Blog

Nyuma yo gukurwamo na Gabon muri President Cup, abasore b’u Rwanda baje bariye amavubi maze umujinya bawutura Kenya bayitsinda ibitego 32-24.

Ikipe y’igihugu y’u Rwanda ya Handball yatsinze Kenya ibitego 32-24 mu guhatanira umwanya wa 13-16 mu gikombe cy’Afurika, ihita ijya mu cyiciro cyo guhatanira umwanya wa 13 na 14.

U Rwanda rwakinaga na Kenya mu guhatanira umwanya wa 13 kugeza ku wa 16 mu gikombe cy’Afurika kirimo kubera mu Misiri guhera tariki ya 17 Mutarama kizasozwa tariki ya 27 Mutarama 2024.

U Rwanda rwatangiranye imbaraga nyinshi aho umukino wageze ku munota wa 6 rufite ibitego 5-0. Kenya yatsinze igitego cya mbere ku munota wa 7.

Abakinnyi b’u Rwanda bakomeje kwitwara neza harimo umunyezamu Uwayezu Arsene wakoze akazi gakomeye cyane.

Ni nako abakinnyi barimo Mbesutunguwe Samuel, Kubwimana Emmanuel birinze gukora amakosa menshi imbere y’izamu bituma u Rwanda rugera ku munota wa 20 ruyoboye n’ibitego 14-7.

Abakinnyi b’u Rwanda bari bamaze kwinjira mu mukino neza, bakomeje kuzamura umubare w’ikinyuranyo cy’ibitego aho igice cya mbere cyarangiye barusha Kenya ibitego 9. Byari 19-10.

Kenya yasoje igice cya mbere ituzuye ifite abakinnyi babri bari hanze bahawe iminota 2, ni nako batangiye igice cya kabiri bangana ariko u Rwanda ntirwabibyaza umusaruro kuko rwatsinzemo igitego kimwe bahita bakishyura.

Nubwo Mbesutunguwe wari wazonze Kenya mu gice cya kabiri yari yahawe umukinnyi umugendaho, ntibyumubujije kubatsinda ndetse n’ikinyuranyo kirazamu, ku munota wa 10 hari hamaze kugeramo ibitego 12, byari 24-12.

Kenya yaje kugabanya ibi bitego ariko birangira u Rwanda ruyitsinze ibitego 32-24.

Mbesutunguwe Samuel akaba ari we waje gutorwa nk’umukinnyi w’umukino aho ari na we watsinze ibitego byinshi, 12.

Nyuma yo gutsinda uyu mukino u Rwanda rukaba rugomba ku wa Gatanu kuzakina umukino wo guhatanira umwanya wa 13 na 14 n’ikipe iza gutsinda hagati ya Zambia na Congo Brazaville.

Yabigarutseho kuri uyu wa Gatatu tariki 24 Mutarama 2024, mu kiganiro yatanze mu Nama y'Igihugu y'Umushyikirano yabereye muri Kigali Convention Center, cyagarutse ku rugendo rw'Ubumwe n'Ubwiyunge rw'u Rwanda mu myaka 30 ishize Jenoside yakorewe Abatutsi ihagaritswe.

Muri iki kiganiro, Minisitiri Dr Bizimana yavuze ko politiki y'irondabwoko yimakajwe n'abategetsi b'u Rwanda nyuma y'ubwigenge, itahagarariye mu gihugu gusa ahubwo yageze no muri Repubulika Iharanira Demokarasi ya Congo mu myaka ya 1980.

Icyo gihe bikozwe n'ubutegetsi bw'u Rwanda ku bufatanye na Leta ya RDC, hashinzwe ishyirahamwe ryitwaga Magrivi [Mutuelle des Agriculteurs des Virunga] muri Rutshuru na Masisi.

Yagize ati 'Ryari ryubakiye kuri ya ngengabitekerezo ya rubanda nyamwinshi yakoreshwaga mu Rwanda. Ingaruka zayo zikaba zigikomeje no muri ibi bihe turimo.'

