Webrwanda Backend

Blog

  • U Rwanda rugiye kwifashisha ikoranabuhanga mu kugaragaza inkomoko y'amabuye y'agaciro – #rwanda #RwOT

    Kuva ku wa 3-6 Mata 2022, mu Rwanda hateraniye inama ya 22 ya Komite ishinzwe ubugenzuzi y'Inama y'akarere k'ibiyaga bigari (22nd ICGLR Audit Committee) ku mabuye y'agaciro.

    Ni umuryango u Rwanda rubarizwamo hamwe n'ibihugu 11 bya Angola, u Burundi, Repubulika ya Centrafrique, Congo, RDC, Kenya, Sudani y'Epfo, Sudani, Tanzania, Uganda na Zambia.

    Iyi komite ifite inshingano zo gukurikirana ibijyanye n'ubucukuzi bw'amabuye y'agaciro, ireba uko butaba inkomoko y'amakimbirane n'umutekano muke mu karere.

    Ni mu gihe hamaze kumenyerwa uburyo bwashyizweho, bufasha mu kugaragaza inkomoko y'amabuye y'agaciro igihugu runaka cyohereza mu mahanga.

    Umuyobozi mukuru wungirije w'Ikigo gishinzwe mine, peteroli na gaz, Dr Ivan Twagirashema, yavuze ko u Rwanda ruteganya gukoresha ibirango by'ikoranabuhanga, mu kugaragaza inkomoko y'amabuye y'agaciro yarwo.

    Ni ibintu byitezweho kuvanaho urujijo ku bashidikanya ko nta mabuye y'agaciro u Rwanda rugira.

    Ati “Iyo ugiye gushyiraho akarango (tag) kuri buri buye, bikoreshwa intoki, ni ukuvuga ngo ikigo cyahawe ibirango bijyanye n'amabuye gisanzwe gicukura, umukozi ashobora kuba yakwiba ka karango k'udupapuro, akaba yakajyana akakagurisha ahandi.”

    “Ikoranabuhanga ntirizabimwemerera kuko nta kintu azaba afite ajyana mu ntoki, gushyiraho ibirango bizajya bikorwa hakoreshejwe ikoranabuhanga nka kuriya iyo ugiye kugura igicuruzwa muri supermarket, iyo ugiye kwishyura hari ahantu bakinyuza, hakagira ikintu gisoma ibyanditseho.”

    Ni gahunda iba ireba amabuye y'agaciro atandukanye arimo zahabu, gasegereti, wolfram n'andi. Kugeza ubu amabuye y'agaciro acukurwa mu Rwanda abasha kugenzurwa inkomoko 100% , ku buryo ntaho ahurira n'ibice birimo amakimbirane.

    Mu nama idasanzwe yabaye mu Ukuboza 2010 i Lusaka muri Zambia, abakuru b'ibihugu na za Guverinoma bemeje gahunda y'akarere igamije kurwanya ubucukuzi bw'amabuye y'agaciro budakurikije amategeko.

    U Rwanda ni cyo gihugu cya mbere cyabashije gushyira mu bikorwa ingingo esheshatu, zafashije mu kurwanya ubucuruzi bw'amabuye y'agaciro buubahirije amategeko.

    Dr Twagirashema yavuze ko u Rwanda ari igihugu cya kabiri muri ICGLR cyatangije gahunda yo kugaragaza inkomoko y'amabuye y'agaciro yacyo yoherezwa mu mahanga (ICGLR Certificate on mineral exports), ndetse ishyira mu bikorwa iri genzura mu gihugu hose.

    Mu bikorwa harimo ko Ikigo gishinzwe mine, peteroli na gaz cyashyizeho abagenzuzi mu Turere twose, bahuza ibikorwa by'ahacukurwa amabuye y'agaciro hirya no hino mu gihugu.

    Umunyamabanga nshingwabikorwa wungirije wa ICGLR, Amb Yasir Ibrahim Ali Mohammed, yavuze ko intambwe u Rwanda rumaze gutera igaragaza ko no mu bindi bihugu bishoboka.

