Blog

Ibi byabaye ku gicamunsi cyo kuri iki Cyumweru tariki 24 Ukuboza 2023, ubwo uyu mushoferi yagongaga abamotari, ariko agahita ahata umuriro imodoka akiruka, akaza guhura n’umunyamakuru Oswald Mutuyeyezu, na we agashaka kumugongo, ari na bwo yahitaga atabaza Polisi.

Amakuru yamenyekanye nyuma, avuga ko uyu mushoferi yaje gufatwa nyuma y’uko agonze bariya bantu ariko akiruka.

Umuvugizi w’Ishamo rya Polisi rishinzwe umutekano wo mu muhanda, SP Emmanuel Kayigi yemeje ko uwo mushoferi yagonze moto imwe yari iriho umumotari n’umugenzi, agakomeretsa umumotari, ndetse ko yahise ajyanwa mu bitaro bya Kibagabaga.

SP Emmanuel Kayigi yagize ati 'mu gihe yari amaze kugonga iyo moto, yakomeje akuba imodoka yari imbere, ariko ntiyangiritse cyane.'

Akomeza avuga ko uyu mushoferi yaje gufatirwa imbee, ndetse ko ubwo yafatwaga na polisi yasanze yari yanyoye ibisindisha ari na byo byatumaga ashaka gutoroka, ubu akaba afungiye kuri sitasiyo ya Rwezamenyo.

UKWEZI.RW

Byabaye kuri iki Cyumweru tariki 24 Ukuboza 2023, kuri Hotel des Mille Collines mu Mujyi wa Kigali, ni nyuma y'uko umwe muri bo abashije gusubiza neza ikibazo yari yabajije.

Knowless yifashishije konti ye ya Instagram yasangije abamukurikira ubutumwa buherekejwe n'ikibazo kijyanye n'umuntu wari kumubwira izina rya Album ye ya Gatatu.

Uyu muhanzikazi uherutse gushyira hanze indirimbo 'Oya Shan', yavuze ko ahitamo uwatsinze ashingiye ku mufana watanze abandi gusubiza neza, kandi mbere.

Yari yanditse ati 'Uyu munsi ndashaka gusohokana umukunzi wanjye umwe ku mugoroba, tugasangira Noheli. Icyo bisaba ni ugutanga igisubizo nyacyo, kuri iki kibazo. Album yanjye ya gatatu yitwa ngwiki?

Ibisubizo byisukiranyije, bamwe bavuga ko yitwa Inzora, abandi bakamwifuriza Noheli Nziza, abandi bakamubwira ko yitwa Butera.

Byageze aho Knowless afata umwanya wo kureba neza uko ubutumwa bwagiye bukurikirana asanga umusore witwa Ndemezo Godfrey ariwe wabashije gutsinda.

Yabwiye InyaRwanda, ko yabonye mu bantu basubije harimo uwitwa Niyokubandiho Thabita wanditse inshuro nyinshi amubwira ko amukunda, kandi yifuza guhura nawe, yiyemeza kumutumira nawe bagasangira.

Amafoto yasohotse agaragaza amarangamutima y'aba bafana nyuma yo gufata ifunguro no guhura na Butera Knowless, umuhanzikazi bakunze igihe kinini.

Mu bihe bitandukanye, Knowless yagiye atanga umwanya agahura imbona nkubone n'abafana be bakaganira, ndetse bagafatana n'ifoto y'urwibutso.

Uyu munyamuziki avuga ko ashingiye ku kuntu album ye ya Gatanu yakiriwe, byamuteye imbaraga zo gutangira gutegura indirimbo zigize album ya Gatandatu, ahereye ku ndirimbo ‘Oya Shan’ aherutse gusohora.

Ati 'Nk’uko nabivugaga ibiruhuko byarangiye…ubu ni ugukora, ibikorwa rero birahari, ndi gukora kuri album yanjye ya gatandatu ariko na mbere y’uko isohoka hari izindi ndirimbo, hari n’ibindi bikorwa bigomba gusohoka…”

Knowless avuga ko mbere yo gushyira hanze album, abanza kuyumva akayikunda, kuko adashobora guha abantu ikintu nawe atakunze.

