Blog

Ntabwo twavuga ko kunywa inzoga cyangwa ibindi biyobyabwange mbere yo gutera akabariro ari byiza na cyane bigira ingaruka mbi ku buzima. Ibiyobyabwenge bituma hatabaho kwishima guhagije hagati y'abashakaye bari gutera akabariro nk'uko ubushakashatsi bubivuga.

Nkuko urubuga Healthline, rwandika inkuru zijyanye n'ubuzima rubitangaza rwagaragajeko ko kunywa ibiyobyabwenge bitandukanye bigabanya ingano y'ubushake bw'igitsina gabo by'umwihariko imisemburo ikorana n'imyanya y'ibanga y'umugabo. Ibiyobyabwenge kandi bigira ingaruka mbi mu bijyanye no gutembera kw'amaraso ndetse n'imikorere y'imitsi.

Kunywa ibiyobyabwenge cyane bituma umubiri wumagara bikaba byatera ingaruka zikomeye cyane zirimo; Kurwara umutwe, umwuma mu gitsina,….

Ni ingenzi cyane guhagarika kunywa ibisindisha (Ibiyobyabwenge), mu gihe uri guteganya vuba igikorwa gifite aho gihuriye no gutera akabariro kuko bigira ingaruka nyinshi. Mu gihe wabikoze, ni bwo uzabasha kubaho neza.

Ku gitsina gore, ni byiza guhagarika kunywa ibiyobyabwenge mbere yo gutera akabariro kuko bituma ubasha gusama vuba mu gihe ubyifuza. Bizatuma uryoherwa cyane mu gihe uri kumwe n'uwo mwashakanye.

Muri rusange uretse na mbere y'iki gikorwa, ntabwo biba byiza iyo ukoresheje ibiyobyabwenge mbere y'igikorwa cyo gutera akabariro kuko bigira ingaruka nyinshi no kubuzima bwawe.

Source : https://umuryango.rw/ubuzima-115/article/ingaruka-zo-gukoresha-ibiyobyabwenge-mbere-yo-gutera-akabariro

Mu bihugu bitandukanye ku isi haracyarangwa intambara, amakimbirane n'ibindi bibuza abantu gutekana, icyegeranyo cya 2022 cyerekana ko amahoro ku isi yagabanutseho 0.3% ugereranyije na 2021.

Mu karere ka Africa y'iburasirazuba, intambara yo muri Ethiopia n'intambara z'imitwe yitwaje intwaro muri DR Congo na Somalia bituma ibi bihugu biza mu bya nyuma ku isi aharangwa amahoro macye.

Global Peace Index ya 2022 yasohotse umwaka ushize yize ku bihugu 163 ahatuye abantu 99.7% by'abaturage b'isi.

Abayikora bareba ku ngingo zirimo; umutekano, amakimbirane y'imbere no hanze, ingufu zishyirwa mu gisirikare, igipimo cy'icyizere, umubare w'ubwicanyi mu ngo, ibyago by'ibitero by'iterabwoba, na politike y'ibihugu.

Ku bihugu byasuzumwe, 90 byongereye igipimo cy'amahoro byari bifite naho 70 amahoro asubira inyuma, mu gihe ibihugu bibiri byo ntacyahindutse.

Muri DR Congo, ibintu byasubiye inyuma, kubera intambara z'imitwe yitwaje intwaro mu burasizuba bw'igihugu. Ubu DRC ni iya gatandatu ku rutonde rw'ibihugu bibuze amahoro ku isi.

Mu buryo budatunguranye, Uburusiya na Ukraine biza mu bihugu bidafite amahoro ku isi, gusa bamwe banegura kuba Uburusiya buza imbere ya Ukraine mu bihugu bidatekanye kandi Ukraine ariyo iri kuberamo intambara.

Mu bihugu 10 biri inyuma mu mahoro ku isi, bitanu ni ibyo muri Africa.

