Blog

Tariki ya 31 Gicurasi buri mwaka, u Rwanda rwifatanya n'abanya-Senegali batuye mu Rwanda, kwibuka no guha icyubahiro Capt Mbaye Diagne, wagize uruhare mu kurokora Abatutsi benshi ubwo yari mu butumwa bw'amahoro mu 1994 .

Kapiteni Diagne yaje kwicwa n'ibikomere bikabije nyuma y'uko imodoka barimo yaraswagaho igisasu, yitaba Imana asize umugore n'abana babiri mbere y'iminsi 12 gusa ngo ubutumwa bwe mu Rwanda bugere ku musozo.

Madam Nyiramirimo Odette umwe mubarokowe n'ibikorwa bya Kapiteni Mbaye Diagne, avuga ko inkuru y'urupfu rwe yabaciye umugongo kuko bari bazi uruhare yagize kugira ngo babe bakiriho.

Yagize ati 'Bariyeri yari Peyaje niyo yari mbi cyane, iraduhagarika bati muvemo batangira no kujya bohereza amahiri bashaka kuyadukubita mu mitwe, ariko Kapiteni Diagne yari arimo ahita asohoka ati ntihagire umuntu n'umwe mukoraho, aba bantu ni twebwe tubajyanye ntawe ufite uburenganzira bwo kubakoraho. Ahita azamura amaboko ati murabica ari uko munyuze ku mubiri wanjye.'

Gusheta ubuzima bwe ku batutsi kugira ngo baticwa, bifatwa nk'urufatiro rw'umubano mwiza uri hagati y'u Rwanda na Senegale nkuko bishimangirwa na Ambasaderi wa Senegali mu Rwanda Doudou Sow.

Ati 'Iteka ryose izina ryawe rizahora mu mateka y'iki gihugu. Kandi ibigwi byawe byubakiweho umubano utajegajega hati y'u Rwanda na Senegal.'

Yacine Mar Diop umugore wa nyakwigendera Kapiteni Mbaye Diagne, avuga ko ibikorwa nk'ibi byo kumuzirikana bituma yifuza kurushaho kumenya byinshi ku mugabo we ubwo yari mu Rwanda, ariko kandi ngo ni ishema ku izina ry'umuryango.

Yagize ati 'Ntewe ishema n'icyubahiro kidasanzwe ahabwa ahantu hose, njya ahantu henshi nkasanga bamuzirikana, nahamagaye kenshi nshaka kumenya iby'izina ryacu, yego nari nsanzwe mbizi ariko hari byinshi ngenda menya bishya.'

Ku ruhande rw'u Rwanda, ngo iki n'ikimenyetso kigaragaza ko iyo umuryango mpuzamahanga urwanirira Abatutsi, nta Jenoside yari kuba, ari nayo mpamvu abagize ibikorwa byihariye, U Rwanda rutazahwema kubaha icyubahiro bakwiye. Uyu ni Madam Munezero Clarisse Umunyamabanga wa leta muri minisiteri y'ubumwe bw'abanyarwanda.

Ati 'Ni igikorwa dufata nk'igikorwa cy'ubutwari, kuko ni umuntu umwe muri bacye bagaragaje bagaragaje ubutwari mu gihe cya Jenoside yakorewe Abatutsi akabasha gukiza abahigwaga icyo gihe. Iyo twaje aha tuba twifatanya n'igihugu cya Senegale kugira ngo tumwibuke ariko Atari we wenyine twibuka, ahubwo twibuke muri rusange na Jenoside yakorewe Abatutsi by'umwihariko tugaragaza yuko iyo tugira abantu b'intwari benshi jenoside yari kuba yahagaritswe.'

Kapiteni Mbaye Ndiagne mu muhango wabaye 19 Gicurasi 2016, umugore we yashyikirijwe umudari w'ishimwe na Ban Ki moon wari umunyabanga mukuru wa Loni. Mbere yaho gato Muri Nyakanga 2010, umugore we n'abana be babiri bari bahawe igihembo na Perezida Kagame wabahaye umudari w''Umurinzi'.

CYUBAHIRO GASABIRA Gad

The post Capt Mbaye Diagne yongeye gushimirwa ubutwari yagize mu  kurokora Abatutsi muri 1994 appeared first on FLASH RADIO&TV.

