Blog

APR FC ikomeje kwiyubaka mu buryo bukomeye by’umwihariko mu bakinnyi, aho iri kwiyubaka ishaka kuzitwara neza mu mikino mpuzamahanga ya CAF Champions League. Ku bijyanye n’umutoza hakomeje kuvugwa Patrick Aussems ukomoka mu Bubiligi, umenyereye umupira wo muri aka Karere.

Patrick Aussems ni umutoza w’imyaka 58, wavukiye mu Bubiligi. Patrick yari umukinnyi wo mu kibuga inyuma, akaba yarakinnye mu makipe atandukanye yiganjemo aho mu Bubiligi nk’iwabo. 

Ni umwe mu batoza bagendana n’umukino, kandi akagira igitsure

Ahagana mu 1974 ni bwo uyu mugabo yatangiye gukina bya kinyamwuga, ubwo yari mu ikipe ya RCS Visé, ayivamo yerekeza mu ikipe ya Standard Liège naho ahava ajya muri Gent, asoreza umupira muri Troyes mu 1993.

Mu bijyanye n’ubutoza, n’ubundi ubwo yari mu ikipe ya Troyes umwaka we wa nyuma yawukinnye ari no kwiga gutoza, agihagarika umupira, ahita akomereza akazi k’ubutoza muri iyi kipe. Mu 1995 yaje kujya mu ikipe ya Saint-Louisienne yo mu Bufaransa ayibera umutoza mukuru kugera mu 1999.

Patrick yageze muri Afurika bwa mbere nk’umutoza, mu 2004 ubwo yari aje muri Cameroon gutoza irerero rya Kadji Sport Academies rizwiho kuzamura abakinnyi bakomeye muri iki gihugu, barimo na Samuel Eto’O. 

Ntabwo Patrick wapfa kumubona yicaye ku ntebe y’abatoza akenshi aba ahagaze

Patrick mu 2011 wari mu gihugu cy’u Bushinwa, mu makipe yo muri Afurika yatoje;  harimo ikipe ya Simba SC yo muri Tanzania, Athlétic Club Léopards de Dolisie yo muri Congo,  Al Hilal Sports Club yo muri Sudan,  Black Leopards FC yo muri Afurika y’Epfo na Abaluhya Football Club Leopards Sports Club yo muri Kenya ari nayo yaherukagamo mu 2021.

Mu makipe akomeye uyu mutoza yatoje, harimo ikipe ya Stade de Reims ikina icyiciro cya mbere mu Bufaransa, ikipe ya Angers Sporting Club de l’Ouest ikina icyiciro cya kabiri mu Bufaransa, ndetse n’ikipe ya Simba SC iri mu zihagaze neza muri Tanzania.

Biteganyijwe ko Patrick Aussems iki cyumweru kirangira ageze mu Rwanda ndetse mu cyumweru gitaha akaba yatangiza imyitozo nta gihindutse, akazungirizwa na Haringingo. 

Yabaye umutoza wa Simba yo muri Tanzania, ari naho benshi bamumenyeye ubwo yayigezaga mu matsinda 

Akunze kuba hafi y’abakinnyi cyane haba mu mukino no hanze yawo 

Uvuze ku bantu b'abahanga mu buhanzi mu Rwanda, biragoye ko izina rya Hope Azeda ryabura mu y'imbere. Ibi bigaragarira ahanini ku buhanga butangaje akomeza buri mu byo akora. 

Ikindi kibyemeza ni ukuba yaratangije uburyo bushya bwo gukangura isi yose guhagurukira kurwanya ibikorwa byibasira ikiremwamuntu binyuze mu iserukiramuco rya Ubumuntu. 

Kuri ubu Iserukiramuco rya Ubumuntu Arts Festival ryongeye kuba mu gihe hitegurwa ko rigiye gutangira kwaguka rikagera no mu bihugu bindi rihereye muri Nigeria aho rizabera muri Kanama 2023. 

Mu Rwanda rirakomeje aho ryafunguye amarembo kuwa 14 Nyakanga 2023 rikazashyirwaho akadomo kuwa 16 Nyakanga 2023, aho ibihugu bigera muri 15 ari byo bizagira imyiyereko itandukanye irimo ubutumwa. 

Ku munsi waryo wa mbere, abanyarwanda, abanya-Espagne n’Abakongomani ni bo batanze ubutumwa binyuze mu myiyereko bakoze. Ni ubutumwa bugaruka ku bihe bisharira u Rwanda rwanyuzemo muri Jenoside yakorewe Abatutsi.

Abiyerekanye bose bagaragaza uburyo kunga ubumwe, ndetse no kubana mu mahoro, ari isoko y'ubuzima buzima. Berekanye kandi ko hakwiriye kubaho kubabarira, ntihagire uvutswa uburenganzira bwe bitewe n’uko yavutse. 

Afungura ku mugaragaro iri serukiramuco, Hope Azeda mu butumwa buhura neza n'umukino w'abagize Awake Initiative, yagaragaje ko ubwoba budakwiye guhabwa intebe mbega ntawukwiriye guheranwa n'amateka. 

Hope Azeda, utegura Ubumuntu Arts Festival yagize ati 'Ubwoba nta mwanya bufite muri twe, tubwime ubuturo, duhe abana bacu umwanya w'indoto zabo no guhanga udushya.' 

