Blog

Ibi yabigarutseho kuri uyu  wa Kabiri tariki 23 Mutarama 2024 mu Nama y'Igihugu y'Umushyikirano iri kuba ku nshuro ya 19 muri Kigali Convetion Centre.

Barore Cleophas ubwo yari ahawe umwanya ngo ayobore ikiganiro kigaruka ku ishusho y'ubukungu bw'igihugu yahise aboneraho ashimira Perezida wa Repubulika y’u Rwanda ,Paul Kagame avuga ko intebe ye yazamuwe none ubu akaba ari Umuyobozi Mukuru wa RBA.

Yagize ati'Reka mbanze nshime ,ndabanza gushima kubera ko ni inshuro zigiye zirenze imwe nagiye nyura mu biro bigiye binyuranye. Hari ibiro usanga harimo intebe umuntu agira ahantu akanda ikazamuka cyangwa ikamanuka bitewe n’icyo ashaka.

Ndabashimira Nyakubahwa Perezida wa Republika ko mu bubasha bwanyu muhabwa n'Itegeko Nshinga, mu minsi ishize haricyo mwakoze Intebe yanjye irazamuka ndabashimiye. Ntabwo nareka kubazirikana rwose mwarakoze cyane, ndashimye kandi hari n'abandi b'impanga zanjye kuri rwa rupapuro nabyo turabishimira'.

Tariki 14 Ukuboza 2023 nibwo Cleophas Barore yagizwe Umuyobozi Mukuru wa RBA asimbuye Arthur Asiimwe we wagizwe Umuyobozi Mukuru wungirije muri Ambassade y'u Rwanda muri Leta Zunze Ubumwe za Amerika.

Iyi nama y'Igihugu y'Umushyikirano yatangiye kuri uyu wa Kabiri izasozwa ku munsi w’ejo,ku wa Gatatu tariki 24 Mutarama 2024.

Cleophas Barore yashimiye Perezida Kagame  

Ubuyobozi bwa Kiyovu Sports bwavuze ko bwishimiye gusezererwa mu gikombe cy’Amahoro cya 2024.

Ni nyuma yo gusezererwa na Gorilla FC ku giteranyo cy’ibitego 3-3 ariko Gorilla FC igakomeza kuko yabashije gutsinda igitego cyo hanze.

Umukino ubanza wa 1/8, Gorilla FC yakiriye Kiyovu Sports ndetse inayitsinda ibitego 2-0. Umukino wabaye uyu munsi wo kwishyura Kiyovu Sports yawutsinze 3-1 maze biba 3-3 ariko Gorilla FC ikomeza kubera igitego cyo hanze.

Nyuma y’uyu mukino, vis perezida wa Kiyovu Sports, Mbonyumuvubyi Abdul Karim yavuze ko bakiriye neza gusezererwa mu gikombe cy’Amahoro.

Ati “Ni amahirwe make, ni amategeko tuviriyemo ku gitego cyo hanze. Nk’ubuyobozi ntabwo tubyakiriye nabi, twagerageje gukina ariko umupira w’amaguru murawuzi birangiye nyine Gorilla ishyizemo igitego, ibyo twatsinze byose biba ubusa. Nk’ubuyobozi tubyakiriye neza, n’abakinnyi tubabwiye ko tugomba gushyira imbaraga muri shampiyona tukareba ko twakwigira imbere.”

Ni Kiyovu Sports ivugwamo ibibazo bitandukanye bizingiye ku mikoro aho imaze amezi 2 idahemba abakinnyi.

Bakaba basezerewe perezida w’iyi kipe, Ndorimana Jean François Regis adahari ndetse n’abatoza, umukuru n’umwungiriza we bakaba batatoje uyu mukino aho bivugwa ko hari ibibazo birimo.

Kiyovu Sports yasezerewe mu gikombe cy’Amahoro

Kiyovu Sports igiye kongera kwisanga mu Rukiko rwa FIFA nyuma y’uko Umugereki Koukouras Petros wahoze ayitoza agiye kuyitwarayo.

Iyi kipe isanzwe ifitiye amadeni itarishyura umunya-Sudani, John Mano, Umugande Mutyaba ndetse n’Umurundi Ndikumana Codjifa wanatumye ihanwa ikaba itemerewe kwandikisha abakinnyi bashya kuko yananiwe kwishyura.