    Ati “Komite iriho kugira ngo ikore ubugenzuzi ku bucukuzi n'ubucuruzi bw'amabuye y'agaciro bidakurikije amategeko. ICGLR umaze gutera intambwe igaragara mu kugenzura cyane abohereza amabuye y'agaciro ku isoko mpuzamahanga, kandi imibare y'abo tugenzura iriyongera. Gusa dusaba ko ibihugu byemeza burundu gahunda y'ubugenzuzi bukorwa.”

    Yasabye ibihugu kugira uuruhare mu gutuma ubu bugenzuzi bukorwa neza. Kugira ngo bubashe gutanga umusaruro.

    Iyi komite y'ubugenzuzi ivuga ko mu myaka itatu ishize yakurikiranye amagenzura 24, harimo 16 yabereye mu Rwanda.

    Yashimye umuhae u Rwanda rushyira mu kunoza no kugenzura ubucukuzi bw'amabuye y'agaciro.

    Umuyobozi wa Komite ngenzuzi ya ICGLR yashimye imbaraga u Rwanda rwashyize muri iyi gahunda

    Mu izina ry’abafatanyabikorwa, Umuyobozi wungirije ushinzwe ubutwererane muri Ambasade y’u Budage, Christina Liesegang, yashimye gahunda zashyizweho na ICGLR

    Umunyamabanga Nshingwabikorwa wungirije wa ICGLR yasabye ibihugu gukurikiza gahunda zashyizweho z’ubugenzuzi

    Source : http://igihe.com/amakuru/u-rwanda/article/u-rwanda-rugiye-kwifashisha-ikoranabuhanga-mu-kugaragaza-inkomoko-y-amabuye-y

  • Perezida William Ruto yasuye urwibutso rwa Jenoside rwa Kigali (Amafoto) – #rwanda #RwOT

    Perezida wa Kenya William Ruto ari mu Rwanda mu ruzinduko rw'akazi rw'iminsi ibiri, rugamije gushimangira umubano hagati y'ibihugu byombi, ahanini mu ngeri zirimo ubucuruzi n'ubuhahirane.

    Nyuma yo gusinya amasezerano 10 hagati y'u Rwanda na Kenya, Perezida William Ruto yasuye Urwibutso rwa Jenoside rwa Kigali ku Gisozi, agaragaza ko inshingano y'ibanze y'abayobozi ari ukwimakaza amahoro mu baturage bayobora.

    Abinyujije ku rukuta rwe rwa Twitter Perezida Ruto yagize ati 'Amahoro n'ubumwe ni umusingi ibihugu byacu byubatseho. Inshingano y'ibanze y'abayobozi ni uguharanira no kwimakaza amahoro mu baturage. Ibyo duteganya byose n'imigambi tugira bishingira ku musingi w'amahoro.'

    Uru ruzinduko ni urwa mbere Perezida Ruto agiriye mu Rwanda kuva yatorerwa kuyobora Kenya mu mpera z'umwaka wa 2022.

    Umuvugizi w'Ibiro by'Umukuru w'Igihugu muri Kenya, yatangaje ko uru ruzinduko rugamije gushimangira ubucuruzi n'ubuhahirane muri Afurika y'Iburasirazuba, no ku mugabane wa Afurika muri rusange.

    Yavuze kandi ko abakuru b'ibihugu baganira ku bibazo bijyanye n'amahoro n'umutekano mu karere hanyuma hasinywe n'amasezerano hagati y'ibihugu byombi.

    Mu masezerano 10 yasinywe, atandatu ari mu ngeri zirimo ubufatanye mu ikoranabuhanga, ubuzima, guteza imbere urubyiruko, guteza imbere amakoperative, imikoranire hagati y'inzego zishinzwe igorora n'ubufatanye mu bya dipolomasi.

    Perezida wa Kenya William Ruto uri mu Rwanda yasuye Kaminuza ya Canergie Mellon University Africa, aganira n'abanyeshuri ku ruhare w'urubyiruko mu guteza imbere Umugabane wa Afurika.

    Ku mugoroba wo kuri uyu wa Kabiri tariki ya 4 Mata 2023, Perezida w'u Rwanda Paul Kagame yakiriye Ruto ku meza.

