Blog

Iri tsinda ryari riherutse kuririmba mu gitaramo cya Kigali Jazz Junction ari na bwo ryatangaje ko rigiye gushyira hanze iyi album ya mbere iriho indirimbo nka ‘Umurashi’ bakoranye na Riderman, ‘Sebisage’ bitiriye Album, ‘Karangwe’, ‘Iyarare’, ‘Ideni’, ‘Tsinda ya Remera’, ‘Joli’, ‘Juice’ ndetse na Imigembe ft Sophie nzayisenga.

Izi ndirimbo zashyizwe ku rubuga rwa Youtube mu buryo bw’amajwi, ariko indirimbo bakoranye na Riderman yanasohokanye n’amashusho yayo.

Buri ndirimbo iri kuri iyi album ifite ubutumwa bwihariye, kuko buri yose hafashwe igihe cyo kuyikoraho kitari munsi y'amezi atanu kuri buri imwe.

Kandi yakozweho n'abantu batandukanye barimo Aaron Tunga na Kipeti. Nkomeza Alex uri mu bagize iri tsinda, yabwiye InyaRwanda ko iyi album bahisemo kuyita 'Sebisage' mu gusobanura u Rwanda n'Abanyarwanda.

Ati 'Sebisage' ubwabyo n'izina twafashe nk'iry'umunyarwanda wese kuko ibisage bisokozwa buri muntu iwacu kuva mu muco wacu kugera n'ubu navuga ko bisobanuye umunyarwanda kandi kuba umunyarwanda burya ahantu hose bijyana no gukora ibi twita kuba umukozi kandi mwiza buri hantu.'

Akomeza ati 'Icyo rero twavugaga ni gukora, dushake ubuzima kandi uko bugoye kose dutarame, kuko igitaramo ni umuco wacu. Kuko igitaramo kigirwamo byinshi birimo n'indangagaciro si ukubyina gusa. Aho turi dukore umurimo kandi neza ariko utugore utunanize kandi tuwungukemo ariko nyuma dutarame nk'abanyarwanda.'

Ni album yihariye ariko byakugora kumva ubutumwa udafashe umwanya ngo uyumve neza indirimbo imwe kuyindi, gusa by'umwihariko ubutumwa buriho ni uburere mbonera gihugu;

Burimo kwigisha umuryango nyarwanda uhereye mu ndirimbo ya mbere kugera ku ya nyuma kuri album yose kuko niwo murongo aba basore bahisemo wo gutanga ubutumwa ari mu nyandiko bakora ari no mu buryo indirimbo bakora zikoze/zicuranze mu buryo ziririmbyemo.

Iyi album kandi iteguye mu buryo wumva butandukanye n'izindi z'abahanzi nazo nziza zagiye zisohoka. Biri mu mpamvu zatumye aba basore bahitamo gukora indirimbo zubakiye ku bicurangisho bya gakondo, aho buri ndirimbo yumvikanamo inanga ya Kinyarwanda n'amajwi meza y'umwimerere akomoka ku gice cyo ku nkombo mu Rwanda.

Kuri iyi album hariho abahanzi babiri gusa bakoranye. Riderman bakoranye indirimbo bise 'Umurashi' n'aho Nzayisenga Sophia bakoranye indirimbo 'Imigende'

Asobanurako iyi album yihariye mu rugendo rw'abo rw'umuzik, ahanini binaturutse ku kuba yarakozwe n'abarimo umuhanzi w'umuhanga u Rwanda rufite akaba na Producer, Kipeti ndetse na Aaron Nituunga watanze inama ku ikorwa ryayo.

Aaron avuga ko mu myaka amaze mu rugendo rwo gukora indirimbo atigeze abona umuhanzi wateye imbere adakoze umuziki ushingiye ku muco w'igihugu cye.

Ati 'Mu myaka maze nkora indirimbo (Production) mu bihugu bitandukanye nta narimwe nigeze mbona umuhanzi wateye imbere adakora ibintu birimo umuco gakondo waho akomoka ngo bigere kubahandi.'

Shauku Music Band igizwe na Izerimana Gad ucuranga Gitari Bass, Niyobyiringiro Ellham 'Solist', 'Nkomeza Alex ucuranga Piano ndetse na Iradukunda Aimable uvuza ingoma, usanzwe ari mwarimu ku Nyundo.

Shauku Music yaririmbye mu birori n'ibitaramo bikomeye nk'Inama y'Abakuru b'Ibihugu na za Guverinoma ya Commonwealth, CHOGM yabereye i Kigali mu 2022, inama ya Youth Konnect, ibitaramo bya Kigali Jazz Junction n'ahandi hatandukanye. 

