Webrwanda Backend

Blog

  • Magaly Pearl yahishuye iyerekwa yagize ryasub… – #rwanda #RwOT

    Uyu mukobwa ubarizwa muri Leta Zunze Ubumwe za Amerika, yabwiye InyaRwanda ko kuva akiri muto yifuzaga gukora ibikorwa b'ubushabitsi bishamikiye ku kurimbisha ahantu cyangwa se gukora ibikorwa bijyanye n'ibirungo by'ubwiza bifasha abakobwa, ashyira ku isoko 'Brand' nshya yise 'Pealy Cosmetics'.

    Yavuze ati 'Kwinjira mu byo gukora iby'ibirungo by'ubwiza ni inzozi nahoranye. Mu nzozi nagize cyangwa se nari mfite gutangira 'Brand' yanjye y'ibirungo by'ubwiza byari birimo. Ndabyibuka nashatse kubikora mu 2017 ariko ntibyakunda. Ntabwo nabigiyemo cyane, ntabwo navuga ko nari nkuze bihagije.'

    Magaly Pearl yavuze ko muri kiriya gihe atari afite ubumenyi buhagije bwari gutuma yinjira mu bucuruzi, biri no mu byatumye afata igihe cyo kubanza gukorera abandi, ariko yita cyane ku gukorana n'ibigo n'amaduka akora ibijyanye n'ibirungo by'ubwiza.

    Ati 'Nagombaga kubanza guca bugufi, nkabanza kujya gukorera undi muntu hanyuma nkavuga nti noneho nditeguye kugirango mfungure ibyanjye.'

    Uyu mukobwa yavuze ko mu 2021, ari bwo yongeye kugira igitekerezo cyo gutangira kwikorera. Ati 'Byaje mu nzozi! Ndabyibuka, hari uburyo bwinshi Imana inkoreramo cyangwa se imbwira mu buryo butandukanye ariko cyane cyane mu inzozi.'

    Akomeza ati 'Nabwiye Imana nti niba ushaka ko mbyinjiramo reka mbikore ariko nshoboza ufungure imiryango, kandi imiryango ikwiye, bitabangamiye, kandi bidaciye mu nziza zitakubaha, kandi nanjye bidaciye mu nzira zidahuye n'amahame yanjye ya gikirisitu. Ni uko rero byaje.'

    Magaly Pearl yavuze ko akimara kwakira iyerekwa, yahise atangira ibikorwa byo kwandikisha ubu bucuruzi, gushaka izina, aho gukorera n'ibindi byatumye akora ubushakashati ku bucuruzi yari agiyemo kwinjira byafashe mu gihe cy'imyaka ibiri.

    Yavuze ko ubu bushabitsi bw'ibirungo by'ubwiza, atari we gusa ubikora mu muryango we, kuko yaba Nyina ndetse na bamwe mu bavandimwe be ari kimwe mu bikorwa bakoraga.

    Magaly Pearl ati 'Ntabwo ari ubucuruzi gusa, ahubwo ni inzira yo gukora umurimo w'Imana mu buryo bwagutse, gukora no gutinyura bagenzi banjye b'abakobwa.'

    Imyaka itanu irashize yakiriye agakiza

    Magal yavuze ko kuva yaha ubuzima Kristo 'numva muri njye mbohotse, kandi nishimye'. Yavuze ko atiyumvisha ubuzima bwa mbere y'uko yiyegurira Imana, kuko kuva yatangiye urugendo rwo gukorera Kristo ari bwo yabayeho ubuzima bwuzuye.

    Uyu mukobwa yavuze ko 'ndi umuntu wishimye cyane, mfite amahoro, ndatekereza ngahanga ibishya, kandi ndatekereje'.

    Yavuze ko kwakira Kristu rimwe na rimwe bijyanye no guhura n'ibigeragezo, bya bamwe na bamwe batiyumvisha 'ko wamaze guhinduka'.