    Ku munsi wa nyuma w'uruzinduko rwe, byitezwe ko azagirana ikiganiro n'Abanyakenya batuye mu Rwanda.

    Source : http://igihe.com/amakuru/u-rwanda/article/perezida-william-ruto-yasuye-urwibutso-rwa-jenoside-rwa-kigali-amafoto

  • Ruto yashimye u Rwanda rwahaye igihugu cye ikoranabuhanga ryifashishwa mu gukusanya imisoro – #rwanda #RwOT

    Ikigo gishinzwe Imisoro n'Amahoro muri Kenya, KRA, gisigaye gikoresha ikoranabuhanga ryifashishwa mu gukusanya imisoro cyitwa 'eTIMS' rifite imikorere ihuye n'iya 'Electronic Billing Bachines (EBM)' zisanzwe zikoreshwa mu Rwanda.

    Muri Werurwe, ni bwo ubu buryo bushya bwo gutanga inyemezabwishyu no kumenyekanisha imisoro bwatangiye gukoreshwa muri Kenya.

    Ni intambwe yatewe bigizwemo n'u Rwanda, kuko Kenya yakoreye urugendoshuri mu gihugu, ikabona uburyo EBM ikora, nayo ikiyemeza gukora muri ubwo buryo mu kurushaho gukusanya imisoro.

    Kenya yari isanganywe ikoranabuhanga yifashisha mu gukusanya imisoro, gusa ntiryatangaga umusaruro uboneye bituma ihitamo gushaka igisubizo. Ni ho havuye igitekerezo cyo gusura u Rwanda, cyane ko rwishatsemo ibisubizo rugakora EBM ubwarwo mu buryo butandukanye n'iboneka ahandi.

    Abayobozi barimo Komiseri w'Ikigo gishinzwe Imisoro muri Kenya basuye u Rwanda, basaba ko iryo koranabuhanga barihabwa uko ryakabaye, bitagombeye kuba bajya kuryigiraho nabo bagakora iryabo.

    Kimwe mu byanyuze Kenya mu mikorere ya EBM ni uburyo mu 2013 ubwo yatangizwaga, yazamuye imisoro ya TVA ku kigero cya 48% ndetse mu myaka yakurikiyeho iryo zamuka rikagera kuri 12% ku mpuzandengo ya buri mwaka.

    Umusoro wa TVA ugize nibura 34% by'imisoro yose Ikigo cy'Imisoro n'Amahoro mu Rwanda gikusanya. EBM ituma RRA ibona amakuru y'ingenzi y'abagomba kwishyura uwo musoro ku buryo nta bayinyereza.

    Perezida Ruto yavuze ko ubwo yasabaga mugenzi we w'u Rwanda, igihugu cye cyahabwa iri koranabuhanga, igitekerezo cye cyakiriwe neza.

    Ati 'Nababwira ko Kenya yungukiye cyane mu bufasha yahawe n'u Rwanda. Ubwo nahamagaraga Perezida [Kagame], yakiriye neza icyifuzo cyo kuduha ikoranabuhanga rijyanye no gucunga umusoro ku nyongeragaciro. Nk'umusaruro w'iryo koranabuhanga u Rwanda rwahaye Kenya, twabashije kubona impinduka mu buryo twakira imisoro ya TVA.'

    Mu 2013 ni bwo u Rwanda rwatangiye gukoresha ikoranabuhanga rya EBM, bituma imitangire y'umusoro ku nyongeragaciro (TVA) irushaho kuba myiza.

    Icyo gihe byasabaga ko umuntu wese wanditse muri TVA agomba gutunga no gukoresha EBM, ndetse kugeza ubu 98% by'abari muri TVA basigaye bakoresha EBM mu gutanga inyemezabuguzi.

    Muri 2019, hasohotse itegeko rigena ko n'abantu batabaruye muri TVA batangira gukoresha EBM mu bikorwa byabo bya buri munsi. Ni ukuvuga ko umucuruzi wese, yaba ubona umusaruro wa miliyoni 20 cyangwa eshatu z'amafaranga y'u Rwanda ku mwaka, afite inshingano zo gukoresha ikoranabuhanga rya EBM atanga inyemezabuguzi.

