Blog

Kanye West Ye umuraperi w’umunyadushya, yongeye kuvugisha benshi, nyuma yo kwerekana imitako y’ibyuma yashyize mu menyo ye. Akoresheje Instagram ye, Kanye yeretse abafana be ibi byuma anerekana aho yabibonye bwa mbere akabikunda akumva nawe yabishyira mu menyo ye.

Mu gihe ibyamamare bitandukanye, bizwiho gushyira imitako itandukanye mu menyo irimo nka ‘Gold Grills’, ‘Gold Slugs’, ‘Diamond Grills’, n’ibindi, Kanye West we yatunguranye ashyiramo ibitamenyerewe bizwi ku izina rya ‘Titanium Metal Dentures’.

Kanye West yashyize imitako y’ibyuma mu menyo ye

Uretse kuba iyi mitako y’ibyuma Ye yishyize mu menyo bidasanzwe bikoreshwa n’abantu cyane, ahubwo noneho biranahenze. Nk’uko Daily Mail yabitangaje, yavuze ko ibi byuma Kanye yabitanzeho ibihumbi 850 by’amadolari ($850k). 

Aya mafaranga uyashyize mu manyarwanda ni 1,075,151,400.00 Frw. Byumvikane ko abakirigita faranga ari bo gusa babasha kwigondera iyi mitako yo mu menyo.

Ibi byuma byatwaye Kanye West ibihumbi 850 by’amadolari

Inkomoko y’iyi mitako Kanye West yashyize mu menyo ye, yagaragaye bwa mbere muri filime yitwa ‘The Spy Who Loved Me’ yasohotse mu 1977 aho hagaragaramo umugizi wa nabi uhigwa na polisi witwa ‘Jaws’ uba wambara ibi byuma mu menyo.

Iyi mitako y’ibyuma Kanye West yashyize mu menyo ye, yayibonye muri filime

Uyu Jaws kandi yongeye kugaragara mu gice cya kabiri cy’iyi filime cyitwa ‘Moonraker’ cyasohotse mu 1979. Aha rero ni ho Kanye West Ye yakundiye uyu mugabo Jaws by’umwihariko ngo yamukunzeho ibi byuma yambaraga mu menyo. Ibi kandi Ye yabisangije abafana be kuri Instagram abereka uyu mugabo Jaws wamamaye muri izi filime zombi.

Umukinnyi wa filime Richard Kiel niwe wakinnye muri izi filime yitwa ‘Jaws’ yambara ibyuma mu menyo ye

Uyu mushinga wemejwe kuri uyu wa Gatatu tariki 17 Mutarama 2024, watowe ku majwi 320 kuri 276, bivuze ko abatoye 'Yego’ ari bo benshi ugeraranyije n’abatoye 'Oya’.

Mu badepite bakabakaba 60 bo mu ishyaka akomokamo ry’Abakonservateri bawurwanyaga, 11 gusa nibo batoye 'Oya'.

Mu minsi mike ishize, uyu mushinga wateje impaka z’urudaca mu ishyaka ry’Abakonservateri Minisitiri w’Intebe, Rishi Sunak, akomokamo, habamo no kwegura kwa bamwe mu byegera bye.

Usigaje kuzemezwa n’umutwe wa House of Lords w’Inteko Ishinga Amategeko y’ u Bwongereza mbere y’uko ushyirwa mu bikorwa.

Bamwe mu bawurwanya bakomeje kuvuga ko batazahwema gukora uko bashoboye kugira ngo udatambuka hatabayeho kuvugururwa ku buryo buhuye n’amategeko mpuzamahanga agendanye n’iyubahirizwa ry’uburenganzira bwa muntu.

Ni umushinga wemejwe nyuma y’uko Guverinoma y’u Bwongereza n’iy’u Rwanda zishyize umukono ku masezerano avuguruye yo kohereza abimukira.

Aya masezerano yakunze guhura n’ibihato byinshi, bishingiye ku bayarwanya, bavuga ko anyuranyije n’ategeko, ndetse bikaba byaremejwe na zimwe mu nkiko zo mu Bwongereza zirimo urw’Ikirenga rwari ruherutse kuyatesha agaciro, ariko Ibihugu byombi bikemeza kugira ibyo bivugururamo bisubiza impungenge zari zagaragajwe n’uru Rukiko.

UKWEZI.RW

Uyu mwarimu witwa Shema Olivier asanzwe yigisha mu Rwunge rw’Amashuri rwa Ntura muri aka Karere ka Rusizi, mu gihe umugore we Ayinkamiye Adrienne warumwe we asanzwe ashinzwe amasomo muri G.S Giheke.

Ibi byabereye mu Mudugudu wa Rugombo, Akagari ka Giheke, Umurenge wa Giheke, Akarere ka Rusizi, ku Cyumweru tariki 14 Mutarama, ubwo abaturanyi b’uyu muryango, basangaga umugore w’uyu mwarimu avirirana ndetse agace ko ku gutwi kavuyeho, mu gihe umugabo we yari afite amaraso ku munwa.

Umwe mu baturanyi bageze kuri uyu mugore ari kuvirirana, yagize ati 'Icyo twasanze ni uko agace k’ugutwi k’umugore kari kavuyeho, umugabo afite amaraso ku munwa tukibaza niba ako gace yarakariye cyangwa yaragaciriye akakajugunya.'

Abaturage ndetse n’Umuyobozi w’Umudugudu bahise basaba uyu mugore kujya kwa muganga, kuko babonaga yavuye amaraso menshi, bagakeka ko ashobora kumushiramo, akaba yanagira ibibazo bikomeye.

