Blog

Gianni Infantino yongeye gutorerwa gukomeza kuyobora Impuzamashyirahamwe y’Umupira w’Amaguru ku isi, FIFA muri manda ya 3 izageza muri 2027.

Infantino yatorewe muri Kongere ya FIFA yabaye kuri uyu wa Kane tariki 16 Werurwe 2023 yabereye mu Rwanda.

Iyi Nteko Rusange yasebereye muri Kigali Arena, Infantino yari umukandida rukumbi kuri uyu mwanya.

Nk’ulo ingingo ya 30 mu gika cyayo cya gatatu mu mategeko shingiro ya FIFA, ibivuga, iyo umukandida ari umwe, yemezwa hakomwa amashyi. Niko byagenze kuri Infantino.

Ni amateka ku Rwanda kuko ni inshuro ya mbere Perezida wa FIFA atorewe ku mugabane wa Afurika, akaba ari inshuro ya kabiri Kongere ya FIFA ibereye ku Mugabane wa Afurika.

Gianni Infantino bwa mbere yatorewe kuyobora FIFA muri Gashyantare 2016, ubwo yari asimbuye kuri uyu mwanya Sepp Blatter. Muri Kamena 2019 ni bwo yatorewe kuyobora FIFA ku nshuro ya 2.

Nshobozwabyosenumukiza Jean Jacques Wilson usanzwe ukinira ikipe ya APR BBC ariko akaba ari gutanga umusanzu mu ikipe ys REG BBC iri muri Senegal mu mikino ya BAL mu gace ka Sahara Conference, yabaye umukinnyi wa mbere wegukanye iki gihembo ngarukamwaka cyaherukaga gutangwa mu 2021. 

Iki gihembo cya The Ubuntu Trophy gihabwa umukinnyi ukina BAL wagize uruhare mu iterambere ry’umukino wa Basketball ndetse by’umwihariko muri sosiyete rusange, ariko bigakorwa mu gihe iyi mikino irimo kuba.

Nshobozwabyosenumukiza Jean Jacques Wilson yahawe igihembo kubera ibyo yagezeho ari kumwe n’ikipe ya Club Rafiki mu 2022 ubwo bakoreshaga umukino wa Basketball mu gufasha abana bari munsi y’imyaka 18 kwisanga mu muryango ndetse no kugaragaza impano zabo muri uyu mukino.

Mu kugaragaza imbaraga zakozwe, BAL ari nayo itegura iki gihembo, yageneye Club Rafiki Miliyoni zigera kuri 5 z’amanyarwanda nk’igihembo cy’ishyirahamwe.

Nshobozwabyosenumukiza Jean Jacques Wilson yegukanye iki gihembo yari ahanganye na Essome Pierre ukinira ikipe ya FAP, ndetse na Lukeny Gerson ukinira ikipe ya Petro de Luanda.

Nshobozwabyosenumukiza Jean Jacques Wilson abaye umukinnyi wa kabiri wegukanye iki gihembo nyuma ya Hichem Benayad-Cherif wegukanye iki gihembo muri 2021 ndetse ikaba yari ku nshuro ya mbere iki gihembo gitanzwe. 

Nshobozwabyosenumukiza ni umwe mu bakinnyi bari gufasha ikipe ya REG BBC mu mikino irimo kubera muri Senegal

Nshobozwabyosenumukiza abaye umukinnyi wa kabiri wegukanye iki gihembo, ndetse icyiciro cya gatatu cy’iki gihembo kikazatangwa mu 2023 bagendeye ku wakoze ibikorwa by’indashyikirwa muri iyi mikino irimo kuba

Jules Sentore yabwiye InyaRwanda ko ubwo yari mu rugendo ku wa Gatatu tariki 15 Werurwe 2023, agaruka mu Rwanda nyuma y'ibitaramo yakoreye mu Burayi yahuye na Khadja Nin, umuririmbyi n'umucuranzi wavukiye anakurira mu gihugu cy'u Burundi.