Yavuze ko album ye ya Gatandatu ari nziza kandi ‘itandukanye n’izindi zabanje’. Kuri we, avuga ko umuhanzi ajyana n’ibihe, ari nayo mpamvu buri gihe akora arushaho gusiga isura nziza y’ibikorwa bye ashingiye ku byabanje.

Butera avuga ko album ye ya Gatanu yacuruje cyane, kuko ari nayo imufashije ku kuba agiye gutangira urugendo rwo gukora indirimbo zigize album ye ya Gatandatu.

Yavuze ko album ari ikintu kidasaza, kuko buri gihe uko umuntu ayumvishe hari ibyo imwinjiriza. Ati “Hari icyo byabyaye kandi kizima, cyaduteye imbaraga zo kuba turi gukora kuri album ya gatandatu.”

Knowless avuga ko ari gutegura iyi album mu gihe ari no gukurikirana amasomo y'Impamyabumenyi y'Ikirenga 'PhD'. Uyu muhanzikazi wakunzwe mu ndirimbo zinyuranye, avuga ko yafashe icyemezo cyo gukomeza amasomo nyuma yo gusoza 'Master's' mu bijyanye n'ibaruramari.

Mu Ukuboza 2019, Knowless yabwiye InyaRwanda ko muri we afite inyota yo kwiyungura ubumenyi ari nayo mpamvu nyuma yo gusoza icyiciro cya kabiri cy'amasomo cya kaminuza muri Kaminuza yigenga ya Kigali (ULK), yanakomeje kwiga icyiciro cya Gatatu cya Kaminuza.

Yavuze ko yigira icyiciro cya gatatu cya kaminuza muri Kaminuza ya Christian University ibarizwa muri Leta ya Oklahoma muri Leta Zunze Ubumwe za Amerika, byari ibihe bitoroshye kuri we kuko byamusabye guhuza inshingano z'urugo, umuziki n'amasomo.     

Niyokubandiho Thabita ntiyorohewe no kwakira ko yahuye na Knowless, umuhanzikazi yimariyemo 

Ndemezo Godfrey nyuma yo guhura na Butera Knowless bagasangira, ibyishimo byari byose

Ndemezo yafashe umwanya wo kuganira na Knowless ari nako amubaza ibibazo binyuranye 

Thabita yahoberanye na Knowless, urukumbuzi rurashira! 

Knowless yavuze ko Ndemezo yarushije abandi gusubiza mu buryo bwihuse ikibazo yabajije 

Ndemezo yavuze ko Album ya Gatatu Knowless yayise ‘Butera’ 

KANDA HANO UREBE AMASHUSHO Y’INDIRIMBO ‘OYA SHAN’

“>

Umunsi mukuru wa Noheli uri muyizihizwa na benshi dore ko ushingiye kuri Yezu Kristo umwana w'Imana wigize umuntu kugira umwizera wese abashe kubona ubugingo buhoraho nk’uko bigaragara mu gitabo cy'ukwemera cya Bibiliya benshi bizereramo.

Uyu munsi wizihizwa hazirikanwa umunsi yavukiyeho ukarangwa n'ibikorwa bitandukanye bitewe n'imico ya buri gihugu mu Rwanda usanga benshi babaguze imyambaro mishya, bakajya gusenga bagasohokana n'imiryango yabo.

Aba mu mijyi ugasanga basubiye mu byaro kuwizihizanya n'abavandimwe n'inshuti bo ku ivuko ari nako ubutumwa bukomeza kugenda bucicikana ku mbuga nkoranyambaga bwiganjemo ubw’abafite amazina azwi babifuriza ababakurikira guhirwa no gukomeza kwishima kuri uwo munsi.

Muri abo kugeza ubu bamaze gutanga ubutumwa bwabo barimo Coach Gael wifashishije amashusho ari kumwe n’umuryango we yongeraho ati'Ndi kumwe n'abakundwa banjye, dushima na Noheli nziza. Mbifurije Noheli y'umunezero n'umugisha nk'iyacu. Turabakunda.'

