Blog

Iki gitaramo cyahujwe n'Umunsi Ngaruka mwaka uzwi nka 'New Year Gala', uhuza Abanyarwanda batuye muri Georgia, Tennesse no mu y'indi mijyi mu rwego rwo kwizihiza umwaka Mushya; imibare igaragaza ko kuri iyi nshuro iki gitaramo kitabiriwe n'abantu bari hagati ya 100 ndetse na 150.

Umushyitsi Mukuru muri iki gikorwa yari Ambasaderi w’u Rwanda muri Leta Zunze Ubumwe za Amerika, Mukantabana Mathilde. Ni mu gihe ibirori byasusurukijwe na Massamba Intore ndetse n’umuraperi Jay Pac usanzwe atuye muri Amerika.

Mu bandi bitabiriye iki gitaramo, harimo abari mu nzego zinyuranye z’ubuyobozi bw’abanyarwanda batuye muri Georgia, hari kandi abo mu bindi bihugu nko muri Uganda, Zimbabwe na Kenya bagiye kwifatanya n’abanyarwanda batuye muri Amerika.

Ibi birori byatangijwe na Herbert Diego wahaye ikaze abitabiriye ndetse anagaruka kuri zimwe muri gahunda bateganya gukora. Ibi birori kandi byanasusurukikwe n’Itorero Irebe ryari riyobowe na Jacques Nyungura ndetse na Nadine.

Iki gitaramo kandi cyatangiwemo ibihembo ku bantu bitanze mu guteza imbere abanyarwanda batuye muri Atlanta barimo Leila Kabanda, Raissa, Iradukunda Sandrine ndetse na Jacque Nyungura. Aba bombi bashyikirijwe ibihembo na Ambasaderi Mathilde.

Intore Massamba yaririmbye muri iki gitaramo aherekejwe n’umubyinnyi Icakanzu Contante wamenyekanye cyane mu Itorero Inganzo Ngari. Ni mu gihe umuraperi Jay Pac we yaririmbye mu birori bya ‘After Party’.

Ni cyo gitaramo cya mbere Massamba yakoreye hanze y'u Rwanda, kuva umwaka wa 2024 watangira, ariko mu 2023 yakoreye ibitaramo mu bihugu bitandukanye.

Aherutse kubwira InyaRwanda ko yishimiye gutaramira muri Atlanta. Massamba yaherukaga gutaramira mu bihugu birimo Canada, icyo gihe yaririmbye mu ihuriro ry'urubyiruko rw'Abanyarwanda batuye muri Amerika ya Ruguru.

Ibi bitaramo yabihuriyemo n'abarimo The Ben. Iyi nama y'iri huriro yateguwe na Guverinoma y'u Rwanda ku bufatanye n'Ihuriro ry'Abanyarwanda baba mu mahanga, RCA ndetse n'iry'Abanyarwanda baba muri Leta Zunze Ubumwe za Amerika na Canada, hamwe n'Ihuriro Mpuzamahanga ry'Urubyiruko rw'Abanyarwanda (International Rwanda Youth for Development-IRYD).

Iri huriro ryitabiriwe n'abarenga 2000, haganirwa ku rugendo rw'u Rwanda n'ibimaze kugerwaho, ndetse habayeho n'umwanya wo guhura kw'abantu banyuranye bo mu bihugu byo muri Amerika ya Ruguru.

Urubyiruko rwaganirijwe ku ngingo zinyuranye zirimo gukunda Igihugu, amahirwe ahari mu ishoramari, indangagaciro n'ibindi.

Massamba Intore ni umuhanzi ubikora kinyamwuga akaba ari umucuranzi, umwanditsi w’ibihangano, umukinnyi akaba ndetse ari umutoza w’imbyino gakondo nyarwanda mu itorero rikuru ry’igihugu, Urukerereza, akaba ari umwe mu bahanzi bamamaye mu Rwanda mu gukora ibihangano byibanda ku muco nyarwanda.

