Webrwanda Backend

Blog

  • Umwaka uko wagenze muri sport mu Rwanda 2023

     



    Mu gihe hasozwa umwaka wa 2023, siporo nyarwanda yaranzwe na byinshi bitandukanye birimo ibyiza haba muri ruhago dore ko ari yo ikunzwe cyane kurusha izindi siporo, ariko no mu yindi mikino hagaragaramo abitwaye neza bahesha igihugu ishema mu ruhando mpuzamahanga.

    Abakinyi cyangwa amakipe yahagarariye igihugu mu bihe bitandukanye ndetse n’amarushanwa atandukanye, aha akaba ari ho haherwa harebwa abitwaye neza mu gutuma intego igihugu cyihaye mu kuzamura siporo zigerwaho.

    Muri iyi inkuru Imvaho Nshya yagerageje kwegeranya bamwe muri bo babashije guhiga abandi mu mikino, by’umwihariko bamwe bikaba ari ubwa mbere bari bageze kuri urwo rwego.   

                  Umupira w’amaguru

    Amavubi yabonye itsinzi nyuma y’imyaka 2

    Muri uyu mwaka wa 2023 ni bwo ikipe y’igihugu Amavubi yongeye kubona intsinzi mu marushanwa mpuzamahanga nyuma yo gutsinda Afurika y’Efpo ibitego bibiri ku busa mu gushaka itike y’igikombe cy’Isi cya 2026 kizabera muri Amerika, Canada na Mexico.

    Abanyarwanda benshi bakunda Amavubi bongeye kumwenyura nyuma y’igihe barabuze intsinzi dore ko amavubi yaherukaga gutsinda umukino tariki 24 Werurwe 2021 batsinda Mozambique gushaka itike y’igikombe cy’Afurika cyabereye muri Cameroun.

    APR FC yegukanye Igikombe cya Shampiyona ku nshuro ya kane yikurikiranya.

    Muri Gicurasi uyu mwaka ikipe y’ingabo z’igihugu APR FC yegukanye igikombe cya shampiyona cya 2022-2023 kiba igikombe cya kane itwaye yikurikiranya.

    Yegukanye igikombe ifite amanota 63 n’ibitego 26 izigamye, aho yanganyaga na Kiyovu Sports ya kabiri, ariko yo izigamye ibitego 17.

    Rayon Sports yegukanye Igikombe cy’amahoro

    Muri Kamena uyu mwaka Rayon Sports yegukanye igikombe cy’amahoro itsinze umukeba APR FC igitego 1-0 nyuma y’imyaka 7 mu mukino wabereye kuri Stade mpuzamahanga ya Huye, inatwara icya Super Cup kandi byombi ibitwara itsinze mukeba wayo, APR FC.

    Rayon Sports kandi yegukanye igikombe cya RNIT Savings Cup itsinze Kiyovu Sports 3-0, yaraherukaga kuyitsinda mu 201
    Rayon Sports yegukanye igikombe cy’amahoro nyuma y’imyaka 7 itsinze APR FC

    Uretse iyi kipe y’abagabo, Rayon Sports WFC na yo yatwaye Igikombe cya Shampiyona y’Abagore mu Cyiciro cya kabiri, none ubu iri gukina Icyiciro cya mbere ndetse inganya amanota na AS Kigali WFC imaze hafi imyaka 12 yarigaruriye ruhago y’abagore.

            PSG Academy Rwanda yegukanye ibikombe bibiri by’Isi

    Zimwe mu mpinduka ziri kugaragara muri siporo y’u Rwanda ni ukubaka imikino ihereye ku bana bakiri bato. Ku ruhande rwa ruhago ntitwakwibagirwa kuvuga ko Irerero rya PSG mu Rwanda ryahesheje igihugu ishema mu Gikombe cy’Isi cy’uyu mwaka gihuza amarerero y’Ikipe ya Paris Saint-Germain mu Bufaransa.

    Uyu mwaka muri Kamena, ni bwo PSG Academy Rwanda yongeye kwitabira aya marushanwa, yegukana ibikombe bibiri mu batarengeje imyaka 11 ndetse n’abatarengeje imyaka 13 nyuma yo gutsinda Brésil ku mukino wa nyuma.
    Uwikunda Samuel yashyizwe mu basifuzi 25 ba CAF

    Muri Gicurasi, Impuzamashyirahamwe y’Umupira w’Amaguru ku Mugabane w’Afurika (CAF) yashyize Abanyarwanda babiri; Mukansanga Salima na Uwikunda Samuel ku rutonde rw’abasifuzi b’abanyamwuga 25.

    Urutonde rwa CAF rwerekana ko aba basifuzi barimo 20 b’abagabo mu gihe abagore ari batanu, bose basinye amasezerano y’umwaka umwe ndetse bazajya bahembwa n’iyi Mpuzamashyirahamwe ya Ruhago Nyafurika.

    Iyi yari inkuru nziza kuri Uwikunda Samuel w’imyaka 36, wabaye umusifuzi mpuzamahanga kuva mu 2017 ndetse akaba aheruka gutoranywa mu basifuzi bo hagati bazasifura Igikombe cy’Afurika cya 2023 muri Côte d’Ivoire.
    Mukansanga wasifuye Igikombe cy’Isi cy’Abagore mu mpeshyi, we yari asanzwe kuri uru rutonde kuva mu 2022 ndetse na we azasifura CAN 2023 izabera muri Cote d’Ivoire guhera tariki 13 Mutarama- 14 Gashyantare 2024, akaba ari mu bakoresha ikoranabuhanga ry’amashusho rizwi nka VAR.

         VOLLEYBALL

    Ikipe y’Igihugu y’abagore yitwaye neza ku rwego Nyafurika

    Ikipe y’igihugu y’abagore mu mukino wa Volleyball muri uyu mwaka wa 2023 nayo yahesheje ishema igihugu mu mukino y’igikombe cy’Afurika cyabereye Cameroun aho yasoreje ku mwanya wa kane nyuma yo gutsindwa n’iya Cameroun amaseti 3-1.