Minisitiri Dr Bizimana yavuze ko mu mateka y'u Rwanda, ubumwe bw'Abanyarwanda bwari umusingi igihugu cyubakiyeho haba mu mibereho, mu mibanire ndetse n'imiyoborere.

Yavuze ko ubwo bumwe bwasenywe n'Abakoloni kubera inyungu zabo maze bimakaza politiki y'irondabwoko ya “Mbatanye mbategeke”.

Ati 'Leta zayoboye u Rwanda nyuma y'ubwigenge, zimitse politiki ishingiye ku bumwe bw'abo zitaga rubanda nyamwinshi, yatanyije Abanyarwanda mu buzima bwabo bwose, zinimika irondakarere ritonesha aho abategetsi bakuru bakomokaga.'

Minisitiri Dr Bizimana yavuze ko uburezi bwo mu Rwanda rw'icyo gihe bwakoreshejwe mu gutanya Abanyarwanda, irondakoko n'irondakarere mu mashuri bishyirwa mu itegeko.

Ni itegeko ryahaga Minisitiri ushinzwe Uburezi, ububasha bwo gushyira 5% abo ashaka mu myanya. Icyo gihe Perefegitura za Gisenyi na Ruhengeri zihariraga 65% mu mashuri no mu kazi.

Ati 'Iyi mitegekere ishingiye kuri politiki y'igitugu no gutanya Abanyarwanda ni yo yatumye hagati ya 1990 na 1994 Leta ya MRND n'abo babyumvaga kimwe bibumbira mu gatsiko bise Hutu Power aho gushyira imbere ubumwe bw'Abanyarwanda, bashishikariza abaturage bamwe kwica abandi, bahitana Abatutsi barenga miliyoni mu mezi atatu gusa.'

Minisitiri Dr Bizimana yavuze ko Jenoside yahagaritswe na FPR Inkotanyi mu 1994 ariko yasigiye u Rwanda ibibazo by'ingorabahizi.

Byarimo ubwinshi bw'abakoze Jenoside bagombaga gufatwa no gucirirwa imanza, abacitse ku icumu rya Jenoside basabaga ubutabera buboneye kandi bwihuse.

Hari kandi Abanyarwanda barenga miliyoni 2 bari barahungiye mu bihugu bihana imbibi n'u Rwanda, abari baravanywe mu byabo, inkomere, imfubyi n'abana baburanye n'ababyeyi, bikajyana n'ibikomere byo ku mubiri no ku mutima.

Muri iki kiganiro yatanze, yavuze ko 'mu mateka y’u Rwanda, ubumwe bw’Abanyarwanda bwari umusingi u Rwanda rwubakiyeho haba mu mibereho, mu mibanire no mu miyoborere. Kubera inyungu zabo abakoloni barabusenye bimakaza politiki y’irondabwoko ya mbatanye mbategeke.”

Yagaragaje ko Gacaca yagize uruhare rukomeye mu kuzamura ubumwe bw’Abanyarwanda nk’uko byagaragajwe mu 2018 n’ubushakashatsi bwakozwe ku ruhare rwazo mu kubanisha Abanyarwanda.

Buriya bushakashatsi bwagaragaje ko 83% by’abemeye uruhare rw’abo muri Jenoside babisabiye imbabazi baniyemeza gutandukana burundu n’ingengabitekerezo yayo.

Ni mu gihe 85% b’abiciwe bagize ubutwari bwo kubana neza n’ababiciye no gutanga imbabazi ‘n’ubwo yari amahitamo atoroshye’.

Bizimana yashimangiye ko igipimo cy’ubumwe n’ubwiyunge mu banyarwanda cyagiye kizamuka buri mwaka. Ashingiye ku bushakashatsi bwo mu 2010, yavuze ko icyo gihe igipimo cyari kuri 82.3%, n’aho mu 2015 kigera kuri 92.5% n’aho mu 2020 bigera kuri 94.7%. Ibi bisobanuye ubwiyongere bwa 12.4 mu gihe cy’imyaka 10.

