Blog

Mu butumwa Mugabekazi yanyujije kuri konti ye ya Instagram, yasangije abamukurikira imitoma itagira uko isa myugariro w'ikipe ya Apr Fc.

Uyu mukobwa yifashishije ifoto ya Ishimwe Christian ayiherekeresha amagambo y'Icyongereza agira ati “Fine bebe”, ni amagambo yari aherekejwe nanone n'ikimenyetso cy'umutima gikunze kwifashishwa mu kugaragaza ahari urukundo.

Uyu mukobwa utarahiriwe n'irushwanwa, yavugaga ko niyegukana ikamba rya Miss Rwanda azagerageza gufasha abagore bakora ubucuruzi mu buryo butifashishije ikoranabuhanga kuriyoboka, bikagabanya imvune bagiraga.

Ati 'Umushinga nateguye uzibanda cyane ku bakobwa n'abagore bakora ubucuruzi mu buryo butagezweho, nzabafasha kubikora mu buryo bugezweho bigabanye amasaha byongere umusaruro.'

Mugabekazi yinjiye mu rukundo

Mugabekazi kandi yavuze ko azashyira imbaraga mu gukangurira abakiri bato kuvuga no kumenya Ikinyarwanda.

Mugabekazi Assouma w'imyaka 22, yari afite nimero 17, ni umwe mu bahagarariye Intara y'Uburasirazuba. Yiga mu mwaka wa Gatatu wa Kaminuza ya UTB muri 'Hospitality Management', akaba umukozi mu Kigo cya YEGO CABS.

Uburanga bwa Mugabekazi

Christian akina muri Apr

Umusifuzi mpuzamahanga w’umunyarwanda, Uwikunda Samuel yanditse amateka yo kuba umunyarwanda wa mbere ugiye gusifura Amatsinda y’imikino Nyafurika.

Ni nyuma y’uko agiriwe icyizere n’Impuzamashyirahamwe y’Umupira w’amaguru muri Afurika (CAF) kuzasifura umukino wo mu itsinda B ry’imikino y’amatsinda ya CAF Champions League uzahuza Coton Sport yo muri Cameroun na Mamelodi Sundowns yo muri Afurika y’Epfo.

Uwikunda Samuel uri muri Algeria mu mikino ya CHAN, azafatanya na Mutuyimana Dieudonne nk’umusifuzi wa mbere w’igitambaro (na we ubu ari muri CHAN), Karangwa Justin azaba ari umusifuzi wa 2 w’igitambaro mu gihe umusifuzi wa 4 azaba ari Ruzindana Nsoro.

Ni umukino uzabera kuri Garoua-Omnisports yo muri Cameroun tariki ya 17 Gashyantare 2023. aba akaba ari bo banyarwanda ba mbere banditse aya mateka yo gusifura imikino y’amatsinda.

Uwikunda Samuel azasifura umukino wa Coton Sport na Mamelodie Sundwons

Uretse kuba Rayon Sports yanyagiye Musanze FC 4-1, indi nkuru yavuzwe cyane ni ukuba umutoza Olivier Karekezi yagaragaye kuri uyu mukino yambaye umwambaro wa Rayon Sports bigatungura benshi.

Byatewe n’uko uyu mutoza udafite ikipe yakiniye APR FC akayigiriramo ibihe byiza ndetse akaba yari anaherutse gutangaza ko afana Kiyovu Sports.

Nubwo yatoje Rayon Sports ntabwo benshi bumva ukuntu Olivier yambaye uyu mwambaro wa Rayon Sports kandi benshi bamufata mu ishusho ya APR FC kuko ari ho yagiriye ibihe byiza.

Nk’uko bigaragara mu ifoto ISIMBI ifite, Karekezi Olivier yinjiye muri Stade yambaye bisanzwe, ikoti ryirabura n’umupira w’umukara maze amaze kwicara nibwo yaje guhabwa uyu mwambaro arawambara mu mukino watangiye, yakuyemo ikoti ubundi awurenza ku mupira yari yambaye.

Karekezi Olivier yabwiye B&B ko impamvu yambaye uyu mwambaro ari inshuti ye iba muri Amerika bari kumwe yamusabye kwambara uyu mwambaro na we yumva nta kibazo, yavuze ko na APR FC imuhaye jersey yayambara.

