Blog

Kuri uyu wa kane tariki ya mbere, Kamena 2023 ku cyiciro cya FERWAFA i Remera, nibwo umutoza w’ikipe y’igihugu Amavubi

Umutoza w’ikipe y’igihugu Amavubi Carlos Alós Ferrer yahamagaye urutonde rw’abakinnyi 28 bagomba kuvamo abazifashishwa mu mikino yo gushaka itike y’igikombe cy’Afurika kizabera muri Cote D’Ivoire umwaka utaha, aho u Rwanda ruzakira ikipe y’igihugu ya Mozambique.

Ni umukino uzaba tariki 18 Kamena 2023, ubere kuri sitade mpuzamahanga y’Akarere ka Huye.

Mu bakinnyi bahamagawe, harimo abakinnyi bashya nka Ndikumana Danny, Raphael Torre, na Biramahire Abedy utaherukaga guhamagarwa.
Abakinnyi bahamagawe

Abanyezamu

Ntwali Fiacre
Ishimwe Pierre
Adolphe Hakizimana

Ba myugariro

Omborenga Fitina
Ali Serumogo
Emmanuel Imanishimwe
Ishimwe Christian

Noe Uwimana

Mutsinzi Ange

Rwatubyaye Abdul
Manzi Thierry
Faustin Usengimana
Nsabimana Aimable

Abo hagati

Bizimana Djihad
Steve Rubanguka
Hakeem Sahabo
Yannick Mukunzi
Ruboneka Bosco

Samuel Guillete
Rafael York

Hakizimana Muhadjiri

Ba Rutahizamu

Savio Nshuti Dominique
Didier Mugisha
Patrick Mutsinzi
Biramahire Abedy
Ndikumana Danny
Mugisha Gilbert 

Nshuti Innocent 

U Rwanda ruri mu itsinda L aho rufite amanota agera kuri 2 mu gihe rwatsinda Mozambique, rukaba rwakigira imbere n’amanota 5. Umukino u Rwanda ruzakiramo Mozambique uzaba ari uwa mbere rwakiriye murugo, nyuma yaho umukino wa mbere wari uw’umunsi wa 4 ubwo rwakiraga Benin kuri stade ya Kigali Pele Stadium.  

Amavubi agomba gukora ibishoboka byose akabona amanota atatu ya mbere muri iyi mikino 

Source : https://inyarwanda.com/inkuru/130033/amavubi-yahamagaye-abakinnyi-28-bagomba-gucakirana-na-mozambique-i-huye-130033.html

Iminsi ibiri irashize hasohotse indirimbo izacurangwa ahantu hose havugirizwa umuziki nyarwanda nibura muri iyi mpeshyi yose. Ni indirimbo irimo babiri bahetse muzika nyarwanda n'undi ukiri mu rugadanda rucura ibyamamare.

 

Fou De Toi yatwaye miliyoni 17 z’amafaranga y’u Rwanda

Iyi ndirimbo kuri Spotify imaze kumvwa na 53,000 (listeners). Urebye neza usanga izumvwa kurusha Kashe imaze kuzuza 318,691 mu mezi 10 ashize. Sindi bwite ku mibare ya YouTube kuko biri mu byasubije inyuma muzika ya Tanzania (kwizerera kuri views). Impamvu nita kuri Spotify nuko ariyo itanga umurongo w'umuziki ucuruzwa ku isi kandi hari ibihugu bidakoresha YouTube. Bisaba abantu bumva indirimbo yawe nibura 150 kugirango winjize idolali rimwe ($1) ringana na 1,140 mu mafaranga y'u Rwanda. 

 Uko Element yasigariye ku rugo Meddy wiyeguriye Imana

Mu gushaka kumenya ikiguzi cyagiye kuri iyi ndirimbo kuva ku majwi ,abayanditse,abafashe amashusho, abagiye mu mashusho ,aho baraye iminsi ibiri bafata amashusho dore ko bategewe imodoka ikabageza I Karongi muri hoteli bacumbitsemo amajoro abiri barya, banywa bidagadura. Iyo ubajije ubuyobozi bwa 1:55Am bakubwirako'Nibura twakoresheje miliyoni ziri hagatu ya 15-17  z’amafaranga y'u Rwanda nubwo turasoza gukora imibare wasanga azarenga ariko ntiyajya mu nsi yayo'.