Bizimana yavuze ko ‘ibi ntibyikoze byavuye ku miyoborere myiza y’u Rwanda’. Yavuze ko igipimo cy’ubumwe n’ubwiyunge kigaragaza ko 99% by’abanyarwanda bemeza ko bashyize imbere ubunyarwanda bakanakomera ku ndangagaciro zibwimakaza.

Yavuze ko 94.6% by’abanbyarwanda bemeza ko basobanukiye amateka igihugu cyanyuzemo n’aho 97.1% bemeza ko babanye neza n’abaturanyi.

Ubushakashatsi bwa RGB bwo mu 2023, bwo bwerekanye ko Abanyarwanda 93.73% bishimira icyizere bafitiye inzego z’umutekano.

Kuri Minisitiri Bizimana, ni ubwa mbere mu Rwanda abaturage bibonamo inzego z’umutekano bakorana umunsi ku munsi ‘zitabahutuza’.

Bizimana yavuze ko igipimo cy’ubumwe n’ubwiyunge cyazamutse kubera ibyemezo bya Politiki byafashwe birimo: Kuvanaho indangamuntu zanditseho amako zatanyaga abanyarwanda, gusubiza abantu imitungo no gusaranganya amasambu;

Gushyiraho Ingabo z’u Rwanda zirimo n’abahoze mu Ngabo zakoze Jenoside, gushyiraho imirimo nsimburagifungo ifasha kugorora abihannye bagasaba imbabazi, gushyiraho inzego zirwanya ruswa n’akarengane, kwegereza ubuyobozi abaturage no kwifashisha umuco nyarwanda.

Minisitiri w'Ubumwe bw'Abanyarwanda n'Inshingano Mboneragihugu, Dr. Jean Damascène Bizimana, yatanze ikiganiro ku rugendo rw'ubumwe n'ubwiyunge bw'Abanyarwanda 

Mutesi Jolly wabaye Nyampinga w'u Rwanda 2016 ari mu bitabiriye Inama y'Igihugu y'Umushyikirano 

Minisitiri w’Urubyiruko n’iterambere ry’ubuhanzi, Dr Utumatwishima 

Umuyobozi Mukuru wa Kaminuza ya Kepler, Nathalie Munyampenda ari kumwe na Fiona Kamikazi ushinzwe itumanaho no kumenyekanisha ibikorwa muri I&M Bank

Uhereye ibumoso: Minisitiri w’Uburinganire n’Iterambere ry’Umuryango, Dr Uwamariya Valentin; Minisitiri wa Siporo, Munyangaju Aurore Mimosa na Minisitiri w’Ibikorwaremezo, Dr Jimmy Gasore  

Umuvugizi Wungirije wa Guverinoma y'u Rwanda, Alain Mukuralinda niwe wayoboye ibiganiro by'Umunsi wa Kabiri w'Inama y'Igihugu y'Umushyikirano 

Umuyobozi w’Urwego rw’Igihugu rushinzwe Imiyoborere, RGB, Dr Usta Kayitesi

Umunyamabanga Mukuru w’Umuryango FPR Inkotanyi, Wellars Gasamagera

Umugaba Mukuru w’Ingabo z’u Rwanda, Gen Mubarakh Muganga aganira n’Umunyamabanga wa Leta ushinzwe Ubutwererane bw’Akarere muri Minisiteri y’Ububanyi n’Amahanga n’Ubutwererane, Gen (Rtd) James Kabarebe

Minisitiri w’Ububanyi n’Amahanga, Dr Vincent Viruta [Uri iburyo] aganira n’Umuyobozi w’Ikigo cy’Igihugu cy’Iterambere (RDB), Francis Gatare

Kanda hano urebe amafoto menshi yaranze umunsi wa kabiri w’Inama y’Igihugu y’Umushyikirano

Ibi yabitangaje kuri uyu wa Gatatu taliki 24 Mutarama 2024, mu Nama y’Igihugu y'Umushyikirano iri kuba ku nshuro yayo ya 19.

