Blog

Aba bagabo babiri bakurikiranywe n’Ubushinjacyaha ku Rwego Rwisumbuye rwa Ngoma, bakorewe dosiye y’ikirego cyabo yanamaze kuregerwa Urukiko Rwisumbuye rwa Ngoma ku ya 14 Ukuboza 2022.

Aba bagabo bafashwe mu ntangiro z’uku kwezi, tariki 02 Ukuboza 2022 ku bufatanye bw’ubuyobozi bw’inzego z’ibanze n’abaturage bo mu Mudugudu wa Rwakigeri, Akagari ka Cyinzovu mu Murenge wa Kabarondo, baturiye Pariki y’Igihugu Akagera.

Aba bagabo babiri bafatanywe amahembe y’inzovu afite uburebure bwa santimetero 37 ku mugongo w’inyuma na santimetero 35 mu mugongo w’imbere, afite amagarama 700. Abafashwe bombi bemera icyaha.

Ingingo ya 65 y’Itegeko N° 064/2021 ryo ku wa 14/10/2021 rigenga urusobe rw’ibinyabuzima, ivuga ko umuntu ku giti cye ucuruza igikanka cy’ikinyabuzima ndangasano cyashyizwe ku rutonde ruri ku mugereka wa III w’iri tegeko atabifitiye uruhushya aba akoze icyaha.

Iyo ahamijwe icyaha ahanishhwa igihano cy’igifungo kitari munsi y’imyaka itanu (5) ariko kitarenze imyaka icumi (10) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atarenze miliyoni icumi y’amafaranga y’u Rwanda (10.000.000 FRW).

Ikipe y’igihugu ya Portugal yahabwaga amahirwe yo gutwara igikombe cy’isi yatunguranye isezererwa na Morocco iyitsinze igitego 1 muri 1/4. 

Mbere y’uko isezererwa na Morocco, Portugal yari yabanje kunyagira Switzerland ibitego 6-1 muri 1/8 mu mikino yo mu itsinda bari barimo, itsinda Ghana na Uruguay ariko itsindwa na Korea y’Epfo. 

Fernando Santos weretswe umuryango, yari amaze iminsi atumvikana na kizigenza Cristiano Ronaldo kubera kumubanza hanze y’ikibuga.

Santos abwira Cristano Ronaldo kujya mu kibuga kubera ko yari yamubanje hanze

Uyu mutoza mu ikipe y’igihugu ya Portugal yatwaye Igikombe cya Euro muri 2016 nyuma y’imyaka 2 atangiye kuyitoza. Portugal kandi yatwaye igikombe cya Nations League mu 2019 itozwa na Santos.

Nk’uko ibinyamakuru bimwe biri kubyandika, Fernando Santos ashobora gusimbuzwa umutoza wanyuze muri Real Madrid, Chelsea na Manchester United, Jose Mourinho. 

Ishyirahamwe ry’umupira w’amaguru muri Portugal rirabonamo ubushobozi Mourinho bwo kuza kubahesha ibikombe bikomeye ndetse baranateganya kuba bamuha akazi vuba kugira ngo abone umwanya wo gutegura ibintu bye hakiri kare.

Santos yeretswe umuryango mu ikipe y’igihugu ya Portugal

Tariki 14 Ukuboza 2022, Silvio Berlusconi yasangiye n’abakinnyi b’ikipe ye ubwo biteguraga iminsi mikuru, abasezeranya ko nibaramuka batsinze ikipe ya AC Milan cyangwa Inter Milan, azafata imodoka nini yuzuye indaya akayizana mu rwambariro umukino ukirangira n’igihembo cy’ibyo bazaba bamaze gukora.

Muri iyi nkuru yagarutsweho cyane n’ibinyamakuru bikomeye ku Isi nka DailyMail, The Guardian na The Mirror, Silvio Berlusconi yagize ati: “Umwaka utaha muzakina na AC Milan na Juventus nimugira ikipe mutsinda muri izi, nzazana imodoka yuzuye indaya mu rwambariro”.

Silvio Berlusconi yatangaje ko azaha abakinnyi be agahimbazamusyi k’abakobwa bicuruza

Monza iherutse kuzamuka mu cyiciro cya mbere bwa mbere muri shampiyona y’u Butariyani uyu mwaka, ubu ikaba iri ku mwanya wa 14 mu makipe 20.

Silvio Berlusconi wahoze ari Minisitiri w’Intebe w’u Butaliyani yahoze ari Perezida wa Ac Milan mu myaka isaga 30, mu 2018 akaba ari bwo yaguze ikipe ya Monza.

Monza izakina na Juventus na Inter Milan muri Mutarama umwaka utaha, naho ikipe na AC Milan muri Gashyantare umwaka utaha wa 2023.

