Webrwanda Backend

Blog

  • Urutonde ngarukakwezi rwa FIFA ukwezi k’Ukuboza 2022: Morocco yazamutse, u Rwanda ntampinduka – YEGOB #rwanda #RwOT

    Nyuma y'iminsi mike igikombe cy'isi cya 2022 cyegukanwe na Argentina, FIFA yasohoye urutonde rugaragaza uko ibihugu bikomeye mu mupira w'amaguru muri uku kwezi k'Ukuboza.

    Dore urutonde muri rusange:

    1. Brésil
    2. Argentine
    3. Ubufaransa
    4. Ububiligi
    5. Ubwongereza
    6. Ubuhorandi
    7. Croatia
    8. Ubutaliani
    9. Portugal
    10. Espagne

    Ni mu gihe ibihugu 10 biza imbere muri Africa ni:
    1. Maroc iza ku mwanya wa 11 ku isi
    2. Senegal ku mwanya wa 19 ku isi
    3. Tunisia ku mwanya wa 29 ku isi
    4. Cameroon ku mwanya wa 33 ku isi
    5. Nigeria ku mwanya wa 35 ku isi
    6. Egypt ku mwanya wa 39 ku isi
    7. Algeria ku mwanya wa 40 ku isi
    8. Mali ku mwanya wa 45 ku isi
    9. Côte d'Ivoire ku mwanya wa 47 ku isi
    10. Burkina Faso ku mwanya wa 50 ku isi

    Mu Karere ka Afurika:
    1. Uganda ku mwanya wa 89 ku isi, 18 muri Africa.
    2. Kenya ku mwanya wa 101 ku isi, 22 muri Africa.
    3. Tanzania ku mwanya wa 130 ku isi, 38 muri Africa.
    4. Rwanda ku mwanya wa 137 ku isi, 40 muri Africa.
    5. Burundi ku mwanya wa 141 ku isi, 42 muri Africa.

    Source : https://yegob.rw/urutonde-ngarukakwezi-rwa-fifa-ukwezi-kukuboza-2022-morocco-yazamutse-u-rwanda-ntampinduka/

  • Abafana ba APR FC bari mu bitaro nyuma yo gukubitwa bakanakomeretswa n’Abuzukuru ba Shitani #rwanda #RwOT

    Abafana babiri na APR FC bari mu bitaro nyuma yo gukubitwa ndetse bakanakomeretswa n’amayibobo z’i Rubavu zizwi nk’Abuzukuru ba Shitani.

    Byose byabaye nyuma y’umukino w’umunsi wa 15 wa shampiyona wo APR FC yanganyirijemo na Etincelles FC 1-1 i Rubavu kuri Stade Umuganda.

    Abakubiswe ni Prince wo muri Fan Club ya Warriors ndetse na Japhet wo muri Kicukiro Fan Club, aba bombi bakaba bahise bajyanwa ku bitaro bya Gisenyi bakaba barimo kwitabwaho.

    Bikiba benshi bavuze ko ari abafana ba Etincelles babakubise, ariko umwe mu bafana ba APR FC urwaje aba bafana, yabwiye ISIMBI ko bakubiswe n’Abuzukuru ba Shitani.

    Ati “umukino ubwo wari urangiye twari ku modoka turimo twinjira twenda gutaha, haje abafana ba Etincelles bari bivanze n’Abuzukuru ba Shitani, kumwe amadirishya aba afunguye banyujijemo akaboko bashikuza telefoni. “

    “Kuko bo bari batarinjira bahise bababwira ngo babafate ko bibye telefoni, barabirukankana barayibaka, hahise haza igihiriri cy’abantu benshi abo ngabo ngo ni Abuzukuru ba Shitani, batangira gutera amabuye, batera buri kimwe, buri wese ariruka akiza amagara ye, noneho Japhet bari bamwubarayeho bamuhondesha amabuye, undi yagiye agiye kumukiza maze na we bamutera amabuye baramukomeretsa.”