Ibihugu 20 bidatekanye kurusha ibindi ku isi

1. Afghanistan

2. Yemen

3. Syria

4. Russia

5. South Sudan

6. DR Congo

7. Iraq

8. Somalia

9. Central African Republic

10. Sudan

11. Ukraine

12. North Korea

13. Libya

14. Mali

15. Ethiopia

16. Venezuela

17. Pakistan

18. Burkina Faso

19. Turkey

20. Colombia

Intambara zitinze

Somalia na DR Congo bimaze kuza kenshi mu myanya 10 ya mbere y'ibihugu bidatekanye kenshi kurusha ibindi bya Africa kubera 'intambara zitinze' nyuma y'imyaka irenga 20 nta cyizere kiboneka cy'amahoro.

Sudani y'Epfo, igihugu gishya kurusha ibindi ku isi, cyahise kijya kuri uru rutonde kubera intambara zifatiye ku moko ariko zifite imvo zo kurwanira ubutegetsi zabaye 'ndanze' kuva iki gihugu cyabaho mu 2011.

DR Congo ni igihugu cya kabiri kidatekanye cyo munsi y'ubutayu bwa Sahara, nk'uko iyi raporo ibivuga.

Ubukene n'imitwe myinshi yitwaje intwaro isa n'igenzura ibice runaka uko ibishaka ni bimwe mu mpamvu nk'uko iriya raporo ibiuvuga.

Ivuga kandi ko ibibazo by'umutekano mucye nk'ubwicanyi, gufata ku ngufu, gushimuta, ubujura bwo kumena inzu, no kwambura ku ngufu bihaboneka kenshi muri DR Congo.

DR Congo, ituwe n'abaturage barenga miliyoni 100 ni kimwe mu bihugu rutura mu bunini ku isi kandi gikungahaye cyane ku butunzi kamere.

Kuri uru rutonde rw'ibihugu 163 uhereye ku bifite amahoro macye, ibyo mu karere ka Africa y'iburasirazuba biri kuri iyi myanya:

33. Burundi

43. Uganda

44. Kenya

78. Tanzania

92. Rwanda

Ibihugu 10 bitekanye kurusha ibindi ku isi

Iceland yongeye gufata umwanya wa mbere kuri uru rutonde, umwanya ikomeje kubaho kuva rwatangira gukorwa mu 2009.

1. Iceland

2. New Zealand

3. Ireland

4. Denmark

5. Austria

6. Portugal

7. Slovenia

8. Czech Republic

9. Singapore

10. Japan

Kuki Iceland ihora iza imbere?

Ni igihugu cy'ubuso bukubye kane ubw'u Rwanda gituwe n'abaturage 376,000 nabo benshi batuye ku murwa mukuru Reykjavik.

Cyatuwe n'abimukira b'aba-Vikings bo muri Sweden kuva mu binyejana byinshi mbere ya Yezu Kristu, aba bashinga ubutegetsi bukomeye burangwa no kubahiriza amategeko, nk'uko inzobere mu mateka zibivuga.

Zimwe mu mpamvu zituma Iceland bamwe bakomeza kuyifata nka 'paradizo' yo ku isi mu mahoro n'umutekano harimo;

Igipimo cy'urugomo kiri hasi, umubare muto w'abaturage, kuba hafi cyane y'impera y'isi ya ruguru ahari ikirere kidasanzwe, gukora neza kwa leta, kwemera uburenganzira bw'abandi no kubana neza n'ibihugu bituranyi.

Wari uzi ko? Hejuru ya 1/3 cy'abaturage ba Iceland batunze intwaro bwite, nk'uko bivugwa na GunPolicy, urubuga rwa University of Sydney rukusanya amakuru ku ntwaro ku isi. Nyamara hagati ya 2007 na 2015 nta bwicanyi bwigeze buhaba buvuye ku kuraswa, nk'uko bivugwa na Flemish Peace Institute.

BBC

Source : https://umuryango.rw/amakuru/mu-mahanga/umutekano/article/rdc-ku-mwanya-wa-gatandatu-mu-bihugu-bidatekanye-kurusha-ibindi-ku-isi

Uwitwa MUHIRE Serge yasabye guhindura amazina mu buryo bwemewe n'amategeko akitwa MUHUMURE SERGE mu bitabo by'irangamimerere.

Impamvu atanga zituma asaba guhindura amazina akaba ari uko ari amazina yakoresheje mu ishuri.

