Blog

Police FC yatunguwe na Espoir FC iyiysindira mu rugo 2-1 mu mukino w’umunsi wa 17 wa shampiyona ya 2022-23.

Uyu mukino Police FC yakiririye kuri Stade ya Muhanga, yagiye kuwukina ihabwa amahirwe yo kuwutsinda cyane ko yaherukaga gutsinda Gorilla, benshi bumvaga Espoir FC ya nyuma itari buyinanire.

Yaje gutungurwa hakiri kare ku munota wa 15 maze itsindwa igitego cya mbere na Iradukunda Clement bakunda kwita Zidane ni ku mupira yatereye inyuma y’urubuga rw’amahina.

Police FC yari imbere y’abafana mbarwa utanakwemeza ko ari aba yo, yaje guhita isubiza neza cyane aho ku munota wa 20 Ntwari Evode yaje kwishyurira iyi kipe y’abashinzwe umutekano, ni ku mupira mwiza cyane yahawe na Nshuti Dominique Savio. Amakipe yagiye kuruhuka ari 1-1.

Igice cya kabiri kigitangira, ku burangare bw’abakina hagati ba Police FC batakaje umupira, Ndikumana Tresor yatsindiye Espoir FC igitego cya kabiri, ni umupira yatereye inyuma y’urubuga rw’amahina.

Police FC yagerageje kwishyura iki gitego ariko biranga maze umukino urangira ari 2 bya Espoir kuri 1 cya Police FC. Nyuma yo gutsinda uyu mukino Espoir FC yavuye ku mwanya wa nyuma ifata uwa 15 n’amanota 10(ubanziriza uwa nyuma) mu gihe itegereje uko umukino uzahuza Marines na Etincelles uzagenda, Police FC yagumye ku mwanya wa 7 n’amanota 24.

Amatike yo muri iki gitaramo kizaba ku wa 3 Gashyantare 2023, ari kuboneka ku rubuga rwa Noneho.com. Kwinjira ni 5000Frw mu myanya isanzwe, ariko binyuze ku rubuga rwa Noneho ubasha guhitamo umubare w’amatike ya 5000Frw ugura.

Mu myanya y’icyubahiro (VIP) ni 10,000 Frw naho ubasha guhitamo umubare w’amatike ugura. 

Ni mu gihe ku meza y’abantu batandatu wishyura 50,000Frw, naho ushobora guhitamo umubare w’ameza ugura, ushobora kugura ameza arenze abiri.

Iki gitaramo kizaririmbamo abubakiye umuziki kuri gakondo barimo umusizi Junior Rumaga, Nyirinkindi, Ange na Pamella, Audia Intore, Itorero Indangamirwa ndetse na Iganze Gakondo.

Sengabo Jodas aherutse kubwira InyaRwanda, ko yabatumiye ashingiye ku bikorwa bya buri umwe n'umubano bagirana. Ikindi ni uko bahuriye mu gice kimwe cy'umuziki wuje ubuvanganzo Nyarwanda.

Ati 'Narabiyambaje baranyumva, ibyo akaba ari nacyo cy'ibanze mbashimira. Inshuti igufasha mu rugamba ukayisanga ikakumva. Nabagejejeho urugendo rwanjye baranyumvira.'

Uyu muhanzi yavuze ko iki gitaramo kizaba umwanya mwiza wo gushimira Imana urukundo yerekwa n'abantu n'uburyo bakomeza kumutera inkunga, aho yacitse intege bakamukomeza.

Album ye iriho indirimbo 10. Avuga ko isobanuye byinshi ku muziki we, haba mu gihe amaze mu muziki kandi agikomeje. Avuga ko umuntu ajya mu kintu afite intego mu rugendo, muri urwo rugendo hakabamo imbogamizi no kugira amahirwe yo kubona urukundo rw'abantu aho byanze bakagushyigikira.

Avuga ko album ye yayitiriye indirimbo 'Bene u Rwanda', kubera ko iyo ndirimbo yereka Abanyarwanda ko 'imbaraga zabo ari ubumwe bwabo.'

Indi mpamvu atanga ni uko 'iyi ndirimbo ariyo yanyinjije mu muziki'. Agakomeza ati 'Ni indirimbo irimo ubutumwa cyane cyane nkunze gutanga mu bihangano byanjye, ikaba indirimbo ifite igisobanuro gikomeye ku mateka yaranze abanyarwanda.'

