Blog

Umutoza wa Police FC wahoze atoza Amavubi, Mashami Vincent yavuze ko nta nama yagira umutoza mushya mushya w’Ikipe y’Igihugu, Umudage Torsten Frank Spittler uretse gutanga ibyo Abanyarwanda bamwifuzaho.

Ku wa Kane w’iki cyumweru ni bwo Ishyirahamwe ry’Umupira w’Amaguru mu Rwanda, FERWAFA, ryameje Torsten Frank Spittler nk’umutoza mushya w’Amavubi usimbura Umunya-Espagne, Carlos Ferrer uheruka kwegura.

Mashami Vincent wahoze atoza Amavubi, abajijwe inama yagira uyu mutoza nk’umuntu na we wanyuze kuri uriya mwanya, yavuze ko nta nama yamugira kuko hari abazazimugira, icyo yamubwira ari ugutanga ibyo Abanyarwanda bamwifuzaho.

Ati 'Inama namugira ni ukuduha ibyo tumwifuzaho nk’Abanyarwanda, ubu nanjye ndi umufana nk’abandi, inama zo hari benshi cyane bazazimugira kandi banaturusha nubwo burambe, ngira ngo namwifuriza amahirwe masa.'

Ku itsinda u Rwanda rurimo mu ijonjora ry’ibanze ryo gushaka itike y’Igikombe cy’Isi cya 2026, yavuze ko rikomeye ariko na none ushaka kuba mwiza uba ugumba guhura n’amakipe meza.

Ati 'Itsinda rirakomeye ariko na none iyo ushaka kuba mwiza ugomba gutsinda abeza, ni itsinda rikomeye iyo urebye amakipe arimo ngira ngo rero ni igihe cyiza cy’abakinnyi bacu kwerekana urwego rwa bo birumvikana byose biba bishoboka mu mupira nta gihugu gihambaye kitatsindwa, nta kipe ihambaye itatsindwa byose rero biterwa n’ubwitange bw’abakinnyi n’uko baba biteguye kandi ndibaza ko twese nanjye ndimo tuzaba tubashyigikiye kandi turabifuzaho ibyiza gusa.'

U Rwanda ruzatangira urugendo rwo gushaka itike y’Igikombe cy’Isi cya 2026 rwakira Zimbabwe mu Rwanda i Huye tariki ya 15 Ugushyingo ndetse na Afurika y’Epfo tariki ya 21 Ugushyingo 2023.

Mashami Vincent yasabye Torsten Frank Spittler gukora ibyo Abanyarwanda bamwifuzaho

Torsten Frank Spittler umutoza mushya w’Amavubi

Umunyezamu w’Umurundi ufatira Police FC, Rukundo Onesime yavuze ko imwe mu ntego afite muri uyu mwaka w’imikino ari ugufasha Police FC kwegukana shampiyona itaratwara mu mateka yayo.

Onesime umunyezamu wa mbere w’Ikipe y’Igihugu y’u Burundi, yinjiye muri Police FC muri uyu mwaka w’umwaka w’imikino 2023-24, ni nyuma y’uko iyi kipe yari isubiye kuri gahunda yo gukinisha abakinnyi b’Abanyamahanga.

Mu kiganiro yagiranye n’ikinyamakuru ISIMBI, Rukundo Onesime yavuze ko shampiyona y’u Rwanda yajemo ari shampiyona nziza ariko na none nta tandukaniro rinini ugereranyije na Shampiyona y’u Burundi.

Ati 'Shampiyona navuga ko ari shampiyona nziza, ubona ko amakipe yose yiteguye. Uretse ko shampiyona ya hano izamo abanyamahanga batandukanye ariko urabona ko nta tandukaniro rinini ririmo byenda kuba ku kigero kimwe.'

Ku mpamvu abakinnyi beza i Burundi benshi baza muri shampiyona y’u Rwanda, Onesime yavuze ko umukinnyi agerageza guhindura amakipe kugira ngo abone ihangana rishya.

