Blog

Cyusa Ibrahim, amaraso mashya mu muziki gakondo, yasobanuye ko atari ikintu cyoroshye gukora gakondo muri iki gihe urubyiruko rushamadukiye izindi njyana zigezweho.

Cyusa, yatangaje ko atekereza ko impamvu urubyiruko rutinya kwinjira mu muziki gakondo aruko batekereza ko nta mafaranga arimo cyangwa abantu ntibumve ibyo bagakora.

Abamara izo mpungenge yagize ati: 'Kuba wenda wakora indirimbo ntiwumvwe, hari ikindi gisata cy'abantu bakunda uwo muziki wawe, abo bantu barahari kandi ni ingirakamaro.'

Uyu muhanzi yavuze ko hari byinshi biri guca intege abakiri bato bifuza kuririmba gakondo, harimo n'ababajya mu matwi bababwira ko nta mpamvu yo kuririmba injyana z'abasaza kandi bakiri bato.

Yongeyeho ko abakizamuka muri gakondo bagorwa no gukora gakondo mu buryo bugezweho, kuko benshi usanga batarasobanukirwa ko indirimbo gakondo nazo zikenera amashusho meza.

Ati: 'Ushobora gukora injyana gakondo, ugakora video nziza ugashyiramo ahantu heza nyaburanga, ukemera ugakoresha neza indirimbo zawe, kugira ngo uhangane na rya soko ry'ab'ubu bari gukundwa.

Kumenyekanisha ibihangano ni ikintu cya mbere kigoye. Abakora injyana z'iki gihe, ntekereza ko bo biborohera ariko twebwe ba gakondo biragoye. Ni ikibazo, ariko ntekereza ko natwe bizageraho tukagera kure kuko nabo sintekereza ko bavutse batya! Ni ugukora kwabo no gushyira hamwe.'

Cyusa kandi mu  mvugo yeruye yasabye abanyamakuru n'aba Djs gukunda abahanzi gakondo, kuko nibabakunda n'abakiri bato nabo bazaboneraho bakabakunda, bityo bibatere imbaraga zo kurushaho gukunda ibyo bakora kuko babonye ko bashyigikiwe.

Yagize ati: 'Ariko uzi gukora indirimbo yaguhenze, yagutwaye amafaranga atagira ingano, warangiza ntuyikine kandi atari uko ari mbi, ahubwo ari uko wowe utayikunze kandi mu by'ukuri hari abandi bashobora kuyikunda kandi nyine ni mwebwe kiraro.'

Akiri ku bicantege, Cyusa yavuze ko hari n'abashinzwe gutunganya indirimbo badindiza umuziki gakondo binyuze mu bunyamwuga n'ubunyangamugayo buke bwo gutinda guha abahanzi ibihangano byabo.

Cyusa Ibrahim yagiriye inama abakiri bato bifuza kugera kure muri gakondo, ababwira ko bakwiye gukora umuziki udasaza yifashisha urugero rwa Cecile Kayirebwa na Muyango bababanjirije muri iyi njyana.

Ati: 'Gakondo imeze nk'umuvinyu uko ishaje niko igenda iryoha. Nk'ubu twiriwa turirimba indirimbo za ba Nyirabisabo zo mu 199…'

Indi nama yabagiriye, niyo kugana bakuru babo bamaze kugera kure mu muziki wa gakondo, bakizera ko nibabashyikiriza ibihangano byabo bazabyakirana ubwuzu kandi bakabafasha. Yongeyeho ko abashaka kugera kure muri gakondo bakwiye kumva ko bari gutera imbaraga igihugu cyababyaye, basigasira 'Akarande k'igihugu,' kuko gakondo ari ryo bendera riranga igihugu runaka.

Cyusa, umaze kwandika izina rikomeye mu muziki wa gakondo nyarwanda, yashimangiye ko mu njyana gakondo hatarangwamo amashyari nk'akunze kumvikana mu zindi njyana zisanzwe.

Cyusa, ni umwe mu bahanzi gakondo bakiri bto bamaze kugeza kure umuzkiki nyarwanda wa gakondo

Yasabye abanyamakuru n’aba Djs gushyigikira umuziki gakondo nk’uko bashyigikira izindi njyana

“>Reba ikiganiro cyose Inyarwanda yagiranye na Cyusa Ibrahim

“>

Rutahizamu mushya wa Rayon Sports ukomoka muri Guinea, Alsény Camara Agogo yavuze ko ubwo aheruka mu Rwanda yarebye umukino w’ikipe y’igihugu y’u Rwanda akaba yishimiye kongera kugaruka mu Rwanda.

