Blog

Ni umukino uri kubera kuri Kigali Pelé Stadium kuva saa cyenda. 

Abakinnyi 11 ba Rayon Sports babanje mu kibuga:

Simon Tamale

Serumogo Ally 

Mitima Isaac 

Rwatubyaye Abdul 

Bugingo Hakim 

Muhire Kevin 

Emmanuel Mvuyekure

Hertier Luvumbu

Aruna Mussa Madjaliwa 

Kalisa Rashid 

Musa Esenu 

Abakinnyi 11 ba Sunrise FC babanje mu kibuga:

Mfashingabo Didier 

Nzabonimpa Prosper

Onyeabor Franklin

Byukusenge Jean Michel

Nzayisenga Jean d’Amour

Uwambajimana Leon

Habamahoro Vincent

Niyibizi Vedaste

Chimezie Oluebube

Robert Mukoghotya

Yafesi Mubiru

Uko umukino uri kugenda umunota ku munota:

32′ Mvuyekure Emmanuel akoreweho ikosa maze Uwukunda Samuel uri gusifura uyu mukino atanga kufura yari iteretse ahantu heza ariko Luvumbu ayiteye iragenda ikubita mu rukuta umupira urongera uramusanga arajyenfa arekura ishoti umuzamu arwana naryo arishyira muri koroneri 

30′ Heltier Luvumbu Nzinga yongeye gucenga ba myugariro ba Sunrise FC arekura ishoti ariko Mfashingabo Didier  arawufata

28′ Niyibizi Vedaste wa Sunrise FC yaragerageje kwirukankana umupira yinjira mu rubuga rw’mahina ariko umusifuzi asifura kurarira 

24′ Heltier Luvumbu Nzinga arekuye ishoti riremeye ari inyuma y’urubuga rw’amahina riragenda maze umuzamu wa Sunrise FC ntiyamenya uko byagenze rijya mu nshundura igitego cya 1 cya Rayon Sports kiba kirabonetse 

20′ Kuri ubu Rayon Sports iri gukinira mu rubuga rwa Sunrise FC ishaka igitego ndetse abakinnyi barimo nka Luvumbu bari kubona uburyo ariko ntibibakundire neza 

14′ Sunrise FC irase uburyo bw’igitego cyabazwe aho Yafesi Mubiru azamukanye umupira aragenda asiga Rwatubyaye Abdul ahindura umupira imbere y’izamu ashaka Mukoghotya ariko Mitima Isaac araza aratabara akuraho umupira 

11′ Luvumbu azamuye umupira ashaka Bugingo Hakim ariko umunyezamu wa Sunrise FC ahita awufata 

9′ ikipe ya Sunrise FC ikomeje kugerageza uburyo bw’igitego,Yafesi Mubiru acenze Serumogo Ally arekura ishoti ariko rinyura impande y’izamu gato cyane 

7′ Robert Mukoghotya abonye umupira ari mu rubuga rw’mahina ariko ntiyawubyaza umusaruro ba myugariro ba Rayon Sports bawumukuraho

5′ Abakinnyi ba Rayon Sports nibo bafite umupira bari guhererekanya mu kibuga hagati 

3′ Heltier Luvumbu Nzinga agerageje kurekura ishoti ritunguranye ariko rinyura hejuru y’izamu kure 

1′ Ikipe ya Sunrise FC niyo itangiye umukino isatira 

Mu gitondo cyo kuri uyu wa Gatandatu tariki 21 Ukwakira, ni bwo Perezida w’impuzamashyirahamwe y’umupira w’amaguru ku Isi (FIFA), Gianni Infatino, yageze ku kibuga cy’indege cya Melchior Ndadaye. Yari ari kumwe na Masengo Véron umunyamabanga wa CAF, Peurluigi Collina ukuriye komite y’abasifuzi, na Arsène Wenger wahoze atoza ikipe ya Arsenal.

Aba bayobozi bakiriwe na Perezida w’ishyirahamwe ry’umupira w’amaguru mu Burundi, Reverien Ndikuriyo, n’abandi bayobozi mu mupira w’amaguru w’u Burundi. Aba bayobozi bari i Burundi mu ruzinduko rw’akazi aho bahise bajya ku kibuga Urunani aho bari bategerejwe.

Mu bikorwa byajyanye Gianni Infatino mu Burundi harimo kuganira n’umukuru w’igihugu cy’u Burundi, Evariste Ndayishimiye, gutangiza imikino y’amashuri, ndetse nyuma akaza gusura ahari kubakwa sitade y’igihugu i Ntwali. 

Perezida wa FIFA yakiriwe mu buryo bw’umuco w’u Burundi aho yavugirijwe ingoma 

Ubwo Gianni yugururukaga indege 

Arsène Wenger afata agafoto ubwo yageraga ku butaka bw’u Burundi

Yabitangaje ku gicamunsi cyo kuri uyu wa Gatanu tariki 20 Ukwakira 2023, mu kiganiro yatanze muri Camp Kigali, mbere y'uko kuri uyu wa Gatandatu tariki 21 Ukwakira 2023 ataramira abakunzi be mu birori bya Trace Awards muri BK Arena.

Yemi Alade yaherukaga i Kigali mu birori byo gusoza umwaka bizwi nka ‘New Year’s Count Down’- kuri we avuga ko ari ishema kuba yagarutse mu Rwanda noneho yitabiriye ibirori byo gutanga ibihembo bya Trace Awards.

Uyu mugore yavuze ko kuri uyu wa Gatandatu tariki 21 Ukwakira 2023, yiteguye gutanga ibyishimo mu gitaramo ategerejwemo kizabera muri BK Arena. Ati “Ntabwo ndi mushya (I Kigali). Aha ni hamwe mu hantu heza nishimira.”

Yigishijwe kuvuga ijambo ‘Ndagukunda’ mu Kinyarwanda, avuga ko ryoroshye kurivuga, kandi ryumvikanisha neza amarangamutima y’umuntu ku wo yakunze.

