Blog

Perezida w'ishyaka NUP bwana Kyagulanyi Sentamu Robert, wamenyekanye nka Bobi Wine, yasabye abanya Uganda kwamagana ko General Muhoozi yaba perezida w'iki gihugu.

Uyu munyapolitiki ubivanga no kuririmba yavuze ko abaturage b'iki gihugu bakwiye kwamagana ko igihugu gitegekwa nk'akazu kuko atari ubwami ku buryo umwana simbura se ku butegetsi

Ikinyamakuru Daily Monitor kibukije ko General Muhoozi umuhungu wa perezida Museveni yeruye ku mugaragaro ko ashaka gusimbura se mu matora ya 2026.

Ubwo yaganiraga n'abaturage ba Kasese kuwa Gatatu bwana Kyagulanyi yijeje abaturage ko ashaka kuvanaho Museveni atarimika umuhungu we ngo habeho ihererekanyakarengane mu gihugu.

Kyagulanyi avuga ko perezida Museveni ananiwe kuburyo ashaka gukoresha umuhungu we, nawe umaze igihe azenguruka igihugu aha abaturage amafranga ngo bazamuyoboke, asaba ko bamwamagana.

Uyu munyapolitiki ushinjwa gukina iya kirihahira yunze murya Kiiza Besigye avuga ko gukoza igikumwe muri wino ugatera ku rupapuro byonyine bitazazana impinduka muri Uganda hakenewe ubundi buryo atavuze.

Umunyamabanga wa leta muri ministeri y'itumanaho Geofrey Kabyanga Baluku yavuze ko Kyagulanyi ari gukina politiki iciriritse kuko kuba Muhoozi ari umuhungu wa perezida bitamubuza kuba yashaka kwiyamamariza umwanya w'umukuru w'igihugu kuko nawe ni umunya Uganda nk'abandi.

The post Uganda: Bobi Wine yasabye abanyagihugu kwamagana ko Gen Muhoozi yaba Perezida appeared first on FLASH RADIO&TV.

Source : https://flash.rw/2023/08/31/uganda-bobi-wine-yasabye-abanyagihugu-kwamagana-ko-gen-muhoozi-yaba-perezida/?utm_source=rss&utm_medium=rss&utm_campaign=uganda-bobi-wine-yasabye-abanyagihugu-kwamagana-ko-gen-muhoozi-yaba-perezida

Source : http://isimbi.rw/siporo/article/abakinnyi-25-b-amavubi-bahamagawe

Nyuma ya Hotel ebyiri zonyine zibarizwa mu mujyi wa Muhanga uzwi nk'uwegereye umujyi wa Kigali, havutse indi Hoteli Nshya ibaye iya Gatatu muri uyu mujyi. Iyi, yiswe Lucerna Kabgayi ya Diyosezi ya Kabgayi. Mu gutaha ku muragararo iyi Hoteli, hashimiwe Musenyeri Samalagde Mbonyintege wacyuye igihe, akaba ariwe wagize uruhare mu itangira ry'uyu mushinga wa Hoteli yuzuye itwaye asaga Miliyari 3 mu mafaranga y'u Rwanda.

Kuri uyu wa wa 30 Kanama 2023 nibwo hatashywe ibikorwa by'imishinga ibiri birimo Lumina I na Lucerna Kabgayi Hoteli nka Hoteli nshya muri uyu mugi wa Muhanga aho ije isanga izindi Hoteli ebyiri zisanzwe muri uyu mujyi w'Akarere ka Muhanga.

Umyobozi w'Akarere ka Muhanga, Kayitare Jacqueline yashimiye ubufatanye buri hagati ya Diyosezi Gatolika ya Kabgayi, Abikorera ndetse n'Akarere kuko butanga icyizere ku kuzamura ibikorwaremezo bikomeje  kwiyongera bigatanga akazi ku baturage bakabasha kwiteza imbere.

Yagize Ati' Turishimira ko twungutse indi Hoteli ku bufatanye bwa Diyosezi Gatolika ya Kabgayi. Twajyaga duhura n'ibibazo by'abantu basaba amacumbi ariko abikorera tubashimira ko batanga icyizere mu kubaka ibikorwaremezo bizagenda byiyongera kandi iyo byiyongereye biduhera abaturage akazi bakabona amafaranga yo kwiteza imbere n'imiryango yabo'.