    Ikipe y’Igihugu y’u Rwanda yasoje ku mwanya wa kane mu gikombe cy’Afurika

    Muri iri rushanwa Munezero Valentine ukinira APR W VC akaba na Kapiteni w’Ikipe y’Igihugu y’Abagore yahembwe nk’umukinnyi mwiza mu gutangiza umukino.

             Umukino w’amagare

    Mwamikazi Djazilla yegukanye Shampiyona Nyafurika ya Mountain Bike

    Umunyarwandakazi Mwamikazi Djazilla yabaye umukinnyi mwiza muri uyu mwaka wa 2023 kuko yegukanye amarushanwa atandukanye harimo ay’imbere mu gihugu ndetse n’andi mpuzamahanga.

    Irikomeye uyu mukobwa yitabiriye ni iryabaye muri Kamena 2023, ubwo yajyaga muri Afurika y’Epfo mu Mujyi wa Johannesburg agatwara umudali wa Zahabu muri Shampiyona y’Amagare yo mu Misozi “2023 CAC MTB African Championships”, ariko mu batarengeje imyaka 23.

             Henok Mulubrhan yegukanye Tour du Rwanda 2023 yarebwe na Perezida Kagame

    Muri Gashyantare uyu mwaka Umunya-Eritrea Henok Mulubrhan ukinira Green Project-Bardiani CSF-Faizanè yo mu Butaliyani, yegukanye Tour du Rwanda 2023 yitabiriwe na Perezida Paul Kagame ku i Rebero.

    Umutesi Uwase Magnifique yegukanye imidali ya Zahabu mu gusiganwa ku maguru

    Umunyarwandakazi Umutesi Uwase Magnifique w’imyaka 18, wiga kuri Groupe Scolaire Remera- Rukoma mu Karere ka Kamonyi, yahiriwe n’uyu mwaka wa 2023 kuko yegukanye imidali ibiri ya Zahabu nyuma yo kuba uwa mbere mu gusiganwa ku maguru intera ya metero 100 na metero 400 mu Mikino ya FEASSSA ihuza ibigo by’amashuri yo muri Afurika y’Iburasirazuba, uyu mwaka yabereye i Huye muri Kanama.

    Mu gusiganwa metero 100, Magnifique yakoresheje amasegonda 12 yasize ibice bitandatu Rebecca Juma wo muri Kenya, naho muri metero 400 akoresha amasegonda 55,5 yasize amasegonda 2,1 Umunya-Uganda Anamu Vicky wamukurikiye.

    Uyu mukobwa benshi bakeka ko ari umuhungu iyo bataramuvugisha, uyu ni wo mwaka yahishuyemo ko iyo abwiwe atyo bimutera imbaraga zo gukora cyane kandi mu myaka ikurikira azakora andi mateka.


      

               CRICKET

    Ishimwe Henriette ukina Cricket yanikiye abanyamahanga

    Ishimwe Henriette ukinira Ikipe y’Igihugu y’u Rwanda muri Cricket, yahawe Igihembo cy’Umukinnyi Mwiza w’Ukwezi kwa Werurwe ku Isi muri uyu mwaka wa 2023.

    Ni igihembo yari ahanganiye na Ravina Oa ndetse na Sibona Jimmy, bombi bakinira Ibirwa bya Papouasie-Nouvelle-Guinée biherereye ku Mugabane wa Oceania.

    Ishimwe w’imyaka 19, wegukanye iki gihembo, yabigezeho abikesha kwitwara neza mu mikino Ikipe y’Igihugu ya Cricket mu bagore yitabiriye muri Nigeria.

    Muri iyi mikino, u Rwanda rwasoreje ku mwanya wa kabiri nyuma yo gutsindirwa ku mukino wa nyuma na Nigeria ku kinyuranyo cy’amanota icyenda. Uyu mukobwa kandi yakoze amateka yo gutsinda ‘hat-trick’ (gusohora abakinnyi ku dupira dutatu twikurikiranya).



                        EALA Games 2023

    Mu Kuboza 2023, u Rwanda rwakiriye imikino ihuza Inteko Zishinga Amategeko zo mu Karere k’Afurika y’Iburasirazuba, izwi nka EALA Games.

    Hon Mukabalisa na Rwaka bitwaye neza muri mikino ya EALA

    Depite Mukabalisa Germaine yegukanye umudali wa zahabu mu gusiganwa metero 400 mu gihe Depite Rwaka Pierre Claver yawegukanye muri Darts bakina bicaye, mu Mikino ihuza Inteko Zishinga Amategeko z’ibihugu byo mu Muryango w’Afurika y’Iburasirazuba (EAC).

    Muri iyi mikino yabaye ku nshuro ya 13 ndetse ikabera mu Rwanda, byari ku nshuro ya kabiri yikurikiranya Mukabalisa abasha kuyitwaramo neza nyuma y’aho mu 2022 yegukanye umudali w’Umuringa.



                         

                                          Handball

    U Rwanda rwakoze andi mateka yo kwitabira bwa mbere igikombe cy’isi.

    Hari ku wa Gatanu tariki ya 2 Nzeri 2022 muri BK Arena, ubwo u Rwanda rwandikaga amateka mu mukino wa Handball, aho rwabonye itike y’igikombe cy’Isi cyagombaga kubera muri Croatia mu 2023, nyuma yo kunganya na Algeria ibitego 30-30.

    Mu mikino irindwi u Rwanda rwakinnye mu gikombe cy’Isi, rwasoje irushanwa rutsinzemo itatu rutsindwa ine, mu mikino y’amatsinda u Rwanda rwatsinzwe itatu (Portugal, Croatia na Algeria), ruza kujya mu mikino yo guhatanira imyanya, muri iyo mikino u Rwanda rwatsinzemo itatu irimo Maroc, Nouvelle Zélande ndetse na Leta Zunze Ubumwe z’Amerika, rusoza ku mwanya wa 27



          

             Abatarengeje imyaka 17 begukanye igikombe muri Tanzania

    Ikipe y’u Rwanda y’abangavu batarengeje imyaka 17 yegukanye igikombe itsinze u Burundi ibitego 32-13, mu mikino y’Akarere ka gatanu muri Handball yasojwe tariki 30 Mata 2023 muri Tanzania, bibahesha itike yo kwerekeza ku rwego rw’Afurika, aho begukanye umwanya wa gatatu muri Afurika mu irushanwa ryabereye muri Côte d’Ivoire.

