Blog

Muri Samsung 250 ni byiza gusa, ubu uragura telefone utanze amafaranga macye macye ugahabwa interineti yihuta cyane mu gihugu ya Mango 4G imara ukwezi kose, ndetse ukajya mu banyamahirwe batombora ibikoresho birimo Moto, Amagare, Blender n’ibindi byinshi.

Samsung 250 ikomeje kudabagiza abakiriya bayo ibagezeho ibikoresho bikomeye kandi bihendutse nka telefone nshya za Original zifunze mu makarito Samsung Galaxy : S23, S22, A73, A53, A33, A23, A04, A03 ndetse si izo gusa kuko bagufitiye n’ama iPhone; 14,13,12 n’izindi nyinshi.

Bagufitiye kandi n’ibikoresho bya Electronics birimo Televiziyo, Firigo, Laptop, Desktop, Gas yo gutekaho, Imashini imesa, Sound Bar, n’amakamera y’umutekano. Bahaye ikaze buri wese bati “Ngwino ugure ibintu byiza muri Samsung 250”. 

Iri duka rikorera mu Mujyi wa Kigali muri KCT ku muryango urebana n’agastation kari ruguru ya T2000 ku muryango wa 18 na Gisimenti hafi ya Equity hegeranye na Mango 4G. Aha hose havuzwe hejuru uhasanga ibyapa bya Samsung 250. Hamagara 0788316891, wigurire phone za Original.

Kugira ngo ujye mu mubare w’abakomeje kwegukana moto, igare n’ibindi bishya muri Samsung 250, nta kindi bisaba uretse kubabera umukiriya, ukagura imwe muri telefone bacuruza. Kandi wibuke ko bafite telefone z’ubwoko bwose yaba iPhone, Samsung n’izindi. 

Ugura telefone gusa ukinjira muri tombora irimo moto, amagare n’ibindi

 

Iyi moto ishobora kuba iyawe nugura telefone muri Samsung 250

Ugura telefone muri Samsung bakaguha internet y’ubuntu imara ukwezi

Tombora irakomeje, iri gare ushobora kuryegukana

Uyu mukino Kim Kardashian yagiye kureba ni uwa 1/8 muri Europa League ariko byarangiye Arsenal isezerewe. Umukino wari warangiye ari igitego 1-1 maze bagiye kuri penariti Gabriel Martinelli arata iye bituma Sporting CP ikomeza ku kinyuranyo cya penariti 5-3. 

Nyuma y’uko uyu munyamideri ari kumwe n’abana be bagaragaye kuri Emirates ariko Arsenal igatsindwa, byatumye abafana batangira kuvuga ko ari we wateye umwaku ikipe.

Kim Kadashian yari yaje kuri uyu mukino afite gahunda y’uko we n’abana be bari buhure na Bukayo Saka, ariko birangira bidakunze aribyo byatumye ku munsi w’ejo Bukayo Saka afata umwanya akavugana n’umwana wa Kim Kardashian barebana kuri telefone. Mu mashusho mato yagiye hanze, uyu mukinnyi yagize ati: “Mumbabarire kuba narababuze ejo, nari mfite umupira wawe. “

Bukayo Saka avugana na Kim Kardashian ndetse n’umwana we ufana Arsenal cyane

Umwana wa Kim Kardashian yamusubije ati: “Tuzagaruka nimutwara igikombe cya Premier League”, Bukayo Saka yahise aseka ati: “Nibataba se”. 

Uyu mukinnyi yakomeje abwira Kim Kardashian ati: “Babwire nimugaruka nzabimenye kuko tuzabashakira umupira”.

Nyuma y’aya magambo y’uyu mukinnyi, umwana wa Kim Kardashian witwa Saint yabyaranye na Kanye West ari nawe wihebeye Arsenal, yahise akora ibimenyetso bimushimira.

Kim Kardashian yashyize amashusho kuri Instagram ye umwana we ari kuvugana na Bukayo Saka maze yandikaho ati: “Byinshi bitunguranye ku mukinnyi nkunda wa Arsenal, Bukayo Saka”.

Bukayo Saka nawe yashyize ifoto kuri Instagram ye ari kuvugana n’umwana wa Kim Kardashian barebana, uyu munyamideri nawe yahise yongera abishyira kuri Instagram ye yongera kwandikaho ati: “Wakoze gukora umunsi w’abahungu banjye”.

Kim Kardashian ku munsi w’ejo kandi yahuye n’umukinnyi wakiniye Tottenham ariwe Dele Alli, yashyize ifoto kuri Instagram ye uyu mukinnyi ari kumwe n’abana be.