Umuyobozi w'Urugaga rw'Abikorera mu karere ka Muhanga, Kimonyo Juvenal avuga ko bashimishijwe no kuba havutse indi Hoteli. Ati' Nk'abikorera dushimishijwe n'uko habonetse indi Hoteli. Twabonaga ubusabe bw'abantu benshi basabaga ko tubashakira ibyumba ugasanga haruzuye ariko turabona tugenda tubona ibisubizo. Tugiye gukangurira abantu kurushaho gushora muri iri shoramari ry'amacumbi'.

Nyiricyubahiro, Musenyeri wa Diyosezi Gatolika ya Kabgayi, Dr Ntivuguruzwa Balthazar yashimiye abagize uruhare mu iyubakwa ry'ibi bikorwa, ku isonga Musenyeri ucyuye igihe watangije uyu mushinga. Yashimiye kandi amabanki bakorana yagiye abatabara. Yibukije kandi ko ibi bikorwa byatanze akazi ku batuye i Muhanga kandi ibikoresho byose byaguzwe i Muhanga bizamura ubukungu bw'abacuruzi n'abakozi babo.

Yagize Ati' Ndashimira buri wese wagize uruhare kugirango umushinga nk'uyu ubashe kubaho. Dushimire Musenyeri Wacyuye igihe kuko yakoze ibishoboka mu gihe uyu mushinga wakorwaga hagashakwa amfaranga mu mabanki ndetse tugafashwa n'ibitaro by'Amaso bya Kabgayi ndetse na Cartas ya Diyosezi yacu ikadufasha tukabasha kuhubaka. Ntabwo twirengagije ko hari ababonyemo akazi, Ibikoresho byubatse hano byaguriwe abacuruzi ba hano mu mujyi wacu kandi n'ubu uyu mushinga uzatanga akazi ku bantu bashya bazanabasha kwiteza imbere mu buryo bwose'.

Iyi Hoteli yatashywe izaba ifite ibyumba bizajya byakira abantu 45 bikabacumbikira. Biri mi byiciro, aho icyumba kizakodeshwa amafaranga ari hagati y'ibihumbi 30 kugera ku bihumbi 300 cyangwa se Amadorali ya Amerika 30 ndetse na 300 (30$-300$). Muri iyi Hoteli kandi harimo ibyumba bishobora gucumbikamo abantu by'igihe rubaka bifite byose bikenerwa. Izi nyu ako zombi; Lumina I na Lucerna zuzuye zitwaye agaciro ka Miliyari 3,3 z'amafaranga y'u Rwanda.

Akimana Jean de Dieu

Source : https://www.intyoza.com/2023/08/31/muhanga-hatashywe-hoteli-ya-diyosezi-kabgayi-yiswe-lucerna-yatwaye-asaga-miliyari-3/

Gusambanya umwana, itegeko risobanura ko umuntu wese ukorera ku mwana kimwe mu bikorwa bishingiye ku gitsina bikurikira, aba akoze icyaha: Ibyo bikorwa bivugwa mu Ingingo ya 133 y'Itegeko no 68/2018 ryo ku wa 30/8/2018 riteganya ibyaha n'ibihano muri rusange ihinduwe ku buryo bukurikira. 

Gushyira igitsina mu gitsina, mu kibuno cyangwa mu kanwa k'umwana. Gushyira urugingo urwo ari rwo rwose rw'umubiri w'umuntu mu gitsina cyangwa mu kibuno cy'umwana. Gukora ikindi gikorwa cyose ku mubiri w'umwana hagamijwe ishimishamubiri. Iyo abihamijwe n'urukiko, ahanishwa igifungo kitari munsi y'imyaka 20 ariko kitarenze imyaka 25.

Iyo umuntu mukuru asambanyije umwana uri munsi y'imyaka 14, igihano kiba igifungo cya burundu kidashobora kugabanywa kubera impamvu nyoroshyacyaha.

Iyo umuntu mukuru asambanyije umwana ufite cyangwa urengeje imyaka 14 bigatera umwana indwara idakira cyangwa ubumuga, igihano kiba igifungo cya burundu.

Iyo umuntu mukuru asambanyije umwana bigakurikirwa no kumugira umugabo cyangwa umugore, igihano kiba igifungo cya burundu kidashobora kugabanywa kubera impamvu nyoroshyacyaha.

Iyo umwana ufite imyaka 14 ariko utarageza 18 y'amavuko asambanyije umwana uri munsi y'imyaka 14, ahanwa hakurikije ibiteganywa mu ngingo ya 54 y'iri tegeko.