    U Rwanda rwegukanye umwanya wa gatatu muri Afurika i Brazzaville

    Nyuma yo kwegukana igikombe cy’akarere ka gatanu mu batarengeje imyaka 20 i Nairobi muri Kenya, u Rwanda rwabonye itike yo guhatanira iki gikombe cy’Afurika cyabereye i Brazzaville, irushanwa riza kurangira u Rwanda rwegukanye umwanya wa gatatu.

    Basketball

    U Rwanda rwakiriye AfroBasket mu bagore

    Muri Kanama uyu mwaka u Rwanda rwakiriye igikombe cy’Afurika cy’abagore, AFRO BASKET WOMEN 2023, aho ndetse rwaje kwegukana umwanya wa 4 nyuma yo gutsindwa na Mali mu mukino wo guhatanira umwanya wa 3, aho u 8 rwari rwaratsinzwe na Nigeria muri ½.



             U Rwanda rwegukana umudali wa bronze muri AfroCan 2023

    Muri Nyakanga uyu mwaka, Ikipe y’igihuguy’u Rwanda ya Basketball y’abagabo yegukanye umudali wa Bronze mu irushanwa Nyafurika rya Basketball ‘FIBA AFROCAN2023″ ryaberaga muri Angola nyuma yo gutsinda Repubulika Iharanira Demokarasi ya Congo (RDC) amanota 82 -73. Mu mukino wo guhatanira umwanya wa gatatu.

    REG WBBC yasoreje ku mwanya wa kane mu mikino Nyafurika

    Mu Kuboza uyu mwaka REG W BBC yasoreje ku mwanya wa kane mu mukino nyafurka ya ‘FIBA Africa Women’s Basketball League’ yaberaga mu Misiri nyuma yo gutsindwa na Inter Clube yo muri Angola amanota 83-68 mu mukino wo guhatanira umwanya wa gatatu.

           APR BBC yegukanye igikombe cya shampiyona nyuma y’imyaka 14

    Muri Nzeri uyu mwaka nyuma y’imyaka 14 APR BBC yongeye kwegukana igikombe cya shampiyona nyuma yo gutsinda REG BBC imikino 4-0 mu mikino y’akamarampaka ibona itike yo guhagararira u Rwanda mu mukino ya BAL 2024.

    APR WBBC yegukanye igikombe cya shampiyona nyuma yo gutsinda REG WBBC imikino 4 kuri 1 mu mikino ya kamarampaka

  • Brazil : Umugore yakase igitsina cy'umugabo we nyuma yo kumenya ko amaze imyaka 15 amuca inyuma atabizi #rwanda #RwOT

    Inkuru ikomeje guteza igikuba mu bantu hirya no hino ku mbuga  nkoranyambaga ni inkuru y'uyu mugore wo mu gihugu cya Brazil wakase ubugabo bw'umugabo we amuziza ko yamuciye inyuma imyaka 15 yose abikorana n'umwe mu muryango w'umukobwa.

     

     

    Uyu mugore w'imyaka 34 wo mu gihugu cya Brazil ariko imyirondoro ye ikaba itaramenyekana, we ubwe yemera ko yakase igitsina cy'umugabo we amuhora ko yamucaga inyuma igihe kigera ku myaka 15 yose babana atabizi.

     

     

    Nk'uko byatangajwe n'abashinzwe umutekano bo mu gihugu cya Brazil mu Mujyi wa Atibaia, nyuma y'uko uyu mugore akoze icyo cyaha cyo gukata umugabo we igitsina yahise ajya kwirega we ubwe ku bashinzwe umutekano kuri sitasiyo ya police maze avuga ibyaha yakoze ndetse ntawe ubimubajije.

     

     

    Uyu mugore avuga ko yajyanye n'umugabo we mu cyumba nk'ibisanzwe umugabo aziko bagiye gukora ibyabashakanye, maze ngo uyu mugore azirika amaboko y'umugabo we n'amaguru maze afata umukasi akata igitsina cy'umugabo we maze agita mu bwiherero.

     

     

    Ubwo yajyaga kwirega yavuze ko igitsina cy'umugabo we yagitaye kure kuko ngo yumvishe ko bishoboka ko bagisubizaho kwa muganga. Abantu benshi bakomeje gutangazwa n'umutima ukomeye uyu mugore afite kugera aho akata igitsina cy'umugabo we.

     

     

     

     

     

    Source: ghpage.com

     

     

    The post Brazil : Umugore yakase igitsina cy'umugabo we nyuma yo kumenya ko amaze imyaka 15 amuca inyuma atabizi appeared first on The Custom Reports.

    Source : https://thecustomreports.com/brazil-umugore-yakase-igitsina-cyumugabo-we-nyuma-yo-kumenya-ko-amaze-imyaka-15-amuca-inyuma-atabizi/

  • Nyuma yo kotswa igitutu, FERWAFA ishobora guhindura itegeko nubwo na 2013 yigeze kurikoresha #rwanda #RwOT

    Ishyirahamwe ry’Umupira w’Amaguru mu Rwanda (FERWAFA), rishobora guhindura imwe mu ngingo igize amategeko y’Igikombe cy’Amahoro cya 2023-24, ni nyuma y’uko hari bamwe mu baperezida b’amakipe batishimiye ingingo ivuga ko ikipe imwe yatsinze nabi itazakomeza.

    Muri rusange amakipe 26 ni yo yiyandikishije gukina Igikombe cy’Amahoro 2024, muri yo 8 ntabwo yakinnye ijonjora ry’ibanze ni mu gihe 18 ari yo yahereye muri iri jonjora cyangwa se 1/16.

    Bivuze ko mu makipe 18 ubusanzwe hagakomeje 9 akiyunga kuri ya yandi 8 agakina 1/8, gusa yaba abaye 17 kandi 1/8 kigomba gukinwa n’amakipe 16 gusa.