    Yakomeje avuga ko bitabaje polisi na yo ikavuga ko babananiye.

    Ati “twitabaje polisi ivuga ko na yo bayinaniye ngo ni Abuzukuru ba Shitani.”

    Ku kijyanye n’uko ari abafana ba Etincelles babikoze nk’uko byavuzwe, yagize ati “mvuze ngo barimo, harimo bake nakwita uduhirimbi. Nubwo bari bambaye imyenda ya Etincelles FC ntabwo nakwemeza ko ari abafana ba Etincelles, ni kwa kundi abantu aba ari ingengera bagatoragura umwenda wa Etincelles FC bakambara, ari umutuku n’umweru ntabwo nakwemeza ko ari abafana ba Etincelles.”

    Aba bafana bakubiswe bahise bajyanwa ku Bitaro bya Gisenyi aho bahise bahabwa ubuvuzi bw’ibanze, bakaba bari bategereje umuganga ngo yemeze niba bataha cyangwa barara mu bitaro bakananyuzwa mu cyuma.

    Prince yakomerekejwe cyane

    Japhet ni uku yagizwe

    Source : http://isimbi.rw/siporo/article/abafana-ba-apr-fc-bari-mu-bitaro-nyuma-yo-gukubitwa-bakanakomeretswa-n-abuzukuru-ba-shitani

  • APR FC yaguye miswi na Etincelles ifata umwanya wa 2 #rwanda #RwOT

    Igitego kimwe kuri kimwe ni ko umukino w’umunsi wa 15 wahuzaga APR FC na Etincelles i Rubavu kuri Stade Umuganda warangiye maze iyi kipe y’ingabo z’igihugu ifata umwanya wa 2 n’amanota 28 inganya na Rayon Sports ya 3.

    Ni umukino APR FC yagiye gukina benshi bayiha amahirwe yo kuwutsinda ni nyuma yo kwitwara neza mu mukino wari wabanje wa Rayon Sports batitsinze 1-0.

    Yaje kugira ibyago hakiri kare aho yatakaje kapiteni Manishimwe Djabel wagize ikibazo cy’imvune asimburwa na Ishimwe Anicet ku munota wa 15.

    APR FC itaremaga uburyo bwinshi, yaje gufungura amazamu ku munota wa 27 ku gitego cyatsinzwe na Bizimana Yannick kuri koruneri yari itewe na Niyibizi Ramadhan.

    Etincelles yagerageje gushaka uburyo yakwishyura iki gitego ariko abakinnyi barimo Ciza Hussein Mugabo, Sulaiman Mudeyi, Niyonkuru Sadjati na rutahizamu Moro bagorwa n’ubwugarizi bwa APR FC cyane ko n’amahirwe babonye 2 yakabafashije, Ciza Hussein umupira yawuteye hejuru y’izamu. Amakipe yagiye kuruhuka ari 1-0.

    Mu gice cya kabiri cy’umukino, APR FC iba yabonye igitego cya kabiri ku mupira wahinduwe imbere y’izamu na Omborenga Fitina ku munota wa 58 ariko abakinnyi ba APR FC barinanirwa.

    Nyuma y’uko wabonaga umupira urimo gukinirwa mu kibuga hagati cyane, Etincelles FC yaje gutungura APR FC iyishyura iki gitego ku munota wa 71 gitsinzwe Sumaila Moro n’umutwe, ni ku mupira wari uhinduwe na Rutayisire Amani.

    APR FC yagerageje gushaka uko ibona igitego cy’intsinzi mu minota yari isigaye ari na ko yakoze impinduka zitandukanye Fiston asimbura Niyibizi Ramadhan na Mugunga asimbura Bizimana Yannick ariko ntibyagira icyo bitanga umukino urangira ari 1-1.

    Kunganya uyu mukino bivuze ko APR FC yafashe umwanya wa 2 n’amanota 28 n’ibitego 8 izigamye mu gihe Rayon Sports banganya amanota izigamye 7.

