Umushumba wa Kiliziya Gatolika ku Isi, Papa Francis, yatoreye Padiri Jean-Marie Vianney Twagirayezu, kuba umwepisikopi wa diyosezi ya Kibungo kuri uyu wa Mbere tariki 20 Gashyantare 2023.
Padiri Twagirayezu ni umupadiri wa Diyosezi ya Nyundo akaba yari asanzwe ari umuyobozi wa Caritas Rwanda.
The post Padiri Twagirayezu yatorewe kuba umwepisikopi wa diyosezi ya Kibungo appeared first on FLASH RADIO&TV.
Umwongereza, Ethan Vernon wegukanye agace ka mbere ka Tour du Rwanda 2023 ni na we wongeye kwegukana agace ka kabiri k’iri siganwa kasorejwe Gisagara ni mu gihe Muhoza Eric ni we munyarwanda waje hafi.
Agace ka Kabiri ka Tour du Rwanda 2023, abakinnyi bahagurukiye muri Kigali Free Zone berekeze UTC- Muhima- Yamaha- Nyabugogo- RN1- Ruyenzi-Kamonyi- Muhanga- Nyanza- Huye- SP Station- Casa Hotel- Ndora- Gisagara Arena. Abasiganwa bakoze ibilometero 132,9.
Iri siganwa ni ku nshuro ya 5 ririmo riba kuva ryajya ku rwego rwa 2.1 ariko akaba ari inshuro ya mbere ryagiye i Gisagara. Agace ka mbere kabaye ejo kegukanywe n’umwongereza Ethan Vernon.
Ubwo bavaga muri Kigali bazamuka ku Ruyenzi ni ho hatangiwe amanota y’agasozi ka mbere aho kegukanywe na Pritzen akurikirwa n’umunyarwanda Bigirimana Jean Nepo.
Amanota y’agasozi ka kabiri yatangiwe ku kilometero ka 18 i Kamonyi n’ubundi yegukanywe na Pritzen wari wasize bagenzi be, yakurikiwe na Mugisha Moise na Bigirimana Jean Nepo aho bari basizwe umunota urenga.
Ku isaha ya mbere abasiganwa bari ku muvuduko wa 35km/h. Pritzen ni we wari uyoboye isiganwa aho yari yasize Bigirimana umuri inyuma 3’55” mu gihe 'peloton’ yasizwe 5’30”.
Amanota y’umusozi wa 3 yatangiwe Nyamabuye na yo yegukanywe na Pritzen. Ku kilometero cya 47, yaje no kwegukana amanota ya Sprint ya mbere yatangiwe SP mu Mujyi wa Muhanga. Yari amaze gusiga Bigirimana umuri inyuma ho 5’30” mu gihe igikundi yari yagishyizemo ikinyuranyo cy’iminota umunani.
Ubwo abakinnyi bari bamaze kugenda ibilometero 72. Bageze mu Butansinda bwa Kigoma, ikinyuranyo cyari cyagabanutse kigera ku minota 4’50”.
Josh Charlton ukinira Ikipe y’Igihugu y’u Bwongereza yavuye mu Isiganwa nyuma yo gukomerekera mu mpanuka.
Ku kilometero cya 90, abasiganwa bari binjiye Huye aho Marc Pritzen yari yasize igikundi iminota 2.
Ubwo abasiganwa bari bamaze gukora ibilometero 107, igikundi cyari cyamaze gufata Pritzen.
Nsengimana Jean Bosco wa Team Rwanda yaje gucomoka igikunda aenda wenyine ndetse ashyiramo ikinyuranyo cy’amasegonda 10.
Ku kilometero cy’117, abakinnyi 6 basohotse muri peloton : Mugisha (Rwanda), Fjellheim (EF Education), Main (Afrique du Sud), Lecerf (Soudal-QuickStep), De la Parte (TotalEnergies), Hagen (Q36.5).
Umwogereza Ethan Vernon wa Soudal-QuickStep wari wambaye umwambaro w’umuhondo n’ubundi ni we waje kwegukana aka gace akoresheje amasaha 3 n’iminota 21 n’amasegonda 30.
Yakoresheje ibihe bimwe na Muhoza Eric wa Bike Aid wabaye uwa 28, Niyonkuru wa Samuel wa Team Rwanda wabaye uwa 20, Manizabayo Eric wabaye uwa 34.
Ku rutonde rusange Ethan Vernon ni we wambaye umwambaro w’umuhondo, umunya-Eritrea ukinira Green Project yabaye uwa 3, umuholandi ukinira Israel-Premier Tech, Meijers Jeroen yabaye uwa 3 aba bose bamaze gukoresha amasaha 7, iminota 7 n’amasegonda 22 bakaba banganya ibihe n’abanyarwanda barimo Muhoza Eric wa Bike Aid wa 27, Niyonkuru Samuel wa Team Rwanda wa 30 na Manizabayo Eric wa 41 ku rutonde rusange.
Ubuyobozi bw'Akarere ka Nyanza bugaragaza ko bwafashe ingamba zo gusura imiryango ifite abana bataye ishuri, mu rwego rwo kumenya impamvu nyaukuru yatumye barita.
Ibi bikozwe nyuma yaho Komisiyo y'Imibereho y'Abaturage n'Uburenganzira bwa Muntu muri Sena, yasuye ibigo by'amashuri abanza, ay'uburezi bw'ibanze bw'imyaka 12 n'amashuri yigisha tekinike, imyuga n'ubumenyingiro mu Turere 21, ikagaragaza ko  Akarere ka Nyanza kari mu turere dufite umubare munini w'abanyeshuri batagarutse ku ishuri.
