Blog

APR FC yakomeje kuyobora urutonde rwa shampiyona ya 2023-24 nyuma yo kunyagira Gorilla FC ibitego 4-1

APR FC yari yasuye Gorilla FC mu mukino w’umunsi wa 14 wabereye kuri Kigali Pelé Stadium kuri uyu wa Gatanu tariki 8 Ukuboza 2023.

Ni umukino wagombaga gutangira saa 18h00′ ariko uza gukererwaho iminota 42 kubera ko iki kibuga cyari kirimo kuberamo imikino y’abadepite.

Uyu mukino APR FC yagiye kuwukina yamaze gutakaza umwanya mbere kuko Police FC nyuma yo gutsinda Etoile del’Est yari yafashe umwanya wa mbere.

Ku munota wa 6, Omborenga Fitina yazamukanye umupira maze ashota mu izamu ariko umunyezamu arawufata.

Ku munota wa 9, Omborenga Fitina yongeye guhindura umupira ariko na none umunyezamu awukuramo.

APR FC wabonaga ishaka igitego hakiri kare, ku munota wa 12, Ishimwe Christian yahinduye umupira mwiza imbere y’izamu ariko Mbaoma umubana muremure.

APR FC yabonye igitego cya mbere ku munota wa 31, Mugisha Gilbert yahinduye umupira imbere maze Nshimirimana Ismaïl Pitchou ashyiraho umutwe maze umunyezamu agira ngo urajya hanze, uragenda ukubita igiti cy’izamu uboneza mu rushundura.

Ku munota wa 44, Iradukunda Darcy wa Gorilla FC yabonye amahirwe akomeye ariko ananirwa kurenza umupira umunyezamu Pavelh Ndzila ahita awukuramo. Amakipe yagiye kuruhuka ari 1-0.

APR FC yatangiye igice cya kabiri n’ubundi ishaka igitego cya kabiri ndetse iza kukibona ku munota wa 58 gitsinzwe na Victor Mbaoma ku mupira yari ahawe na Omborenga Fitina.

Nyuma yo gukinana neza, Gorilla FC yaje kubona igitego cya mbere ku munota wa 67 cyatsinzwe na Mavugo Cedric ku mupira yari ahawe na Nsengiyumva Mustapha.

APR FC yahise ikora impinduka, Kwitonda Alain Bacca aha umwanya Nshuti Innocent ni nako ku munota wa 75, Mugisha Gilbert yahaye umwanya Apam Assongue Bemol.

Victor Mbaoma yaje gutsindira APR FC igitego cya gatatu ku munota wa 77 ku mupira mwiza wari uhinduwe imbere y’izamu na Ruboneka Bosco.

Ku munota wa 82, Victor Mboama wagize akabazo k’imvune yasimbuwe na Bizimana Yannick.

Ku munota wa 87, Apam yaje gutsindira APR FC igitego cya 4 ku mupira yari ahawe na Ruboneka Bosco.

Ku munota wa nyuma, umutoza w’abanyezamu ba Gorilla FC, Ndoli Jean Claude yahawe ikarita itukura, ni nyuma yo kubwira nabi umusifuzi. Umukino warangiye ari 4-1.

Indi mikino yabaye uyu munsi Police FC yatsinze Etoile del’Est 3-0, Sunrise FC itsinda Amagaju 2-1.

APR FC yakomeje kuyobora urutonde rwa shampiyona n’amanota 30, Police FC ifite 28, Rayon Sports na Musanze FC zitarakina umunsi wa 14 zifite 26.

Unyujije amaso kuri konti ye ya Youtube, ubona ko indirimbo ze zimaze amezi icyenda zisohotse zirimo ‘Iminsi Myinshi’, ‘Nasara’, ‘Umuti w’umutima’, ‘My Type’ ndetse na ‘Confirm’ arizo zamufashije’ kongera kwisanga mu kibuga cy’umuziki.

Uyu muraperi yigeze kutumvikana cyane mu muziki ahanini biturtse ku kuba yarakurikiranaga amasomo ye ku ishuri rya muzika rya Nyundo ndetse no muri Kaminuza. Ibi byatumye adahozaho cyane mu muziki, bimera nk’aho yibagiranye mu muziki.