Massamba ari kumwe n’abanyarwanda batuye mu Mujyi wa Georgia n’inshuti z’u Rwanda

Byari ibyishimo bisendereye ku banyarwanda batuye muri Atlanta mu kwizihiza intangiriro z’umwaka wa 2024

Massamba yaririmbye nyinshi mu ndirimbo ze zakunzwe, urukumbuzi rw’abafana ruriyongera

Massamba Intore yaririmbaga anyuzamo akaramukanya n’abafana b’inganzo ye 

Ababyinnyi b’itorero Irebe bafashije Abanyarwanda gususuruka mu ndirimbo zubakiye ku muco Nyarwanda

Umuraperi Jay Pac [Uwa kabiri uvuye iburyo] ari kumwe n’inshuti ze muri ibi birori byihariye

Umubyinnyi Icakanzu Contante wafashije Massamba Intore muri iki gitaramo muri Amerika

Abayobozi mu nzego zinyuranye muri Diaspora bagiye bafata ijambo muri iki gikorwa

Umuraperi Jay C yaririmbye mu birori by’umusangiro byaherekeje iki gikorwa. Yamamaye mu ndirimbo zirimo nka ‘We Move’

Ambasaderi Mukantabana Mathilde [Uri hagati] ari kumwe n’abanyarwanda babarizwa muri Amerika

Umuhanzi Massamba Intore ari kumwe na Ambasaderi Mukantabana Mathilde

Icakanzu Contante [Uri iburyo] yafashije Massamba Intore gutaramira Abanyarwanda muri Amerika

Ambasaderi Makantabana Mathilde yashyikirije ishimwe bamwe mu banyarwanda bahize abandi mu guteza imbere bagenzi babo

KANDA HANO WUMVE INDIRIMBO ‘UMUDAMAZERA’ YA MASSAMBA INTORE

“>

Kiyovu Sports yamaze gutandukana na ba rutahizamu babiri umunya-Liberia, Obediah Mikel ndetse n’Umugande Bryan Kalumba.

Aba bose bakaba barinjiye muri Kiyovu Sports mbere y’uko uyu mwaka w’imikino wa 2023-24 utangira.

Ntabwo byakunze ko babona umwanya wo gukina muri iyi kipe yambara ubururu n’umweru kubera urwego rwa bo ruri hasi, bakaba baricaranye n’ikipe bemeza gusesa amasezerano.

Obediah Mikel Mu Gushyingo 2023 yari yandikiye Kiyovu Sports ayishyuza miliyoni 25.

Muri ayo mafaranga harimo 5,000,000 Frws yagombaga guhita ahabwa agisinya amasezerano, 18 000 000 Frws yagombaga guhabwa shampiyona igitangira ndetse n’amafaranga y’umushahara wa buri kwezi.

Uyu mukinnyi wari wasinye imyaka 3 akazajya ahembwa ibihumbi 600 Frw ku kwezi, yaje kwicarana n’ubuyobozi bumwemerera kumwishyura amezi abiri y’umushahara, ni ukuvuga miliyoni 1.2 Frw ndetse no kumuha itike y’indege imusubiza iwabo, byose byaragendaga bikagwa muri miliyoni 2 Frw, amakuru avuga ko azahaguruka mu Rwanda ku wa Gatanu w’iki cyumweru tariki ya 26 Mutarama 2024.

Amakuru avuga ko kandi rutahizamu Bryan Kalumba amaze kumvikana n’iyi kipe gusesa amasezerano yahise yerekeza iwabo muri Uganda ubu akaba ari ho ari.

Byabaye mu ijoro ryo kuri uyu wa Kabiri tariki 23 Mutarama 2024, mu kabari ka Shooters Club, aho Prince n'abanyarwenya bagenzi be basanzwe bakorera ibitaramo by'urwenya mu rwego rwo gufasha abafana b'abo gususuruka.

Prince usanzwe ari umunyamakuru wa Power Fm, yabwiye InyaRwanda ko yafashe icyemezo cyo kwambika impeta umukunzi we Christelle Gisa, kubera ibihe by'urwibutso by'imyaka icyenda ishize biyemeje gutangiza umuryango mushya.

Uyu musore yavuze ko imyaka icyenda yabanjirijwe no kuba inshuti zisanzwe, kugeza ubwo ubushuti bwabo bwarandaranze biyemeza gukundana urukundo rwitamuruye, inshuti n'imiryango babiha umugisha.