    Ibi byatumye mu mategeko agenga Igikombe cy’Amahoro 2023-24 hajyamo ingingo ivuga ko mu makipe 9 azaba yarenze 1/16 yose atazakomeza muri 1/8 ahubwo ikipe imwe izaba yaratsinze nabi (worst winner) izasigara.

    Ni mu ngingo ya 10 mu gaka kayo ka 3, aho bavuga ko hazarebwa ikipe yakomeje ku giteranyo cy’ibitego bike, akaba ari yo isigara.

    Bati 'kugira ngo hamenyekane amakipe 8 azakomeza, tuzareba ku giteranyo cy’ibitego. Ikipe ifite igiteranyo cy’ibitego byo hasi, ntabwo izakomeza mu kindi cyiciro (1/8).'

    Abantu benshi bakaba batarimo kumva uburyo ikipe yaba yatsinze ntikomeze mu cyiciro gikurikiyeho, bakaba banenze amategeko ya FERWAFA.

    Si ubwa mbere byaba bigiye kuba….

    Muri 2013, ikipe ya Pepiniere yasezerewe na yo muri ubu buryo nubwo yari yasezereye La Jeunesse FC hitabajwe penaliti.

    Icyo gihe Pepiniere yatsinze La Jeunesse, Musanze FC yatsinze Kiyovu Sports na AS Muhanga yatsinze Police FC. Ayo makipe yose uko ari atatu, mu mikino yakinnye yanganyije ubusa ku busa, yose atsinda hitabajwe za penaliti.

    Nyuma yo kubona ko ayo makipe yose yatsinze mu buryo bumwe, hegendewe ku itegeko ryagenga iki gikombe icyo gihe, hemejwe ko hakomeza amakipe afite umwanya mwiza ku rutonde rwa shampiyona y’uwo mwaka wa 2012/2013, maze Pepiniere yakinaga mu cyiciro cya kabiri ihita isezererwa.

    Iryo tegeko ryari mu ngingo ya gatanu rivuga ngo, 'Muri 1/8 hazakina amakipe 16 ya mbere muri 17 yatsinze muri 1/16 hakurikijwe ibi bikurikira: Ikinyuranyo cy’ibitego (Goal difference), ubusatirizi bwiza (Meilleure attaque), uburinzi bwiza (Meilleure défence).'

    'Mu gihe hari amakipe yatsinze hiyambajwe za penaliti hazakurikizwa: Ubusatirizi bwiza (meilleur attaque) mu gihe gisanzwe cy’umukino (90′). Uwahise mu cyiciro cya mbere cya za penaliti (série igizwe na penaliti 5 zibanza) niwe uzakomeza kurenza uwahise mu cyiciro gikurikira (série 2 kigizwe na panaliti zikurikiyeho).'

    'Mu gihe byose binganyije hazakurikizwa uburyo amakipe yakurikiranaga ku rutonde muri shampiyona y’umwaka wa 2012-2013 ku mikino ibanza (phase aller)'.

    FERWAFA yashyizweho igitutu, ishobora guhindura itegeko

    Amakuru yizewe ikinyamakuru ISIMBI cyamenye, ni uko muri iki gitondo harangiye inama yigaga kuri iki kibazo nyuma y’uko abarimo perezida wa Gasogi United, Kakooza Nkuriza Charles yahamagaye Turatsinze Amani ukuriye Komisiyo y’amarushanwa akamushyiraho igitutu, akamubwira ko ibintu barimo gukora ntaho byabaye.

    Ibi byiyongereye ku gitutu cy’itangazamakuru naryo ryavugaga ko bitumvikana ukuntu ikipe yatsinda ntikomeze kandi yabikoreye.

    Amakuru yizewe ni uko bemeje ko imikino y’uyu munsi nirangira hakorwa urutonde rw’uko amakipe akurikirana maze ikipe ya 8 n’iya 9 zizakine umukino wa kamarampaka maze itsinze yiyunge kuri ya makipe 7 maze abe 8 akomeze ajye muri 1/8.

    Ngo bagowe cyane n’uko amakipe menshi yo mu cyiciro cya kabiri atigeze yiyandikisha mu gikombe cy’Amahoro bituma imibare itagenda uko babitekerezaga.

    FERWAFA ishobora guhindura itegeko

    Source : http://isimbi.rw/siporo/article/nyuma-yo-kotswa-igitutu-ferwafa-ishobora-guhindura-itegeko-nubwo-na-2013-yigeze-kurikoresha

  • Gare ya Nyabugogo yambuwe bimwe mu byerekezo bijya mu Ntara

     Hagamijwe gufasha abatuye Umujyi wa Kigali n’abawunyuramo berekeza mu Ntara zitandukanye gusangira Iminsi mikuru isoza Umwaka n’Imiryango yabo, Ubuyobozi bw’Umujyi wa Kigali bwashyizeho Ingamba zidasanzwe zijyanye n’Ingendo.

    Izi ngamba zigomba kubahirizwa guhera kuri uyu wa Gatandatu taiki ya 30 Ukuboza 2023, zirimo izijyanye n’aho abagenzi bagomba gufatira Imodoka ziberekeza mu byerekezo bitandukanye hanze ya Kigali.

    Umwanzuro ukomeye watangajwe n’Umujyi wa Kigali, urimo ko Gare mpuzamahanga ya Nyabugogo yambuwe bimwe byerekezo bijya mu Ntara, hagamije kunozwa imitangire ya Serivise z’Ingendo.

    Itangazo rigaragaza uko Ingendo zizakorwa, ryashyizwe hanze binyuze kuri Konti y’Urubuga Nkoranyambaga rwa X rw’Umujyi wa Kigali.

    Isozwa ry’Umwaka kimwe mu bintu bikunze kugorana mu bijyanye n’Ingendo, aho mu bihe bitandukanye Abagenzi bakunze kwijujutira uburyo bw’Ingendo ndetse hakaba hari bamwe bavuga ko barara muri za Gare bitewe no kubura Imodoka zibatwara.