Ubwo yagarukaga mu muziki yashyize imbaraga mu gushyira hanze ibihangano byiza, ariko kandi yegera cyane itangazamakuru.

Kuri uyu wa Kane tariki 7 Ukuboza 2023, uyu muhanzi yagiranye ikiganiro n’itangazamakuru cyagarutse birambuye ku gitaramo cye ‘Iminsi myinshi’ azakorera muri Camp Kigali tariki 15 Ukuboza 2023.

Mu kiganiro na InyaRwanda, Danny Nanone yavuze ibanga ryatumye abasha kongera kwisanga mu kibuga cy’umuziki rirenze rimwe, ariko kandi yashyize imbaraga n’ubwenge mu kazi akora, kandi aheza inguni atitaye cyane ku byabanje n’ibizakurikiraho.

Kugaruka mu muziki kwe abigereranya no kwica umubu yifashishije inyundo. ati “Navuga ko ibanga nakoresheje ari uguheza inguni. Nashyizemo imbaraga zanjye zose nshyiramo ubwenge, nsaba n’ubufasha bagenzi banjye. Nkora nyine ibintu byose byagombaga gukorwa, umubu nawicishije inyundo.”

Dany yavuze ko amasomo y’umuziki yize, yamufashije kwisanga mu kibuga cy’umuziki,’ kandi abona ko hari umusaruro byatanze kuba yarafashe umwanya we akajya kwiga.

Ni ibintu avuga ko ahuje n’abandi abona ko bakunze ibihangano bye. Ati “Mbere nta n’igitaramo nari narakoze ariko ubu ndi gutegura igitaramo. Bivuze ko hari ikiyongereyeho. Bivuze ko hari byinshi nahavanye, kandi ndi kubyaza umusaruro ufatika.”

Yavuze ko mu gitaramo cye yiteguye kugaragaza ko yize umuziki. Yasobanuye ko kuba ibihangano bye byarahise byisanga cyane ku isoko ry’umuziki, yashyize’ imbaraga cyane mu mikorere ye, kandi aheza inguni. 

Ati “Nagerageje ibishoboka, nshyiramo ubwenge, impano n’urukumbuzi abantu bari bamfitiye. Ntavuga ko ubu ngubu ntabwo ndatangira, ni intangiriro iyi.”

Buri muhanzi yatumiye mu gitaramo cye bafitanye isano mu muziki:

Dany yavuze ko buri muhanzi yifashishije muri iki gitaramo, yamuhisemo ashingiye ku bushuti bafitanye, ibihangano bakoranye, cyangwa se ubuzima banyuranyemo nk'abanyamuziki.

Cyane cyane ariko yitsa ku bahanzi Butera Knowless ndetse na Christopher kuko bakoranye indirimbo zahinduye urugendo rwe rw'umuziki.

P-Fla:

Dany yavuze ko uyu muraperi avuze ibintu byinshi kuri we, ko ajya yibuka ukuntu yajyaga atanga umwanya buri uko P-Fla yabaga ageze i Nyamirambo aho bakiranaga umukino wa Basketball.

Avuga ko muri iyi myaka yari muto cyane, ku buryo yagombaga icyubahiro P-Fla ahanini bitewe n’ubuhanga yari afite muri Basketball. Ati “Nta n’ubwo nari nagatangira kuririmba icyo gihe, ubanza nawe ari bwo yari agitangira ahari.”

Danny yavuze ko icyo gihe ari nabwo P-Fla yari avuye muri Amerika, ariko ko kugeza n’ubu amufata nk’umuraperi w’igitangaza ‘udashobora kwibagirana mu matwi y’abanyarwanda n’iyo yaba adahari’.

Afrique: Amufata nk’umuhanzi ukiri muto uri kuzamuka muri iki gihe, kandi wigaragaje cyane nyuma y’indirimbo yashyize hanze zirimo ‘Agatunda’.

Danny avuga ko akunda ibikorwa bya Afrique, byanatumye yiyemeza kumwifashisha muri iki gitaramo, kugirango azagaragaze ibyo ahishiye abanyarwanda.

