Blog

BetKing Nigeria: Transforming Mobile Betting Betking App Review, Great Platform […]

The post BetKing Nigeria: Transforming Mobile Betting appeared first on UGWIRE.

Source : https://ugwire.com/betking-nigeria-transforming-mobile-betting/

Nigerian Betbonanza Bonuses: Improve Your Betting Experience Betbonanza Company Overview […]

The post Nigerian Betbonanza Bonuses: Improve Your Betting Experience appeared first on UGWIRE.

Source : https://ugwire.com/nigerian-betbonanza-bonuses-improve-your-betting-experience/

Perezida wa Pologne, Andrzej Duda n'umugore we, Agata Kornhauser-Duda bageze mu Rwanda ku mugoroba wo kuri uyu wa Kabiri tariki 6 Gashyantare mu 2024, mu ruzinduko rw'akazi.

Ku Kibuga cy'Indege cya Kigali I Kanombe bakiriwe na Minisitiri w'Ububanyi n'Amahanga, Dr Vincent Biruta.

Perezida Andrzej Duda wageze mu Rwanda avuye muri Kenya biteganyijwe ko mu minsi azamara mu gihugu azagirana ibiganiro na mugenzi we, Paul Kagame.

Muri Gicurasi 2021, Minisitiri w'Ububanyi n'Amahanga w'u Rwanda n'itsinda yari ayoboye bagiriye uruzinduko rw'iminsi itatu muri Pologne, aho yahavuye ibihugu byombi bigiranye amasezerano y'imikoranire mu nzego zitandukanye.

U Rwanda na Pologne bifitanye amasezerano y'imikoranire n'ubufatanye bwa Kaminuza n'amashuri makuru ku mpande zombi.

Kugeza ubu muri Pologne, habarizwa abanyeshuri b'Abanyarwanda bagera ku 1500, kandi ubuyobozi bw'iki gihugu bwishimira intambwe batera mu myigire n'imyitwarire myiza bagaragaza.

Ibihugu byombi muri Kamena 2023 byasinyanye amasezerano y'ubufatanye mu bya diplomasi akurikira arebana n'ubufatanye mu bya gisirikare.

Muri Nyakanga 2023, ibihugu byombi byasinyanye andi agamije kunoza ibikorwa byo gusoresha mu Rwanda, kugabanya ibyuho bikigaragara mu nzira zikoreshwa mu gukusanya imisoro, guhangana n'abanyereza imisoro no guteza imbere ikoranabuhanga mu bikorwa byose bijyanye n'imisoro.

Mu bijyanye n'ishoramari, Ikigo cy'Abanye-Pologne cya Luma Investment kiri mu byashoye imari mu Rwanda aho kihafite uruganda Luna Smelter rushongesha rukanatunganya amabuye y'agaciro yo mu bwoko bwa Gasegereti.

Mu Ukuboza 2022, i Kigali habereye inama y'Ubucuruzi n'Ishoramari hagati y'u Rwanda na Pologne [Polish-Rwanda Business Forum], yitabirwa n'ibigo by'ishoramari bigera ku 150 byo ku mpande zombi.

• Ubuyobozi bw'Ingoro ya 'Bikira Mariya Nyina wa Jambo' iri i Kibeho, mu Karere ka Nyaruguru bwatangaje ko imyiteguro yo kwakira Perezida wa Pologne Andrzej Sebastian Duda na Madamu we Agata Kornhauser—Duda igeze kure, ndetse ngo nubwo azahanyura afite urundi rugendo ariko byitezweho gutuma abanya-Pologne bahasura barushaho kwiyongera.

Mu ruzinduko Perida wa Pologne, Andrzej Sebastian Duda na Madamu we Agata Kornhauser—Duda bazagirira mu Rwanda kuva tariki 6-8 Gashyantare 2024, harimo n'umwanya wo gusura ingoro ya 'Bikira Mariya Nyina wa Jambo', nyuma yaho akazasura ikigo cy'abana bafite ubumuga bwo kutabona aho i Kibeho, na ho akazageza ijambo ku bazaba bahari.