Ati 'Umufana yambwiye ngo urayambara ntabwo uyambara? Aba muri Amerika yambwiye ngo wayambaye, ikipe ya Rayon Sports iri mu gihugu ifte abafana benshi, narayitoje ndavuga ngo reka nyambare, byanamushimishije. Nta kibazo narayitoje na APR FC nakiniye nayambara ntabirenze.'

Karekezi Olivier afatwa nk’umukinnyi w’ibihe byose wa APR FC ndetse akaba ari we rutahizamu watsindiye ibitego byinshi ikipe y’igihugu, akaba yaratoje Rayon Sports 2017 kugeza mu ntangiriro za 2018, yaje gutoza Kiyovu Spots ubu bivugwa ko ashobora kwerekeza muri Bugesera FC.

Umwambaro yawuherewe muri Stade

Karekezi Olivier yahise yambara uyu mwambaro, yari kumwe n’inshuti ye avuga ko yamusabye kwambara umwambaro wa Rayon Sports

Police FC yamaze gisinyisha umukinnyi ukina mu kibuga hagati, Rutonesha Hesbon wakiniraga ikipe ya Gorilla FC.

Uyu mukinnyi usanzwe ari n’umukinnyi w’ikipe y’igihugu y’abatarengeje imyaka 23 akaba yasinyiye Police FC amasezerano y’umwaka n’igice.

Hesbon Rutonesha ni umusore ugaragaza impano itangaje akaba yarakuriye mu ishuri ryigisha umupira ry’Isonga.

Akaba aguzwe n’ikipe ya Police FC nyuma y’uko umutoza Mashami Vincent ashimye imikinire ye mu mukino w’umunsi wa 16 wabahuje tariki ya 20 Mutarama 2023 akitwara neza.

Asanze Police FC ku mwanya wa 7 n’amanota 24 mu gihe AS Kigali ya mbere ifite amanota 33.

Rutonesha Hesbon yasinyiye Police FC

Niba ukurikiranira hafi ibijyanye n'isi y'imyidagaduro ariko ishingiye kuri filimi, izina Vin Diesel si ubwa mbere uryumvise ariko ushobora gusanga utazi aho ryakomotse n'inzira itoroshye nyiraryo yanyuzemo ngo agere aho ageze.

Ni urugendo rutari rworoshye ariko rwatumye aba igikomerezwa, aho kugera ubu ku myaka 55 isi hafi ya yose imuzi. InyaRwanda.com tukaba tugiye kubavira imuzi n'imuzingo ubuzima bw'uyu mugabo.

Diesel yiswe Mark Sinclair, yabonye izuba kuwa 18 Nyakanga 1967 mu gace ka Alameda County muri Leta ya California aho n'ubundi nyina umubyara yavukiye, mbere y'uko yimukira muri Leta ya New York hamwe n'impanga ye Paul.

Yigeze gutangaza ko yavukiye mu muryango ufite inkomoko mu bihugu birimo Ubwongereza, Ubudage na Scotland. Gusa uyu mugabo ntabwo yigeze ahura na se umubyara.

Uyu mugabo yinjiye mu birebana no gukina filimi afite imyaka 7. Icyo gihe yiyerekanye mu ikinamico yerekanirwaga mu nzu yabugenewe mu mujyi wa New York, ahazwi nka Greenwich Village.

Kuva icyo gihe yakomeje kugenda agaragara mu makinamico menshi, kugera no mu bugimbi bwe yajyaga kwiga Kaminuza yize ibirebana n'ubugeni cyane birebana n'imyandikire.

Yaje kuvumbura ko afite impano ikomeye yo gukina filimi maze ahita yiyita Vin Diesel, izina yifuzaga ko riba rikakaye. Vin bikaba bikomoka ku izina rya nyina rya Vincent, naho Diesel ni iryo yahawe n'inshuti kubera umuhate, imbaraga n'umurava yamubonanaga.

Yatangiye gukina filimi mu mwaka wa 1990 mu yitwa 'Awakening' gusa ntabwo yakinnyemo afite umwanya ukomeye, nyuma y'igihe yirukanka ku kuba yabasha kubona filimi akinamo koko mu buryo bufatika.