Ubwo hari hagezweho umwanya wo kumva ibibazo bitandukanye, umutoza wungirije w'ikipe y'igihugu y'u Rwanda, Amavubi, ndetse akaba yaranayakiniye, Jimmy Mulisa, yatanze igitekerezo asaba ko hashyirwaho imbaraga mu marushanwa y'umupira w'amaguru n'indi mikino yo mu mashuri anasaba Perezida Kagame gusubira kuri sitade nk’uko mbere yabikoraga.

Yagize ati: 'Nakinnye umupira ngera ku rwego rwiza i Burayi ngera no mu bindi b'ibihugu mbona n'ukuntu bagenda babikora. Hari igitekerezo nari mfite numvaga nshaka kubasingiza nk'umuntu waje muri iyi Nama. Cyera hari ukuntu twakinaga umupira mu mashuri, mbona yuko ayo marushanwa asa nk’aho atagihari. Usanga abana barazamutse bagiye mu ikipe y'igihugu ugasanga hari ibyo babuze hari ibyo basimbutse ugasanga nk'umutoza birimo birakugora.

Icyo ni igitekerezo nshaka gutanga niba bishobotse twagarura ayo marushanwa ku mashuri abana bagakina bakabishyiramo imbaraga. Nk’umuntu wagize amahirwe, nzi neza ko uruganda rukomeye ngira ngo ni urwa siporo hari ukuntu rutanga akazi. Iyo ugiye kureba n'umuntu witwaye neza tuvuge mu mupira w'amaguru amafaranga ushobora kubona ndatekereza ko nta rindi shoramari ushobora gukora”.

Yakomeje agira ati: 'Ndabyibuka kera hari ukuntu wazaga kudufana, ngira ngo abehuraka kumva Amavubi ejo bundi twatsinze Afurika y’Epfo, ngira ngo tugiye no kujya muri sitade nziza, turagusaba yuko wakongera ukagaruka”.

Ubwo Perezida Kagame yafataga umwanya ngo asubize ibibazo, yavuze ko icyo kugarura amarushanwa mu mashuri, ababishinzwe babyumvise bagomba kubikurikirana bakabishyira mu bikorwa.

Ku kijyanye no kutakiga kuri sitade, yagize ati “Ndambyumva hari ibyo bansaba usibye ko nanjye mfite ibyo mbasaba. Hari ubwo nabikurikiranaga nyine, icyatumye kenshi ngabanya kujyayo ni bo byaturutseho, kuko hari ibintu wabonaga bidahindura, imico n'imyumvire y'ukuntu abantu bakwiriye kuba bakurikirana ibintu.

Ibintu by'imikino, by'amarushanwa bigenda bikajyamo ruswa, bikajyamo amarozi, gutsindisha amarozi bikajyamo… njye ntabwo nabijyamo niho byageze mbivamo. Njye nkunda siporo ariko sinakwishimira ibintu nk’ibyo bidashira.

Perezida Kagame kandi yasoje asaba Minisiteri ya Siporo gukurikirana ibibazo bihari bigakemuka.

Perezida Kagame yavuze ko impamvu atakijya kureba umupira kuri sitade ari ukubera ko urimo ibintu bidasobanutse bya ruswa n’amarozi

Jimmy Mulisa yasabye Perezida Kagame gusubira kuri sitade kureba imikino nk’uko mbere yabikoraga

Perezida wa Repubulika y’u Rwanda, Nyakubahwa Paul Kagame yabwiye Jimmy Mulisa wamusabye kugaruka gushyigikira ikipe y’igihugu Amavubi nka mbere ko ruswa n’amarozi nibabireka na we azagaruka kuko ari byo byahamukuye.

Ni icyifuzo Jimmy Mulisa akaba umutoza wungirije w’ikipe y’igihugu yamusabiye mu Nama y’Igihugu y’Umushyikirano, ku munsi wa yo wa kabiri wabaye uyu tariki ya 24 Mutarama 2024 muri Kigali Convention Centre.