Kuri aba hagiye kwiyongeraho n’uwahoze ari umutoza w’iyi kipe, Umugereki Petros Koukouras watandukanye na yo mu Gushyingo 2023.

Uyu mutoza wari uzi ibihe ikipe irimo, yemeye kwicarana na yo basesa amasezerano, yari yasabye amezi 2 y’umushahara bivuze ibihumbi 6 by’amadorali, iyi kipe imubwira ko itayabona bumvikana kumwishyura miliyoni 5 z’amafaranga y’u Rwanda.

Bagombaga kumwishyura bitarenze Ukuboza 2023, gusa byarageze ntiyishyurwa yanagira uwo avugisha ntiyitabwe. Yamaze gufata umwanzuro na we wo kugana muri FIFA.

Koukouras agiye gutwara Kiyovu muri FIFA

Umukuru w'Igihugu yabigarutseho mu ijambo rye kuri uyu wa Kabiri tariki 23 Mutarama 2024, ubwo yatangizaga ku mugaragaro Inama y’Igihugu y’Umushyikirano yateranye ku nshuro ya 19, yabereye muri Kigali Convention Center.

Iyi nama yitabiriwe kandi Madamu Jeannette Kagame, abayobozi mu nzego Nkuru z'igihugu, abanyamuziki, abazwi mu ngeri zinyuranye z'ubuzima, abaturage bo mu bice bitandukanye by'Igihugu n'abandi bagera kuri 1500.

Inama y’Igihugu y’Umushyikirano yatangiye mu 2003. Ni urubuga Abanyarwanda bahuriramo, bakungurana ibitekerezo.

Umukuru w’Igihugu yavuze ko afite icyizere cy’uko Abanyarwanda batangiye neza umwaka wa 2024 ndetse biteguye kuwurangiza neza no kuzatangira umwaka wa 2025.

Yashimye kandi abanyarwanda bitabiriye iyi nama y’Igihugu y’Umushyikirano, agaruka no ku nshuti z’u Rwanda zitabiriye iyi nama igamije kwisuzuma.

Kagame yavuze ko ‘uyu mwaka Igihugu cyacu gifite byinshi byo gukora’. Avuga ko imyaka 30 ishize ‘tuvuye mu icuraburindi, abacu bishwe twabuze batagira ingano’.

Yavuze ko n’ubwo hari abijijisha bakagoreka amateka, ukuri kuzwi. Yabwiye abanyarwanda ko nubwo umubare w’abapfobya amateka ari ‘bacye’ ariko ‘ni ikibazo dukwiye guhangana nacyo’.

Umukuru w’Igihugu yavuze ko imyaka 30 ishize u Rwanda rwihoboye ‘irimo ibyo byago ariko irimo n’igihugu guhinduka kiba igihugu gikwiye kitari ikijyanye n’ayo mateka’.

Ati “Imyaka 30 irimo ibintu bibiri: Irimo ibyo byago ariko irimo n’igihugu guhinduka kikaba igihugu kindi dukwiye, kitari ikijyanye n’ayo mateka nayo twibuka.

Kagame yavuze ko muri ibyo bigenda bihinduka mu rugendo rw’iterambere ry’u Rwanda n’ubuzima bw’abantu n’imiterere y’Igihugu’ bijyanye n’ukuntu ibisekuru bisimburana.

Yavuze ko abagejeje imyaka 30 ingana n’iyo u Rwanda rumaze ‘igihugu kibitezeho guhindura igihugu neza’.

Umukuru w’Igihugu yavuze ko abagejeje iriya myaka bafite uko barezwe n’imiryango ndetse n’uburyo igihugu cyabareze mu bijyanye na Politiki.

Ati 'Byose rero biri kuri bo, imyifatire yabo, imyumvire y'inshingano bafite no kumva ko Igihugu ari bo kireba mu myaka yindi 30 iri imbere yacu, bafite uruhare runini mu guhindura ubuzima bw'Abanyarwanda kurusha ndetse uko twebwe twabigenje.'

Yabwiye abakiri bato ko uburere bahawe, bibaha impamvu yo kurwanirira igihugu no kumva ko igihugu aribo kireba.