Prince yagize ati 'Ni umuntu twahuje byinshi. Twabanje kuba inshuti nyuma twisanga mu rukundo. Navuga ko ari umukobwa udasanzwe mu buzima bwanjye.'

Akomeza ati 'Nk'uko ubizi mu buzima habamo ibyiza n'ibibi no mu rukundo ni uko bigenda, ariko icyo nishimira ni uko Imana idushoboje, imyaka icyenda ikaba igeze turi kumwe. Ni umukobwa nakunze n'umutima wanjye wose.'

Prince ni umwe mu banyarwenya bazwi cyane mu itsinda rya 'Comedy Knights', aho akorana n'abarimo Babou, Michael Sengazi, Herve Kimenyi n'abandi banyuranye.

Amaze kugaragara mu bitaramo by’urwenya birimo nka Kigali International Comedy Festival, Seka Live, Caravane du rire, iserukiramuco ryo muri Kenya yitabiriye n’ibindi bikorwa.

Kuri we ashingiye ku gihe cy'imyaka irindwi ishize ari mu banyarwenya 'Comedy yatunga umuntu ikakugeza ku rwego rwo hejuru'.

Uyu musore utuye i Nyamirambo, avuka mu muryango w’abana babiri. Avuga ko kwinjira mu banyarwenya ari impano yakuranye, kuko ubwo yigaga mu mashuri yisumbuye yari umusore usakuza cyane kandi uganira.

Mu mwaka wa 2016, nibwo yinjiye mu gutera urwenya. Kuva ubwo, urugendo rwe ruraguka kugeza n’uyu munsi. Urugendo rw’imyaka irindwi ishize ari mu banyarwenya, avuga ko rutari rworoshye, kuko byamusabye gushyiramo imbaraga nyinshi cyane, kuko ari bwo yari agitangira.

    

Nshizirungu Prince yashinze ivi yambika impeta y’urukundo umukunzi we Gisa Iliza Christelle

 

Mu ijoro ryo kuri uyu wa Kabiri, nibwo Prince yambitse impeta umukunzi we amutunguye mu birori byabereye muri Shooters Club 

Prince yavuze ko imyaka icyenda ishize ari mu rukundo n’uyu mukobwa yabanjirijwe no kuba inshuti zisanzwe

 

Prince yateguje umukunzi we Christelle kurushinga nk’umugabo n’umugore

Prince na bagenzi be bamaze igihe bakora ibitaramo bifasha benshi gususuruka

Ihanurwa ry’iyi drones ryatangajwe n’umuvugizi wa M23 mu bya Politiki, Lawrence Kanyuka mu itangazo ryagiye hanze mu gitondo cyo kuri uyu wa Gatatu tariki 24 Mutarama 2024.

Iri tangazo riviga ko ikigaragara ari uko ubutegetsi bwa Repubulika Iharanira Demokarasi ya Congo, bwamaze gufata icyemezo ko budateze kuganira na M23.

Lawrence Kanyuka yakomeje avuga ko ubutegetsi bwa Tshisekedi bwahisemo inzira y’intambara ndetse ko binashimangirwa no kuba buherutse gutumiza drones eshatu zigamije kurimbura M23.

Gusa ngo ikibabaje ni uko izi drones zikomeje guhitana ubuzima bw’abaturage b’inzirakarengane z’abasivile.

Yagize ati 'M23 yahanuye imwe muri drone eshatu. Abambari be nka FARDC, FDLR, abacanshuro, inyeshyamba, Ingabo z’u Burundi n’ingabo za SADC, zikomeje gutsindwa ku rugamba.'

M23 kandi yatangaje ko MONUSCO na yo ifasha FARDC muri uru rugamba, kuko indege zayo ari zo zijya gutata amakuru y’aho abarwanyi b’uyu mutwe bari, ikavuga ko ibi bidakwiye gukorwa n’ingabo z’Umuryango w’Abibumbye.

UKWEZI.RW

Nyuma y’uko Aruna Moussa Madjaliwa binyuze kuri paji ye ya Facebook inyuzwaho amakuru ye, avuze ko vuba agiye kugaruka mu kazi ka Rayon Sports, abakunzi b’iyi kipe bamugaragarije ko batishimiye imyitwarire ye amaze iminsi agaragaza.