 

Ni indirimbo ya Element EleéeH (wahoze yitwa Element gusa), Bruce Melodie na Ross Kana (wahoze yitwa David Rubangura).

 

Iyi ndirimbo yanditswe na Niyo Bosco mbere y'uko Ross Kana ajya muri 1:55 Am ariko ntabwo baramumurikira abanyarwanda bivuze ko isaha iyo ariyo yose bazamwereka abanyarwanda. Mu gushimira abayigizeho uruhare bashimiye Junior Rumaga, Element, Bruce Melodie na Ross Kana.

Mu minsi ibiri iyi ndirimbo igiye hanze imaze kuba ikimenyabose mu mitwe y'abakunda umuziki nyarwanda ndetse iyo ugiye mu nzu z'utubyiniro ukayicuranga  (kuyidija) wikirizwa na buri wese kuko bamaze gufata ijambo ku rindi.

Amakuru ahari avugako Gad yishyuwe miliyoni 3,500,000 z'amafaranga y'u Rwanda.

Reba hano indirimbo Fou De Toi yagiyeho miliyoni 17 z’amafaranga y’u Rwanda

“>

Source : https://inyarwanda.com/inkuru/130034/hamenyekanye-akayabo-kakoreshejwe-kuri-fou-de-toi-ikomeje-guca-ibintu-i-kigali-130034.html

Umuhanzi akaba n'umunyamakuru kuri Radio Kiss FM, Uncle Austin yashyize hanze indirimbo 'Slow Down' yakoranye n'umuhanzikazi ufite ubwiza buhebuje witwa  Linda Montez uri mu bari kwigaragaza cyane mu muziki w'u Rwanda.

Reba videwo aho hasi:

Source : https://yegob.rw/umuhanzi-uncle-austin-yashyize-hanze-indirimbo-yise-slow-down-ari-kumwe-numukobwa-wikizungerezi-witwa-linda-montez-videwo/

Nyuma y'iminsi mike hari amakuru avugwa ko abakinnyi ba Rayon Sports banze kujya i Huye kwitegura umukino wa nyuma mu gikombe cy'Amamhoro kuko batari bahembwa imishahara y'amezi 2.

Ku munsi w'ejo ku wa Gatatu, ubwo aba bakinnyi bari basoje imyitozo, ubuyobozi bw' ikipe bwabasabye ko uyu munsi ku wa Kane bajya i Huye buri mukinnyi abanj guhabwa ibihumbi 50 Frw asigira umuryango we, andi bakazayahabwa nyuma, gusa ntabwo abakinnyi babyumvise neza.

Ku mugoroba wo kuri uyu wa Gatatu, Team Manager, yasangije ubutumwa mu bakinnyi ababwira ko kuri uyu wa Kane bari bujye i Huye bamaze guhabwa ayo ibihumbi 50 Frw, andi bakazayahabwa ejo ku wa Gatanu.

Gusa bamwe muri aba bakinnyi ba Rayon Sports, bahise bamusubiza ko babanza kuyabaha bakagenda bayafite ngo kuko buri wese afite amasezerano ye kandi ko abenshi amasezerano yabo agiye kurangira rero uriya mukino umwe usigaye bazahukina barangizanyije n'ikipe.

Amakuru Yegob yamenye ni uko kuri uyu wa Kane, abakinnyi 15 aribo bemeye kujyana n'ikipe i Huye, abandi barasigara. Mu basigaye harimo Kapiteni Rwatubyaye Abdul ndetse na Ndizeye Samuel.

 

Source : https://yegob.rw/mubanze-muyaduhe-tugende-tuyafite-bamwe-mu-bakinnyi-bakomeye-ba-rayon-sports-banze-kujyana-nabandi-i-huye-kwitegura-umukino-bazakina-na-apr-fc/

Mu masaha ya Saa Kenda n'igice zo kuri uyu wa Kane tariki 1 Kamena 2023, nibwo umutoza w'ikipe y'igihugu Amavubi, Carlos Alós Ferrer yahamagaye abakinnyi b'Ikipe y'Igihugu Amavubi  bazatoranywamo abazahura na Mozambique mu gushaka itike y'igikombe cy'Afurika.

Source : https://yegob.rw/update-yongeye-kubaha-ikaze-mu-mavubi-urutonde-rwabakinnyi-umutoza-carlos-alos-utoza-amavubi-amaze-gushyira-hanze-azahitamo-abazakina-na-mozambique/

Meteo-Rwanda ivuga ko iyo mvura iteganyijwe muri uku kwezi kwa Kamena, iri ku kigero cy'isanzwe igwa mu mezi ya Kamena yo mu myaka myinshi yashize.