Source : https://flash.rw/2023/06/01/capt-mbaye-diagne-yongeye-gushimirwa-ubutwari-yagize-mu-kurokora-abatutsi-muri-1994/?utm_source=rss&utm_medium=rss&utm_campaign=capt-mbaye-diagne-yongeye-gushimirwa-ubutwari-yagize-mu-kurokora-abatutsi-muri-1994

Mu mpera z'umwaka wa 2019 nibwo Guverinoma y'u Rwanda yatangaje ko yamaze gusinyana amasezerano y'ubufatanye hagati yayo n'ikipe ya Paris Saint Germain yo mu gihugu cy' u Bufaransa.

Ni Amasezerano yasinywe agomba kumara imyaka itatu, akaba yari agamije kumenyekanisha ubukerarugendo bw'u Rwanda ndetse cyane cyane kwerekana ibikorerwa mu Rwanda binyize muri Visit Rwanda.

Muri bimwe byari bikubiye muri ayo masezerano harimo kuba icyayi cy'u Rwanda ndetse n'ikawa y'u Rwand ari byo byonyine rukumbi bizajya bicururizwa kuri Stade Parc de Prince ya Paris Saint Germain, ibi bakaba byari ku rwego rwo gutuma u Rwanda rumenyekana biruseho.

Muri aya masezerano kandi harimo n'icyiswe 'La Semaine du Rwanda à Paris' bivuze  Icyumweru cy'u Rwanda i Paris.

Icyo gihe umuyobozi mukuru wa RDB, Clare Kamanzi  akaba yarasobanuye ko buri mwaka Abanyarwanda bazajya bajya muri icyo gihugu bakagaragaza ibyo bakora, byaba ibijyanye n'imyenda, ubukorikori ndetse n'ibindi mu rwego rwo kumenyekanisha igihigu n'ibibakorerwa.

Aya amaezerano yageze ku musoza mu mwaka wa 2022, gusa nyuma y'ibiganiro by'impande zombi aya masezerano yongereweho indi myaka itatu kugeza mu mwaka wa 2025.

Mu kwishimira aya masezerano ku mpamde zombi, kuwa kabiri w'iki cyumweru umuyobozi wungirije w'ikigo cy'igihugu cy'Ubukerarugendo, Nelly Mukazayire yahuye n'umuyobozi w'ikipe ya PSG, Nasser Al Khelaifi.

Uyu muhuro wabereye mu gihugu cy'u Bufaransa ndetse kandi hari na Ambasaderi w'u Rwanda mu Bufaransa, François Nkulikiyimfura.

Binyuze ku rubug rwa Twitter, RDB yatangaje ko yishimiye uwo muhuro w'abayobozi wari ugamije kuganira ku bufatanye bw'impande zombi dore ko haherutswe kongerwa amasezerayo y'ubufatanye.

Nelly Mukazayire akaba umuyobozi wungirije wa RDB yatangaje ko bishimiye ubu bufatanye bwo guteza imbere ubukerarugendo ndetse na siporo muri rusange binyuze muri Tembera u Rwanda cyangwa Visit Rwanda.

Ubu bufatanye bushingiye mu bukerarugendo bwiyongeraho ishuri ry'umupira w'amaguru rya PSG riri mu Rwanda mu karere ka Huye rifite ibyiciro by'abakinnyi bato uhereye ku myaka 11 mu bahungu n'abakobwa.

Iri shuri ryigisha umupira w'amaguru rya PSG mu Rwanda kandi riritegura amarushanwa ahuza amashuri yose ya PSG ari hirya no hino ku Isi rigomba kubera mu Bufaransa riri  muri  uku kwezi kwa Kamena.

Amasezerano hagati y'u Rwanda ba Paris St Germain binyuze muri Visit Rwanda biteganyijwe ko azageza mu mwaka wa 2025.

The post Umuyobozi mukuru wungirije muri RDB, Nelly Mukazayire yahuye n'umuyobozi wa PSG Nasser Al-Khelaifi mu kwishimira umubano w'impande zombi appeared first on RUSHYASHYA.