Umuyobozi w'Ingoro ya Bikira Mariya i Kibeho, Padiri Harerimana François avuga ko imyiteguro bayigeze kure, kuko uyu ari we mukuru w'igihu wa mbere bagiye kwakira agiye kuhasura gusa.

Ati 'Azahanyura by'agahe gato uko batubwiye, ntabwo ari ho azaba aje ngo ahatinde ariko ni urugendo rufitanye isano n'igikorwa n'ubundi yaje aje gusura kuko aje gusura ririya shuri ry'abana batabona bagizemo uruhare mu gufasha ababikira baryubatse kandi na ryo barizanye hariya bakurikije ayo mabonekerwa yabereye i Kibeho, mbese ni yo yatumye baza i Kibeho n'ubundi.'

'Mu bihe byashize haje abayobozi bo muri Guverinoma ya Pologne barahasura, ariko noneho Perezida ariyiziye na Madamu we ni yo makuru dukesha Ambasade na Minisiteri y'Ububanyi n'Amahanga yacu. Ubu rero imyiteguro irarimbanyije, baje kureba uko hameze no kudufasha gutegura, ari na ko kwitegura kuko ni abashyitsi bakomeye baje i Kibeho, ariko ni ubwa mbere haza umukuru w'igihugu, urumva rero twabifashijwemo n'izo nzego z'ubuyobozi cyane cyane MINAFFET.'

Padiri Harerimana yavuze ko kuba iyi ngoro isurwa n'abayobozi bavuye imihanda yose ari ikimenyetso cy'uko yamaze kumenyekana by'umwihariko mu gihugu cya Pologne kuko hari benshi mu bakirisitu baho bajya bitabira ingendo nyobokamana i Kibeho.

The post Mu ruzinduko rw'Akazi: Perezida wa Pologne, Andrzej Duda n'umugore we, Agata Kornhauser-Duda bageze mu Rwanda appeared first on RUSHYASHYA.

Source : https://rushyashya.net/mu-ruzinduko-rwakazi-perezida-wa-pologne-andrzej-duda-numugore-we-agata-kornhauser-duda-bageze-mu-rwanda/?utm_source=rss&utm_medium=rss&utm_campaign=mu-ruzinduko-rwakazi-perezida-wa-pologne-andrzej-duda-numugore-we-agata-kornhauser-duda-bageze-mu-rwanda

• Ikinyamakuru 'foot mercato' cyatangaje ko umunya_Portugal w'imyaka 25 Rafael Leão ashaka gusohoka muri AC Milan akerekeza muri shampiyona imwe hagati ya Esipanye (La Liga) niya Bongereza (premier league), gusa hari amakuru yamwerekezaga muri Paris saint Germain ariko we bivungwa ko adashaka kujya muri Ligue 1.

.                      Rafael Leão ushaka kwerekeza muri premier league cyangwa La Liga 

• Ikipe ya Chelsea bivungwa ko yagize ubwoba bwo kwirukana umutoza wayo

Mauricio Pochettino bitewe nuko batinya ibihano abashinzwe shampiyona y'a Bongereza (premier league) bashobora kuyifatira bigendeye ku kwica amabwiriza ayigenga mubijyanye no kugura no kugurisha abakinnyi n'abatoza. gusa ikinyamakuru 'La Parisien' cyatangaje iyinkuru cyibuga ko akomeje gushyirwaho igitugu cyo kubaka ikipe nziza.

. Mauricio Pochettino Umutoza wa Chelsea 

• Ikinyamakuru 'Diario sport' cyatangaje ko Joan Laporta umutoza w'inzozi ze yumva yatoza ikipe ya Barcelona itorohewe muri iyi minsi ari Umudage w'imyaka 56 Jürgen Klopp iki kinyamakuru cyahishuye ko Barcelona yagerageje ku muganiriza mu myaka ibiri ishize ariko ntihagire icyo bitanga ku bwumvike kubijyanye n'imikoranire.