Ni nyuma y’amezi abiri atagaragara mu bikorwa byose bya Rayon Sports, uyu murundi muri butumwa yaciye amarenga ko vuba asubukura imyitozo.

Mu mwambaro wa Rayon Sports yagize ati “Imana nibishaka tubona vuba.”

Ni ubutumwa bwasamiwe hejuru n’abakunzi ba Rayon Sports bamweretse ko batamwishimiye ukuntu yataye akazi.

Bamwe mu mvugo zikomeye yamubwiye ko Rayon Sports yayisanze kandi azayisiga ndetse ko ibyo yakwigira byose agifite amasezerano y’iyi kipe.

Hari n’abandi batatinye kumubwira ngo nashaka azagaruke cyangwa abireke ariko abamushuka kujya muri APR FC bitazamuhira.

Nshimyumuremyi Chris ati “Aba Rayon suko duteye mn ubuse urusha umupira luvumbu iyo tugura sefu woe warigutaha utanakinnye match 3? Ntakintu twakwibukiraho nturuta fuadi,makenzi,mbanzumutima,amiss,kareb,shassir …. Twakumbura mbirizi kukurenza Rayon irakurenze nkaha ni Mombasa.”

Fezaline Ingabire ati “agasuzuguro gusa rayon yatunze abakurenze shyira balloon hasi ukore icyakuzabye”

Mugabo Junior ati “Bagushuke ntibagushuke vyose izagaruka Kdi uzabanze usabe imbabazi Abafana nabayobizi baguhaye akazi udahari @Rayon sports izabaho uzagenda izagumaho kdi wow uzazima bitewe nuko aho ushaka kujya utazahagirira umugisha ntiwagambanira ikipe y’Imana ngo bikugwe amahoro gusa umenyeko umuriro wakije utazabasha kuwuzumya kuko Abafana urimo gukinisha imitima yabo ntubazi uzabaze aba Rundi benewanyu bahakinnye njwibutse wasinnye imyaka 2 ubwo ushatse wagarura amafranga twakwishyuye ukajya kwangara aho ushaka”

Girimbabazi Gomez ati “Umvase uziko nakwemeraga kimwe nabandi bareyo bose ariko ngo ushaka kujya mugikona ariko ndakumenyeshako umuntu asiga ikimwirukansa ariko adashobora gusiga ikimwirukankamo uzegere mwene wanyu sedrick hamiss cyangwa se nabandi reyon nikiraro cyagufasha kugera iyo ushaka kujya ariko nawe ndatekereza utakiri umwana🙏🙏👍👍”

Enock Jaguar ati “Arunoooo waweeee arimoooo agushuka nushake uzahereyooooo uzarebeko Rayon itazatsindaaaaa wigize asyiiiiiiiiii uzarore kizaaa maze tuzarebeeeee”

Wasoma ibindi bitekerezo birenga 150 hano

Uyu mukinnyi yaherukaga gukinira Rayon Sports ku munsi wa 10 wa shampiyona ya 2023-24 wakinwe tariki ya 4 Ugushyingo 2023 batsinda Mukura VS 4-1, akaba yaranatsinzemo igitego.

Kuva icyo gihe ntabwo arongera kugaragara mu mikino ya Rayon Sports aho avuga ko yavunitse.

Ni nyuma yo kwitabira ubutumire bw’ikipe y’igihugu y’u Burundi yakinnye na Gabon na Gambia.

Uyu mukinnyi ukina mu kibuga hagati winjiye muri Rayon Sports muri Nyakanga 2023, yabwiye iyi kipe ko afite imvune ikomeye.

Gusa andi makuru akavuga ko yaba yarabikoze mu rwego rwo kunaniza iyi kipe, nayo ikaba yarakara ikamwirukana cyane ko ari byo yifuzaga ngo bimworohere guhindura ikipe kuko yabwirwaga ko yabonerwa ikipe nziza mu Barabu.

Uyu mukinnyi bivugwa ko n’ubuyobozi bwa Rayon bwabivumbuye bukamwihorero, nk’uko twabyanditse mu nkuru iheruka, isoko rito ry’abakinnyi rizafungwa le 28 Mutarama 2024, nabona nta mahirwe ahari yo gusohoka muri iyi kipe, azahita atangira imyitozo.