    Magaly Pearl avuga 'n'iyo ibigeragezo bije uba ufite amahoro ya Kristu, ntabwo ari ibintu biguhangayikisha'. Ati 'Uba wumva ni ibintu nyine biri kuba ufite amahoro y'Imana, kandi ni ibintu bizatamara kabiri'.

    Uyu mukobwa yavuze ko kwakira Imana ari kimwe mu byemezo byiza yafashe mu buzima bwe, kizakurikirwa n'icyemezo cya kabiri cy'umuntu 'tuzabana ubuziraherezo'.

    Yavuze ko kuva yakwakira agakiza, hari abantu 'tutakiri inshuti ariko nanone ntabwo turi abanzi'. Ati 'Buriya abantu muba inshuti kubera ko muhuje inyungu, ariko iyo inyungu zihindutse, akenshi nanone abantu barahinduka. Navuga ko hari abantu tutakivugana, ariko nanone mfite inshuti nziza Imana yampaye, nazo nishimiye kandi duhuje.'

    Magaly Pearl yavuze ko muri izi nshuti afite, harimo abakiriye Kristu nyuma yo kubaganiriza akababwira inkuru nziza n'amahoro afite mu mutima. Ariko kandi hari n'abandi 'Imana yiyeretse mu buryo bwayo barayakira'. 

    Kanda hano urebe urubuga rwa Magaly Ingabire

     

    Magaly Pearl yatangaje ko yinjiye mu bushabitsi bw'ibirungo by'ubwiza ashyira ku isoko 'Brand' ye yise 'Magaly Cosmetics'

    Magaly Pearl yavuze ko mu 2017 ari bwo yagiye iyerekwa ryo kwinjira mu bushabitsi, ariko abona igihe kitari cyagera kuri we 

    Magaly Pearl yavuze ko nyuma y'imyaka itanu ishize yakiriye agakiza, yagiye ahura n'abantu bamucaga intege, ariko kandi hari inshuti ze zakiriye agakiza

     

    KANDA HANO UREBE INDIRIMBO 'HOLD ME' YA MAGARLY PEARL

    “>

    Source : https://inyarwanda.com/inkuru/138093/magaly-pearl-yahishuye-iyerekwa-yagize-ryasubije-inzozi-yagize-mu-2017-amafoto-138093.html

  • Musabe Dieudonne yakoze indirimbo yicyomoro… – #rwanda #RwOT

    Muri Nyakanga uyu mwaka ni bwo hacicikanye amashusho ya Musabe Diedonne yambika impeta umukobwa witwa Uwajeneza Ariane mu buryo bamwe bari bafashe nka “Prank”, gusa bikaza kumenyekana ko ari ibyanyabyo.

    Inkuru y’aba bombi yaravuzwe cyane biza no kumenyekana ko bari bamaze amezi atatu bamenyanye bagahita batangira no gutegura ubukwe, gusa ntabwo byaje gukunda kuko habura iminsi micye aba bombi bahise batandukana.

    Nk'umuhanzi, Musabe yakoze mu nganzo akora igihangano gishingiye ku ihungabana n'ibikomere yagize, gusa akaza gushobozwa kwihangana no kwizera Imana yo yemeye ko ibyo bimubaho.

    Mu kiganiro na InyaRwanda, Musabe Dieudonne wamenyekanye mu ndirimbo “Network”, yateruye agira ati: 'Indirimbo yitwa “Naranyuzwe” ifite aho ihuriye cyane n’ibyo nanyuzemo ukwezi kwa munani kugeza vuba aha ngaha.'

    Avuga uburyo yamufashishije mu bihe bikomeye byo gupfa k’ubukwe bwe, yagize ati: 'Iyi ndirimbo yambereye nk'icyomoro yambereye nk'umuti mu buryo bwo kunyura mu ihungabana narimo kunyuramo ishingiye ku kuba narambite impeta igasa nk’aho ipfuye;

    Uwo twendaga kuba twakomezanya urugendo rw'ubuzima biba ngombwa ko afata inzira yanjye, nanjye nkafata inzira yanjye. Byarangoye kubyakira byaranashobokaga ko nkomeza nkatana kuko n'ubundi nari naravuye mu murongo sinakomeza gukorera Imana.'