    Kenya yahisemo gukoresha ubu buryo bwa EBM kuko yabonaga hari icyuho kinini mu bijyanye n'uburyo umusoro ku nyongeragaciro ukusanywa.

    Source : http://igihe.com/amakuru/u-rwanda/article/ruto-yashimye-u-rwanda-rwahaye-igihugu-cye-ikoranabuhanga-ryifashisha-mu

  • Imana ikunda abasore pe! Amafoto y’umukobwa ukurura abasore cyane akomeje kubica ku mbuga nkoranyambaga  – YEGOB #rwanda #RwOT

    Imana ikunda abasore pe! Amafoto y'umukobwa ukurura abasore cyane akomeje kubica ku mbuga nkoranyambaga

    Ku mbuga nkoranyambaga hakomeje gukwirakwira amafoto y'abakobwa benshi beza bakomoka mu bihugu bitandukanye.

    Kuri uyu muntsi twifuje kubereka umwe mu bakobwa beza ba banyafurika bakurura abasore cyane bitewe n'imiterere yabo.

    Uyu mukobwa akomoka mu Tanzania ndetse akaba nta mugabo afite.

     

    Source : https://yegob.rw/imana-ikunda-abasore-pe-amafoto-yumukobwa-ukurura-abasore-cyane-akomeje-kubica-ku-mbuga-nkoranyambaga/

  • Amwe mu magambo y'Abayobozi b'u Rwanda yakunzwe na benshi #rwanda #RwOT

    Bamwe mu banyapolitiki batandukanye mu Rwanda bagiye bavuga imbwirwaruhame zasigaye mu mitima ya benshi ndetse bamwe batangira kuzikoresha mu buzima busanzwe.

    Izi mbwirwaruhame zagumye mu mitwe ya benshi ziganjemo iza Perezida Kagame,aburira abashaka guhungabanya umutekano w'u Rwanda n'abakora ibinyuranye n'amategeko ariko akanagira inama abantu uko batera imbere.

    Imbwirwaruhame ya mbere yakoze ku mitima ya benshi na nubu bamwe mu banyarwanda bakoresha ni iyo Perezida Kagame yaburiye abahunze u Rwanda akabita ibigarasha.

    “…. ni ibigarasha”

    Perezida Kagame yigeze kuvuga ati 'Muzi umukino w'amakarita? Habamo ibigarasha. Ba Rusesabagina, ba Kayumba, ba Karegeya, ba Theogene, ba Gahima… ni ibigarasha. Bahoze ari ibigarasha, ni ibigarasha, mu gihe kiri imbere bizaba ibiganasha bicitse.

    Ni na bake cyane nta n'ubwo wababara ku ntoki, ariko n'urushinge, iyo barukujombye, rubabaza kurusha uko rungana. Urwo rushinge ntarwo dushaka.'

    Indi mbwirwaruhame ya Perezida Kagame niyo yavugiye mu nama y'Umushyikirano wa 2010,Ati “Ntawe ushobora kuguha agaciro,agaciro urakiha'.

    …Ingengabitekerezo ya Jenoside tuyirandurane n'imizi yayo yose

    Ijambo ryamamaye cyane kandi ni iya Boniface Rucagu akiyobora intara y'Amajyaruguru [Ruhengeri] aho yigishije abaturage icyivugo[slogan] ati ” Baturage b'intara y'amajyaruguru mu gire amahoro, aha inyikirizo yabaga ngo 'ubworoherane, ubumwe n'ubwiyunge, 'ingengabitekerezo ya jenoside tuyirandurane n'imizi yayo yose ishye ikongoke.'

    Nta we uzagambanira u Rwanda ngo abikire

    Ubwo yari mu masengesho yo gusabira igihugu ku wa 12 Mutarama 2014, Perezida Kagame yihanije abari bakomeje guhungabanya umutekano w'u Rwanda, avuga ko bizabagaruka.

    Yagize ati 'Uhemukira u Rwanda, uwo ari we wese, ntabwo yabikira. Biramugaruka.'