Source : https://umuryango.rw/amatangazo/article/itangazo-muhire-serge-yasabye-guhindura-amazina-akitwa-muhumure-serge

Uwitwa UWIRAGIRE yasabye guhindura amazina mu buryo bwemewe n'amategeko akitwa MURISA JEAN MARIE VIANNEY mu bitabo by'irangamimerere.

Impamvu atanga zituma asaba guhindura amazina akaba ari uko ari amazina yakoresheje mu ishuri.

Source : https://umuryango.rw/amatangazo/article/itangazo-uwiragire-yasabye-guhindura-amazina-akitwa-murisa-jean-marie-vianney

Komisiyo ishinzwe imyitwarire yahanishije Kiyovu Sports kuzakina umukino umwe bazakira nta bafana bari ku kibuga kubera bamwe mu bafana bayo batutse umusifuzi Mukansanga Salima.

FERWAFA ivuga ko hagendewe ku ngingo ya 21 y'amategeko ngengamyitwarire iteganya ko amakipe abazwa imyitwarire y'abafana bayo nyuma yo kubahamya ikosa ryo gutesha agaciro umusifuzi.

Yakomeje igira iti “Ibi bivuze ko umukino utaha wa shampiyona Kiyovu Sports izakiramo Marines FC tariki 18/02/2023 uzakinwa nta bafana.”

Ku wa Gatanu, tariki ya 27 Mutarama 2023, ni bwo Urwego rw'Igihugu rw'Ubugenzacyaha, RIB, rwatangaje ko rwataye muri yombi abafana batandatu bakurikiranyweho gutuka Umusifuzi Mukansanga Salima.

Ibyaha bakurikiranyweho babikoze ku mukino w'Umunsi wa 16 wa Shampiyona Gasogi United yakiriyemo Kiyovu Sports kuri Stade ya Bugesera tariki 20 Mutarama 2023, bakawunganya 0-0.

Uwo munsi Umusifuzi mpuzamahanga Mukansanga Salima yatutswe n'abafana kugeza n'aho bashaka kumusagarira kubera ibyemezo bimwe na bimwe bagaragaje ko bitabanyuze.

Abafana ba Kiyovu Sports bibasiye Salima wasifuraga hagati mu kibuga, bamuhata ibitutsi mu ndirimbo bagira bati “Urashaje, Urashaje.''

Nyuma y'umukino ubwo Mukansanga yaganaga mu rwambariro yanyuze ku bafana ba Kiyovu Sports batangiye kuririmba mu ndirimbo zuzuye ibitutsi bagira bati “Malaya, Malaya, Malaya.''

Ubwo Mukansanga yari arenze uruzitiro rw'ikibuga cya Stade ya Bugesera, umwe mu bafana yamanutse agana hasi asa n'ushaka kumusagarira ariko abashinzwe umutekano baramufata, bamubuza kumugeraho.

Nyuma y'ibi bikorwa bitashimishije ubuyobozi bw'iyi Kipe y'i Nyamirambo, Perezida wa Kiyovu Sports Ltd, Mvukiyehe Juvénal, yatangaje ko bitandukanyije n'abafana bagaragayeho ibikorwa by'imyitwarire mibi kuri uyu mukino.

Source : https://umuryango.rw/imyidagaduro/imikino/article/ferwafa-yahanye-kiyovu-sports-kubera-abafana-bayo-batutse-umusifuzi-salima

Guhera mu mpera z'icyumweru cyarangiye, mu murenge wa Kimisagara ahazwi nko kuri 'Maison de Jeune' haberaga irushanwa ry'umukino w'intoki ryateguwe ku bufatanye bw'ishyirahamwe ry'umukino w'intoki wa Volleyball n'urwego rw'igihugu rushinzwe intwari z'iguhugu.

Iri rushanwa ryari ryitabiriwe na REG VC, APR VC, Gisagara VC na Forefront VC mu bagabo na RRA WVC, APR WVC,Ruhango na Forefront WVC mu bagore.

Mu gihe cy'iminsi ibiri iri rushanwa ryakinwe byarangiye ikipe REG VC yegukanye igikombe nyuma yo gutsinda Gisagara VC amaseti atatu kuri abiri mu mukino wakinwe kuri iki cyumweru tariki ya 29 Mutarama 2023.