Muwa 1994 yanditse, ayobora anatunganya filimi y'uruhererekane yise 'Multi Facial' yaje kugira igikundiro cyo hejuru, bituma iza muzerekanwe mu iserukiramuco rya Cannes ryo mu 1995.

Urugendo rwari rugikomeye ku buryo bwo hejuru kuko uyu mugabo yanakoraga mu tubyiniro dutandukanye, mu basore b'ingango bashinzwe umutekano 'Bouncers' anashinzwe ibijyanye n'urumuri.

Mu 1997 yari amaze kwegeranya ubushobozi bwabashije gutuma atunganya filimi ye ndende ya mbere yise 'Strays', yari ishingiye ku nkuru y'ibandi rikuriye ayandi ariko ubuzima bwahinduwe no gukunda umukobwa.

Iyi filimi yanditse, akayobora akanatunganya yaje kuba imwe muzahatanye mu iserukiramuco 'Sundance', yanaje kwishimirwa na MTV bahita bakora ubucuruzi bwo kuyihinduramo filimi y'uruhererekane. 

Umuhanga mu gutunganya filimi, Steven Spielberg yari amaze kubona icyo Vin Diesel ashoboye maze amuha umwanya wo gukina muri filimi yegukanye ibihembo mu bisumba ibindi muri filimi bya Oscar byo 1998, filimi yitwa 'Saving Private Ryan' akinamo ari umusirikare.

Iyi filimi yamubereye inzira yo kwinjira mu rubuga rugali rukinirwamo filimi rwa HollyHood, mu 1999 ahita akina mu yitwa 'The Iron Giant' ari nayo ikomeye yari akinnye bwa mbere.

Kuva icyo gihe yatangiye guhabwa imyanya ikomeye muri filimi z'ibihangange nka 'Boiler Room' yo mu mwaka wa 2000, yahuriyemo n'umugabo wa Jennifer Lopez, Ben Affleck.

Atangira kugaragara kandi muri The Fast and the Furious muri 2001, XXX yo mu wa 2002 n'izindi zitandukanye kandi zose zagiye zinjiza atagira ingano guhera zitangiye kwamamazwa kugera zisohotse.

Mu wa 2006 yaje gukina mu yitwa 'Find Me Guilty', filimi yatangiriye mu gihombo gikomeye kuko yinjiza miliyoni 2 z'amadorali nyamara yarashoweho asaga miliyoni 13 z'amadorali.

Mu wa 2007 byari biteganijwe ko azayobora akanakina muri Hitman nka Agent 47 ariko biza kurangira ari we Muyobozi Mukuru wayo. Nyuma yasubiye muri Fast&Furious, filimi yaciye ibintu kuva yajya hanze muri Mata 2009. Kuva yajya hanze kugera n'ubu aba akinamo nka Dominic Toretto.

Yongeye kandi gusubira gukina muri The Chronicle of Riddik nka Riddik muri 2013. Kubera umurava n'ubuhangange yagenewe inyenyeri mu cyanya cyahariwe ibyamamare mu myidagaduro mu ngeri zitandukanye, kizwi nka Hollywood Walk of Fame hari muri Kanama 2013.

Yakomeje gukina muri filimi nyinshi kandi zagiye zinyura imitima ya benshi, aza no gusubira gukina muri XXX yamamayemo nka Xander Cage hari mu wa 2017 kimwe na Avengers: Infinity War yo mu wa 2018, Avengers: Endgame yo mu wa 2019.

Muri Nzeri 2020 Vin Diesel yaratunguranye, ashyira hanze indirimbo ye ya mbere yise 'Feel Like I Do' indirimbo yishimiwe cyane.

N'ubwo iby'urukundo rw'uyu mugabo bitagiye bikunda kumenyekana kuko atigeze yifuza ko bimenyekana cyane mu itangazamakuru, ariko yigeze kuvugwa mu rukundo na Michelle Rodriguez bakinanye muri Fast&Furious yo mu mwaka wa 2001.