Shauku Music yasohoye album ya mbere bise 'Sebisage' yatanzweho umusanzu n'abarimo Aarno Nitunga na Producer Kipeti 

Umuraperi Riderman yahuje imbaraga na Shauku Band mu ndirimbo bise 'Umurashi' 

Umukirigitananga Nzayisenga Sophia yakoranye indirimbo na Shauku Band bise 'Imigembe'

 

Uhereye ibumoso: Izerimana Gad acuranga gitari bass, Niyobyiringiro Ellham solist, Nkomeza Alex ucuranga Piano, Aimable Iradukunda uvuza ingoma akaba n'umwarimu ku ishuri rya muzika rya Nyundo

Indirimbo zigize album ya mbere y’itsinda Shauku Music ikoze mu njyana ya Afro Fusion

KANDA HANO WUMVE ALBUM 'SEBISAGE' YA SHAUKU MUSIC

KANDA HANO UREBE AMASHUSHO Y'INDIRIMBO 'UMURASHI' SHAUKU YAKORANYE NA RIDERMAN

“>

KANDA HANO WUMVE INDIRIMBO 'IMIGEMBE' SHAUKU YAKORANYE NA NZAYISENGA SOPHIA

“> 

Rutahizamu w’umunyarwanda muri Sweden, Byiringiro Lague yavuze ko kimwe mu bintu byamushimishije ari urubura kuko ari bwo bwa mbere yari arubonye.

Mu mpera z’icyumweru gishize ku wa Gatanu tariki ya 10 Werurwe 2023 ni bwo uyu mukinnyi wakiniraga APR FC yageze muri Sweden.

Byiringiro Lague yavuze ko ikintu cya mbere cyamushimishije harimo kubona urubura (snow) kuko ari ubwa yari arubonye.

Ati “Nakunze urubura kubera ko ni inshuro yanjye ya mbere kuba nabona urubura, nakunze abantu b’inaha muri Sweden ndetse n’abakinnyi ni abana beza.”

Yakinnye iminota 15 ya nyuma mu mukino wa gicuti banganyijemo na GIF Sundsvall ku wa Gatandatu, akaba yaravuze ko yishimiye kongera gukinana na Yannick Mukunzi.

Ati “Umukino wari mwiza, nakinnye iminota 15 nakunze gukinana na Yannick Mukunzi, ni mukuru wanjye no mu ikipe y’igihugu turakinana.”

Byiringiro Lague akaba yarasinyiye iyi kipe amasezerano y’imyaka 4 aho afite intego yo kuba yajya gukina ku rwego rwisumbuyeho.

Byiringiro Lague yishimiye kubona urubura bwa mbere akigera muri Sweden

“Kwambarira ubucocero aho wambariye inkindi”, ni imvugo ikoreshwa ku muntu bashaka kugaragaza ko ashobora gusebera aho yakoreye ibikorwa by’indashyikirwa, ibi ni byo bishobora kuba ku mutoza Seninga Innocent wa Sunrise FC aho ashobora kwisanga yamanuye iyi kipe mu cyiciro cya kabiri ari we wari wayizamuye.

Muri Sunrise FC, ishyamba si ryeru na gato, haratutumba umuriro isaha n’isaha wakwaka, baravuga ngo ntawuhisha inzu ngo ahishe umwotsi, bagerageje kuwupfukirana ariko wishakira inzira ugaragara.

Iyi kipe iheruka intsinzi muri shampiyona tariki ya 21 Ukuboza 2022 ubwo batsindaga AS Kigali 2-1. Imikino yirenze ari 8 itazi ikitwa intsinzi, yanganyije 2 itsindwa 6.

Amakuru ISIMBI yamenye ni uko umubano w’abakinnyi n’umutoza mukuru Seninga Innocent wajemo igihu ndetse abakinnyi bamwumva batarenze 3 cyangwa 4.

Uwahaye amakuru ISIMBI yagize ati “sinakubeshya kandi byigaragaza, ikibazo cyo kirahari, umutoza abakinnyi bameze neza mu myitozo si bo akinisha, icya mbere yashwanye n’abakinnyi bakuru mu ikipe urebye ubu nta muntu ukimuriho, yego ntawabura abe nk’ababiri cyangwa 3 ariko rwose urwambariro rwe rwarapfuye.”