    Gahunda y’umunsi wa 15

    Ku wa Gatatu tariki ya 21 Ukuboza 2022

    Sunrise FC 2-1 AS Kigali
    Musanze FC 1-2 Police FC
    Espoir FC 0-1 Gorilla FC
    Rwamagana City 2-1 Mukura VS
    Rutsiro FC 2-1 Bugesera FC

    Ku wa Kane tariki ya 23 Ukuboza 2022

    Etincelles 1-1 APR FC

    Ku wa Gatanu tariki ya 23 Ukuboza 2022

    Marines FC vs Kiyovu Sports
    Rayon Sports vs Gasogi United

    APR FC yaguye miswi na Etincelles FC

    Source : http://isimbi.rw/siporo/article/apr-fc-yaguye-miswi-na-etincelles-ifata-umwanya-wa-2

  • Breaking News: Cristiano Ronaldo agiye gusinya imyaka 7 muri Al Nassr izamugeza ku myaka 44 – YEGOB #rwanda #RwOT

    Rutahizamu Cristiano Ronaldo udafite ikipe muri iyi minsi agiye gusinya amasezerano y'imyaka igera kuri 7 mu ikipe ya Al Nassr yo muri Saudi Arabia.

    Kuri ubu Cristiano Ronaldo n'umuryango we bibereye I Dubai aho biri kuvugwa ko ashobora gusinyira amasezerano y'imyaka 7 mu ikipe ya Al Nassr.

    Cristiano Ronaldo a azasinya imyaka 7 muri Al Nassr. Yego ni imyaka 7 nkuko ikinyamakuru Daily Mail kibitangaza.

    Muri iyo myaka 7 azasinya muri iyi kipe, azayikinira imyaka ibiri n'igice gusa mu gihe indi isigaye azakora  nk'ambasadeli w'iyi kipe ku isi yose.

    Biteganyijwe ko Cristiano Ronaldo azajya afata miliyoni £175 ku mwaka, aya mafaranga kandi ashobora kuziyongera mu gihe uyu musore azaba yabaye ambasadeli.

    Source : https://yegob.rw/breaking-news-cristiano-ronaldo-agiye-gusinya-imyaka-7-muri-al-nassr-izamugeza-ku-myaka-44/

  • Bazirunge zange zibe isogo. UBufaransa bwanywanye n'abajenosideri ubuziraherezo. #rwanda #RwOT

    Mu gihe hari bamwe bibwiraga ko umubano hagati y'u Rwanda n'uBufaransa uri mu nzira yo kuzahuka, icyo gihugu cyo kitweretse ko kigifitanye umubano n'abajenosideri, nk'uko byahozeho mbere no mu gihe cya Jenoside yakorewe Abatutsi.

    Imvugo y'Umunyamabanga wa Leta y'uBufaransa ushinzwe Iterambere Mpuzamahanga, Chrysoula Zacharopoulou ushinja u Rwanda gufasha umutwe wa M23, ije yunganira ibinyoma byahimbwe na Leta ya Kongo, igamije guhuma amaso amahanga ngo atabona ubwicanyi bukorerwa Abatutsi b'Abanyekongo. Iragaragaza ko u Bufaransa bubogamiye ku bakora ubwo bwicanyi, aribo igisirikari cya Kongo, FARDC n'abajenosideri ba FDLR-FOCA.

    Biratangaje kubona umudipolomate wo ku rwego mpuzamahanga nka Madamu Zacharopoulou, ashinja ikindi gihugu nta kimenyetso na kimwe agendeyeho, uretse amarangamutima, n'urwango bisanganiwe ku Rwanda.

    Ni urukozasoni kubona Madamu Zacharopoulou yibanda gusa ku ntambara M23 irwana, akirengagiza icyatumye iyo ntambara ivuka, cyane ko nta gihe uwo mutwe utasobanuye ko mubyo urwanira harimo n'uburenganzira bw'Abanyekongo bavuga ikinyarwanda, bahohoterwa ku mugaragaro bashinjwa kuba Abanyarwanda.