Mu masaha ya mu gitondo itangazamakuru rya Flash ryageze ku ishuri ribanza rya Kavumu Gatolika, riri mu Kagari ka Kibinja mu Murenge wa Busasamana, mu Karere ka Nyanza, abanyeshuri baza mu kigo kwiga mu mpumuzankano y'ibara rya kacye ku bahungu na kotoni ku bakobwa.
 Gusa mbere yo kubanza kujya mu ishuri, barabanza bakajya ku idarapo bakaririmba indirimbo yubahiriza igihugu, maze bagahabwa impanuro ndetse bakanasenga bakabona kwinjira mu ishuri.
Ririya shuri umwaka w'amashuri watangiye abana 33 bari barataye ishuri, ariko ubu imibare igaragaza ko 6 muri bo aribo bataragaruka.
Icyakora  ubuyobozi bw'iri shuri, buvuga ko nabo bugomba kubagarura vuba.
Kirumugabo Jean de Dieu ni umuyobozi w'iri ishuri yagize ati 'Abanyeshuri n'ababyeyi bose twarabaganirije, tujya mu ngo zabo abasigaye nabo twabonye ababyeyi babo mu nteko, nabo batwemerera ko bagomba kubazana. Gusa bose ari ababyeyi ndetse n'abana twasanze baba basangiye ikibazo cy'imyumvire, maze tubereka ibyiza byo kwiga.'
Bamwe mu babyeyi bari bafite abana bataye ishuri, bavuga ko impamvu nyamakuru yatumaga abana bata ishuri ari ubushobozi.
Twagiramutara Djumapili yari afite umwana wataye ishuri ageze mu mwaka wa gatandatu w'amashuri abanza.
 Yagize ati 'Nagize ikibazo cyo kubura ibikoresho ndetse mbura n'imyenda yo ku ishuri umwana yajyana kwiga. Gusa byose ubuyobozi bwarabimpaye, ubu umwana yasubiye mu ishuri.'
Kubura ibikoresho ariko bamwe mu bayobozi bo mu nzego z'ibanze n'abayobozi b'amashuri, bavuga ko ari urwitwazo ko ahubwo imyumvire iza ku isonga mu bituma abana bata ishuri
Niyomugabo Ismaël ni umukuru w'Umudugudu wa Rugari B mu Kagari ka Kibinja, mu murenge wa Busasamana mu karere ka Nyanza, avuga ko bo nk'abakuru b'imudugudu bagize uruhare rukomeye, kugira ngo abana baguruke mu ishuri.
Ati 'Twahawe urutonde rw'abana bavuye mu ishuri maze dufatanyije n'inshuti z'umaryango n'ibindi byiciro turabaganiriza, ariko mu by'ukuri abo twaganiraga twasangaga ikibazo bahura nacyo cya mbere ari imyumvire. Yumva ko umwana atajya mu ishuri ahubwo niba afite imyaka 12 y'amavuko, yahita yigira kwiga kudoda n'ibindi nk'ibyo.'
Nyirahabimina Claudine, ni umuyobozi w'ishuri ribanza rya Mwanabiri riri mu murenge wa Mukingo muri aka  Karere ka Nyanza nawe yagize ati 'Akenshi twasanze ikibazo kiba gihari gituruka ku myumvire, ariko ubu twafashe ingamba ko abana mu midugudu cyane mu minsi y'ikiruhuko(week-end), tubabwira bakareba abana batiga bakabazana. Maze tukabahemba ibintu bito bito nk'amakayi kandi n'uwo wari waravuye mu ishuri, imbogamizi atugaragarije yatumaga ataza kwiga tukayikemura.'
Ubuyobozi bw'Akarere ka Nyanza, buhamya ko hafashwe ingamba zikomeye zo kagarura abana mu ishuri, kandi zigikomeje gushyirwa mu bikorwa kuko ziri gutanga umusaruro.
Muri izo ngamba harimo gusura imiryango ifite abana bataye ishuri kugira ngo hamenyekane impamvu yabibateye, hagamijwe gufatira hamwe ingamba n'ababyeyi kugira ngo bagaruke mu ishuri.
Ibi bikorwa n'ubuyobozi bw'umudugudu ku bufatanye n'izindi nzego, zirimo inshuti z'umaryango, abajyanama b'ubuzima, inzego z'abagore n'urubyiruko aho bahabwa urutonde rw'abana bataye ishuri, bakabagarura ku ishuri hakemuwe impamvu izarizo zose bagaragaza, kandi n'ababyeyi babo nabo bakabaherekeza kugira ngo baganirizwe.
Mu kiganiro cyihariye umuyobozi w'aka Karere, Ntazinda Erasme, yahaye itangazamakuru rya Flash yagize ati 'Mu byakozwe harimo gushakira ubushobozi bw'ibikoresho by'ishuri n'ubundi bufasha abana baturuka mu miryango itishoboye, kuko byagaragaye ko nabyo byari mu bituma abanyeshuri bata ishuri, cyangwa ntibige neza. Biri gutanga umusaruro ku buryo n'abasigaye bazagaruka mu ishuri.'
Ntazinda akomeza avuga ko gahunda y'umudugudu mu ishuri, ifasha abana baturuka mu mudugudu umwe gufashanya no kumenya ikibazo buri wese afite, no gushyira imbaraga muri gahunda yo kubagaburira ku ishuri.
Mu gihe gito mu banyeshuri 2.308 bari barataye ishuri, abanyeshuri 1.807 bangana na 78.3%. bamaze kugaruka mu ishuri kandi ubu bakaba bari kwiga neza, ndetse bakanakurikiranwa umunsi ku wundi.