Source : https://rushyashya.net/umuyobozi-mukuru-wungirije-muri-rdb-nelly-mukazayire-yahuye-numuyobozi-wa-psg-nasser-al-khelaifi-mu-kwishimira-umubano-wimpande-zombi/?utm_source=rss&utm_medium=rss&utm_campaign=umuyobozi-mukuru-wungirije-muri-rdb-nelly-mukazayire-yahuye-numuyobozi-wa-psg-nasser-al-khelaifi-mu-kwishimira-umubano-wimpande-zombi

Ikipe ya Bumamuru FC yo mu Burundi yategetswe kwishyura umukinnyi w’umunyarwanda, Ally Niyonzima miliyoni 12 z’Amarundi kubera kumwirukana binyuranyije n’amategeko.

Ally Niyonzima yari yasinyiye amazerano y’umwaka umwe Bumamuru FC, byari ukuyikinira umwaka w’imikino wa 2022-23.

Nyuma yo kubona ko ibyo yemerewe batazabasha kubibona, iyi kipe yahisemo gusesa amasezerano ye ariko babikora mu buryo binyuranyije n’amategeko.

Ubwo yasinyiraga iyi kipe yari yemerewe umushahara wa miliyoni z’amafaranga y’Amarundi ariko bikavugwa ko ikipe izajya imuhemba miliyoni imwe indi akayihembwa n’abemeye kumugura.

Bivugwa ko yahembwe amezi 2 ya mbere, andi abiri yakurikiyeho ahabwa igice ari nabwo ikipe yaje guhagarika amasezerano ye.

Ally Niyonzima yahise agana iy’amategeko maze barega iyi kipe muri FIFA.

Nyuma yo kwitabaza FIFA, impuzamashyirahamwe y’umupira w’amaguru ku Isi ryanzuye ko iyi kipe igomba kwishyura Ally Niyonzima umushahara w’amezi yari asigaje ku masezerano ye.

Iyi kipe kandi yategetswe kwishyura miliyoni 12 z’Amarundi kubera kwirukanwa binyuranyije n’amategeko ndetse n’amafaranga 186267 nk’inyungu z’ubukererwe.

Bumamuru FC ikaba yahawe iminsi 45 yo kuba yamaze kwishyura Ally Niyonzima itabikora ntizemererwe kwandikisha abakinnyi mu mwaka utaha w’imikino.

Ally Niyonzima Bumamuru FC izamwishyura arenga miliyoni 12 z’Amafaranga y’u Burund

Source : http://isimbi.rw/siporo/article/ally-niyonzima-agiye-kwishyurwa-arenga-miliyoni-12-na-bumamuru-fc

Umunyamakuru wa radio BB Umwezi, uzwi mu biganiro by'imikino nka Benjamin Gicumbi, wagize isabukuru y'amavuko kuri uyu wa Kane tariki 1 Kamena 2023, umugore we yamutomagije.

Umugore wa Gicumbi witwa Delphine Umuhoza, abinyujije ku rukuta rwe rwa Instagram, yanditse amagambo menshi ashimangira urwo akunda umugabo we.

Yagize ati ' 'Nzagushimira, Mwami, n'umutima wanjye wose; Nzababwira ibikorwa byawe byose byiza.' ndashimira kubw'uyu mwaka mushya umugabo wanjye Benjamin Gucumbi atangiye.

Mu rwandika Pawulo yandikiye Abakorinti 13:11 hagira hati : 'Nkiri umwana muto, navugaga nk'umwana muto, nkatekereza nk'umwana, nkibwira nk'umwana: ariko maze gukura, mva mu by'ubwana.'

Hamwe n'uyu mugabo narakuze, ndaguka, niga ibintu bishya, niyitaho, numva, ndarema ndetse ndishima cyane! Ntabwo nigeze menya ukuntu nari muto mu rukundo igihe twatangiraga gukundana, none iyo nsubije amaso inyuma mbona umwana wibwiraga ko azi byose ku by'urukundo ariko ubu nshobora guhamya ko wanyigishije ibintu byinshi ariko cyane cyane uburyo bwo gukunda.

Wagize uti:'N'igihe unkunda ndagukunda kuko turi umwe'. Hamwe nawe nize ibintu byinshi byamfashije gukura, ariko ikiruta byose numvise ko kugukunda bidahagije nagombaga kwiga uko unkunda kubwibyo aribyo urukundo rusobanura kandi wampaye ibyo, urwo rukundo rwo kwikunda waremye muri njye nta n'umwe wigeze ampa ibyo mbere.