Seninga Innocent yarahagaritswe biba iby’ubusa

Nyuma yo kumara imikino 3 yikurikiranya atsindwa (Gasogi United 3-0, APR FC 1-0 na Marines 2-1), tariki ya 14 Gashyantare 2023, Seninga Innocent n’umwungiriza we bahagaritswe iminsi 15.

Muri iyo minsi 15 Sunrise FC yanganyije na AS Kigali 2-2 itsindwa na Police FC imikino 2 muri shampiyona n’igikombe cy’Amahoro 2-1 buri mukino.

Iminsi 15 irangiye ubuyobozi bwa Sunrise FC bwafashe umwanzuro wo kumwongera indi minsi 15 ariko mu buryo butunguranye tariki ya 3 Werurwe yagaruwe mu kazi maze tariki 4 Werurwe atoza umukino wa Rwamagana City yahise ibatsinda 2-0, baje gutsinda Police FC 1-0 mu gikombe cy’Amahoro ariko barasezererwa kuko Police FC yari yarabatsinze 2-1 mu mukino ubanza.

Umukino uheruka wa shampiyona, Mukura VS yabatsindiye i Huye 2-1.

Nyuma y’uyu mukino Seninga Innocent yavuze ko ikibazo gishobora kuba gifitwe n’ubuyobozi n’abakinnyi.

Ati “dutangira imikino yo kwishyura twanganyije umukino umwe wa Bugesera FC, dutakaza imikino 3 yikurikiranya habaho guhagarikwa kwanjye, nagiye mfite inota rimwe n’abayisigaranye bagize inota rimwe, turacyibaza ikibazo gihari, ntabwo kiri mu batoza niba abakinnyi basigarana n’umutoza wundi ntatsinde n’uwagiye ntatsinde ikibazo gishobora kuba kiri mu buyobozi cyangwa mu bakinnyi hagati ya bo.”

Ntabwo Sunrise FC ifite ubushobozi bwo kwirukana Seninga Innocent

Uyu mutoza avuga ko ubuyobozi bw’iyi kipe budafite ubushobozi bwo kumwirukana kuko ngo afite abantu bakomeye bamushyigikiye ndetse banamuzanye.

Uwahaye amakuru ISIMBI yagize ati “none se niba na we ubwe avuga ko ntawabasha kumwirukana, ngo afite abantu bakomeye bamushyigikiye.”

Kugarurwa mu kazi byateje uruntu runtu muri Sunrise FC

Bivugwa ko ubuyobozi bwa Sunrise FC burangajwe imbere na Hadari Hillary usanzwe ari visi perezida ari we wafashe iya mbere mu kongerera ibihano Seninga.

Amakuru avuga ko yaje guhamagarwa na Meya w’Akarere ka Nyagatare ndetse na Guverineri w’Intara y’Iburasirazuba akabwirwa ko agomba kugarura Seninga mu kazi, undi arabyanga avuga ko nta we agarura, niba babishaka bamwigarurira, yaje kugarurwa mu kazi mu buryo bumeze nk’agahato.

Ati “urumva Hodari ni umugabo uhagarara ku ijambo rye, yanze kumugarura bisa n’aho agarutse ku gahato, na we twahise tumubura, kuva icyo gihe ntabwo turongera kumuca iryera, Seninga yaje na we agenda.”

Nta gikozwe mu maguru mashya, Sunrise FC ishobora gusubira mu cyiciro cya kabiri kuko mu gihe habura imikino 7 gusa iri ku mwanya wa 12 n’amanota 24, irarusha Rwamagana City inota rimwe, ikarusha Rutsiro FC 3, Marines ifite 16 n’aho Espoir FC ya nyuma ikagira 14.

Umukino uheruka Sunrise FC yatsinzwe na Mukura VS 2-1

Umubano wa Seninga Innocent n’abakinnyi wajemo igihu

Seninga Innocent ashobora gusubiza Sunrise FC mu cyiciro cya kabiri

“Kwambarira ubucocero aho wambariye inkindi”, ni imvugo ikoreshwa ku muntu bashaka kugaragaza ko ashobora gusebera aho yakoreye ibikorwa by’indashyikirwa, ibi ni byo bishobora kuba ku mutoza Seninga Innocent wa Sunrise FC aho ashobora kwisanga yamanuye iyi kipe mu cyiciro cya kabiri ari we wari wayizamuye.

Muri Sunrise FC, ishyamba si ryeru na gato, haratutumba umuriro isaha n’isaha wakwaka, baravuga ngo ntawuhisha inzu ngo ahishe umwotsi, bagerageje kuwupfukirana ariko wishakira inzira ugaragara.