Mu guhatanira umwanya wa gatatu mu kiciro cy'abagabo wegukanywe na Forefront VC itsinze ikipe ya APR VC amaseti atatu ku busa.

Mu kiciro cy'abagore ikipe ya APR VC yo yegukanye igikombe itsinze ForeFront WVC amaseti 3-2, naho ikipe ya RRA WVC yegukana igikombe itsinze Ruhango VC amaseti atatu kubusa.

Uko imikino yakinwe muri kimwe cya kabiri yakinwe kuwa gatandatu:

Guhatanira umwanya wa gatatu:

Abagore: Ruhango WVC 0-3 RRA WVC

Ruhango WVC 21-25 RRA WVC

Ruhango WVC 23-25 RRA WVC

Ruhango WVC 18-25 RRA WVC

Abagabo: FOREFRONT VC 3-0 APR VC

Forefront VC 25-22 APR VC

Forefront VC 25-22 APR VC

Forefront VC 25-12 APR VC

Umukino wa nyuma:

Abagore: APR 3-2 FOREFRONT

APR VC 25- 20 FOREFRONT VC

APR VC 25-27 FOREFRONT VC

APR VC 25-20 FOREFRONT VC

APR VC 20-25 FOREFRONT VC

APR VC 15-12 FOREFRONT VC

Abagabo: REG 3-2 Gisagara VC

REG 25-17 Gisagara VC

REG 25-18 Gisagara VC

REG 17-25 Gisagara VC

REG 20-25 Gisagara VC

REG 15-10 Gisagara VC

The post REG VC na APR WVC begukanye igikombe cy'irushanwa ry'ubutwari 2023 mu mukino wa Volleyball appeared first on RUSHYASHYA.

Source : https://rushyashya.net/reg-vc-na-apr-wvc-begukanye-igikombe-cyirushanwa-ryubutwari-2023-mu-mukino-wa-volleyball/?utm_source=rss&utm_medium=rss&utm_campaign=reg-vc-na-apr-wvc-begukanye-igikombe-cyirushanwa-ryubutwari-2023-mu-mukino-wa-volleyball

Kuri uyu wa kabiri tariki 31 Mutarama 2023, Umushumba wa Kiliziya Gatolika ku isi, Papa Francis, azatangira uruzinduko rw'imisi 4 muri Repubulika Iharanira Demokarasi ya Kongo, rukaba ari urwa 40 agiriye hanze y' icyicaro cye i Vatican kuva yaba Papa, Kongo ikaba ibaye igihugu cya 59 agendereye.

Uruzinduko rwa Papa Francis muri Kongo rwari ruteganyijwe muri Nyakanga 2022, ruza gusubikwa kubera ikibazo yagize mu ivi , none aje mu gihe amahoro ari kure nk'ukwezi, kubera n'intambara ica ibintu cyane cyane mu burasirazuba bw'icyo gihugu, ndetse n'ubundi bushyamirane bushingiye ku moko n'urutere hirya no hino mu ntara za Kongo. Abakunda gusenga, ariko cyane cyane abazi imbaraga za Kiliziya Gatolika mu mitegekere y'isi, barasanga uru ruzinduko rwa Papa Francis rwaba umusanzu mu gukemura ibibazo byabaye akarande muri icyo gihugu. Icyizere baragishingira ku kuba Kongo ari kimwe mu bihugu bifite abayoboke ba Kiliziya Gaolika benshi, bakaba bashobora kumva impanuro zinyuze mu iyobokamana, nko kubana kivandimwe, kurusha uko bakumva disikuru z'abanyapolitiki.