    Ku birebana no kuva mu gakiza yavuze impamvu agira ati: 'Naje kubihagarika kubera amasomo n'akazi ariko iyo ntabwo ari impamvu ifatika iyo uri mu muhamagaro ukomeza umuhamagaro.'

    Musabe ashima Imana ko nubwo byari bikoye yakomeje gushikama ati: 'Nakabaye naratakaje ubugingo cyangwa ndi handi wenda muri za gereza kuko gutandukana na we ntabwo ari ibintu byanyoroheye.'

    INKURU WASOMA: Yamutunguye arimo gusenga: Musabe Dieudonne yateye ivi yambika impeta umukunzi we biteza urujijo-VIDEO

    Uyu muramyi arasaba abantu kujya bemera inama ati: 'Nsanga ibitekerezo byatanzwe bibi mwambika impeta, byari ubuhanuzi burya abanyarwanda nibagira ibyo bavuga ntitukabatere amabuye kuko burya nta nduru ivugira ubusa.'

    By'umwihariko Musabe avuga abo yifuje ko iyi ndirimbo yazafasha ati: 'Iyi ndirimbo nifuje kuyitura abantu bose bari kunyura mu bihe nk'ibyo ndi kunyuramo, abantu bababajwe n'umutima, abantu bababajwe n'agahinda gakabije bababajwe n'ubwigunge.'

    Asezeranya abantu ko agiye gukora indirimbo nyinshi kandi nziza zo kuramya no guhimbaza Imana ati: 'Ubu mfite abantu turi gukorana umwaka utaha nkakomerezaho mbaha indirimbo mbegereza Imana kandi nizeye ko izanshyigikira kandi nzi ko ari cyo nahamagariwe.'

    KANDA HANO WUMVE UNAREBE NARANYUZWE YA MUSABE DIEUDONNE

    Musabe Dieudonne yakoze indirimbo ishingiye ku nkuru y’ibihe bitoroshye yagiriye mu rukundo. Ni indirimbo yise ‘Naranyuzwe’Musabe yahamije ko ibyabaye byose ari igeno ry’Imana kandi ko yize kumenya ko iruta byose ndetse ko agiye kuyikorera ashikamye akoresheje impano yamuhaye

    Musabe yahishuye ko yatandukaye na Ariane yari aherutse kwambika impeta

    Musabe na Ariane biteguraga gukora ubukwe ariko bwamaze gupfa

    UBWO MUSABE YAMBIKAGA IMPETA ARIANE

    Source : https://inyarwanda.com/inkuru/138096/musabe-dieudonne-yakoze-indirimbo-yicyomoro-nyuma-yo-gutandukana-ninkumi-yambitse-impeta-b-138096.html

  • Ishimwe Elie w’imyaka 14 yakoze amateka mu mu… – #rwanda #RwOT

    Uyu musore yabigezeho nyuma yo gukina umukino w’igikombe cy’Amahoro ikipe ye yatsinzwemo na Gasogi United ibitego 3-0. Uyu mukino wo kwishyura, Ishimwe Elie yinjiye mu kibuga asimbuye Masezerano Benjamin ku munota wa 30, nyuma yaho ikipe ye yari itsinzwe igitego cya mbere.

    Ishimwe Elie kandi niwe ufite agahigo mu Rwanda k’umukinnyi wabonye icyangombwa cyo gukina shampiyona y’icyiciro cya mbere cyangwa icya kabiri akiri muto, aho yari afite imyaka 13 amezi 11 n’umunsi 1, icyo gihe akaba yari mu cyiciro cya gatatu.

    Ishimwe Elie kandi mu cyiciro cya kabiri, asanzwe abanza mu kibuga aho mu mikino ine amaze gukina, afite uruhare rw’ibitego 5 birimo ibitego 2 n’imipira 3 ivamo ibitego.