    Nibyo iriya ntambara imaze kugwamo inzirakarengane nyinshi, ndetse hari n'abavuye mu byabo bariho nabi. Ariko se, niba atari wa mugambi basanganywe wo gushyigikira abajenosideri, wasobanura ute ukuntu Chrysoula Zacharopoulou yahururije gusa abahunga n'abagwa mu mirwano hagati ya M23 na FADRC/FDLR, ntagire ijambo na rimwe avuga ku bihumbi n'ibihumbi by'Abanyekongo bavuga ikinyarwanda, bagiye kumara imyaka isaga 26 mu nkambi zo mu Rwanda, muri Uganda no mu bindi bihugu byo muri aka karere?

    Tugarutse mu mateka, mu mwaka w'1994 ubwo RPF/Inkotanyi yatangizaga urugamba rwo kubohora u Rwanda, uBufaransa bwikirije ndetse bunakwiza imvugo yerekana ko 'u Rwanda rwatewe n' umwanzi w'umunyamahanga'. UBufaransa bwihutiye kohereza ibitwaro n'abasirikari bo gutabara Leta ya Habyarimana, ngo 'wari watewe na Uganda'!

    Ibi byo kwirengagiza ukuri, ni nabyo uBufaransa bwongeye gukora, bubeshya ngo Kongo yatewe n'uRwanda, nk'uko bwabeshye muw'1994 ngo u Rwanda rwatewe na Uganda. Icyo gihe ingabo za RPF/Inkotanyi ziswe abanyamahanga, nyamara Abafaransa batayobewe ko ari Abanyarwanda baharanira uburenganzira bwabo, nk'uko uyu munsi Abanyekongo bavuga ikinyarwanda bitwa Abanyamahanga, hirengagijwe ko bakwiye uburenganzira nk'ubw'abandi Banyekongo.

    Mu gihe Jenoside yakorewe Abatutsi yategurwaga, uBufaransa bwatanze inkunga yo gutoza no guha intwaro Interahamwe/mpuzamugambi, ari nazo zifashishijwe ngo umugambi wa jenoside ushyirwe mu bikorwa kandi wihute. Ibi byanashimangiwe mu cyegeranyo cyiswe icya 'Duclert', cyagaragaje mu buryo budasubirwaho uko Leta y'uBufaransa yagize uruhare muri Jenoside yakorewe Abatutsi.

    Mu gihe Jenoside yakorewe Abatutsi yari irimbanyije, uBufaransa bwohereje mu Rwanda abasirikari, mu cyiswe'Opération Turquoise', babyesha ko ari igikorwa cyo gutabara abicwaga muri jenoside. Byahe byo kajya ko ahubwo yari amayeri yo gufasha Leta y'abicanyi kurangiza umugambi wabo mutindi, no kuyikingira ikibaba ngo ibashe guhungira muri zayire y'icyo gihe, dore ko yari iri mu marembera kubera ikibatsi cy'ingabo za FPR/Inkotanyi. Ibi byemejwe n'abatangabuhamya barimo n'abasirikari baje muri iyo operasiyo, nka Guillaume Ancel, wari ufite ipeti rya ofisiye muzi izo ngabo.

    Aho Leta yakoze Jenoside, igisirikari cyayo n'interahamwe bagereye mu nkambi zo muri Zayire ariyo Kongo ya none, uBufaransa bwakomeje kubaha intwaro n'imyitozo ngo bazongere bigarurire uRwanda, bityo batsembe n'abatutsi bake bari bacitse ku icumu. Kubera ubushishozi n'ubushobozi bw'ingabo zari zimaze guhagarika Jenoside yakorewe Abatutsi, umugambi w'Abafaransa n'abafatanyabikorwa babo wakomwe mu nkokora, inkambi zakorerwagamo imyitozo zirasenywa, impunzi zitaha mu Rwanda.