Ni iyo mpamvu kuri uyu munsi wavutse ndi hano kugira ngo nkwibutse gusa uko uvuze byinshi kuri njye. uri Ibyishimo byanjye kandi ndi uwawe.

Isabukuru nziza y'urukundo rwanjye.

Imana ikuzamure

Urakoze kuba Umugabo ushyigikiwe!'

Source : https://yegob.rw/umugore-wa-benjamin-gicumbi-yakoze-mu-nganzo-ndetse-ajya-no-muri-bibiliya-maze-arobanuramo-imitoma-itomoye-yatuye-umugabo-we-wagize-isabukuru-amafoto/

Ku mbuga nkoranyambaga hakomeje gusakara ifoto ya Miss Rwanda wa 2016, Mutesi Jolly aho hari bamwe bari kuvuga ko asigaye anyurwa n'imirire muri iyi minsi, gusa hari n'abari kuvuga ko atwite.

Gusa mu minsi yashyize, Mutesi Jolly yari yahakanye aya makuru avuga ko atwite, bikomeje kuvugwa kubera ukuntu ikanzu yari yambaye imugaragaza nk'utwite.

Dore ibyo bamwe bakomeje kuvuga kuri iyi foto:

Source : https://yegob.rw/ifoto-yumunsi-miss-mutesi-jolly-akomeje-kugarukwaho-cyane-ku-mbuga-nkoranyambaga-hibazwa-ukuntu-muri-iyi-minsi-asigaye-anyurwa-nimirire-ifoto/

Hari abaturage mu mudugudu wa Isangano, mu Murenge wa Rwimiyaga mu Karere ka Nyagatare, bavuga ko babuze uko bubaka ubwiherero kubera kubura amazi muri aka gace, bigatuma hari abajya kwiherera mu bihuru no mu mirima kuko bumwe bwuzuye.

Ikibazo cy'ubwiherero kivugwa muri uyu mudugudu kigaragazwa nk'igiteye inkeke.

Abanyamakuru ba Flash bageze mu ngo 30 zigize uyu mudugudu, basanga hari izifite ubwiherero budasakaye, ubundi bwubakishije ibyatsi, ubundi bwaruzuye ndetse hari n'ingo zitavufite.

Aba baturage baravuga ko kubaka ubwiherero byabananiye kubera kubura amazi muri karitsiye.

Umwe ati 'Toilette(Tuwalete) yanjye yararidutse, mba narabutse indi cyangwa nkagira uburyo nanasana ariko nararwaye. Kuyitumamo reba buriya ku mugoroba nibwo haridutse kuriya, ubwo nabihagaritsee.'

Undi ati 'Bari guteganya kuza kutwimura, urugero ntiwakubbaka Toilette , wubatse toilette bayisenya kuko bazaza kutwimura.'

Mugenzi we ati 'Waba muri iyi nzu ugacukura Wese n'inzu kuyubaka byarakunaniye bitewe na Leta, byagenda gute ubundi ubwo? Tubura n'ubushobozi bw'ayo mazi.'

Kugeza ubu impungenge ni zose muri aba baturage batuye muri uyu mudugudu, kubera ko bashobora kwibasirwa n'icyorezo cy'uburwayi buturuka ku mwanda.

Bahamarije itangazamakuru rya Flash ko barimo kwiherera mu bisambu cyangwa se mu bihuru, ariko abakuze barigengesera bakajya mu bwiherero.

Umunyamabanga Nshingwabikorwa w'Umurenge wa Rwimiyaga, Bwana Bagabo Anthony, avuga ko bagiye gukora ubukangurambaga muri aba baturage, kugira ngo biyubakire ubwiherero nubwo bigoye.

Ati 'Baba aria bantu tugikoraho ubukangurambag ako bagomba kugira ubwiherero busa neza, bwubatse, ntabwo aribyo twavuga ko ni ukubera ko azimurwa ngo arajya mu gisambu, ibyo nibyo dukomeza gukangurira abaturage.'

Imibereho y'aba baturage ishingiye ku buhinzi, kuko abenshi muri bo bari no mu kiciro cya Gatatu cy'ubudehe, kuburyo bashobora kwiyubakira ubwiherero.