Iyo umwana ufite nibura imyaka 14 asambanyije umwana ufite imyaka 14 akoresheje imbaraga, iterabwoba, uburiganya cyangwa abikoze ku ntege nke z'uwakorewe icyaha, ahanwa hakurikijwe ibiteganywa mu ngingo ya 54 y'iri tegeko.

Ubusambanyi uko buhanwa n'uko bukurikiranwa

Ingingo ya 136 y'Itegeko no 68/2018 ryo ku wa 30/8/2018 riteganya ibyaha n'ibihano muri rusange ihinduwe ku buryo bukurikira: Umuntu wese washyingiwe ukorana imibonano mpuzabitsina n'uwo batashyingiranywe aba akoze icyaha. Iyo abihamijwe n'urukiko ahanishwa igifungo kitari munsi y'amezi 6 ariko kitarenze umwaka.

Gukurikirana icyaha cy'ubusambanyi ntibishobora kuba hatareze uwahemukiye mu bushyingiranywe ku buryo bwemewe n'amategeko. Muri icyo gihe, hakurikiranwa uwarezwe n'uwakoranye icyaha na we. 

Uwahemukiwe ashobora gusaba guhagarika ikurikirana ry'urubanza, aho rwaba rugeze hose, iyo yisubiyeho akareka ikirego cye. Ukureka urubanza cyangwa irangiza ryarwo bigira ingaruka no kuwakoranye icyaha n'uregwa.

Ese ibimenyetso bigenderwaho ni ibihe mu guhamya icyaha cyo gusambanya umwana?

Umunyamategeko Muramira Innocent yabwiye InyaRwanda ko icyaha cyo gusambanya umwana 'Child defilement' cyangwa se gufata ku ngufu 'Rape', ibihano byabyo birasobanutse. Ati:'Abantu bose ntabwo bagomba gukora ibi byaha kuko bigira ingaruka ku mpande zose no ku muryango nyarwanda'.

Yakomeje avuga ko uwasambanyijwe cyangwa se uwafashwe ku ngufu hafatwa ibimenyetso by'intanga. Ariko rero mu bihe byo gushaka ibimenyetso harebwa ibya gihanga 'Medical evidences' nyamara ababuranyi bose bagomba gutanga ibimenyetso birega cyangwa se bishinjura.

Ibimenyetso byose bihabwa agaciro n'urukiko nk'uko itegeko rya 65 ry'ibimenyetso ribiteganya. Ati:'Hari ibindi bimenyetso bifatwa nk'intanga zakoreshejwe ku mukobwa, abatangabuhamya n'ibindi byaboneka nka DNA, utunyangingo ndangasano'.

Muramira Innocent avuga ko urukiko rusuzuma ibimenyetso ku buryo hafatwa icyemezo gishingiye ku byemezo bya gihanga cyangwa se ibindi bimenyetso.

Yasoje avuga ko ari gusambanya umwana no gufata ku ngufu ni icyaha mpuzamahanga kandi ntigisaza. 

Umunyamategeko Innocent Muramira amaze imyaka irenga 7 ari impuguke mu mategeko arebana n’ibya gatanya, amategeko y’umurimo, ay’ubucuruzi, areba abimukira akaba ari umunyamategeko wa Ambasade ya Uganda ya mu Rwanda. Ariko anafite ikigo gitanga ubufasha mu by’amategeko kitwa Muramira & Co Advocates. 

Minisiteri y’uburinganire n’iterambere ry’umuryango ‘MIGEPROF’ yigeze kumurika imibare yo kuva muri Nyakanga kugeza mu Ukuboza kwa 2022 abangavu 13,000 batarageza ku myaka 19 batewe inda imburagihe. Ni imibare yatangajwe ku itariki 2 Gashyantare 2023. Imibare yo mu 2021 igaragaza ko mu gihugu hose abangavu 23,000 batewe inda z’imburagihe bari munsi y’imyaka 18 y’amavuko.

Gusambanya umwana ni icyaha kidasaza

Source : https://inyarwanda.com/inkuru/133764/ni-ryari-urukiko-ruguhamya-icyaha-cyo-gusambanya-umwana-133764.html

Ali Bongo Ondimba, yavutse yitwa Alain Bernard Bongo; 9 Gashyantare 1959, kugeza ubu azwi ku izina rya Ali Bongo, ni umunyapolitiki wo muri Gabon wabaye perezida wa gatatu wa Gabon kuva mu 2009 kugeza 2023. 

Ni umwe mu bagize Ishyaka Riharanira Demokarasi ya Gaboni.

