Blog

Ubuyobozi bw’umujyi wa Kigali kuri uyu wa Kane tariki ya 29 Ukuboza 2022, bwashyize ahagaragara itangazo ryashyizweho umukono n’umuyobozi wawo Pudence Rubingisa, wamenyesheje  abatuye umurwa mukuru w’Igihugu ko mu ijoro ryo kuwa 31 Ukuboza 2022 rishyira Tariki 1 Mutarama 2023 hazaturitswa  urufaya rw’ ibishashi by’urumuri bizwi (Fireworks).

Ibi bishashi  by’urumuri (Fireworks) bizaturitswa mu rwego rwo kwishimira gusoza umwaka wa 2022, ndetse no gutangira mu mwaka mushya wa 2023.

Ubuyobozi bw’umujyi bwasabye abaturage bawutuye kutazikanga cyangwa ngo bakangarane, kubera ituritswa ry’ibyo bishashi by’umuriro ( Fireworks)

Meya Rubingisa yamenyesheje abaturage batuye umujyi wa Kigali ko urufaya rw’ibishashi by’imiriro bizaturitswa saa sita z’ijoro zishyira Tariki ya 1 Mutarama 2023. Ibyo ibishashi bizaturikirizwa mu duce dutandukanye harimo kuri Kigali Convention Centre, BK Arena, Stade ya Kigali i Nyamirambo, ku musozi wa Bumbogo na Hotel des Mille Collines.

 

Icyakora, hari amakuru ko yaba yeguye nyuma yo gufatwa atwaye imodoka, abapolisi bamupima bagasanga yanyoye inzoga.

Kamanzi abaye Umudepite wa Gatatu weguye ku nshingano ze mu gihe kitageze ku mezi abiri, ku mpamvu byavuzwe ko zifitanye isano n’inzoga.

Nyuma yo kwegura, uyu mudepite ntabwo ashobora gusimbuzwa kubera ko kuri mande ye hasigaye igihe kitagera ku mwaka.

Mbere yo kuba umudepite muri Nzeri 2018, Kamanzi kuva mu 2017- 2018 yari Umuyobozi w’Inama y’Igihugu y’Urubyiruko mu Ntara y’Amajyepfo, n’umwe mu bagize Inama Njyanama y’Akarere ka Kamonyi.

Ni ibikorwa biri gukorwa ku manywa y’ihangu n’aba 'Cadres' b’umutwe w’iterabwoba wa FDLR bafatanyije n’igisirikare cya Repubulika ya Demokarasi ya Congo.

Abari kwinjizwa muri FDLR biganjemo urubyiruko rw’impunzi zituye mu Mujyi wa Goma ndetse no mu duce two muri Teritwari ya Masisi.

Bari kwizezwa ko igihe kigeze ngo batahe mu gihugu cyabo kandi bafite ubufasha bw’igisirikare cya RD Congo.

Amakuru avuga ko ibyiciro bitatu bimaze kujyanwa mu myitozo, igiherutse cyahagurutse i Goma ku wa 27 Ukuboza 2022.

Yagize ati 'FDLR ifite aba cadres bayo bakorana n’impunzi, birirwa bandika insoresore z’impunzi z’abanyarwanda, ubu hamaze kujyanwa ibyiciro bitatu.'

Akomeza avuga 'Abahutu bo muri Goma na Masisi bari gutanga inkunga ndetse no kohereza abana babo mu barwanyi.'

Imikoranire ya hafi ya FDLR n’ingabo za Leta ya Congo yagurutsweho n’abarwanyi b’umutwe wa FDLR bafashwe n’umutwe wa M23 bashimangiye ko barimo gukorana na FARDC.

Ni ibirego u Rwanda rwakomeje kugaragaza, nyamara RDC ikabihakana yigiza nkana ariko FDLR ntiyahwemye guhamya ubu bufatanye, bwafashe indi ntera nyuma yo kubura imirwano kwa M23.

Ku wa 4 Ukuboza 2022 Perezida Félix Tshisekedi, yatangaje ko Perezida Kagame ari umwanzi wa Congo ndetse ko bikenewe ko Congo-Kinshasa ifasha 'Abanyarwanda' bakikiza ubuyobozi bwa Perezida Kagame.