Ati “Bafite uruhare runini mu guhindura’ ubuzima bw’abanyarwanda, kurusha ndetse batwebwe uko twabigenje… Urwo rubyiruko cyane cyane nibo mbwira. Mugomba kumva uburemere bw’inshingano zanyu nk’abanyagihugu, nk’abantu bakwiriye kuba abantu bazima, biyubaka, bakubaka imiryango yabo, bakubaka n’igihugu.”

Perezida Kagame yavuze ko buri wese akwiye guhanira, no kurwanira uwo ashaka kuba we, kuko nta ‘muntu uzabigufashamo’.

Yifashishije urugero rw’ikinya batera umurwayi kwa muganga, Perezida Kagame yavuze ko nta muntu ukwiye kurangazwa n’abantu bamushimagiza, ahubwo akwiye gukora yitekerezaho we ubwe, kandi agaharanira kwiyubaka nk’umuntu.

Umukuru w’Igihugu yavuze ko nta muntu n’umwe ufite imbaraga zo guhindura undi, kandi ko nta muntu waremye undi. Yavuze ko igihugu cyose hari ushatse guhangana 'turiteguye, guhangana, ntakibazo.'

Kagame yavuze ko u Rwanda rufite ibibazo byihariye, ari nayo mpamvu ari Igihugu kidashobora kubaho uko abandi babishaka. Ati “Nta bantu baba bato, keretse iyo ubyigize, keretse iyo ubishatse…”

Yavuze ko Abanyarwanda bazi icyo bashaka kugeraho, kandi ni ihame badateze gutezukaho. Yavuze ko imyaka 30 ishize igaragaza ko abanyarwanda bavuye i kuzimu, baba abantu, kandi ni ibintu abanyarwanda bagezeho babyifashijemo. 

Perezida Kagame yavuze ko u Rwanda rutekanye, kandi ruzakomeza kubungunga umutekano w’Abanyarwanda

Umukuru w’Igihugu yavuze ko iyi Nama y’Umushyikirano ikwiye kuba umwanya wo kwisuzuma, harebwa aho ‘tuvuye’ kugirango ‘dukomeze tuve ikuzimu tujye i buntu, ibintu twihaye, ibintu twigejejeho’.

Kagame yavuze ko aho u Rwanda rugeze, byagahaye umukoro buri wese wo gukora amasaha arenze ayo abandi bakora.

Yavuze ko mu buzima bwa buri munsi, buri wese akwiye guhora yisuzuma, areba aho avuye ndetse n’aho ageze, kuko bimufasha kubakira ku ntego ze.

Umukuru w’Igihugu yasabye abitabiriye iyi nama y’Umushyikirano kubwizanya ukuri, kwisuzuma kandi bihoraho mu rwego rwo kubaka Igihugu.

Yagaragaje ko imyaka 30 ishize u Rwanda rwiyubaka, bikwiye guha isomo buri wese ryo kudahora mu makosa, ahubwo agakorana ubushake n’ubushobozi buganisha u Rwanda aheza.

Kagame yavuze ko ikiremwamuntu gikora amakosa ariko ko iyo umuntu ahora akora akosa akarisubiramo haba hari ikibazo gikomeye, ku buryo hashobora gutekerezwa ko ‘ubikora ubigendereye’.

Umukuru w’Igihugu yanavuze ko nta gihugu cyatera imbere abantu badakorana, ariko kandi buri wese asabwa gukora mu buryo bw’intangarugero.

Yavuze ko u Rwanda rurajwe ishinga no gutuma abanyamahanga baza mu gihugu, ariko ko bisaba kwitegura mu buryo buhagije mu bijyanye no kubakira.

Kagame yavuze ko nta kintu bisaba kugirango abayobozi bakore neza kuko ‘biri muri mwe’.

Ku bijyanye n’umutekano….

Kagame yavuze ko aho u Rwanda ruvuye n’aho rushaka kugana bikwiye kuba bishingiye ku mutima w’Abanyarwanda.

Ati 'Kugira ngo ubigereho ntabwo ukora ibintu […], aha mu Rwanda ntabwo Abanyarwanda mucumbitse, ni iwacu, ni iwanyu.'