Jules uzwi mu ndirimbo nka 'Agafoto' avuga ko yegereye uyu mubyeyi amubwira uburyo yakunze akunda inganzo ye. Ati 'Twahuriye mu ndege y'u Rwanda nari ntashye maze ndamwegera mutura urukundo mubwira uko nakuze numva ibihangano bye maze nawe arankundira turaganira.'

Akomeza ati 'Ni Umubyeyi wuje urukundo n'ubumuntu agatsinda akaba umuhanzi mwiza ufite imihigo myinshi.'

Hari amakuru avuga ko Khadja Nin yitabiriye Inama y'Inteko Rusange ya FIFA iri kubera mu Rwanda.

Khadja Nin wavutse ku wa 27 Kamena 1959, anazwi cyane mu ndirimbo 'Wale watu', aho mu bacuranze muri iyi ndirimbo harimo umunyarwanda Albert Rudatsindwa uzwi cyane mu itangazamakuru ryo mu Rwanda akaba n'umusesenguzi.

Si ubwa mbere Khadja aje mu Rwanda, kuko muri Nyakanga 2014 yasuye Urwibutso rwa Jenoside yakorewe Abatutsi mu 1994 ruherereye ku Gisozi.

Uyu mugore yize umuziki akiri muto, ndetse ni umuhererezi mu muryango w'abana umunani. Indirimbo ye 'Sambolera' yamamaye mu buryo bukomeye yayitiriye album yasohotse mu w'1996.

Ni umuririmbyi w'ijwi rinyura benshi. Ubwo yari afite imyaka irindwi gusa ni bwo yatangiye kuririmba muri korali mu Burundi, akuza impano ye gutyo.

Mu 1975 yagiye kuba mu cyahoze ari Zaire, maze arushinga mu 1978, nyuma y'imyaka ibiri ubwo ni ukuvuga mu 1980 yimukiye mu Bubiligi ari kumwe n'umwana we w'umuhungu w'imyaka ibiri. Umwibuke mu ndirimbo zirimo nka: 'Sina Mali', 'Sina Deni', 'Wale Watu' n'izindi.

 

Jules Sentore yatangaje ko yishimiye guhura na Khadja Nin, umunyamuziki yakuze afatiraho urugero

Mu 2018, Khadja Nin yari mu Kanama Nkemurampaka k'iserukiramuco 'Cannes Film Festival'. Ni umufasha wa Jacky Ickx

Khadja Nin yahuye n'umusifuzi Mpuzamahanga Pierluigi Collina uri i Kigali, aho yitabiriye Inama ya FIFA. Collina ni umutaliyani, afatwa nk’umusifuzi wa mbere mu mateka y’umupira w’amaguru ku Isi

Uraranganyije amaso ku rubuga rwe rwa Instagram, bigaragara ko no mu gihe cya Tour du Rwanda ya 2023 yari mu Rwanda

Khadja yagaragaje ko yagize igihe cyo kujya gusura inka z’inyambo

KANDA HANO UREBE AMASHUSHO Y’INDIRIMBO ‘WALE WATU’

“>

KANDA HANO WUMVE INDIRIMBO ‘SAMBOLERA’ YA KHADJA NIN

“>

Mu bikorwa birimo guherekeza Inama ya 73 ya FIFA, ku mugoroba wo kuri uyu Gatatu, Perezida wa Repubulika Paul Kagame na Madamu Jeannette Kagame, bagize umugoroba wo gusangira n’abashyitsi bitabiriye Inama ya 73 ya FIFA iri kubera mu Rwanda ku nshuro yayo ya mbere ikaba inshuro ya 4 ibereye muri Afurika.

Uku gusangira kwabereye muri Camp Kigali, kwarimo abashyitsi batandukanye barimo na Samuel Eto’o uyobora ishyirahamwe ry’umupira w’amaguru muri Cameroon ndetse akaba umwe mu bakinnyi bakomeye Afurika yagize.