Ati 'Umuknnyi agerageza guhindura kuko sinaguma gukina i Burundi ugerageza n’ahandi niba mbona ko urwego rwanjye mu Burundi ruharenze ndavuga ngo reka njye mu Rwanda hari abandi dushobora guhangana kuko biragufasha kuzamura urwego rwa we.'

Uyu munyezamu kandi yavuze ko yasinyiye Police FC kubera ko ari yo bahuje ariko hari n’andi makipe mu Rwanda yamwifuzaga, yirinze yo kuyavuga.

Ati 'Mbere yo gusinyira Police FC hari andi makipe yo mu Rwanda twavuganye arenga imwe ariko ibyakunze ni ibyo muri Police FC, impamvu ni uko ari yo twashoboye guhuza mu byo twari turimo tuganira. Ayo makipe ni ibanga ntabwo nayavuga urambabarira.'

Yakomeje kandi avuga ko intego ye ari ukuba umunyezamu mwiza muri shampiyona no gufasha Police FC kwegukana igikombe cya shampiyona.

Ati 'Intego yanjye ya mbere ni ukugira shampiyona nziza nkaba nasoza umwaka ndi umunyezamu mwiza w’umwaka no kuba nahesha igikombe ikipe itaragitwara.'

'Gutwara igikombe birashoboka kuko ugerageje kureba ikipe dufite ni ikipe nziza, buri mwanya ubona ko hari abakinnyi bitanga kandi babishoboye.'

Rukundo Onesime w’imyaka 24 y’amavuko, muri Nyakanga 2023 ni bwo yasinyiye Police FC amasezerano y’imyaka 2 avuye muri Le Messager Ngozi y’iwabo i Burundi.

Afite intego zo guhesha igikombe Police FC

Kuva icyo gihe, irushanwa rya Miss Rwanda ntiryongeye kuba, bituma Miss Nshuti Divine Muheto agiye kumarana ikamba imyaka ibiri.

Miss Rwanda ifatwa nka nimero ya mbere mu bikorwa by'imyidagaduro byavugwaga cyane mu Rwanda, kurusha ibindi byose buri mwaka. Ryatanze akazi kandi rifungura amarembo ya bamwe mu bakobwa barinyuzemo.

Mu 2009 nibwo ryateguwe bwa mbere na Minisiteri y'Umuco na Siporo [Niko yitwaga icyo gihe], ryongera kuba mu 2012, Leta iritegura ifatanyije n'abigenga.

Kuva mu 2014, Rwanda Inspiration Back Up ya Dieudonné Ishimwe [Prince Kid] niyo yariteguraga, kugeza ubwo rihagaritswe tariki 9 Gicurasi 2023 kubera ibirego bya bamwe mu bakobwa bavuze ko bahohotewe.

Ubwo yatangiza ku mugaragaro icyiciro cya Gatatu cya ArtRwanda-Ubuhanzi, kuri uyu wa Gatanu tariki 3 Ugushyingo 2023, Minisitiri Utumatwishima yabajijwe ku irengero rya Miss Rwanda n'icyizere yatanga ku kuba haboneka undi mukobwa uzasimbura Nshuti Divine Muheto wabaye Miss Rwanda 2020.

Utumatwishima yavuze ko hagomba kuganirwa ku kuba Miss Rwanda yakongera kuba. Ati “Ni ikintu tugomba kuganiraho. Duhe umwanya kuba ukizanye aha tuzongera tukiganireho n’izindi nzego. Ariko ubwo nk’uko nari nabihereyeho ni ikibazo gikomeye tugomba guha umwanya wo kongera gusesengura…”

Yavuze ko gusubukura Miss Rwanda bizabanzirizwa no kubanza kwisuzuma, kureba uko byakorwaga, impamvu byategurwa n’umuntu ku giti cye, uko Minisiteri zagize uruhare mu kuyitegura, inyungu yavuyemo, ibibazo byabonetsemo n’ibindi.

Akomeza ati 'Twungutse iki muri ibyo, byagize bibazo ki […] Igihe twabiteguriye byatwunguye angahe? (Gutegura Miss Rwanda). Tuzabireba, hari igihe wasanga bijya guhura, ugasanga wenda bitagikenewe. Numva twabikora ariko tugashyiramo …n’icyo bimaze mu muco.'