Umwana wa Kim Kardashian wihebeye Arsenal

Kim Kardashian n’umwana we kuri Emirates Stadium

Bukayo Saka ni umwe mu bakinnyi Arsenal igenderaho

Alexis Rusine ni umwanditsi w’indirimbo n’ibitabo, akaba n’umugishwanama. Akunze gutanga inyigisho zishishikariza abanyarwanda guhanga agashya kuko ahamya ko ari moteri y’iterambere. Abikora binyuze mu ndirimbo ndetse no mu bitabo.

Atuye i Nyamirambo, akaba ari umugabo wubatse. Arambye mu muziki kuko indirimbo ye ya mbere yayihimbye mu 1998 yitwa ‘Bakumenye’. Ibindi bihangano bye harimo ‘Amahoro yataha iwanyu’, ‘Ngira umugabuzi w'amahoro yawe’, ‘Nimwakire amahoro’, ‘Turakwiragije’, n’izindi.

Ubu, azanye igitabo gishya yise ‘Nawe Hanga Agashya’, kigizwe n’amapaji 109. Aganira na inyaRwanda, Rusine Alexis yavuze ko iki gitabo yatangiye ku cyandika mu 2012, ibisobanuye ko amaze imyaka 11 ari kucyandika. Avuga ko kirimo amosomo akomeye y’impamvu buri wese akwiriye guhanga agashya.

Ati “Igitabo natangiye kucyandika mu 2012. Cyantwaye igihe kuko nagombye gukora ubushakashatsi ku bumenyi bugezweho mu byo guhanga agashya nkabihuza n'icyo nise Igicaniro Gakondo cya guhanga, ari na ko ndema amuga yerekeye guhanga agashya nagitangaho amahugurwa y'igeragezwa kuri cyo! Kigizwe n'amapaji 109”.

Uyu mwanditsi akaba n’umugishwanama, avuga ko “guhanga agashya ni moteri y'iterambere!”. Yongeraho ati “Nasanze abantu babikangurirwa ariko ntaho byigishwa cyane cyane mu bihugu bikiri mu nzira y'amajyambere. Hari aho wabyize?”.

Asobanura ko impamvu yacyanditse mu Kinyarwanda “ni uko mu bushakashatsi nakoze, nasanze gakondo nyarwanda yibitsemo inkingi n'amabanga menshi byafasha guhanga agashya! Icya gatatu ni uko buri wese mu cyiciro cy'imirimo akora, ashobora kugira agashya ahanga”.

Yungamo ati “Ni nayo mpamvu nagishyize mu kinyarwanda ngo ubwo bumenyi buhambaye bwo mu ma kaminuza nka Havard, bugere ku munyarwanda wese kandi bihujwe n'umuco we.

Guhanga agashya mbere na mbere bisaba kumenya uko bikorwa no kwigiramo icyo twita imyumvire ndemagashya. Ni cyo gishoro cy'ibanze muri isi y'iki gihe aho ubukungu bushingiye ku bumenyi”.

Rusine avuga ko iki gitabo agituye ababyeyi be. Ni igitabo cya gatatu yanditse nyuma ya “Ibanga ry’Ubukire” yanditse mu 2019 ndetse na “Serivisi Ihebuje”. Ateganya kuzashyirwa muri Librairie Caritas kuko ari yo isanzwe imucururiza ibitabo.

Uwaba yifuza guhanga agashya akabura aho atangirira wamugira inama yihe? Ushobora kwibaza iki kibazo, ariko Rusine afite igisubizo. Aragira ati “Dutanga amahugurwa ku guhanga agashya yubakiye kuri iki gitabo. Ushaka guhanga agashya yatugana tukamuhugura tunabitangira ‘Certificat’. Hari abo twahuguye benshi yagiriye akamaro”.

Rusine yashyize hanze igitabo cye cya 3 yise “Nawe Hanga Agashya”

Umuhanzi akaba n’umwanditsi Rusine Alexis

Umwana wavutse afite uburenganzira bwo kandishwa mu bitabo by'irangamimerere kugira ngo igihugu kimumenye, kimushyire mu igenamigambi kandi kinabashe kumurinda ihohoterwa iryo ari ryo ryose yakorerwa.

Ibi ni byo ubushakashatsi ku buzima n'imibereho y'abaturage bukorwa buri myaka itanu hashyirwamo ingingo yo kubaza buri rugo mu zikorwamo ubushakashatsi niba abana babo bari munsi y'imyaka ine banditse mu irangamimerere.

Imibare yavuye muri ubu bushakashatsi bwakozwe muri 2019 na 2020, igaragaza ko Akarere ka Rubavu ari ko kongereye ku kigero cyo hejuru umubare w'abana bandikishwa mu irangamimerere kuko bageze 87% kavuye kuri 33%.