Yemi Alade wamamaye mu ndirimbo zirimo nka ‘Go Down’, avuga ko imyaka 20 ishize Trace Africa igira uruhare mu guteza imbere abahanzi, ari urugendo ruvuze ikintu kinini ku bahanzi muri rusange.

Yavuze ko ari ibyo kwishimira kuba Trace Africa ishima abahanzi ku bw’akazi baba bakoze, yaba abamaze igihe kinini mu muziki n’abashya bakinjira mu muziki.

Ati “Trace ni urubuga rwiza rwateje imbere cyane cyane nyinshi mu ndirimbo z’amashusho zacu. Bakoze akazi keza.”

Uyu muhanzikazi avuga ko gutanga ibihembo ku bahanzi atari ukubashimira gusa, ahubwo ni ukubatera imbaraga mu rugendo rw’abo rw’umuziki.

Yavuze ko urugendo rwe rw’umuziki arufata nk’aho ari bwo rugitangira. Yumvikanisha ko kuba akora ibihangano bigasakara, ari kimwe mu bituma arushaho mu muziki. Ati “Ubwo nibwo buzima nshaka kubaho.”

Yemi Alade wakoranye indirimbo n’itsinda rya Sauti Sol bise ‘Afurika’, yagaragaje ko nk’ubundi buzima bwose no mu muziki umuhanzi anyura mu bihe byiza n’ibikomeye.

Yavuze ko ‘hari ibihe bimwe na bimwe’ yagiye ashaka kuva mu muziki bitewe n’ibihe yarimo anyuramo. Avuga ko ubwo yashakaga gufata icyemezo cyo kureka umuziki ‘abari hafi ye bamuteye imbaraga’ zo kutava mu kibuga’. Ati “Barambwiye ngo haguruka wongere utangire bushya kandi ugira inshuti z’abantu bafite icyerekezo kandi ubahe ufite intego ihamye’.

Uyu mukobwa yavuze ko kimwe mu bitera ishema muri iki gihe, ari uko iyo asubije inyuma amaso asanga atari ku rwego rumwe n’urwo yatangiriyeho. Ati “Ibyo bituma nkomeza gukora.”

Yemi Alade ni umwe mu bahanzikazi bamaze igihe kinini mu muziki. Azwi cyane mu ndirimbo zubakiye ku mudiho wa Afro-Pop, R&B ndetse na Dancehall.

Mu 2009 nibwo yatangiye guhangwa amaso nyuma y'uko yitabiriye irushanwa Peak Talent Show, nyuma agashyira hanze indirimbo zirimo nka Johnny, Na Gode, ndetse na Ferrari.

Afitanye indirimbo na Sauti Sol bise 'Africa', 'Nakupenda' yakoranye na Nyanshinski n'izindi.

Mu 2014, uyu mugore yasohoye indirimbo yise 'Johnny' yatumye aba umuhanzikazi wa mbere muri Afurika ukora injyana ya Afropop wabashije kugera Miliyoni 89 z'amurebye kuri Youtube.

Mu 2019, uyu mugore yasinye amasezerano muri Universal Music Africa (UMA) ndetse no muri UMG yo mu Bufaransa, bakomeza kumufasha mu muziki.

Kugeza ubu afite album eshanu zirimo 'Empress' yo mu 2020, 'Woman of Steel' yo mu 2019, 'Black Magic' yo muri 2017' 'Mama Africa: The Diary of An African Woman' yo muri 2016 ndetse na 'King Of Queens' yo muri 2014). 

Yemi Alade yavuze ko kuba wiyumvamo ko wakora ikintu bitavuze ko wagishobora, kuko bisaba umuhate n'ubushake  

Yemi Alade yumvikanishije ko mu muziki habamo kuzamuka no kumanuka 

Yemi yavuze ko yanyuzwe n’imiterere y’u Rwanda, kandi yifuza kuzagaruka 

Umuyobozi wa Kiss Fm, Lee Ndayisaba yakira Yemi Alade

KANDA HANO UREBE IKIGANIRO KIRAMBUYE YEMI ALADE YAHAYE ITANGAZAMAKURU

“>

KANDA HANO UREBE AMASHUSHO Y’INDIRIMBO ‘BUM BUM’ YA YEMI ALADE

“>

Kanda hano urebe amafoto ya Yemi Alade mu kiganiro n’itangazamakuru

AMAFOTO: Jean Nshimiyimana-InyaRwanda.com

Tariki 20 Ukwakira buri mwaka, ni umunsi mpuzamahanga w'abatetsi b'umwuga (Chefs). Uyu mwaka, ni bwo bwa mbere uyu munsi wizihijwe mu Rwanda, kuva umuryango w'abatetsi bo mu Rwanda washyirwa mu ishyirahamwe ry'abatetsi bo muri Afurika.

Uyu munsi witabiriwe n'abatetsi b'umwuga baturutse impande n'impande mu gihugu, baganirizwa ku byabafasha kurushaho kunoza serivisi batanga zo kugaburira abantu, ari na ko bishimira intambwe bamaze gutera mu guhabwa agaciro nk'abakora indi myuga yose ifitiye igihugu akamaro.

Prof Kabera Callixte, umuyobozi wa Kaminuza ya East African University Rwanda ari nayo yakiriye iki gikorwa, yasobanuye ko batekereje ko ari ngombwa kwizihiza uyu munsi nyuma yo gushyiraho umuryango uhuza abatetsi bo mu Rwanda (Rwanda Chefs Alliance), nyuma bakajya no mu ishyirahamwe ry'abatetsi bo muri Afurika, ndetse bakaba bafite n'intumbero yo kujya mu ishyirahamwe ry'abatetsi bo ku isi.

Yagize ati: 'Twasanze ari ngombwa ko uyu munsi ubaho kugira ngo twizihize ibyiza abatetsi bo mu Rwanda bakora, kuko buriya ba mukerarugendo baraza bakarya bakagenda ariko ntibamenya abantu baba babikoze. 