Iyi gahunda yo kubagarura ngo izakomeza kugeza ubwo na bariya 501 basigaye bazagaruka bose.
Uretse abari baravuye mu ishuri, ubuyobozi bw'aka Karere buvuga ko hari abanyeshuri 5.221 byagaragaye ko biga nabi kuko mu ntangiro z'igihembwe cya kabiri basibaga kenshi, ndetse mu cyumweru cya mbere Akarere ka Nyanza kavuga ko ubu abarenga 99% basigaye biga neza, hakaba hasigaye 337 bagikurikiranwa kubera impamvu zinyuranye.
Mu bari barataye ishuri, abahungu nibo benshi kuko ari 1.278 naho abakobwa bagera ku 1.030.
Umurenge wa Cyabakamyi ni wo wabonekagamo abana benshi bataye ishuri mu Karere, kuko harimo abagera kuri 332 ariko ubu 304 bangana na 91.6% bakaba baragarutse.
Théogène Nshimiyimana
The post <strong>Nyanza: Haragagajwe ingamba zatumye abanyeshuri benshi bari barataye ishuri bagaruka</strong> appeared first on FLASH RADIO&TV.
Kabera Charlotte, umugore w’umuraperi Uwimana Francis [Fireman] agomba kubagwa urutirigongo nyuma y’impanuka yakoze mu minsi ishize.}}
Iyi mpanuka yasize avunitse igupfwa ry’urutirigongo bamubwira ko agomba guhita abagwa.
Mu gihe ataba abazwe vuba bikaba bishobora kumusigira ubumuga bukomeye cyangwa bikaba byanamutwara ubuzima.
Iyi mpanuka yayikoze ari kumwe na Fireman ariko ntihagira uhasia ubuzima. Tariki ya 4 Mutarama 2022 ni bwo basezeranye imbere y’amategeko mu murenge wa Mwurire muri Rwamagana.
Source : http://isimbi.rw/imyidagaduro/article/umugore-wa-fireman-ararembye-agomba-kubagwa
Bikubiye mu butumwa yatanze ku wa 19 Gashyantare 2023 mu biganiro yagiranye n'urubyiruko rusaga 600 rwo mu Mujyi wa Kigali, bigamije kurwereka ko ari rwo mizero y'ejo hazaza bityo ko rugomba kumenya amateka y'igihugu.
Umwe mu bitabiriye ibi biganiro yabajije Gen Kabarebe niba ibiri kubera muri RDC ari Jenoside ndetse niba yaba izwi n'ikiri gukorwa ngo ihagarare.
Gen Kabarebe yamusubije ko ibiri kubera muri icyo gihugu ari jenoside ndetse ko uretse n'u Rwanda n'ibindi bihugu by'amahanga bibibona binyuze mu mvugo ndetse n'ibindi bikorwa bihamagarira kwica abavuga Ikinyarwanda muri icyo gihugu biba buri munsi.
Ati “Ibimenyetso byose biranga jenoside byose birabigaragaza haba imvugo, ari uguhamagarira abantu kwica, ari uburyo abantu bicwa byose bitangiye kugaragara kandi ntabwo ari u Rwanda gusa ruzafata izo ngamba n'amahanga arabibona ndibaza ko bigomba guhagarara.”
Gen Kabarebe yavuze ko hari ubwo amarorerwa abo muri RDC bakora bibwira ko atazwi ariko bishyirwa ku mbuga nkoranyambaga igihe runaka bazabibazwa.
Ati “Hari ingamba nyinshi cyane zaba izifatwa n'Umuryango wa Afurika y'Uburasirazuba ndetse n'imiryango mpuzamahanga iri kugishakira umuti. Sinzi ko bizakomeza ariko kuba ibyo bikorwa by'ubwicanyi bisa nka jenoside ni ukuri. Ariko biraza guhagara byanze bikunze.”
Yavuze ibi mu gihe intabaza ari zose ku bwicanyi buri gukorerwa Abatutsi b'Abanye-Congo mu Burasirazuba bwa RDC abantu bagaragaza ko ari ibimenyets0 simusiga bya jenoside.
Mu Ukuboza na bwo Umuryango IBUKA n'indi iharanira uburenganzira bw'Abarokotse Jenoside yakorewe Abatutsi, yatanze intabaza ku bwicanyi bukomeje gukorerwa Abatutsi bavuga Ikinyarwanda batuye mu bice bitandukanye muri Repubulika Iharanira Demokarasi ya Congo, RDC.
Byanyujijwe mu itangazo ryashyizwe hanze rishyirwaho umukono n'abaperezida ba IBUKA, AERG, GAERG, AERG, AEGIS Trust, Avega-Agahozo, Association of Australia, Ishami Foundation, UK & Rwanda, Genocide Survivors Foundation, US, Urukundo Rwandan Organisation â” Norway, RTGSA-Mpore Inc n'iyindi.
Iyo miryango yakomeje ivuga ko “Turashaka kwibutsa ko kwita abantu abanzi no kuvuga abagomba kwicwa ni bumwe mu buryo bwakoreshejwe na Radio rutwitsi ya RTLM n'Ikinyamakuru Kangura mu Rwanda mbere no mu gihe cya Jenoside yakorewe Abatutsi mu 1994. Biteye inkeke cyane kubona ubwo buryo bukoreshwa muri RDC uyu munsi.''
Bishimangirwa kandi na Raporo ya Loni yo muri Kamena 2022, yagaragaje ko muri RDC hari ubwicanyi bushingiye ku bwoko bw'Abatutsi. Ushingiye ku mategeko mpuzamahanga akumira akanahana icyaha cya Jenoside, yemeje ko muri iki gihugu hari gukorwa Jenoside y'Abatutsi.