    Bimwe mu bindi bihe byiza Ishimwe Elie amaze kugira, yabaye umukinnyi mwiza muri Bayern Munich World Cup U-16 (aho yari Kapiteni w’u Rwanda), yakoze igerageza mu ikipe ya Anderlecht, kandi asanzwe ariwe Kapiteni w’ikipe y’igihugu y’abatarengeje imyaka 15.

    Ishimwe Elie ni Kapiteni w’ikipe y’igihugu y’abatarengeje imyaka 15 

    Ishimwe Elie ubwo yari mu Bubiligi mu igerageza, yahuye na Ndayishimiye Mike uherutse gufata umwanzuro wo gukinira u Bubiligi  

    Ubwo Tsinda Batsinda FC ya Ishimwe Elie yegukanaga igikombe cya shampiyona y’icyiciro cya gatatu idatsinzwe

    Yayoboye u Rwanda mu mikino ya CECAFA U15 iheruka kubera muri Uganda 

    Source : https://inyarwanda.com/inkuru/138101/ishimwe-elie-wimyaka-14-yakoze-amateka-mu-mupira-wamaguru-mu-rwanda-138101.html

  • Perezida w'u Burundi yemeje ko bafasha FARDC kurwanya M23 #rwanda #RwOT

    Perezida w'u Burundi Evariste Ndayishimiye yemeje ko bafasha FARDC ku rwanya M23.

     

    Agaruka ku basirikare b'abarundi bafatiwe muri Congo na M23, Perezida w'u Burundi, yemeza ko iperereza rye ryamweretse ko abo basirikare ari aba Red Tabara barwanira M2.Red Tabara akaba ari  umutwe urwanya igihugu cy'u Burundi.

     

    Muri iki kiganiro n'abanyamakuru Evariste Ndayishimiye yemeje ko igihugu cye kiri gufasha FARDC  kuko ngo inzu y'umuturanyi ntiyashya ngo ntumufashe kuyizimya.Yagize ati:'Kubijyanye n'Umutekano wo muri Repubulika Iharanira Demokarasi ya Congo , nk'uko mubizi ni Igihugu cyinjiwemo n'akajagari kubera imitwe myinshi .

     

    'Rero mu Karere ka Afurika y'Iburasirazuba, twafashe umwanzuro wo kubafasha , rero iyo murimo murafasha ntibikuraho amasezerano muba mufitanye.Ibihugu rero iyo bifitanye amasezerano y'uko bitabarana ibyo birakorwa kuko , inzu y'umuturanyi nishya ntujye kuyizimya nawe iyawe nishya ntabwo azaza kandi ntawe umenya uko ibiza biza, ariko iyo mutabarana biba ari byiza.

     

    Iyo rero Igihugu cy'u Burundi kigiye gutabara Igihugu cya Repubulika Iharanira Demokarasi ya Congo, kigiye gutabara nk'uko cyitabaye kuko , burya imirwano myiza, uba ugomba kumenya kuyirwana utarayirwana.Buriya rero iyo ugiye mu bikorwa nk'ibyo byo gufasha igihugu uba witeguye neza kuko imirwano ni umukino wo gupfa'.

     

    Evariste yavuze ko kuba umusirikare bisaba kwitegura gupfira igihugu , ukamenya ko gupfa ari ibisanzwe ukemera ukitanga.

    The post Perezida w'u Burundi yemeje ko bafasha FARDC kurwanya M23 appeared first on The Custom Reports.

    Source : https://thecustomreports.com/perezida-wu-burundi-yemeje-ko-bafasha-fardc-kurwanya-m23/

  • Cyera kabaye Perezida Ndayishimiye yeruye ko Ingabo z’u Burundi nazo ziri mu rugamba na M23 #rwanda #RwOT

    Byari bimaze iminsi bivugwa na M23 umaze igihe ihanganye na FARDC, ko ingabo z’u Burundi na zo zinjiye mu bufatanye bwa FARDC yiyambaje imitwe irimo FDLR n’abacanshuro.

    Uyu mutwe wa M23 wahamyaga ko abasirikare b’u Burundi na bo binjiye muri uru rugamba, wanagiye werekana bamwe mu bo wabaga wafatiye ku rugamba, ndetse ukanatangaza ko no mu bo wivugana, barimo.