Nyuma y'ibyo rero hari aba chef baba babikoze bakubaka ubuzima bw'abantu, bigatuma abantu bakunda ahantu, bakamenyekanisha umuco w'ahantu, binyuze mu guteka, bakerekana ibyo bazi gukora, byaba byiza bikanatuma ba bakerarugendo bagaruka kenshi. Rero twasanze ari ngombwa mu gihe ubukerarugendo bwacu buri gutera imbere, ko ari ngombwa ko uyu munsi mukuru uba.''

Umuyobozi wa EAUR yakomeje avuga ko kugira ngo uyu munsi wizihizwe bwa mbere mu mateka y'igihugu kandi ubere muri iyi kaminuza, habayeho ibiganiro hagati yabo n'ishyirahamwe ry'abatetsi mu Rwanda (RCA). 

Yasobanuye ko imwe mu mpamvu yatumye uyu munsi wizihirizwa muri iyi kaminuza ntujye mu mahoteli akomeye hano mu Rwanda, aruko iyi kaminuza isanzwe yigisha ibijyanye n'amahoteli n'ubukerarugendo, kandi bakaba ari bamwe mu bari ku isonga mu bigisha ibijyanye no guteka. Indi mpamvu, ni imikoranire myiza iyi kaminuza isanzwe ifitanye na RCA.

Mu kwizihiza uyu munsi kandi, abanyeshuri biga mu ishami ry'amahoteli n'ubukerarugendo bahawe umwanya bamurikira abari aho ibyo bamaze kungukira muri iyi kaminuza.

Bahawe inama zizabafasha gukomeza kwigana umwete uyu mwuga kugira ngo nibagera hanze ku isoko ry'umurimo bazabashe gutanga umusaruro mwiza urimo no kuzana impinduka nziza igamije guteza imbere imitangire ya serivisi batanga no guhesha ishema igihugu cyabo mu ruhando rw'amahanga.

Insanganyamatsiko y'uyu mwaka iragira iti: 'Gutegura abatetsi b'umwuga benshi, twishimira umwambaro bambara.' Prof Callixte yavuze ko impamvu hatoranijwe iyi nsanganyamatsiko aruko uyu mwuga w'ubutetsi ari umwuga ukomeye cyane kandi ufite agaciro. Yongeyeho ko kwambara umwambaro bambara wabugenewe ari ishema, agaciro ndetse n'icyubahiro mu bandi.

Uyu muyobozi yongeyho ko gutegura abatetsi benshi b'umwuga byongera abakora mu mahoteli no mu maresitora beza kandi babyigiye babishoboye. Ibyo kandi bigabanya ibibazo birimo iby'isuku nke, inakunze kugarukwaho n'umukuru w'igihugu, Nyakubahwa Paul Kagame, kugabura indyo ituzuye kubera ubumenyi budahagije ugasanga biteye n'abantu indwara.

Yagize ati: 'Gutegura aba chef beza kandi benshi ni ukugira ngo biyongere mu mahoteli, bagere no mu maresitora kuko ntabwo barageramo, usanga afite abantu babyize mu buryo buciriritse ariko tubashije kugira byibura aba chef kugera no mu maresitora byaba ari ikintu cyiza kandi byateza imbere ubukerarugendo, bikongera abagana iki gihugu bagasiga amadovize.'

Kugeza uyu munsi harabarurwa abasaga 450 bahuriye mu ishyirahamwe ry'abatetsi b'umwuga mu Rwanda, nubwo hatangajwe ko umubare munini ari abasigaye batariyandikisha. Iri huriro ryashyizweho mu rwego rwo kugira aho abatetsi babarizwa ndetse bagire n'ahantu bashobora gukura ubumenyi bwizewe.

Bimwe mu by'ibanze abatetsi bose bahuriye muri kaminuza ya East Africa baganirijweho ni ibyo bagomba kwitaho mu gutegura amafunguro y'ababagana akabageraho ari nta makemwa.

Sindayigaya Ramadhan, ushinzwe ibikorwa byo guhuza no kwandika aba chef mu Rwanda asobanura impamvu bahisemo gukorera ibi birori muri East African University yagize ati: 'Hano hari amasomo ajyanye n'ubukerarugendo ndetse n'iby'amahoteli by'umwihariko ibyo guteka. 

Nk'aba chef kuba twahurira hano ntabwo ari impanuka ahubwo ni ukugira ngo na wa munyeshuri uri aha ngaha wiga ibyo guteka avuge ati koko bya bintu ndi kwiga bizangirira akamaro. Ku rwego ariho iyo abonye umu chef aje hano hakabera umunsi mukuru nk'uyu nguyu, hagatangwa inyigisho nk'izi ngizi, bimutera imbaraga bikanamufasha kumva ko atari kwiga ibintu by'imfabusa.'

Ramadhan kandi uzwi ku izina rya chef Rama yatangaje ko nubwo abakuru b'igikoni benshi bagaragara mu mahoteli atandukanye hano mu Rwanda usanga ari abanyamahanga, biri hafi guhinduka kuko umubare w'abatetsi b'umwuga mu Rwanda usanga wiyongera umunsi ku wundi.

Mu gusoza uyu munsi, abitabiriye ibirori bose bateraniye hamwe maze basangira amafunguro yateguwe na bamwe mu batetsi b'umwuga baturutse hanze y'iyi Kaminuza ndetse n'abanyeshuri bakiri kwiyungura ubumenyi kuri uyu mwuga. 

Bamwe muri aba babyeshuri batangaje ko bishimiye cyane kwakira umunsi mukuru mpuzamahanga w'abatetsi, bavuga ko byabongereye imbaraga ndetse batewe ishema no kwiga umwuga w'ubutetsi.

Reba hano amwe mu mafoto yaranze umunsi mpuzamahanga w’abatetsi wizihijwe bwa mbere mu Rwanda, ukizihirizwa muri kaminuza ya East African University.