Ni umuhungu wa Omar Bongo, wabaye perezida wa Gabon kuva mu 1967 kugeza apfuye mu 2009. Ku butegetsi bwa se, yabaye Minisitiri w'ububanyi n'amahanga kuva mu 1989 kugeza 1991, ahagarariye Bongoville nk'umudepite mu Nteko ishinga amategeko kuva 1991 kugeza 1999 , kandi yari Minisitiri w'ingabo kuva 1999 kugeza 2009. Nyuma y'urupfu rwa se, yatsinze amatora ya perezida wa Gaboni 2009.

Yongeye gutorwa mu 2016, mu matora yaranzwe no kutubahiriza amategeko, gutabwa muri yombi, ihohoterwa ry'uburenganzira bwa muntu, n'imyigaragambyo nyuma y'amatora n'ihohoterwa.

Ku ya 30 Kanama 2023, nyuma y'ibyavuye mu matora rusange ya Gaboni, ingabo zamwirukanye ku mwanya wa perezida muri coup d'Etat.

Ubuzima bwe bwite

Ali Bongo yavutse yitwa Alain Bernard Bongo i Brazzaville, nk'umuhungu wa Albert-Bernard Bongo (nyuma yaje guhindura amazina yitwa Omar Bongo Ondimba) na nyina Josephine Kama (nyuma Patience Dabany).

 Nyina yamubyaye afite imyaka 18. Bivugwako nyina wa Ali Bongo ko yatwite amezi 18 mbere y'ubukwe bwe na Albert-Bernard kandi hari ibihuha bivuga ko Ali Bongo ari umuhungu Omar Bongo yareze, ko atari uwe.

Bongo yize mu ishuri ryigenga i Neuilly, mu Bufaransa, hanyuma yiga amategeko muri Sorbonne. Muri 2018, yabonye impamyabumenyi y'ikirenga y'icyubahiro yakuye muri kaminuza ya Wuhan mu Bushinwa. Mu 1977, yasohoye alubumu ikora neza, yise A Brand New Man, yakozwe na Charles Bobbit.

Muri politiki:

Amaze kurangiza amasomo ye y'amategeko, yinjiye muri politiki, yinjira mu ishyaka rya demokarasi rya Gabon (Igifaransa: Parti Démocratique Gabonais, mu magambo ahinnye PDG) mu 1981; yatorewe kuba muri komite nkuru ya PDG muri kongere ya gatatu idasanzwe y'ishyaka muri Werurwe 1983.

Nyuma yaho, yabaye uhagarariye se ku giti cye muri PDG kandi muri urwo rwego yinjira mu biro bya politiki bya PDG mu 1984.

Bongo yari afite umwanya uhagarariye Perezida wa Repubulika kuva mu 1987 kugeza 1989. Mu matora y'abadepite yo mu 1990 (amatora ya mbere nyuma yo gushyiraho politiki y'amashyaka menshi),yatorewe kuba mu nteko ishinga amategeko nk'umukandida wa PDG mu Ntara ya Haut-Ogooué.

Nyuma yo kuva muri guverinoma, Bongo yafashe umwanya wo kuba Depite mu Nteko ishinga amategeko mu 1991.

Bongo yongeye gutorerwa kuba mu nteko ishinga amategeko mu matora y'abadepite yo mu Kuboza 2006 nk'umukandida wa PDG mu Ntara ya Haut-Ogooué.

Muri Kongere isanzwe ya cyenda ya PDG muri Nzeri 2008, yongeye gutorerwa kuba visi-perezida wa PDG.

Ali Bongo yashakanye n'umugore we wa mbere, Sylvia Valentin wavukiye mu Bufaransa, mu 1989;

ni umukobwa wa Édouard Valentin, umuyobozi mukuru wa sosiyete y'ubwishingizi ya Omnium gabonais d'assurances et de réassurances (OGAR).

Umugore wa oudouard Valentin Evelyne akora mu bunyamabanga bwa perezidansi. Mu 1994, Ali Bongo yashakanye n'umugore we wa kabiri, Umunyamerika Inge Lynn Collins Bongo, ukomoka i Los Angeles, muri Californiya; igihe Ali Bongo yatorewe kuba perezida, Inge Bongo yari atuye kuri kashe y'ibiribwa muri Californiya,  nyuma yaje gusaba ubutane mu 2015.