Nubwo bimeze gutya baracyari mu gihirahiro cy'uko uyu mudugudu batuyemo, ushobora gushyirwa hasi bakimukira ahandi hegereye ibikorwaremezo.

Iyi ni impamvu bagaragaza ituma batubaka ubwiherero.

Igice batuyemo gihana imbibi n'igihugu cya Tanzania.

Ntambara Garleon

The post Nyagatare-Rwimiyaga: Bajya kwiherera mu bihuru kuko babuze uko bubaka ubwiherero appeared first on FLASH RADIO&TV.

Source : https://flash.rw/2023/06/01/nyagatare-rwimiyaga-bajya-kwiherera-mu-bihuru-kuko-babuze-uko-bubaka-ubwiherero/?utm_source=rss&utm_medium=rss&utm_campaign=nyagatare-rwimiyaga-bajya-kwiherera-mu-bihuru-kuko-babuze-uko-bubaka-ubwiherero

Nyampinga wa Tanzania 2006, Wema Sepetu wakundanyeho n’umuhanzi Diamond Platnumz, yavuze ko hari igihe cyageze yumva ya kwiyahura kubera ubwamamare.

Uyu mukinnyi wa filime ukomeye muri Tanzania, ahamya ko Isi y’imyidagaduro yamubanye umubirizi kuva 2006 yakwambikwa ikamba rya Nyampinga wa Tanzania 2006.

Kuva icyo gihe kugeza uyu munsi yabanye n’umutwaro utoroshye wo kuba icyamamare kuko ubuzima bwatangiye kujya ku ka rubanda, ibintu bibi bikaba ari byo avugwaho gusa.

Ati 'Kuva 2006 kugeza uyu munsi mpora ku gitutu. Ibintu bibi byinshi bihora bimvugwaho na bike byiza n’ibyo nagezeho. Abantu benshi bazi ko ndi umunyantege nke ariko babaye bari mu mwanya ndimo, bakabaye barapfuye kera.'

Wema yakomeje avuga ko kubera icyo gitutu yabayemo, ibintu bibi bimuvugwaho yageze igihe atekereza no kuba yakwiyambura ubuzima.

Ati 'Hari igihe cyageze numva nafata imyanzuro mibi irimo no kwiyambura ubuzima, ariko ku rundi ruhande nkumva ijwi ririmo rimpa gasopo rimbuza kubikora.'

Ni umukobwa wanyuze muri byinshi nk’uko yagiye abigarukaho mu bihe byashize harimo gukuramo inda 2 z’uwari umukunzi we n’umukinnyi wa filime witabye Imana, Steven Kanumba.

Yigeze kugaruka no ku buryo igihe yari mu rukundo na Diamond uyu muhanzi yajyaga amuhohotera, akumukubita rimwe yigeze no kumutera uruguma ariko akaba atamurega kubera ko yumvaga amukunze.

Ubu uyu mukobwa ari mu rukundo n’umuhanzi wo muri Tanzania, Whozu bamaze umwaka urenga bakundana.

Wema Sepetu yahishuye ko hari igihe cyageze yumva yakwiyahura

Source : http://isimbi.rw/isimbi-tv/article/wema-sepetu-wakundanye-na-diamond-yavuze-uko-yari-agiye-kwiyahura

Inama y'abakuru b'ibihugu by'akarere ka Africa y'iburasirazuba bihuriye mu muryango wabyo, EAC, yabereye i Bujumbura yemeje ko ingabo z'uwo muryango ziri muri DR Congo zongerewe manda y'amezi atatu.

Mu ntangiriro z'ukwezi gushize Perezida Félix Thisekedi ari muri Botswana yatangaje ko babona hari 'umubano hagati y'umutwe w'ingabo z'akarere k'Afurika y'uburasirazuba n'abaterabwoba ba M23'.

Manda y'umwaka umwe y'izi ngabo yari kurangira kuva none tariki 01 Kamena. Icyo gihe Tshisekededi yari yavuze ko 'niba kuri iyo tariki tubona ko inshingano [zazo] zitagezweho, tuzafata icyemezo cyo guherekeza uyu mutwe waje gutabara Repubulika ya Demokarasi ya Congo, mu cyubahiro'.