Ibi birori byatangijwe n’isengesho

Byitabiriwe n’abagize ishyirahamwe ry’abatetsi b’umwuga mu Rwanda

Mu bitabiriye kandi harimo n’abiga ibijyanye no guteka mu mashuri makuru ndetse na za kaminuza zitandukanye

Umuyobozi mukuru wa East African University, Prof Kabera Callixte aganiriza abatumirwa

Abatetsi bahawe impanuro zibafasha gukomeza kunoza umwuga wabo

Umuyobozi mukuru wa RCA, Innocent Rutayisire, nawe yahawe umwanya wo kuganiriza abari aho byinshi kuri uyu muryango, aho wavuye, aho ugeze uyu munsi ndetse n’intumbero zawo

Abayobozi batandukanye bari aho baganirije abitabiriye ibi birori batanga impanuro

Umuyobozi wa EAUR yatangaje ko iyi kaminuza iri ku isonga mu kwigisha ibijyanye n’umwuga w’ubutetsi

Bamwe mu biga ibyo guteka bagaragaje ubumenyi bamaze kungukira muri kaminuza ya EAUR

Banasobanuraga uko bateguye amafunguro yabo

Batewe ishema n’umwuga biga kandi bizeye ko uzabatunga

Amwe mu mafunguro yamuritswe muri ibi birori

Akanyamuneza kari kose ku banyeshuri biga ibyo guteka muri kaminuza ya EAUR

Nyuma abari aho bose basangiriye hamwe amafunguro yateganijwe

AMAFOTO: Freddy Rwigema – inyaRwanda.com

Urebye neza usanga abanyamahanga ari bo benshi bari mu byumba 'sale' zarimo ziberamo iri serukiramuco. Ariko rero nubwo bari benshi bashobora kuba batari bazi neza ko isaha ya saa saba z'ijoro ibyishimo biza gucagata bagasubira mu mihana bacumbitsemo.

Ku itariki 20 Ukwakira 2023 i Kigali hatangiye uruhererekane rw'ibirori bibanziriza itangwa ry'ibihembo ku bahanzi basaga 50 barimo abavanga imiziki, abatunganya ibihangano n'abandi bafite aho bahuriye n'umuziki. Byari ibirori twe nk'itangazamakuru twajyaga dukurikira twifashishije murandasi. 

Wenda kugira ngo wumve amahirwe itangazamakuru ry'imyidagaduro rifite n'abanyarwanda bakunda ibirori by'umwihariko abakunda ibifitanye isano n'ubuhanzi, tugaruke ku bijyanye n'aho iyi televiziyo ifite icyicaro inasanzwe ariho itangira ibihembo mu myaka 19 ishize.

Televiziyo mpuzamahanga y’Imyidagaduro ya Trace Africa ifite icyicaro i Johannesburg muri Afurika y’Epfo. Kuva i Kigali werekeje i Johannesburg wagenda 2968Km. Ugiye n'indege ukoresha amasaha 4 n'iminota 50. Kigali na Johannesburg 226 z'umujyo umwe 'Direct flight' mu Cyumweru. Itike ya make ashoboka uvuye ku kibuga mpuzamahanga cy'indege ujya ku kibuga mpuzamahanga cy'indege kitwa O.R Tambo ni amadolali 542, asaga 660,158,000 Frw. 

Urebye ntabwo aya mafaranga y'urugendo wongeyeho ikiguzi cyo kubaho ugezeyo n'ingendo za hato na hato uva cyangwa se ujya mu nyubako yaba yakiriye Trace Awards& Festival ari buri gitangazamakuru cyayigondera cyangwa se buri munyarwanda ushaka kujya kureba biriya birori. Ariko ari umunyarwanda usanzwe utatumiwe wakongeraho n'ikiguzi cy'itike yo kwinjira ahabereye itangwa ry'ibihembo.

None rero biri imbere yacu aho dusanzwe twinjira bitatugoye. Nyamara nubwo Leta y'u Rwanda yakoze iyo bwabaga ngo yegereze Abanya-Rwanda ibi birori by'akataraboneka bihuruza abafite amafaranga n'ibyamamare birenga 50, bigakurikirwa n'abarenga miliyoni 500 ku isi hose bigakurikirwa mu bihugu bisaga 190, bisa nk'aho Abanyarwanda bari kubirebera mu madirishya.

Aya madirishya mvuga ni abifuza kubikurikira mu buryo bw'imbonankubone 'Live' bakaba batabishoboye kubera amikoro. Ariko aba ntabwo twabatindaho kuko ihene irishiriza mu burebure bw'ikiziriko cyayo. Ahubwo ducyahe twihanukiriye ababasha kugera ahari kubera ibirori bakifata mapfubyi nk'aho baje guherekeza umuvandimwe, inshuti cyangwa se umubyeyi wabo wasezeweho bwa nyuma. Ndavuga wasoje urugendo rwe hano mu isi y'abazima.

Birababaje cyane ndetse biteye impungenge kubona umuhanzi wajyaga wifuza kubona amaso ku maso ari kugutaramira we aseka yishimye anezerewe rwose bigaragarira buri wese nyamara wowe ataramira, wowe aganiriza ukamera nk'uwasize inzu iri gushya cyangwa se uwasize umurwayi muri koma. 

Nyine kumwe uba uri ahantu wakabaye wishimye, ahubwo ukaba uri mu mibare myinshi nayo utari bubonere ibisubizo. Reka nkwinjize ku munsi wa mbere wa Trace Awards Festival wabereye mu mahema ya Camp Kigali kuri uyu wa 20 Ukwakira 2023 mu buryo bw'intekerezo.

Ubundi kumva ko uri mu nzu irimo Musa Keys wakoranye indirimbo na Davido yitwa “Unvailable” iri kubica bigacika mu Nguni zose z'isi. Kugira ngo wumve uburemere iyi ndirimbo ifite nuko Davido ariyo yagize ikirango cya 'Timeless' umuzingo uri kuba isereri mu mitwe y'abakunda umuziki wa Davido na Musa Keys. 