Mukeshimana Chantal wo mu Murenge wa Gisenyi yabwiye IGIHE ko icyatumye bitabira kwandikisha abana bakivuka ari uko ubuyobozi bwabegereje iyi serivise.

Ati 'Mbere ababyeyi benshi babyarigaraga mu rugo, umubyeyi akaba afite iminsi yo kuba yamaze kujya kwandikisha umwana ya minsi yarenga bakamuca amande, aya mande rero hari igihe twayaburaga bigatuma umwana atandikwa'.

Sibomana Jean Claude, ufite abana batatu avuga ko icyatumaga mbere abana benshi batandikwa mu irangamimerere ari uko abagabo batari basobanukiwe akamaro ko kwandikisha umwana.

Ati 'Mbere twabihariga abagore tukumva ko kwandikisha abana twe nk'abagabo bitatureba ariko ubu nsigaye nanjye mbikurikirana nkibukiranya n'umugore wanjye niba serivise zose zigenewe umwana, uwacu yarazihawe'.

Umuyobozi wungirije w'Akarere ka Rubavu ushinzwe imibereho myiza Ishimwe Pacifique yabwiye IGIHE ko nyuma yo kubona ko hari abana benshi bo muri aka karere batanditse mu irangamimerere bashyizeho gahunda yiswe 'Icyumweru cy'irangamimerere' aho abakozi batanga iyi serivise bajyaga mu midugudu bagatanga iyi serivise ku buntu.

Ati 'Kugira ngo abaturage basobanukirwe akamaro kwo kwandikisha abana twifashishijwe ubukangurambaga muri gahunda zitandukanye nk'umugoroba w'imiryango, Umuganda, Inteko z'Abaturage n'umuturage ukeneye iyi serivise agataha ayibonye'.

Bitewe n'uko iyi gahunda yo kwandika abana bavutse isigaye itangirwa kwa muganga, abaganga bareba niba umwana bagiye guha inkiko yanditse mu irangamimerere basanga atanditse bagahita bamwandika.

Ati 'Twashyize imbaraga mu mikoranire hagati y'ibigo nderabuzima n'imirenge ku buryo umubyeyi wabyariye ku kigo nderabuzima ahita ahabwa serivise yo kwandisha umwana'.

Ishimwe avuga ko ikoranabuhanga rya CRVS (Civil Registration and Vital Status) ryagize uruhare mu kongera umubare w'abana bandikwa mu irangamimerere kuko iyi serivise isigaye itangirwa ahantu hatandukanye harimo ku kagari, ku kigo nderabuzima no mu yandi mavuriro mu gihe mbere yatangirwaga ku biro by'umurenge gusa.

Ati 'Buri munsi hahuzwa imibare y'abana bavutse ndetse n'abanditswe mu bitabo koranabuhanga ry'irangamimerere bigakorwa no muri weekend kugira ngo umuturage ukeneye iyi serivise ayibone bimworoheye'.

Intego igihugu cyihaye ni uko abana bose bavutse bagomba kwandikwa mu irangamimerere 100%. Mu gihugu hose kwandikisha abana mu irangamimerere abana bavutse bigeze kuri 86%.

Braverman yari kumwe na Ambasaderi w'u Bwongereza mu Rwanda, Omar Daair. Bakiriwe n'Umujyanama muri Minisiteri y'Ububanyi n'Amahanga, Monique Mukaruliza.

Suella Braverman nyuma yo gusobanurirwa amateka yagejeje u Rwanda kuri Jenoside, yunamiye inzirakarengane zayizize ziruhukiye mu Rwibutso rwa Gisozi.

Uyu muyobozi ari mu Rwanda mu rugendo rugamije gushimangira ubufatanye bw'ibihugu byombi ahanini ku ngingo ijyanye n'amasezerano yo kwakira abimukira binjira mu Bwongereza mu buryo bunyuranyije n'amategeko.

Ayo masezerano agena ko abimukira bazajya binjira mu Bwongereza mu buryo bunyuranyije n'amategeko, bazajya boherezwa mu Rwanda mu gihe hari kwigwa uburyo burambye bwo kubafasha.

Uru ruzinduko rwe ku Gisozi ruje mu gihe u Rwanda rumaze igihe kinini rusaba u Bwongereza gutanga ubutabera ku bantu batanu bakekwaho uruhare muri Jenoside yakorewe Abatutsi bari mu Bwongereza.

Abo barimo Celestin Mutabaruka, Vincent Bajinya wiyise Vincent Brown, Celestin Ugirashebuja, Charles Munyaneza na Nteziryayo Emmanuel.