Mu myanzuro y'inama yo kuwa gatatu i Bujumbura harimo uvuga ko abakuru b'ibihugu bashimiye Tshisekedi 'kwemera ko hongerwa amasezerano y'izi ngabo kugera muri Nzeri(9)'.

The post RDC yemeye ko Ingabo za EAC zongererwa amezi atatu appeared first on FLASH RADIO&TV.

Source : https://flash.rw/2023/06/01/rdc-yemeye-ko-ingabo-za-eac-zongererwa-amezi-atatu/?utm_source=rss&utm_medium=rss&utm_campaign=rdc-yemeye-ko-ingabo-za-eac-zongererwa-amezi-atatu

Nelly wamamaye nyuma yo kugaragara mu mashusho y'indirimbo 'Puculi' y'umuhanzi Okkama, yongeye kwigaragaza nyuma yo gushyira hanze amafoto ye.

Yifashishije urukuta rwe rwa Instagram, Nelly yasangije abamukurikira amafoto ye yakenyeye ikanzu igaragaza imiterere ye bitewe n'ukuntu imwegereye.

Source : https://yegob.rw/mu-gakanzu-kagaragaza-imiterere-nikimero-cya-nelly-wagaragaye-mu-mashusho-yindirimbo-puculi-ya-okkama-amafoto/

Abategetsi bo muri Ukraine bavuga ko abana babiri n'umuntu mukuru bapfuye, naho abandi bantu babarirwa mu icumi barakomereka, mu gitero gishya cya misile cya nijoro Uburusiya bwagabye ku murwa mukuru Kyiv.

Uburusiya bumaze igihe bugaba ibitero byo mu kirere ku murwa mukuru wa Ukraine mu buryo buhoraho, bukoresheje ibisasu bya misile n'indege nto zitarimo umupilote zizwi nka drone.

Iki gitero gishya cyabereye mu turere twa Desnyanskyi na Dniprovskyi two mu burasirazuba bwa Kyiv.

Abategetsi bo muri Ukraine bavuze ko amakuru ku bapfuye n'abakomeretse ashingiye ku makuru y'ibanze.

Ubutegetsi bwa gisirikare bw'umujyi wa Kyiv bwanditse ku rubuga rwa Telegram ko umwe muri abo bana yari afite hagati y'imyaka 5 na 6, mu gihe undi yari afite hagati y'imyaka 12 na 13. Bombi bari bari mu karere ka Desnyanskyi.

Iki gitero kibaye icya kane muri iki cyumweru, ndetse kibaye nyuma yuko mu kwezi gushize kwa Gicurasi (5) Uburusiya bwagabye ibitero 17 byose hamwe ku murwa mukuru wa Ukraine — byinshi muri byo byabaye nijoro, uretse ko nibura kimwe muri byo cyabaye ari ku manywa.

Amashusho yatangajwe n'abategetsi ba gisirikare bo muri Ukraine agaragaza amatsinda y'abakora ubutabazi yita ku bantu, ndetse no ku nyubako zangiritse.

Mu butumwa butandukanye bwo mu gitondo cyo kuri uyu wa kane bwo ku rubuga rwa Telegram, umukuru w'umujyi wa Kyiv Vitali Klitschko yavuze ko 'urukurikirane rw'ibiturika' rwabayeho muri uwo mujyi, ndetse ko abakora ubutabazi bakomeje guhangana n'ibisigazwa byahubutse, hamwe n'imiriro.

Yavuze ko abantu 14 bakomeretse — icyenda muri bo bajyanwe ku bitaro.

Hagati aho, abategetsi bashyigikiwe n'Uburusiya bo mu karere ka Luhansk mu burasirazuba bwa Ukraine, kigaruriwe n'Uburusiya, bavuze ko ku wa gatatu abantu batanu bishwe naho abandi 19 bakomeretswa n'igisasu cya Ukraine cyagabwe ku murima wororerwamo ibiguruka.

The post Uburusiya bwagabye igiteto cya Kane kuri Ukraine appeared first on FLASH RADIO&TV.

Source : https://flash.rw/2023/06/01/uburusiya-bwagabye-igiteto-cya-kane-kuri-ukraine/?utm_source=rss&utm_medium=rss&utm_campaign=uburusiya-bwagabye-igiteto-cya-kane-kuri-ukraine