Blog

Yifashishije imbuga nkoranyambaga ze, uyu muhanzikazi uzwi mu ndirimbo zirimo 'Tabita' aherutse gushyira ahagaragara, yavuze ko ku wa 21 Mutarama 2023 yagize ibihe byiza ubwo yataramanaga n'Abanyarwanda n'abandi batuye muri uyu Mujyi.

Yaririmbye muri iki gitaramo 'An evening with Clarisse Karasira' cyabereye ahitwa Mayo Street Arts, ku wa 21 Mutarama 2023 acurangiwe n'umucuranzi wa piano, Mesa Schubeck.

Mbere y'umunsi w'igitaramo, uyu muhanzikazi yari yavuze ko amatike y’igitaramo yashize, ashima Imana. Ati 'Bakundwa, amatike yose yo muri concert (igitaramo) yanjye kuri Mayo Street Art yaguzwe yose yashize. Imana ni nziza.”

Ubuyobozi bwa Mayo Street aho Clarisse Karasira yakoreye iki gitaramo, bwashimye buri wese witabiriye iki gitaramo yakoze afatanyije na Mesa.

Bwashishikarije buri wese gukomeza gushyigikira urugendo rw'umuziki wa Clarisse Karasira, kandi ko muri uyu mwaka uyu muhanzikanzi azashyira hanze album ye nshya. Bati 'Mukomeze gukurikirana ibikorwa bya Clarisse mu gihe yitegura gusohora album nshya, muri uyu mwaka.'

Umugabo wa Clarisse Karasira, Ifashabayo Sylvain Dejoie yanditse avuga ko umugore we yatanze ibyishimo bisendereye ku batuye muri Leta ya Maine. Yavuze ko bimunyuze 'kubona umugore wanjye' akora icyo Imana yamuhamagariye.

Kuri Mayo Street Art aho Clarisse yakoreye igitaramo hasanzwe habera ibirori biririmbamo abahanzi Mpuzamahanga cyangwa abahanzi babarizwa muri iyi Leta iherereye mu Majyaruguru ashyira Uburasirazuba bwa Amerika.

Clarisse azwi mu ndirimbo nka 'Giraneza', 'Ntizagushuke,' 'Twapfaga Iki,' 'Ubuto,' 'Kabeho,' 'Rutaremara,' 'Imitamenwa,' 'Ubuntu' n'izindi zitandukanye.

Uyu muhanzi afite abarenga miliyoni 30 bakurikiranye ibihangano bye ku rubuga rwa Youtube. Yizera ko azaba ikitegererezo kuri benshi mu gihe kizaza binyuze mu bihangano bye byitsa ku mahoro, kwita ku bandi n’ubumuntu.

Clarisse yatangiye kumenyekana kuva mu mwaka wa 2018, ubwo yashyiraga hanze indirimbo ye yise ‘Gira Neza’.

Kuva yakwimukira muri Leta ya Maine, yaririmbye mu bitaramo birimo icyo gushakira inkunga abahunga intambara ihuje Ukraire n'u Burusiya.

Kandi, yakomeje kugira uruhare mu mibereho ya sosiyete binyuze mu bihangano bye agenda ashyira hanze.

Uyu muhanzikazi yifuza Isi irangwa n’iyubahirizwa ry’uburenganzira bwa muntu, irimo amahoro arambye no kwishyira ukizana kwa muntu. 

Clarisse Karasira yakoreye igitaramo kuri Mayo Street Arts, ahasanzwe habera ibirori bikomeye muri Leta ya Maine 

Clarisse yari aherekejwe n’umucuranzi wa Piano, Mesa Schubeck 

Karasira yavuze ko yifashishije uru rubuga mu kumenyekanisha umuziki w’u Rwanda

Abanyarwanda n’abandi batuye muri uyu Mujyi bitabiriye iki gitaramo uyu muhanzikazi yakoreye muri Maine

REBA HANO AMASHUSHO Y’INDIRIMBO ‘MAMA TABITA’ YA CLARISSE KARASIRA

“>

Niyonshuti Adrien wamamaye mu mukino w’amagare mu Rwanda, ni we munyarwanda uri muri La Tropicale Amissa Bongo atari kumwe n’ikipe y’u Rwanda, ahubwo ayoboye ikipe y’igihugu ya Benin yamwizeye ikamugira umutoza mukuru.

Mu ntangiriro z’icyumweru gishize nibwo ibinyamakuru by’ i Cotonou muri Benin byemeje ko Umunyarwanda Adrien Niyonshuti yahawe amasezerano y’umwaka umwe nk’umutoza mukuru w’ikipe y’igihugu ya Benin isanzwe itazwiho byinshi mu mukino w’amagare.