Amafoto: Irakiza Augustin

Nyuma y’amezi 10 yeguye ku nshingano ze nk’Umuyobozi wa 2 wungirije ushinzwe amarushanwa mu Ishyirahamwe nyarwanda ry’umukino wa Volleyball, Bagirishya Jean de Dieu [Jado Castar], yasimbuwe na Geoffrey Zawadi.

Kuri uyu wa Gatandatu tariki ya 18 Werurwe 2023, habaye Inteko Rusange Idasanzwe y’Ishyirahamwe ry’Umukino wa Volleyball mu Rwanda (FRVB).

Ku murongo w’ibyigwa hari ingingo 2, gahunda ya shampiyona n’amarushanwa ateganyijwe mu mwaka wa 2023 ndetse no kuzuza inzego.

Hagombaga gushakwa umusimbura wa Jado Castar weguye ku mwanya we wa visi perezida wa 2 ushinzwe amarushanwa muri FRVB.

Uyu mugabo usanzwe ari n’umunyamakuru wa siporo akaba na nyiri B&B FM, yeguye muri Gicurasi 2022 aho yavuze ko bitewe n’aho avuye (yari afunguwe) atari kubasha kuzuza inshingano ze.

Abanyamuryango ba FRVB nyuma y’amezi 10 yeguye bakaba batoye Zawadi Geoffrey nk’umusimbura wa Jado Castar. Zawadi akaba yari asanzwe ari umuyobozi wa REG VC.

Zawadi Geoffrey yatorewe kuba visi perezida wa 2 wa FRVB ushinzwe amarushanwa

Yasimbuye Jado Castar weguye muri Gicurasi 2022

Bneshi batunguwe no kumva ko ku munota wa nyuma umunyezamu Kwizera Olivier, umunyezamu wa mbere w’ikipe y’igihugu y’u Rwanda, atazaboneka ku mukino wa Benin kubera imvune.

Ni umukino w’umunsi wa 3 uzabera muri Benin tariki ya 22 Werurwe muri Benin, n’uw’umunsi wa 4 uzabera mu Rwanda tariki ya 27 Werurwe 2023 w’itsinda L mu gushaka itike y’igikombe cy’Afurika cya 2023 kizabera muri Ivory Coast.

Amakuru avuga ko yagize ikibazo cy’imvune mu mukino wa shampiyona ikipe ye yanganyijemo na Al Najmah FC 1-1 uyu munsi ku wa Gatanu tariki ya 17 Werurwe 2023.

Amavubi yamaze guhaguruka mu Rwanda ndetse ubu yageze muri Etiopia aho agomba kubanza gukina umukino wa gicuti na Ethiopia ku munsi w’ejo ku Cyumweru akabona kwerekeza muri Benin.

Mu bakinnyi 26 umutoza yahagurukanye harimo abanyezamu 2 gusa ari bo Ntwali Fiacre na Ishimwe Pierre.

Bivuze ko Ntwali Fiacre agomba guhita afata umwanya wa Kwizera Olivier akaba ari we ubanza mu kibuga.

Abakinnyi 26 umutoza yahagurukanye

Abanyezamu: Ntwali Fiacre (AS Kigali) na Ishimwe Pierre (APR FC)

Ba myugariro: Mutsinzi Ange (FK Jerv), Omborenga Fitina (APR FC), Serumogo (Kiyovu Sports), Emmanuel Imanishimwe (FAR Rabat), Ganijuru Elie (Rayon Sports), Christian Ishimwe (APR FC), Nsabimana Aimable (Kiyovu Sports), Abdul Rwatubyaye (Rayon Sports), Manzi Thierry (AS Kigali)na Clement Niyigena (APR FC)

Abakin hagati: Bizimana Djihad (KMSK Deinze), Muhire Kevin (Yarmouk) Ally Niyonzima (Bumamuru), Mugisha Bonheur (APR FC), Steve Rubanguka (FC Zimbru), Yorl Rafael (Gefle), Hakim Sahabo (Lille) na Hadji Iraguha (Rayon Sports)

Ba Rutahizamu: Muhozi Fred (Kiyovu Sports), Mugisha Gilbert (APR FC), Meddie Kagere (Singida Big Stars), Mugenzi Bienvenue (Kiyovu Sports), Bizimana Yannick (APR FC), na Habimana Glen (Victoria Rosport)

11 umutoza ashobora kuzabanzamo

Umunyezamu: Ntwali Fiacre

Ba myugariro: Manzi Thierry, Mutsinzi Ange Jimmy, Rwatubyaye Abdul, Omborenga Fitina na Imanishimwe Emmanuel

Abakina hagati: Bizimana Djiad, Rafael York na Niyonzima Ally

Ba rutahizamu: Habimana Glen na Meddie Kagere

Fiacre agomba gusimbura Kwizera Olivier