez atsinda igitego cya 2 ku mupira yari ahawe na Messi mu kibuga hagati ku burangare bwa Sosa ukina yugarira ku ruhande rwa Croatia. Igice cya mbere cyarangiye Argentine iyoboye n’ibitego 2-0 bwa Croatia.

Julian Alvarez wakoreweho penariti akanatsinda igitego cya 2, yateruye Lionel Messi

Igice cya kabiri cyatangiye Croatia igerageza uburyo bw’igitego kuko ku munota wa 46 bahise babona kufura nziza ariko Modric ayitera mu biganza Emiliano Martinez ufatira Argentine.

Ikipe y’igihugu ya Argentine yakomeje gukina nk’itaratsinda. Ku munota wa 56 Lionel Messi yashoboraga gutsinda igitego cya 3 ariko ku bw’amahirwe macye awutera mu biganza by’umuzamu.

Ku munota wa 69 Lionel Messi yakoze ibisa nko kwandagaza Gvardiol ukinira Croatia amucenga maze atanga umupira kwa Julian Alvarez atsinda igitego cya 3. 

Ku munota wa 85 Croatia yagombaga kuba yabonye igitego cy’impozamarira ku mupira wari uvuye muri koroneri ariko Perisic ananirwa kuwushyira ku mutwe ngo atsinde igitego. 

Umukino warangiye Argentine iyoboye n’ibitego 3-0 ihita ikomeza ku mukino wa nyuma w’igikombe cy’isi aho izahura n’izava hagati ya Morocco n’u Bufaransa zikina kuri uyu wa Gatatu.

StarTimes kandi mu mwaka utaha wa 2023, izabereka 'imikino ya CHAN 2023, CAF Champions League, na CAF Confederations Cup na Shampiyona y'Abadage Bundesliga kuri shene za Sports za StarTimes, no kuri Application ya StarTimes ON.

Umupira Messi yahaye Alvarez agatsinda igitego cya 3

Uyu mugabo wabaye umujyanama w'abahanzi bakomeye mu Rwanda aravuga ibi mu gihe kuri uyu wa Mbere tariki 12 Ukuboza 2022, Inteko Rusange y’Imitwe yombi yatoye Abadepite b'u Rwanda mu Nteko Ishinga Amategeko y'Umuryango w’Afurika y'Iburasirazuba.

Mu batowe harimo umudepite uhagarariye urubyiruko, uhagarariye abagore, uhagaragariye abafite ubumuga n'abandi.

Mu bagerwaho n'ingaruka nziza mu myidagaduro haramutse hatowe uhagarariye abanyempano mu Nteko; harimo abahanzi ubwabo, abacuranzi, abatunganya indirimbo mu buryo bw'amajwi n'amashusho, aba Dj, abanditsi b'indirimbo, ababyinnyi, abashinzwe kureberera inyungu z'abahanzi, abakora ibijyanye n'amajwi n'abandi.

Muyoboke avuga ko n'ubwo bimenze gutya ariko ahora yibaza impamvu umuziki w'u Rwanda udahabwa agaciro nk'izindi nganda zose.

Ashingiye ku byo abona n'ibyo azi, imikino irashyigikirwa cyane. Yewe n'igihe cyo kwishimira ibyo bagezeho hifashishwa umuhanzi akabasusurutsa.

Muyoboke avuga ko mu bindi bihugu byateye imbere mu muziki usanga mu Inteko Ishinga Amategeko uhagarariye Inganda Ndangamuco. Ati 'Iwacu habura iki?'

Yibaza niba ibi byose bidakorwa kubera ko wenda umuhanzi nyarwanda adashoboye. Ariko kandi akibaza impamvu abo bireba badashyira imbaraga mu kureshya abashoramari mu inganda ndangamuco.

Igihe ni iki ngo hagire uhagararira Inganda Ndangamuco mu Nteko?

Mu kiganiro na InyaRwanda, Muyoboke Alex yavuze ko mu bindi bihugu haba hari umuntu uhagarariye Inganda Ndangamuco ufasha mu gukurikirana, gutanga ibitekerezo n'icyakorwa kugira ngo izi nganda zitere imbere ari nayo mpamvu iwabo zazamutse cyane.

Ati 'Kubera iki niba dufite uhagarariye abafite ubumuga, tukagira uhagarariye urubyiruko mu Nteko…Ibyo byose ni ukubera iki tutagira uhagararira umuziki?  Ntabwo ubona ko ari uruganda rukenewe, rukeneye amaboko, rukeneye ingufu. Kubera y'uko ibyo bintu byose uko tubivuga tubikenera mu buzima bwa buri munsi.'

Muyoboke avuga ko hari ibibazo byinshi abahanzi bafite bitabasha kubonerwa umuti, kuko badafite kivugira. Ati 'Uru ruganda rukenewe kumvwa. Rukeneye gushyigikirwa […] Niba Inteko ishyiraho amategeko arengera ibi ni ibi, kubera iki hatajyaho amategeko ahamye arengera ibihangano mu by'ubwenge agashyirwa mu bikorwa. Ko ari cyo kizakuza uruganda.'