Adrien mu mwenda w’ikipe ya Benin

Ishyirahamwe ry’umukino w’amagare muri Benin ryateguranye imishinga na Adrien Niyonshuti usanzwe abarizwa mu Butaliyani, yemera kuza muri America ngo afashe abanya-Benin gutera intambwe ijya imbere mu mukino w’amagare ndetse na we yubake izina mu butoza.

Ku ikubitiro, Adrien yajyanye n’abasore batanu b’ikipe ya Benin mu mihanda yo muri Gabon, aho bagiye kugerageza gushaka imidari muri irushanwa mpuzamahanga rya La Tropicale Amissa Bongo 2023 ryatangiye kuri uyu wa mbere rikazasoza ku ya 29 Mutarama 2023.

Abakinnyi batandatu bahagarariye Benin muri la La TAB 2023 ni; Sagbo Emmanuel, Soudji Romouald, Sowou Remi, Sudjede Ricardo, Saizonou Giorad na Kinnouhezan Honoré ari nabo batoranijwe mu beza basanzwe bakanyakanye i Cotonou.

Abaserukiye Benin muri La TAB 2023

Nyuma ya La Tropicale, Niyonshuti n’abakinnyi be bazakomereza muri Tour ya Mauritania mbere yo gutoranya abo azazana nabo i Kigali mu Rwanda, ahazabera Shampiyona Nyafurika y’amagare ya 2023, iteganijwe muri Werurwe.

Mu kiganiro kigufi Adrien Niyonshuti yahaye InyaRwanda, yemeje ko amaze iminsi agizwe umutoza mukuru w’ikipe y’igihugu ya Benin, aho atekereza kuzakorera mu gihe cy’imyaka itatu kugira ngo azabe amaze kugeza abanya-Benin kuri byinshi.

Yagize ati “Perezida w’ishyirahamwe ry’amagare muri Benin twaraganiriye  ambaza niba nabafasha, twemeranya gukorana umwaka ushobora kongerwa kuko icyerekezo cyanjye ni icy’imyaka itatu kugira ngo ibyo ntekereza kubagezaho nzabe nabibagejejeho. Ndi umutoza mukuru w’ikipe ya Benin.”

Abanya-Benin bafitiye icyizere umutoza Adrien Niyonshuti

Niyonshuti w’imyaka 36 y’amavuko ni umwe mu banyarwanda bamamaye kubera umukino w’amagare, aho yanegukanye Tour du Rwanda ya 2008 mbere y’uko iba mpuzamahanga, byiyongera ku yandi masiganwa yatwaye mbere na nyuma y’aho.

Nyuma yo guhagarika gukina, Adrien yinjiye muri gahunda zo gutoza no gufasha iterambere ry’amagare mu Rwanda no muri Africa muri rusange. Yatoje ikipe ya Skol Adrien Cycling (SAC) yari anafitemo imigabane, nyuma ashinga ikipe ye bwite yise Adrien Niyonshuti Cycling Academy (ANCA).

Si ubwa mbere Niyonshuti ahawe ikaze mu ikipe y’igihugu ya Benin kuko yakoranye n’abakinnyi bayo abaha inama n’ubunariribonye mu ntangiriro z’umwaka ushize wa 2022, ubwo biteguraga Tour du Benin yo isanzwe iba muri Gicurasi.

Adrien yabaye umukinnyi mpuzamahanga, Aha yakiniraga Dimension Data yakoreraga muri Africa y’Epfo no mu Butaliyani

Umutoza wa APR FC, Ben Moussa yavuze impamvu yakinnye umukino wa Mukura VS adafite ba kapiteni we Manishimwe Djabel na Buregeya Prince ari ukubera ibibazo by’imvune bombi bafite.

Ejo hashize ku Cyumweru tariki ya 22 Mutarama 2023 APR FC yari yakiriye ndetse inatsinda Mukura VS 1-0 mu mukino w’umunsi wa 16 wa shampiyona ya 2022-23 wabereye kuri Stade ya Bugesera.

Ni umukino utaragarayemo kapiteni wa APR FC, Manishimwe Djabel ndetse n’umwungiriza we Buregeya Prince.

Nyuma y’uyu mukino, umutoza mukuru wa APR FC, Ben Moussa yavuze ko impamvu batagaragaye kubera ibibazo by’imvune.

Ati 'Djabel afite ikibazo cy’imvune y’akagombambari yagize ku mukino wa Etincelles, umukino wasozaga igice kibanza cya shampiyona, yaragarutse yongera kugira ikibazo ubu arimo kugenda agaruka ndakeka mu cyumweru gitaha azaba yiteguye kwiyunga ku bandi.'

'Prince na we afite ikibazo cy’imvune y’akagombambari ariko azatangirana imyitozo n’abandi ku wa Kabiri.'