Icyi kigo kivuga ko mu Rwanda hazagwa imvura iri hagati ya milimetero 0 na 120, mu gihe isanzwe igwa mu mezi ya Kamena iba iri hagati ya milimetero 0 na 100.

Icyegeranyo cya Meteo-Rwanda kigira kiti “Ibice byose uko ari bitatu by'ukwezi kwa Kamena, biteganyijwemo imvura nk'isanzwe igwa”.

Ikirere giteganyijwe ngo kizaterwa n'ubushyuhe bwo mu nyanja ngari za Pasifika n'u Buhinde, buzaba buri hejuru y'ikigero gisanzwe mu kwezi kwa Kamena, hamwe n'isangano ry'imiyaga riherereye mu gice cya ruguru cy'Isi”.

Meteo-Rwanda ivuga ko imvura iri hagati ya milimetero 80 na 120, iteganyijwe mu majyaruguru y'uturere twa Rubavu, Nyabihu, Musanze na Burera, duherereye muri Pariki y'Igihugu y'Ibirunga n'iya Gishwati.

Imvura iri hagati ya milimetero 40 na 80 iteganyijwe mu turere twa Nyamasheke na Rutsiro, ahasigaye mu turere twa Rubavu na Nyabihu, mu burasirazuba bw'Akarere ka Rusizi, mu burengerazuba bw'uturere twa Ngororero, Nyaruguru na Nyamagabe, hamwe no mu majyaruguru y'Akarere ka Burera.

Source : https://umuryango.rw/amakuru/mu-rwanda/ubukungu/article/meteo-rwanda-yateguje-imvura-nke-mu-bice-by-amajyepfo-na-kigali-muri-uku-kwezi

Aya makuru yemejwe n'umuganga wok u rwego rwa Doctor , umwe mu itsinda ryabo wanabitanganje kuri uyu wa gatatu ubwo iryo sanganya ryabaga.

Uyu niwo mubare munini cyane w'abaturage bapfiriye icyarimwe bishwe n'igisasu kuva aho imirwano ihanganishije igisirikare cy'igihugu n'umutwe wa RSF (Rapid Support Forces) itangiye kuwa 15 Mata 2023

Ni igitero kije nyuma y'uko impande zihanganye zikuye mu biganiro byaberaga muri Amerika na Saudi Arabia bigamije guhosha ayo makimbirane.

Nyuma y'ibyo byago hakurikiyeho ibikorwa by'urugomo no kumena amaraso ku bwinshi mu masaha ya nyuma ya saasita, byasize habarurwa nibura 17 bapfuye n'106 bakomeretse nkuko itsinda ry'abaganga muri Soudan babitangaje banyuze kuri Facebook.

Kuva imirwano yakubura hagati y'igisirikare cya Soudan, ubu harabarurwa abaturage 883 bamaze guhitanwa n'ayo makimbirane.

Source : https://umuryango.rw/amakuru/mu-mahanga/umutekano/article/sudan-igitero-cy-igisasu-cyo-mu-bwoko-bwa-rocket-cyatewe-mu-isoko-gihitana-17

Umutoza w’ikipe y’igihugu Amavubi yahamagawe abakinnyi 28 azakuramo abo azifashisha ku mukino wa Mozambique, mu bakinnyi basigaye harimo na Meddie Kagere wari usanzwe ari kapiteni w’ikipe y’igihugu mu mikino itambutse.

Amavubi azakina na Mozambique tariki ya 18 Kamena 2023 mu mukino w’umunsi wa 5 w’itsinda L mu gushaka itike y’igikombe cy’Afurika cya 2023 kizabera muri Côte d’Ivoire.

Mu bakinnyi umutoza Carlos Alós Ferrer yahamagaye ntiharimo Meddie Kagere, rutahizamu wa Singida Big Stars muri Tanzania ndetse n’umunyezamu Kwizera Olivier ukinira Al Kawkab muri Saudi Arabia.

Kuri iyi nshuro hagaragayemo abakinnyi bari bamaze igihe badahamagarwa nka Yannick Mukunzi wa Sandvikens IF muri Sweden, Usengimana Faustin wa Al Qasim muri Iraq na Biramahire Abeddy wa UD Songo muri Mozambique.