Iyi ndirimbo nureba ku mbuga nkoranyambaga za Davido urasanga ariyo akoresha ahantu hose agiye mu bitaramo. Ku mbuga zicuruza imiziki yarebwe n'abasaga miliyoni 67 kuri shene ye YouTube ya Davido. 

Kugira ngo wumve uburyo uyu muhanzi Musa Keys atahawe umwanya akwiriye n'abo yaje asanga muri Salle ya Camp Kigali, iyi ndirimbo yakoranye na Davido yitwa “Unvailable”, Davido aherutse gusaba ko yashyirwa mu byiciro 3 mu guhatanira Grammy Awards ari byo; Record of the Year, song of the year na Best Africa Music Performance.

Uyu musore ubona ko akiri muto utuje ni icyamamare ku buryo ibihugu bifite abaturage bishimye bamwe bakemuye ibibazo byo kubona ibyo kurya umubagejeje imbere bamuterura ntabwo yabacika nta foto z'urwibutso basigaranye muri telefoni zabo. 

Ubwo Lee Ndayisaba yamuhamagaraga ngo ajye imbere yuriye urubyiniro 'stage' ariko atagiye kuririmba ahubwo kuganiriza abari bitabiriye n'itangazamakuru ry'imbere mu gihugu na mpuzamahanga ryari riteraniye muri Camp Kigali. Narakebutse mbona abantu nta kintu bibabwiye.

Musa Keys yari kumwe na Pheelz. Uyu Pheelz ni umuhanga mu gutunganya indirimbo, ni umuhanzi, umwanditsi w'indirimbo akaba yarakoranye na Usher, Davido, Olamide, Fireboy DML, Teni, Tiwa Savage, Wizkid n'abandi ntarondoye. Uyu munya-Nigeria abarizwa muri Yahoo Boy No Laptop Nation 'YBNL' label ya Olamide. 

Uri mu kabyiniro ugacuranga indirimbo yitwa 'Finesse' yakoranye na BNXN cyangwa se ugacuranga Electricity yakoranye na Davido waba utazi umuziki uramutse utayizi. Aba bahanzi abandi bifuza kwibonera n'amaso yabo tubafite imbere yacu ariko wagira ngo nta cyabaye.

Yemi Alade benshi bifuza kubona bikanga ari i Kigali ariko we araseka akamwenyura kubera yageze mu gihugu gitekanye, gifite isuku, cyubaha abanyamahanga, ariko abamuri imbere arasaba kwirekura akamera nk'ukubita igihwereye. Yemi Alade afatwa nk'umwamikazi wa Afrobeats. 

Yemi Alade kuva mu 2009 kugeza ubu aratera abafana be bakiriza. Nta gihembo cyatangiwe muri Afurika mu bihabwa abahanzi atabitse mu kabati. Ariko niba mu myaka 9 ishize wari mukuru ubwo uzi neza uruhare rw'indirimbo 'Johnny' mu kwishima kwawe cyangwa se mu gutanga umunezero ku bantu babaga bateranye bari gusoma manyinya, bari mu kabyiniro, bari mu bukwe, cyangwa se bari ku irigara. 

Iyi ndirimbo yagiye hanze ku itariki 03 Werurwe 2014, imaze kurebwa n'abasaga miliyoni 159 muri iyo myaka 9 kandi ku mbuga nka Spotify yagiye ica uduhigo two kumvwa cyane. Abakurikira umuziki wa Kenya bazi neza uruhare rwa Africa yakoranye na Sauti Sol mu myaka 7 ishize. Abo muri Tanzania bazahora bamushimira kuba yarakoranye na Harmonize iyitwa' Show me what you Got' mu myaka 4 ishize. 

Yemil Alade umurebye ubona ko yishimye ariko akaba ari imbere y'abantu basiritse ukibaza icyabazanye ukakibura mu gihe badashobora kwirengagiza ibibazo basize mu mihana batahamo ngo basi bafate iminota mike yo kwishimana n'umuhanzi abandi bifuza kubona babuze. Ni kumwe wambara ikirezi ntumenye ko cyera cyangwa se kumwe umenya agaciro k'umuntu mutakiri kumwe.

Urebye uko abanyamahanga bishimira ibyamamare byabo kandi baturutse mu bihugu bimwe wakwibaza icyo abanyarwanda babura ngo bagaragarize urukundo abaje babasanga. Bifite se aho bihuriye n’ibiciro by’ibiribwa bikomeje gutumbagira ku isoko, ukaba utakwishima uhangayikiye kubona ibyo kurya?.

Amasaha yaraye agonze abanyamahanga

Mu ijoro ryakeye nari mu mahema yombi. Navaga hamwe ahari kubera igitaramo cyaririmbyemo Ish Kevin n'abandi nkikoza mu ihema ryarimo imivinyo, umuziki mwiza wumutse umwe buri wese yabyina, ibyo kurya n'ibiganiro mu matsinda. Aha rero nahageze ndatangara. Uti gute? Ibaze kuba abanyamahanga bishimye, abanyagihugu basuherewe. 

Nimvuga abanyamahanga unyumve neza. Iriya sale yitwa 'Kivu' yo muri Camp Kigali yari irimo abaturutse mu bihugu birenga 30 byo muri Afurika, Diaspora y'Afurika n'abandi baje kwirira ku madolali n'amayero yabo. Nararanganyije amaso mbona koko abantu begereye ahari gutangirwa imivinyo yari Ubuntu. Upfa kuba ufite itike y'abanyacyubahiro 'VVIP' waryaga, ukanywa, ugaceza ukaganira keretse icyo utashakaga. 

Jyewe rero nari namaze gukonja kabaye kumwe ubona ibintu ukabura aho ufatira wasigaye. Ariko abakobwa, abagore, abasore bavuye muri biriya bihugu bisaga 30 batwibye ikirori baragishimuta dusigara turi kureba nk'abareba insakazamashusho. Nawe ibaze kubona umunyamahanga yishima kukurusha kandi ari wowe yaje asanga, ashobora kutazagaruka kuko n’ubundi iwabo barya ikirori hagashya.

