Blog

Mu mpera z’icyumweru gishiza, B Threy na Davis D bari bategerejwe muri Kaminuza y'u Rwanda ishami rya Huye mu gitaramo cyiswe University Connect Festival cyari kubera mu nzu y’imyidagaduro ya Main Auditorium. 

B Threy yageze muri Kaminuza kare ndetse akorera ikiganiro kuri Radio Agaciro ikorera kuri Kaminuza avuga ko amanukanye imbaraga nyinshi agiye guha ibyishimo abafana be mu mvugo ye wumvaga ko yari azi ko ari benshi baza kwitabira icyo gitaramo. 

Nyuma y’uko barungurutse muri Main Auditorium bagasanga harimo abantu batarenze batatu, B Threy na Davis D bahise banyerera baburirwa irengero nyuma y’uko batari kuririmbira abantu batarenze batanu bari bageze muri Main Auditorium.

Nyuma yo kuba igitaramo ku mbuga nkoranyambaga, B Threy yashyize agira icyo avuga ku gitaramo cyabo cyapfuye bahageze abantu bakanga kwitabira, yegeka amakosa kuri Kaminuza ko yahagaritse igitaramo itababwiye nubwo ayo makuru yabaye mashya ku buyobozi bwa Kaminuza butazi uwahagaritse icyo gitaramo kandi Salle bagombaga gutanga barayitanze.

Mu butumwa B Threy yanyujije ku rukuta rwe rwa X, yagize ati “Hari ikibazo cyabaye ku wa Gatanu muri iyo Weekend ubuyobozi bwa Kaminuza buhagarika icyo gitaramo batatumenyesheje. Bavuga ibyo bashaka ariko uwateguye igitaramo yakoze ikosa ryo kudatangaza impamvu. “

Ku wa Gatanu ubwo bari mu myiteguro y’iki gitaramo cya Davis D na B Threy, muri Kaminuza habonetse umwana w’umukobwa wakuyemo inda umwana akamuta ahashyirwa imyanda akaza kumenyekana nyuma.

Ibyo kuko byabaye habura iminsi mike ngo igitaramo kibe, nibyo B Threy yagendeyeho yegeka amakosa kuri kaminuza ko yahagaritse igitaramo batabamenyesheje kandi iyo iza kugihagarika ntibari gutanga salle bagashyiramo ibyuma kugeza ubwo hinjiye abantu batatu gusa.

Iyo kaminuza iza guhagarika igitaramo, ntabwo bari kwemererwa kwinjira kuko iyo utari umunyeshuri winjira uvuze icyo ugiye gukora muri Kaminuza yewe bakakurangira inzira wacamo ukabasha kubona serivisi ukeneye muri iyi Kaminuza.

Uretse ibyo, ntabwo igitaramo cya Davis D na B Threy cyari giteje ikibazo bitewe n’ibyari byabaye muri Kaminuza nk’igitaramo cya Isango na Muzika Award Tour 2023 cyabereye muri iyi kaminuza ku munsi umwe ibyo bibazo byari byabereyeho.

Kugira ngo tumenye ukuri niba koko Kaminuza yaba yarahagaritse iki gitaramo, InyaRwanda twavugishije umuyobozi uhagarariye abanyeshuri muri Kaminuza y'u Rwanda ishami rya Huye, atubwira ko ibyo atari ukuri igitaramo cyari gikomeje kuko ibyo basabwaga byose babikoze. 

Ku mugoroba wo kuri uyu wa Kane, tariki ya 7 Ukuboza 2023, nibwo Bad Ram yageze ku kibuga k’indege Mpuzamahanga i Kanombe yakirwa n’itangazamakuru, aho aje mu bikorwa bitandukanye ariko birimo n’igikorwa nyamukuru cyo guhura n’umuvandimwe we.

Ntibyatinze kuko aba bombi baje guhura ndetse no mu mashusho akomeje gukwirakwira ku mbuga nkoranyambaga, agaragaza bahuye, bishimanye bidasanzwe mu rukumbuzi rwinshi cyane. Abahanga mu kwitegereza, bahise batera imboni kare ko aba bavandimwe basa cyane nk’intobo nk’uko n’ubundi abantu bajyaga babwira Olivier ko babona asa nka Bad Rama neza.

Bad Rama avuga ko yaburanye n’umuvandimwe mu muri Mata 1994, mu gihe cya Jenoside yakorewe Abatutsi, aho bagabweho igitero ni uko Umuvandimwe we asimbuka ajya hejuru y’umuhanda naho bo  basimbuka bajya munsi y’umuhanda.

Ikintu kibabaza Bad Rama, ni ukuntu Papa wabo yajyaga ahora ababwira ko yizera cyane ko Olivier ariho kandi igihe kimwe bazongera bagahura, nyamara bakaba bongeye guhura Papa wabo yaritabye Imana batabashije guhura nk’uko yamye abyizera.

Umuhanzi Rafiki niwe wabaye ikiraro cyo guhuza Bad Rama n’umuvandimwe. nyuma y’uko bakoze umuhango wo gushyingura umubyeyi we hagasohoka amafoto n’amashusho, Olivier yabyitegereje neza asubiza amaso inyuma atangira gutekereza ko bafitanye isano, bituma ajya gushakasha abamubwiraga ko asa na Bad Rama. 

Rafiki yaje kuvugana na nyina wa Bad Rama ko Umuhungu witwa Moses bahuye, aza kumubwira izina yiswe n’ababyeyi, ni uko Mama we amubwira ko uwo muhungu ari uwe.