Yolo The Queen uri mu bakobwa bakurura abatagira ingano ku mbuga nkoranyambaga mu Karere na we yafashe umwanya agira ati'Noheli nziza bakunzi banjye.'

Miss Nishimwe Naomie akoresheje ifoto ari kumwe n'umukunzi we na we yifurije Noheli nziza ababakurikirana.

Isimbi Model uri mu batagarugori biyeguriye ubushabitsi bushingiye ku myidagaduro cyane igenda n'imideli nyuma yo gusangiza abamukurikira ifoto y'umuryango we yongeyeho ati'Noheli nziza reka kino gihe kibe icy'urumuri n'ibyishimo kuri mwe n'imiryango yanyu.'

Patient Bizimana na we yagaragaje umuryango we yongeraho ati'Yesu ni we mpamvu y'ibi bihe, Azitwa umujyanama udasanzwe, Imana ikomeye, Data uhoraho.Igikomangoma cy'amahoro. Umugisha w'ukuvuka kwa Nyagasani ubabeho iteka.'

Ni benshi bakomeje kugenda berekana ko ari ishimwe kubasha kugeza mu bihe bisoza umwaka no kwizihiza Noheli ari nako bifurizanya umunsi mwiza n'umuwaka mushya muhire.

Bruce Melodie na Shaggy mu ngofero zambarwa kenshi mu bihe bya NoheliPatient Bizimana, umwana n’umugore bafashe umwanya bazirikana isabukuru ya Yesu Kristo banifuriza abantu imigisha y’ivuka ryeChristelle Kabagire n’umuryango we bifurije abakunzi babo Noheli nzizaClenia Dusenge umusizi umaze kubigira umwuga Keza Terisky n’umuhungu na The Trainer bazirikanye aba bakurikira kuri iyi NoheliKirenga Phiona [Yolo The Queen] yazirikanye abakunzi be abifuriza umunsi w’ivuka rya YesuCoach Gael n’umuryango basabiye ibyishimo n’umunezero bya Noheli abantu bose 

 

Imikino ya Premier League kuri ubu igize ku munsi wa 18,harabura umunsi 1 gusa ubundi igice kibanza kigashyirwaho akadomo.

Ikipe y’abarashi niyo iyoboye urutonde aho ifite amanota 40, ikaba ikurikiwe na Liverpool yo ifite amanota 39 nyuma y’uko aba bombi banganyije igitego 1-1 mu mukino waabahuje.

Kuba iyi kipe igeze kuri Noheli iyoboye urutonde rwa shampiyona mu mateka ya Premier League bivuze iki?

Mu myaka 30 y’imikino muri Premier League, imyaka 16 ikipe yageze kuri Noheli iyoboye urutonde rwa shampiyona niyo byarangiye itwaye igikombe.

Ubwo bivuze ko muri iyi shampiyona y’icyiciro cya mbere mu Bwongereza ikipe igeze kuri Noheli ariyo iyoboye urutonde rwa shampiyona iba afite amahirwe yo kwegukana igikombe angana na 51.6%

Nta kipe yigeze igera kuri Noheli iyoboye urutonde rwa shampiyona inshuro nyinshi kurusha Liverpool ,imaze kubikora inshuro 20 ikaba ikurikirwa na Manchester United yo imaze kubikora inshuro 18. 

Amakipe yageze kuri Noheli ayoboye urutonde rwa Shampiyona ariko mu mateka yayo akaba atarigeze atwara igikombe cya Shampiyona ni Norwich, Leeds, Aston Villa na Newcastle.

Ikipe yageze tariki 25 Ukuboza iyoboye urutonde rwa Shampiyona yarashyizemo ikinyuranyo cy’amanota menshi ku ikipe iyikurikiye ni Manchester City mu mwaka w’imikino wa 2017/18 ndetse niyo byarangiye itwaye igikombe ifite amanota 100.