    Jürgen Klopp Umutoza wifujwe na Barcelona 

• Ikinyamakuru 'Daily star' cyatangaje ko ikipe ya Al Nassr iri mubiganiro n'umufaransa w'imyaka 30 Raphaël Varane ndetse na Manchester United akinamo ngo babe bakumvika kwigurwa rye aho nawe ashaka gusanga Ronaldo bahoze bakinana muri Real Madrid.

.  Myugariro Raphaël Varane ushakwa na Al Nassr 

• Ikinyamakuru 'Soccernet' kiratangaza ko umusore w'imyaka 26 Victor Osimhen ukomoka muri Nigeria ukinira Napoli ko amakipe arimo Arsenal na Chelsea yifuza gusinyisha uyu musore gusa uyu musore afite Amasezerano ya Napoli afite agaciro ka Miliyoni 111£.

.  Rutahizamu Victor Osimhen wa Napoli na Nigeria uri gushakwa na Arsenal na Chelsea 

• Umunya-Darmak w'imyaka 31 Christian Eriksen agiye kwerekeza muri Galatasaray nk'intizanyo ariko harimo ubwumvikane bwo ku mugura.

Umukinnyi wo hagati mukibuga Christian Eriksen igiye kwerekeza muri Galatasaray

• Ikipe ya Manchester united irashaka kuvugurura amasezerano ya Kobbie Mainoo muri iyi Kamena ya 2024 nyuma yuko akomeje kwitwara neza.

Umusore Kobbie Mainoo ufite imyaka 18 agiye kuvugururirwa amasezerano na Manchester United 

 

Source : https://yegob.rw/imikino-bite-bya-jurgen-klopp-muri-barca-rafael-leao-arerekeza-he-nava-muri-ac-milan-kubera-iki-chelsea-ifite-ubwoba-bwo-kwirukana-mauricio-pochettino/

Amakuru agezweho mu mikino: Umukinnyi w'umunyamahanga wahembwaga akayabo muri APR FC yabonye ikipe nshya.

Umunya Cameroon Salomon Charles Banga Bindjeme wakiniriga ikipe y'Ingabo z'Igihugu APR FC yamaze kubona ikipe nshya yitwa Al-Shorta SC ikina shampiyona y'icyiciro cya mbere mu gihugu cya Iraq iyi kipe kandi irakomeye cyane dore ko iri kumwanya wa kabiri muri Iraq Premier League.

Myugariro Salomon Charles Banga Bindjeme utabonaga umwanya uhagije mu ikipe ya APR FC ubu yamaze kugera mu gihugu cya Iraq aho agiye gukinira ikipe ye nshya ya Al-Shorta SC yamuguze imukuye muri APR FC.

Source : https://yegob.rw/amakuru-agezweho-mu-mikino-umukinnyi-wumunyamahanga-wahembwaga-akayabo-muri-apr-fc-yabonye-ikipe-nshya/

Paris Jackson ni umunyamideli akaba n’umukinnyi wa filime, by’umwihariko ni umwana wa kabiri akaba n’umukobwa umwe rukumbi wa nyakwigendera Michael Jackson wafatwaga nk’umwami w’injyana ya ‘Pop’.

Uyu mukobwa warumaze igihe atavugwa, yongeye kugarukwaho cyane ku mbuga nkoranyambaga nyuma yaho aherutse kwitabira ibirori bya ‘Grammy Awards 2024’ yihinduye mushya bitewe n’uko yari yahishe ibishushanyo ‘Tattoos’ biri ku mubiri we nyamara asanzwe abifite bigera kuri 80.

Umukobwa wa Michael Jackson afite ‘Tattoos’ 80 ku mubiri we

Abamubonye atambuka ku itapi itukura batunguwe no kubona umubiri we wera ntagishushanyo na kimwe kimuriho hibazwa uko yaba yabigenje kugira ngo abashe guhisha izi ‘Tattoos’ zisanzwe zimuranga. 