Ali Bongo Afite abana bane — umukobwa umwe, Malika Bongo Ondimba, n'abahungu batatu, Noureddin Bongo Valentin, Jalil Bongo Ondimba na Bilal Bongo, we na Sylvia bareze mu 2002

Imvururu zabaye mu matora rusange ya Gabon yo muri uku kwezi kwa 8, akaba ariyo ntandaro yo kuvanwa ku butegetsi bwa Ali Bongo.

Hafi ukwezi kumwe mbere y'amatora yari ateganijwe kuba ku ya 26 Kanama, Ikigo cy'amatora cya Gabon cyatangaje ko ku munota wa nyuma hahinduwe gahunda y'amatora asaba abatora gushyigikira umukandida w'inteko ishinga amategeko mu ishyaka rimwe n'umukandida wabo wa perezida bakunda.

Ibitangazamakuru byo mu mahanga n'indorerezi zigenga bivugwa ko babujijwe kwinjira muri Gabon ku munsi w'amatora.

Habura amasaha abiri gusa ngo amatora arangire,Ondo Ossa yamaganye 'uburiganya bwateguwe abari ku ruhande rwa Bongo'. Ondo Ossa yari amaze kuvuga ko yatsinze anasaba Bongo korohereza ihererekanyabubasha mu mahoro hashingiwe ku mibare ye bwite.

Mu gitondo cyo ku ya 30 Kanama, Bongo yongeye gutorwa byatangajwe na komisiyo y'amatora ya Gabon n'amajwi 64.27%. Nyuma y'iminota mike, ingabo zafashe ingoro ya Perezida i Libreville maze abasirikare bagera ku icumi batangaza ko iherezo ry'ubutegetsi bwa Bongo, umuvugizi w'ingabo avuga ko yavugiye mu izina rya 'Komite ishinzwe inzibacyuho no kugarura ibigo', iseswa ry'inzego za Leta, no gufunga imipaka y'igihugu. Mu bapolisi bagaragaye mu gihe cyo gutangaza harimo abakoloni b'ingabo ndetse n'abagize ingabo za Repubulika.

General Brice Clotaire Oligui Nguema , umuyobozi w'ingabo za Repubulika, yaje gushyirwaho nka perezida w'agateganyo n'umutwe w'abasirikare,  uyu Brice afitanye isano n'umuryango w'uwahoze ari Perezida Omar Bongo kandi yize muri kaminuza ya Omar Bongo.

Perezida Ali Bongo yakiriye ibihembo bitandukanye birimo icyo guharanira uburenganzira bw'umugore. Umuryango wa Ali Bongo wategetse igihugu cya Gabon imyaka 55.

Valens NZABONIMANA

The post Amateka ya Ali Bongo wahiritswe ku butegetsi muri Gabon appeared first on FLASH RADIO&TV.

Source : https://flash.rw/2023/08/31/amateka-ya-ali-bongo-wahiritswe-ku-butegetsi-muri-gabon/?utm_source=rss&utm_medium=rss&utm_campaign=amateka-ya-ali-bongo-wahiritswe-ku-butegetsi-muri-gabon

Urugaga rw'Abavoka mu Rwanda (RBA), rwagaragaje ko ruswa mu nkiko ari ikibazo gihangayikishije kandi ko nta gikozwe ngo inzego zifatanye mu guhangana nacyo byatuma Abaturage batakariza icyizere abavoka ndetse n'urwego rw'ubutabera muri rusange.

Byatangajwe  kuri uyu wa Kane tariki 31 Kanama 2023, mu nama nyunguranabitekerezo ku kurwanya ruswa n'Akarengane yahuje inzego ziri murunana rw'ubutabera.

Kuba abarenganyijwe baba bateza amakiriro ku rwego rw'ubutabera ariko narwo rukaba rugaragamo ruswa bisa n'ibiteye impungenge uragaga rw'abavoka .  Me Moise Nkundabarashi uyobora urugagarw'abavoka agaragAza ko ruswa ari ikibazo gihangakishije mu nkiko ashingiye ku mpamvu zikurikira.

Ati ' Tubishingira ku mibare ihari y'abakozi b'inkiko tugashingira kuibare ihari yo mu rwego rwacu (Abavoka) tugashingira ku mibare y'ubushinjacyaha ndetse no muzindi nzego niba umwavoka ari Umukomisiyoneri ni uko hari uwo ayishyiriye uwo ayishyiriye yaba we ntiyemerewe kuba yajya muri ibyo bikorwa kuri ubu dufite abantu batatu dutekereza ko bashobora kuba bari muri ibyo bikorwa turimo gushakaho amakuru.'