    Yakomeje ati 'Igitangaje ni kubona abantu bashobora kugambana, bakagambanira igihugu, igihugu cyabagize icyo baje kwiratisha baricyo. Abo bose ntacyo bari kuba baricyo iyo bitaka uru Rwanda, rwabagize icyo biratana, u Rwana rwabagize icyo baje gutuka, njyewe nta dipolomasi […].

    Gutatira igihango cy'u Rwanda, urabizira. Gutenguha igihugu, kwifuriza abantu inabi, birakugaruka. Ibisigaye ni uburyo, bikugaruka bite ? Uburyo ni bwnshi, mwahitamo ubwo ari bwo.'

    Ukuri kw'Imana kuba muri Bibiliya

    Ubwo yari mu kiganiro muri studio ya BBC muri 2003,Uwari Minisitiri w'Ububanyi n'Amahanga,Charles Murigande yabajijwe n'Umunyamakuru niba ingabo z'u Rwanda zitari zikiri muri RDC.

    Uyu yahakaniye umunyamakuru ko nta ngabo z'u Rwanda ziri muri Ituri ko n'izari muri Congo zavuyeyo ku mugaragaro.

    Uyu munyamakuru yaramubajije ati “uko n'ukuri kw'Imana? Murigande yahise amusubiza ati “uko ni ukuri kw'impamo,ukuri kw'Imana kuba muri Bibiliya.”

    “Birangira akazi kabaye gusimbuka imitego ukayoberwa igihe tuzakorera akazi'

    Mu nama Nkuru ya 14 y'Umuryango wa FPR Inkotanyi, yateraniye i Rusororo mu Karere ka Gasabo, mu nzu ya Intare Arena kuwa 21 Ukuboza 2019,Bamporiki Edouard,yaregeye Perezida Kagame abanyamuryango b'iri shyaka batega abandi imitego babishaka.

    Ati 'Maze imyaka itandatu mpawe akazi n'Umuryango guhera mu Nteko Ishinga Amategeko, mu itorero ry'igihugu, ubu mukaba mwarangiriye icyizere mukangira Umunyamabanga wa Leta. Hari ibintu nabonye ko byasigara mu 2019, ntabwo abanyamuryango dukundana.

    Abanyamuryango bari hano buri wese afashe indangururamajwi, akavuga mugenzi we wamuteze imitego abishaka, wamubeshyeye abishaka ha handi umuntu ahimba inkuru ikagera ku Munyamabanga Mukuru [SG] w'Umuryango akaguhamagara akakubaza ikintu utigeze urota, utigeze utekereza, utanarota n'iwanyu batarota.

    Ni ukuvuga ngo kwa kubaha amahame n'ibyemezo by'umuryango, n'icyemezo cyanyu nyakubahwa Chairman, iyo mugiriye icyizere umuntu mukamuha inshingano, umunyamuryango wese ugambiriye kumutega umutego, yibwira ko ari guhemukira uwo ateze umutego ariko namwe aba abahemukira.'

    'Nshobora kugira intege nke zo gukora ibyo mwanshinze ariko noneho iyo hiyongereyeho ko buri munsi ngomba kujya nsimbuka imitego nk'itanu mbere yo gukora akazi mwampaye, birangira akazi kabaye gusimbuka imitego ukayoberwa igihe tuzakorera akazi.'

    “Uwiha kurwanya Perezida Kagame ndamubabarira”

    Ku wa 7 Werurwe 2019, Ubwo Gen Kabarebe yari yitabiriye ibiganiro byateguwe na Minisiteri y'urubyiruko, byiswe 'Rubyiruko Menya Amateka Yawe', byahabwaga urubyiruko ruturutse mu Ntara zitandukanye z'igihugu, mu kigo cy'urubyiruko cya Kimisagara.

    Yagarutse ku butwari bwa Perezida Paul Kagame kuva urugamba rwo kubohora u Rwanda rwatangira, avuga ko mu buzima bwe yaranzwe no kurwana urugamba kandi ntatsindwe. Yavuze ko mu buzima bwe, mu gihe yabaga ari ku rugamba n'abo yabaga ayoboye, ijambo gutsindwa ritabagamo.