KANDA HANO UBASHE KUGURA ITIKE YAWE MURI IKI GITARAMO 

Sengabo yahurije abarimo Rumaga, Ange na Pamella n'abandi mu gitaramo azamurikiramo album ye ya mbere yise ‘Bene u Rwanda’ 

Sengabo yavuze ko indirimbo ye ‘Bene u Rwanda’ yakunzwe, ku buryo byamuhaye umukoro wo gukora izindi ndirimbo nziza

Ange na Pamella bazwi mu ndirimbo zirimo ‘Gwera’ bazaririmba mu gitaramo cya Sengabo Jodas

Umuhanzikazi Audia Intore uzwi mu ndirimbo zirimo nka ‘Sine ya mwiza’, ‘Simbi ryanjye’ n’izindi

Umusizi Rumaga uzwi mu bisigo birimo ‘Ayabasore’, ‘Umugore si umuntu’ n’ibindi ategerejwe muri iki gitaramo  

Itorero Iganze Group bitegura gukora igitaramo ku wa 31 Mutarama 2023 bazaririmba mu gitaramo cya Sengabo Jodas

Umuhanzi Nyirinkindi uzwi mu ndirimbo nka ‘Nzagarukira’, ‘Nkugabiye urukundo’ n'izindi 

Itorero Indangamirwa (abasore/abagabo) bazaririmba mu gitaramo cya Sengabo 

Itorero Indangamirwa (abakobwa/abagore) bazaririmba muri iki gitaramo cyo kumurika album 

Iki gitaramo kizayoborwa n’abashyushyarugamba bane; MC Nario, Nicky, Alice na Bebina

KANDA HANO UREBE AMASHUSHO Y'INDIRIMBO 'SIMBI RYANJYE' YA SENGABO JODAS

“>

Kuri uyu wa Gatandatu no ku Cyumweru mu Karere ka Bugesera ku bibuga byo muri sitade, hazabera imikino ya 1/2 cy’irangiza muri shampiyona ya Sitball umwaka w’imikino 2022/3.

Iyi mikino izakinwa n’amakipe 10 mu bagabo, n’amakipe 10 mu bagore. Kuri gahunda y’ishyirahamwe ry’imikino y’abafite ubumuga mu Rwanda, imikino ya Sitball niyo yatangiye mbere, ndetse byitezwe ko Mutarama irangira hamenyekanye amakipe azakina imikino ya nyuma.

Amakipe yageze muri 1/2

Abagabo: Nyagatare, Kirehe Kayonza, Gasabo, Karongi, Rutsiro, Rubavu, Gisagara, Musanze na Rulindo. Mu bagore: Kirehe, Ngoma Kayonza, Nyamasheke, Rubavu, Musanze, Gicumbi, Muhanga na Nyanza.

Amakipe mu ngeri zombi araba yabukereye 

Amakipe azagera ku mukino wa nyuma mu byiciro byombi, byitezwe ko azakina imikino ya nyuma tariki 1 Mata nk'uko bigaragara ku ngengabihe ya NPC. 

Gasabo mu bagabo niyo ibitse igikombe cya shampiyona giheruka 

Musanze mu bagore niyo ibitse igikombe cya shampiyona giheruka

Myugariro wo ku ruhande rw’iburyo wa Kiyovu Sports, Serumogo Ali nyuma yo guhagarika imyitozo kubera ko Kiyovu Sports itubahirije ibyo bumvikanye, yamaze no kuva muri ‘WhatsApp Group’ ahuriramo n’abakinnyi bagenzi be.

Uyu mukinnyi usanzwe ari na kapiteni wungirije wa Kiyovu Sports, ntabwo yishimiye kuba atarahabwa amafaranga yaguzwe ubwo yongeraga amasezerano.

Serumogo Ali umaze iminsi yarahagaritse imyitozo, amakuru ISIMBI yamenye ndetse yahawe n’umwe mu nshuti z’uyu mukinnyi ni uko yamaze kuva muri WhatsApp Group y’ikipe.

Ati “we urumva ntabwo arimo gukina, yahagaritse imyitozo kubera ikibazo gihari, ntabwo rero yari kurugumaho kandi ameze nk’aho atari kumwe n’abandi, ikibazo nigikemuka azasubiraho.”

Amakuru kandi avuga ko amaze igihe yaravuye kuri uru rubuga. Aherutse kunyuza ubutumwa kuri WhatsApp Status yageneye abakunzi ba Kiyovu Sports agira ati “nibikemuka muzambona.”

Ibikemuka nta bindi ni amafaranga yemerewe n’iyi kipe ubwo yongeraga amasezerano y’imyaka 2 ariko akaba yarayategereje amaso agahera mu kirere.

Serumogo yamenyesheje Kiyovu Sports ko birenze tariki ya 10 Mutarama 2023 atarahabwa amafaranga atazagaruka mu kazi ndetse ko ashobora no gushaka indi kipe.

Ni ko byagenze kuko yahise ahagarika akazi ndetse ubuyobozi bugerageza kumwegera bumubwira ko azayabona n’abandi bakinnyi bahembwe ariko yanga kubikozwa we avuga ko azakigarukamo yamaze kwishyurwa.

Bivugwa ko ubwo yongeraga amasezerano y’imyaka 2 yemerewe miliyoni 15 ahabwamo 4 akaba arimo yishyuza miliyoni 11.