Perezida Kagame yafashe ijambo aganira n’abari bitabiriye uyu musangiro  

Umukirigitananga Sophia Nzayisenga yasusurukine abari bitabiriye uyu musangiro

Uhereye ibumoso: Patrice Motsepe uyobora CAF, Perezida Paul Kagame, Gianni Infantino uyobora FIFA 

Itorero ry’igihugu Urukerereza ni ryo ryataramiye abitabiriye uyu musangiro

Samuel Eto’o wambaye isaha yari mu bitabiriye uyu musangiro. Samuel Eto’o yabaye kapiteni wa Cameroon imyaka itari mike ayikinira imikino 118 ayitsindira ibitego 56, kuri ubu ni umuyobozi w’ishyirahamwe ry’umupira w’amaguru muri Cameroon, ariyo mpamvu ari mu Rwanda

Gianni Infantino agiye kongera kuyobora FIFA muri manda ye ya gatatu, akaba yarafashe FIFA bwa mbere mu 2016 

Ni mu muhango wabereye i Gikondo mu Mujyi wa Kigali tariki 11 Werurwe 2023. Ibirori byo gusaba no gukwa  byakurikiwe n'umuhango wo kwishimana n'inshuti n'abavandimwe.

Muri Nyakanga umwaka ushize ni bwo B-Threy yatangiye kugaragaza byeruye ko afite umukunzi.

Ku wa 27 Nyakanga 2022 ubwo B-Threy yizihizaga isabukuru y'amavuko, Keza Nailla yamubwiye amagambo agaragaza urukundo bafitanye.

Yagize ati 'Ndakwifuriza ubuzima bwuzuye umunezero n'ibyishimo, warakoze kuba uwo uri we kuri njye […] isabukuru nziza rukundo rwanjye. Ndagukunda cyane.'

B-Threy nawe yahise amusubiza ati 'Nanjye ndagukunda.'

Muri Mutarama uyu mwaka ni bwo hagiye hanze integuza y'ubukwe bwabo.

B-Threy yigeze kuvuga ko yiyumvisemo impano akiri muto, yaririmba nyirakuru akamubwira ko ari byiza.

Yakomeje guterwa imbaraga na babyara be ndetse ubwo yigaga mu mashuri yisumbuye mu mwaka wa kabiri mu 2008, yakoranye indirimbo ye ya mbere n'abasore biganaga bayihuriramo ari batanu.

Mu biruhuko yakundaga kujya muri studio za Nyamirambo atangira kwiyumvamo cyane umuziki kugeza aho mu 2014 yahuye n'abatunganya indirimbo barimo Allan Slim, Dizolast na Dr. Nganji bituma arushaho kuwihebera.

Keza umugore wa B Threy ku munsi w’ubukwe bwe

Yahise atangira gukora umuziki by'umwuga kuko yumvaga ahuje ibyifuzo bye na bo batunganya indirimbo cyane cyane ko bakoraga Trap kandi na we akaba ariyo yiyumvamo nyuma aza kwinjira muri Green Ferry Music.

Ngo impamvu yahisemo Trap ni uko n'ubundi ariyo yari asanzwe yisangamo.

B-Threy uri mu batangije injyana ya Kinyatrap, ni umwe mu baraperi bamaze kumenyekana mu Rwanda.

Mu 2019 uyu muraperi yasezeye muri Green Ferry Music ya Dr Nganji yamufasha we na bagenzi be bakoranaga injyana ya Kinyatrap yiyemeza gutangira urugendo rwe mu muziki.

Keza na B Threy umunsi wabo byari ibyishimo gusa

B Threy amaze kugira album eshatu na EP imwe arizo 'Nyamirambo' na '2040' yasohoye mu 2019, EP yise 'Shwiii dah!' yasohoye mu 2020 na album ye ya gatatu yise 'Muheto wa mbere' yasohotse mu 2022.

Kuri uyu wa Kane tariki 16 Werurwe 2023, byitezwe ko ashyira hanze EP nshya yise 'For Life'. 

Imbere y’imbaga y’abantu bahamije urukundo rwabo

B Threy na Keza bahamirije inshuti n’abavandimwe urwo bakundana

B Threy yamwambitse impeta amwemeza nk’umugore we

Keza na B Threy ubwo binjiraga basanganira inshuti n’abavandimwe

Keza na musaza we ku munsi w’ubukwe bwe

Keza yanyuzwe no gutangaza ko ari uwa Muheto ibihe byose

Abakobwa bambariye Keza mu bukwe bwe nabo byari ibirori