Umuyobozi w'Inteko y'Umuco, Amb. Robert Masozera aherutse kubwira TNT ko hataramenyekana igihe iri rushanwa rizasubukurikirwa.

Yavuze ko bamaze iminsi bari gufasha Miss Rwanda 2022 [Nshuti Divine Muheto], uwegukanye ikamba rya Miss Talent [Amanda Saro] n'uwegukanye ikamba rya Miss Innovation [Uwimana Jeannette] gukora ku mishinga yabo, ndetse no gukurikirana ibihembo abakobwa 10 bageze mu cyiciro cya nyuma bemerewe n'abaterankunga batandukanye.

Ku bijyanye no kuba haramaze gushakwa indi kompanyi izajya itegura iri rushanwa rya Miss Rwanda, Amb. Masozera yavuze ko bataratera iyo ntambwe.

Uyu muyobozi avuga ko gusubukura Miss Rwanda yaciriye inzira benshi mu bakobwa bo mu Rwanda, hazashingirwa ku byayiranze n'amasomo yasize.

Avuga ati 'Ibibazo byabaye mu marushanwa y’ubwiza muri 2022, byari birimo abari bashinzwe gutegura irushanwa n’abayobozi baryo, byangije isura ya Miss Rwanda, umwanzuro rero kuba amarushanwa yakongera kubaho, ibyo byose bizatekerezwaho, harebwe n’isomo byasize.'

Miss Rwanda- Ni irushanwa ryahaye imirimo abantu banyuranye kandi ryashyize itafari mu kwamamaza ibigo binyuranye by'ubucuruzi bagiye bakorana naryo. Ryanabaye ikiraro cy'igihe kinini, bamwe mu bakobwa bakoresheje mu gukabya  inzozi zabo.

Mu bihe byaryo, buri mubyeyi yakoraga uko ashoboye ngo umwana we agere mu cyiciro cya nyuma. Hari abarivuyemo barivumira ku gahera nyuma yo kutanyurwa n'uburyo batsinzwemo, abandi bavamo bemera ko ntako batari bagize.

Kuva ku mwana muto kugeza ku bakuze, iri rushanwa ryarazaga ijoro ibihumbi by'abantu, ku buryo imibare igaragaza ko abarenga Miliyoni 19 babaga baritegereje.

Ni cyo gikorwa cya mbere cyashyushyaga imyidagaduro mu Rwanda; urubyiruko rwinshi rwagiye rubona ibiraka mu kwamamaza abakobwa bakinjiza agatubutse.

Bamwe mu bakoresha imbuga nkoranyambaga bazwi, babaga bafite akazi gakomeye ko kwamamaza umukobwa bashyigikira- Kuva ku banyapolitiki kugera ku byamamare, buri umwe yerekanaga uruhande ahagazeho.

Hari abifataga ariko mu minota ya nyuma bakandika bagaragaza uwo ashyigikiye. Bumvikanisha ko ubwenge, ubwiza n'umuco bimuhesha ikamba rya Miss Rwanda.

Ni irushanwa ryahanganishaga abantu ku mbuga nkoranyambaga mu buryo bugaragarira buri wese. Kandi ryari rifite ijambo rinini mu kwamamaza ibikorwa bya buri umwe.

Amafoto y'inkumi zabaga zihatanye, yacicikanaga muri Telephone z'aboroheje n'abakomeye. Kugeza ubwo bamwe mu bakobwa bashoyemo amafaranga menshi kugirango babashe gutambuka mu cyiciro cy'amatora, hari abo byahiriye n'abandi byanze.

Hari amakuru agera ku InyaRwanda avuga ko irushanwa rya Miss Rwanda rizagaruka mu isura nshya, kuko hazajya hatorwa Nyampinga wa buri Ntara hanyuma banatore Nyampinga w'u Rwanda.

Nyampinga w'u Rwanda azajya aba afite inshingano zo gukurikirana ibikorwa bya buri Nyampinga w'Intara uzajya uba ufite inshingano zo kwita no gushaka ibisubizo by'ibibazo abakobwa bo muri iyo Ntara bafite.