    Perezida Evariste Ndayishimiye wari utaragira icyo avuga kuri ibi birego bya M23, yabyemeje ko abasirikare b’Igihugu cye, bagiye gutera ingabo mu bitugu igituranyi cyabo cya Repubulika Iharanira Demokarasi ya Congo.

    Yavuze ko uku gutaraba RDC, ari umusaruro w’amasezerano Ibihugu byombi bifitanye.

    Ati 'Ibihugu iyo bifitanye amasezerano y’uko bitabarana, biratabarana kuko inzu y’umuturanyi nishya, ntujye kuyizimya, nawe iyawe nishya, ntabwo azaza kandi nta wumenya ibiza uko biza. Iyo rero u Burundi butabara Repubulika Iharanira Demokarasi ya Congo, kigiye gutabara nk’uko cyitabara kuko intambara nziza usabwa kumenya kuyirwana utarayirwana.'

    Yanavuze kandi ku basirikare b’u Burundi bari kugwa kuri uru rugamba, avuga ko ari ko intambara imera, asubiza Abarundi bari bamaze iminsi basaba Leta yabo gutanga ibisobanuro ku basirikare b’Igihugu cyabo bari kugwa mu rugamba rwo muri Congo.

    Ati 'Intambara ni umukino wo gupfa. Iyo wanze gupfa, ntuba umusirikare, uhita witahira. Umusirikare abanza kumva mu mutwe ko gupfa apfiriye Igihugu, mwebwe mutari abasirikare n’abapolisi, mwumva urusasu mukajya aho rutaturikiye, bo biruka bajya aho rwaturikiye.'

    UKWEZI.RW

    Source : http://www.ukwezi.rw/Mu-mahanga/article/Cyera-kabaye-Perezida-Ndayishimiye-yeruye-ko-Ingabo-z-u-Burundi-nazo-ziri-mu-rugamba-na-M23

  • Kigali : Ikirombe cyamize batatu bahasiga ubuzima ku manywa y’ihangu #rwanda #RwOT

    Iyi mpanuka y’ikirombe cyagwiriye abantu, yabaye ku manywa kuri uyu wa Kane tariki 28 Ukuboza 2023, ubwo hagwaga imvura, hakumvikana ikintu kiridutse, abantu bagahurura.

    Ubwo iki kirombe cyaridukaga, abatuye muri aka gace bahise bakeka ko gihitanye abantu, bihutira kuhagera ndetse n’inzego zirimo iz’ubuyobozi bw’ibanze, bashakishije bagahita babona abantu babiri bitabye Imana, mu gihe undi umwe yakomeje gushakishwa.

    Umwe mu baburiye abe muri iki kirombe, akaba umugore we, yavuze ko yari yagiye amubwira ko agiye gushaka icyo bari burye ku manywa.

    Yagize ati 'Yabyutse ambwira ngo reka ndabona nta kintu dufite, reka nge guhiga icyo tuza kurya. Umutima wanze, nohereza abana kuvoma babiri, ndababwira ngo ni muzamuka muce aho iso ari, mwumve icyo ababwira,dushyire inkono ku ziko dore saa sita zirageze.'

    Avuga ko imvura yahise igwa, akumva ataguma mu nzu wenyine, ari bwo yahitaga ajya kureba umugabo we cyangwa abana, agezeyo asanga yaguze ifu y’ibigori, akamusaba ko bataha ariko akanga.

    Ubwo uyu mugore ngo yatahaga, akigira imbere gato yumvise ikintu kiridutse, ahita agaruka asanga ikirombe cyigwiriye abarimo umugabo we.

    UKWEZI.RW

    Source : http://www.ukwezi.rw/Mu-rwanda/article/Kigali-Ikirombe-cyamize-batatu-bahasiga-ubuzima-ku-manywa-y-ihangu

  • Wamugabo wafashe kungufu imbwa 42 zigapfa yagejejwe imbere y'urukiko #rwanda #RwOT

    Mu nkuru yavugishije abantu benshi ku mbugankoranyambaga ni inkuru yuyu mugabo wafashe kungufu imbwa 42, ndetse abantu benshi bibaza uko uyu mugabo yakoresheje izo mbwa imibonano mpuzabitsina ku gahato.