Ni nyuma y’uko mu rukerera rwo kuri uyu wa Kane tariki ya 23 Ugushyingo 2023 ari bwo uyu rutahizamu w’imyaka 28 yageze mu Rwanda aje gukinira Rayon Sports mu mikino ya shampiyona isigaye.

Camara akigera ku Kibuga cy’Indege yavuze ko atari ubwa mbere aje mu Rwanda kuko yari kumwe na Guinea muri CHAN 2026 yabereye mu Rwanda, akaba yishimiye kongera kugaruka mu Rwanda.

Ati 'Nishimiye kugaruka mu Rwanda. Ni igihugu nkunda, kuko twakiniye hano muri CHAN muri 2016. Narahakunze cyane.”

Yakomeje avuga ko ibiganiro byarangiye ubu ari umukinnyi wa Rayon Sports kandi yiteguye kuhamara igihe kirekire.

Yijeje kandi abakunzi b’iyi kipe ko azakora ibishoboka byose akabaha ibyishimo. Ati “Abafana ba Rayon Sports nababwira ko ndi umukinnyi ufite ubunararibonye kandi nzakora ibishoboka byose nkabashimisha.'

Alsény Camara akaba kandi yanavuze ko ubwo yari mu Rwanda yagize amahirwe yo kureba Amavubi akina, akaba yaranahise akunda u Rwanda.

Ati “Narebye umukino w’u Rwanda muri CHAN, nararukunze, nakunze uburyo abakinnyi barwo bakina.'

Alseny Camara usatira akina nka nimero 9 akaba anafite ubushobozi bwo gusatira anyuze ku ruhande, yakiniye Kaloum na Horoya AC iwabo muri Guinée, ASAC Ndiambour, Sacré-Coeur na Guediawaye FC zo muri Sénégal ndetse na Hassania d’Agadir yo muri Maroc.

Alsény Camara yishimiye kugaruka mu Rwanda

Sobanukirwa ingaruka mbi zishobora guterwa no kumvira kenshi umuziki muri headphones/ecouteur:

1. Gutakaza ubushobozi bwo kumva

Ushobora gutekereza ko ibi bidashoboka ariko ubushakashatsi bugaragaza ko kumvira umuziki usakuza muri headphones na earphones zicomekwa mu matwi bishobora gutera ibibazo bitandukanye bijyanye no kumva cyangwa se igihe bibaye akamenyero gahoraho bikaba byanatera gutakaza ubushobozi bwo kumva mu buryo bwa burundu. 

Ibi biterwa ahanini no kumva amajwi arengeje ubushobozi bw'amatwi, dore ko amajwi arengeje decibels 90 aba ashobora gutera ibibazo mu matwi (decibels ni uburyo bukoreshwa mu gupima ingano y'urusaku cyangwa amajwi). Kumva umuziki mu gihe kirenze iminota 15 urengeje decibels 100 bishobora gutera gutakaza ubushobozi bwo kumva burundu.

2. Waba utizanya headphones/earphones? Byanduriramo indwara

Gutizanya ibikoresho bikoreshwa mu kumva bicomekwa mu matwi ni kimwe mu bishobora gukurura ibibazo cyane cyane ko hari indwara nyinshi zishobora kubyanduriramo cyane cyane izisanzwe zifata mu matwi. Iki gikoresho kiba cyaragenewe gukoreshwa n'umuntu umwe.

3. Gutsindagira Earphones mu matwi cyane bishobora gutera ibinya mu matwi

Iyo utsindagiye earphones mu matwi cyane bituma nta mwuka winjira mu matwi, bityo bigatuma ushobora kurwara indwara nk'umuhaha, ariko by'umwihariko gutsindagira earphones mu matwi uri no kumva volume yo hejuru cyane bitera ibinya mu matwi, igihe kimwe ugatakaza ubushobozi bwo kumva akanya gato, hashira akandi kanya bikagaruka.

4. Bigira ingaruka no ku bwonko

Kumva umuziki kenshi muri ecouteur kandi usakuza bishobora gutera ibibazo bitandukanye mu bwonko birimo na kanseri. Usibye ibi, guhora wumva uyu muziki usakuza kandi winjira mu matwi cyane bishobora gutera ububabare bwa hato na hato mu matwi.

5. Habarurwa impanuka nyinshi mu mihanda kubera kutumva ibiturutse imbere cyangwa inyuma yabo

Uretse ibibazo byaba bifite aho bihuriye n'ubuzima, hari n'impanuka nyinshi ziterwa n'uko abantu bamwe na bamwe batwarwa n'umuziki bagashiduka bagonzwe cyangwa abatwaye imodoka nabo ntibumve imburira zituruka ku bindi binyabiziga, bakagonga cyangwa bakagongwa.