Iyi kipe iheruka intsinzi muri shampiyona tariki ya 21 Ukuboza 2022 ubwo batsindaga AS Kigali 2-1. Imikino yirenze ari 8 itazi ikitwa intsinzi, yanganyije 2 itsindwa 6.

Amakuru ISIMBI yamenye ni uko umubano w’abakinnyi n’umutoza mukuru Seninga Innocent wajemo igihu ndetse abakinnyi bamwumva batarenze 3 cyangwa 4.

Uwahaye amakuru ISIMBI yagize ati “sinakubeshya kandi byigaragaza, ikibazo cyo kirahari, umutoza abakinnyi bameze neza mu myitozo si bo akinisha, icya mbere yashwanye n’abakinnyi bakuru mu ikipe urebye ubu nta muntu ukimuriho, yego ntawabura abe nk’ababiri cyangwa 3 ariko rwose urwambariro rwe rwarapfuye.”

Seninga Innocent yarahagaritswe biba iby’ubusa

Nyuma yo kumara imikino 3 yikurikiranya atsindwa (Gasogi United 3-0, APR FC 1-0 na Marines 2-1), tariki ya 14 Gashyantare 2023, Seninga Innocent n’umwungiriza we bahagaritswe iminsi 15.

Muri iyo minsi 15 Sunrise FC yanganyije na AS Kigali 2-2 itsindwa na Police FC imikino 2 muri shampiyona n’igikombe cy’Amahoro 2-1 buri mukino.

Iminsi 15 irangiye ubuyobozi bwa Sunrise FC bwafashe umwanzuro wo kumwongera indi minsi 15 ariko mu buryo butunguranye tariki ya 3 Werurwe yagaruwe mu kazi maze tariki 4 Werurwe atoza umukino wa Rwamagana City yahise ibatsinda 2-0, baje gutsinda Police FC 1-0 mu gikombe cy’Amahoro ariko barasezererwa kuko Police FC yari yarabatsinze 2-1 mu mukino ubanza.

Umukino uheruka wa shampiyona, Mukura VS yabatsindiye i Huye 2-1.

Nyuma y’uyu mukino Seninga Innocent yavuze ko ikibazo gishobora kuba gifitwe n’ubuyobozi n’abakinnyi.

Ati “dutangira imikino yo kwishyura twanganyije umukino umwe wa Bugesera FC, dutakaza imikino 3 yikurikiranya habaho guhagarikwa kwanjye, nagiye mfite inota rimwe n’abayisigaranye bagize inota rimwe, turacyibaza ikibazo gihari, ntabwo kiri mu batoza niba abakinnyi basigarana n’umutoza wundi ntatsinde n’uwagiye ntatsinde ikibazo gishobora kuba kiri mu buyobozi cyangwa mu bakinnyi hagati ya bo.”

Ntabwo Sunrise FC ifite ubushobozi bwo kwirukana Seninga Innocent

Uyu mutoza avuga ko ubuyobozi bw’iyi kipe budafite ubushobozi bwo kumwirukana kuko ngo afite abantu bakomeye bamushyigikiye ndetse banamuzanye.

Uwahaye amakuru ISIMBI yagize ati “none se niba na we ubwe avuga ko ntawabasha kumwirukana, ngo afite abantu bakomeye bamushyigikiye.”

Kugarurwa mu kazi byateje uruntu runtu muri Sunrise FC

Bivugwa ko ubuyobozi bwa Sunrise FC burangajwe imbere na Hadari Hillary usanzwe ari visi perezida ari we wafashe iya mbere mu kongerera ibihano Seninga.

Amakuru avuga ko yaje guhamagarwa na Meya w’Akarere ka Nyagatare ndetse na Guverineri w’Intara y’Iburasirazuba akabwirwa ko agomba kugarura Seninga mu kazi, undi arabyanga avuga ko nta we agarura, niba babishaka bamwigarurira, yaje kugarurwa mu kazi mu buryo bumeze nk’agahato.

Ati “urumva Hodari ni umugabo uhagarara ku ijambo rye, yanze kumugarura bisa n’aho agarutse ku gahato, na we twahise tumubura, kuva icyo gihe ntabwo turongera kumuca iryera, Seninga yaje na we agenda.”

Nta gikozwe mu maguru mashya, Sunrise FC ishobora gusubira mu cyiciro cya kabiri kuko mu gihe habura imikino 7 gusa iri ku mwanya wa 12 n’amanota 24, irarusha Rwamagana City inota rimwe, ikarusha Rutsiro FC 3, Marines ifite 16 n’aho Espoir FC ya nyuma ikagira 14.