    Mu Nama yahuje Ubuyobozi bw’Umujyi wa Kigali n’Inzego z’Umutekano zirimo Police mu Minsi ishize, Meya w’Umujyi Bwana Dusengiyumva Samuel, yari yabwiye Itangazamakuru ko hazakorwa ibishoboka byose ikibazo kijyanye n’Ingendo muri izi mpera z’Umwaka kigahabwa Umurongo mu buryo buri umwe atazagorwa no kugera mu Gace ashaka kwerekezamo.


    source : jafari mutabazi

  • Ndashaka umugabo uzajya umfasha mu buriri akanshyushya ! Umugore yarize ku karubanda arahogora #rwanda #RwOT

    Inkuru ikomeje kuvugisha benshi ku mbugankoranyambaga ni inkuru y'uyu mugore wagiye ku mbugankoranyambaga ararira cyane aratakamba avuga ko ashaka umugabo cyangwa umusore ujye umushyushya mu buriri.

     

     

    Amarira y'uyu mugore yasobanuye byinshi kuko yagaragaje ko afite agahinda ndetse ko abayeho nabi wenyine, kubera Umutima ukomeye yari afite yavuze ingorane yagiye ahura nazo mu rukundo bityo akaba adafite umugabo umuba hafi yewe ngo anamube hafi mu buriri.

     

     

    Nibwo uyu mugore yifashe amashusho ari kurira cyane avuga ko ashaka umugabo cyangwa umusore uzajya umuba hafi mu buriri maze asangiza ayo mashusho ku mbugankoranyambaga maze ayo mashusho atangira kuba kimenya bose dore ko umuntu ukoresha imbugankoranyamaga cyane ayo mashusho yayabonye.

     

     

    Nk'abandi bantu Bose burya nta muntu wishimira kubaho wenyine yigunze, kuko urukundo ni ikintu gikomeye ndetse gicyenerwa na buri wese bityo buri wese aba acyeneye wamuntu uzamwitaho akamuba hafi mi bibi ndetse no mu byiza igihe cyose.

     

     

    Abakoresha imbugankoranyamaga bakomeje kuvuga ko iyi mbeho ihari muri iyi minsi ko nubundi itapfa kurwa umuntu amahoro bityo bakomeje kuvuga umugabo witeguye yajya guha uyu mugore urukundo maze akumva ubushyuhe nawe.

     

     

     

     

    Source: Tuko.co.ke

    The post Ndashaka umugabo uzajya umfasha mu buriri akanshyushya ! Umugore yarize ku karubanda arahogora appeared first on The Custom Reports.

    Source : https://thecustomreports.com/ndashaka-umugabo-uzajya-umfasha-mu-buriri-akanshyushya-umugore-yarize-ku-karubanda-arahogora/

  • Naryamye mu mirambo kugirango mbeho nyuma y'impanuka nakoze ! Adam #rwanda #RwOT

    Inkuru ikomeje kuvugisha benshi ku mbugankoranyambaga ni inkuru y'uyu mugabo wo mu gihugu cya Tanzania witwa Adam yavuze ko yaryamanye n'imirambo kugirango abeho, ndetse akora impanuka umugore we amubonye yifuza ko yapfa.

     

     

    Nkuko uyu mugabo yavuze, ngo yahuye n'umugore we maze biyemeza kuzakomeza kubana nk'umugore n'umugabo. babyarana umwana umwe ariko ubuzima bumubera bubi maze inshuti ye imugira inama yo kujya mu gihugu cya Mozambique kugira ngo bajye gushaka amafaranga yahindura ubuzima bwabo.

     

     

    Iyo nkuru yayakiye neza kuko byamusabye ukwezi kumwe gusa kuba yageze mu gihugu cya Mozambique aho yakoraga akazi ko gucukura amabuye y'agaciro. Nyuma y'icyumweru akora yaje guhura n'impanuka biramugwira maze biba ngombwa ko ajya ku ivuriro.

     

     

    Ubwo yagezwaga ku ivuriro uyu mugabo amaguru ye yari yangiritse cyane ku buryo bukomeye. Kubera ko Atari umuturage wo muri icyo gihugu byabaye ngombwa ko amara iminsi myinshi ataravurwa. Icyakora ngo umugabo watwaraga imirambo mu modoka yamwemereye ubufasha maze amutwara mu mirambo amugeza ku mupaka wa Mozambique na Tanzania.

     

     

    Yahise ajyanwa ku bitaro byo mu gihugu cya Tanzania maze ubwo yahageraga umugore we amubonye yifuza ko yapfa kuko yumvaga n'ubundi atariburokoke. Icyakora yaje gukira ariko biba ngombwa ko amaguru ye bayaca.

     

     

    Nyuma yukwezi Ari mu bitaro yaje kuhava arataha ubu umugore we niwe uri kwita ku muryango ndetse aravuga ko bikomeje kubakomerera.

     

     

     

     

    Source: afrimax English

    The post Naryamye mu mirambo kugirango mbeho nyuma y'impanuka nakoze ! Adam appeared first on The Custom Reports.

    Source : https://thecustomreports.com/naryamye-mu-mirambo-kugirango-mbeho-nyuma-yimpanuka-nakoze-adam/

  • Umunyarwandakazi Clare Akamanzi yahawe kuyobora NBA Africa #rwanda #RwOT

    Clare Akamanzi uherutse gusimburwa ku buyobozi bw'Urwego rw'Igihugu rw'Iterambere (RDB) yahawe inshingano nshya, akaba yagizwe Umuyobozi Mukuru (CEO) wa NBA Africa izwiho kuzamura no guteza imbere abakinnyi bafite impano mu mukino wa Basketball muri Afurika.

    NBA Africa yatangaje ko imirimo mishya Clare Akamanzi yahawe azayitangira ku itariki ya 23 Mutarama 2024.

    NBA Africa ni ishami rya Shampiyona ya Leta Zunze Ubumwe za Amerika muri Basketball, National Basketball Association (NBA), rikaba rimaze gushinga imizi ku mugane wa Afurika aho rifite amarerero n'ibikorwa remezo ryubatse hirya no hino muri Afurika, bigamije gukuza impano ziri kuri uyu mugane mu mukino wa Basketball.