Avuga ko bitumvikana ukuntu Minisiteri ishyigikira ikipe y'umupira w'amaguru cyangwa se ikipe y'umukino wa Basketball, ariko umuhanzi yajya guhagaragarira u Rwanda mu marushanwa runaka ntashyigikirwe

Ati 'Byarabaye. Buravan yazanye igikombe, ariko ugasanga nta kintu na kimwe tuvuze. Mbega nta 'support' (gushyigikirwa) y'igihugu ubona ko ihari nk'umunyarwanda wakoze ibyo ngibyo.'

Muyoboke avuga ko hagikenewe inzu z'imyidagaduro, ahantu abantu batarama kugeza bucyeye. Atari ukugeza saa sita z'ijoro abantu bagafunga. Uyu mugabo avuga ko umuhanzi akwiye gushyigikirwa mu mashyi no mu mudiho, kuko umuziki ntaho utifashishwa mu ngeri z'ubuzima.

Ati 'Umuziki ni kimwe mu bintu bikenerwa mu buzima bwa buri munsi. Tuwukenera dushyingira, dushyingura, mu isabukuru, mu nsengero n’ahandi. Tukawukenera igihe Inteko igiye kwiyakira, tukawukenera igihe Umukuru w'Igihugu agiye kwakira abashyitsi. Ibyo byose bitwereka y'uko umuziki ari ikintu gikomeye ariko kititabwaho ngo bagihereze ijisho.'

Yavuze ko bibabaza kubona umuhanzi wo mu mahanga ataramira mu Rwanda 'ukabona inzego zose z'ubuyobozi zagiyeyo kumureba' ariko 'umunyarwanda ukoze igitaramo na Minisiteri ibashinzwe ntigire umuntu n'umwe ushobora kuba wabona'.

Atowe yafasha iki abari mu Nganda Ndangamuco mu Rwanda?

Muyoboke avuga ko igihe abahanzi bagira ubahagararira mu Nteko 'yatuvugira'. Ati 'Ntabwo ari ugukemura ibibazo byose. Yatuvugira. Twaba tubonye umuyobozi w'ibibazo dufite. Kuko bazabimenya ari benshi.'

Yavuze ko mu busanzwe umudepite mu Nteko aba ahagarariye abaturage, bityo n'uwo muntu watorwa yaba ahagarariye abahanzi, akajya avuga ibibazo bafite.

Uyu mugabo avuga igihe bidakunze ko hatorwa uhagarariye abahanzi mu Nteko, hakenewe 'urwego rukomeye rushyizweho na Leta rureberera uruganda ndangamuco'.

Avuga ko atari Minisiteri gusa ikwiye guhabwa izi nshingano, kuko abahanzi basiragizwa iyo bashaka kugira icyo bakora. Ati 'Dukeneye umuntu utwumva mu byo dukora. Dukeneye 'support' iva muri Leta ishyiraho umurongo ngenderwaho w'uru ruganda kugira ngo rukomere nk'izindi zose uko zimeze.'

Muyoboke avuga ko mu gihe u Rwanda rukiri mu nzira y'amajyambere, inzego nyinshi ziyubaka ari na ko Inganda Ndangamuco zikwiye kubakwa ntizisigazwe inyuma.

Yavuze ko kimwe mu bintu byasigaye inyuma ari inganda ndangamuco mu Rwanda. Ati 'Uru ruganda ruracyari inyuma. Kubera y'uko ntidufite uwo tubwira. Hagiyeho inzego zishinzwe abahanzi ariko zikora iki? Zifasha iki? Umuhanzi niba atumiwe ngo ajye kuririmbira ba runaka ugasanga yabuze Visa, nta n'ahandi byanabaye uretse mu Rwanda biba.'

Muyoboke avuga ko nta muntu Minisiteri yakiye Visa ngo abure uko agenda 'ariko umuhanzi arirwariza'.

Muyoboke yavuze ko hakenewe uhagararira abahanzi mu Inteko Ishinga Amategeko kugira ngo ibibazo bafite bibashe gukemuka

Mu Karere ka Kicukiro mu Mujyi wa Kigali habereye impanuka ikomeye ku mugoroba wo kuri uyu wa Kabiri tariki 13 Ukuboza 2022, ikaba yabereye mu gace kazwi (…)

Umuyobozi Mukuru w’agateganyo w’Ikigo cy’igihugu gishinzwe Ubugenzuzi bw’ubuziranenge ihiganwa mu bucuruzi no kurengera Umuguzi (RICA), Uwumukiza Beatrice, (…)

Ku gicamunsi cyo kuri uyu wa Kabiri tariki 13 Ukuboza 2022, mu Murenge wa Kanyinya mu Karere ka Nyarugenge mu Mujyi wa Kigali, ikipe ya Rayon Sports (…)