    Ati “Ibintu byo kurwana intambara, mu mateka ye, Perezida Kagame nta mateka yo gutsindwa urugamba afite, mu myumvire ye gutsindwa ntabwo bijya bibamo, nta kintu cyitwa gutsindwa kiba mu myumvire ye, tunarebe no mu zindi ntambara, buri gihe yarateguraga, akagupangira intambara, akaguha gahunda kandi akaba azi ko ugomba gutsinda.”

    “Ibyo gutsindwa ntibijya biba mu myumvire ye, ntabwo yemera gutsindwa, n'aba bose mujya mwumva ko barwanya u Rwanda hirya no hino, uwakwiha kumurwanya ndamubabarira kuko njye mbizi, kuvuga ngo yatsindwa ni ukwibeshya, nta na hamwe yatsindwa.”

    “Nkatwe abasirikare yayoboye tuba tuzi ko bidashoboka, n'aba birirwa bakoresha za YouTube, ni umunwa gusa, ni urusaku gusa, ariko iby'intambara byo babyibagirwe, intambara zigira ba nyirazo.”

    Babandi bababeshya … ngo bazabanza bakureho Kagame

    Reka dusoreze ku mbwirwaruhame ya Perezida Kagame yakunzwe cyane ubwo yaburiraga abatera inkunga abashaka guhungabanya umutekano w'u Rwanda,babuza abanyarwanda gutaha ngo bazahirika ubutegetsi.

    Yagize ati”Naho niwoherereza amafaranga interahamwe,nitugufata tuzaku [akora ikimenyetso cyo kuvuna].Babandi baba hanze aha bababeshya,n'ushatse gutaha bakamubuza ngo buretse ngo ntutahe,ibintu biri hafi gutungana.

    Ngo bazabanza bavaneho Kagame,ryari se?ryari?….byanyuze mu yihe nzira se?,iya demokarasi se?,iy'intambara se?,iyihe?.Barabashuka.”

    Hari izindi mbwirwaruhame nyinshi zanyuze benshi ndetse tuzakomeza kuzibagezaho mu nkuru zitaha.

    Source : https://umuryango.rw/amakuru/mu-rwanda/politiki/article/amwe-mu-magambo-y-abayobozi-b-u-rwanda-yakunzwe-na-benshi

  • FERWAFA yafashe umwanzuro ku mukino wa Rayon Sports na Intare FC #rwanda #RwOT

    Komisiyo y'Ubujurire muri FERWAFA yanzuye ko Rayon Sports na Intare FC zigomba guhura mu mukino wo kwishyura wa 1/8 cy'Igikombe cy'Amahoro ndetse igihe uzakinirwa kizatangazwa.

    Iki cyemezo cyatangajwe kuri uyu wa Kabiri, tariki ya 4 Mata 2023, nyuma y'inama yahuje ubuyobozi bwa FERWAFA na Komisiyo y'Ubujurire amakipe yombi yitabye ku wa Mbere.

    Mu itangazo FERWAFA yashyize ku mbuga nkoranyambaga zayo, yagize iti “Komisiyo y'Ubujurire muri FERWAFA yemeje ko icyemezo cyafashwe na Komisiyo ishinzwe amarushanwa cyo ku wa 20/03/2023 kidahindutse, Rayon Sports na Intare FC zizakina, umukino wo kwishyura wa 1/8 w'igikombe cy'amahoro, itariki uzakinirwaho bakazayimenyeshwa na FERWAFA.”

    Uyu mukino wa 1/8 wemejwe mu gihe indi ibanza ya 1/4 yose iteganyijwe ku wa Gatatu, tariki ya 5 Mata.

    Source : https://umuryango.rw/imyidagaduro/imikino/article/ferwafa-yamaze-gufata-umwanzuro-ku-mukino-wa-rayon-sports-na-intare-fc

  • Kiyovu Sports yatanze ubutumwa bukomeye ku ikipe ya Rwamagana City – YEGOB #rwanda #RwOT

     

    Ikipe ya Kiyovu Sports ifitanye umukino n'ikipe ya Rwamagana City mu gikombe cy'Amahoro yakoze imyitozo yanyuma ikakaye bigaragaza ko ishaka amanota atatu.