Biri n'amahire, insanganyamatsiko y'uru ruzinduko iragira iti:'Ubwiyunge bwa bose bushingiye kuri Yezu Kristu'.Hari n'abandi icyakora babibona ukundi. Muri bo hari abamaze gutakariza icyizere abanyamadini, barimo na Kiliziya Gatolika, kuko nabo bijanditse mu macakubiri agiye gusenya Kongo burundu. Ibyo babihera ku magambo y'abepiskopi ba Kongo badatinya kubogama, ntibagire icyo bavuga ku magambo abiba urwango n'itotezwa rikorerwa Abanyekongo bavuga Ikinyarwanda, by'uwihariko abo mu bwoko bw'Abatutsi.Mu gihe ingabo za Leta ya Kongo zifatanya n'imitwe yitwaje intwaro, harimo n'uw'abajenosideri wa FDLR, mu guhangana na M23, Kiliziya Gatoloka nta na rimwe irasaba ko intambara yarangizwa mu nzira y'amahoro, ahubwo ihora yenyegeza umuriro, mu matangazo yamagana 'ubushotoranyi bw'u Rwanda n'umutwe w'iterwabwoba wa M23'.

Mu gihe umutwe wa M23 wo uvuga ko uharanira imiyoborere myiza n'uburenganzira bw'Abanyekongo bavuga ikinyarwanda, Kiliziya Gatolika muri Kongo yo ifata uwo mutwe nk'uw'iterabwoba, w'abanyamahanga 'bashaka gusahura Kongo no kwigarurira zimwe mu ntara zayo'.

Nta na rimwe Kiliziya Gatolika, uretse nk'umusenyeri umwe ku giti cye, yari yatura ngo igaragaze ko umuzi w'ibibazo bya Kongo ari ubutegetsi bwamunzwe na ruswa, ubuswa no kutagira umurongo uboneye wo kuyobora igihugu. Muri make, Kiliziya Gatolika muri Kongo ntaho itandukaniye n'ubutegetsi buriho, haba mu myumvire, haba no mu bikorwa.Imwe mu mpamvu zatumye ingengabitekerezo ya Jenoside ishinga imizi, ni abagize uruhare muri Jenoside yakorewe Abatutsi, bahungiye igihiriri muri Zayire, ariyo Kongo ya none.

Bagezeyo Kiliziya Gatolika iri mu babahaye imfashanyo nyinshi, ndetse ikomeza kubaha amasakaramentu nk'ahabwa izindi'ntungane'. Abataratashye mu Rwanda ngo babazwe ibyo bakoze, bagumye yo banashinga imitwe ivuga rikijyana, haba mu kwica, mu gusahura, gusambanya abagore ku ngufu, n'andi mahano bakora ubutegetsi bwa Kongo bukabiha umugisha. Ibyo nabyo Kiliziya Gatolikayabirengeje ingohe, kuko ifite aho ihuriye n'abo bajenosideri.Ntawe utazi uruhare rwa Kiliziya Gatolika muri Jenoside yakorewe Abatutsi, haba mu kuyitegura, haba no mu kuyishyira mu bikorwa.

Abasenyeri barimo Andreya Perraudin, Visenti Nsengiyumva, Focas Nikwigize, Tadeyo Ntihinyurwa na Agustini Misago bari mu' kazu' k'ubutegetsi kirimbuzi bwa MRND. Abapadiri benshi nka Seromba Athanase, Rukundo Emmanuel, Eduwari Nturiye banakatiwe n'inkiko, ndetse n'abagikingiwe ikibaba nka Guy Theunis na Wenceslas Munyeshyaka bari Interahamwe-puzamugambi kabombo. Hari ba babikira Julienne Mukabutera (Mama Kizito) na Consolatta Mukagango(Mama Gertrude) bakatiwe bakanafungirwa mu Bubiligi, ariko bakaza kurekurwa batarangije igihano cy'ubutabera, hakaba rero n'abandi 'bakristu' utamenya umubare wabo.Kugeza n'uyu munsi Kiliziya Gatolika yanze kwemera uruhare rwayo muri Jenoside yakorewe Abatutsi no kubisabira imbabazi.

Ntinaterwa isoni no kuba hirya no hino mu Rwanda ibiliziya byayo byarabaye amabagiro, yatsembewemo ibihumbi byinshi by'Abatutsi. Ese iyo Kiliziya niyo igiye gufasha Abanyekongo kwiyunga'mu izina rya Yezu Krisitu'?Abategetsi ba Kongo bamaze kuba iciro ry'imigani, kuko bahora bavuga ingingo zihabanye kure n'ibyateganyijwe kuganirwaho mu mahuriro mpuzamahanga. Nguko uko uzajya kumva wumve Perezida Tshisekedi yadukanye 'ubushotoranyi bw'uRwanda' mu nama yo guteza imbere ubuhinzi cyangwa kurwanya ihumana ry'ikirere'!