    Si ibyo gusa kuko iri shami rya NBA Africa ku bufatanye na NBA bategura amarushanwa, amaserukiramuco (Festival) kuri uyu mugabane wa Afurika mu rwego rwo gushaka no gufasha Abanyafurika gukina no gukunda umukino wa Basketball.

    Bimwe muri ibyo bikorwa uyu muryango ugiramo uruhare, harimo nka Basketball Africa League (BAL), irushanwa rihuza amakipe yabaye aya mbere iwayo mu bagabo ku mugabane wa Afurika, rikaba rimaze imyaka itatu riba ndetse rikanasorezwa mu Rwanda kuva muri 2021 ubwo ryatangizwaga ku mugaragaro.

    Mu zindi nshingano Clare Akamanzi afite nk'uko bikubiye mu itangazo rya NBA, harimo kugenzura ibikorwa by'ubucuruzi bya NBA, gushyira imbaraga mu iterambere rya Basketball ku mugabane wa Afurika, kuzamura umubare w'abakunzi ba Basketball yaba NBA ndetse na BAL ku mugane wa Afurika wose binyuze mu iterambere rya Basketball uhereye mu bakiri bato, itangazamakuru, gukorana n'abafatanyabikorwa no guteza imbere imibereho myiza y'urubyiruko muri Afurika.

    Clare Akamanzi ni umunyamategeko w'umwuga. Yatangiye gukora nk'impuguke mu bijyanye n'ubucuruzi mu 2004 akorera i Genève mu Busuwisi, nyuma aza gutangira gukorera u Rwanda ariko akiri mu Busuwisi aho yakoraga nk'intumwa ya Leta ireba cyane ibijyanye n'ibiganiro biganisha ku masezerano mu by'ubucuruzi mu Kigo Mpuzamahanga mu by'Ubucuruzi (World Trade Organisation).

    Akamanzi kandi yabaye i Londres mu Bwongereza nk'umudipolomate mu by'ubucuruzi, aza gusubira mu Rwanda mu 2006 aho yabaye Umuyobozi Mukuru wungirije mu Kigo cy'Igihugu gishinzwe Ishoramari no guteza imbere Ibyoherezwa mu Mahanga (RIEPA), mbere y'uko RDB ihuzwa n'ibindi bigo mu 2008.

    Clare Akamanzi yabaye Umuyobozi ushinzwe Ibikorwa mu Rwego rw'Igihugu rushinzwe Iterambere (RDB) nyuma aza gushingwa kuba Umuyobozi w'Ishami rishinzwe Ingamba na Politiki (Policy & Strategy Unit) mu Biro by'Umukuru w'Igihugu aho yavuye agirwa Umuyobozi Mukuru wa RDB.

    Clare Akamanzi yakuwe ku nshingano zo kuyobora RDB tariki 27 Nzeri 2023, asimburwa na Francis Gatare n'ubundi wigeze kuyobora RDB, Gatare na we akaba yari yarasimbuwe na Clare Akamanzi muri 2017.

    Clare Akamanzi asimbuye Umunyamerika Victor Williams wayoboraga NBA Africa kuva mu mwaka wa 2020, akaba yarasezeye muri ako kazi, akomereza mu bindi bikorwa.

    The post Umunyarwandakazi Clare Akamanzi yahawe kuyobora NBA Africa appeared first on FLASH RADIO&TV.

    Source : https://flash.rw/2023/12/28/umunyarwandakazi-clare-akamanzi-yahawe-kuyobora-nba-africa/?utm_source=rss&utm_medium=rss&utm_campaign=umunyarwandakazi-clare-akamanzi-yahawe-kuyobora-nba-africa

  • Kigali ntiyatanzwe! Injira mu bihe 10 bidasan… – #rwanda #RwOT

    U Rwanda, ni igihugu gikataje mu iterambere kandi kigenda kibigaragaza mu nzego zitandukanye uko bwije n'uko bukeye. Muri uyu mwaka, igisata cy'imyidagaduro muri rusange cyaranzwe n'ibihe byinshi bidasanzwe mu mateka y'u Rwanda.

    Muri uyu mwaka kandi, ababarizwa mu ruganda rw'imideli bakoze ijoro n'amanywa bitewe n'ibikorwa byinshi byawubayemo bigatuma akazi kiyongera.

    Dore ibihe bidasanzwe 10 byaranze imideli mpuzamahanga mu 2023 InyaRwanda yaguhitiyemo uyu munsi:

    1.     Imyambarire ya Miss Universe 2023

    Kuva Mitchel Ihueze yagera muri EL Salvador mu marushanwa ya Miss Universe 2023, yagaragaje itandukaniro mu myambaro ye yihariye yo muri Nigeria. Amarushanwa ageze ku musozo, uyu mukobwa yashyize imyambarire ye ku rundi rwego maze ahuza ibintu by’ibanze byarangaga abamikazi 3 bazwi cyane bagize uruhare rukomeye mu ruganda rw'imideli muri Nigeria.

    Yahuje kandi imyambaro y'abakozi b’umwamikazi Moremi na mask y'umwamikazi Idia, mask yateje impaka mu gitaramo cya Rema yakoreye kuri 02 Arena, hamwe n’igitambaro cya Amina, Umwamikazi wa Zazzau.

    2.     Imyambarire ya Rihanna muri Super Bowl 2023

    Atwite, umuhanzikazi Rihanna yatambutse ku rubyiniro mu myambaro myiza itukura, mu birori bya Super Bowl 2023. 


    Kubera ukuntu iyi mbambarire yakunzwe n'anatari bake, nayo ntishobora kwibagirana mu byaranze imideli muri uyu mwaka.

    3.     Doja Cat muri Schiaparelli’s Paris Fashion Week show

    Umuraperikazi yihariye ibirori byo gusoza icyumweru cyahariwe imideli i Paris, ubwo yahasesekaraga yisize irange ry'umutuku umubiri we wose kuva ku mutwe kugera ku birenge.

    4. Imyambarire idasanzwe ya Gigi Hadid muri Jacquemus

    Kimwe mu bihe bitazibagirana mu Isi y'imyambarire muri uyu mwaka ni uku kwamamaza kwa Jacquemus kwamamaye aho Gigi Hadid yakorewe imyambaro kugira ngo agaragare neza cyane mu rwego rwo kwitegura kwerekana imideli yabo ‘ChouChou’ muri Kamena.