    Imikino ya 1/4 y'igikombe cy'Amahoro ikipe ya Kiyovu Sports yatomboye ikipe ya Rwamagana City iri ku mwanya wa 13 muri shampiyona aho ikipe ya Kiyovu Sports iri ku mwanya wa 2 ku rutonde rwa shampiyona hano mu Rwanda.

    Abakinnyi b'ikipe ya Kiyovu Sports kuri uyu wa 04 Mata 2023 bakoze imyitozo ikakaye igaragaza ko badafite gahunda yo gutakaza uyu mukino dore ko bafite gahunda yo gutwara iki gikombe ndetse na shampiyona kandi biragaragara ko bafite amahirwe yo kubyegukana byombi.
    Umukino uzahuza izi kipe tariki 05 Mata 2023 saa 15h:00 gusa nubwo ikipe ya Kiyovu Sports abakinnyi bayo bameze neza aba Rwamagana City bo ntago ariko bimeze dore ko bamaze amezi atatu yose badahembwa.

    Source : https://yegob.rw/kiyovu-sports-yatanze-ubutumwa-bukomeye-ku-ikipe-ya-rwamagana-city/

  • Tuff Gang mwakunze bagarukanye indirimbo nshya (Bulldog, Fireman & P-Fla) – YEGOB #rwanda #RwOT

    Mu mafoto meza n'aka 'video' gato, Bulldog yagaragaje ibimenyetso bitagishwa impaka ko ubuvandimwe bwa 'Tuff Gang' bugiye kongera komora imitima y'abakunzi b'injyana ya 'Hip-Hop' cyane cyane abimariyemo 'old school'.

    Ku nkuta nyinshi za 'instagram' z'aba bagabo bo muri 'TG' ndetse n'iz'abakunzi babo, hari kugaragara amafoto n'a 'video' birimo Bulldog, Fireman, P Fla na 'producer' Davydenko bari muri 'studio' bakora indirimbo wumva ari 'old school' ishobora kuba igaruka ku mateka yabo nk'uko imirongo mike yumvikana muri 'video' ibivuga.

    Nubwo bwose Jay Polly atakiriho, abenshi bishimiye iyi mikoranire baboneraho n'umwanya wo kumwifuriza kuruhukira mu mahoro.

    Ese iyi ndirimbo izasohoka? Niba aribyo ni ryari? Reka tubitege amaso.

    Source : https://yegob.rw/tough-gang-mwakunze-bagarukanye-indirimbo-nshya-bulldog-fireman-p-fla/

  • Inkuru nziza isohotse aka kanya ku ikipe ya Rayon Sports ikaba mbi ku Intare Fc – YEGOB #rwanda #RwOT

    Komisiyo y'Ubujurire muri FERWAFA yemeje ko icyemezo cyafashwe na Komisiyo ishinzwe amarushanwa cyo ku wa 20/03/2023 kidahindutse, Rayon Sports na Intare FC zizakina, umukino wo kwishyura wa 1/8 w'igikombe cy'amahoro.

    Ibi byatangajwe mu itangazo ishyirahamwe ry'umupira w'amaguru mu Rwanda Ferwafa ryashyize kuri Twitter.

    Iri tangazo risoza bavuga ko itariki uzakinirwaho uwo mukino wo kwishyura bakazayimenyeshwa na FERWAFA mu minsi iri imbere.

    Source : https://yegob.rw/inkuru-nziza-isohotse-aka-kanya-ku-ikipe-ya-rayon-sports-ikaba-mbi-ku-intare-fc/

  • Impanuro za Akingeneye ku bahisha abana bafite ubumuga mu gikari – #rwanda #RwOT

    Akingeneye avuga ko nubwo hari abantu batinya kumwegera kubera isura ye, yemeye kwiyakira uko ari, ubu akaba ageze mu mwaka wa gatatu wa Kaminuza aho yiga itangazamakuru n'itumanaho afatanya no gucuruza ibirungo by'ubwiza (Make Up).

    Uyu mukobwa w'imyaka 23 ashimira ababyeyi be batumye atinyuka kujya aho abandi bana bari kuva akiri muto, nubwo bamutinyaga kubera uburyo yari apfutse umutwe wose uretse amaso.