    Twibutse ko uBufaransa ari kimwe mu bihugu bigicumbikiye abajenosideri benshi. Mu rwego rwo kwiyerurutse ababarirwa ku kitwe y'intoki nibo bamaze kuburanishwa, ariko wanashishoza ugasanga abashyikirijwe inkiko ari abatari bafite agaciro gahambaye ku butegetsi bwa Habyarima. Abari ibikomerezwa baridegembya, nka Kanziga Agatha wari umugore wa Hayarimana Yuvenali, Col Laurent Serubuga wabaye umugaba mukuru w'ingabo za Kinani, Gen Ntiwiragabo watahuwe yihishahisha mu nkengero za Paris, Padiri Wenceslas Munyeshyaka wishe abantu muri Sainte Famille, n'abandi benshi.

    Benshi mu Banyarwanda bari mu nkambi zo muri zayire bamaze gutaha, abasigayeyo biganjemo abajenosideri nibo baremye imitwe yitwaje intwaro, yavuyemo FDLR tuzi uyu munsi. Iyo mitwe niyo yakwije muri Kongo ingengabitekerezo ya jenoside, Abatutsi baho baricwa, abarokotse bahungira mu Rwanda no mu bihugu duturanye, nk'uko twabisobanuye haruguru.

    Abazi neza umutwe wa M23 bahamya ko abarwanyi bawo biganjemo abakomoka kuri abo babyeyi bamaze imyaka itabarika mu nkambi zo mu bihugu byose byo muri aka karere. Bavuga ko barwanira kubaho, bagahabwa agaciro nk'abandi Banyekongo. Ibyo uBufaransa ntibushaka kubyumva, kuko nyine buri inyuma y'abahonyora ubwo burenganzira bw'Abanyekongo bavuga ikinyarwanda.

    u Rwanda rurashinjwa gushyigikira umutwe wa M23, ikimenyetso rukumbi abarushinja bagenderaho, ngo akaba ari uko uwo mutwe ufite imbaraga, ubuhanga n' ubutwari nk'ubw'ingabo z'u Rwanda. Icyo birengagiza ariko, ni uko umuntu wese ufite icyo arwanira arangwa n'umuhate wo kugera ku ntego.

    Kuba rero hari ibihugu byatunga agatoki u Rwanda, birimo n'uBufaransa, abasesengura ibya politiki mpuzamahanga barabinonamo isano n'amateka yaranze umubano wabyo n'uRwanda, ariko cyane cyane bakabisangamo inyungu za politiki n'ubukungu. Umutungo kamere wa Kongo ibyo bihugu birawurarikiye bikomeye, cyane cyane muri iki gihe muri Afrika, inyungu z'ibihugu byo mu burengerazuba bw'isi zibangamiwe bikoye n'iz'ibihugu byo muri Aziya.

    Imyifatire mibi y'uBufaransa muri Afrika niyo itumye ubu icyo gihugu kirebwa nabi cyane kuri uyu mugabane. Ubu muri za Alijeriya, Mali, Burkina Faso, Santarafrika, n'ahandi uBufaransa bwahoze buvuga rikijya, baravumira Abafaransa ku gahera. Inyungu zabwo zasimbuwe n'iz'Ubushinwa n'Uburusiya. Ngiyo impamvu rero besnhi barimo guhakwa kuri Kongo, bashinja uRwanda ibinyoma bitagira epfo na ruguru

    Icyo batazi cyangwa birengagiza ariko, ni uko uRwanda rutagikangwa na politiki za mpatsibihugu. Rwatewe imijugujugu itabarika, rushorwa mu ntambara zaba iz'amasasu n'iz'amagambo, kandi ibyo byose rwabisohotsemo gitwari, kuko Abanyarwanda bamenye kurwanira agaciro kabo.

    Icyo Rushyashya yisabira Leta y'u Rwanda, ni ugutumira Ambasaderi w'uBufaransa mu Rwanda, agasobanura impamvu igihugu gihoza u Rwanda ku nkeke.