Banasabye uyu mugore gutanga ikirego, kuko babonaga amakimbirane yabo ashobora kugera ku rwego rukomeye, ariko abima amatwi, ababwira ko adashaka ko umugabo we bamufunga.

Umugore yababwiye ko ibibazo byabo bizakemurwa n’imiryango, dore ko bavugwaho kuba bagirana amakimbirane ashingiye ku gucana inyuma.

UKWEZI.RW

Umukuru w’u Rwanda yabitangarije ikinyamakuru BBC mu kiganiro bagiranye i Davos mu Busuwizi aho Perezida Kagame ari mu nama yiga ku bukungu bw’Isi.

Muri iyi nama, umunyamakuru wa BBC yagiranye ikiganiro na Perezida Paul Kagame amubaza ku bijyanye n’amafaranga u Bwongereza bwahaye u Rwanda yagenewe kwita ku bimukira, ariko kugeza ubu hakaba hataroherezwa n’umwe.

Umukuru w’u Rwanda yasubije umunyamakuru agira ati 'Ni amafaranga yagenewe kuzakoresha kuri abo bantu ubwo bazaba baje. Nibaramuka bataje, dushobora kubasubiza amafaranga.'

Umunyamakuru kandi yamubajije kuri uyu mugambi ukomeje kuzamo ibibazo, bituma ukomeza gutinda aho bamwe bakomeje kuwamagana.
Perezida Kagame yamusubije avuga ko atari ikibazo cy’u Rwanda ahubwo ko ari icy’u Bwongereza.

Bivugwa ko u Bwongereza bwahaye u Rwanda Miliyoni 240 z’ama-Pounds (arenga miliyari 250 Frw) yari agamije kuzakira no kuzita ku bimukira n’abashaka ubuhungiro bazava mu Bwongereza boherezwa mu Rwanda.

Gusa iyi gahunda yagiye izamo birantega, aho bamwe mu batayishyigikiye baniyambaje inkiko, zimwe zemeje ko idakurikije amategeko.

Nyuma y’uko Guverinoma z’Ibihugu byombi zivuguruye amasezerano, ubu hategerejwe ko Inteko Ishinga Amategeko y’u Bwongereza itora uyu mushinga, nubwo bamwe mu bayigize bakomeje kuvuga ko n’ubundi ukirimo ibibazo ugikwiye kunozwa kurushaho kugira ngo ugire ingufu.

UKWEZI.RW

Kuva mu ntangiriro z’iki cyumweru, Umuhanzi Niyo Bosco yagiye agaragaza ibyiyumviro bidasanzwe afitiye umukobwa witwa Keza Nabrizza.

Byatangiye ku wa Kabiri w’iki cyumweru ashyira kuri Instagram ye amashusho arimo asangira na we agaherekezwa n’amagambo yo guca amarenga ko bari mu rukundo.

Aya mashusho ntabwo yatinzeho kuko yahise ayasiba aho byavuzwe ko yabisabwe n’abashinzwe kureberera inyungu ze.

Kwihangana byanze maze ku mugoroba w’ejo hashize ku wa Gatatu tariki ya 17 Mutarama 2024, Niyo Bosco yongera gushyira ifoto y’uyu mukobwa ku rukuta rwe rwa Instagram. Uyu mukobwa mu magambo yaherekejwe n’agatima, yahise avuga ati “urugendo ni bwo rutangiye”, Niyo Bosco na we yahise avuga ati “ubu n’iteka ryose.”

Niyo Bosco yamenyekabye cyane mu ndirimbo ‘Ubigenza Ute?’, ‘Ishyano’, ‘Babylon’ n’inzindi, aheruka gushyira hanze indirimbo nshya ‘Eminado’, indirimbo ye ya mbere kuva yakwinjira muri KIKAC Music.

Keza Nabrizza ubugwa mu rukundo na Niyo Bosco

Niyo Bosco akomeje guca amarenga ko ari mu rukundo

APR FC igiye kumara ukwezi muri shampiyona ndetse n’igikombe cy’Amahoro idafite rutahizamu wa yo ngederwaho, Victor Mboama wagiriye imvune muri Zanzibar.

Uyu rutahizamu uyoboye abamaze gutsinda ibitego byinshi muri shampiyona ya 2023-24 aho igeze ku munsi wa 16, yagiriye imvune mu mukino APR FC yatsinzemo Yanga 3-1 wa 1/4 cya Mapinduzi Cup.

Benshi babonaga ari imvune yoroshye ariko ntabwo uyu rutahizamu ukomoka muri Nigeria yaraye agaragaye ku mukino wa 1/8 cy’Igikombe cy’Amahoro APR FC yaraye itsinzemo AS Kigali 1-0.

Umutoza Thierry Froger yavuze ko agendeye kuri raporo abaganga bamuhaye, uyu rutahizamu batamufite mu gihe cy’ukwezi kuri imbere.

Ati “Mfitiye icyizere abaganga, uyu munsi bambwiye agifite ukwezi hanze. Ni irushanwa niko bigenda umuntu atakarizamo byinshi, twatakaje Apam, dutakaza Victor.”

Ni ihurizo kuri APR FC ndetse n’umutoza Thierry Froger kubera ko uyu mutoza yagaragaje ko na rutahizamu afite w’umusimbura wa Mbaoma, Mbonyumwami Taiba atamwizeye ahubwo ahitamo kuhakinisha Sharaf Eldin Shiboub Ali Abdelrahman usanzwe ukina mu kibuga hagati.

Imikino 4 uyu rutahizamu ashobora gusiba, harimo uwa Police FC mu mpera z’iki cyumweru, Etincelles FC, Musanze FC ndetse na Sunrise.

Mbaoma afite ukwezi hanze y’ikibuga