Reba amashusho Bad Rama agera ku kibuga k’indege i Kanombe

“>

Reba amashusho agaragaza Bad Rama yahuye n’umuvandimwe we

“>

Badrama yishimiye guhura n’umuvandimwe we nyuma y’imyaka 30 baburanye

Umuvandimwe yari asanzwe akora imirimo ijyanye no guteka mu buryo bw’umwuga

Ni umwe mu baraperi beza u Rwanda rufite! Umwibuke mu ndirimbo zirimo nka 'Nisubiyeho' yakoranye na King James, 'Mana Mfasha', 'Naguhaye imbaraga' n'izindi.

Kunyura mu matsinda arimo nka Tuff Gangz, gukorana indirimbo n'abandi bahanzi, kuririmba mu bitaramo bikomeye n'ibindi biri mu byakomeje izina ry'uyu mugabo.

Nawe asobanura ko gukora ibyo akunda biri mu byatumye ubu imyaka irenga 15 agishikamye ku njyana ya Hip Hop yiyumvisemo kuva akiri ku ntebe y'ishuri.

Uyu muraperi ari kwitegura kongera gutaramira abakunzi be nyuma y'igihe kinini atagaragara mu bitaramo.

Ari ku rutonde rw'abahanzi umunani bazafitanya n'umuraperi Danny Nanone ubwo azaba amurika Album ye ya mbere yise 'Iminsi myinshi' mu gitaramo kizaba tariki 15 Ukuboza 2023 muri Kigali Conference and Exhibition Village ahazwi nka Camp Kigali.

P-Fla yaherukaga kugaragara mu gitaramo gikomeye, ubwo yahuriraga na King James mu gitaramo cya 'Rap City' cyabereye muri BK Arena mu 2022.

Ni ubwa mbere P-Fla yari yinjiye muri iri nyubako y'imyidagaduro, kandi avuga ko yahagiriye ibihe byiza, kuko yongeye kwigaragariza abakunzi be.

Asubiza ikibazo cy'umunyamakuru wa InyaRwanda, P-Fla yavuze ko amaze iminsi ahugiye mu bikorwa byo gutegura Album ye, ari nayo mpamvu yari amaze iminsi atagaragara mu muziki.

Ni album avuga ko idasanzwe kuko iri gukorwaho na ba Producer batatu, ndetse yayihuriyeho n’abaraperi bagenzi be barimo abo banyuranye muri Tuff Gangz.

Yavuze ati 'Ngiye kumara imyaka ibiri ndimo gukora kuri Album imwe gusa. Mfite indirimbo nyinshi cyane. Zimaze gukorwa na ba Producer nka batatu.'

Uyu muraperi yavuze ko yatekereje ku kuba yakorana amashusho y'iyi ndirimbo mu Rwanda no mu mahanga, ariko ko akomeje gukomwa mu nkokora n'ikibazo cy'ubushobozi.

Yavuze ko ashaka gushyira hanze iyi Album mu 2024, kandi iriho indirimbo yakoranyeho n'abandi baraperi barimo Tuff-Ganz. Ati 'Ndizera ko umwaka utaha nzagaruka meze neza, hamwe n'Imana.'

Avuga ko agiye gusohora iyi Album mu gihe we na bagenzi be bahuriye muri Tuff Gangz bamaze n'iminsi bari gukora kuri Album bahuriyeho. Ati 'Tuff yose ntabwo iri hano ntabwo najya kugira icyo mbivugaho ariko igihe kizagera tubivugeho. Icy'umwihariko ni uko kuri Album yanjye yose bazaba bariho.'

P-Fla afitanye amateka yihariye na Danny Nanone bazahurira mu gitaramo:

Uyu muraperi yavuze ko ari inshuti akaba n'umuvandimwe wa Dany Nanone bamaranye igihe, ku buryo kuzaririmba mu gitaramo cye abifata nk'amahirwe adasanzwe.

Yavuze ko yanyuranye muri byinshi na Danny, ku buryo ubufasha bwose yamusaba yiteguye kubutunga. Yavuze ati 'Twabanje kuganiraho gato mbere y'uko twajya muri studio, hari imishinga myinshi twarimo turapanga, byaranshimishije cyane. Nta kintu nakora kubera umuvandimwe wanjye.'

Uyu muraperi wamamaye mu ndirimbo zinyuranye, avuga ko agitangira gukora umuziki na mbere y'uko yinjira muri Tuff Gangz yahuraga cyane na Dany Nanone.

Icyo gihe bahuriraga i Nyamirambo bose bagiye gukina Basketball, cyangwa se bombi bahuriye muri Studio.

Asobanura Dany Nanone nk'umuntu udakunda gutinda ahantu, kandi akunda akazi ke mu gihe aba yapanze. Ati 'Ibintu bye byabaga biri kuri gahunda. Ni umuhungu witwaye neza kugeza n'ubu, kuba ari muto kuri njye ntabwo bivuze ko njye ntamwigiraho.'

P-Fla avuga ko muri iki gihe hari inzira yaharuwe, ku buryo n'umwana muto washaka kwinjira mu muziki byamworohera cyane bitandukanye n'imyaka yatambutse.

P-Fla yatangaje ko amaze imyaka ibiri ari gukora kuri Album ye bwite

P-Fla avuga ko Album ye iriho indirimbo ze bwite n'izo yakoranye n'abandi baraperi barimo abo babanye muri Tuff Gangz

P-Fla avuga ko kuba umuraperi Kendrick Lamar yarakoreye igitaramo i Kigali yafunguye amarembo y'abandi baraperi bakomeye ku Isi

P-Fla yavuze ko mu 2022 ubwo yaririmbanaga na King James mu gitaramo ari bwo bwa mbere yari yinjiye muri BK Arena 

Umuraperi P-Fla aganira na Chriss Eazy bazahurira mu gitaramo

KANDA HANO UREBE IKIGANIRO CYA P-FLA AGARUKA KURI ALBUM YE

“>