Loni igaragaza ko umuzi w'ubu bugizi bwa nabi n'urwango rushingiye ku moko byenyegejwe cyane muri RDC n'abasize bakoze Jenoside mu Rwanda, bagiye muri icyo gihugu bakarema imitwe ishingiye ku ngengabitekerezo ya Jenoside nka FDLR.
Mbere yo kuganira na Gen. James Kabarebe, uru rubyiruko rwabanje gusura Urwibutso rwa Jenoside yakorewe Abatutsi mu 1994 rwa Kigali ruri ku Gisozi ndetse banasura Ingoro y'amateka y'urugamba rwo kubohoza igihugu.
Gen Kabarebe yababwiye ko ibyo babonye byose ari ingaruka z'ubutegetsi bubi bwari bushinzwe guteza imbere no gutekerereza abaturage ariko bukarenga kuri izo nshingano bukajya kwica abaturage abwari bushinzwe kurinda.
Yagaragaje ko intekerezo nk'izo zidakwiye kururanga ahubwo bagomba gutekereza ibyubaka igihugu cyane ko urugamba rugira ibyiciro bityo ko urukomeje ari uwo kubaka igihugu urubyiruko rugomba kugiramo uruhare.
Yavuze ko ibyo byari ibitekerezo byaranze ubutegetsi bwariho icyo gihe aho bwerekaga urubyiruko ko rugomba gufata amacumu n'imihoro rukajya kwica abantu ari yo mpamvu FPR yatangije urugamba rwo kubohora igihugu kuko ubwo bwariho butari bubereye igihugu.
Ati “Rwatangijwe n'urubyiruko nkamwe basahura intwaro mu gihugu babagamo bemera kuza guhangana na leta yicaga abantu. Abantu biyemeje kubohora u Rwanda bari batandukanye, harimo abanyonzi, abahinzi, aborozi […] kuko bose bahuje umugambi umwe.”
Yagaragaje ko nubwo rwari rutangijwe nta gihe kizwi rwari kurangirizwa ari nayo masomo urubyirko rugomba gukuramo kuko mu gihe igihugu kigitera imbere rwiyubaka amaboko yarwo agikenewe umunsi ku wundi.
Umuyobozi wa APR FC, Lt Gen Mubarakh Muganga yasabye abakunzi b’iyi kipe kurenga akababaro baterwa n’abayobora imikino (abasifuzi) bakajya gushyigikira ikipe ya bo, gusa ngo iki kibazo yizera ko na FERWAFA ikibona.
Ni mu butumwa yatanze nyuma y’uko iyi kipe itsinze Etincelles ikisubiza umwanya wa mbere aho yashimiye abakinnyi n’abakunzi ba yo babashije kuyiherekeza mu Bugesera.
Yavuze ko hari n’abatabasha kwihanganira imisifurire bagahitamo kureka kujyayo, yabasabye kubirenga ko iki kibazo akeka na FERWAFA ikibona ndetse yakagikurikiranye kuko umupira utakangijwe isura n’abakurikiranye inyungu za bo bwite.
Ati 'Icyo kibazo nk’ubuyobozi bw’ikipe bwakigejejweho kandi burizera ko na FERWAFA ikibona, bityo itakagombye kwemera abagambiriye kwangiza isura y’umupira w’amaguru (kubera indoke) birengagije ko isi yose iwukurikiranira hafi.'
Benshi bamaze igihe binubira imisifurire aho nko ku mukino APR FC yatsinzwemo na Rayon Sports 1-0, bamwe bahamya ko umusifuzi yemeje igitego kitarenze umurongo gituma babura amanota 3.
Yibukije abakinnyi ko nubwo bayoboye urutonde ariko na none abo bahanganye badasinziriye bari hafi ya bo bityo ko bagomba gutsinda umukino ukurikiyeho wa Musanze FC uza mu mpera z’iki cyumweru.
Minisitiri w'Ubumwe bw'Abanyarwanda n'Inshingano Mboneragihugu, Dr Bizimana Jean Damascène, yagaragaje ko urwango ruri gushibuka kubera umubano mubi uri hagati y'u Rwanda na Repubulika ya Demokarasi ya Congo rushobora kugira ingaruka ku bumwe bw'Abanyarwanda.
Hashize igihe hagati y'u Rwanda na RDC hari umwuka mubi uturuka ku ntambara icyo gihugu gihanganyemo n'umutwe wa M23 icyo gihugu gishinja ko ufashwa n'u Rwanda, rwo rukabihakana rugaragaza ko ari ukunanirwa kw'abayobora RDC.
Ni umwuka mubi ujyana n'ibikorwa byo kugirira nabi abavuga Ikinyarwanda batuye muri icyo gihugu, kugeza nubwo Loni itanze impuruza ko hatagize igikorwa ubwo bugizi bwa nabi bwavamo Jenoside.
Minisitiri Bizimana yavuze ko bidakumiriwe kare, urwo rwango rukorerwa abavuga Ikinyarwanda bari muri RDC n'ibibazo bikomeje kuba hagati y'ibihugu byombi, bishobora guhungabanya ubumwe bw'Abanyarwanda.
Mu kiganiro Ishusho y'Icyumweru cyatambutse kuri RBA yagize ati 'Byanze bikunze iyo urwango rukwizwa rugira ingaruka nyinshi. Iya mbere ni ukugira ingaruka ku mibanire y'abaturage bahahirana na bamwe bavuga Ikinyarwanda kubera amateka yatumye bajya hariya. Muzi ko Congo yafashe ingamba zo gufunga imipaka saa Cyenda, ibyo ni ibintu bigira ingaruka ku mibanire n'imihariranire.'