Ntiyatinze nawe yasangije abamukurikira kuri Instagram urugendo ry’amasaha 8 yamaze bamusiga ibirungo by’ubwiza birimo ‘Conceal’ na ‘Foundation’ bya Cover UpX bikunze gukoreshwa muri filime.

Paris Jackson yitabiriye Grammy Awards 2024 yahishe ibishushanyo afite ku mubiri

Mu kiganiro Paris Jackson yagiranye na Hollywood Unlocked yatangaje impamvu yahishe ibi bishushanyo bye anakomoza ku kuba asigaye yicuza kuba yarabyishyizeho. Yagize ati: ”Nagiye muri Grammy nabihishe kuko maze kurambirwa ko ahantu hose ngiye abantu barangarira tattoos zanjye. Ntabwo arinjye baba bareba ahubwo baba barangariye ibinyanditseho”.

Yahishuye ko bimubangamira iyo abantu bamwitegereza bareba ibishushanyo bye cyangwa bamubaza ibisobanura byabyo

Yakomeje agira ati: ”Birangora kumara amasaha menshi nsobanurira abantu igisobanuro cy’ibishushanyo bindiho. Unyegereye usanga aba ambaza buri gishushanyo cyose icyo kivuga cyangwa impamvu nabishyizeho. Izi Tattoos zituma benshi bamfata uko ntari”.

Uyu munyamideli ngo asigaye yicuza kuba yarashushyanyije ku mubiri we

Paris Jackson w’imyaka 25 y’amavuko yavuze ko yicuza kuba yariyanditse ku mubiri we. Mu magambo ye yagize ati: ”Kugeza ubu mfite tattoos 80 ku mubiri wanjye ku bice bitandukanye. 

Mu by’ukuri ndireba mu ndorerwamo simbibone nk’ubwiza ahubwo nsigaye mbona byaranyanduje. Sinkibikunda nk’uko nabikundaga mbishyiraho. Nicuza kuba narafashe umwanzuro wo kubyishyiraho nkiri muto ntabanje no gutekereza ku ngaruka zabyo”.

Source : https://inyarwanda.com/inkuru/139406/umukobwa-wa-michael-jackson-aricuza-gushyira-ibishushanyo-80-ku-mubiri-we-139406.html

Ibihembo bya Grammy Awards ku nshuro ya 66 byatanzwe kuwa 04 Gashyantare 2024, byasize inkuru zitandukanye, udukoryo n'udushya tutazibagirana, gusa uyu munsi turagaruka ku rugendo rwa Victoria Monet wegukanye ibihembo bitatu: Best New Artist, Best R&B Album na Best Engineered Album, Non Classical.

Icyiciro cya Best New Artist ubundi ushobora kucyumva, ukumva gikwiriye kwegukanwa n'umuhanzi ukiri muto mu myaka, nyamara burya imyaka si yo igenderwaho, hagenderwa ku yo akenshi umaze mu muziki ukora ibintu byihariye.

Victoria yavukiye muri Atlanta ho muri Leta ya Georgia kuwa 01 Gicurasi 1989, aza kwimukira muri Sacramento i California akiri muto. Yatangiye kugaragaza ubuhanga mu muziki akiga mu mashuri yo hasi aho yanaririmbaga muri Korali y'Urubyiruko.

Yiga mu cyiciro rusange cy'amashuri yisumbuye, yatangije itsinda rye ryo kubyina byanatumye atangira kuba umwarimu w'ababyinnyi. Mu bihe binyuranye yabaga asangira n'abavandimwe na babyara be ibihangano by'ubuhanzi mu guhanga [Poetry] byanabaye imbarutso yo kwinjira mu muziki mu buryo bweruye.

Yaje gutangira kwimenyereza gutunganya umuziki abifashishijwemo na bamwe mu babikoraga by'umwuga mu gace yari atuyemo kugeza ubwo yasabwaga na Rodney Jerkins kujya muri Los Angeles akamugira umwe mu bagize itsinda ry'umuziki ry'abakobwa yarimo atangiza.