Yavuze ko nta munyarwanda ukwiye gukora ibikorwa bye ibirenge bidakora hasi kuko “Abanyarwanda ntabwo mucumbitse, ni iwanyu.”

Umukuru w’Igihugu yavuze ko buri wese uvuga nabi u Rwanda bimugiraho ingaruka, kuko azi neza ko nta muntu n’umwe wavuze nabi u Rwanda ngo bimurwe neza.

Kagame avuga ko yahaye umukoro abantu wo kumubwira uwavuze nabi u Rwanda byagizeho ingaruka nziza. Ati “Muzamumbwire. Ugahunga Igihugu, ukajya muri Amerika gutwara ikamyo.”

Yungamo ati 'Muri bo umwe wagize amahirwe, akavuga nibura yavanyemo iki, ni uwuhe? Muzamumbwire. Abanyarwanda nimutaba abantu biha ka gaciro, ni ko muzaba.'

Yanagarutse ku mvugo z’urwango zikoreshwa na bamwe mu batuye ibihugu byo mu Karere k’Afurika y’Iburasirazuba. Avuga ko ubu mu Rwanda hari impunzi zirenga ibihumbi 10.

Kagame yavuze ko buri munsi u Rwanda rwakira impunzi ziva muri  Repubulika Iharanira Demokarasi ya Congo, kandi ko iki ari ikibazo gikwiye gushakirwa umuti urambye, kurusha uko ibihugu byo mu mahanga bihitamo imiryango itageze kuri itanu yo gufasha.

Cindy Marvine Gateka usanzwe ubarizwa muri Leta Zunze Ubumwe za Amerika yari asanzwe ari umufana ukomeye wa Gahongayire kugeza ubwo yatangiye urugendo rwo gushaka uko bakorana indirimbo, ariko kandi akazakomeza kumufasha mu buryo bwo kwaguka mu mwuka no gushyigikirwa.

Iyi ndirimbo bafatiye amashusho i Nyamata mu Karere ka Bugesera, yasohotse mu ijoro ryo kuri uyu wa Mbere tariki 22 Mutarama 2024.

Cindy avuga ko iyi ndirimbo yakoranye na Gahongayire usanzwe ari Nyina w'abo ari 'yo ifunguye urugendo rwanjye rw'umuziki nk'umuhanzi'.

Uyu mukobwa asobanura ko yakuze yiyumvamo impano y'umuziki, ariko kandi atekereza kuyishyigikira akuze. Yavuze ati 'Navukiye mu muryango w'abanyamuziki, kugeza ubwo muri njye niyumvagamo ko igihe kimwe nzabikora mu buryo bw'umwuga.'

Akomeza ati 'Rero gutangira umuziki nkatangira nkorana indirimbo na Gahongayire, umubyeyi wanjye ni ibintu byampaye imbaraga y'uko nzagera kure.'

Uyu mukobwa avuga ko afatanyije na Gahongayire banditse iyi ndirimbo 'mu rwego rwo kuvuga gukomera kw'Imana n'ibyo yadukoreye byo gushima'.

Cindy yakiriye agakiza mu 2012. Kuva icyo gihe atangira urugendo rwo kuririmba muri korali zirimo nka Guérison des ames mu gihugu cy'u Burundi.

Igihe cyarageze, uyu mukobwa yerekereza muri Leta Zunze Ubumwe za Amerika ku mpamvu z'amasomo, ariko nabwo yiyemezaga gutangira urugendo rw'umuziki.

Uyu mukobwa amaze iminsi mu Rwanda, ari nabwo yahuraga na Aline Gahongayire akamufasha gutangira urugendo rw'umuziki we no gukuza impano ye.

Gahongayire yavuze ko muri uyu mwaka ashaka gushyira itafari ku rugendo rw'abandi banyempano nk'imwe mu ntego yihaye.

Yavuze ati 'Ndashaka gushyira imbaraga cyane cyane muri iki gihe zo gufasha abakiri bato mu muziki ku buryo n'abo impano z'abo zigaragara. Gutangira umuziki kwanjye byaturutse ku gushyigikirwa n'umuryango wanjye, ariko kandi nanjye nagize amaboko yanshyigikiye, rero Cindy natangiye kumufasha muri ubwo buryo.'