Muri 2007 yatangiye gukundana n'umunyamideli wo muri Mexico witwa Paloma Jimenez banabyaranye abana batatu, barimo umukobwa wabo Hania Riley wabonye izuba muri 2008, umuhungu Vincent Sinclair wavutse muri 2010 n'umukobwa wabo wundi Pauline wabonye izuba muri 2015 bitiriye inshuti magara ya Diesel, Paul Walker witabye Imana mu Ugushyingo 2013.

Umutungo w'uyu mugabo muri 2023 ubarirwa muri miliyoni 255 z'amadorali.

Vin Diesel na Paloma bafitanye abana 3

Vin Diesel afite abana batatu barimo umuhungu umwe yabyaranye n’umukunzi we Paloma bamaranye imyaka irenga 15

Vin Diesel yashegeshwe bikomeye n’urupfu rw’inshuti ye Paul Walker

Vin Diesel ari mu  bakinnyi ba filimi bakomeye ku isiYatangiye anakora nk’ushinzwe umutekano wo mu tubariImyaka irenga 33 ayimaze atangiye by’umwuga ibya filimiUbuzima bwe bw’urukundo yagiye abugira ibangaAri mu byamamare bike bimaze guhabwa inyenyeri mu cyanya cyahariwe abasitari i HollywoodAzwiho kugira ubuhanga bwo hejuru mu kuyobora, gutunganya no gukina filimiUbwo yakinaga muri Fast&Furious yo muri 2001 aha yari kumwe na Michelle bavuzwe mu rukundoAri mu bantu bubashywe i Hollywood. Aha yari kumwe na P DiddyFilimi ze zirakundwa cyane Uretse ubuhanga bwe muri filimi mu mwaka wa 2020 yashyize hanze indirimbo ye ya mbere

 

Umutoza wa Rayon Sports, Haringingo Francis yavuze ko akazi akora akamenyereye kandi atari ubwa mbere atoje ikipe nkuru bityo ko gutoza n’igitutu bijyana.

Ni nyuma y’uko byavuzwe ko uyu mutoza naramuka yitwaye nabi mu mikino 3 ibanza yo kwishyura ya shampiyona ya 2022-23 azahita yirukanwa.

Haringingo nyuma yo kunyagira Musanze FC 4-1 ejo hashize ku Cyumweru mu mukino w’umunsi wa 16 nk’umwe mu mikino yari yatezwe ndetse agahita afata umwanya wa 2, agaruka ku byo kuba ashobora kwirukanwa yavuze ko akazi arimo akora akazi kandi akamenyereye.

Ati “Igitutu n’umutoza birajyana, ni aka kazi dukora, njye nta gitutu nishyiraho, nta gitutu nshyira ku bakinnyi njyewe mpugiye ku mikino, akazi ndimo gukora ndakazi ndakamenyereye si bwo bwa mbere ntoje ikipe nkuru rero icyo gitutu kiri mu bantu ariko nibaza ko kizashira.”

Yakomeje avuga ko bari mu rugamba rwa shampiyona kandi ko n’icyabakomye mu nkokora mbere ari imvune ariko abakinnyi ba yo barimo kugaruka.

Agaruka ku mwanya usigaye wo bagomba kongeramo umukinnyi, Haringingo Francis yavuze ko barimo kureba umukinnyi bakeneye nibamubona ko bazamwongeramo ariko yirinze kuvuga uwo ari we.

Ati “dusigaje umwanya umwe, turimo turashaka umukinnyi nitubona uwo dukeneye tuzamwongeramo tutamubonye tuzagerageza gukina n’abo dufite, hazaza umukinnyi sinavuga ngo ni rutahizamu, dushobora kubona rutahizamu tukamufata, twabona unyura ku ruhande tukamufata dushobora no kubona ukina hagati tukamufata kuko murabizi ko dufite imvune nyinshi, tugiye kwicara n’abaganga turebe icyo gukora bitewe n’abakinnyi bahari ariko ukenewe ni rutahizamu.”

Atangaje ibi mu gihe mu minsi ishize umuvugizi wa Rayon Sports, Nkurunziza Jean Paul we yari yatangaje ko iyi kipe yamaze gusinyisha rutahizamu ariko bakaba bazamwereka abakunzi b’iyi kipe igihe nyacyo kigeze.

Haringingo Francis yavuze ko nk’umutoza igitutu agihorana