Arsenal ntabwo ifite amateka meza mu bijyanye no kugera kuri Noheli iyoboye urutonde rwa shampiyona kubera ko inshuro 5 ziheruka yabikoze byarangiye idatwaye igikombe cya shampiyona.

Mu mwaka w’imikino wo mu 1986/87 Arsenal yageze kuri Noheli iyoboye urutonde rwa shampiyona irangiriza ku mwanya wa 4 muri rusange,mu 1989/90 yarabikoze irangiriza ku mwanya wa 4, muri 2002/03 yarabikoze irangiriza ku mwanya wa 2,muri 2007/08 yarabikoze irangiriza ku mwanya wa 3 ndetse no mu mwaka ushize w’imikino yarabikoze irangiriza ku mwanya wa 2.

Mu mwaka w’imikino wo mu 1970/71 nibwo bwonyine mu mateka Arsenal yageze kuri Noheli iyoboye urutonde rwa shampiyona birangira inatwaye igikombe.

Arsenal idafite amateka meza mu gutwara igikombe cya shampiyona mu gihe yageze kuri Noheli ariyo iyoboye urutonde rwa shampiyona 

Mike Arteta usabwa gukora amateka agatwara igikombe cya  Premier League 

Umunsi umuntu yavukiyeho ni umunsi w’igitangaza kuri we kandi yizihiza buri mwaka. Ibi biba umwihariko ku bantu bavutse ku munsi wa Noheli wavutseho umwana w’Imana, dore ko bavuga ko abavutse kuri uyu munsi baba abanyamugisha n’abanyamahirwe bitewe nuko bavutse kuri uyu munsi udasanzwe.

Dore bimwe mu byamamare 10 bizwi ku rwego mpuzamahanga byavukiye rimwe na Yesu:

1. Justin Trudeau

Ku ikubitiro ry’ibyamamare byavutse kuri Noheli, hariho Minisitiri w’Intebe w’igihugu cya Canada wa 23, Justin Pierre James Trudeau  wavutse ku itariki 25 Ukuboza mu 1971. Kuri uyu munsi Trudeau arizihiza isabukuru y’imyaka 52 y’amavuko.

2. Ricky Martin

Umuhanzi akaba n’umwanditsi w’indirimbo, Enrique “Ricky” Martín Morales, ukomoka mu gihugu cya Puerto Rican. Yamamaye kuva mu 2009 yasohora indirimbo yise ‘Living La Vida Loca’ yanamuhesheje igihembo cya Grammy Award. Ricky Martin wavutse ku itariki nk’iyi mu 1971, uyu munsi yujuje imyaka 52.

3. Ann Lennox

Umuhanzikazi akaba n’umunyapolitiki, Ann Lennox, ukomoka mu gihugu cya Scotland, yatangiye kumenyekana 1983 ubwo yabaga mu itsinda rya ‘Eurythmics’. Ann Lennox yavutse ku itariki nk’iyi mu 1954, kuri Noheli y’uyu mwaka yujuje imyaka 64 y’amavuko.

4. Louis Tomlinson

Icyamamare mu muziki wo mu Bwongereza, Louis William Tomlinson, wakunzwe cyane ubwo yabaga mu itsinda rya ‘One Direction’ ryashinzwe n’abasore batanu bari bamaze gutsinda amarushanwa ya ‘The X Factor’ mu 2010. Uyu munsi Tom arizihiza imyaka 32 amaze aboneye izuba rimwe na Yesu.

5. Jimmy Buffet

Umuhanzi w’umunyamerika akaba n’umwanditsi w’indirimbo, Jimmy Buffet, wamamaye mu njyana ya Rock, aherutse kwitaba Imana ku itariki 1 Nzeri 2023. Iyaba akiriho Jimmy Buffet uyu munsi yari kuzuza imyaka 77 y’amavuko.