Isaha yo gufunga yabatunguye!

Isaha yageze bazimya ibyuma, bahagarika gutanga imivinyo. Urebye abari bari kubyina bakikoza hasi baguye mu kantu. Uti kubera iki? Iwabo ntabwo bamenyereye ibyo gufunga amasaha ngo mutahe musubire mu mihana. Barya ayabo yashira bagataha cyangwa se bakikopesha. 

Umwe mu banyamahanga twaganiriye bisanzwe atari ikiganiro cyo gutambutsa mu itangazamakuru yambajije ati ese hano mubaho gute? Namubwiye ko dukurikiza amatego n'amabwiriza kandi twe tubimenyereye. Yahise yimyoza arambaza ati ese ubu tugiye he? turakomereza he?.

Namurebye nanjye ndimyoza mubwira ko dusubira mu mihana twaturutsemo. Mbona ntanyuzwe. Twagumye muri sale ya Camp Kigali tugira ngo wenda kuba huzuye abanyamahanga harabaho gushyiramo imiyaga bongereho utunota buri wese amaremo umuvinyo mu kirahure. Ashwi da!

Umwe mu bari bashinzwe gukura ibitambaro ku meza yatwegereye ati: 'Mwakwihanganye ko amasaha yarangiye tugataha!'. Nta mahitamo aba ahari usibye gusubira aho waturutse ukaryama. Nanyuze ku banyamahanga benshi barimo bibaza aho berekeza ubona badashaka kujya muri hoteli bishyuye kuko bari bamaze gushyuha bageze hamwe ikirori kiba kirimbanyije ugiye kwishima zigata izazo. 

Basohotse ubona bameze nk'abari gutera ibirenge batazi ikiri kujya mbere. Gusa nyine ugomba kubahiriza amategeko y'igihugu uko uyasanze utanyurwa ukajya ahari ibyo wifuza. Hano nahise nibuka inshuti yanjye yigeze kumbwira ko ifite abanya-Kigali ijya iza gutwara bakajya i Bujumbura kurirayo amanyarwanda bakagaruka ku Cyumweru bucya basubira mu kazi, mpita numva impamvu. Ahandi nta saha yo gupfa ubusa!.

Imyambarire y'abanya-Kigali ica intege abashaka kwirekura

Urebye abanyamahanga bitabiriye ibi birori bambara uko bashaka. Rwose amabere hanze, amatako hanze. Reka bigere ku mukobwa w'i Kigali. Ifoto ikijya hanze urahamagarwa ukitaba RIB, iperereza ritangira ubwo ukisanga uri mu maboko atari ayawe. Ibi rero bica intege ushaka kwishima kuko kwambara rumbiye, kwambara ibyo utifuza, ntabwo byagukururira gusamara. 

Hano naho hakwiriye izindi mbaraga ku buryo ugiye mu gitaramo, mu kirori yambara uko ashaka kuko birangira n’ubundi abanyamahanga baje bambaye uko bishakiye ukaba wakwibaza niba ibyishimo bireba abashyitsi bikaba bibujijwe ku basangwa. 

Kugira ngo wishime biva ku bintu byinshi birimo n'amategeko y'igihugu, uko itangazamakuru ritorohera abambaye uko bashaka n'uburyo abanyarwanda bigize abagenzuzi b'imyambarire n'imibereho ya buri wese.

Ubuzima buragoye, intandaro yo kwifata mapfubyi mu bitaramo

Biragoye ko waba urya rimwe nabwo indyo ituzuye ngo usamare mu ruhame. Hano ushatse wakumva impamvu abajya mu bitaramo baba bameze nk'abaje gukura ikiriyo. Hari igihe umuntu aba akunda umuhanzi akifuza kumubona rimwe mu buzima bwe ariko imibereho mibi abamo ntimwemerere kwirekura ahubwo akareba wa muhanzi agataha anyuzwe ariko ajyanye ibyishimo bicagase. 

Ku muntu watembereye amahanga akabona uko abaturage babayeho bo mu bihugu biri mu nzira y'amajyambere, yahita abona inkomoko y'akababaro abanyarwanda bahorana. Niba ikiguzi cyo kubaho kiri hejuru, amasaha yo gukora akaba abariye ku ntoki, imisoro ikaba iri hejuru;

Umusaruro w'ibikomoka ku buhinzi ukaba udahaza abanyagihugu, ikigero cy'ubushomeri kikaba kiri hejuru, umubare munini w’abagejeje imyaka yo gukora bakaba badafite icyo gukora, aba baturage ntabwo uzababaza kwishima. Ni nko gushakira amata ku kimasa. Utariye ngo wijute ntabwo wakwishima

Muri Werurwe ya 2023, Dr Musafiri Ildephonse yagizwe Minisitiri w'Ubuhinzi n'Ubworozi, asimbura Dr Gerardine Mukeshimana wari umaze imyaka umunani kuri uwo mwanya. Abazi amateka y’u Rwanda bibuka imvugo ya Nyirarunyonga igira iti: “Uwijuse nta kimunanira”. 

Hano Nyirarunyonga yari yijuse ajya gusimbuka urukiramende kandi byakorwaga n’abagifite akabaraga kuko we yarimo atega zivamo. Uwamubajije ati ese mucekuru uri mu biki? Nawe ati:”Uwijuse nta kimunanira mwanja wanjye!”

Tugaruke ku mpamvu abanyarwanda bafite isari cyangwa se inzara yabaye akarande mu maraso. Uyu mugabo ufite impamyabumenyi y'ikirenga yakuye muri Kaminuza ya Bonn mu Budage, aheruka kugaragaza ko ubuhinzi buhawe 10% mu ngengo y'imari u Rwanda rwakwihaza mu biribwa.