Monza ni ikipe bwite ya Silvio Berlusconi yaguze nyuma yo kuva muri AC Milan

Ni ibirori byasize amateka maremare mu rukundo rw'aba bombi. Abatumiwe muri ibi birori byabaye kuri uyu wa 15 Ukuboza 2022, bari ku mubare kuko abicaraga mu ntebe zateguwe, bose babaga bafite ubutumire. Intebe zose zari ziteye ku murongo, ibintu wabonaga biryoheye ijisho.

Ubukwe bwabo bwanyuze abarimo abavandimwe ba Pamella bayobowe na Miss Naomie babana muri Mackenzie. Bwashimishije kandi ababwitabiriye barimo umuryango n'inshuti z’aba bombi.

Miss Nishimwe Naomie wari wabukereye, atambuka ari kumwe n'umukunzi we Michael, baciye amarenga yo gukurikiraho. Bahatambukanye umucyo bibera abandi urugero nk'uko amafoto n'amashusho ari gucicikana abigaragaza. Hari n’amakuru y’uko Miss Naomie ari we watahanye igifunguzo.

Usibye Naomie wabaye Miss Rwanda 2020 witabiriye ubu bukwe, bwitabiriwe kandi na Kathia Kamali, Brenda, Umukundwa n'abandi bafatanyije gushinga inzu ya Zoi ari nayo yagize uruhare mu kwambika benshi mu bitabiriye ibi birori. Mu baserukanye imyenda y’iyi nzu harimo Miss Naomie n'umukunzi we.

Ahabereye ubukwe uko hari hateguye

Tariki 9 Ugushingo ni bwo amakuru yamenyekanye ko Lol Pamla yambitswe impeta. Pamla abarizwa mu itsinda rya Mackenzies no muri Zoi nk’ubafasha gutekereza imyenda iri busohoke.

Tariki 8 Ukuboza 2022 ni bwo aba bombi basezeranye mu mategeko mu muhango witabiriwe n'inshuti n'abavandimwe b'uyu muryango.

Iri tsinda rya Mäckenzies mu busanzwe ryaramamaye cyane ku mbuga nkoranyambaga bitewe n'abakobwa batanu b'ubwiza bakunda kwifata amashusho bari kubyina indirimbo z'abahanzi batandukanye. 

Inseko, ubwiza, kujyanisha ibyo bakora n'ibyo bambara, bituma benshi bahora batera akajisho kuri Instagram ngo barebe ko nta gashya babafitiye mu bihe bitandukanye.

Pamella yasabwe aranakobwa

Abantu benshi bababona batyo, ntibazi umuto, umukuru cyangwa niba ari impanga, niba ari abavandimwe, cyangwa se ari ishyirahamwe ry'abakobwa beza. Ikizwi ni uko ari Mäckenzies.

Aba bakobwa ni bo bavuyemo Nyampinga w'u Rwanda 2020, Nishimwe Naomie. Ni itsinda ririmo Miss Naomie, abavandimwe be Brenda Kathia Kamali, Lol Pamla na nyirasenge wabo Kelly Madla.

Miss Naomie n’umukunzi we nibo batahiwe

Ibyishimo ni byose kuri Pamella

Kathia na Brenda babyinnye karahava

Pamella mu mukenyero

Ibyishimo byari byose kuri Pamella

Miss Naomie yanyuzwe biragaragara

Pamella ni uko yatanzwe

Imbere y’abantu berekanaga akanyamuneza

Ikanzu yari urwererane

Niyondora Vedaste Christian Vedaste [Vedaste N. Christian] yabuze mushiki we witabye Imana tariki 14 Ukuboza 2022. Mushiki we yazize indwara ya Cancer yari amaze igihe kinini yivuza mu bitaro bitandukanye ariko birangira yitabye Imana.

Inshuti y’umuryango w’uyu muhanzi, yabwiye InyaRwanda ko nyakwigendera yari atuye i Rusizi, akaba yari amaze igihe kinini arwaye. Gushyingura biraba kuri uyu wa Gatanu saa Yine za mu gitondo i Nyamirambo mu Mujyi wa Kigali.

Vedaste N. Christian yandikanye akababaro n’ishavu kuri WhatsApp mu gusezera ku muvandimwe we. Yafashe ifoto bari kumwe munsi yayo arandika ati “Sinabashije gutabara ubuzima bwawe umbabarire, ariko ndagukunda pe!” Yihanganishihje umubyeyi we, ati “Mukecuru,..wihangane umukobwa wawe tuzamusanga nubwo tutaramenya ari ryari”.

Vedaste N. Christian ni umuhanzi w’impano ikomeye mu muziki wa Gospel. Yamamaye mu ndirimbo “Uzi Gukunda” aririmbamo ko Imana ariyo yonyinze izi gukunda, “abandi turagerageza”. Aherutse gukora igitaramo gikomeye cyabereye muri Dove Hotel aho yari kumwe n’abarimo Simon Kabera, Alex Dusabe, Aime Frank na Papi Clever & Dorcas.

Vedaste N. Christian yabuze mushiki we