Uyu muhanzi ariko anavuga ko gutumira Afrique, yagendeye ku kuba banahuriye muri Label imwe, bose ibafasha mu muziki.

Chriss Eazy: Danny yavuze ko yatumiye uyu muhanzi, kubera ko muri iki gihe buri wese wategura igitaramo, mu bantu ba hafi yatekereza bo kwifashisha harimo na Chriss Eazy.

Yavuze ko yamwegereye ‘nk’umwe mu bantu bakunzwe muri iyi minsi’ kugirango azamufashe muri iki gitaramo.

Drama T: Dany avuga ko yatumiye uyu muhanzi wo mu Burundi, kubera ko asanzwe ari umufana we, ariko kandi azi neza ko hari abanyarwanda benshi bakunda ibikorwa by’uyu musore wamamaye mu ndirimbo zirimo ‘Madamu’. Ati “Abantu benshi cyane bamuhurijeho.”

Christoper: Dany avuga ko ajya agorwa  cyane no kuvuga kuri Christopher, kuko ari umuhanzi bacanye mu buzima bukomeye kandi na bwiza.

Yavuze ko bakoranye indirimbo ‘Iri joro’ yahinduye ubuzima ku mpande zombi, irakundwa mu buryo bukomeye. Ati “Yagize byinshi ihindura mu rugendo rwacu rw’umuziki no mu muziki w’u Rwanda muri rusange.” Dany avuga ko nyuma y’iyi ndirimbo, hari byinshi byabaye byiza ku ruhande rwe no ku ruhande rwa Christopher, ari nayo mpamvu avuga ko biteguye kwizihiza ibyo bihe bagiranye. 

Ati “Christopher ni umuntu uvuze ibintu byinshi ku rugendo rwanjye rw’umuziki. Ni n’inshuti yanjye mu buzima busanzwe.”

Juno Kizigenza: Dany yavuze ko atarabona Juno aririmba mu gitaramo, ari nayo mpamvu nawe afite amatsiko yo kuzamubona aririmba mu gitaramo cye.

Ati “Iyo mba atari njye wateguye igitaramo nkumva igitaramo Juno arimo nari kuzajyayo kureba ukuntu aririmba.”

Danny abifata nk’igiciro kinini, kuba Juno ari mu bazaririmba mu gitaramo cye, ariko kandi bizaryoshywa n’uko azahurira muri iki gitaramo na Ariel wayz.

Ati “Ni ukuvuga ngo natekereje ibintu bishobora gutuma abantu bishima kandi bakanyurwa mu gitaramo bagataha bishimye.”

Butera Knowless: Dany Nanone avuga ko Knowless asobanuye ibintu byinshi mu rugendo rwe rw’umuziki, kandi amufata nk’umuhanzikazi Mukuru ‘muri iyi nyanja twakita iy’umuziki’.

Yavuze ati “Ni umuntu munini, ufite byinshi avuze ku muziki nyarwanda, wakoze ibikorwa by’indashyikirwa.”

Avuga ko uyu muhanzikazi bafitanye indirimbo zirenze ebyiri, biri mu byatumye amutekerezaho muri iki gitaramo. Ati “Tuzaririmba, tuzishimana n’abantu.”

Dany anavuga ko Knowless hari byinshi yagiye amufasha agitangira umuziki, bityo ko yagombaga kuba ari ku rutonde rw’abo bazakorana muri iki gitaramo.

Ariel Wayz: Dany avuga ko uyu mukobwa ari umwe mu bahanzi batanga icyizere mu muziki w’u Rwanda, ku buryo yagombaga kuba ari muri iki gitaramo.

Yavuze ko uyu mwari amubona ku rwego Mpuzamahanga bitewe n’ubwoko bw’imiziki akora n’umuhate ashyiramo.

Dany avuga ko asanzwe ari umufana wa Ariel Wayz, kandi ko banafitanye isano mu muziki kuko bigannye ku ishuri rya muzika rya Nyundo.

Ikirenze, kuri ibyo bakoranye indirimbo ‘Nasara’ yahinduye amateka y’umuziki wa Dany ‘kuva ngarutse mu kibuga cy’umuziki’. Ati “Ntabwo nagombaga kumurenza ingohe.” 