Hari abakinnyi kandi bahamagawe ku nshuro yabo ya mbere mu Mavubi nka Noe Uwimana ukina muri USA, Mugisha Didier wa Police FC, Patrick Mutsinzi wa Al Wahda muri Leta Zunze Ubumwe z’Abarabu na Ndikumana Danny wa Rukinzo FC mu Burundi.

U Rwanda ruri ku mwanya wa nyuma muri iri tsinda n’amanota 2, Mozambique na Benin zifite 4 ni mu gihe Senegal ya mbere yamaze no kubona itike ifite 12.

Abakinnyi bahamagawe

Abanyezamu: Ntwali Fiacre (AS Kigali, Rwanda), Ishimwe Pierre (APR FC, Rwanda) na Hakizimana Adolphe (Rayon Sports, Rwanda)

Ba Myugariro: Fitina Omborenga (APR FC, Rwanda), Serumogo Ali (Kiyovu Sports, Rwanda), Emmanuel Imanishimwe (FAR Rabat, Maroc), Ishimwe Christian (APR FC, Rwanda), Nsabimana Aimable (Kiyovu Sports, Rwanda), Mutsinzi Ange Jimmy (FK Jerv, Norway), Rwatubyaye Abdul (Rayon Sports, Rwanda), Manzi Thierry (AS Kigali), Noe Uwimana (Philadelphia Union, USA) na Usengimana Faustin (Al Qasim, Iraq)

Abakina Hagati: Hakizimana Muhadjiri (Police FC, Rwanda),
Bizimana Djihad, Rubanguka Steve (FC Zimbru, Moldova), Hakima Sahabo (Lille, France), Mukunzi Yannick (Sandvikens IF, Sweden), Ruboneka Bosco (APR FC, Rwanda), Samuel Gueulette (Raal La Louvierre, Belgium) na Rafael York (Gefle IF, Sweden),

Ba Rutahizamu: Mugisha Gilbert (APR FC, Rwanda), Didier Mugisha (Police FC, Rwanda), Nshuti Dominique Savio (Police FC, Rwanda), Patrick Mutsinzi (Al Wahda, UAE), Ndikumana Danny (Rukinzo FC,Burundi), Nshuti Innocent (APR FC,
Rwanda) na Biramahire Abeddy (UD Songo, Mozambique)

Mukunzi Yannick yagarutse mu Mavubi

Usengimana Faustin amaze igihe adahamagarwa mu ikipe y’igihugu Amavubi

Biramahire Abeddy na we yagarutse mu ikipe y’igihugu

Uwimana Noe yahamagawe bwa mbere mu Mavubi

Ndikumana Danny na we ni ubwa mbere ahamagawe mu ikipe y’igihugu

Rutahizamu Patrick Mutsinzi yitabajwe mu Mavubi ku nshuro ya mbere

Rutahizamu ukiri muto Mugisha Didier na we yahamagawe bwa mbere

Source : http://isimbi.rw/siporo/article/gutungurana-mu-mavubi-bamwe-basigaye-habonekamo-amasura-mashya-amafoto

Minisiteri ishinzwe ibikorwa by'ubutabazi, MINEMA, iravuga ko hakenewe Miliyari 296 z'amafaranga y'u Rwanda, kugira ngo hasanwe ibikorwaremezo byangijwe n'ibiza byibasiye uturere tw'intara y'Uburengerazuba, Amajyaruguru n'igice cy'intara y'Amajyepfo.

Ibi byatangajwe kuri uyu wa Kane tariki 01 Kamena 2023, ubwo Minisiteri ishinzwe ibikorwa by'ubutabazi, iy'ubuzima n'iyubutegetsi bw'igihugu bari mu kiganiro n'itangazamakuru, mu rwego rwo gutanga amakuru agezweho ku ngaruka zatewe n'ibiza.

Kugeza ubu abantu 6 mu bari bakomerekejwe n'ibiza ni bo bakiri mu bitaro bitabwaho n'abaganga.

Uburyo bwashyizweho bwo gutera inkunga leta bikozwe n'abaturage n'imiryango itandukanye, kuri ubu bumaze kwinjiza miliyoni 800 z'amafaranga y'u Rwanda.

The post Hakenewe Miliyari 296Frw yo gusana ibikorwaremezo byangijwe n'ibiza-Minema appeared first on FLASH RADIO&TV.