Kuva FDLR yagera muri RDC nyuma yo gukora Jenoside yakorewe Abatutsi 1994, uyu mutwe wakomeje gukwirakwiza ingengabitekerezo ya Jenoside, ku buryo watije umurindi ubwicanyi muri icyo gihugu.

Kugeza ubu hari ubwoba ko muri RDC harimo gutegurwa ndetse no gushyirwa mu bikorwa umugambi wa Jenoside buhoro buhoro, wibasira Abanye-Congo b’Abatutsi.

Ivomo:Umuseke

Ni urubanza rwatangiye ku buranishwa kuri uyu wa Gatatu, tariki 28 Ukuboza 2022, mu Kagari ka Gaseke, Umurenge Mutete mu Karere ka Gicumbi, aho abaturage bari bitabiriye iri buranisha babanje gusobanurirwa uko bagomba kwitwara harimo no kwirinda amarangamutima igihe cy’iburanisha.

Ku saa 11:24 a.m nibwo iburanisha ryatangiye, ubushinjacyaha buhabwa umwanya busobanura ibyaha Cpl Turikumwe aregwa, maze Me Maj Rugamba Jaques umushinjacyaha mu Rukiko rwa Gisirikare avuga ko aregwa ibyaha byo gutoroka igisirikare no kwica umuntu biturutse ku bushake, agaragaza ko uyu musirikare yagiye aregwa imyitwarire mibi mu bihe bitandukanye mbere y’uko yica umuntu

Ahagaragajwe ko muri Nyakanga 2022, Cpl Turikumwe yagiye kunywera inzoga Nyagatoma mu Murenge wa Rutare mu Karere ka Gicumbi, agasinda akahakorera urugomo, ibi kandi byabereye no muri Bumbogo mu Karere ka Gasabo, ibintu yakoze yatorotse igisirikare.

Icyaha cyo kwica umuntu biturutse ku bushake, Ubushinjacyaha bwasobanuye ko kuwa 14 Ugushyingo 2022 ahagana saa 10:00 p.m, aribwo Cpl Turikumwe yagiye mu kabari ka Uwiragiye Clementine uzwi nka Mahirwe ari kumwe n’undi muntu baka inzoga, umukobwa wazitangaga abanza kwanga kubera ko yababonagamo ko bagasomyeho, gusa yaje kubaha inzoga za Skol na Virunga ariko igihe cyo kwishyura birananirana.

Nibwo nyiri akabari Uwiragiye yasabye uyu musirikare ko yamwishyura amafaranga y’u Rwanda 6,900 Frw, gusa umubare ntibawemeranyije aribwo bahise baterana amagambo, kugeza naho abasangiraga nuwo musirikare harimo umugabo witwa Gahinda yamusabye gutanga umutuzo ariko undi abitera utwatsi avuga ko batamurusha amafaranga.

Ahagana saa saba z’ijoro abasangiraga na Cpl Turikumwe basabye nyir’ akabari gufunga, gusa uyu musirikare yaje kubiyaka atera ingumi mu kirahure cy’urugi kirameneka maze afata igice kimwe akinyuza mu rugi kiragenda gifata Uwiragiye Clemantine mu muhogo, bihutira kumujyana kwa muganga ariko birangira apfuye.

Ubushinjacyaha bukaba bwasobanuriye umucamanza ko ntakabuza kuba Cpl Turikumwe yishe umuntu ku bushake kuko ingabo za RDF hari imyitozo zihabwa igamije guhangana n’umwanzi harimo gukoresha imbunda, kwicisha umuntu umugozi, icyuma, ibuye no kwigishwa kuboneza mu cyico, aha rero akaba yarifashishije bumwe muri ubu buryo yatojwe yica umuturage yakabaye arinda.

Ahawe umwanya wo kugira icyo avuga ku byaha aregwa, Cpl Turikumwe yemeye icyaha cyo gutoroka igisirikare ndetse anagisabira imbabazi avuga ko yabitewe n’umuntu wari wamubwiye ko yamuhuza na nyina kuko yarerewe kwa nyirakuru kandi imyaka ye yose akaba atari yagaca iryera nyina.