     

    Kuri ubu uyu mugabo yagejejwe imbere y'urukiko. Nkuko byatangajwe ubwo  yatabwaga muri yombi, uyu mugabo yafunzwe azira ko yafashe kungufu imbwa 42 ndetse zikanapfa cyane ko izo mbwa ngo zahuye n'ibibazo nyuma yo gufatwa kungufu.

     

    Bivugwa ko uyu mugabo yari asanzwe Ari umuntu wita ku nyamaswa ndetse ndetse yita kuri pariki. Izo mbwa 42 zose bivugwa ko yazifashe kungufu mu myaka 10. Muri iyo myaka yose uyu mugabo yabashije gufata kungufu imbwa 42 ndetse akaba aribyo Ari kuzira kuri ubu.

     

    Bivugwa ko yitwa Adam Britton, ndetse  ko uyu mugabo yakoreye ibyo byaha mu gihugu cya Australia kuri ubu uyu mugabo yagejejwe imbere y'urukiko.

     

    Abakoresha imbugankoranyamaga hirya no hino bakomeje kuvuga ko uyu mugabo ashobora kuba afite ikibazo kuko ngo umuntu usanzwe adakwiye kwitwara gutyo kugera aho afata kungufu imbwa 42 zose.

     

     

     

     

    Source: Radio Jambo

    The post Wamugabo wafashe kungufu imbwa 42 zigapfa yagejejwe imbere y'urukiko appeared first on The Custom Reports.

    Source : https://thecustomreports.com/wamugabo-wafashe-kungufu-imbwa-42-zigapfa-yagejejwe-imbere-yurukiko/

  • Zari Hassan yahaye gasopo abari kumugira umukecuru #rwanda #RwOT

    Umunyamideri Zari Hassan uri mu Rwanda mbere yo kujya mu gitaramo yihanangirije abafata amafoto ye bakayagira uko bashaka.

     

    Uyu mugore w'abana batanu n'imyaka 46 yongeye gusubira mu magambo yabwiye abanyamakuru bo muri Uganda ubwo bafataga amashusho ye asa n'umukecuru ngo bakayakorera 'Edit' kugira ngo bamusebye.

     

    Zari anyuze kuri 'Story ya Instagram' ye , yagaragaje ko kumuvuga nabi ari ishyari riba ririkubarya bibaza impamvu ari gutera imbere akanakora cyane bigatuma batekereza uburyo bakoresha ngo bamushyire hasi.Zari Hassan yavuze ko ari mwiza kandi ko azahora ari mwiza.

     

     

    Mu magambo ye yagize ati:'Ikibazo ni kuki mukomeje kubangamirwa nuko ngaragara.Guhindura amafoto yanjye  mugamije guhaza inkuru zanyu nta hantu na hamwe bizigera bimpindura.Niba mukomeje kubabazwa nabyo mujye gushaka ubuvuzi.Mukomeza mwibaza ngo kuki ari gutera imbere kuki ari gutsinda , ndabizi kandi muvugane n'Imana kuko sinjye kubazo'.

     

    Uyu mugore yahise atumira abo bantu kujya muri The Wave Lounge kujya kumureba mu gitaramo afite uyu munsi cya All White Party.Zari yishingoye agaragaza ko ntawabasha kumushyira hasi kuko ngo Imana yamusize amavuta.

    The post Zari Hassan yahaye gasopo abari kumugira umukecuru appeared first on The Custom Reports.

    Source : https://thecustomreports.com/zari-hassan-yahaye-gasopo-abari-kumugira-umukecuru/

  • Urutonde rw’abakinnyi 4 APR FC yajyanye mu igeragezwa Zanzibar #rwanda #RwOT

    APR FC yamaze gushyira hanze urutonde rw’abakinnyi 24 ijyana muri Mapinduzi Cup, barimo abakinnyi 4 bashya igomba kugerageza.