 

Danny yavuze ko kugaruka kwe mu muziki abigereranya no kwica umubu wifashishije inyundo

Dany yavuze ko kwiga byamufashije kongera gusubira inyuma atangira neza gukora umuziki

Dany asobanura ko kumurika Album ye yise 'Iminsi myinshi' bifite igisobanuro kinini cyane 

Dany avuga ko buri muhanzi yatumiye muri iki gitaramo bafitanye ubushuti bwisumbuyeho

KANDA HANO UREBE AMASHUSHO Y’INDIRIMBO ‘CONFIRM’ YA DANY NANONE

“>

Kuri uyu wa Gatandatu ku isaha ya saa 19:00 PM muri BK Arena, nibwo hateganyijwe umukino karundura, ugomba guhuza Intoranwa z’u Rwanda mu mukino wa Basketball ndetse n’intoranwa z’abarundi.

Ni umukino wo kwishyura kuko umukino ubanza wari wabereye mu Burundi ku kibuga cya Terrain de Department kiri i Bujumbura. Uyu mukino warangiye hitabajwe iminota y’inyongera, aho u Burundi bwatsinze u Rwanda amanota 76 kuri 73.

Uyu mukino wateguwe na n’ikigo cya B&B Sports Agency, ugamije guhiganwa ubuhanga hagati y’abakinnyi bakina muri shampiyona y’u Burundi ndetse n’abakinnyi bakina muri shampiyona y’u Rwanda.

Ahagana ku isaha ya saa 12:50, nibwo itsinda rw’abakinnyi baturutse mu Burundi bakandagiye ku butaka bw’u Rwanda, aho bageze mu gihugu baciye ku mupira w’Akanyaru.

Abakinnyi b’intoranwa  z’u Burundi, ubwo ubwo ubwo bari batereye amaso mu Rwanda bitegura guteresha bagakomeza urugendo

Abakinnyi b’intoranwa z’u Burundi bazanje mu Rwanda

Kazunguzibwa Bwanga Michael
Irakoze Kavakure Brian Amour
Sangwe Armel
Ndikuriyo Bienvenu Richard
Nijimbere Guibert
Daniel Kola Mbo
Kabura Rodrigue
David Deng Kongor
Karabona Clement
Otobo Israel Oyoro
Ndikumana Landry
Nsumizi Steve

Kagabo Aaron umutoza w’intoranwa z’u Burundi, akigera ku mupaka w’Akanyaru, yavuzeko intego ibazanye mu Rwanda ari ugutsinda. Yagize Ati”Nk’uko mubizi umukino ubanza twarawutsinze ndetse n’umukino wo kwishyura twiteguye neza. Abakinnyi bose bameze neza. U Rwanda narwo ruriteguye kandi barashaka gutsinda kandi natwe turashaka gutsinda, ariyo mpamvu uyu mukino uzaba ukomeye.”

Kagabo umutoza w’intoranwa z’u Burundi avuga ko abakinnyi bose bakoresheje mu mukino ubanza, bahari Kandi bameze neza.

Uyu mutoza abajijwe ku bijyanye no kuba ikibuga bazakinira u Rwanda rukimenyereye, yavuzeko ntacyo byahindura ku mikinire yabo. Ati” nNta kibazo cy’ikibuga tuzahura nacyo kuko ikibuga cyo muri BK Arena, kimeze nk’ibyo dusanzwe dukiniraho twitabiriye imikino mpuzamahanga.”

Brian Amour ukinira Intoranwa z’abarundi avuga ko biteguye neza umukino wo kuri uyu wa Gatandatu, ndetse ko amakosa bakoze mu mukino ubanza bayahinduye.

Yagize Ati” Ni umukino twiteguye neza, ndetse twakoze imyitozo yisumbuye ku ya mbere, ubu turizera ko amakosa twari twakoze mbere yakosowe.”

Amatike yo kureba uyu mukino, harimo itike y’ibihumbi 5, ibihumbi 10, ibihumbi 20 ndetse n’ibihumbi 50. 

Mviramwifoto umufana ukomeye cyane waherekeje iyi kipe, avuga ko baje kwegukana igikombe nta kindi