Uyu muhanzikazi uri kubarizwa mu Mujyi wa Dubai muri Leta Zunze Ubumwe z'Abarabu, yavuze ko guhitamo abahanzi bazakorana azashingira cyane cyane ku bafite impano mu bijyanye no kuririmba, ndetse n'abazafasha kumworohereza. 

Cindy Marvine Gateka yinjiye mu muziki nyuma yo gushyira hanze indirimbo ‘Wondekura Norwa’

Gahongayire yavuze ko yatangiye urugendo rwo gufasha abanyempano bashya mu muziki 

Cindy Marvine yashimye Gahongayire wamubereye ikiraro mu rugendo rwe rwo kwinjira mu muziki 

Gahongayire yavuze ko gukorana na Cindy bitangije urugendo rwe rwo gufasha abakiri bato kwinjira mu muziki 

KANDA HANO UREBE AMASHUSHO Y'INDIRIMBO 'WONDEKURA NORWA'

“>

Kuri uyu wa 23 Mutarama 2024 hatangiye  Inama y'Igihugu y'Umushyikirano ku nshuro yayo ya 19, Perezida Kagame akaba ari we wayifunguye ku mugaragaro agarariza Abanyarwanda uko igihugu gihagaze cyane yibanda ku mutekano.

Mu ijambo rya Minisitiri w'Intebe ryibanze ku byagezwemo muri gahunda ya Guverinoma y'imyaka 7 guhera muri 2017 kugera muri 2024, yatangiye agaragaza ko ibyari biteganyijwe byamaze kugerwaho ku kigero cyiza.

Yagize ati'Hagiye habaho imbogamizi twahuye nazo nk'Isi yose birimo ihindagurika ry'ibihe ibiza ariko ntabwo byatubujije gushyira mu bikorwa byinshi mubyo twiyemeje.'

Agaragaza ko mu gihe cy'icyorezo cya COVID19 ubukungu bwasubiye inyuma ku kigero kiri munsi y'ijana ariko ubu bwongeye kuzamuka kugera ku kigero cya 6.9 kandi hari icyizere ko buzakomeza kuzamuka bugasubira hejuru ya 7.

Minisitri w’Intebe Dr.Ngirente yagaragaje kandi ko imisoro yiyongereye ati'Habayeho  ivugurura mu itangwa ry'imisoro itangwa neza muri iy'imyaka 7 ishize imisoro yikubye inshuro ebyiri guhera muri 2017.'

Anizeza abanyarwanda kandi ko iri no gukoreshwa neza ati'Kwinjiza amafaranga ni kimwe ariko no kuyakoresha neza ni ikindi.'

Yongeye kandi kugaragaza ko muri iyi myaka ibikorwa byo korohereza abanyarwanda mu ngendo byashyizwemo imbaraga Guverinoma ifatanije n'abashoramari aho hongewe bisi zitwara abagenzi kugeza ubu izamaze kwishyurwa ari 200, 100 zikaba zaramaze kuhagera gusa izo bateganya ari 340 mu bihe bya vuba.

Kugeza ubu kandi Minisitri w’Intebe Dr. Edward yagaragaje ko u Rwanda rwashyize imbaraga mu kuzamura ubuhinzi n'ubworozi byanatumye umusaruro wiyongera kuri hegitari uva ku bilo 32 ugera ku bilo 70.

Yagaragaje kandi ko Miliyari zigera ku 8 zakoreshwaga mu gutumiza imbuto hanze yashowe mu kongererea abatubuzi b'imbere mu gihugu imbaraga ubu izikoreshwa zose zikaba ari iz'imbere mu gihugu.

Ku birebana  na gahunda y’ubwishingizi mu bworozi n'ubuhinzi yamaze gutangira nubwo Guverinoma igishyiramo nkunganire kandi ubu hari kubakwa uruganda rutunganya amata y'ifu ruzajya rutunganya umusaruro ungana na litiro zirenga ibihumbi 650.

Mu bikoremezo kandi Minisitiri yagaragaje ko hubatswe imihanda mishya ya Kaburimbo indi iravugururwa, kimwe n'iy’imidengerano yaba mu mujyi no mu bice by'icyaro kimwe n'imiyoboro y'amazi meza yubatswe yaguwe ikanavugururwa, hanubakwa inganda zayo zigera kuri zirindwi.