    Ibi ni bimwe mu byo Akingeneye yagarutseho mu buhamya yatangiye mu ihuriro rya Story Telling Night ryabaga ku nshuro ya kabiri ritegurwa na Interact Rwanda.

    Akingeneye avuga ko nubwo yahuye n'ikibazo akiri muto ariko ubu yumva ko ari mwiza ndetse hari umugambi Imana imufiteho.

    Yagize Ati 'Bambwira ko ubwo nari muto mfite imyaka itatu ndwaye malaria numvise mfite imbeho njya mu gikoni aho bari batetse ngiye kota mpageze ngira isereri ngwa mu nkono y'ibishyimbo iri ku ziko.'

    Ubu bushye bwatumye amara imyaka itatu ari mu bitaro aho yavuye ajya gutangira ishuri ariko abana bakamutinya bakamuhunga nyamara we yumvaga yabasanga bagakina.

    Ati 'Njya gutangira kwiga byari bikomeye cyane, nari nkifite ibipfuko , abana bantinya, nanjye ndwana no kwihisha izuba ariko numvaga nabegera tugakina.'

    'Ibyo nabinyuzemo mbifashijwemo n 'umuryango wanjye , navuye ku myaka itatu ubu ngeze kuri 23 ndabizi ko ndi umukobwa mwiza nubwo mutabimbwira ariko niyiziho ko ndi mwiza, nkunda guseka cyane mba numva nahora nishimye.'

    Umubyeyi wa Akingeneye yamwigishije uko yakegera abantu akabaganiriza agira inama imiryango ifite abana bafite ubumuga kutabahisha mu nzu ahubwo ko bakwiriye kubigisha uko babaho muri sosiyete.

    Yagize ati 'Imiryango myinshi ifite abana bafite ubumuga babahisha mu nzu, ibyo sibyo ntimukabyemere, njye buriya nahoraga ku muryango nakira abaza mu rugo.'

    Yakomeje avuga ko n'iyo mu rugo iwabo habaga hari abana bari gukina hanze akajya mu cyumba umubyeyi we atabyishimiraga agahita amusangayo akamusohora ngo ajye gukina n'abandi bana.

    Ati 'Ubwo bwari uburyo bwo kuntinyura ngo mbone uko nabashaka kubana n'abandi bana. Ubu umutima wanjye unyemerera kujya aho abantu bari, ubushye bwanjye ntabwo bwatuma ntakora, mureke tubwirane inkuru zacu kugira ngo tubohorane imitima tuvuge inkuru z'ubuzima bwacu Kandi hari benshi zafasha.'

    Uyu mukobwa ari kwiga itangazamakuru muri kaminuza ya Mount Kenya aho yagiye kubyiga azi neza ko hari abantu bazavuga ibijyanye n'isura ye ariko ibyo ntibyamuciye intege yemeza ko n'akazi azakabona kandi keza.

    Gahunda ya Story Telling Night itegurwa na Interact Rwanda iba buri nyuma y’amezi abiri

    Story Telling Night yitabirwa n’urubyiruko ruganirizwa na ba rwiyemezamirimo batandukanye bavuga inkuru z’ubuzima bwabo zigamije kwigisha no gutinyura abashaka kwihangira imirimo

    Kuba yarahiye isura ntibimubuza kujya ahari abantu benshi kandi akavuga neza inkuru y’ubuzima bwe adategwa

    Akingeneye Olga ashimira umubyeyi we wamuremyemo icyizere ndetse n’uko yaganiriza abandi kugira ngo batazakomeza kumutinya

    Julius Mugabo washinze Interact Rwanda itegura gahunda ya Story Telling Night igamije guhugura urubyiruko

    Akingeneye Olga ni umwe mu batanze ikiganiro mu ihuriro Story Telling Night yahuriyemo na Gaël Karomba uzwi nka Coach Gaël , Miss Uwimana Jeannette, Eng Twizere Turambe na Julius Mugabo washinje Interact

    Source : http://igihe.com/amakuru/u-rwanda/article/impanuro-za-akigengeye-ku-bahisha-abana-bafite-ubumuga-mu-gikari