Imikorere y’iri tsinda ntabwo yaje kumara igihe. Nyuma yo gutandukana, Victoria yiyemeje gutangira kwandikira abahanzi indirimbo ashakisha amafaranga yamufasha gutangira umuziki ku giti cye.

Yaje kubona amahirwe yo gusinyana amasezerano na Atlantic Records nk'umuhanzi wigenga, gusa akomeza kujya yandika indirimbo nk'akazi ka buri munsi.

Kuwa 30 Ukwakira 2014 yashyize hanze EP ya mbere yise Nigtmares&Lullabies, nyuma aza gushyira hanze indirimbo Better Day yakoranye na Ariana Grande, hari kuwa 10 Nyakanga, 2016.

Victori yaje kuba umwe mu baririmbye mu ruhererekane rw'ibitaramo rw'itsinda rya Fifth Harmony muri Amerika y'Amajyaruguru muri ibyo bitaramo Ariana Grande yanifatanije n'uyu muhanzikazi.

Muri Nzeri 2016, Ariana Grande yatangaje ko Victoria ari mu bahanzi bazamufasha mu ruhererekane rw'ibitaramo bya Dangeroius Womana muri Amerika y'Amajyaruguru n'Uburayi.

Victoria yaje gukora indirimbo zirimo Do You Like it na Ready yagiye hanze ubwo bari mu bitaramo bya Ariana Grande muri Mata 2017 maze mu 2018 akora ku mushinga yahurijeho indirimbo zinyuranye yise Life After Love.

Kuwa 01 Mata 2019, Victoria na Ariana Grande bashyize hanze indi ndirimbo bakoranye bise Monopoly ubwo Grande yarimo akora uruhererekane rw'ibitaramo bizenguruka isi bya Sweetener.

Ni indirimbo yatangiriye mu 100 zishyushye kuri Billboard iri ku mwanya wa 70, bikaba byaranatumye Victoria ashyirwa ku mwanya wa 16 r'abahanzi bo kwitegwa rwa Billboard.

Mu mpera za 2019, Victoria yashyize hanze Ass Like That yanabaye iy'amateka maze mu ntango za 2020 ashyira hanze Moment. Ibi byatumye Apple Music nayo itangira kumwerecyezaho amaso.

Muri Kamena 2020 yakoranye Experience na Khalid hamwe na SG Lewis iri mu zaje ku muzingo wa mbere w'uyu mukobwa Jaguar. Umwaka wa 2021 yawusozanije indirimbo zirimo F.U.C.K na Coastin igaragaramo icyamamare muri rwenya Rickey Thompson.

Muri Kamena 2022 yaririmbye mu birori bya BET Awards ya 22. Umwaka wa 2023 wasize akoranye Smoke na Lucky Daye, Party Girls na Buju Banton, On My Mama anasubiranamo na Michael Brun iyitwa “Party Girls” bayishyira mu njyana ya Dancehall.

Victoria ari mu bagize uruhare mu kwandika indirimbo Thank U Next yaciye ibintu y'inshuti ye magara Ariana Grande, yakoze kandi kuri Memories Back ya T.I, B.O.B na Kendrick Lamar.

Mu zindi yanditse harimo Drunk ya Chris Brown, nyinshi mu za Fifth Harmony ni we wagiye azandika nka No Way, Ice Cream ya Blackpink na Selena Gomez n'izindi nyinshi.

Binyuze mu mishinga yakoranye na Ariana Grande yahataniye Grammy Awards inshuro ebyiri kuri 7Rings nka Yearly Record kimwe na Thank U Next nk'umuzingo w'umwaka.

Mu Ukuboza 2020 ni bwo Victoria yatangaje ko atwite imfura ye yaje kwibaruka kuwa 21 Gashyantare 2021 umwana w'umukobwa yise Hazel Monet.

Uyu mwana yaje guca agahigo ko kuba umuntu muto mu mateka ya Grammy Awards ubashishije guhatanira ibi bihembo biturutse ku gitwenge cye kiri mu ndirimbo ya nyina umubyara Victoria, Hollywood yari ihatanye mu cyiciro cya Best Traditional R&B Performance ku nshuro y'ibi bihembo ya 66.

