Blog

Mimi Mehfira umunya-Ethiopia wegukanye igihangange mu muziki Meddy yafashe umwanya asangiza abamukurikira ku mbuga nkoranyambaga amafoto bari kumwe bombi aherekesha amagambo y'urukundo.

Muri ubu butumwa yatangiye atanga igisobanuro cy’urukundo asoza avuga ko Meddy ari Umwami we ati'Urukundo rurihangana, urukundo rugwaneza ntirwinuba ntirwikunda ntirwubahuka, ntirwikubira, ntirwivumbura ntiruzirikana ikibi.'

Akomeza asobanura neza icyo rukora gikwiriye by'umwihariko agaragaza kwizera no kwizerana nk'inkingi mwubatsi yarwo ati'Iteka rurarinda, rurizerana, rurizera rurahatana mu bikomeye. Iteka ryose umwami wanjye.'

Urukundo rwa Mimi na Meddy rufite inkomoko mu mwaka wa 2016 ubwo uyu muhanzi yatangiraga gukora ku mushinga w'indirimbo 'Ntawamusimbura' bikaba ngombwa ko asaba uyu mutegarugori kumufasha akemera kujya mu mashusho.

Nyuma y'igihe kitari gito abimusaba akaza kubyemera bagatangira ari inshuti, byaje kuvamo kuba abakunzi maze mu mpera za 2020 amwambika impeta hari mu Ukuboza ubwo Mimi yizihizaga isabukuru.

Muri Gicurasi 2021 baje guhuza inshuti n'imiryango muri Leta Zunze Ubumwe za Amerika mu birori by'ubukwe bwabo maze muri Werurwe 2022 Imana ibaha impano y'umwana w'umukobwa bise Myla Ngabo.

Imyaka irayingayinga icumi bamenyanye, igera muri 3 bemeranije kubana akaramataMimi ari mu mashusho y’indirimbo ebyiri za Meddy zose zakiriwe neza arizo My Vow na Ntawamusimbura

 

Aba bagabo bagwiriwe n’ikirombe gicukurwamo amabuye yo kubakisha azwi nk’Urugarika giherereye mu Mudugudu wa Ndagwa mu Kagari ka Nyarubuye mu Murenge wa Rugarika, ku wa 31 Mutarama 2024.

Ubwo bagwirwaga n’iki kirombe gifite ubujyakuzimu burenga metero 15, habanje gukurwamo umugabo w’imyaka 43 we yari yitabye Imana, mu gihe uyu wakuwemo nyuma akiri muzima, bakomeje kumushakisha.

Uyu Gafurafura Claver wakuwemo agihumeka, ikibazo bamusanganye ni umwuka mucye ndetse n’urutoki rwe rwaciwe n’ibuye ryamugwiriye, akaba yahise ajyanwa kwa muganga kugira ngo yitabweho.

Gusa iki kirombe cyabagwiriye, ni kimwe mu bitaremerwa nk’uko ubuyobozi bw’ibanze bubivuga ndetse bugasaba abantu kwirinda ubucukuzi butemewe.

Ubwo iki kirombe cyari kimaze kubagwira, Umuvugizi wa Polisi y’u Rwanda mu ntara y’Amajyepfo, SP Emmanuel Habiyaremye yagize ati 'Nk’iki kirombe ntabwo byari byemewe kuhacukura amabuye y’urugarika ni ukuvuga rero ko aba bagabo nubwo bagize ibyago bari bari no mu makosa yo gucukura mu buryo bunyuranyije n’amategeko.'

Byavugwaga ko Col Kazarama yaguye mu mirwano ikomeye iherutse kubera Mweso, yanahitanye inzirakarengane z’abasivile benshi, ndetse n’abarwanyi benshi ba M23.

Uyu wahoze ari umurwanyi muri M23, yaje abinyomoza, avuga ko ikirenze ibyo atakiba no muri M23, kuko yitandukanyije na yo mu myaka ya 2012 na 2013, gusa ngo aracyashyigikiye uyu mutwe.

Ati 'numvise amakuru avuga ko Col Kazarama yaguye mu bitero byabereye i Karuba werekeza i Mushaki ndagira ngo nyomoze ayo makuru kuko ndi muzima nta bicurane ndwaye ndi mu bikorwa byanjye by’iterambere.'

Yavuze ko nyuma yo kuva muri uyu mutwe, ubu yibereye mu bikorwa bye byo kwiteza imbere, bidafite aho bihuriye n’imirwano.

Gusa yaboneyeho kwihanganisha imiryango iherutse kuburira ababo muri ibi bitero bikomeye biherutse guhuza FARDC na M23 mu gace ka Mweso no mu nkengero zako.

Amakuru y’ifatwa ry’aba babyaza barimo uw’umugabo w’imyaka 28 n’umugore w’imyaka 36, yemejwe n’Urwego rw’Igihugu rw’Ubugenzacyaha (RIB), aho aba bombi bafungiye kuri Sitasiyo ya Kabaya mu gihe dosiye yabo igitunganywa kugira ngo ishyikirizwe Ubushinjacyaha.

Uru rwego ruvuga ko icyaha bakekwaho cyakozwe tariki 20 Mutarama 2024 ubwo umubyeyi umwe yazaga kubyarira ku Bitaro bya Kabaya, bagakomeretsa mu mutwe uwo mwana ubwo bamubyazaga, bikamuviramo urupfu.

RIB yagize iti “bamaze kubona ibyo bakoze, bahise batoroka ntibagaruka mu kazi bitewe nibyo bari bamaze gukora.'

Aba babyaza babiri, bafashwe nyuma y’icyumweru, kuko kuva icyo gihe tariki 20 Mutarama 2024 ubwo batorokaga, bafashwe ku ya 28 Mutarama.

RIB iboneraho gusaba abantu kudatoroka inzego, kuko aho batorokera hose, ubutabera butabura gukora akazi kabwo, kandi ko mu gihe bafashwe baratorotse, gutoroka na byo byongera ibyago byo kuba abantu bakurikiranwa bafunze.

Uyu mukino wabaye kuri uyu wa Kane saa mbili z’umugoroba ubera kuri Kingdom Arena. 

Mu bakinnyi ikipe ya Al Nassr isanzwe ikina shampiyona y’icyiciro cya mbere muri Arabia yari yabanje mu kibuga ntabwo harimo kizigenza Cristiano Ronaldo nyuma yuko yagize ikibazo cy’imvune.

Gusa no ku ruhande rwa Inter Miami ntabwo Lionel Messi yari yabanje mu kibuga ariko yaje kwinjiramo asimbuye ku munota wa 83.

Ibi bitego 6 bya Al Nassr byatsinzwe na Otavio ku munota wa 3,Talisca kuwa 10,51 no kuwa 73 ndetse na Aymeric Laoorta kuwa 12 na Khalil Marran kuwa 68.

Nubwo Umunya-Portugal, Cristiano Ronaldo atakinnye uyu mukino ariko yari ari muri sitade yicaye mu myanya y’icyubahiro ndetse hari n’amashusho ye yafashwe yishimira ibitego mu buryo budasanzwe.

Ikipe ya Inter Miami isanzwe ikina shampiyona y’icyiciro cya mbere muri Leta zunze ubumwe z’Amerika ntabwo ibintu bikomeje kugenda neza kubera ko baheruka kubona intsinzi mu kwezi kwa 10 ku mwaka ushize wa 2023.

Biteganyijwe ko ku cyumweru taliki 4 ari bwo izongera gukina undi mukino wa gishuti.

Al Nassr yanyagiye Inter Miami ibitego 6-0

Ikipe ya Messi yahuye n’uruva gusenya