Nta gihindutse Buregeya Prince we azagaragara mu mukino w’umunsi wa 17 tariki ya 28 Mutarama 2023 wo bazakirwamo na Kiyovu Sports ni mu gihe Djabel we ashobora kuba agifite iminsi hanze y’ikibuga.

Manishimwe Djabel aracyafite imvune

Prince azatangira imyitozo ku munsi w’ejo

Ishyirahamwe ry’umukino wa Volleyball mu Rwanda (FRVB) ryashimiye abakinnyi batatu baheruka gusezera mu ikipe y’igihugu.

Abo bakinnyi ni Dusabimana Vincent uzwi nka Gasongo, Karera Emile Dada ndetse na Yakan Guma Lawrence.

Hari mu muhango wo gusoza shampiyona ya Volleyball yaraye yegukanywe na REG VC mu bagabo ndetse na APR WVC mu bagore.

Aba bakinnyi bagenewe certificate igaragaza ko bakiniye ikipe y’igihugu, bashimirwa umusanzu wa bo batanze igihe bakinaga ndetse banahawe imyenda y’ikipe y’igihugu yanditseho amazina ya bo na nimero bambaraga.

Dusabimana Vincent ubu ukinira APR VC wanakiniye ikipe y’igihugu imyaka 12 (2009-2021), ni we wahagarariye bagenzi kuko bo batari bahari.

Dusabimana Vincent ni we wahagarariye bagenzi muri uyu muhango

Kugira igikundiro bikururwa n'ibintu byinshi, muri ibyo harimo n'uko uteye. U Rwanda rero ruzwiho kugira abakobwa n'abagore beza, biragoye kuba washyira ku gipimo ngo ukore urutonde rufatika rw'abahiga abandi.

Gusa hari abagiye bamamara kubera impamvu zitandukanye zirimo n'imbuga nkoranyambaga cyane urwa Instagram, ugasanga barigwijeho ababakurikira batagira ingano badakurikiye ikindi uretse kwirebera amafoto yabo.

Abo bose uba usanga amafoto basangiza ababakurikira agaragaza ubuzima bwiza babayemo, aho bagenda basohokera mu mahoteli, n'uduce dutandukanye tw'isi.

Mubo uyu munsi twabegeranirije hazamo umukobwa umaze iminsi abica bigacika uzwi nka Dabijou, uri mu bari kugarukwaho cyane kuva hatangira inkuru zivuga ko ari mu rukundo na Harmonize wageze mu Rwanda, bamwe bagacyeka ko ariwe aje kureba.

Uyu mukobwa uzagaragara mu mashusho y'indirimbo nshya ya Yago yatangiye kwamamaza yitwa 'Si Swing', si we wenyine kuko kuri uru rutonde hari Uwumubyeyi Noella wamamaye muri filimi nyarwanda nk'iyitwa Papa Sava.

Noella uheruka kurushinga mu Ukwakira 2022 wanitabiye irushanwa rya Miss Rwanda 2022, ari mu banyura benshi ndetse usanga uko ateye bigarukwaho cyane ku mbuga nkoranyambaga.

Uwicyeza Pamella wamaze gusezerana mu mategeko na The Ben, na we ari mu bafite imiterere nk'iy'igisabo. Uyu mukobwa witegura kurushinga akunze kugarukwaho cyane bitari uko yitabiye Miss Rwanda 2019 cyangwa kuba akundana n'icyamamare, ahubwo kubera n'ubwiza bwe.

Hariho kandi na Uwase Hirwa Honorine wabaye ikimenyabose bigakurizaho kumwita Miss Igisabo, hari mu wa 2017 ubwo yitabiraga irushanwa rya Miss Rwanda yanabayemo Miss Popurality, akaza no guhagararira u Rwanda muri Miss Earth. 

Umuvandimwe wa Uwicyeza Pamella witwa Hilton Sonia na we ari kuri uru rutonde, rwiganjeho abakobwa bazwi cyane nk'abanyamideli b'ibyamamare ku mbuga nkoranyambaga.

Olga Bae

Ishimwe Delicia Mignone

Uwase Hirwa Honorine

DabijouYolo The Queen

Uwicyeza Pamella

Aggy Nkurunziza

Hilton Sonia

Uwumubyeyi Noella

Tinah Bae

Kisitu Kirabo

La Tropicale Amissa Bongo ni rimwe mu masiganwa akomeye muri Africa, aho ringanya na Tour du Rwanda urwego (2,1) nk’uko bigenwa n’impuzamashyirahamwe y’umukino w’amagare ku isi, akaba ari yo masiganwa abiri gusa afite uru rwego muri Africa.

Team Rwanda yageze muri Gabon ndetse inakora imyitozo ya mbere yitegura isiganwa muri rusange, by’umwihariko agace ka mbere kazakinwa kuri uyu wa 23, aho abasiganwa bazava i Bitam berekeza Oyem ku ntera ya Kilometero 122.