Gusa iby’urugomo aregwa byo yabihakanye kuko ngo Bumbogo ubushinjacyaha buvuga kuva yavuka atarahagera, naho kuba yarishe umuntu ku bushake yagaragaje ko atabigambiriye ahubwo byatewe n’inzoga yari yanyoye.

Kuba yarasohowe ariko akagaruka ku ngufu yavuze ko yari aje kwaka uyu mugore telefone ye bakoreshaga bumva umuziki, aribwo yakubise urugi ikirahure kigasanga Mahirwe kikamukomeretsa ku muhogo, avuga ko atari bubigambirire kandi itara ritarakaga.

Cpl Turikumwe yagaragaje ko nawe yatewe ikibazo n’urupfu rwa nyakwigendera kuko batari basanzwe baziranye byatuma hari icyo baba bapfa.

Me Niyotwagira Camille wunganira uyu musirikare yagaragarije Urukiko ko ibivugwa n’Ubushinjacyaha nta shingiro bifite kuko ibyabaye ari impanuka ndetse asaba ko icyaha cyahindurirwa inyito cyikitwa icyaha cyo kwica bidaturutse ku bushake.

Ni mu gihe ubushinjacyaha bwo bwagaragaje ko igikoresho cyishe Mahirwe uyu musirikare yakoresheje ari ubuhanga afite mu kwica umuntu, umwe mu batangabuhamya bumviswe yavuze ko ku byo yabonye byarabaye nk’impanuka.

Ubushinjacyaha bukaba bwasabiye Cpl Turikumwe igifungo cy’umwaka ku cyaha cyo gutoroka igisirikare, naho icyaha cyo kwica umuntu biturutse ku bushake asabirwa igifungo cya burundu.

Uwunganira uyu musirikare yasabye Inteko iburanisha koroshya inyito y’ibyaha agahanishwa umwaka umwe w’igifungo, ndetse icyaha cyo gutoroka igisirikare agahanishwa umwaka umwe w’igifungo usubitswe.

Abaregera indishyi bunganirwa na Me Augustin Nzabaramye basabye ko Cpl Turikumwe yatanga indishyi za miliyoni 10 Frw zizifashishwa zirera umwana wa nyakwigendera, impozamarira ya miliyoni ebyiri z’amafaranga kuri buri mubyeyi wa nyankwigendera, ndetse akanatanga miliyoni kuri buri muvandimwe uvukana na nyakwigendera. Abunganira , Cpl Turikumwe basabye urukiko kuzabisuzuma bakabyoroshya.

Kuwa 6 Mutarama 2023, nibwo uru rubanza ruzasomwa mu ruhame ku saa saba i Gaseke mu Karere ka Gicumbi

Ivomo:Umuseke

Uruhande rw’u Rwanda ntacyo ruravuga ku byabaye, gusa no mu kwezi gushize u Rwanda rwamenyesheje amahanga ko indege ya gisirikare ya Congo yavogereye ikirere cyarwo.

Abanyamakuru bakorera i Rubavu bavuze ko iriya ndege yanyuze mu kirere cy’u Rwanda, abasirikare barwanira mu Mazi, Marine barasa amasasu (bishoboka ko ari ugutanga gasopo).

Hari umwe mu bantu bibonye ku ruhande rwo muri Congo, avuga ko indege yari ivuye kurasa ku mutwe wa M23 inyura mu Rwanda, abasirikare bayirasaho, isubira aho yari ivuye.

Umunyamakuru Daniel Michombero ukorera mu burasirazuba bwa Congo, yavuze ko indege y’intambara ya Congo, yagaragaye mu kirere cy’i Goma, ahagana saa 10h 46 a.m.

#RDC🇨🇩 : 10h 46, les avions de chasse de la RDC vus dans les airs en ville de #Goma. pic.twitter.com/uXUWLoxI3e

— Daniel Michombero (@michombero) December 28, 2022

Igisirikare cya Repubulika ya Demukarasi ya Congo (RDC) mu gihe cyashize cyagaragaje indege zo mu bwoko bwa Sukhoi-25 zakorewe mu Burusiya, kivuga ko zifashishwa mu bikorwa bya gisirikare ku mutwe wa M23.

Undi muntu wari i Goma yavuze ko yumvise ibisasu by’amabombe byavuze nyuma y’uko iriya ndege y’intambara yari yinjiye mu Rwanda.