'Iyo urwango rumaze gukwiza kugeza n'ubwo abanye-Congo bari mu mahanga bumva ko umutekano muke uri mu Burasirazuba bw'igihugu cyabo uterwa n'u Rwanda, biba byazanye urwango hagati y'abaturage.'
Nubwo asanga hari ibizangirika ku bumwe bw'Abanyarwanda ariko Minisitiri Bizimana asaba Abanyarwanda by'umwihariko urubyiruko guhaguruka bakavuga ukuri ku biri kuba.
Ati 'Imwe mu ndangagaciro Abanyarwanda bemera ni ugukunda igihugu, ibi rero ntabwo biba mu magambo biba mu bikorwa. Nta rugamba rw'amasasu ubu turi mu maharo. Ubu turi mu rugamba rw'ikinyoma gikwizwa n'abategetsi ba Congo n'abo bigaruriye. Ni ngombwa ko Abanyarwanda bahaguruka tukagaragaza uko ikibazo kimeze.'
Ikinyamakuru igihe cyanditse ko Umuvugizi wungirije wa Guverinoma y'u Rwanda, Alain Mukuralinda, yasabye Abanyarwanda gukoresha ikoranabuhanga bakavuga ukuri kw'ibiri kubera muri Congo kugira ngo bimenyekane.
Ati 'Banyarwanda, Banyarwandakazi mumenye ko hari intambara ebyiri iy'amasasu n'iyitumanaho, iyitumanaho bigusaba gufata telefoni yawe ugasoma ayo makuru afatika afite ibimenyetso, ugashyiramo internet ukabeshyuza mu Gifaransa, mu Kinyarwanda, mu Cyongereza ntabwo ari iya guverinoma gusa.'
Usibye abaturage gusa kandi Umuyobozi wungirije wa Never Again Rwanda, Mahoro Eric, yibukije sosiyete Sivile n'amadini ko uru rugamba nabo rubareba.
Ati 'Sosiyete sivile n'amadini reka twe guceceka kuko ntabwo bikwiye ko igihe abantu bari kwicwa turi kubona ibibazo biriho ngo duceceke ahubwo buri wese nazamure ijwi mu kugaragaza ukuri no kwamagana ubwicanyi buri gukorwa muri Congo.'
Kugeza ubu hari kugeragezwa ubuhuza n'impande zitandukanye ngo mu Burasirazuba bwa Congo haboneke amahoro, icyakora haracyari icyuho kuko icyo gihugu kidahana cyangwa ngo cyamagana abakwirakwiza imvugo z'urwango n'ubugizi bwa nabi bwibasira abavuga Ikinyarwanda, by'umwihariko abo mu bwoko bw'Abatutsi.
Hejuru y'impunzi z'abanye-Congo basaga ibihumbi 80 u Rwanda rucumbikiye, guhera mu Ugushyingo umwaka ushize u Rwanda rwakira abandi basaga ijana buri munsi biganjemo abavuga Ikinyarwanda bahunga ubugizi bwa nabi bakorerwa n'abaturage ku bufatanye na Leta n'imitwe yitwaje intwaro bafatanya.
The post <strong>Umwuka mubi hagati y'u Rwanda na RDC ushobora kugira ingaruka ku bumwe bw'abanyarwanda- Minisitiri Bizimana</strong> appeared first on FLASH RADIO&TV.
Gandhi Bilel Djuna [Maître Gims] ari imbere mu banyamuziki bakomeye kandi b'ibihe byose cyane cyane mu bakunzi b'indirimbo ziri mu rurimi rw'Igifaransa. Ni umugabo w'ijwi riremereye, umuraperi wigwizaho igikundiro uko bucye n'uko bwije.
Umwibuke mu ndirimbo zirimo nka 'Ceinture Noire’ yo mu 2018, 'Est-ce que tu m’aimes?' yo mu 2015, 'J’me tire' yo muri Mata 2013, 'Le prix à payer' yo mu 2019 n'izindi.
Hari benshi bataramubona ku maso bitewe n'uko atajya akuramo amataratara (Lunette). Hari abatera urwenya bakavuga ko afite ikibazo ku maso, ari nayo mpamvu bigoye guhuza nawe imboni.
InyaRwanda ifite amakuru yizewe avuga ko mu bihe bitandukanye we n'umuvandimwe we Dadju batumiwe gutaramira i Kigali bakanga bitewe n'uko umubano utifashe neza hagati ya Repubulika Iharanira Demokarasi ya Congo n'u Rwanda.
Aba bombi ni abanye-Congo batarabasha kubona ko Guverinoma yabo yihunza ibibazo biyireba. Dadju ni we wabanje gutumirwa i Kigali aranga, Maître Gims asubiza ko ibyo umuvandimwe we yanze, nawe atakirirwa abitekerezaho kabiri.
Uwari ugiye kubatumira i Kigali, yifashishije urubuga rwa Youtube yohereza amashusho agaragaza Perezida Kagame ajya i Goma guhura na Félix Tshisekedi, nyuma y'iruka ry'ikirunga cya Nyiragongo, cyarutse tariki 22 Gicurasi 2021.
Aba banyamuziki bombi barabyanze, bavuga ko igihe cyose umubano w'ibihugu byombi utarasobanuka badateze gutaramira i Kigali.
Maître Gims yakomeje ibikorwa bye by'umuziki. Ndetse, ari ku rutonde rw'abahanzi barimo na Davido wo muri Nigeria basusurukije abatabiriye umukino wa nyuma w'Igikombe cy'Isi cyaje kwegukanwa n'ikipe ya Argentine ya Messi. Uyu mukino wabereye mu Mujyi wa Doha, ku wa 18 Ukuboza 2022.