Abakinnyi 6 bagize ikipe y’ u Rwanda ni Areruya Joseph, Kajyibwami Swayibu, Mugisha Moise, Byukusenge Patrick, Uhiriwe Renus na Manizabayo Eric ‘Karadiyo’ bazaba bahabwa amabwiriza n’umutoza mukuru, Sempoma Felix.

Team Rwanda

Iri rushanwa rigiye kuba ku nshuro ya 16 rigizwe n’uduce 7 tuzakinwa kuva ku ya 23 kugeza tariki 29 Mutarama 2023. Hazahatana amakipe 15 arimo ayo muri Africa, i Burayi no muri America.

Amakipe akomeye arimo twavuga nk’ikipe y’igihugu ya Erithrea, Burgos BH yo muri Espagne, Total Directe Energie yo mu Bufaransa, Ikipe y’ u Rwanda na EF Education – Nippo Development yo muri Leta Zunze Ubumwe z’America.

Team Rwanda ni imwe mu zihabwa amahirwe yo kwegukana iri rushanwa kuko igizwe n’abakinnyi bamenyereye amasiganwa yo muri Africa, bayobowe na Areruya Joseph waryegukanye muri 2018. Ikipe y’ u Rwanda yihariye agahigo ko kuba ikipe rukumbi yo muri Africa yatwaye La Tropicale Amissa Bongo.

Areruya Joseph ‘Kimasa’ yatwaye La TAB 2018

Uretse Areruya Joseph watwaye La TAB, ikipe y’ u Rwanda inafite Mugisha Moise watwaye Tour du Cameroon 2022, Manizabayo Eric watwaye Shampiyona y’ u Rwanda 2022 mu gusiganwa bisanzwe na Kajyibwami Swayibu watwaye agace ka Shampiyona ko gusiganwa n’ibihe (ITT).

Hari kandi Byukusenge Patrick ugira ubuhanga mu gucungira umutekano bagenzi be ndetse na Uhiriwe Byiza Renus wihuta mu kuvuduka byo gusoza isiganwa (Final Sprint).

Byukusenge Patrick ni umwe mu bamenyereye imihanda yo muri Africa

La TAB ni rimwe mu masiganwa akomeye arebwaho iyo hagiye gutangwa igihembo cy’umukinnyi mwiza w’umwaka muri Africa, Icyo Areruya Joseph yegukanye muri 2018 amaze guhigika ibikomerezwa i Libreville.

Iri rushanwa kandi rizongerera imbaraga n’ubumenyi abakinnyi ba Team Rwanda ndetse ribafashe kurushaho kwitegura neza kuzahatana muri Tour du Rwanda 2023 iteganijwe kuzazenguruka intara zose z’ Urw’imisozi 1000 mu mpera za Gashyantare.

Uhereye Ibumoso; Areruya Joseph, Kajyibwami Swayibu, Manizabayo Eric, Uhiriwe Byiza Renus na Mugisha Moise

REG VC yasabwaga kugera ku mukino wa nyuma kugira ngo yuzuze amanota ayemerera igikombe cya shampiyona, yabigezeho itsinze APR VC mu mukino wa 1/2 amaseti 3-1. 

Iseti ya mbere yarangiye ari amanota 25 ya REG kuri 18 ya APR VC, iseti ya 2 APR VC iyegukana ku manota 17 ya REG kuri 25 ya APR VC, iseti ya gatatu REG yagarutse iyitsinda amanota 25 kuri 19, naho iseti ya nyuma REG iyitsinda amanota 25 kuri 18 ya APR VC umukino uhita urangira.

REG VC yegukanye igikombe cya shampiyona itarakina umukino wa nyuma

REG VC yarushaga inota rimwe ikipe ya Gisagara VC irimo gukina na IPRC Ngoma, bivuze ko n'iyo Gisagara VC yagera ku mukino wa nyuma igatsinda REG VC itakegukana igikombe kuko banganya amanota, hakarebwa ikipe yegukanye uduce twinshi, kandi REG VC niyo yihariye uduce twinshi twa shampiyona.

Kwizera Pierre Marshal utoza REG VC mu 2017 nibwo yasezeye mu ikipe y’igihugu nk’umukinnyi yinjira mu by’ubutoza, none yegukanye igikombe cye cya mbere cya shampiyona 

REG VC yagaragaje urwego rwo hejuru mu kuzibira imipira ya APR VC 

Abafana batandukanye bari ibitabiriye ku bwinshi, ndetse bashyigikiye REG VC hafi umukino wose 

Amakipe yagiye gukina umunsi wa nyuma ari uku ahagaze ku rutonde 

AMAFORO: Shema Innocent – REG Team