Victoria yegukanye ibyiciro bigera kuri 3 muri Grammy Awards ku nshuro yayo ya 66Ari mu banditsi beza b’indirimbo isi ifite akanagira ubuhanga mu muziki n’ubuhanga mu guhangaBinyuze mu ndirimbo Hollywood umukobwa we ku myaka 2 n’iminsi 348 yaciye agahigo ko kuba mu bahataniye Grammy Awards ari mutoVictoria yabyaranye na John Gaines usanzwe ari we ushinzwe imyitozo ngoramubiri y’uy’umuhanzikazi 

Source : https://inyarwanda.com/inkuru/139399/aratangaje-ubuzima-bwa-victoria-monet-wegukanye-grammy-nkumuhanzi-mushya-mwiza-ku-myaka-34-139399.html

Nyuma y'umukino wahuza ikipe ya Chelsea na Wolves warangiye ikipe ya Chelsea igayitse bikomeye kuko yanyagiwe na Wolves ibitego bine kuri 2 bibiri.

nyuma y'umukino uyu mugore wa Thiago Silva witwa Isabelle da Silva yagiye kumbuga nkoranyambaga ze harimo na X yahoze ari twitter yandika asaba ko hakorwa ibishoboka byose hagakorwa impinduka muri Chelsea Kandi vuba.

yagize ati 'Ni igihe cyo guhinduka. Nimutegereza muzasanga mwaratinze.'

ibi ni inshuro ya Kabiri abikora kuko ubwo ikipe ya Manchester city iheruka Gutsinda Chelsea igitego kimwe kuri zero nabwo yasabye Chelsea ko yakoraa impinduka ihereye ku mutoza.

ubu ikipe ya Chelsea iri kumwanya wa 11 n'amanota 31 uyu ni umunsi wa 23 wa shampiyona y'a Bongereza (premier league).

Amagambo ya Isabelle da Silva yanyujije kuri X yahoze ari twitter 

 

Source : https://yegob.rw/umugore-wa-thiago-silva-nyuma-yo-kubona-imibare-ikomeje-kuba-ibihekane-muri-chelsea-yagiriye-inama-chelsea-ikomeye/

Nyuma yuko ikipe ya Cameroon itarenze muri 1/8 mu gikombe cya Africa kiri kubera muri Cotê D'Ivoire hagiye hatanganzwa ko mw'ishyirahamwe ry'umupira w'amaguru muri Cameroon (Fecafoot ) bitifashe neza ndetse bivungwa ko n'umutoza w'ikipe y'igihugu ya Cameroon Rigobert Song yirukanwe mw'ibanga.

 

Nyuma zizo nkuru humvikanye andi makuru yavuga ko umuyobozi w'ishyirahamwe ry'umupira w'amaguru muri Cameroon Eto'o Samuel yasabye ko yakegura kunshingano zo kuriyobora ariko abagize committee nyobozi barabyanga nkuko babitangaje mw'itangazo rigenewe abanyamakuru.

 

ibi babyanzuriwe mu nama yabaye kuri uyu wa 5 Gashyantare 2024 yateraniye muri Hilton hotel iherereye mu murwa mukuru wa Cameroon Yaoundé.

 

Eto'o Samuel yanyuze mu macyipe atandukanye akomeye ku mugabane w'iburayi nka Chelsea, FC Barcelona na Inter Milan. Uyu mwanya wo kuyobora ishyirahamwe ry'umupira w'amaguru muri Cameroon awumazeho imyaka 3 kuko yatowe muri 2021.

 

Source : https://yegob.rw/ubwegure-bwa-etoo-samuel-bwatewe-utwatsi-na-fecafoot/

Source : http://www.ukwezi.rw/Mu-mahanga/article/FARDC-yatakambye-ngo-igihano-cyihanukiriye-gihabwa-abasirikare-bata-urugamba-gikurweho