Uyu mukino wanasusurukijwe n'abandi barimo umunyamerika w'umukinnyi wa filime Morgan Freeman, Jungkook wo mu itsinda ryo muri Korea y'Epfo, BTS n'abandi.
Mu barebye uyu mukino w'igikombe cy'Isi harimo na Perezida Paul Kagame, Perezida w'u Bufaransa, Emmanuel Macron n'abandi.
Mu kiganiro 'Ishusho y'icyumweru' cya Televiziyo y'u Rwanda cyatambutse kuri iki Cyumweru tariki 19 Gashyantare 2023, Alain Mukuralinda yatangaje ko Guverinoma ya Congo ikomeje kwihunza gukemura ikibazo cy'umutekano mucye uri mu Burasirazuba, ahubwo bagashyira imbere gukomeza gucengeza ibinyoma bigamije kusiga icyisha u Rwanda.
Mukuralinda avuga ko abayobozi ba Congo bakomeje kubwira urubyiruko rw'abo n'amahanga ko ikibazo ari u Rwanda, nyamara atari ko bimeze.
Muri iki kiganiro, yasabye urubyiruko rw'u Rwanda kutagirira urwango abakongomani, ahubwo bagatahiriza umugozi umwe mu kugaragariza amahanga ukuri.
Yatanze urugero avuga ko Congo ikomeje gukora uko ishoboye kugira ngo isebye u Rwanda, aho bananyuze kuri Maître Gims kugira ngo avuge nabi Umukuru w'Igihugu imbere y'abari bitabiriye umukino wa nyuma w'Igikombe cy'Isi.
Ati 'Hari uwitwa, Maître Gims, bari bamuhaye amafaranga menshi ibihumbi Magana atandatu by'amayero [Ni Miliyoni 690, 499, 574 Frw) ngo aze gutuka Perezida wacu (Kagame) kuri 'final' y'igikombe cy'Isi (2022). Noneho, Maître Gims arenze n'uwo mukinnyi (Uwo Minisitiri Jean Damascène yavuze muri iki kiganiro) mu kugira abantu bamukurikira.'
'Ugiye kubivuga ku gikorwa kiza kurebwa n'abantu miliyari eshatu, enye. Ni uko byaje kumenyekana bamuha gasopo. Wenda amafaranga yo yarayajyanyeâ¦'
Mukuralinda avuga ko iki ari igihe cy'uko urubyiruko rw'u Rwanda ruhagaruka rukifashisha imbuga nkoranyambaga mu kugaragaza ukuri kw'ibiri kuba muri iki gihe.
Ati 'Urubyiruko ruhagaruke. Ntabwo turutumye gutukana ntabwo turutumenye kurwana, ariko rufate, nibiba ngombwa batubaze, amakuru arahari, niba batazi aho bayakura tuyabahe, aya mbere ni bayasange kuri Twitter yanjyeâ¦.'
Muri iki kiganiro, Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascène yavuze n'ubwo nta rugamba rw'amasasu 'turimo', ariko hari urugamba rw'ikinyoma 'gikizwa n'abategetsi ba Congo'.
Yasabye Abanyarwanda guhagaruka bakarengera isura y'u Rwanda. Bizimana avuga ko iyo urwango rukwizwa bigira ingaruka nyinshi zirimo imibanire izamba hagati y'abaturage b'ibihugu byombi.
Avuga ko muri iki gihe Congo yafashe ingamba zo gufunga imipaka kugeza saa cyenda. Minisitiri Bizimana avuga ko bigeze aho n'abanyecongo bari mu mahanga 'bumva ko umutekano mucye uri mu Burasirazuba uterwa n'u Rwanda'.
Yavuze ko mu minsi ishize yarebye umukino wahuje ikipe ya Olympique de Marseille na Paris Saint-Germai (PSG). Muri iyi kipe ya Olympique de Marseille hakinamo umukinnyi Chancel Mangulu Mbemba ukina mu bwugarizi.
Mbere y'uko bakina uyu mukino, Chancel Mangulu Mbemba yanditse ubutumwa kuri Twitter avuga ati 'Nyakubahwa Perezida wa Repubulika y'u Rwanda uri umubyeyi ndagira ngo nkusabe uhagarike ubwicanyi igihugu cyawe kiriho gukorera mu Burasirazuba bwa Congo iwacu.'
Minisitiri Bizimana asobanura ko ibinyoma Congo yahimbye bimaze kugera kure, kugeza n'aho bigera ku mukinnyi nk'uyu ukomeye ku rwego rw'Isi.
Akomeza avuga ko ikinyoma 'kiragenda kigakwiza urwango mu baturage ubundi busanzwe babanye neza'. Avuga ko iki ari igihe cy'uko itangazamakuru rikomeza gusobanura ukuri kw'ibiri kuba.
Ibyo wamenya kuri Maître Gims, umunyamuziki winangiye umutima ku gutaramira i Kigali:
Inyandiko zitandukanye zivuga ko Maître Gims yavukiye mu Mujyi wa Kinshasa muri Repubulika Demokarasi ya Congo, ku wa 5 Gicurasi 1986.
Ni umunye-Congo, umuririmbyi w'umwanditsi w'indirimbo akaba n'umuraperi udashidikanwaho na benshi.
Avuka mu muryango w'abanyamuziki, kuko Se Djanana Djuma yari umuririmbyi mu itsinda 'Viva La Musica' rya rurangiranwa mu muziki Papa Wemba witabye Imana.