     

     

    The post Bazirunge zange zibe isogo. UBufaransa bwanywanye n'abajenosideri ubuziraherezo. appeared first on RUSHYASHYA.

    Source : https://rushyashya.net/bazirunge-zange-zibe-isogo-ubufaransa-bwanywanye-nabajenosideri-ubuziraherezo/?utm_source=rss&utm_medium=rss&utm_campaign=bazirunge-zange-zibe-isogo-ubufaransa-bwanywanye-nabajenosideri-ubuziraherezo

  • Uwari Umusirikare mukuru muri FDLR yahishuye ko arimo umwenda w’inkoni 100 mu rubanza rurimo uwarindaga Habyarimana #rwanda #RwOT

    Ubwo basozaga kwisobanura ku wa Gatatu tariki 21 Ukuboza 2022 ku byaha baregwa mu rugereko rwihariye rw’urukiko rukuru rukorera i Nyanza ,Emmanuel Habimana uza mu rukiko acumbagira nawe wari Lt Col muri FDLR yavuze yatwawe n’abacengezi nyuma yo kwica abantu be 17 kandi ko iyo atemera yagombaga kwicwa.

    Asobanura iby’umwenda w’inkoni 100 arimo , byabaye nyuma y’uko FDLR imenye ko yohereje umugore n’abana be mu Rwanda aho yahawe igihano gikomeye cyo gukubitwa inkoni 300 agakubitwamo 200 mu magambo ye ati '’ubu ndacyabafitiye umwenda w’izindi nkoni 100”.

    Undi wireguye ni Mpakaniye Emelien uturuka mu Karere ka Karongi wari ufite ipeti rya Lt Col muri FDLR , yavuze ko mu 1998 yari umuvugabutumwa mu itorero rya ADEPR.

    Yabwiye urukiko ko mu ntambara y’abacengezi yafashwe hamwe n’abandi basore bajyanwa ku ngufu muri FDLR aho yaje gushingwa imirimo itandukanye irimo no kurinda abasivili n’abari abayobozi babo. Yavuze ko yanashinzwe kandi guhuza ibikorwa bya gisivili n’ibyagisirikare muri uyu mutwe.

    Yakomeza avuga ko mu mwaka wa 2014 yaje kugira uburwayi bukomeye maze ahindurirwa imirimo kugirango ajye abona uko yivuza, kandi ko muri 2018 yasezeye muri FDLR kubera ubwo burwayi yasobanuye ko bwamuteye ubuhumyi akaba atakibasha gusoma aho yasomerwaga n’umwunganira mu mategeko.Yakomeje asobanura yoherejwe mu Rwanda nyuma yo gufahswe mu 2019 ati ‘‘Ubuzima bwanjye bwari bugoye n’ubwo ngubwo”.

    Aba bahoze muri FDLR Ubushinjacyaha bubarega ibyaha bitatu bifitanye isano n’iterabwoba .

    Bose uko ari 6 baburanishwa n’uru rukiko bamaze kwisobanura ku byaha 3 bashinjwa bifitanye isano n’iterabwoba ku bw’ibitero umutwe wa FDLR wagiye ugaba ku Rwanda mu bihe bitandukanye.

    Ni itsinda riyobowe na Generali Leopold Mujyambere bita 'Musenyeri’ wahoze arinda uwari Prezida Habyarimana.

    Urubanza rwabo rurakomeza kuri uyu wa Kane tariki 22 Ukuboza 2022.