N'ubu rero barumva ngo uyu ari undi mwanya mwiza wo kwihererana Papa Francis, bakamwumvisa ko uRwanda ari rusufero ufateza akaga kose. Ese ko 'abihayimana' bo muri Kongo aribo bagombye gufasha Papa Francis gusesengura neza ibibera muri icyo gihugu, none abakamubwije ukuri nabo bakaba baranyoye ku ntango y'ikinyoma n'ubugome, ninde uzatuma Papa amenya neza umuzi nyakuri w'ibibazo bya Kongo?

Tubitege amaso. Gusa twibuke ko na Jenoside yakorewe Abatutsi yabaye nyuma gato y'uruzinduko rwa Papa Yohani Pawulo II mu Rwanda, hari muw'1990.

The post Ese uruzinduko rwa Papa Francis muri Kongo rwaba ruzanye amahoro muri icyo gihugu kigeze aharindimuka? appeared first on RUSHYASHYA.

Source : https://rushyashya.net/ese-uruzinduko-rwa-papa-francis-muri-kongo-rwaba-ruzanye-amahoro-muri-icyo-gihugu-kigeze-aharindimuka/?utm_source=rss&utm_medium=rss&utm_campaign=ese-uruzinduko-rwa-papa-francis-muri-kongo-rwaba-ruzanye-amahoro-muri-icyo-gihugu-kigeze-aharindimuka

Igisirikare cya Repubulika ya Demokarasi ya Kongo,FARDC,cyasohoye itangazo ryamagana amajwi amaze iminsi acaracara ku mbuga nkoranyambaga bivugwa ko ari aya Minisitiri w'Umutekano w'igihugu aganira na Gen Mugabo ngo basjake umusada wa FDLR.

MU itangazo FARDC yashyize hanze uyu munsi,yavuze ko ijwi ryumvikanye muri ayo majwi yo kuri telefoni atari irya Minisitiri w'Umutekano ndetse ngo nta n'ijwi rya Gen Mugabo ririmo.

Ikomeza igira iti “Ayo majwi yacaracaye yakozwe n'abatasi b'u Rwanda.Yakozwe n'uwitwa Bernard BYAMUNGU.Umwe mu bikoresha bya M23 ikoreshwa na leta ya Kigali kugira ngo irimbure Abatutsi muri Kongo.”

Aba bavuze ko u Rwanda rwibeshye kuri ayo majwi rwacuze ngo kuko ngo ibyavuzwe bidakorwa mu gisirikare cya FARDC kuko ngo Minisitiri w'Umutekano adatanga amategeko cyangwa ngo avugane n'abayoboye urugamba.

Bavuze ko intego y'u Rwanda ari ugusiga icyashya cy'ubwicanyi izi ngabo za FARDC hanyuma rugafata ubutaka bwa RDC.

Nubwo FARDC ivuga ibi,umutwe wa M23 Perezida Tshisekedi yemera ko ari abanyekongo wayishinje gukora jenoside ndetse witeguye kuyihagarika.

Izi ngabo zaFARDC zifatananyije n'inyeshyamba za FDLR zabyutse zihanganye n'inyeshyamba za M23 zigamije kwisubiza Umujyi wa Kitshanga.

Amakuru aravuga ko imirwano yatangiye kuri uyu wa Mbere tariki ya 30 Mutarama 2023 , ko mu rukerera aribwo igitero gikaze cyagabwe n'ingabo za Leta FARDC ku birindiro by'umutwe wa M23 biri ahitwa Kitsimba ni mu Bilometero 4 ujya mu mujyi wa Kitshanga.