Mu nama y'Umushyikirano iherutse Dr Musafiri yavuze ko kugira ngo u Rwanda rwihaze mu biribwa, hakenewe gushyirwa imbaraga mu kongera ubuso bwuhirwa, kongera gahunda zigamije gufasha umuhinzi kubona inyongeramusaruro mu buryo bworoshye kandi buhendutse, gufata neza umusaruro w'ubuhinzi n'ubworozi, kwegera abahinzi n'aborozi, kuborohereza kubona inguzanyo n'ubwishingizi.

Ati 'Nka Leta twafata umugambi wo gushyira amafaranga menshi mu buhinzi kuko niho abaturage bari, ni ho Abanyarwanda bari […] muduhe 10%, ibisigaye mubitubaze.'

Uhereye aha rero wahita ubona ko abantu basabwa kwishimira Davido, Yemi Alade, Diamond Platnumz, D'Banj, Rema, The Ben, Bruce Melodie, Bwiza, Ariel Wayz, Kenny Sol, Ish Kevin bigoye kuko baba bafite impungenge z'aho bazakura ibyo kurya abandi baba baheruka kurya neza mu mihana.

Abanyarwanda baracyafite ingeso mbi yo guhabwa iby'ubuntu

Biratangaje kubona umunyamujyi ashaka kwitabira Trace Festival& Awards ku buntu kandi yakabaye yarateganyije 20,000 Frw akishyura itike. Bene aba rero bateza akavuyo ahari kubera igikorwa ugasanga n'ababonye uburyo binjirira ubuntu ntabwo ari abantu bari bufatanye n'abameze neza kwishima ahubwo barinjira bakifata mapfubyi. 

Rwose uyu muco ukwiriye gucika niba ukunda umuhanzi ukaba udashobora kugura itike yo kumureba wajya wigumira mu irigara ugatera urwenya n'abantu bawe aho kuza guteza sahinda ahantu hateraniye abanyamafaranga bateze indege, bari kunywa imivinyo. Benshi mu baje muri Camp Kigali bashatse kwinjirira ubuntu ariko byabaye ingorabahizi basigara ku muryango ababishoboye bisubirira aho baturutse.

Ubundi umuntu udashobora kugura itike yo kureba umuhanzi akunda ntabwo yakabaye agera ahari kubera ibyo birori kuko hari insakamashusho zitambutsa Trace Festival& Awards. Umunsi wa mbere wanyeretse ko abanya-Kigali ‘batari tayali’ nk'uko njya mbona za Lagos, Johannesburg, New York, Paris, Kampala, ubuzima buba bwahagaze iyo habereye ibikorwa byo gutanga Awards cyangwa se haje umuhanzi w'icyamamare bakuze bifuza kubona imbona nkubone. Ni imibereho mibi ibitera kuko iyo kubaho bigoye kwishima biba mu nzozi!.

Ish Kevin yataramiye urungano, bake bishakamo ibyishimo abandi bakomeza kwifata mapfubyi

Ish Kevin, urugero rwiza rw’umuhanzi witanga ku rubyiniro

Ish Kevin yitanze ku rubyiniro

Iyi shati yayikuye kubera gututubikana

Urubyiruko rufite inyota y’ibyishimo

Kenny K-Sht yasusurukije abitabiriye Trace Festival ibanziriza Trace Awards

Abahanzi baturutse hirya no hino bahabwa umwanya bagataramira abitabiriye iserukiramuco ribanziriza Trace Awards

Uhawe umwanya ashimisha abafana

Abitabiriye baba buzuye umunezero

Bake babashije kugura itike bakurikiye Trace festival

Urubyiruko ruba rwaje kwimara agahinda

Yemi Alade yari yishimye ariko abari muri Salle wabonaga basiritse

Yemi Alade hari abifuza kumubona bakabura uko babigeraho

Abanyarwanda bakunda abahanzi ariko kwishyura kubareba bikaba agatereranzamba

YEMI ALADE YASHATSE KUVA MU MUZIKI IMANA

Mr Eazi afite emPawa Africa ihugura abahanzi 100 buri mwaka ikaba ari irerero ry’ibyamamare muri Nigeria. Joe Boy abarizwa muri iyi label y’uyu mushoramari

IBISABWA KUGIRANGO UMUHANZI ABE MPUZAMAHANGA

AMAFOTO: FREDDY RWIGEMA &DOX VISUAL

VIDEO: DIEUDONNE MURENZI

INKURU: IYAMUREMYE JANVIER & PEACEMAKER PUNDIT

BWIZA, MUSA KEY NA PHEELZ

Mu kiganiro gito Josiane yagiranye na InyaRwanda.com, Miss Josiane yavuze ko Mama we yitabye Imana mu rukerera rwo kuwa Kane tariki ya 19 Ukwakira 2023, azize indwara y’umutima na Diabete.

Miss Josiane wari usanzwe abana n’umubyeyi we aho bari barimukiye muri Kacyiru, avuga ko yabyutse nk’ibisanzwe akajya ku kazi, ariko ntabwo yari yamenye ko Mama we yitabye Imana. 

Avuga ko yabonaga asinziriye bisanzwe, nuko yigira ku kazi kuko atari azi kubireba ngo amenye niba koko yashizemo umwuka.

Yavuze ko abandi bantu aribo babimenye ko umubyeyi we yamaze kwitaba Imana, biri no mu bintu byatumye babimenya batinze (hakeye) kandi yari yitabye Imana kare.

Avuga ko ikintu ashimira Mama we cyane, ari uko yamureze neza, akamuha uburere bwiza bukwiriye Umunyarwandakazi birimo kwihesha agaciro n’ibindi.

Ikindi kandi avuga ko Mama we yari umusirimu cyane kuko yari asobanutse ndetse anazi ibintu bigezweho gusa.