6. Stephenie Meyer

Umunyamerikakazi w’umwanditsi w’ibitabo, Stephenie Meyer, nawe ari mu byamamare byavutse kuri Noheli. Meyer yamamaye cyane kuva 2005 ubwo yandikaga igitabo yise ‘Twilight’ cyaciye agahigo ko kwinjiza miliyoni 160 z’Amadolari ndetse kikanahindurwa mu ndimi 38. Iki gitabo kandi ni nacyo cyakuwemo filime ‘Twilight’ yaciye ibintu. Uyu munsi Meyer yujuje imyaka 50.

7. Lee Daniels

Umunyamerika kabuhariwe mu gutunganya filime no kuziyobora, Lee Daniels, yabonye izuba ku munsi nk’uyu mu 1959. Lee Daniels azwiho kuba yarakoze filime zakunzwe zirimo nka ‘Empire’, ‘Girl’s Trip’, The Paperboy’ n’izindi nyinshi. Uyu munsi Lee Daniels yujuje imyaka 64 y’amavuko.

8. Dr. Anthony Fauci

Anthony Stephen Fauci ni umunyamerika w’umudogiteri wahoze ayobora ikigo cya ‘National Institute of Allergy and Infectious Diseases’ kuva mu 1984 kugeza mu 2022. Dr. Anthony Fauci kandi mbere y’uko ajya mu kiruhuko kizabukuru yahoze ariwe muganga mukuru muri White House wagiye akurikirana ubuzima bwaba Perezida barimo Barack Obama na Donald Trump kugeza no kuri Joe Biden.

9. Barbara Mandrell

Umuhanzikazi Barbara Ann Mandrell ufatwa nk’umwamikazi w’injyana ya ‘Country’, yabonye izuba ku munsi nk’uyu mu 1948. Barbara wafatanyije umuziki no gukina filime bikamuhira, uyu munsi arizihiza isabukuru y’imyaka 75 y’amavuko.

10. Sissy Spacek

Umukinnyi wa filime akaba n’umuhanzikazi, Mary Elizabeth “Sissy” Spacek, yatangiye gukina filime mu 1976, azwiho kuba ari mu bagore bibitseho ibihembo byinshi muri Hollywood. Sissy Spacek afite ibihembo byinshi bikomeye birimo ibihembo 4 bya Primetime Emmy Awards, ibihembo bitatu bya Golden Globe Awards, ibihembo 4 bya  British Academy Film Awards hamwe n’ibihembo 2 bya Grammy Awards. Uyu munsi Sissy Spacek yujuje imyaka 74 y’amavuko.

Aya majwi y’agateganyo yatangajwe kuri iki Cyumweru tariki 24 Ukuboza 2023, nyuma y’iminsi itatu habaye aya matora y’Umukuru w’Igihugu muri Congo Kinshasa yabaye tariki 20 Ukuboza 2023.

Aya majwi y’agateganyo yatangajwe na Komisiyo y’Igihugu y’Amatora, agaragaza ko Felix Tshisekedi ari imbere kuko afite 82,60% agakurikirwa na Moise Katumbi, we ufite 14,30%, agakurikirwa na Radjabo Tebabho Sorobabho ufite amajwi 0,90%, mu gihe Martin Fayulu we ari ku mwanya wa kane n’amajwi 0,80%.

Kuzamuka kw’aya majwi ya Tshisekedi, kwaje nyuma y’uko bivuzwe Abanyekomgo basanzwe baba hanze y’Igihugu barenga Miliyoni 1, batoye ku bwinshi uyu mugabo uhatanira manda ya kabiri.

Komisiyo y’Igihugu y’amatora muri Congo Kinshasa, igaragaza nk’abayekongo baba mu Bufaransa batoye Tshisekedi kuri 85 %, ababa muri Afurika y’Epfo bamutora kuri 81%, abo muri Leta Zunze Ubumwe za America bamutora kuri 78% mu gihe mu bubiligi bamutoye kuri 75%.

Ni mu gihe kandi abakandida bahatanye na Tshisekedi, bakomeje gusaba ko aya matora ateshwa agaciro kuko yabayemo uburiganya bwinshi bwo kwibira amajwi Tshisekedi usanzwe ku butegetsi.

UKWEZI.RW