Kuri uyu wa Kane saa yine z’ijoro ikipe ya Real Madrid yakiriye Atletico Madrid kuri Santiago Bernabeu, ni mu mukino wa 1/4 muri Copa Del Rey. Umukino warangiye Real Madrid itsinze Atletico Madrid, ihita ikatisha itike ya 1/2.

Ikipe ya Real Madrid niyo yatangiranye amahirwe ndetse n’uburyo bwo kubona igitego. Ku munota wa 6 gusa rutahizamu Karim Benzema yabonye umupira mwiza, ariko gutsinda ntibyamukundira. 

Nk’ibisanzwe bigendanye n’imikinire isanzwe y’amakipe yombi, Real Madrid niyo yatambazaga neza umupira kurusha Atletico Madrid, byageze ku munota wa 10 Real Madrid ifite 54 % byo gutambaza umupira mu kibuga naho Atletico Madrid yo ifite 45%.

Myugariro wa Real Madrid, Antonio Rudiger ku munota wa 19 yananiwe gukuraho umupira wari uhinduwe na Koke, bibera bibi ikipe ye. Nahuel Molina yahise afata uyu mupira neza, nawe ahereza Alvaro Morata atsinda igitego cya 1 cya Atletico Madrid.

Nyuma yo gutsindwa igitego, Real Madrid yatangiye urugendo rwo gushaka igitego cyo kwishyura ndetse inagumya kwiharira umupira cyane kurusha Atletico Madrid nk’ibisanzwe, gusa abakinnyi nka Rodrigo De Paul banyuzagamo nabo bakataka. 

Ferland Mendy ku munota wa 44 yagize ikibazo cy’imvune bituma ava mu kibuga, ahita asimburwa na Daniel Ceballos. Nyuma y'akanya gato Vinicius yahise yirukankana umupira ashaka igitego cyo kwishyura, ariko Rodrigo De Paul akora ikosa ahagarika umuvuduko bituma ahabwa ikarita y’umuhondo. Igice cya mbere cyarangiye Real Madrid yahize igitego cyo kwishyura yakibuze burundu.

Abakinnyi ba Atletico Madrid bishimira igitego

Mu minota 5 y’igice cya kabiri kigitangira, Atletico Madrid yatangiye yihagazeho ubona nta gahunda ifite yo kwishyurwa. Real Madrid yatangiye kwataka cyane guhera ku munota wa 52, kuko nibura yarekuye amashoti yaka umuriro menshi yikurikiranya, iryatewe na Vinicius ndetse na Federico Valvered mu gihe kitarenze iminota 2.

Igitego cyo kwishyura cya Real Madrid cyabonetse ku munota wa 79 gitsinzwe na Rodrygo akoresheje ukuguro kwe kw'iburyo, ku mupira mwiza yari ahawe na Luka Modric. 

Nyuma y'uko Atletico Madrid itsinzwe igitego cyo kwishyura yabuze umupira cyane, kuko wabaga ufitwe n’abasore ba Real Madrid bashaka igitego cy’intsinzi ariko kirabura burundu, iminota 90 y’umukino irangira amakipe yombi akinganya 1-1.

Hongeweho iminota 30 y’inyongera, kugira ngo hamenyekane uwegukana intsinzi yerekeze muri 1/2. Rutahizamu Karim Benzema niwe watsinze igitego cya 2 cya Real Madrid ku munota wa 102, naho Vinicius we yatsinze igitego cya 3 ku munota wa 122 bituma babona itike yo kwerekeza muri 1/2 batsinze Atletico Madrid ibitego 3-1.

Igitego cyo kwishyura cya Rodrygo

Eric Nshimiyimana yagizwe umutoza wa Bugesera FC mu gihe cy’umwaka n’igice uri imbere.

Mu ntangiriro z’uku kwezi ni bwo Bugesera FC yatangaje ko mu bwumvikane yatandukanye n’uwari umutoza wa yo Étienne Ndayiragije.

Iyi kipe ikaba yamaze kwerekana Eric Nshimiyimana nk’umutoza mushya mu gihe cy’umwaka n’igice, ni nyuma y’iminsi 16 iyi kipe ifitwe n’umutoza wungirije Mutarambirwa Djabir.

Ibinyujije ku mbuga nkoranyambaga yagize iti “Turabamenyesha ko Eric Nshimiyimana ubu ari umutoza mukuru w’Ikipe ya Bugesera FC mu gihe kingana n’umwaka umwe n’igice.'

Eric Nshimiyimana aheruka kwirukanwa na AS Kigali mu Kuboza 2021 kubera umusaruro mubi, asanze Bugesera FC ku mwanya wa 12 n’amanota 19.

Nshimiyimana yatoje amakipe atandukanye mu Rwanda arimo Kiyovu Sports, AS Kigali, APR FC ndetse n’ikipe y’igihugu Amavubi.