Inkuru bifitanye isano: Icyumvirizo kuri Miss Rwanda ishobora kugaruka mu isura nshya

Minisitiri Utumatwishima yatangaje ko hakwiye kubanza gukorwa isesengura mbere y'uko hafatwa icyemezo cyo gusubukura Miss Rwanda 

Miss Nshuti Divine Muheto agiye kumara imyaka ibiri yambaye ikamba rya Miss Rwanda 

Ishyirahamwe ry’Umupira w’Amaguru mu Rwanda, FERWAFA, ryakiriye ndetse rinashimira Eric Umulisa ku kazi gakomeye ko gushakisha abakinnyi bakina hanze y’u Rwanda bafite inkomoko mu Rwanda.

Perezida wa FERWAFA, Munyantwali Alphonse ndetse n’Umunyamabanga w’iri Shyirahamwe bakiriye uyu musore ejo hashize ku wa Gatanu tariki ya 3 Ukwakira 2023.

Umulisa Eric benshi bamaze kumenyera nka Tubazane, azwiho gukurikirana abakinnyi bafite inkomoko mu Rwanda bakina hanze yarwo akabatangariza abatoza n’abayobozi ba FERWAFA ngo babavugishe babe baza mu ikipe y’igihugu.

Uyu musore akaba yarashimiwe umuhate akoresha kandi ko ibyo akora babibona ndetse banabiha agaciro.

Yizejwe ko mu bakinnyi bose yagiye agaragaza uko ikipe y’igihugu izajya ihamagarwa mu byiciro byose hazajya habonekamo aba bakinnyi bafite inkomoko mu Rwanda kugira ngo batangire kumenyerezwa.

Ikindi ni uko nyuma y’imikino ya Zimbabwe na Afurika y’Epfo bafite gahunda yo kujya gusura abakinnyi bakinayo bafite inkomoko mu Rwanda bavukiye ku mugabane w’u Burayi.

Eric Umulisa yashimiwe akazi amaze gukora

Perezida wa FERWAFA, Munyantwali Alphonse (ubanza ibumoso) n’umunyamabanga wa FERWAFA, Kalisa Adolphe Camarade (uhera iburyo) bakiriye Umulisa Eric

Kuva yatangira, ArtRwanda-Ubuhanzi yabaye amahirwe akomeye ku rubyiruko, mu kwihangira imirimo bakoresheje impano zabo ari nako batanga imirimo kuri bagenzi babo bakora ibijyanye n'inganda ndangamuco.

Umushinga wa ArtRwanda-Ubuhanzi uri mu murongo wa gahunda ya Guverinoma y'imyaka irindwi igamije kwihutisha ubukungu harimo na guhanga imirimo irenga 200,000 igomba guhangwa buri mwaka binyuze muri gahunda zitandukanye.

ArtRwanda-Ubuhanzi ishyirwa mu bikorwa n'Umuryango Imbuto Foundation ku bufatanye n'abafatanyabikorwa barimo Minisiteri y'Urubyiruko, UNDP Rwanda, n'abandi.

Icyiciro cya mbere cya ArtRwanda-Ubuhanzi cyitabiriwe n'urubyiruko rugera ku 2400 mu gihe icyiciro cya kabiri cyitabiriwe n'urubyiruko rurenga 3000; abanyuze muri ArtRwanda bakaba bamaze gushinga ibikorwa by'ubucuruzi bigera kuri 39

Iyi gahunda yatangijwe mu 2018, ikaba yibanda ku byiciro 9 by'ubuhanzi aribyo: Kwandika no gutunganya filime, gufotora, ubugeni bwifashishije ikoranabuhanga, ikinamico n'urwenya, imbyino, imideli, umuziki, ubusizi n'ubuvanganzo, n'ubugeni.

Umuyobozi w’Agateganyo wa Imbuto Foundation, Jackson Vugayabagabo yavuze ko batangiza aya marushanwa bubakiye ku ntego yo gushakisha impano z'abakiri bato zikagaragara ariko zigaterwa ingabo mu bitugu kugirango zizamuke, kandi zibyare imirimo.