    General Leopold Mujyambere ( i buryo) bita 'Musenyeri’ wahoze arinda uwari Prezida Juvenal Habyarimana niwe witirirwa iryo tsinda ry’abantu batandatu

    Source : https://www.ukwezi.rw/Mu-rwanda/Amakuru-anyuranye/article/Uwari-Umusirikare-mukuru-muri-FDLR-yahishuye-ko-arimo-umwenda-w-inkoni-100-mu-rubanza-rurimo-uwarindaga-Habyarimana

  • AS Kigali yasoje imikino ibanza itakaza, Okoko Godfroid utoza Rutsiro FC abona amanota 3 ye ya mbere nk'umutoza mukuru #rwanda #RwOT

    Umunsi wa 15 wa shampiyona y'u Rwanda wakinwe ugereye kuri uyu wa gatatu tariki ya 21 Ukuboza 2022, ni imikino yaranzwe no gutakaza kwa AS Kigali ndetse n'ikipe ya Bugesea FC.

    Ikipe ya Sunrise FC yo mu karere ka Nyagatare yaraye itsinze ikipe ya AS Kigali ibitego 2-1, Yafesi Mubiru na Babua Samson nibo batsindiye iyi kipe ya Sunrise naho kuri AS Kigali yo itsindirwa na Tuyisenge Jeacques wuzuzaga ibitego 2 muri shampiyona y'u Rwanda.

    Mu wundi mukino wabereye i Ngoma, ikipe ya Rwamagana City yaraye itsinzwe na Mukura ibitego 2-1, kuri Mukura yatsindiwe na Robert Mukogotya watsinze ibitego bibiri wenyine naho kuri Rwamagana itsindirwa na Benson Muhindo.

    I Rubavu ikipe ya Rutsiro itozwa na Okoko Godfroid yatsinze ikipe ya Bugesera FC, ni umukino warangiye Rutsiro ibonye intsinzi y'ibitego 2-1.

    Mu wundi mukino wabereye kuri Sitade Ubworoherane, Musanze FC yanganyije na Police FC igitego kimwe kuri kimwe, kuri Musaze yatsindiwe na Nshimirimana Amran naho kuri Police itsindirwa na Usengimana Dany.

    Nyuma yaho ikipe ya Espoir FC yahagarikiye umutoza wayo Bisengimana Justin, yaraye itsinzwe na Gorilla FC igitego kimwe ku busa cyatsinzwe na Nshimiyimana Tharcisse.

    Shampiyona y'u Rwanda ku munsi wayo wa 15 irakomeza kuri uyu wa kane aho Etincelles FC yakira APR FC kuri Sitade Umuganda mu karere ka Rubavu.

    Kuri uyu wa gatanu, Marines FC irakira Kiyovu Sports naho Rayon Sports nayo izakina na Gasogi United kuri Sitade ya Kigali i Nyamirambo.

    The post AS Kigali yasoje imikino ibanza itakaza, Okoko Godfroid utoza Rutsiro FC abona amanota 3 ye ya mbere nk'umutoza mukuru appeared first on RUSHYASHYA.

    Source : https://rushyashya.net/as-kigali-yasoje-imikino-ibanza-itakaza-okoko-godfroid-utoza-rutsiro-fc-abona-amanota-3-ye-ya-mbere-nkumutoza-mukuru/?utm_source=rss&utm_medium=rss&utm_campaign=as-kigali-yasoje-imikino-ibanza-itakaza-okoko-godfroid-utoza-rutsiro-fc-abona-amanota-3-ye-ya-mbere-nkumutoza-mukuru

  • Minisitiri muto muri Guverinoma y’u Rwanda yasezeranye n’umukunzi we #rwanda #RwOT

    Dr Butera , umuto muri Guverinoma y’u Rwanda ,Tariki 30 Ugushyingo 2022, nibwo yarahiriye yarahiriye inshingano z’Umunyamabanga wa Leta muri Minisiteri y’Ubuzima.
    Uyu muhango wo gusezerana imbere y’amategeko hagati ya Dr Yvan Butera na Diana Kamili, wabereye mu Biro by’Umujyi wa Kigali, uyoborwa n’Umunyamabanga Nshingwabikorwa w’Umurenge wa Nyarugenge.

    Dr Yvan Butera afite imyaka 32 gusa, ubwo yari amaze kurahirira izi nshingano, umukunzi we Diana Kamili ubu wamaze kuba umugore we mu buryo bw’amategeko, yamugaragarije urwo amukunda ndetse amwifuriza ishya n’ihirwe.