Source : https://flash.rw/2023/06/01/hakenewe-miliyari-296frw-mu-gusana-ibikorwaremezo-byangijwe-nibiza-minema/?utm_source=rss&utm_medium=rss&utm_campaign=hakenewe-miliyari-296frw-mu-gusana-ibikorwaremezo-byangijwe-nibiza-minema

Abana n'ubuyobozi bw'ishuri rya Groupe Scolaire Kagarama, riherereye mu kagari ka Mwoya mu Murenge wa Nyagisozi, Akarere ka Nyaruguru, buravuga ko aho igihugu kigeze bamwe mu bana bahiga batari bakwiye kuba bahigira kuko ashaje.

Itangazamakuru rya Flash ryageze muri ririya shuri mu masaha ya mugitondo abana bari kwiga, mwarimu nawe ari kwigisha.

Bamwe muri abo  bana bigiraga  mucyo bita ishuri rishaje, urimo imbere ukareba mu gisenge wabonaga imyenge igaragara, hasi nta pavoma irimo, amadirishya ntakomeye, intebe n'imbabari, mu ishuri hari abicaye ku ntebe imwe ari bane, uretse nibyo kandi iki bita ishuri nicyo batiye kuko si iki kigo.

Abo bana mu buhamya bwabo, umwe muri bo yagize ati 'Iyo imvura iguye turanyagirwa, ntanaho dufite dushyira amakayi, hazamo ivumbi imbaragasa zikatwinjira.'

Undi nawe yagize ati 'Iyo imvura iguye twese tujya hamwe imbere tukirundanya, kuko ishuri rirava ndetse rirashaje.'

Umuyobozi wungirije ushinzwe amasomo, Rebero Eugene, avuga ko ishuri ryitije ibyumba bibiri ariko uko bigaragara akurikije aho igihugu kigeze, abana batagakwiye kwigira muri ibi byumba .

Yabwiye itangazamakuru ryacu ati 'Mu by'ukuri iyo urebye ibyumba bigiramo ni bikeya, ariyo mpamvu hari ibyumba bibiri twatiye bitari amashuri. Uko bigaragara ubona n'abana batagakwiye kuhigira binagendanye naho igihugu kigeze.'

Ishuri rya Groupe Scolaire Kagarama, ryigamo abanyeshuri 1.583, abigira aho bita mu ishuri hashaje, bifuza ko bakubakirwa amashuri meza kugira ngo banabone aho babika amakaye.

Umuyobozi w'Akarere ka Nyaruguru wungirije ushinzwe imibereho myiza y'abaturage, Byukusenge Assoumpta, avuga ko akarere ka Nyaruguru gafite ubucucike mu mashuri

Ati 'Mu karere ka Nyaruguru dufite ubucucike mu mashuri, aho abana bakagombye kwicara ku ntebe ari batatu usanga bicara ari batanu, ishuri ryagakwiye kwigiramo abana mirongo itatu, ugasanga harimo abana mirongo itanu.'

Byukusenge akomeza avuga ko kuba abana biga bacucitse ku ruhande rumwe ari bibi, ariko ku rundi ruhande ari byiza kuko igihugu gifite gahunda y'uko abana bose biga .

Ati 'Twebwe tuba twifuza ko aho umwana ari hose yaza niyo twatira urusengero ariko akiga, niyo twatira ibindi biro ariko umwana akiga.'

Byukusenge asoza avuga ko bifuza ko byibura ibyumba bihari bishaje byasanwa, ibindi bikubakwa bushya.

Akarere ka Nyaruguru kavuga ko umwaka ushize kubatse ibyumba by'amashuri 182, ariko bidahagije bateganya ko umwaka utaha w'ingengo y'imari bazubaka ibyumba by'amashuri 707 bishya, n'ibyumba by'amashuri 200 bikwiye kuvugururwa.

Theogene Nshimiyimana

The post Nyaruguru: Aho igihugu kigeze abana ntibakwiye kwigira mu mashuri ashaje- Ubuyobozi bwa GS Kagarama appeared first on FLASH RADIO&TV.

Source : https://flash.rw/2023/06/01/nyaruguru-aho-igihugu-kigeze-abana-ntibakwiye-kwigira-mu-mashuri-ashaje-ubuyobozi-bwa-gs-kagarama/?utm_source=rss&utm_medium=rss&utm_campaign=nyaruguru-aho-igihugu-kigeze-abana-ntibakwiye-kwigira-mu-mashuri-ashaje-ubuyobozi-bwa-gs-kagarama