Yavuze ko ingero ari nyinshi z'abamaze kunyura muri uru rugendo biteje imbere, kandi batanga akazi ku bandi. Abahanzi nka Bukuru Christiane, Michael Makembe, benshi mu bakina muri filime 'Ejo Si Kera' ni umusaruro wa ArtRwanda-Ubuhanzi.

Hamaze gushingwa ibigo 39 byashinzwe 'abanyuze muri iyi gahunda, ku buryo imibare igaragaza ko agaciro k'ibikorwa by'abanyuze muri ArtRwanda-Ubuhanzi kageze kuri Miliyoni 150 Frw.

Jackson Vugayabagabo yavuze ko kuri iyi nshuro ya Gatatu iri rushanwa rigiye kuba bongeyemo ibyiciro bitatu, bigera ku icyenda harimo: Kwandika no gutunganya filime; Gufotora, Ubugeni bwifashishije Ikoranabuhanga, Ikinamico n’Urwenya, Imbyino, Imideli, Umuziki, Ubusizi n’Ubuvanganzo ndetse n'Ubugeni.

Mu busanzwe abanyempano bahatanaga mu byiciro bitandatu gusa aribyo: Ubugeni, Indirimbo n'Imbyino, Imideli, Ikinamico n'Urwenya, Filimi no Gufata Amafoto, Ubusizi n'Ubuvanganzo.

Akomeza ati 'Turishimira uru rugendo twakoze, hari byinshi twize. Birumvikana muri bicyeya mvuze mu byo twagezeho, aha nababwira y'uko tumaze kugera ku bahanzi 138 banyuze muri aya marushanwa bagatsinda […] Birumvikana iyo bamaze gushakishwa impano zabo zikaragaragara bahabwa amahugurwa, bahuzwa n'abafite inararibonye kugirango babafashe kuzamura impano z'abo.'

Icyicaro cya Gatatu cy’iri rushanwa, kizatangira tariki 15-17 Ugushyingo 2023 mu Karere ka Huye, ku wa 21-23 Ugushyingo ijonjora rizabera Kayonza, ku wa 28 Ugushyingo ijonjora rizabera Nyamasheke, ku wa 30 Ugushyingo kugeza tariki 1 Ukuboza 2023 ijonjora rizabera Rubavu, 4-5 Ukuboza ijonjora rizabera Musanze n’aho ku wa 7-9 Ukuboza ijonjora rizabera mu Mujyi wa Kigali.

Umuhanzi winjira muri ArtRwanda-Ubuhanzi asabwa kuba ari hagati y'imyaka 18 na 30 y'amavuko, kandi yararangije amashuri yisumbuye. Umuhanzi cyangwa se ugaragaza impano ahitamo akarare ashaka kugaragarizamo impano ye.

Jackson Vugayabagabo yavuze ko bifuza gukomeza kubaka ubushobozi bw'abahanzi bakizamuka n'abandi bakuru bamaze igihe mu kibuga ku buryo bakungurana ibitekerezo.

Ubwo hatangizwa ku mugaragaro icyiciro cya Gatatu cy'iri rushanwa, kuri uyu wa Gatanu tariki 3 Ugushyingo 2023, Umuhangamideli akaba na Rwiyemezamirimo, Kanyana Nadine yavuze ko iri rushanwa ryamuciriye inzira abashaka gushirika ubwoba arikorera.

Uyu mukobwa asanzwe afite inzu y'imideli yise 'Kanyana World'. Ni umwe mu bahatanye muri ArtRwanda-Ubuhanzi ku nshuro ya mbere. Yavuze ko aho ageze byasabye umuhate, ikinyabupfura, gukora, no gushikama ku nzozi ufite.

Ashima amahugurwa yahawe yamufashije gutegura umushinga we mu cyiciro cy'imideli, ku buryo muri iki gihe yatanze akazi ku bantu 17 barimo 11 bakora umunsi ku munsi- Ni ibintu avuga ko yagezeho mu gihe cy'imyaka 14 ishize.