Kuri ubu hari abavoka batatu bahamijwe ibya bya ruswa . Urwego rw'umuvunyi rwagize uruhare kugirango bakurikiranweho iki cyaha rugaragza ko guhangana na ruswa mu nkiko bisaba ubufatanye bw'inzego zose byumwihariko iziri murunana rw'ubutabera . Mukama ABBAS ni umuvunyi wungirije ushinzwe gukumira no kurwanya ruswa

Ati ' Ari urwego rw'umuvunyi ari urwego rw'ubucamanza n'urugaga rw'abavoka abaturage turabashinzwe urunana iyo twahuriye hano tuba dushaka gushyira ingufu hamwe  turebe ukuntu tugira imvugo imwe yo kurwanya ruswa abo tureba ni bande ni abo baturage umucamanza iyo ari hariya n'ubudahangarwa bwe  agaca urubanza akaruca nabi iyo bimenyekanye hamwe n'inzego z'ubugenzuzi zikamukurikirana basanga aribyo akabihanirwa.'

Ubugenzuzi bukuru wb'inkiko bugaragza ko Kuva muri 2005  kugeza uyu munsi hamaze gukurtikranwa nio guhanwa abakozi b'inkiko bagera kuri 54 barimo abacamanza .abandi b'nikoko n'abandi  bazira  icyaha  ruswa cyangwa indi myitwarire iganisha kuri ruswa . Nubwo biemze gutya ariko kubona amakuru ya ruswa mu nkiko ni imbogamizi ikomeye mu guhangana niki cyaha .

RUTAZANA ANGELINE umugenzuz mukuru w'inkiko yasabye abantu mu ngeri zinyuranye gutanga amakuru yahari ruswa  cyane ngo hari n'itegeko rirengera uwayatanze.

Ati ' Uwo dusaba gutanga amakuru ni umuntu uwariwe wese ashobora kuba umwe mubagize uruhare muri icyo cyaha nkuko mubizi icyaha cya ruswa kigirwamo uruhare n'abantu babiri uwayisabye n'uwo bayisabye umwe muribo ashobora kuyatanga nkuko mubizi itegeko rinateganya ko uwatanze amakuru ku gihe yari ari muri abo babiri bahuriye ku cyaha cya ruswa ashobora kudakurikiranwa ubwo ni uburyo itegeko ryashyizeho kugirango uburyo bwo gutanga amakuru bushobore koroha ariko n'undi muntu uwo ariwe wese n'umunyamakuru iyo ayamanyekanishize akayamenyekanisha ku nzego zishinzwe kuyakurikirana hari inzego z'ubugenzuzi bw'inkiko ,ubugenzuzi mubushinjacyaha, hari ubugenzuzi murugaga rw'abavoka hari umuvunyi mukuru aho hose ni ahantu umuntu ashobora gutanga bene ayo makuru kandi izo nzego iyo ziyabonye zirayakurikirana.'

Mu nama nyunguranabitekerezo yahuje inzego ziri murunana rw'ubutabera hagaragajwe ko nta gikozwe ngo hashyirwe imbaraga mu kurwanya ruswa mu  nkiko byatuma abaturage batakariza icyizere urwego rw'ubutabera nyama ubusanzwe arirwo rukwiye kurengenura uwarenganye.

 Daniel Hakizimana

The post RBA yagaragaje ko ruswa mu nkiko ari ikibazo gihangayikishije appeared first on FLASH RADIO&TV.

Source : https://flash.rw/2023/08/31/rba-yagaragaje-ko-ruswa-mu-nkiko-ari-ikibazo-gihangayikishije/?utm_source=rss&utm_medium=rss&utm_campaign=rba-yagaragaje-ko-ruswa-mu-nkiko-ari-ikibazo-gihangayikishije

Buri muntu agira imiterere ye n’uko abona bintu bitandukanye n’abandi, hari abagira ubwoba n’abadatinya kuvuga uko biyumva aho baba bari hose cyangwa uwo babwira, muri make bakaba batavugirwamo ikintu bamwe babona nk’inenge.

Muri iyi nkuru turagaruka ku bakinnyi bamwe na bamwe bakina muri shampiyona y’u Rwanda, cyane cyane abanyarwanda batavugirwamo, badatinya kubwira abayobozi babo n’abatoza uko babona ibintu nubwo byaba biri bubakoreho.

Aba bakinnyi akenshi na bagenzi babo baba babazi ndetse banabatinya, rimwe na rimwe niyo hari ikibazo mu ikipe usanga ari bo bashobora imbere kugira ngo bajye kubavuganira kuko bo ntacyo batinya.