Maître Gims yageze mu Bufaransa mu mwaka wa 1988, ubwo yari afite imyaka ibiri y'amavuko, ari kumwe n'ababyeyi be bari abimukira muri iki gihugu.
Uyu mugabo yakuriye mu itsinda ry'abanyamuziki rya 'Sexion d'Assaut' mbere y'uko atangira urugendo rw'umuziki nk'umuhanzi wigenga.
Mu 2013 yashyize hanze album ye ya mbere yise 'Subliminal' yagurishijeho miliyoni z'amakopi bituma iza ku mwanya wa kabiri kuri album zikunzwe mu Bufaransa.
Uyu munyamuziki anafite album 'My Heart was right' yasohoye mu 2015. Mu rugendo rwe rw'umuziki amaze gukorana n'abahanzi barimo Sia, Pitbull, Lil Wayne, Stromae, Maluma, Sting n'abandi.
Avuka mu muryango w'abana batandatu barimo na Murumuna we Dajdu. Muri Werurwe 2019, Maitre Gims yanditse kuri konti ye ya Instagam avuga ko ashaka guhindura amazina ye akajya yitwa 'Gims' gusa aho kuba Maitre Gims.
 
Umunyamuziki Maître Gims yari yahawe amafaranga kugira ngo igihe yaririmbiraga ibihumbi by'abantu bitabiriye umukino wa nyuma w'igikombe cy'Isi atuke Perezida Paul Kagame 
Maître Gims akurikirwa na Miliyoni 3 kuri Instagram yageregejwe igihe kinini gutaramira i Kigali aranga. Ibimenyetso yohererejwe by'umubano w'ibihugu byombi yabiteye utwatsi 
Murumuna we Dajdu ukurikirwa n'abantu miliyoni 7 kuri Instagram, yavuze ko adateze gutaramira mu Rwanda igihe cyose Uburasirazuba bwa Repubulika Iharanira Demokarasi ya Congo budatekanye 
Umuvugizi Wungirije wa Guverinoma y'u Rwanda, Alain Mukuralinda yasabye urubyiruko kwifashisha imbuga nkoranyambaga mu kugaragariza amahanga ukuri 
Minisitiri Dr Bizimana yavuze ko buri munyarwanda akwiye guharanira kurengera isura y'u Rwanda. Ati 'Burya n'iyo ikinyoma gisigara ariko ukuri kuratsinda'. Duhaguruke rero turengera Igihugu cyacu, twumve ko ni inshingano ya buri wese.'Â 
Ubwo Perezida Paul Kagame yahuriraga na Perezida wa Repubulika Iharanira Demokarasi ya Congo, Félix Tshisekedi ku mupaka wa La Corniche ku wa Gatandatu tariki 26 Kamena 2021Â 
Perezida Paul Kagame yitabiriye ibirori bifungura imikino y'Igikombe cy'Isi, anitabira umunsi wa nyuma w'iri rushanwa ryabaga ku nshuro ya 22Â 
Umukinnyi wa filime Morgan Freeman n’Umunya-Qatar Ghanim Al-Muftah bari mu basusurukije ibirori bya nyuma by'igikombe cy'Isi 
Argentine ya Lionel Messi yegukanye Igikombe cy’Isi- Ibyishimo byari byose kuri Lusail Stadium 
KANDA HANO UREBE AMASHUSHO Y'INDIRIMBO 'EST-CE QUE TUM'AIMES' YA MAITRE GIMS
 “>
Hashize igihe hagati y'u Rwanda na RDC hari umwuka mubi uturuka ku ntambara icyo gihugu gihanganyemo n'umutwe wa M23 icyo gihugu gishinja ko ufashwa n'u Rwanda, rwo rukabihakana rugaragaza ko ari ukunanirwa kw'abayobora RDC.
Ni umwuka mubi ujyana n'ibikorwa byo kugirira nabi abavuga Ikinyarwanda batuye muri icyo gihugu, kugeza nubwo Loni itanze impuruza ko hatagize igikorwa ubwo bugizi bwa nabi bwavamo Jenoside.
Minisitiri Bizimana yavuze ko bidakumiriwe kare, urwo rwango rukorerwa abavuga Ikinyarwanda bari muri RDC n'ibibazo bikomeje kuba hagati y'ibihugu byombi, bishobora guhungabanya ubumwe bw'Abanyarwanda.
Mu kiganiro Ishusho y'Icyumweru cyatambutse kuri RBA yagize ati 'Byanze bikunze iyo urwango rukwizwa rugira ingaruka nyinshi. Iya mbere ni ukugira ingaruka ku mibanire y'abaturage bahahirana na bamwe bavuga Ikinyarwanda kubera amateka yatumye bajya hariya. Muzi ko Congo yafashe ingamba zo gufunga imipaka saa Cyenda, ibyo ni ibintu bigira ingaruka ku mibanire n'imihariranire.'
'Iyo urwango rumaze gukwiza kugeza n'ubwo abanye-Congo bari mu mahanga bumva ko umutekano muke uri mu Burasirazuba bw'igihugu cyabo uterwa n'u Rwanda, biba byazanye urwango hagati y'abaturage.'
Nubwo asanga hari ibizangirika ku bumwe bw'Abanyarwanda ariko Minisitiri Bizimana asaba Abanyarwanda by'umwihariko urubyiruko guhaguruka bakavuga ukuri ku biri kuba.
Ati 'Imwe mu ndangagaciro Abanyarwanda bemera ni ugukunda igihugu, ibi rero ntabwo biba mu magambo biba mu bikorwa. Nta rugamba rw'amasasu ubu turi mu maharo. Ubu turi mu rugamba rw'ikinyoma gikwizwa n'abategetsi ba Congo n'abo bigaruriye. Ni ngombwa ko Abanyarwanda bahaguruka tukagaragaza uko ikibazo kimeze.'