Trendsnhealth ivuga ko kureka gukoresha ecouteur atariwo muti ahubwo ko hari uburyo bwiza ibi bikoresho byagenewe gukoreshwamo ku buryo nta ngaruka byagira ku buzima bw'ubikoresha. Dore ibyo ukwiye kwirinda:

1. Gukoresha  zinjira mu matwi cyane bityo ntizituma hari umwuka winjira mu matwi. Ibyiza kurushaho ni ugukoresha headphones nazo zidafashe ku matwi cyane.

2. Kwirinda gutizanya headphones/earphones, igihe byabaye zigakorerwa isuku. Mu isuku yazo harimo no guhinduranya umwenda w'inyuma uba utwikiriye aho amajwi asohokera yinjira mu matwi (sponge) buri kwezi.

3. Ntugakoreshe earphones/headphones igihe uri mu rugendo rwo mu modoka, gariyamoshi cyangwa ugenda n'amaguru.

4. Kwirinda umuziki usakuza cyane muri earphones/headphones

Mu gihe tekinoloji irushaho kwiyongera, ni ngombwa gufata ingamba z'ubuzima zijyanye n'iyo tekinoloji.

“Iri Maso” ni imwe mu ndirimbo ze zakunzwe cyane mu myaka yashize, akaba ari nayo mpamvu ariyo asubiyemo nyuma yo gufata umwanzuro wo kugaruka mu muziki yaherukagamo mu myaka 15 ishize. Yayisubiyemo kandi ku busabe bw’abakunzi be no kuyikora mu buryo bugezweho bujyanye n’igihe. 

Theophile Twagirayezu ni umugabo wubatse warushinze mu kwezi k’Ukuboza mu 2013. Atuye i Rusororo mu Mujyi wa Kigali, akaba asengera muri Assemblies of God mu Gatsata. Yatangiye umuziki mu 2006 – ni bwo yasohoye indirimbo ya mbere.

Ntabwo yatinze mu muziki kuko yakoze indirimbo 2 gusa zabimburiwe na “Iri maso” yaririmbanye n’abanyeshuli biganaga muri St Andre barimo abari bafite amazina akomeye mu muziki wa Gospel muri icyo gihe. Indi ndirimbo ye ni “Ngwino umare inyota” yaririmbanye na Angelique.

Indirimbo ye “Iri maso” yarakunzwe cyane, yiharira amaradiyo ndetse n’insengero zitandukanye. Nubwo inganzo ye yakiranywe yombi n’abakunzi b’umuziki wa Gospel, mu buryo butunguranye yahise ahagarika umuziki, nyuma y’imyaka 2 gusa yari awumazemo.

Mu gihe cya Theophile, abahanzi bari bagezweho mu buryo bukomeye, harimo Patrick Nyamitari, Roger, Bruce (Producer) na Pastor Gaby. Benshi mu bo mu kiragano cye bamaze guhagarika umuziki, abandi bajya mu muziki usanzwe (secular), n’abasigaye muri Gospel bari guseta ibirenge.

Mu kiganiro na inyaRwanda, Theophile Twagirayezu umwe mu banyabigwi mu muziki wa Gospel, yahishuye impamvu yari yarahagaritse umuziki. Ati “Nahagaritse gukora indirimbo mu 2008, ubundi nkayobora kuramya no guhimbaza rimwa na rimwe, byaterwaga n’akazi mbifatanya n’amasomo”.

Nyuma yo kugaruka mu muziki yari amaze imyaka 15 yarawuteye umugongo, avuga ko ikintu yishimiye ari uko “Abahanzi nyarwanda basigaye ari abahanga mu gukora umuziki w’umwimerere kandi b’ingeri zitandukanye abakuru ni abato”.

Yavuze ko ikindi cyamukoze ku mutima ari uburyo abaramyi basigaye batungwa n’umuziki mu gihe kera bitabagabo. Ati “Icya kabiri ni uko usigaye utunze abantu (Business) ku buryo bugaragara. Icya gatatu, umuziki nyarwanda usigaye ugera no mu bindi bihugu byo mu Karere n’ahandi.”

Icyakora avuga ko hari ibindi abona bigikwiye kongerwamo imbaraga bityo umuziki wa Gospel ukagera mu bushorishori. Ati “Ibyo kongeramo imbaraga ni ugufasha abahanzi kubona amikoro no gukomeza kugira indangagaciro za kinyarwanda”.

Twagirayezu Theophile yasubiyemo indirimbo ye “Iri Maso” yakunzwe mu bihe bya kera

REBA INDIRIMBO “IRI MASO” YA THEOPHILE TWAGIRAYEZU