Hategekimana Bonheur — Rayon Sports

Ni umunyezamu wa Rayon Sports, akaba umwe mu bakinnyi batavugirwamo muri iyi shampiyona y’u Rwanda, n’abakinnyi bagenzi be baramutinya kuko ntawe atinya yaba na kapiteni w’ikipe.

Akenshi ibi uzabibona atsinzwe igitego, umukinnyi ukoze ikosa ni we uzakubarira inkuru kuko anarebye nabi yamukubita, umwaka ushize w’imikino yigeze guhanwa kubera gutuka abakinnyi bagenzi be nyuma yo gutsindwa igitego.

Umukino ufunura shampiyona ya 2023-24 ubwo yatsindwaga igitego cya penaliti mu minota ya nyuma, Serumogo Ali wayikoze yari yagowe, umutoza aje kubihosha na we barashwanye, umutoza yagize umujinya aramutuka undi na we aramutuka atitaye ku kuba ari umutoza.

Hakizimana Muhadjiri — Police FC

Ni umukinnyi ukina asatira muri Police FC. Ni umukinnyi uba ubona atuje w’umwana mwiza ariko iyo agize ikimutesha umutwe nibwo umenya ko ari umukinnyi utavugirwamo.

Mu makipe yose yagiye anyuramo yagiye agarukwaho ku kibazo cy’imyitwarire itari myiza, haba gukora icyo ashaka nko kudakunda imyitozo no kugirana ibibazo n’abatoza.

Uwo wabwira ko Muhadjiri atavugirwamo akurikirana siporo ntiyagutera ibuye, tutagiye mu bya kera benshi bibuka umukino APR FC iheruka gutsindamo Police FC1-0, Muhadjiri yashwanye n’umutoza we Mashami.

Mashami ubwo yari amuhamagaye ashaka kumuturisha nyuma yo gushwana na Rutanga, yahise akoresha amaboko asa n’umubwira ati 'genda', Mashami yahise arakara ahagurutsa umusimbura ngo ajye kwishyushya, Muhadjiri yahise yongera gukoresha amaboko asa n’umwereka ngo 'muzane ansimbure', ibi byatumye igice cya mbere kirangiye ahita asimbuzwa.

Manishimwe Djabel — Mukura VS

Manishimwe Djabel intizanyo ya APR FC muri Mukura VS, kimwe mu bintu azwiho na we ni uko atajya aripfana kandi akavuga icyo yumva ashaka atitaye ku wo abwira cyangwa uwo avuga.

Uyu mukinnyi iyo ari mu ikipe bitewe n’imiterere ye cyangwa kutavugirwamo kwe, bivugwa ko hari ukuntu aba afite ijambo mu ikipe ikipe ishobora no kujya kugura umukinnyi akabyanga cyangwa akaba yatuma irekura uwo adashaka. Uyu mugabo wari kapiteni wa APR FC benshi baribuka ubwo Adil yamuvugaga mu itangazamakuru ndetse akanavuga ko atari kapiteni we ari uwa APR FC, benshi batunguwe n’amagambo uyu kapiteni yaje kumusibiza aho yavuze ko iyo umugabo asangiye n’undi ibihe byiza n’ibibi agashaka kumwigarama, nta mugabo uba umurimo.

Djabel kandi yongeye gutungura benshi ubwo yari atarasohoka muri iyi kipe ngo ajye muri Mukura, avuga ku banyamahanga yaguze aho yavuze ko nta tandukaniro abona bafite n’abakinnyi b’abanyarwanda iyi kipe yakoreshaga, gutangaza aya magambo mu ikipe ukirimo ntibyafashwe neza. Ni we mukinnyi wafashe icyemezo abwira ubuyobozi bw’iyi kipe yagisirikare ko bukwiye gukuraho ibyo kuba i Shyorongi (cyane ko benshi bafite imiryango hakaba hari n’abatorokaga na we arimo) bakajya bahaza bitegura umukino, byaje gukorwa.

Niyonzima Olivier Seif — Kiyovu Sports

Ubu ni kapiteni wa Kiyovu Sports. Ni umukinnyi utapfa kumva avuga ariko ibikorwa bye byereka benshi uburyo ari umukinnyi utavugirwamo, yateguye gukora ikintu icyo wakora cyose ntiwahagarika Niyonzima Olivier Seif.