Jimmy Mulisa yabanje gutanga igitekerezo cy’uko harebwa ukuntu hagarurwaho irushanwa ryo mu mashuri kuko ubwo ryari ririho ryagiye ritanga akamaro.

Ati “Kera hari ukuntu twakinaga umupira mu mashuri n’indi mikino, iryo rushanwa risa n’aho ritagihari, usanga umwana arazamutse agiye mu ikipe y’igihugu ugasanga hari ibyo yabuze, hari ibyo yasimbutse ugasanga umutoza birimo birakugora, icyo ni igitekerezo nashakaga gutanga ko bishobotse twagarura iryo rushanwa mu mashuri, abana bagakina bakabishyiramo imbaraga nyinshi cyane.”

Yashimangiye ko siporo ikozwe neza, umuntu akayigira umwuga nta kindi gishoro yakenera mu buzima bwe.

“Nk’umuntu wagize amahirwe nzi y’uko uruganda rukomeye ngira ngo ni siporo hari ukuntu itanga akazi kandi ugiye no kureba umuntu witwaye neza, tuvuge nko muri ruhago amafaranga ushobora kubona ndakeka ko nta kundi gushobora wakongera gukora.”

Yanasabye Perezida wa Repubulika y’u Rwanda, Paul Kagame ko yakongera kugaruka ku kibuga gushyigikira ikipe y’igihugu Amavubi.

Ati “Sinari kurangiza wenda ntakivuzeho, ndabyibuka kera hari ukuntu wazaga kudufana, ngira ngo abaheruka kumva Amavubi ejobundi dutsinda Afurika y’Epfo, tugiye no kujya muri Stade nziza, turagusaba y’uko wakongera ukagaruka.”

Ku cyifuzo cyo kugarura irushanwa ryo mu mashuri, Perezida Kagame yavuze ko abashinzwe Siporo babyumvise kandi bareba icyo bakuramo cyateza imbere Siporo.

Ati “Ibyo Mulisa yasabaga, abashinzwe ibya Siporo bakwiye kureba icyo bavanamo cyatuma Siporo itera imbere, bakabikora n’ubundi ni byo bashinzwe, hari ibihari byakabaye bikorwa hari n’ibindi byakongerwamo ikitabwaho kurushaho.”

Ku cyifuzo cya Jimmy Mulisa cyo kuba yagaruka ku kibuga gushyigikira ikipe y’igihugu Amavubi, yavuze ko uko babimusaba na we hari ibyo abasaba ari byo kubanza kureka ruswa n’amarozi kuko ari byo byamwirukanye ku kibuga.

“Ibya Perezida kujya gukurikirana iby’umupira nk’uko yawukurikiranaga, ndabyumva ibyo bansaba usibye ko nanjye mfite ibyo mbasaba, icyatumye kenshi ngabanya kujyayo ni bo byaturutseho, hari ibintu wabonaga bidahindura imico n’imyumvire y’ukuntu abantu bakwiye kuba bakurikirana ibintu.”

“Ibintu by’imikino n’amarushanwa bigenda bikajyamo ruswa, bikajyamo amarozi, gutsindisha amarozi, bikajyamo… ibyo biraciriritse njye ntabwo nabijyamo, ni ho byageze mbivaho, nibashaka gukora ibintu bizima bakumva ko Siporo ikwiye gukorwa uko ikorwa, ibyo nabibwiye Minisitiri wa Siporo ntabwo imyitwarire nk’iyo yakabaye yihanganirwa.”

Yakomejeavuga ko niba izindi nzego ibintu bifite uburyo bikorwamo bikagenda neza biciye mu mucyo ntabwo yumva ukuntu abandi banyura mu nzira zidakwiye.

Perezida Kagame yavuze ko yazaga kureba umupira kuko awukunda ndetse aniteguye gufasha aho bigenda neza, gusa mu gihe bakiri mu nzira zitari zo za ruswa n’amarozi ntabwo azabigarukamo.