Kanyana yabwiye urubyiruko kutitinya no kubyaza umusaruro amahirwe yose babona. Ati 'Niba uri kubona aya makuru yakoreshe neza witabiriye iki cyiciro ni uburyo bumwe bukwihutisha kugera ku mpano yawe, kuko ntabwo ari ahantu henshi dushobora gukura ubumenyi mu bijyanye n'ubuhanzi…'

Ubwo yatangiza icyiciro cya Gatatu cya ArtRwanda-Ubuhanzi, Minisitiri Utumatwishima yashimye Madamu Jeannette Kagame ku bwo gushyigikira iyi gahunda.

Yavuze ko hari byinshi bigikenewe gukorwa mu rugendo rw'ubuhanzi, nko kwiga uburyo hakorwa filime Nyarwanda ku rugendo rw'imyaka 30 ishize u Rwanda rubayeho n'ibindi.

Utumatwishima yijeje ko Minisiteri y'Urubyiruko izakomeza gushyigikira abahanzi bose bazitabira gahunda ya ArtRwanda-Ubuhanzi, abategura ibitaramo n'abandi. Ati 'Nakishimira ko iki gice cyaba nk'uko bimeze mu bindi bihugu.'

Yavuze ko mu bindi bihugu nka Nigeria, Leta Zunze Ubumwe za Amerika n'ahandi, inganda ndangamuco zizamura urwego rw'ubukungu, bityo ko habayeho gufatanya no mu Rwanda byashoboka.

Umuyobozi w’Agateganyo wa Imbuto Foundation, Jackson Vugayabagabo, yashimye abafatanyabikorwa banyuranye bagira uruhare mu gushyira mu bikorwa ArtRwanda-Ubuhanzi

Minisitiri Utumatwishima yashimye Madamu Jeannette Kagame ku bwo gushyigikira gahunda ya ArtRwanda-Ubuhanzi 

Alyn Sano yagaragaje akamaro ka ArtRwanda-Ubuhanzi ku bahanzi bakizamuka. Yavuze ko kubona amafaranga yo gukora indirimbo ya mbere byamusabye gusubira muri 'Restaurant' aho yaririmbaga abasaba kumutera inkunga

Umukinnyi wa filime wabaye igihe kinini mu Kanama Nkemurampaka ka ArtRwanda-Ubuhanzi, Mazimpaka Jones Kennedy yavuze ko mu ijonjora bagiye bahura n’abanyempano bavugaga ko bashaka ‘kumenyekana’, bakabagira inama yo kubanza kugaragaza icyo bashoboye.

Intebe y'Inteko y'Umuco, Amb. Masozera Robert, yabwiye abahanzi n'abashaka kuba bo ko inganzo yabo ikwiye kubakirwa ku muco

Bruce Melodie yabajije impamvu abahanzi banyuze muri ArtRwanda-Ubuhanzi batagaragara cyane ku ruhando rw'abanyamuziki

Umuhanzikazi Bukuru Christiane yagaragaje ko ArtRwanda-Ubuhanzi yamufashije kugaragaza impano ye

Umunyamabanga wa Leta muri Minisiteri y'Urubyiruko n'Umuco, Sandrine Umutoni ari kumwe n'Umukinnyi wa filimi w'umubyinnyi n'umucuranzi w’inanga gakondo, Carole Umulinga Karemera [Uri uburyo]

Uhereye ibumuso: Umuyobozi w’Agateganyo wa Imbuto Foundation, Jackson Vugayabagabo, Umuhangamideli Kanyana Nadine, Minisitiri Utumatwishima, Alyn Sano ndetse na Mazimpaka Jones Kennedy

Ubaze umunsi ku munsi, hasigaye iminsi 50 kugirango aba bombi bazahuze imiryango, inshuti n'abavandimwe mu muhango ukomeye w'ubukwe bazakora tariki 23 Ukuboza 2023 muri Kigali Convention Center mu Mujyi wa Kigali. Ni mu gihe ku wa 15 Ukuboza 2023, hazaba umuhango wo gusaba no gukwa hafi ya Intare Conference Arena.