Source : https://umuryango.rw/amakuru/mu-mahanga/umutekano/article/fardc-yashinje-u-rwanda-gucura-amajwi-abasebya

UMUHESHA W'INKIKO W'UMWUGA, ARAMENYESHA ABANTU BOSE KO AZATEZA MURI CYAMUNARA KU NSHURO YA GATATU ARI NAYO YA NYUMA UMUTUNGO UTIMUKANWA WA KARURANGA EZECHIEL NA MUKUMBURWA ODETTE UGIZWE N'UBUTAKA BWO KORORERAMO (FARM) BUFITE UPI:5/04/08/02/2502 UGIZWE BUHEREREYE MU MUDUGUDU WA KIBARE, AKAGALI KA K'ISANGANO, UMURENGE WA NDEGO,AKARERE KA KAYONZA.

IPIGANWA MU CYAMUNARA MU BURYO BW'IKORANABUHANGA RIZATANGIRA TARIKI YA 29/01/2023 I SAA SITA Z'AMANYWA (12H00) KUGEZA TARIKI YA 05/02/2023 I SAA SITA Z[AMANYWA(12H00).

WIFUZA IBINDI BISOBANURO YASOMA ITANGAZO RIRI HANO HASI CYANGWA SE AGAHAMAGARA KURI:+250788734008.

Source : https://umuryango.rw/amatangazo/article/itangazo-rya-cyamunara-y-umutungo-utimukanwa-uherereye-kayonza-68927

Chancelier w'Ubudage Olaf Scholz, yavuze ko igihugu cye kitazoherereza Ukraine indege z'intambara, ni nyuma y'iminsi micye bwemeye kuyoherereza ibifaru by'intambara. 

Mu kiganiro n'ikinyamakuru cyo mu Budage, Olaf Scholz yatamnze umuburo ko ntambara irimo gusaba cyane ibikoresho.  

Mu kiganiro n'ikinyamakuru Tagesspiegel, Olaf Scholz yavuze ko icyo agiye kwibandaho ari ugutanga ibifaru bikorerwa mu Budage bya Leopard 2. 

Ati 'Kuba hari icyemezo tumaze gufata [kohereza ibifaru] hanyuma impaka z'ibindi zigahita zizamuka cyane mu Budage, bisa n'aho nta shingiro bifite.' 

Kuwa gatatu ushize Ubudage bwemeye guha Ukraine Leopard 2 zigera kuri 14, nyuma y'ibyumweru buri ku gitutu cy'ibihugu by'inshuti.  

Nyuma yo kwiyemeza ibyo, Leta Zunze Ubumwe za Amerika nayo yahise ivuga ko ishobora koherereza Ukraine ibifaru bizwi nka M1 Abrahams.   

Leta Zunze Ubumwe za Amerika, ivuga ko kuwa kane izaganira na Kyiv yitonze cyane ku gitekerezo cyo kuyiha indege.  

Minisitiri w'Ububanyi n'Amahanga wungirije wa Ukraine, Andrii Melnyk, yasabye ko hakorwa ihuriro ry'indege z'intambara, rishobora guha Ukraine indege za F-16 na F-35 za Amerika, Tornados, Rafales z'Abafaransa na Gripen jets za Suwede.  

Umujyanama wa perezida wa Ukraine Mykhailo Podolyak, yabwiye televiziyo Freedom yaho ko banakeneye misile mu kugabanya cyane intwaro z'ingenzi z'Uburusiya.  

Perezida Volodymyr Zelensky wa Ukraine nawe yasubiyemo ibi mu mashusho atangaza buri joro avuga ko igihugu cye gikeneye ATACMS missile za Amerika, zishobora kuraswa muri 297km.  

Yavuze ko izo zishobora gufasha Ukraine kuburizamo ibitero by'Uburusiya ku mujyi n'ahandi hatuye abasivile mbere y'uko biba. 

Washington kugeza ubu yanze gutanga iyo ntwaro. 

The post <strong>Ubudage ntibuzoherereza Ukraine indege z'intambara- Chancelier Olaf Scholz</strong> appeared first on FLASH RADIO&TV.

Source : https://flash.rw/2023/01/30/ubudage-ntibuzoherereza-ukraine-indege-zintambara-chancelier-olaf-scholz/?utm_source=rss&utm_medium=rss&utm_campaign=ubudage-ntibuzoherereza-ukraine-indege-zintambara-chancelier-olaf-scholz