Uyu mukinnyi 2021 yahagaritswe mu Mavubi kubera ko ubwo yari yagiye gukina na Kenya muri Kenya, uwari perezida wa FERWAFA, Nizeyimana Olivier yababwiye ko nta mukinnyi ugomba gusohoka kuri hoteli bari bacumbitsemo ndetse akaba n’umwe mu babyemeye mbere ariko aza guturoka byatumye bamusigayo bamubuze.

Bamwe mu nshuti ze bakubwira ko ari umukinnyi ushobora kwifata agasiba imyitozo nta mutoza cyangwa umuyobozi yabimenyesheje bitewe n’uko we yiyumva, ibi yakundaga kubikora ari muri AS Kigali.

Kakule Mugheni Fabrice — Musanze FC

Ni umukinnyi ukomoka muri DR Congo umaze imyaka myinshi akina mu Rwanda, yakiniye Marines FC, Rayon Sports, Kiyovu Sports, AS Kigali akaba ageze muri Musanze FC.

Kalule Mugheni na we ni umukinnyi uzwiho kutavugirwamo akenshi iyo yatekereje ikintu aragikora. Ni umukinnyi ikipe ishobora kubura igihe runaka batazi aho ari bakamubona ibyo arimo yabisoje. Nk’umwaka ushize AS Kigali yayikiniye imikino mbarwa aho yari yarigendeye.

Benshi bamwibukira ku kuntu 2018 yigeze kujya mu myitozo ya Kiyovu Sports yakiniraga yambaye umwambaro wa Rayon Sports yari yaravuyemo. Ikirenze kuri ibyo aya makipe yombi ni amakeba akomeye mu Rwanda.

Source : http://isimbi.rw/siporo/article/abakinnyi-batavugirwamo-muri-shampiyona-y-u-rwanda-amafoto

Urugaga rw'Abavoka rwagaragaje ko ruswa mu nkiko ari ikibazo gihangayikishije kandi ko nta gikozwe ngo inzego zifatanye mu guhangana nacyo byatuma Abaturage batakariza icyizere abavoka ndetse n'urwego rw'ubutabera muri rusange.

Byatangajwe mu nama nyunguranabitekerezo ku kurwanya ruswa n'Akarengane yahuje inzego ziri murunana rw'ubutabera.

Inkuru irambuye mu kanya…

The post Ruswa mu nkiko yagaragajwe nk'ikibazo gihangayikishije appeared first on FLASH RADIO&TV.

Source : https://flash.rw/2023/08/31/ruswa-mu-nkiko-yagaragajwe-nkikibazo-gihangayikishije/?utm_source=rss&utm_medium=rss&utm_campaign=ruswa-mu-nkiko-yagaragajwe-nkikibazo-gihangayikishije

Umutoza wa Rayon Sports, Zelfani Yamen yari amennye ibikoresho by’itangazamakuru Imana ikinga akaboko.

Hari ku mugoroba w’ejo ku wa Gatatu tariki ya 30 Kanama 2023 ku myitozo ya Rayon Sports yitegura umunsi wa 3 wa shampiyona izakinamo na Amagaju FC.

Rayon Sports yari yatumijeho abanyamakuru aho bagombaga gufata iminota 20 ya mbere y’imyitozo ndetse bakaza kuvugana n’umutoza ndetse n’umukinnyi umwe nyuma y’umukino.

Abanyamakuru bavugishije umunyezamu Hategekimana Bonheur ariko ku mutoza Yamen Zelfani biba ingorabahizi.

Ubwo yarimo aganira n’itangazamakuru, uyu mutoza yabajijwe icy’uko yatutse umutoza wa Gorilla FC, Gatera Moussa mu Cyarabu nk’uko yabitangaje nyuma y’umukino wabahuje mu mpera z’icyumweru gishize banganyijemo ubusa ku busa.

Yasubije ati “ntabwo muzi! Ntabwo muzi. Mwebwe abanyamakuru muba mushaka kuzana byacitse, muba mushaka kuzana byicitse. Zimya iyo camera.”

Yahise atera nk’intambwe ebyeri agira ati “njye ndabubaha ariko mwe mugashaka guteza ibibazo, ni ibibazo mushaka?”

Aha nibwo yahise ahindukira arebye asanga hari abari bakirimo gufata amashusho, nibwo yahise agira umujinya asa nuhubuza camera ariko ku bw’amahirwe ntihagira iyangirika.

Yamen Zelfani yahanganye n’itangazamakuru

Source : http://isimbi.rw/siporo/article/umutoza-wa-rayon-sports-mu-burakari-yari-amennye-ibikoresho-by-abanyamakuru