    Diana Kamili wifashishije ifoto ya Dr Butera ubwo yarahiraga, yagize ati 'Birenze kuba untera ishema Dr Yvan Butera.' Arangije ashyiraho akarangabyiyumvira k’umutima gasobanura urukundo.

    Biteganyijwe ko indi mihango yo gushyingiranwa hagati ya Dr Butera na Diana Kamili izaba mu minsi micye iri imbere.

    Dr Butera na Diana Kamili basezeranye imbere y’Amategeko

    Source : http://www.ukwezi.rw/Mu-rwanda/Amakuru-anyuranye/article/Minisitiri-muto-muri-Guverinoma-y-u-Rwanda-yasezeranye-n-umukunzi-we

  • Biteye ubwoba: Kayonza umugabo w’umuganga yasanzwe mu nzu yapfuye urupfu rw’amayobera – YEGOB #rwanda #RwOT

    Umugabo w'umuganga wasanzwe yapfiriye mu nzu urupfu rwe rukabanza kuba amayobera kuri ubu harakekwa icyamwishe.

    Umuganga witwaga Uwimana Valens w'imyaka 36 wakoraga ku kigo nderabuzima cya Karama mu Karere ka Kayonza, yasanzwe mu nzu yabagamo yapfuye, biteza urujijo kuko ku munsi wabanje yari yakoze, nta kibazo afite.

    Urupfu rw'uyu muganga rwamenyekanye mu gitondo cyo kuri uyu wa Gatatu tariki ya 21 Ukuboza 2022.

    Amakuru avuga ko abaganga bakorana bamubuze, bitabaza ubuyobozi bujya aho yararaga, bwica urugi maze bumusangamo aryamye, yapfuye, Gusa biravugwa ko uyu musore yari asanzwe afite indwara y'igicuri, ari nayo bikekwa ko yamwishe.

    Kuri ubu umurambo wa nyakwigendera wajyanywe mu bitaro bya Rwinkwavu kugira ngo ukorerwe isuzuma, mbere yo kumushyingura.

    Source : https://yegob.rw/biteye-ubwoba-kayonza-umugabo-wumuganga-yasanzwe-mu-nzu-yapfuye-urupfu-rwamayobera/

  • Amayobera ku rupfu rw’umuganga w’i Kayonza wasanzwe iwe yapfuye #rwanda #RwOT

    Urupfu rw’uyu muganga rwamenyekanye mu gitondo cyo kuri uyu wa Gatatu tariki ya 21 Ukuboza 2022.

    Amakuru avuga ko abaganga bakorana bamubuze, bitabaza ubuyobozi bujya aho yararaga, bwica urugi maze bumusangamo aryamye, yapfuye.

    Umunyamabanga Nshingwabikorwa w’Umurenge wa Murama, Mutuyimana Pauline, yavuze ko abo bakorana babanje gukeka ko umunaniro wamuhejeje mu rugo, bakomeje kumubura bajya kumureba.

    Ati “Bahageze rero barahengereza babona aryamye ashinze umutwe ku buriri, nuko bamena urugi, barebye basanga yashizemo umwuka.”

    Mutuyimana yavuze ko uyu musore yari asanzwe afite indwara y’igicuri, ari nayo bikekwa ko yamwishe.

    Gusa ngo bahamagaye RIB n’abaganga bajya kumusuzuma kugira ngo hamenyekane icyamwishe.

    Kuri ubu umurambo wa nyakwigendera wajyanywe mu bitaro bya Rwinkwavu kugira ngo ukorerwe isuzuma, mbere yo kumushyingura.

    Igihe

    Source : http://www.ukwezi.rw/Mu-rwanda/Amakuru-anyuranye/article/Amayobera-ku-rupfu-rw-umuganga-w-i-Kayonza-wasanzwe-iwe-yapfuye