    5.     Imyambarire ya Beyoncé muri Renaissance Tour

    Uretse imyambarire ihanitse ya Taylor Swift muri 'Eras Tour,' umuhanzikazi Beyoncé nawe yaciye impaka yambara imyambaro yihariye mu bitaramo yise 'Renaissance Tour.'

    6.     Rawdah Mohamed mu iserukiramuco rya sinema rya Cannes

    Umunyamideli wavukiye muri Somalia,Rawdah Mohamed yatambutse ku itapi itukura mu mwambaro umeze nk'uwabageni ariko na none wihariye, mu iserukiramuco rya sinema rya Cannes ryabaye muri uyu mwaka.

    7. Imigaragarire ya Margot Robbie muri filime ya 'Barbie'

    Imyambire n'imigaragarire ya Margot Robbie mu itangizwa rya filime yakunzwe cyane muri uyu mwaka yiswe 'Barbie,'nayo iri mu bidasanzwe byaranze imideli mu 2023.

    8. Imyambarire idasanzwe y'abitabiriye Met Gala 2023

    Mu byamamare byatambutse mu myambarire idasanzwe ku itapi itukura harimo, Rihanna n'umugabo we A$AP Rocky, Camilla Morrone, Anne Hathaway, Anok Yai, Michaela Coel n'abandi.

    9. Imyambarire y'ibyamamare byitabiriye itangwa ry'ibihembo bya VMAS 2023

    Bimwe mu bihembo bya muzika bikomeye ku Isi, byitabirwa n'ibyamamare bitandukanye. Mu birori by'uyu mwaka, ibyamamare byari byambaye mu buryo  butangaje harimo umuraperikazi Nicki Minaj, Selena Gomez, Shakira, Doja Cat, Megan Thee Stallion, Cardi B, Demi Lovato, Selena Gomez, Ashanti, Nicky Hilton n'abandi benshi.

    10. Imyambaro ya 'Made in Rwanda' muri Trace Awards 2023

    Ibori bidasanzwe biherutse kubera i Kigali mu Rwanda byatangiwemo ibihembo bya Trace, byasize byerekanye ko urwego rw'imideli mu Rwanda rumaze kugera ku yindi ntera. Muri ibi birori byamaze iminsi ibiri, ndetse n'ibindi birori mpuzamahanga byabereye mu Rwanda muri uyu mwaka, haba anayarwanda n'abanyamahanga bose bagiye bagaragara bambaye imyambaro yakorewe mu Rwanda kandi myiza mu buryo bwihariye.

    Source : https://inyarwanda.com/inkuru/138025/injira-mu-bihe-10-bidasanzwe-byaranze-imideli-mpuzamahanga-mu-2023-amafoto-138025.html

  • Kwitabira ibirori kenshi bishobora gutera ikibazo cyo mu mutwe #rwanda #RwOT

    Iyi phenomen yashinze imizi mu bintu bitandukanye bifitanye isano bigira ingaruka kumarangamutima,bikagaragaza ko kwitabira ibirori kenshi bitanari ngombwa bitera depression.

     

    Ni kenshi muntu aba yumva yakitabira ibirori runaka inshuro nyinshi kandi rimwe na rimwe ugasanga bitanari ngombwa,bimwe muri ibyo birori harimo nk'amasabukuru,ubukwe,ibitaramo by'abahanzi,ibirori by'imipira n'andi maserukiramuco runaka.Ibi bikagaragara ko umuntu ukunze kwitabira ibi bikorwa kenshi bishobora gutuma umuntu agira ikibazo ku buzima bwo mu mutwe(Depression).

    Ibimenyetso

     

    Bimwe bagize uruhare runini mu kwiheba bituruka ku kwitabira ibirori kenshi ni umunaniro rusange. Guhora uhura n'ibitera imibereho nta gihe gihagije cyo gutekereza kugiti cyawe bishobora gutera umunaniro. Gusabana cyane muri ibi birori bisaba imbaraga n'ishoramari ry'amarangamutima. Iyo ibi bihindutse mu buzima bw'umuntu, bishobora kuvamo kunanirwa mumarangamutima, no kumva urenze bityo munaniro nk'uwo ugira uruhare mu iterambere ry'ibimenyetso byo kwiheba.
    Mu birori akenshi abantu muhura ntago ariko bose muba mwari muziranye cyangwa mugabwe mwisanzuranaho rero kwitabira ibirori byinshi bishobora kwerekana umuntu kugiti cye, ariko ntibishobora guteza imbere amasano yimbitse. Hatariho umubano nyawo, abantu bashobora kumva ko bari bonyine nubwo bari muri benshi. Uku kubura guhuza kwukuri n'abantu muri kumwe gushobora kugira uruhare mubyiyumvo byo kwigunga no kwiheba.
    Kwitabira kenshi ibirori bishobora guhungabanya ibitotsi na gahunda za buri munsi. Gahunda yo gusinzira idasanzwe hamwe n'ingeso zidahuye buri munsi bizwi ko bigira uruhare mukwiheba. Kubura ikiruhuko gikwiye bigira ingaruka kumyumvire, imikorere y'ubwenge, no kumererwa neza mumutwe bitewe n'uko akenshi ibirori bikunze kuba mu masaha y'ijoro. Iyo ibirori bihungabanya ibitotsi bisanzwe na gahunda z'umunsi ugabwe ugira, bitera kumva wihebye.
    Kwitabira ibirori akenshi bitwara amafaranga, uhereye ku mafaranga y'ingendo kugeza ku kugura imyenda n'impano. Ibibazo by'amafaranga bijyana no gukomeza imibereho ikora neza bishobora kugira uruhare mu guhangayika aho utangira kwibaza cyane uburyo ugomba kujya muri ibyo birori ntacyo witwaje imyambarire iri bukurange n'ibindi, bikarushaho kugora imikorere y'ubwonko. Umuvuduko wo kugendana n'ibyifuzo byimibereho ishobora gutuma abantu bakoresha ibirenze ubushobozi bwabo, bakongeraho urundi rwego rwimpungenge mubuzima bwabo aho ibi byose yongera kubitekerezaho cyane bucyeye bwaho.
    Bityo rero kwitabira ibirori byinshi bitari ngombwa bishobora gutera ibi bibazo twavuze nk'ihungabana binyuze mu guhuza n'abo bari kumwe, guhungabanya ibitotsi na gahunda, hamwe n'ubukungu. Si byiza kwiyumvamo ko buri kirori cyose kije ukabona kirimo n'abantu ukunda cyane udakwiye gutwarwa n'ayo marangamutima ahubwo ugabanye ndetse no guhitamo bicye by'ingenzi,kwiyitaho no gushyira imbere ubuzima bwiza mumutwe nintambwe zingenzi muguhashya ingaruka mbi ziterwa no kwitabira ibirori bikabije kubuzima bwo mumutwe.
    Source,Lotus Medical center
    Suite 4, 200 Sydney Road Brunswick VIC 3056