    Muri aba bakinnyi APR FC ihagurukana kuri uyu wa Gatanu, harimo abakinnyi 18 isanganywe biganjemo abakinnyi batakinnye imikino myinshi mu gice kibanza cya shampiyona.

    Harimo abakinnyi babiri b’abanyarwanda bamaze gusinya barimo Kategeya Elie wavuye muri Mukura VS ndetse na Mbonyumwami Taiba yari yaratije muri Marines FC.

    Abandi bakinnyi barimo rutahizamu ukomoka muri Cameroun, Amadou Kada Moussa ndetse na mwene wa bo witwa Soulei Sanda ukina inyuma ya ba rutahizamu.

    Hari kandi Abdouramane Alioum ndetse na Aboubacar Moussa na bo bakomoka muri Cameroun.

    Ni abakinnyi bigoranye kuba wabona amakipe agiye banyuramo ndetse n’amafoto ya bo, ndetse n’amakuru aturuka i Shyorongi avuga ko n’urwego rwa bo ruri hasi.

    Urutonde APR FC yahagurukanye

    Abanyezamu: Pavelh Ndzila, Ishimwe Pierre, Mutabaruka Alexandre

    Ba Myugariro: Ndayishimiye Dieudonne, Niyigena Clement, Nshimiyimana Yunusu, Ishimwe Christian, Niyomugabo Claude, Buregeya Prince, Salomon Banga Bindjeme

    Abakina Hagati: Nshimirimana Ismail Pitchou, Niyibizi Ramadhan, Kwitonda Alain Bacca, Ruboneka Bosco, Sharaf Eldin Shiboub, Mugisha Gilbert, Apam Asongue na Kategeya Elie

    Ba Rutahizamu: Victor Mbaoma, Mbonyumwami Taiba, Aboubacar Moussa, Soulei Sanda, Abdouramane Alioum na Amadou Kada Moussa

    Soulei Sanda umwe mu baje muri APR FC

    Source : http://isimbi.rw/siporo/article/urutonde-rw-abakinnyi-4-apr-fc-yajyanye-mu-igeragezwa-zanzibar

  • BIRAVUGWA: Omborenga yahagaritswe muri APR FC anamburwa igitambaro cy’ubukapiteni #rwanda #RwOT

    Biravugwa ko Omborenga Fitina wari kapiteni wa APR FC yambuwe igitambaro cyo kuyobora abandi mu kibuga ndetse akanahagarikwa igihe kitazwi.

    Ni nyuma y’uko uyu mukinnyi atitabiriye imyitozo 2 yo muri iki cyumweru agasabwa asabwa usobanuro na Team Manager wa APR FC asobanura icyatumye adakonana n’abandi bakinnyi.

    Bivugwa ko Team Manager yahise abimenyesha ubuyobozi bwa APR FC, maze buhitamo kumuhagarika igihe kitazwi.

    Binavugwa ko ari na yo mpamvu yakuwe mu bakinnyi bari bujye muri Mapinduzi Cup, Zanzibar uyu munsi, gusa hari n’andi makuru avuga ko atagiye kubera ko abakinnyi bakinnye imikino myinshi basigaye.

    Ikirenze kuri ibyo ni uko uyu mukinnyi yanambuwe igitambaro cyo kuyobora abandi mu kibuga kubera iyi myitwarire.

    Amakuru ISIMBI ikesha umwe mu nshuti z’uyu mukinnyi, ni uko yaba abikora abishaka cyane ko ari ku mpera z’amasezerano ye, yaba atifuza kongera amasezerano.

    Ubwo ISIMBI yageragezaga kuvugana n’ubuyobozi bw’iyi kipe, ntabwo byakunze kuko batitabaga telefoni ya bo ngendanwa.

    Omborenga biravugwa ko yahagaritswe

    Source : http://isimbi.rw/siporo/article/biravugwa-omborenga-yahagaritswe-muri-apr-fc-anamburwa-igitambaro-cy-ubukapiteni