The Ben yabwiye InyaRwanda ko yazirikanye abafana be n'abakunzi b'umuziki batazabasha kwitabira ubukwe bw'abo, ashyiraho umuyoboro wa 'Website' abantu bazifashisha bareba ubukwe bwe.

Yavuze ati 'Njyewe na Pamella twemeje kumugaragaro ko ibirori byacu bibaye ntakabuza. Ubu, twashyizeho uburyo bwiza buzafasha abari ahantu hatandukanye ku Isi kuzareba ibirori by'ubukwe bwacu bifashishije uburyo bwa 'Online' banyuze kuri Website twashyizeho.'

Kuri website hagaragaraho n'uburyo ushobora gutwerera uyu muryango mushya. Ushobora gutwerera wifashishije uburyo bwa Mobile Money, Visa Card n'ibindi.

Inkuru y'urukundo rwabo! The Ben avuga ko ku wa 24 Ugushyingo 2019 ari bwo bwa mbere yahuye na Pamella bahuriye mu Mujyi wa Nairobi muri Kenya.

Avuga ko icyo gihe byabaye amagambo y'urukundo yari yuzuye mu mutima we atabasha gusobanura, kandi ko umwanya bamaranye wabaye intangiriro y'urugo bagiye gushinga.

Uyu muhanzi wamamaye mu ndirimbo zirimo 'Habibi', avuga ko kuri uriya munsi, inseko n'uburyo Pamella yamuganirizaga byasize ibyishimo by'urwibutso muri we adashobora kwibagirwa. Ati 'Kuva kuri uriya munsi, umutima ntiwari ukiri uwanjye, ahubwo wahise uba uwe.'

Mu mgambo ya The Ben uherutse kuririmba muri Trace Awards, ati '2019 Uko twahuye! Tariki 24 Ugushyingo 2019, mu mutima w'Umujyi wa Nairobi, Kenya niho ururimi rw'urukundo rwabumbukiye. Ubwiza bwe bumurikiwe n'ibijojoba by'imvura bwanyibye roho. Inseko ye n'imyitwarire itangaje byasize ishusho y'umunezero muri njye, ntari kubasha kwirengagiza.'

'Uko twahuzaga amaso, nahise mbona ahazaza ndi kumwe nawe, kuva uwo munsi umutima ntabwo wari ukiri uwanjye ahubwo wabaye uwe.'

Pamella asobanura ko bwa mbere ahura na The Ben ari umunsi adashobora kuzibagirwa. Uyu mukobwa wamamaye mu marushanwa ya Miss Rwanda, yavuze ko yahuye na The Ben ari ku munsi wa Gatatu w'icyumweru, kandi ko icyo gihe imvura yaraguye.

Akavuga ko ari ibihe byaranzwe no kurebana akana ko mu ijisho. Ati 'Ijwi rye, ubumuntu muri we, ukuntu yanganirizaga mu bitwenge, n'ukuntu yahumagara… (byubatse urukundo rwabo).'

Pamella anavuga ko hari igihe The Ben yamusohokanye bajya kureba filime, ibintu avuga ko 'byatumye mukunda kurushaho'.

Uyu mukobwa yumvikanisha ko ahura na The Ben yari ahatanye mu marushanwa y'ubwiza ya Miss Africa, ariko ko atigeze amuburira umwanya. Ati 'Buri gihe atuma mpora nseka, ku buryo kwihishira byangora. Ibindi bisigaye ni amateka.'

Pamella yavuze ko mu 2022 ubwo The Ben yamwambikaga impeta ari ibihe 'ntashobora kwibagirwa'. Yavuze ko icyo gihe bahuriye muri Maldives ubwo bari mu biruhuko.