Ikiriyo cyatangiye kuri uyu wa Gatanu tariki ya 20 Ukwakira 2023, kiri kubera i Kacyiru kuri MINAGRI ku muhanda 586 ujya i Nyarutarama. Gushyingura bizaba ku cyumweru tariki ya 22 Ukwakira 2023, saa yine za mu gitondo (10:00 AM) i Rusororo.

Mama wa Josiane yitabye Imana azize uburwayi

Josiane yabaye Nyampinga ukunzwe ‘Miss Popularity’ mu mwaka wa 2019 mu irushanwa rya Miss Rwanda

Inshuti n’abavandimwe bakomeje kwihanganisha Miss Josiane

Rutahizamu Erling Haaland ari mu bakinnyi batoranyijwe bahatanira gutwara Ballon d’Or ya 2022-2023. Uyu mukinnyi yatsinze ibitego 52 mu mwaka ushize w’imikino ndetse anafasha ikipe ye ya Manchester City kwegukana ibikombe 3 icyarimwe birimo icya Premier League, Champions League na FA Cup.

Erling Haaland ni nawe wari uhanganye cyane na Lionel Messi byamaze kwandikwa ko ariwe wabwiwe ko azayitwara. Uyu mukinnyi wo muri Argentine we akazi yakoze gakomeye ni ako gutwara igikombe cy’Isi batsinze u Bufaransa ku mukino wa nyuma ndetse no gutwarana na Paris Saint-Germain igikombe cya shampiyona mu mwaka ushize w’imikino.

Ku munsi w’ejo ubwo Pep Guardiola yari mu kiganiro n’itangazamakuru gitegura umukino afite kuri uyu wa Gatandatu na Brighton, yagarutse ku bya Ballon d’Or avuga ko ubundi buri gihe yagakwiye kugira igice gihabwa Messi ndetse avuga ko Erling Haaland ariwe ukwiye kuyegukana.

Yagize ati “Buri gihe mpora mvuga ko Ballon d’or igomba kubamo ibice bibiri – kimwe cya Messi n’ikindi ku bandi bakinnyi”.

“Erling Haaland akwiye kuyegukana. Twatwaye ibikombe 3 kubera ko yatsinze ibitego 52 ariko birumvikana ko Messi – umwaka we w’imikino wari mwiza ku bakinnyi benshi. Bombi baragikwiye.

Mu buryo bw’ikigereranyo, navuga Erling Haaland kuko niwe wadufashije kugera ku byo twagezeho, nzabikunda, ariko sinzakubwira ko ari akarengane Lionel Messi naramuka ayitwaye.”

“Ni byiza ko abakinnyi benshi bakinira Man City bazaba bahari bwa mbere mu myaka myinshi kandi bagahatanira ibi bikombe. Ibyo bidutera ishema cyane ku ikipe yacu.”

Iyi Ballon d’Or byamaze kuvugwa ko yatsindiwe na Lionel Messi izatangwa taliki 30 z’uku kwezi i Paris mu nyubako ya Théâtre du Châtelet. 

Uyifite umwaka ushize ni Umufaransa Karim Benzema kuri ubu ukina muri Arabia Saudite mu ikipe ya Al Ittihad.

Pep Guardiola avuga ko Erling Haaland ariwe ukwiye kwegukana Ballon d’Or ariko ngo na Lionel Messi nayitwara nta kuburana kuzabaho

Erling Haaland yatsinze ibitego 52 mu mwaka ushize w’imikino bikaba bituma umutoza we avuga ko ariwe ukwiriye Ballon d’Or

Biravugwa ko Lionel Messi yamaze kubwirwa ko ariwe wegukanye Ballon d’Or

Nyuma yo gutandukana n’umunya-Tunisia, Yamen Zelfani, Rayon Sports mu batoza itekereza guha akazi harimo na Afahmia Lotfi na we ukomoka muri Tunisia.

Mu ntangiriro z’uku kwezi k’Ukwakira 2023, nibwo Rayon Sports yicaranye na Yamen Zelfani basesa amasezerano bari bafitanye, hari nyuma y’amezi 3 gusa asinyiye iyi kipe.

Rayon Sports yatangiye gutekereza ku musimbura we , hagiye havugwa abatoza batandukanye.

Gusa iyi kipe yambara ubururu n’umweru bivugwa ko yifuza umutoza umenyereye umupira wo muri aka Karere by’umwihariko uwo mu Rwanda.

Byavuzwe ko ishobora kugarura na Haringingo Francis wayitoje akayihesha igikombe cy’Amahoro n’abandi.

Gusa ku ruhande rwa Rayon Sports, amakuru agera ku Kinyamakuru ISIMBI avuga ko yikije cyane ku mutoza Afahmia Lotfi usanzwe utoza Mukura VS.

Uyu mutoza ukomoka muri Tunisia, ubuyobozi bwa Rayon Sports busanga ari we wajyana n’ibyifuzo byabo n’uko bifuza ko ikipe yakina. Gusa nta mwanzuro barafata.

Ubu iyi kipe itozwa na Mohammed Wade ukomoka muri Mauritania usanzwe ari umutoza wungirije.

Umuhanzi ukomoka muri Tanzania, Diamond Platnumz yaje mu Rwanda n’abana be aho aje kubatembereza u Rwanda nk’uko yabibasezeranyije.

Uyu muhanzi umaze kwandika izina muri Afurika ndetse n’Isi yose muri rusange, yitabiriye ibihembo bya Trace Awards birimo kubera mu Rwanda guhera ejo hashize ku wa Gatanu kugeza ku Cyumweru tariki ya 22 Ukwakira 2023, na we akaba ahataniye ibihembo.

Nk’uko mu minsi ishize hagiye hanze amashusho arimo asezeranya abana be kuzabazana mu Rwanda, akabatembereza, uyu muhanzi akaba yuriye indege ari kumwe n’abana be batatu muri bane yabyaye.

Yazanye na Tiffah na Nilan yabyaranye na Zari Hassan, Naseeb Jr yabyaranye na Tanasha Donna, utaje ni Dylan yanyaranye na Hamisa Mobetto.