    The post Kwitabira ibirori kenshi bishobora gutera ikibazo cyo mu mutwe appeared first on The Custom Reports.

    Source : https://thecustomreports.com/kwitabira-ibirori-kenshi-bishobora-gutera-ikibazo-cyo-mu-mutwe/

  • Wambarwa rimwe gusa! Byinshi ku musatsi w’umu… – #rwanda #RwOT

    Ku wa 23 Ukuboza 2023, umuhanzi Mugisha  Benjamin wamamaye nka The Ben yakoze ubukwe n’umukunzi we Uwicyeza Pamella wamenyekanye cyane mu marushanwa y’ubwiza (Miss Rwanda) mu mwaka wa 2019.

    Mu muhango wo gusezerana imbere y’Imana, The Ben yaserutse yambaye umusatsi w’umukorano bitadukanye n’umusatsi yari asanzwe afite. Ni umusatsi wambarwa iyo umuntu agiye mu birori cyangwa se agiye gufata ifoto kugira ngo izabe imeze neza cyane.

    Ni umusatsi wateje impaka ku mbuga nkoranyambaga buri wese avuga uko abishaka cyane ko nta makuru arambuye abantu benshi bari bafite kuri uwo musatsi yewe bamwe bakawusebya kuko batazi agciro kawo ndetse n’icyubahiro uyu musatsi ufite.

    Uyu musatsi ubusanzwe wambarwa n’abagabo, urimo ibyiciro byinshi bitandukanira ku ibara ry’umusatsi, imiterere y’umusatsi, ingano y’umusatsi ndetse n’agaciro k’umusatsi. Nubwo byaterwa n’aho wawushyirishijeho, twagerageje kumenya agaciro k’uwo musatsi.

    Umusore umaze kuba ubukombe mu gutunganya imisasti haba ku bagabo ndetse n’abagore, Wa Muniga ukorera mu mujyi wa Kigali, twamubajije agaciro uyu musatsi waba uhagaze mu gihe umuntu yaba agiye kuwishyirishaho muri Salon ye atubwira ko bigendera mu byiciro.

    Wa Muniga yabwiye InyaRwanda.com  ko muri Salon ye uwa make uba uhagaze amafaranga 50,000 Frw hanyuma waba ushaka umusatsi mwiza kurusha ukishyura agera ku 300,000 Frw.

    Iyi misatsi yombi aho itandukanira, ni uko uwa make biba bigaragara cyane ko ari umuterano gusa ku musatsi wa menshi ntabwo abantu bakunze kumenya niba koko ari umuterano cyangwa ari karemano.

    Nagize ngo ni uko yanditse izina akaba yahenda, nkubita ijisho ku rubuga rwa Amazon rucururizwaho ibintu bitandukanye nsanga umusatsiw’abagabo b’abirabura uhagaze $250 ni ukuvuga akabakaba 300,000 Frw.

    Ikindi cyo kumenya kuri uyu musatsi bigaragara ko wambarwa n’ufite ikofi ijegajega, ni uko wambarwa rimwe gusa ubundi ukaba urangije akazi kawo. Akenshi wambarwa n’abantu bagiye mu birori cyangwa bagiye gufata ifoto. 

    Mu gushyira uyu musatsi ku mutwe, ntabwo biba ngombwa ko buri gihe aba awambaye nk’ingofero ahubwo uko amafaranga yiyongera niko barushaho gushyira ku mutwe ibimatira ku buryo umusatsi ufata cyane nta kibasha kuwukuraho kereka ari ubushake bw’uwawushyizeho.

    Bamwe mu bantu bafite uruhara,umusatsi utereye kure kandi bifuza kugaragara neza nibwo buryo bwiza kandi bwihuse bakunze gukoresha kugira ngo base neza mu gihe runaka hari iyo bagiye gukora.

    The Ben siwe cyamamare gusa waserutse yambaye umusatsi w’umukorano kuko abarimo Charlie Sheen, Jon Cryer, Robert Pattinson. Daniel Craig, Jude Law, John Travolt ni bamwe mu byamamare by’abagabo bagiye baseruka bambaye umusatsi w’umukorano.

    Mu bukwe bwe, The Ben yakoresheje umusatsi w’umukorano

    Ni umusatsi wambarwa rimwe gusa kandi ukaba uhenze cyane


    Ku wa Gatandatu nibwo The Ben yakoze ubukwe na Pamella

    Ku wa mbere tariki ya 25 Ukuboza 2023 ajya muri BK Arena mu gitaramo cya Israel Mbonyi,  The Ben yari yakuyeho umusatsi we

    Robert Pattinson yambaye umusatsi w’umukorano

    Icyamamare mu gukina Film, Al Pacino ni umwe mu baryoheje ifoto yishyiraho umusatsi w’umukorano

     
    Pat Sajack ukunzwe cyane kuri Televiziyo muri Amerika nawe yigeze kwishyiraho imisatsi y’imikorano. Si rimwe si kabiri akunze kwambara umusatsi w’umukorano

    Source : https://inyarwanda.com/inkuru/138023/wambarwa-rimwe-gusa-byinshi-ku-musatsi-wumukorano-the-ben-yambaye-mu-bukwe-bwe-138023.html