Akomeza ati ''Kugeza ubu sindibagirwa bya bihe! Twagiye mu birwa bya Maldives kuko twese dukunda gutembera cyane, ubwo umukunzi wanjye yansabaga ko twabana afite impeta nziza hagati mu Nyanja y'Abahinde, navuze 'Yego' n'ibyishimo byinshi ari nako mwongorera mu matwi nti 'Mbega igihe cyiza cyo kubaho'

The Ben na Pamella bavuga ko ari ibyishimo by'ubuziraherezo kuba bagiye gutera intambwe yo kubana nk'umugabo n'umugore. Kandi Imana izabaherekeza mu birori by'abo by'agatangaza bari gutegura, byabanjirijwe n'urugendo rudasanzwe rw'urukundo rw'abo.

Bavuga ko bashima Imana 'anbantu babashyigikira bari mu bice bitandukanye byo ku Isi, kandi bazishimira kubana na buri umwe ku munsi udasanzwe mu buzima bwabo. 

KANDA HANO UBASHE KUJYA KURI WEBSITE YA THE BEN NA PAMELLA

     

The Ben ashimangira ko yeguriye ubuzima bwe Pamella akimukubita amaso, kuko ari urufatiro rw'ubuzima bwe

 

Pamella yavuze ko atazuyaje kubwira 'Yego' The Ben kuko imitima yihuje kuva umunsi wa mbere bahura

Pamella avuga ko kuba The Ben yaramusohokanye bakajya kureba filime mu minsi ya mbere bakimenyanye biri mu byatumye amuha ikibanza cy'umutima we 

The Ben na Pamella bavuga ko guhamya isezerano ry'abo imbere y'amategeko, ari kimwe mu byiza bagezeho kuko bari bashyigikiwe n'imiryango n'inshuti

Pamella yavuze ko kwambikwa impeta na The Ben ari ibihe atajya abasha gusobanura

Binyuzwe kuri 'Website' iri mu mazina ya The Ben na Pamella ushobora kuzareba ubukwe bw'aba bombi, kandi ugatwerera 

KANDA HANO UREBE AMASHUSHO Y’INDIRIMBO ‘WHY’ YA THE BEN NA DIAMOND

“>

Igitego cya Mugenzi Bienvenue cyafashije ikipe ya Police FC gutahana amanota 3 yayihesheje gufata umwanya wa kabiri. 

Wari umukino ufungurira umunsi wa 10 shampiyona, watangiye ku isaha ya saa 15:00 PM, ubera kuri sitade ya Kigali Pele Stadium i Nyamirambo.

Igice cya mbere cyarangiye amakipe yombi aganya ubusa ku busa, gusa Police FC ikiganza imbere y’izamu rya Gorilla FC.

Mu gice cya kabiri, Police FC yaje igaragaza ko ishaka igitego, ndetse ku munota wa 56 Mugenzi Bienvenue aza kunyeganyeza ishundura, ndetse iminota 90 irangira nta mpindika zibaye, Police FC ihita yegukana amanota 3. Aya manota, yayumye Police FC ifata umwanya wa 2 w’agateganyo n’amanota 19 ikaba irusha inota rimwe APR FC iri ku mwanya wa gatatu.

Shampiyona izakomeza kuri uyu wa gatandatu, APR FC isura Muhazi United, Rayon Sports yakire Mukura Victory Sports, Musanze FC yakire Kiyovu Sports, Marine FC yakire Amagaju FC, imikino yose ikazaba ku isaha ya saa 15:00 PM.

Mugenzi Bienvenue niwe watsinze igitego cy’itandukaniro 

Abakinnyi 11 Police FC yabanje mu kibuga  

Abakinnyi 11 Gorilla FC yabanje mu kibuga 

Umutoza w’ikipe y’igihugu Frank na Jimmy Mulisa umwungirije, barebye uyu mukino mu buryo bwo kurebamo abakinnyi bahamagara 

Hakizimana Muhadjiri arimo ahabwa amabwiriza na Mashami Vincent 

Mugisha Didier ni umwe mu bakinnyi bashakaga kwiyereka umutoza w’ikipe y’igihugu 

Mashsmi Vincent yujuje imikino 5 adatsinda cyangwa ngo anganye 

N’ubwo atari benshi, abafana ba Police FC bari baje gushyigikira ikipe yabo

Kanda hano urebe amafoto menshi

AMAFOTO: Ngabo Serge – InyaRwanda