Ingo Miliyoni 1.5 nshya muri iyi myaka 7 zagejejweho amashanyarazi byatumye ubu abafite amashanyarazi mu Rwanda bagera kuri 74% bavuye kuri 34%.

Mu bindi yagaragaje harimo kuba RwandAir yaraguye amarembo itangiza ingendo mu bindi bice bitandukanye birimo Paris, Doha, London, umubare wabakoresha iyi serivisi na wo uriyongera uva ku bihumbi 521 mu 2021 kugera kuri Miliyoni 1,4 muri Nzeri 2023.

Yagaragaje kandi ko ababyeyi babyarira kwa muganga biyongereye kimwe n'urwego rw'ubuvuzi rurazamuka. Mu gusoza Minisitiri w'Intebe yikije ku bikomeje gushyirwamo imbara.

Ati'Dushingiye ku Cyerekezo 2050, kigamije gukomeza kuzamura ubukungu bw'Igihugu no guteza imbere imibereho myiza y'Abanyarwanda, 22 bimwe mu by'ingenzi bizibandwaho birimo kongera umusaruro w'ubuhinzi n'ubworozi hagamijwe kwihaza mu biribwa no gusagurira amasoko.'

Yongeraho ati'Guhanga imirimo myinshi, cyane cyane ku rubyiruko, kongera inganda n'umusaruro wazo, guteza imbere ireme ry'uburezi, guteza imbere ubuvuzi ndetse no kugeza ku baturarwanda ibikorwaremezo bigezweho.'

Yizeza kandi ko hagiye kongerwa imbaraga mu mikorere ati'Turabizeza ko tugiye kongera imbaraga mu kunoza imikorere n'imikoranire y'inzego ndetse no kurushaho kwegera abaturage, kandi twiyemeje kuzabigeraho.'

Aboneraho kandi no gushimira Perezida Kagame ati'Mbere yo kurangiza iri jambo, ndagira ngo nongere mbashimire Nyakubahwa Perezida wa Repubulika kuri uyu mwanya mwari mwangeneye.'

Minisitiri Dr Edward yagaragaje ko u Rwanda mu myaka 7 ishize hagezwe kuri byinshi mu bukungu, imibereho n’imiyoborere myizaYagaragaje ko nubwo ubukungu bw’Isi n’u Rwanda rurimo bwanyuze mu bihe byo kuzahara kubera ibirimo icyorezo ariko bwongeye kuzahuka ku kigero gishimishijeYagaragaje ko u Rwanda rufite byinshi byo kwishimira kuzamuka ku ishoramari rishingiye ku Bukerarugendo

 

Perezida Paul Kagame yageneye ubutumwa abantu bashaka kwigisha ibihugu indangagaciro ya demokarasi, kandi na bo bafite ibibazo bahanganye na byo.

Ibi yabivuze ubwo yatangizaga Inama y'Igihugu y'Umushyikirano iri kubera muri Kigali Convention Centre kuri uyu wa 23 Mutarama 2024.

Ibi byabaye kuri uyu wa Mbere tariki 22 Mutarama 2024 i Monrovia mu Murwa mukuru wa Liberia.

Kuba Perezida Joseph Boakai ari mu zabukuru ku myaka 79 y’amavuko, ndetse n’ubuzima butameze neza, byabaye ngombwa ko afata akaruhuko mu gihe yarimo ageza imbwirwaruhame ku bitabiriye umuhango w’irahira rye.

Kubera ubushyuhe bwinshi bwari aho muri Liberia, ngo byagaragaraga ko Perezida Joseph Boakai afite intege nkeya, bimunanira gukomeza kuvuga ijambo ahagaze, birangira arirangije yicaye.

Mu ijambo rye yagize ati “Turabona ibihe bigoye, turabona byinshi bitagenda, turabona ruswa mu nzego zo hejuru ndetse no mu nzego zo hasi. Ni icyo gituma tuje kugira ngo tubikemure'.

Perezida Joseph Boakai, yavuze ko bikwiye kongera kubaka ibikorwa remezo byasenyutse, kuvugurura serivisi z’ibanze kuri bose no gutanga amahirwe angana ku Banya-Liberia bose.