Umuvugizi wungirije wa Guverinoma y'u Rwanda, Alain Mukuralinda, yasabye Abanyarwanda gukoresha ikoranabuhanga bakavuga ukuri kw'ibiri kubera muri Congo kugira ngo bimenyekane.
Ati 'Banyarwanda, Banyarwandakazi mumenye ko hari intambara ebyiri iy'amasasu n'iyitumanaho, iyitumanaho bigusaba gufata telefoni yawe ugasoma ayo makuru afatika afite ibimenyetso, ugashyiramo internet ukabeshyuza mu Gifaransa, mu Kinyarwanda, mu Cyongereza ntabwo ari iya guverinoma gusa.'
Usibye abaturage gusa kandi Umuyobozi wungirije wa Never Again Rwanda, Mahoro Eric, yibukije sosiyete Sivile n'amadini ko uru rugamba nabo rubareba.
Ati 'Sosiyete sivile n'amadini reka twe guceceka kuko ntabwo bikwiye ko igihe abantu bari kwicwa turi kubona ibibazo biriho ngo duceceke ahubwo buri wese nazamure ijwi mu kugaragaza ukuri no kwamagana ubwicanyi buri gukorwa muri Congo.'
Kugeza ubu hari kugeragezwa ubuhuza n'impande zitandukanye ngo mu Burasirazuba bwa Congo haboneke amahoro, icyakora haracyari icyuho kuko icyo gihugu kidahana cyangwa ngo cyamagana abakwirakwiza imvugo z'urwango n'ubugizi bwa nabi bwibasira abavuga Ikinyarwanda, by'umwihariko abo mu bwoko bw'Abatutsi.
Hejuru y'impunzi z'abanye-Congo basaga ibihumbi 80 u Rwanda rucumbikiye, guhera mu Ugushyingo umwaka ushize u Rwanda rwakira abandi basaga ijana buri munsi biganjemo abavuga Ikinyarwanda bahunga ubugizi bwa nabi bakorerwa n'abaturage ku bufatanye na Leta n'imitwe yitwaje intwaro bafatanya.
Impera z’icyumweru zasize Rayon Sports itsinze Gasogi United maze Uwayezu Jean Fidele abwira KNC ko ikipe ye imaze imyaka 3 idakwiye kwigereranya n’imaze imyaka 60.
Yari weekend irimo ibintu byinshi binyuranye nk’aho ejo hashize hatangiye Tour du Rwanda 2023 aho agace ka mbere Kigali-Rwamagana kegukanywe n’umwongereza, Ethan Vernon, umunyarwanda waje hafi yabaye Mugisha Moise wabaye uwa 21 ariko akoresha ibihe bimwe na Ethan Vernon.
Indi mikino yari ihari ni shampiyona y’icyiciro cya mbere mu Rwanda umwaka w’imikino 2022-23 wari wakomeje hakinwa umunsi wa 20.
Umukino wari witezwe na benshi ni uwo Gasogi United yakiriyemo Rayon Sports ku wa Gatandatu kuri Stade ya Bugesera.
Benshi bari biteze ko Rayon Sports igomba gutsinda ariko amagambo ya Kakooza Nkuriza Charles [KNC] uyobora Gasogi United ni yo yahuruje benshi aho yavuze ko Rayon Sports nta bushobozi bwo kumutsinda ifite ndetse ko nimutsinda azagirwa perezida w’impfube.
Rayon Sports yaje kumutsinda 2-1 ndetse yahise inafata umwanya wa mbere mu gihe yari igitegereje ibizava mu mukino wa APR FC na Etincelles wabaye ejo hashize ku Cyumweru.
Nyuma y’uyu mukino KNC yikomye imisifurire avuga ko ari yo yatumye batsindwa ndetse ko niyumva arambiwe azakuramo ikipe ye.
Ati “Twakoze ibishoboka byose nta kindi twarenzaho. Wenda na twe nitugira abasifuzi b’abafana hari igihe tuzatsinda. Mu misifurire yo gushyira hasi umuntu ntacyo batakoze.”
“Icyo nzi cyo nitwumva biturambiye tuzafata umwanzuro wacu ntabwo twakomeza kwigaragura mu bintu nk’ibi. Nitwumva biturambiye tuzava mu mwanda. Nta wigeze udutumira. Ntabwo dushobora gutwika amafranga mu mwanda nk’uyu. Nta bindi.”
Perezida wa Rayon Sports, Uwayezu Jean Fidele akaba yaravuze ko nta mwana usya avoma, ikipe nka Gasogi United imaze imyaka 3 itagakwiye kwigereranya na Rayon Sports imaze imyaka 60.
Ati “Twebwe tuvugira mu kibuga. Amagambo yavuze ni menshi ariko mu Kinyarwanda baravuga ngo ‘umwana aravoma ntabwo asya’. Gasogi imaze imyaka itatu ntizigereranye n’ubukombe bumaze imyaka 60.”
Ku rundi ruhande ariko ibi byishimo bya Rayon Sports byo kuba ku mwanya wa mbere ntabwo byamaze kabiri kuko APR FC yaraye ibambuye uyu mwanya nyuma yo gutsinda Etincelles FC 4-2.
APR FC ni yo iyoboye urutonde n’amanota 40, Rayon Sports ifite 39, Kiyovu Sports 38, AS Kigali 37, Gasogi United na Etincelles zifite 36 n’aho Police FC ifite 33.