Umukino uheruka Sunrise FC yatsinzwe na Mukura VS 2-1

Umubano wa Seninga Innocent n’abakinnyi wajemo igihu

Seninga Innocent ashobora gusubiza Sunrise FC mu cyiciro cya kabiri

Ni igisubizo yahaye umwe mu bagera kuri 600 bitabiriye ibiganiro bigamije kwigisha urubyiruko amateka yaranze u Rwanda n'uko rushobora kuyigiraho rwubaka igihugu.

Ni urubyiruko rwo mu Mujyi wa Kigali rukora imirimo irubeshaho umunsi ku munsi, harimo abamotari, abanyonzi, abacuruza Me2U, abatwara abagenzi muri za tagisi n'abakarani.

Barimo kandi abogoshi, abafundi n'abayede, abahoze ari abazunguzayi ubu bagiye mu masoko, abahanagura inkweto, abakora mu kinamba n'abandi.

Rwari rwahurijwe hamwe muri gahunda minisiteri irufite mu nshingano, Umujyi wa Kigali n'izindi nzego zateguye yo kwigisha abakiri bato amateka yaranze u Rwanda.

Ubwo bari bageze mu mwanya wo kubaza ibibazo, umwe yabajije Gen Kabarebe uko byagenze ngo yinjire mu gisirikare n'uko yari abayeho mbere yo kuba umusikare.

Gen Kabarebe yavuze ko mbere yari umwana nk'abandi baba bafite inzozi zitandukanye, ari umunyeshuri ariko igihe kigeze aza kwisanga asigaranye amahitamo amwe yo kujya mu gisirikare.

Ati 'Nagiye mu ngabo kimwe n'abandi. Igihe kigeze nanjye nza mu zindi ngabo zabohoye igihugu. Mbere yo kukijyamo nari umunyesburi ariko niba hari ikintu nangaga yari umusirikare kubera amateka mabi nanyuzemo.'

Gen Kabarebe yavuze kandi ukuntu ubwo we n'umuryango we bari mu buzima bw'ubuhunzi muri Uganda hari igihe yanyuze ku basikare ba Milton Obote [wari perezida wa Uganda], maze bamurasaho urufaya rw'amasasu.

Ati 'Hari abo nanyuzeho muri Uganda bari aba Obote, yangaga Abanyarwanda, ndabakwepa njya ku rundi ruhande. Bambonye bareka gukina amakarita bakinaga barandasa, nkatinya kwiruka… Ngira Imana ntibandasaho ngo bampamye.''

'Nakuze mbanga, mu 1982 nabwo nongeye gukubitana n'abasirikare b'u Rwanda, icyo gihe twaraje batwirukanye muri Uganda, abasirikare ba Uganda batuzana mu Rwanda.”

Yakomeje ati “Abo baraturebye bati 'u Bugande burabanze no mu Rwanda ntimwemerewe kuhaza, bivuze ko n'Imana ibanga, mwigumire muri ayo'.'

Avuga ko zimwe mu mpamvu zatumaga adakunda igisirikare ari uko abo yagiye ahura na bo akiri muto muri Uganda bagiraga ikinyabupfura gike.

Ati 'Icyatumaga ntakunda abasirikare ni ukubera ikinyabupfura gike abo twagiye duhura ndi muto bari bafite.'

Gen Kabarebe avuga ko ibi byose biri mu byatumye atangira gukunda igisikare, kugeza yiyemeje we na bagenzi be bari mu buhungiro, kuza kubohora igihugu.

Inkuru wasoma: Gen Kabarebe yavuze indangagaciro zikomeye Maj Gen Paul Kagame yatoje Inkotanyi ku rugamba

Umujyanama wa Perezida wa Repubulika mu by'Umutekano, Gen James Kabarebe, yavuze ko yabyirutse yanga kuba umusirikare

Umujyanama wa Perezida wa Repubulika mu by'Umutekano, Gen James Kabarebe; Minisitiri w’Urubyiruko n’Umuco, Mbabazi Rosemary n’Umuyobozi Wungirije w’Umujyi wa Kigali ushinzwe Imiturire n’Ibikorwaremezo, Dr Mérard Mpabwanamaguru, bahaye ibiganiro urubyiruko

Abarenga 600 bitabiriye ibi biganiro bigamije kwigisha urubyiruko amateka yaranze u Rwanda