Dr James Smith wavuze mu mwanya w'ubuyobozi bw'Urwibutso rwa Jenoside ya Kigali rushyinguwemo imibiri y'Abatutsi ibihumbi 250, yashimiye abitabiriye agira ati 'Mwakoze kuzana ubuzima muri uyu mwanya.'

Abakoze imyiyereko bose ku munsi wa Ubumuntu Arts Festival bagaragaje ko bamaze igihe bitegura Bukuru umuhanzikazi uri mu bahanga u Rwanda rufite na Korali ye bishimiwe cyane. 

Generation 25 yashyizeho akadomo, aba bakaba barimo Chris Neat umwe mu bari n'abategarugori b'abahanga mu muziki yize ndetse akaba anawutunganya aho abarizwa mu Bisumizi. 

Bafashishijwe kandi n'umuhanzi Peace Jolis bagaragaza ko Jenoside ubwicanyi, ihohotera n'ibindi bibangamira ikiremwamuntu, bidakwiye, bavuga ko kugeza n'ubu batarumva ukuntu umuntu utaravukanye urwango yatinyuka kuvutsa ubuzima ikibondo kitaramenya ubwenge. 

Ibikorwa bya Ubumuntu Arts Festival birakomeza kuri uyu wa Gatandatu ku Rwibutso rwa Jenoside yakorewe Abatutsi muri Mata 1994 rwa Kigali guhera ku isaha ya saa kumi n'ebyiri n'igice, bikazasozawa kuri iki Cyumweru.

Ubumuntu Arts Festival ibikorwa byayo birakomejeHope Azeda watangije iri serukiramuco yibukije abantu ko ubwoba budakwiriye kugira umwanya mu buzimaDr James Smith uri mu batangije Urwibutso rwa Jenoside rwa Kigali yashimiye abitabiriye iri serukiramucoItsinda ry’ababyinnyi bo muri Barcelona bafatanije n’abanyarwanda bagize imyiyereko y’agatangazaAbakongomanikazi bifashishije ingoma n’imbyino mu gutanga ubutumwa bwaboBoukuru afashishijwe na Korali y’abana bato b’ababanga bishimiwe cyane

Iserukoramuco rya Ubumuntu rirasozwa kuri iki Cyumweru

AMAFOTO: UBUMUNTU ARTS FESTIVAL

Umunya-comeroun wahoze ukinira Rayon Sports akaba yaramaze kwerekeza muri Simba SC, Willy Essomba Léandre Onana yabwiye abakunzi ba Gikundiro ko bazamuhora ku mutima.

Ni mu butumwa uyu rutahizamu usatira cyane anyuze ku ruhande uri mu nzira ajya muri Turikiya aho asanze Simba SC kwitegura umwaka w’imikino utaha yacishije ku rukuta rwe rwa Instagram.

Onana yavuze ko bimugoye gusezera igihugu yafataga nko mu rugo he ha kabiri nyuma ya Cameroun kuko yahagiriye ibihe byiza.

Ati “Banyarwanda bakundwa duhuriye kuri ruhago, birongoye kuvuga amagambo akurikira harimo no gusezera igihugu mfata nko mu rugo ha kabiri, nabayeho ubuzima bwiza mu Rwanda, nahagiriye inshuti, abavandimwe, ndabashimira mwese kandi muzampora mu bitekerezo.”

Yashimiye kandi Rayon Sports na perezida wayo bamuhaye amahirwe yo kugaragariza Isi impano ye.

Ati “Ku ikipe yanjye Rayon Sports (Gikundiro) sinabona amagambo ahagije yo kubashimira n’umutima wanjye, mwaranyiziye, mumpa amahirwe yo kwereka Isi impano yanjye, aha ndanashimira komite ya Rayon Sports iyobowe na perezida Jean Fidele (Uwayezu).”

“Abatoza twakoranye buri munsi kugjra ngo mbe umukinnyi mwiza ndabashimira.Abakinnyi bagenzi banjye ndabakunda mwese kandi mwarakoze. “

Yafashe umwanya kandi anashimira umujyanama we wanamufashije kujya muri Simba SC, Karenzi Alex, aho yavuze ko yamufashaga kugira ngo azavemo umukinnyi mwiza atabikoreye akazi gusa, ahubwo yari nk’umuvandimwe we.

Yabwiye abafana ba Rayon ko bazamuhora ku mutima kandi ko na we azahora ari umwe mu bagize umuryango wa Rayon Sports.

Ati” Ndashimira by’umwihariko abakunzi ba Rayon Sports, muri aba mbere nabonye nzahora ndi umwe muri mwebwe, mufite umwanya w’umwihariko mu mutima wanjye.”

Yasoje asaba imbabazi niba hari uwo yabangamiye mu gihe yamaze muri Rayon Sports kuko na we ari umuntu yakosa.

Ati “bwa nyuma nk’ikiremwamuntu, nshobora kuba hari uwo nabangamiye mu gihe nahamaze, kubera akazi cyangwa ikindi kintu, mumbabarire. Ndabifuriza ibyiza gusa.”

Willy Essomba Léandre Onana yageze muri Rayon Sports 2021 ayikinira imyaka 2, ayisoje akaba yarabengutswe na Simba SC yo muri Tanzania ihita imusinyisha.

Onana yabwiye abakunzi b’iyi kipe ko bazamuhora ku mutima